Iragarkia

183. ALDIZKARIA - 2026ko irailaren 15a

1. NAFARROAKO FORU KOMUNITATEA

1.7. BESTELAKOAK

535/2026 EBAZPENA, abuztuaren 7koa, Hezkuntzako eta Lanbide Heziketako zuzendari nagusiak emana, jarraibideak onesten dituena Nafarroako Lanbide Heziketaren Sistemako graduetako eskaintzak ematen dituzten ikastetxe publikoetako antolakuntza eta funtzionamendua arautzeko, Lanbide Heziketako irakaskuntzei eta programa espezifikoei dagokienez, 2026-2027 ikasturtean.

Lanbide Heziketa Antolatu eta Integratzeari buruzko martxoaren 31ko 3/2022 Lege Organikoak Lanbide Heziketaren Sistema arautzen du, integratua, malgua eta akreditagarria izan eta bizi osoko irakaskuntzara bideratuta egon dadin, eta eskaintzek, programek, prozedurek eta zerbitzuek modu koordinatuan erantzun diezaieten pertsonen, ikastetxeen, enpresen, ekoizpen sektoreen eta gizartearen premiei.

Lanbide Heziketaren Sistemaren antolamendua garatzen duen uztailaren 18ko 659/2023 Errege Dekretuak, halaber, oinarrizko esparru hori osatzen du, eta A, B, C, D eta E graduen arkitektura ezartzen du, bai eta elementu berri batzuk ere antolakuntza, curriculum, prozedura eta kalitatearen aldetik, zeinak modu espezifikoan planifikatu behar baitituzte hezkuntza administrazioek eta ikastetxeek.

Horrekin guztiarekin, 2026-2027 ikasturtea finkatze-ikasturte bat izanen da, 3/2022 Lege Organikoari eta 659/2023 Errege Dekretuari egokitutako D graduko curriculum berriak erabat ezartzeari dagokionez. Gainera, 2026-2027 ikasturtea Nafarroako Lanbide Heziketaren Sistemako beste programa eta prozedura batzuk integratzean aurrera egiteko ikasturte bat izanen da. Besteak beste, lan eginen da hauek ezartzeko: Etengabeko Prestakuntza, lanbide konpetentziak, helduen oinarrizko konpetentziak akreditatzea, lanbide orientazioa, enpresako edo pareko erakundeko prestakuntza, berrikuntza, nazioarteratzea, kalitatea, erreferentzia zentroak, bikaintasun zentroak eta Nafarroako Gobernuaren tramiteen katalogoari lotutako zerbitzuak.

Ebazpen honen xedea da ematea, 2026-2027 ikasturterako, Lanbide Heziketaren Sistemako graduak eskaintzen dituzten ikastetxeetako antolaketaren eta funtzionamenduaren gaineko jarraibideak, Lanbide Heziketako programa espezifikoei dagokienez. Horrenbestez, antolakuntza, prozedura eta kudeaketa ebazpen bat da, eta Lanbide Heziketako ikastetxeetako ikasturte hasierako jarraibideen gaineko ebazpen orokorra osatzen du. Hala, koherentzia ematen dio gidalerro amankomunak, koordinazioa eta jarraipena eskatzen dituzten jarduketa espezifikoen multzo handiari.

Ebazpena espezifikoki mugatuta dago Lanbide Heziketaren Sistemako ikasleen ebaluazioari dagokionez. Ez dira ebazpen honen xedeen barnean sartzen honako hauei buruzko zehaztapenak: ebaluazioa, kalifikazioa, mailaz igotzea, titulazioa, ziurtagiri akademikoak, deialdiak, erreklamazioak, ebaluazio agiri ofizialak, azken aktak eta ebaluazioaren berezko ondorio akademikoak. Hala, ebaluazio araudi espezifikoaren eta Lanbide Heziketaren Sistemaren ebaluazioa arautzen duen foru agindua ezartzeko ematen diren jarraibideen arabera arautuko dira.

Bereiztea ezinbestekoa da arauak elkarri ez gainjartzeko, segurtasun juridikoa hobetzeko, ikastetxeek errazago aplika dezaten araudia eta Lanbide Heziketako programa espezifikoek plangintzarako, kudeaketarako eta garapenerako esparru propio bat izan dezaten, ebaluazioaren araudi espezifikoa ukitu gabe.

Ebazpenaren egitura xede horren araberakoa da. Aplikatzekoak diren irizpideen hasierako kapitulu baten ondoren, honako hauek arautzen dira: Lanbide Heziketaren Sistemako Etengabeko Prestakuntza A, B eta C graduetan; lanbide konpetentziak akreditatzeko prozedura; helduen oinarrizko konpetentziak akreditatzeko prozedura; lanbide orientazioa Lanbide Heziketaren Sistemako LH-Bidea programaren bidez; enpresako edo pareko erakundeko prestakuntza eta izaera dualeko antolakuntzako garapena; berrikuntza, digitalizazio, ekintzailetza eta lankidetza LH-Think programak; Lanbide Heziketaren nazioarteratzea; EQAVET esparruan Lanbide Heziketaren Sistemaren kalitatea; Nafarroako Lanbide Heziketaren Sistemako ikastetxe sarea; hobekuntza, hedapen, lankidetza eta aitortza programak; D eta E graduak ezartzeko eta garatzeko antolakuntza jarraibideak, ebaluazioari lotu gabekoak; ebaluazio arloko programazioak eta antolakuntza trantsizioa, eta Nafarroako Gobernuaren zerbitzuen katalogoan eskuragarri dauden Lanbide Heziketaren SIstemako zerbitzuak.

Ebazpenak, halaber, barne hartzen ditu antolakuntzako, dokumentazio edo izaera instrumentaleko sei eranskin: jarraibideen testua; laneko arriskuen prebentzioko oinarrizko mailako ziurtagiriaren eredua; oinarrizko mailako zikloetako eremu ez-profesionaletako konpetentzia espezifikoak enpresako edo pareko erakundeko prestakuntza planean sartzeko erreferentzia orientagarria; enpresako edo pareko erakundeko prestakuntzaren prestakuntza planaren eredua; prestakuntza horri uko egiteko eredua, eta Lanbide Heziketako programa espezifikoen ordutegi kodifikazioaren koadroa.

Horrekin guztiarekin, ikastetxeei tresna argi, ordenatu eta erabilgarri bat eskaini nahi die 2026-2027 ikasturterako. Tresna horrek Lanbide Heziketaren Sistemaren egungo konplexutasuna aitortuko du, zerbitzuen eta ikastetxeen arteko koordinazioa erraztuko du, programa espezifikoei eusteko kudeaketa lana ikusgarri eginen du eta Nafarroako Lanbide Heziketaren Sistema integratua, etengabeko hobekuntzara bideratua eta pertsonekin eta ekoizpen ingurune eta ingurune sozialarekin lotutakoa egonkortzen lagunduko du.

Horrenbestez, eta ikusita Lanbide Heziketaren Plangintza eta Integraziorako Zerbitzuko zuzendariaren aldeko txostena onets daitezen Lanbide Heziketaren Sistemako eskaintzak ematen dituzten ikastetxeen antolakuntzaren eta funtzionamenduaren jarraibideak, Lanbide Heziketako programa espezifikoei dagokienez. Eta bat etorriz Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak baliatuta,

EBAZTEN DUT:

1. Onestea ebazpen honen eranskinetan jasotako jarraibideak; 2026-2027 ikasturtean, haiekin bat etorri beharko dute Nafarroako Lanbide Heziketaren Sistemako D eta E graduetako eskaintzak ematen dituzten ikastetxe publikoen antolakuntzak eta funtzionamenduak, lanbide prestakuntzako programa espezifikoei, jarraibideetan ezarritako baldintzei eta parte hartzen duten eskaintza, programa, prozedura edo jarduketetan ezarritako baldintzei dagokienez.

2. Ebazpen honen eranskinetan jasotako jarraibideak aplikatzekoak izanen dira, egoki denean, Nafarroako Lanbide Heziketaren Sistemako D eta E graduetako eskaintzak ematen dituzten ikastetxe pribatu eta ikastetxe eta entitate pribatu itunduetan, haiei eragiten orotan Lanbide Heziketaren Sistemako programa, prozedura, zerbitzu edo jarduketetan parte hartzeari dagokionez, baldin eta horiek Hezkuntza Departamentuak sustatu, baimendu, finantzatu edo koordinatu baditu. Edonola ere, horrek ez eragozten beren araubide juridiko propioa, ez eta aplikatzekoak diren deialdietan, hitzarmenetan, itunetan, baimenetan edo jarraibide espezifikoetan ezarritako baldintzak.

3. Ebazpen honen eranskinetan jasotako jarraibideak aplikatzekoak izanen dira, hala dagokionean, beste ikastetxe, entitate edo agente batzuetan, baldin eta Hezkuntza Departamentuak sustatutako, baimendutako finantzatutako edo koordinatutako Lanbide Heziketaren Sistemako programetan, prozeduretan, zerbitzuetan edo jarduketetan parte hartzen badute. Edonola ere, horrek ez du haien araubide juridiko propioari kalte eginen, ez eta aplikatzekoak diren deialdietan, hitzarmenetan, itunetan, baimenetan edo jarraibide espezifikoetan ezarritako baldintzei ere.

4. Ebazpen hau eta eranskinak Nafarroako Aldizkari Ofizialean argitaratzea.

5. Ebazpen hau eta eranskinak igortzea, behar diren ondorioak izan ditzan, Azpiegituretako, Digitalizazioko eta Hezkuntza Zerbitzuetako Zuzendaritza Nagusira, Langileriaren Zuzendaritza Nagusira, Lanbide Heziketaren Plangintza eta Integraziorako Zerbitzura, Lanbide Heziketaren Modernizaziorako eta Berrikuntzarako Zerbitzura, Hezkuntzako Informazio Sistemen Zerbitzura, Hezkuntzako Teknologien eta IKT Azpiegituren Zerbitzura, Hezkuntzako Ikuskapen Zerbitzura, Ikastetxeetako Informazioa Kudeatzeko Atalera eta hezkuntza entitateetara eta ikastetxeetara.

6. Ebazpen honen eta eranskinen aurka gora jotzeko errekurtsoa jar daiteke, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.

Iruñean, 2026ko uztailaren 16an.–Eleaniztasunaren eta Arte Ikasketen Zerbitzuko zuzendaria, Sonia García Cifuentes (Hezkuntzako kontseilariaren martxoaren 11ko 16/2026 Foru Agindua, zeinaren bidez izendatzen baitira Hezkuntza Departamentuko zuzendari nagusien eta idazkari tekniko nagusiaren ordez aldi baterako arituko direnak).

I. ERANSKINA.–JARRAIBIDEAK, LANBIDE HEZIKETAREN SISTEMAKO GRADUAK ESKAINTZEN DITUZTEN IKASTETXEEN ANTOLAKUNTZA ETA FUNTZIONAMENDUA ARAUTZEN DITUZTENAK LANBIDE HEZIKETAKO PROGRAMA ESPEZIFIKOEI DAGOKIENEZ. 2026-2027 IKASTURTEA

I. KAPITULUA.–LANBIDE HEZIKETAKO PROGRAMA ESPEZIFIKOEN JARRAIBIDEAK APLIKATZEKO IRIZPIDE OROKORRAK

1. Kapituluaren xedea.

Kapitulu honek xede du irizpide orokorrak ezartzea, jarraibide hauek aplika daitezen: jarraibideak, 2026-2027 ikasturtean Lanbide Heziketaren Sistemako graduak eskaintzen dituzten ikastetxeen antolakuntza eta funtzionamendua arautzen dutenak Lanbide Heziketako programa espezifikoei eta irakaskuntzei dagokienez.

Jarraibideek antolakuntza, funtzionamendua eta prozedura dituzte ardatz, eta xede dute Nafarroako Lanbide Heziketaren Sistemako programa espezifikoak modu homogeneoan, koordinatuan eta eragingarrian aplikatzea erraztea, ikastetxeen autonomiaren eta Hezkuntza Departamentuari atxikitako eskumenen esparruan.

Jarraibideak ikastetxe bakoitzean ezartzean, koherentzia mantendu beharko da ikastetxeko proiektu funtzionalarekin, Urteko Jarduketa Planarekin eta aplikatzekoak diren gainerako plangintza instituzionaleko agiriekin.

2. Aplikazio eremua.

Jarraibide hauek aplikatzekoak izanen dira Nafarroako Foru Komunitateko ikastetxe publikoetan, baldin eta Lanbide Heziketaren Sistemako graduak eskaintzen badituzte edo sistema horri lotutako programa, prozedura, zerbitzu edo jarduketa espezifikoetan parte hartzen badute, horiek garatzen badituzte edo horietan laguntzen badute.

Era berean, jarraibide hauek antolakuntzarako erreferentzia gisa erabiltzen ahalko dira, eta aplikatzekoak dira, hala dagokionean, beste itunpeko ikastetxe eta itundu gabeko pribatu batzuetan, entitateetan edo agenteetan, baldin eta parte hartzen badute Hezkuntza Departamentuak sustatutako, baimendutako, finantzatutako edo koordinatutako Lanbide Heziketaren Sistemako programetan, prozeduretan, zerbitzuetan edo jarduketetan, kontuan hartu gabe zer araubide juridiko duten eta zer baldintza ezarrita dauden aplikatzekoak diren deialdietan, hitzarmenetan, itunetan, baimenetan edo jarraibide espezifikoetan.

Batzuetan, jarraibideek erreferentzia eginen diete berariaz ikastetxe publikoetan kudeatu beharreko jarduketa, programa, prozedura edo zerbitzuei. Halakoetan, erreferentzia hori ikastetxe horietara soilik lotzen dela ulertu beharko da, salbu eta aplikatzekoa den araudian, dagokion deialdian edo prozedura espezifikoan bestelako ezer adierazten bada.

3. Ebazpenaren nolakotasuna eta edukiaren nondik norakoak.

Ebazpen honen bidez arautu egiten dira, 2026-2027 ikasturterako, Lanbide Heziketako programa espezifikoen antolaketa, funtzionamendu, plangintza, koordinazio, kudeaketa eta garapen jarraibideak.

Lanbide Heziketaren Sistemako eskaintzetako ikasleen ebaluazio akademikoaren araubidea ez dago ebazpen honen xedeen artean, nahiz eta programa espezifikoak behar bezala garatzeko ezinbestekoak diren antolakuntza erreferentziak eginen diren.

Ondorio horietarako, ebazpen honen esparru materialetik kanpo daude honako hauek: ebaluazioa; kalifikazioa; mailaz igotzea; titulazioa; lanbide moduluak gainditzea; prestakuntza blokeak, esparruak edo proiektuak; kalifikazioen edo ebaluazio erabakien erreklamazioak; ebaluazio deialdiak; ebaluazio agiri ofizialak; amaierako probak; ebaluazio tresnak; ebaluazio ebidentziak eta Nafarroako Lanbide Heziketaren Sistemako ebaluaziorako foru agindua ezartzeko jarraibide espezifikoen bidez arautu behar diren gainerako elementuak.

Ebazpen honetan araututako programa espezifikoetako batek erreferentzia egin behar badio jarraipen, balorazio, egiaztatze, akreditazio edo hobekuntza jarduketaren bati, erreferentzia horiek dagokion kalitate programaren, prozeduraren edo sistemaren baitan interpretatu beharko dira, eta ez ikasleen ebaluazio akademiko arruntaren erregulazio gisa, salbu eta berariazko igorpena egiten bada aplikatzekoa den araudira.

4. Lotura Lanbide Heziketako ikasturte hasierako jarraibideei buruzko ebazpen orokorrarekin.

Ebazpen honetan jasotako jarraibideak modu koordinatuan aplikatuko dira ikasturte hasierako jarraibideei buruzko ebazpen orokorrarekin; hain zuzen ere, hori Hezkuntzako eta Lanbide Heziketako zuzendari nagusiaren uztailaren 9ko 474/2026 Ebazpena da, 2026-2027 ikasturtean Lanbide Heziketaren Sistemako D eta E graduetako eskaintzak ematen dituzten ikastetxeetarako emandakoa.

Hala, uztailaren 9ko 474/2026 Ebazpenaren bidez onetsi ziren zenbait jarraibide, ikastetxeen antolakuntzaren eta funtzionamenduaren ezaugarri orokorrei dagokienez. Ebazpen honen bidez, berriz, Lanbide Heziketaren Sistemako programa, prozedura, zerbitzu eta jarduketei dagozkien jarraibide espezifikoak garatzen dira.

Irakasgai bat bi ebazpenetan araututa badago, ebazpen honetako jarraibideak dagokion programaren edo jarduketaren arautze espezifiko gisa aplikatuko dira, baldin eta ez badiote aurka egiten ikastetxeen antolakuntzarako jarraibide orokorrei edo aplikatzekoa den maila handiagoko araudiari.

5. Lotura ebaluazioari buruzko foru agindua ezartzeko jarraibideekin.

Nafarroako Gobernuaren Gardentasun Atarian argitaratu da Nafarroan Lanbide Heziketaren Sistemako graduen ebaluazioa arautuko duen foru agindua, zeina aplikatzekoa izanen da 2026-2027 ikasturtetik aurrera, hori barne. Behar bezala ezartzeko, ebazpen espezifiko bat emanen da, errazagoa izan dadin Nafarroako Lanbide Heziketaren Sistemako A, B, C, D eta E graduetako eskaintzetan aplikatzea.

Horrenbestez, ebazpen honetan erreferentzia egiten bazaie programei, prozedurei, enpresako edo pareko erakundeko prestakuntzari, ibilbideei, ziurtagiriei, akreditazioei edo zerbitzuei, ez da baztertuko ebaluaziorako jarraibide espezifikoak aplikatzea, horiek aplikatzea bidezkoa bada betiere.

Ikastetxeek bereizita baina koordinatuta aplikatu beharko dituzte uztailaren 9ko 474/2026 Ebazpenean jasotako antolakuntza jarraibideak, baita ebazpen hau eta 2026-2027 ikasturterako ematen diren ebaluaziorako jarraibideak ere. Hala, ez da egonen Hezkuntza Departamentuak ezarritako araubide erkidea aldatuko duen bikoiztasunik, kontraesanik edo barne garapenik.

6. Ebazpenean jasotako programa espezifikoak.

Ebazpen honen ondorioetarako, Lanbide Heziketaren Sistemako programa espezifiko, prozedura eta jarduketa propiotzat hartuko dira honako hauek, besteak beste: A, B eta C graduetako Etengabeko Prestakuntzako programak; lanbide konpetentziak akreditatzeko prozedura; helduen oinarrizko konpetentziak akreditatzeko prozedura; enpresako edo antolakuntza dimentsioan pareko diren erakundeetako prestakuntza; berrikuntza, digitalizazio, ekintzailetza eta lankidetza planak, proiektuak eta programak; nazioarteratzea; kalitatea eta EQAVET esparrua; Lanbide Heziketaren Sistemako ikastetxeak; Lanbide Heziketa hobetzeko, hedatzeko, aitortzeko eta lankidetzan aritzeko programak, eta Lanbide Heziketaren Sistemari lotutako zerbitzuak eta tramiteak.

Aurreko zerrenda hori gorabehera, Lanbide Heziketaren Sistemari lotutako beste jarduketa espezifiko batzuk garatzen ahalko dira Hezkuntza Departamentuak hala ezartzen duenean aplikatzekoa den araudiaren bidez, dagozkion deialdien bidez edo 2026-2027 ikasturterako onesten diren prozeduren bidez.

7. Ikastetxeen plangintza instituzionalean integratzea.

Ikastetxeek, beren plangintza instituzionalean, Lanbide Heziketako programa espezifikoetatik eratorritako jarduketak ezarri beharko dituzte, baldin eta aplikatzekoak badira, bat etorriz ebazpen honetako jarraibideekin eta Hezkuntza Departamentuko zerbitzu eskudunek ezartzen dituzten jarraibideekin.

Jarduketak ezartzeko, halaber, honako hauetan jaso beharko dira: proiektu funtzionala, Urteko Jarduketa Plana, talde arduradunen lanerako planak, barne antolaketako agiriak eta dagozkien koordinatzeko prozedurak.

Plangintzak ahalbidetu beharko du honako hauek identifikatzea: aurreikusitako jarduketak, arduradunak, inplikatutako organoak edo taldeak, denbora-plangintza, behar diren baliabideak, koordinatzeko mekanismoak eta jarraipenerako prozedurak eta betetze-maila baloratzekoak.

8. Barne- eta kanpo-koordinazioa.

Lanbide Heziketako programa espezifikoak garatzean, ezinbestekoa izanen da koordinatu daitezen zuzendaritza taldeak, departamentu didaktikoak edo familia profesionalekoak, programen arduradunak, jarduketa espezifikoen koordinatzaileak, irakasle taldeak, tutoreak, enpresak edo pareko erakundeak, eta, hala badagokio, ekoizpen, gizarte edo instituzio inguruneko beste eragile batzuk.

Ikastetxeetako zuzendaritzak antolakuntzako neurriak hartuko ditu koordinazio horren alde egiteko, bat etorriz baliabideen eskuragarritasunarekin, ikastetxearen plangintzarekin eta programa espezifiko bakoitzerako ezarritako jarraibideekin.

Jarduketek eskatzen badute beste ikastetxe, zerbitzu, entitate, enpresa edo pareko erakunde batzuekin koordinatzea, ikastetxeek bat egin beharko dute Hezkuntza Departamentuak ezarritako prozedura, egutegi, agiri eredu eta komunikazio kanelekin, edo, bestela, kasuan kasuko deialdi edo jarraibide espezifikoak ezarritako irizpideekin.

9. Agiriak kudeatzea, trazabilitatea eta datuen babesa.

Ikastetxeek Lanbide Heziketako programa espezifikoak garatzean sortutako agiri guztiak gorde beharko dituzte, Hezkuntza Departamentuak ezarritako prozedurekin bat eta administrazio elektronikoaren, artxiboaren, datu pertsonalen babesaren, konfidentzialtasunaren eta informazioaren segurtasunaren arloan aplikatzekoa den araudiarekin bat.

Agiriak kudeatzean, honako hau bermatu beharko da: eginiko jarduketen trazabilitatea, arduradunen identifikazioa, agirien zaintza eta administrazio kudeaketarako behar den informazioaren eskuragarritasuna, bai eta organo eskudunek jarraipena egin ahal izatea ere.

Prozedurak EDUCA bidez, erakundearen aplikazioen bidez edo Hezkuntza Departamentuak gaitutako beste sistema batzuen bidez kudeatzen direnean, horietarako ezarritako jarraibide tekniko eta funtzionalak bete beharko dituzte ikastetxeek.

10. Deialdiak, prozedurak, gidak eta ereduak aplikatzea.

Ebazpen honetan jasotako jarraibideak osatzeko, Hezkuntza Departamentuaren zerbitzu eskudunek onetsitako edo eskuragarri jarritako deialdiak, prozedurak, gidak, ereduak, jarraibide teknikoak eta laguntza-agiriak erabiliko dira, hala dagokionean.

Ikastetxeen eskura jartzen diren agiri-ereduen xedea izanen da errazagoa izan dadin programa espezifikoak modu homogeneoan aplikatzea; hala, prozedura bakoitzerako ezarritako moduan erabili beharko dira.

Deialdi edo prozedura espezifiko batek baldintza zehatzak ezartzen dituenean parte-hartzerako, antolakuntzarako, justifikaziorako, jarraipenerako edo dokumentaziorako, baldintza horiek aplikatzekoak izanen dira dagokion jarduketaren eremu zehatzean, eta horrek ez du eragotziko ebazpen honetan eta aplikatzekoa den araudian xedatutakoa.

11. Jarraibideen aplikazioaren jarraipena egitea.

Hezkuntza Departamentuko zerbitzu eskudunek jarraipena egiten ahalko diote jarraibide hauen aplikazioari, eta Lanbide Heziketako programa espezifikoen garapenari buruzko behar duten informazio guztia eskatzen ahalko dute.

Ikastetxeek eskatzen zaien informazioa eman beharko dute, bai eta jarraipen eta hobekuntza prozesuetan lagundu ere, eta behar diren antolakuntza neurriak hartu beharko dituzte ebazpen honetan araututako programak, prozedurak edo jarduketak aplikatzean atzematen diren gorabeherak zuzentzeko.

Jarraibideei jarraipena egitearen xedea izanen da programa espezifikoen antolaera eta funtzionamendua hobetzea, Lanbide Heziketaren Sistemako koordinazioa sustatzea eta ikastetxeetan aplikazioa homogeneoa eta eragingarria dela bermatzea.

12. Jaso gabeko elementuak ebaztea.

Jarraibide hauek aplikatzean baliteke antolakuntza, prozedura edo funtzionamendu arloko zalantzak sortzea, ebazpen honetan berariaz jasota ez daudenak; halakoetan Hezkuntza Departamentuko organo eskudunek ebatziko dituzte, bakoitzak bere eskumenen esparruan.

Ikastetxeek kontsultak, gorabeherak edo argibide eskaerak bideratzeko, behar diren prozedurak eta zerbitzuak baliatuko dituzte, ukitutako arloaren eta dagokion programa espezifikoaren arabera.

2026-2027 ikasturtean zehar argibiderik edo jarraibide osagarririk emanez gero, ebazpen honekin modu koordinatuan aplikatu beharko dira, eta, hala dagokionean, ikastetxeen plangintzan eta antolaketan integratu.

II. KAPITULUA.–LANBIDE HEZIKETAREN SISTEMAKO ETENGABEKO PRESTAKUNTZA. A, B ETA C GRADUAK

1. Alderdi orokorrak.

Etengabeko lanbide prestakuntza, Hasierako Lanbide Heziketa eta Lanbide Konpetentzien Akreditazioa hiru ardatz estrategiko dira, eta lanbide orientazioa oinarri harturik, Lanbide Heziketaren Sistema berriaren arkitektura eratzen dute. Araudi berria horren ondorio da.

Gaur egun, etengabeko lanbide prestakuntza akreditagarria Hezkuntza Departamentuaren eskumena da, Eskubide Sozialetako Departamentuarekin lortutako akordioaren ondoren. Akordio hori bat dator Hezkuntza eta Lanbide Heziketa Ministerioari eta Lan eta Gizarte Ekonomia Ministerioari esleitutako eginkizun berriekin (498/2020 eta 499/2020 errege dekretuetan jasotakoak); izan ere, horren ondorioz, Hezkuntza eta Lanbide Heziketa Ministerioak bere gain hartu du etengabeko lanbide prestakuntzaren gaineko eskumen berriaren kudeaketa, zeina lotuta egonen baita Lanbide Konpetentzien Estandarren Katalogo Nazionalarekin eta Lanbide Heziketako Eskaintzen Katalogo Nazionalarekin, hori guztia bateratu ondoren hezkuntza sistemako LH eta garai bateko enplegurako LH (gaur egun, etengabeko lanbide prestakuntza dena).

Lanbide Heziketa Antolatu eta Integratzeari buruzko martxoaren 31ko 3/2022 Lege Organikoaren arabera, Etengabeko Prestakuntzatzat hartzen da 2. artikuluan aipatutakoa: "hasierako prestakuntzaren eta bizitza aktiboan hasi ondoren egiten den edozein prestakuntza mota, hezkuntza sistemaren barruan edo kanpoan. Haren helburua da pertsonari aukera ematea ezagutzak edo konpetentziak eskuratzeko, zabaltzeko edo eguneratzeko, horri esker bere garapen pertsonal edo profesionaleko ibilbidea egokitzeko, lanbide sustapenerako edo aldaketarako. Izen hori ez dago lotuta prestakuntzaren eskaintza motarekin, baizik eta pertsona bakoitzaren prestakuntza ibilbidean egiten den ikaskuntza prozesuarekin, hasierako prestakuntza egin eta lan bizitza aktiboan sartu ondoren".

Etengabeko lanbide prestakuntzak erreferentzia gisa hartzen ditu Lanbide Konpetentzien Estandarren Katalogo Nazionalean jasotako konpetentzia estandarrak, eta horren ondorioz akreditazio ofizialak emanen dira: konpetentziaren akreditazio partziala (A graduko eskaintzetan), konpetentziaren ziurtagiria (B graduko eskaintzetan) eta ziurtagiri profesionalak (C graduko eskaintzetan).

Hezkuntzako eta Lanbide Heziketako Zuzendaritza Nagusiak honako helburu hauek zehaztu ditu etengabeko lanbide prestakuntzaren esparruko jarduketen garapena gidatzeko Nafarroako Lanbide Heziketako ikastetxeetan:

a) Lanbide heziketaren sistema malgu eta osagarri bat sortzea, interesdun guztiek beren lanbide prestakuntza hasi, jarraitu, osatu edo eguneratu ahal izan dezaten, eta gainditutako prestakuntza akreditatzea.

b) Langileen, langabeen eta ekoizpen sektorearen prestakuntza eskaerei erantzutea.

c) Epe ertain eta luzerako prestakuntza ibilbideak diseinatzea, epe ertainerako eskaintzen bidez, zeinak erraztuko baititu eskaintzen antolaketa, kudeaketa eta garapena eta interesdunen irakaskuntzaren plangintza.

Helburu horiek betetze aldera, hainbat funtsezko elementu ezartzen dira 2026-2027 ikasturtean etengabeko lanbide prestakuntza akreditagarria ematen duten ikastetxeekin, eta ondoren adierazitako jarraibideak ezartzen dira.

2. Etengabeko lanbide prestakuntza akreditagarriaren arduradunak.

Etengabeko lanbide prestakuntza akreditagarriaren arduradunaren figura estrategikoa da Lanbide Heziketako ikastetxeetan, araudi berria aplikatzearen ondorioz. Izan ere, arduradunak lotura du gizartearekin oro har, bai eta ekoizpen sektorearekin, ikastetxearen eragin eremuko errealitate sozioekonomikoarekin, teknologia ekosistemarekin eta inguruko gainerako laneko eta gizarteko beharrekin ere. Hezkuntzako eta Lanbide Heziketako Zuzendaritza Nagusiak erabaki du etengabeko lanbide prestakuntzako eskaintzak egiten dituzten ikastetxeen, ikastetxe bateratu publikoen, Bigarren Hezkuntzako institutuen eta arte eta goi mailako diseinu eskolen plantillan jasotzea, plantillen aplikazioaren "LH - Etengabeko Prestakuntza" kontzeptu gisa, Etengabeko Prestakuntzaren eremuan eginkizunak betetzeko eskola-orduak. Ahal bada, ordu horiek pertsona bakar bati banatuko zaizkio, hamar ordu baino gutxiago badira, eta bi pertsonari gehienez, 10 ordu baino gehiago badira, eta pertsona bakoitzarentzako gutxieneko esleipena 5 ordu izanen da; ordu horiek "eskola-ordutzat hartutako orduak" apartatuan kontsignatu beharko dira orduak esleitzen zaizkien pertsonen ordutegi pertsonalean, "LH-C1" siglen bidez. Ikastetxe bateratu, Bigarren Hezkuntzako institutu eta arte eskola bakoitzeko zuzendaritzak, bere autonomiaren esparruan, ikastetxean jarduketa ildo horretaz arduratuko d(ir)en pertsona bat(zuk) izendatuko d(it)u, eta horiek prestatuko dute Etengabeko Prestakuntza Egiaztagarriaren Plana. Ikastetxeak Hezkuntzako eta Lanbide Heziketako Zuzendaritza Nagusiari jakinarazi beharko dio, 2026ko irailaren 4a baino lehen, nor izendatzen den zeregin horretarako.

3. Lanbide Heziketaren integrazioa. Etengabeko lanbide prestakuntza akreditagarria.

Zuzendariei dagokie gidaritza hartzea beren ikastetxean Lanbide Heziketa integratzeko eta etengabeko lanbide prestakuntza garatzeko. Horregatik, prestakuntza hori ikastetxean garatzen lagunduko duten egiturak eta dinamikak sortu beharko dituzte.

Horretarako, honako jarraibide hauek hartuko dira kontuan:

a) Ikastetxeek beren proiektu funtzionalean eta Urteko Jarduketa Planean ("Lanbide Heziketako plan, proiektu eta programa espezifikoak" izeneko kapituluan) ezarri beharko dute Etengabeko Prestakuntza Egiaztagarria nola zehaztuko den urte bakoitzean. Urteko plan horretan azalduko da nola inplementatuko den etengabeko lanbide prestakuntza akreditagarria, eta planak egitura operatiboa izanen du, enplegurako lanbide prestakuntza akreditagarriaren exekuzioa eta jarraipena erraztuko dituena, eta honako hauek definituko ditu: helburuak, adierazleak, noraino iritsi nahi den, ekintzak, arduradunak, denbora-plangintza eta ebaluazioa.

b) Ikastetxeak lehentasun gisa ezartzen ahalko ditu, bere Prestakuntza Plan Instituzionalaren barruan, lanbide prestakuntzaren eta etengabeko lanbide prestakuntza akreditagarriaren integrazioari lotutako prestakuntza ekintzak, klaustro osoari edo irakasle talde bati zuzentzen ahal zaizkionak. Gainera, maila instituzional bera izanen du irakasleek banaka egindako prestakuntzak, baldin eta Hezkuntzako eta Lanbide Heziketako Zuzendaritza Nagusiak eskaintzen badu Lanbide Heziketaren Plangintza eta Integraziorako Zerbitzuaren bidez.

c) Zuzendaritza taldeak, Nafarroako Irakaskuntza Publikoaren Kalitatea Hobetzeko Itunaren ondorioz zuzeneko irakaskuntzan egin den murrizketa dela-eta, eskola-ordu gisa zenbatzen diren bi orduetatik bat gutxienez esleitzen ahalko dio irakasle bati edo hainbat irakasleri, lanbide arlo bakoitzeko, laguntzaile gisa aritzeko, dagokion lanbide arloan, enplegurako lanbide prestakuntza akreditagarriaren arduradun(ar)ekin. Orduak zer irakasleri esleitzen zaizkion, haren ordutegi pertsonalean agertuko dira, "LH-E2" siglaren bidez, "eskola-ordu gisa zenbatzen diren orduak" apartatuan. Ikastetxeko zuzendariak izendatuko ditu irakasle laguntzaile horiek, eta Lanbide Heziketaren Plangintza eta Integraziorako Zerbitzuari jakinaraziko zaizkio izendapen horiek, 2026ko irailaren 4a baino lehen.

Jakinarazpena honako helbide elektroniko hauetara bidali beharko da: sfpeduca@navarra.es eta fpempleo.educacion@navarra.es.

Zuzendaritza taldea arduratuko da irakasle laguntzaile horiek berariaz bete behar dituzten eginkizunak zehazteaz.

d) Etengabeko lanbide prestakuntza akreditagarria ezartzeaz arduratzen direnen artean koordinazioa sustatzeko, ikastetxeko zuzendaritzak honako hauek sustatuko ditu:

–Irakasle laguntzaileek c) apartatuan aipatzen diren eskola-orduetako bat esleituta edukitzea bere ordutegian, ostegunetan, 13:00etatik 14:00etara.

–Ikastetxean etengabeko lanbide prestakuntza akreditagarriaz arduratzen diren irakasleek ostegun goizetan eta, beharrezkoa izanez gero, astearte goizetan izatea esleitutako eskola-orduak beren ordutegian.

e) Zuzendaritza taldea saiatuko da etengabeko lanbide prestakuntzaren arduradunek klaustroetan parte har dezaten, prestakuntza horren ezarpenarekin eta garapenarekin zerikusia duen guztia zabaltzeko.

f) Etengabeko lanbide prestakuntzaren arduradunak, prestatzailea edo tutore prestatzailea izan gabe ere, ikaskuntza prozesuaren jarraipenarekin zuzenean lotutako zereginak egiten dituzten titularrak dira.

Zehazki, honako eginkizun hauek bete beharko dituzte:

–Ikastetxeko 2026-2028 Etengabeko Lanbide Heziketarako Plana prestatzea, bai eta horren urteko zehaztapena ere, ikastetxeko zuzendaritzak adierazitako jarraibideekin bat. Horretarako, 2026-2027 ikasturtearen lehenengo hiruhilekoan, Etengabeko Lanbide Prestakuntzaren eta Enpresen Atalak prozesu bat bideratuko du. Horretan, Nafarroako Lanbide Heziketako ikastetxe publikoek parte hartuko dute, ikastetxe bakoitzeko Etengabeko Prestakuntzaren arduradunen bidez, Nafarroako Etengabeko Lanbide Heziketarako Plana prestatzen.

–Lanbide Heziketaren Plangintza eta Integraziorako Zerbitzuarekiko solaskide izatea, zuzendariarekin edo honek delegatzen duen pertsonarekin batera, etengabeko lanbide prestakuntza akreditagarriari dagokion guztian.

–Irakasle laguntzaileekin eta etengabeko lanbide prestakuntza akreditagarriko ekintza bakoitza koordinatzen duten pertsonekin egiten diren bilerak zuzentzea, prestakuntza horren Urteko Planean zehaztutako egutegiaren arabera.

–Prestakuntza ekintzen egiaztagiri ekonomikoak eta teknikoak jasotzea eta balioztatzea, eta Etengabeko Lanbide Prestakuntzaren eta Enpresen Atalari bidaltzea.

–Ikastetxearen eragin eremuan, etengabeko lanbide prestakuntza akreditagarriari dagokionez, dauden premiak diagnostikatzea.

–Eskatzaileei informazioa ematea ikastetxean egiten diren etengabeko lanbide prestakuntza akreditagarriko ikastaroen araudiari, onarpen prozesuari eta matrikulazioari buruz.

–Ikastetxean etengabeko lanbide prestakuntza akreditagarriarekin lotuta garatzen diren ekintzak kudeatzea eta ezartzea.

–Etengabeko Lanbide Prestakuntzaren eta Enpresen Atalak zehaztutako Etengabeko Prestakuntza kudeatu eta izapidetzeko prozedurari buruzko informazioa eta laguntza ematea prestakuntza ekintzak koordinatzen dituzten pertsonei.

–Gizarte Segurantzari buruzko Lege Orokorraren berrogeita hamabigarren xedapen gehigarritik eratorritako nahitaezko jarduketak gainbegiratzea eta egitea, Etengabeko Lanbide Prestakuntzaren eta Enpresen Atalak zehazten duen prozedurari jarraikiz, enpresako edo pareko erakundeko prestakuntza egonaldia egiten duten ikastetxeko ikasleei dagokienez.

–EDUCAn hitzarmenak eta dokumentazioa kudeatzea, Etengabeko Lanbide Prestakuntzaren eta Enpresen Atalak ezarritako prozeduraren arabera, Gizarte Segurantzari buruzko Lege Orokorraren berrogeita hamabigarren xedapen gehigarritik eratorritako betebeharrak betetzeko.

–Prestakuntza ekintza ematen duena kanpoko irakaslea bada, bere jardueraren baldintzen berri eman beharko dio, eta "Irakasleen konpromisoa" dokumentua eman beharko dio, eta hark sinatutako dokumentua zaindu.

–Hezkuntzako eta Lanbide Heziketako Zuzendaritza Nagusiak edo indarreko arauzko xedapenek zehazten duten beste edozein.

g) Ikastetxe publikoan garatzen den Etengabeko Prestakuntza akreditagarriko ekintza bakoitzak koordinatzaile bat edukiko du. Koordinatzaileak honako eginkizun hauek izanen ditu:

–Prestakuntza ekintzaren arduradunak, gainera, prestakuntza ekintzaren enpresako prestakuntzaren zatia koordinatuko du.

–Koordinatzen duen Etengabeko Prestakuntza ekintza akreditagarria planifikatzea.

–Programazio didaktikoaren prestaketa koordinatzea, ekintza horren prestatzailearekin batera.

–Prestakuntza ekintzaren lehenengo egunean ikasgelara joatea, prestakuntzaren, beken eta abarren funtzionamenduari buruzko informazioa emateko. Horretarako, "Ikastaroaren aurkezpena. Ikasleentzako informazio orokorra" dokumentua irakurriko du. Era berean, prestakuntza ekintzaren azken egunean beken dokumentazioa jasotzera joatea, Nafarroako Enplegu Zerbitzuari bidaltzeko. Aurretiaz egiaztatu beharko du dokumentazioa betetzen duten ikasleek laguntza jasotzeko baldintzak betetzen dituztela.

–Etengabeko Lanbide Prestakuntzaren eta Enpresen Atalak zehaztutako dokumentazioa biltzea, betetzea eta ikastetxeko etengabeko lanbide prestakuntzaren arduradunari ordenatuta bidaltzea, prestatzailearekin lankidetzan, dagokionaren arabera, prozeduran zehaztutako epeetan.

–Koordinatzen duen Etengabeko Prestakuntza ekintza akreditagarria kontrolatzea.

–Prestatzaileak bilatu eta hautatzea, koordinatzen duen Etengabeko Prestakuntza ekintza akreditagarriaren prozeduraren arabera, eta prestatzaile horien akreditazioa izapidetzea.

–Koordinatzen duen Etengabeko Prestakuntza ekintza akreditagarriko prestatzaileei beharrezkoak zaizkien ekipamenduak eta instalazioak erakustea.

–40/2024 Foru Aginduaren irizpideen arabera prestakuntza ekintzan onartzen diren ikasleei haien parte-hartzea baieztatzea eta onartuak ez direnekin harremanetan jartzea, plazarik lortu ez badute erreserba zerrendara igaroko direla jakinarazteko. Ikasleak hautatzeko, Etengabeko Lanbide Prestakuntzaren eta Enpresen Atalaren laguntza izanen du, edo hark eskuordetutako pertsonena edo entitatearena. Ikasle partaideak hautatzeko Lanbide Heziketako, Digitalizazioko eta Hezkuntza Zerbitzuetako zuzendari nagusiaren ebazpen bidez onartutako deialdia arautzen duten oinarriak beteko dira, apirilaren 11ko 40/2024 Foru Aginduaren arabera.

–Prestakuntza ekintza ematen duen ikastetxe publikoko Etengabeko Prestakuntza akreditagarriaren arduradunarekin koordinatzea, jarduketa hobetzeko asmoz.

–Enpresako edo pareko erakundeko prestakuntzaren koordinatzaile gisa, eginkizun hauek izanen ditu:

• Koordinatzen duen Etengabeko Prestakuntza ekintza akreditagarriko prestakuntza egonaldia planifikatzea.
• Enpresak edo pareko erakundeak bilatzea, egokiak direnak ikasleek titulua lortzeko egin behar dituzten enpresako prestakuntzarako.
• Enpresan edo pareko erakundean prestakuntza egonaldia kudeatzeko behar den dokumentazioa betetzea, Etengabeko Lanbide Prestakuntzaren eta Enpresen Atalak ezarritako prozeduraren arabera.
• Enpresako prestakuntza hasi aurretik, ikasleei behar den informazioa eskatzea Gizarte Segurantzari buruzko Lege Orokorraren berrogeita hamabigarren xedapen gehigarritik eratorritako betebeharrak betetzeko, Etengabeko Lanbide Prestakuntzaren eta Enpresen Atalak ezarritako prozeduraren arabera.
• EDUCAn gaitutako egutegian enpresan edo pareko erakundean prestakuntza egonaldia egiteko egunak betetzea, Gizarte Segurantzaren Lege Orokorraren berrogeita hamabigarren xedapen gehigarritik eratorritako betebeharrak betetzeko, Etengabeko Lanbide Prestakuntzaren eta Enpresen Atalak ezarritako prozeduraren arabera.
• Prestakuntza ekintza akreditagarria ematen den ikastetxe publikoko Etengabeko Prestakuntzaren arduradunarekin koordinatzea, Gizarte Segurantzari Lege Orokorraren berrogeita hamabigarren xedapen gehigarritik eratorritako betebeharrak betetzeko, ezarritako prozeduraren arabera.

h) Ikastetxe publiko bakoitzean ematen den prestakuntza ekintza akreditagarri bakoitzak tutore dual bat edo enpresako edo pareko erakundeko prestakuntzako tutore bat izanen du. Haiek prestakuntza ekintzako irakasleen artean hautatuko dira, eta eginkizun hauek izanen dituzte:

–Enpresako edo pareko erakundeko prestakuntza ikuskatzea, prestakuntza ekintzako irakasleetako bat denean.

–Irakasle taldearekin koordinatzea, Ikasleen Prestakuntza Planaren edukia zehazteko eta enpresako prestakuntzaren garapena gainbegiratzeko eta haren jarraipena egiteko.

–Enpresako tutorearekin solastatzea.

–Ikasleak enpresan edo haren pareko erakundean aurkeztea eta akonpainamendua egitea, ikasleen jarraipena eta ebaluazioa egitea enpresan, horretarako behar den dokumentazioa betetzea eta ikastetxeko langileekin lankidetzan aritzea enpresak lokalizatzeko.

i) Ikastetxe publikoan garatzen den Etengabeko Prestakuntza ekintza akreditagarri bakoitzak xede horretarako akreditatutako irakasleak edukiko ditu. Apirilaren 5eko 36/2023 Foru Dekretuan garatzen da Nafarroa etengabeko lanbide prestakuntza eskaintzen duten ikastetxe publikoen sarean etengabeko lanbide prestakuntzako ekintza akreditagarriak garatzeko hezkuntza sistemako irakasleak izendatzeko prozedura, bai eta prestakuntza hori emateagatik jasoko dituzten konpentsazio ekonomikoak ere. Akreditatutako irakasleek "Irakaskuntzako konpromisoa" izeneko agirian esleitutako eginkizunak beteko dituzte.

j) Aurreko apartatuetan deskribatutako eginkizunetako edozein ezin izanen da aldi berean gauzatu lanbide konpetentziak akreditatzeko prozeduren ondoriozko eginkizunekin.

k) Lanaldia murriztua dutenak ezin izanen dira koordinatzaile edo irakasle funtzioetan aritu programatutako prestakuntza ekintzetako batean ere.

l) Enpresan edo pareko erakundean edozein prestakuntza egonaldi egiten duten ikasleak EDUCAn matrikulatu beharko dira. Ikastetxea arduratuko da ikasle horiek matrikulatzeaz. Gizarte Segurantzak jarraibide hori aldatzen duen araudi berririk onesten badu, ikastetxe publiko bakoitzeko Etengabeko Prestakuntzaren arduradun bakoitzari jakinaraziko zaio, eginkizun hori eguneratzeko.

4. Lanbide Heziketako ikastetxe publikoen arteko lankidetzaren sustapena, etengabeko lanbide prestakuntza akreditagarriaren arloan.

Lankidetza ekintzak sustatuko dira Nafarroako Lanbide Heziketako ikastetxe publikoen artean, etengabeko lanbide prestakuntza akreditagarriko ekintzak eskaini eta garatzeko. Horretarako, Hezkuntzako eta Lanbide Heziketako Zuzendaritza Nagusiak lantalde bat sortuko du, ikastetxe bakoitzeko ordezkari batek eta Hezkuntzako eta Lanbide Heziketako Zuzendaritza Nagusiaren ordezkariek osatua.

5. Ikasleak:

A, B eta C graduetako ikasleak Lanbide Heziketaren Sistemako ikasletzat hartuko dira. Horrenbestez, jarrera eta jokaera printzipio hauek bete beharko dituzte:

a) Ikasleek prestakuntza ekintzetara joan beharra dute, eta haiek aprobetxatu. Gainera, jokaera egokia izan beharko dute, errespetuzkoa, gainerako ikasleekin, irakasleekin eta ikastetxearekin berarekin.

b) Segurtasunari eta laneko arriskuen prebentzioari buruzko araudia betetzea, prestakuntza ekintza egiten den bitartean ematen den lanbide ziurtagiriaren edukiaren arabera.

c) Ikasleak prestakuntza ekintza aprobetxatzen ez badu, errespetuz jokatzen ez badu edo segurtasunari eta laneko arriskuen prebentzioari buruzko araudia betetzen ez badu, hasiera batean, moduluaren irakasleak edo ikastaroaren koordinatzaileak idatzizko ohartarazpena emanen dio. Ohartarazpena ikasleak sinatu beharko du. Ikaslea berriro ohartarazten badute prestakuntza probetxuz ez egiteagatik, errespetu faltak izateagatik edo segurtasun neurriak ez betetzeagatik, idatziz jakinaraziko zaio ikastarotik kanporatu dutela, eta zigorra ezarriko zaio, araudiak zehazten duenaren arabera.

d) Zigorraren ondorioz kanporatutako ikaslea edo matrikula desegin zaiona D gradukoa bada, ezin izanen da onartua izan zentro bereko C, B edo A graduetan, beste lanbide arlo batean bada ere, abian den ikasturtean eta hurrengoan, gutxienez ere.

Puntu hauetan jasotzen ez den beste edozein alderdiri dagokionez, zentroko Bizikidetza Araudia aplikatuko da.

6. Enpresako edo pareko erakundeko prestakuntzaren kudeaketa.

C gradu batean izena eman eta hura egiten ari diren ikasleen kasuan, enpresan edo pareko erakundean duten prestakuntza partea lanbide modulu bakoitzean zehaztuko da, dagokion prestakuntza planean.

Ikasleek ziurtagiria lortzen badute B graduak edo A graduak gaindituz, enpresako prestakuntza egin beharko dute, 80 ordukoa, 659/2023 Errege Dekretuaren 80. artikuluan ezarri bezala. Zentroari eskatzen ahalko diote enpresako prestakuntza egitetik salbuesteko; horretarako, prestakuntzarekin lotura duen lan esperientzia frogatzeko dokumentazioa aurkeztu beharko dute.

Ikasleek 80 orduko enpresako prestakuntza egin behar badute, zentroak aukera bermatu beharko die prestakuntza hori egiteko graduko azken modulua gainditzen dutenetik 4 hilabeteko epean. Ikasleek justifikatutako arrazoiren bat badute eta zentroa ados agertzen bada, zilegi izanen da Etengabeko Lanbide Prestakuntzaren eta Enpresen Atalari eskatzea enpresako prestakuntza atzera dezan.

6.1. Enpresako prestakuntzari uko egitea (B graduetan).

Edozein inguruabar pertsonal, laneko egoera edo abar direla-eta, ikasleek ezin badute edo ez badute nahi enpresako prestakuntza egin (B graduetan) zentroak eskaini dienean, eta betiere graduaren azken modulua gainditu eta hurrengo 4 hilabeteen barruan, ezezkoa jasota geratuko da, enpresan edo pareko erakundean prestakuntzari uko egiteko dokumentua sinatuz.

Kasu horretan, ez da C graduko ziurtagiririk emanen enpresako edo pareko erakundeko prestakuntza egin eta gainditu arte.

6.2. Prestakuntza jasotzea enpresan edo pareko erakundean (modalitate duala) eta prestakuntza jasotzea enpresan edo pareko erakundean (B graduak).

A, B eta/edo C graduko irakasleek zilegi dute erabakitzea prestakuntza egiten ari den pertsona batek ez egitea enpresako edo pareko erakundeko prestakuntza, baldin eta irakasle guztiek ados jarrita uste badute pertsona horrek ez dituela gaitasun profesional eta/edo pertsonal nahikoak eskuratu, ez eta jarrera egokia agertu ere, graduan ematen den ordu kopuruaren arabera eskatzen den mailaz jarduteko lanean.

Erabaki hori ezohiko ebaluazio akta batean jasoko da.

7. Ebaluatzea eta kalifikatzea.

Uztailaren 18ko 659/2023 Errege Dekretuak 78. artikuluan adierazten duenez, lanbide modulu bakoitzak zenbakizko kalifikazio bat izanen du, batetik hamarrera bitartekoa baina dezimaldunik gabe, eta "gaindituta" edo "gainditu gabe" gisa adieraziko da zenbakizko kalifikazio horrekin batera. Bost puntuko edo hortik gorako puntuazioak positibotzat joko dira.

C graduko batez besteko azken nota kalkulatzeko, moduluen (B graduen) batezbesteko aritmetikoa erabiliko da, bi dezimaldunez osatutakoa.

Modulu horretan "gainditua" egoteko, ikastetxean eginiko zatia eta enpresan eginikoa amaitzean, ikaskuntzaren emaitzak lortu behar dira eskaintzaren konpetentzia orokorren eta espezifikoen esparruan. Aurkakoa gertatuz gero, interesdunak beste behin bakarrik egiten ahalko du matrikula eta modulua, zer ingurunetan lortu zituen ebidentzia nahikoak ebaluazio edo balorazio positiboa zehazteko, zati horretan (ikastetxeko prestakuntza edo enpresako prestakuntza).

Prestakuntza ekintzaren koordinatzaileak eta irakasle taldeak informazio hori guztia jaso eta sinatuko du CP7 ebaluazio aktaren ereduaren bidez edo hori ordezten duen dokumentuaren bidez.

8. Prestakuntza berriro egitea.

Lanbide ziurtagiri bera gehienez ere bi alditan egiten ahalko da, gainditzen ez bada. Hala justifikatzen duten ezohiko egoeretan, Hezkuntza Departamentuak hirugarren matrikula bat baimentzen ahalko du Lanbide Heziketaren Plangintza eta Integraziorako Zerbitzuak ezarritako jarraibideen bidez.

9. Ebaluazio eta kalifikazio prozesuari buruzko erreklamazioak.

Maiatzaren 21eko 49/2013 Foru Aginduaren IV. kapituluan ezarritakoaren arabera ("Hezkuntza sistemaren Lanbide Heziketako eta Arte Plastikoetako eta Diseinuko lanbide irakaskuntzetako azken ebaluazioei buruzko erreklamazioak"), etengabeko lanbide prestakuntzako erreklamazio prozedura honako jarraibide hauen arabera eginen da:

a) Irakasleen argibideak jaso ondoren, ikasleren bat ados ez badago lortutako azken kalifikazioarekin edo prestakuntza praktikoa enpresetan egiteko fasera igarotzeaz hartutako erabakiarekin, erreklamazioa egiten ahalko du, idatziz, bere desadostasuna justifikatzeko nahi beste alegazio aurkeztuz, zentroko zuzendaritzari zuzendua, bi egun balioduneko epean, zentroak azken kalifikazioaren edo hartutako erabakiaren komunikazio ofiziala egiteko ezarritako egunetik hasita.

b) Erreklamazioa jaso ondoren, zentroko zuzendariak erreklamazio espediente bat irekiko du.

Modulu edo prestakuntza bloke baten azken kalifikazioaren aurkako erreklamazioa.

a) Modulu edo prestakuntza bloke baten azken kalifikazioaren aurkako erreklamazioa jaso ondoren, zuzendariak A, B edo C graduko irakasle taldeari dei eginen dio, erreklamatutako irakaslea izan ezik, erreklamazioa azter dezaten, erreklamazioa aurkezten den egunaren hurrengo egun baliodunean, aurkeztutako alegazioak kontuan hartuta, eta horren gaineko txostena egin dezaten; txosten horretan jasoko da, arrazoiak emanda, zer erabaki hartzen den berrikusitako azken kalifikazioaren gainean: kalifikazioa aldatzea edo hura berrestea. Zentroko zuzendaritzak txostenaren kopia emanen dio ikasleari edo, hala badagokio, guraso bati edo legezko ordezkariari, ahalik eta epe eta modu laburrenean. Honela bukaera emanen zaio zentroan erreklamatzeko prozesuari.

b) Ikastetxean erreklamatzeko prozesua agorturik, bi egun balioduneko epean, aipatu kopia jasotzen duen egunetik hasita, ikasleak edo, hala badagokio, legezko ordezkariak zuzendaritzari eskatzen ahal dio igor dezala erreklamazioa Hezkuntzako Ikuskapen Zerbitzura.

c) Ikastetxeko zuzendaritzak bi egun balioduneko epean igorriko dio espedientea Hezkuntzako Ikuskapen Zerbitzuari, erreklamazio eskaera egiten denetik hasita.

d) Hezkuntzako Ikuskapen Zerbitzuak, espedientea aztertuta eta, besteak beste, 49/2013 Foru Aginduaren 3. artikuluan xedatutakoa kontuan hartuta, txosten bat emanen du. Txosten hori zuzendari nagusi eskudunari igorriko zaio, erreklamazioaren gaineko ebazpena eman dezan.

e) Zuzendari nagusiaren ebazpena hamar egun balioduneko epean emanen da, gehienez ere, Hezkuntzako Ikuskapen Zerbitzuak espedientea jasotzen duenetik hasita. Ebazpen horrek bide administratiboa amaituko du.

Nafarroako Lanbide Heziketaren Sistemako graduen ebaluazioa arautzen duen foru aginduan ezarritakoari egokituko zaio prozesu hori.

III. KAPITULUA.–LANBIDE KONPETENTZIAK AKREDITATZEKO PROZEDURA

1. Lanbide gaitasunen akreditazioa. Alderdi orokorrak.

Nafarroako Lanbide Heziketaren Sistemako ildo estrategiko bat da lanbide konpetentziak akreditatzeko prozedura. Xede du modu ofizialean aitortzea hainbat bidetatik eskuratutako lanbide konpetentziak, bide horien artean daudela laneko esperientzia, prestakuntza ez-formala edo ikaskuntza informala. Hala, lan-merkatuan hastea, itzultzea edo mailaz igotzea erraztuko da, eta sustatuko da kualifikazio altuagoa lortzeko prestakuntza ibilbideen jarraitutasuna.

Prozedura honen erreferentea Lanbide Konpetentzien Estandarren Katalogo Nazionala da, eta lortutako akreditazioak Lanbide Heziketaren Sistemaren esparruan erabiltzen ahalko dira, aplikatzekoa den araudiarekin bat lanbide akreditazioak, konpetentziaren akreditazioak, konpetentziaren akreditazio partzialak edo Lanbide Heziketako tituluak lortze aldera.

Uztailaren 18ko 659/2023 Errege Dekretuan honela definitzen da lan esperientziaren bidez edo beste bide ez-formal edo informal batzuen bidez eskuratutako lanbide konpetentziak akreditatzeko prozedura: modu iraunkorrean irekita dagoen administrazio prozedura bat, deialdia egin beharrik ez duena, eta, erreferente gisa, Lanbide Konpetentzien Estandarren Katalogo Nazionala izanen duena.

2026-2027 ikasturtean zehar, lanbide konpetentziak akreditatzeko prozedura iraunkor horiek Lanbide Konpetentzien Estandarren Katalogo Nazionalari lotutako Nafarroako Lanbide Heziketaren eskaintzan sartutako lanbide konpetentzien estandar guztiei buruzkoak izanen dira, salbu eta "Osasuna" lanbide arloari lotuak.

Akreditazio bat emanen da lanbide konpetentzia frogatu den lanbide konpetentzien estandar bakoitzeko. Izangaiak honako hauek bete beharko ditu:

–Guztiz betetzea lanbide ziurtagiri batean barne hartutako lanbide konpetentzien estandarrak. Erregistratzeko eta emateko behar diren tramiteak egiten ahalko ditu.

–Partzialki betetzea Lanbide Heziketako Eskaintzen Katalogo Nazionaleko eskaintza batean barne hartutako lanbide konpetentziak. Prozedura horren bidez gainditutako konpetentzia estandarrei lotutako lanbide moduluak baliozkotzeko edo horietaz salbuesteko tramiteak egiten ahalko ditu.

Kapitulu honetan jasotako jarraibideen xedea da laguntzea ikastetxeek modu ordenatuan parte har dezaten lanbide konpetentziak akreditatzeko prozeduran, barne antolaketako eta koordinazio pautak ezartzea eta lankidetza indartzea ikastetxeen, Lanbide Heziketaren Plangintza eta Integraziorako Zerbitzuaren eta arloan eskumena duten zerbitzuen edo atalen artean.

2. Lanbide konpetentziak akreditatzeko arduraduna.

Lanbide konpetentziak akreditatzeko arduradunak bere gain hartuko du lanbide konpetentziak akreditatzeko prozeduraren aurretiko faseak koordinatzea (informazioa, orientazioa eta izen-ematea), bai eta prozeduraren instrukzio faseak kudeatzea eta garatzea ere.

Hezkuntza Departamentuak ikastetxe bateratu publikoen plantillan hainbat eskola-ordu ezarri ditu, "Ikastetxe bateratua. Lanbide akreditazioa" kontzeptuaz, lanbide konpetentziak akreditatzearen arloari lotutako eginkizunak egiteko.

Bigarren Hezkuntzako institutuetan eta arte eta goi mailako diseinu eskoletan, baldin eta Lanbide Heziketako irakaskuntzak ematen badituzte, lanbide konpetentziak akreditatzearen arloko eskola-orduak "LH-Sistema" kontzeptuan esleitutako guztizko ordu kopurutik aterako dira.

Orduak zer irakasleri esleitzen zaizkion, haren ordutegi pertsonalean agertuko dira, "LH-LKA1" siglaren bidez, "eskola-ordu gisa zenbatzen diren orduak" apartatuan.

Lanbide Heziketa ematen duten ikastetxe bateratu, Bigarren Hezkuntzako institutu edo arte eta goi mailako diseinu eskolako zuzendari bakoitzak, beren autonomiaren esparruan eta Lanbide Heziketaren Plangintza eta Integraziorako Zerbitzuak emandako jarraibideekin bat, ikastetxearen jarduketa ildo honen arduradun bakar bat izendatuko du.

Lanbide konpetentziak akreditatzeko arduraduna, ahal dela, prozedura horretarako gaituta dauden eta prozeduran gutxienez bi urtez jardun duten irakasle funtzionarioen artean izendatuko da.

Ikastetxeko zuzendariak Lanbide Heziketaren Plangintza eta Integrazio Zerbitzuari jakinarazi beharko dizkio hautatutako arduradunaren izen-abizenak 2026ko irailaren 3a baino lehen, posta elektroniko bidez.

3. Lanbide Konpetentziak Akreditatzeko Urteko Plana.

Lanbide konpetentziak akreditatzeko arduradunak ikastetxeko Lanbide Konpetentziak Akreditatzeko Urteko Plana prestatuko du, eta, horretarako, ikastetxeko zuzendaritzak eta Lanbide Heziketaren Plangintza eta Integraziorako Zerbitzuak emandako jarraibideak beteko ditu.

Ikastetxe bateratuek jarduketa ildo honen urteko zehaztapena txertatu beharko dute beren Proiektu Funtzionalean eta Urteko Jarduketa Planean, "Lanbide Heziketako plan, proiektu eta programa espezifikoak" izeneko kapituluan.

Lanbide Heziketako irakaskuntzak ematen dituzten Bigarren Hezkuntzako institutuak eta arte eta goi mailako diseinu eskolek zehaztapen hori Ikastetxeko Hezkuntza Proiektuan eta Urteko Programazio Orokorrean txertatu beharko dute, aplikatzekoak diren baldintzen arabera.

Lanbide Konpetentziak Akreditatzeko Urteko Planak honako hauek jaso beharko ditu, gutxienez: ikastetxeak zer egitura operatibo duen prozedura gauzatzeko, ezarritako helburuak, informazio eta zabalpen ekintzak, barne koordinazioko jarduketak, arduradunak, denbora-plangintza, jarraipenerako adierazleak eta balorazio eta hobekuntza jarduketak.

Plan hori ikastetxeko Lanbide Heziketako gainerako plan, proiektu eta programa espezifikoekin koordinatu beharko da, bereziki Lanbide Heziketaren Sistemako Lanbide Orientazioko Urteko Planarekin, zeina LH-Bidea programari lotuta baitago.

4. Lanbide konpetentzien akreditazioa martxan jartzea ikastetxeetan.

Zuzendariek gidatu behar dute beren ikastetxean lanbide konpetentzien akreditazioa martxan jarri eta garatzeko prozedura. Horretarako, prozeduraren garapena faboratuko duten egiturak eta dinamikak sortu beharko dituzte. Hala, aholkularitza eta ebaluazio faseetarako behar diren instalazioak, espazioak eta ekipamenduak erabiltzea erraztu beharko dute.

Ikastetxeek, beren Prestakuntza Instituzionaleko Planaren baitan, lehentasuntzat hartzen ahalko dituzte lanbide konpetentziak akreditatzeko prozedurari dagozkion prestakuntza ekintzak, izan irakasle guztiei zuzendutakoak, talde zehatz bati zuzendutakoak edo prozeduran zuzenean parte hartzen dutenei zuzendutakoak.

Prestakuntza instituzionaltzat hartuko da, halaber, irakasleek banaka egiten duten prestakuntza, baldin eta prestakuntza hori Hezkuntzako eta Lanbide Heziketako Zuzendaritza Nagusiak eskaintzen badu Lanbide Heziketaren plangintza eta integrazio, konpetentzien akreditazio, modernizazio eta berrikuntza arloko zerbitzu eskudunen bidez.

Zuzendaritza taldea saiatuko da lanbide konpetentziak akreditatzeko arduradunak parte har dezan klaustroetan edo barne koordinazioko beste organo batzuetan, prozedura ikastetxean ezarri eta garatzeari buruzko informazioa zabaldu dezan.

5. LH-Bidearekin eta Lanbide Heziketaren Sistemako lanbide orientazioarekin koordinatzea.

Lanbide konpetentziak akreditatzea Nafarroako Lanbide Heziketaren Sistemako lanbide orientazioarekin koordinatu beharko da, eta, espezifikoki, LH-Bidea programarekin.

Lanbide konpetentziak akreditatzeko arduraduna elkarlanean arituko da ikastetxeko lanbide orientazioko kide anitzeko batzordearekin, Lanbide Orientazioko Urteko Planaren arduradunekin eta LH-Bidean parte hartzen duten profilekin, xede izanda prozeduran interesa dutenak behar bezala informatzea, orientatzea eta bideratzea.

Koordinazio horren bidez erraztu beharko da interesdunek informazio ulergarria jasotzea prozedurari buruz, norberaren profilerako egokiak izaten ahal diren lanbide konpetentzia estandarrei buruz, akreditatzearen ondorioei buruz, prestakuntzaren jarraitutasunerako aukerei buruz eta kualifikazio altuago bat lortzeko bideei buruz.

LH-Bidearekin koordinatzean, errazago detektatu beharko dira ikastetxearen eragin eremuan dauden akreditatzeko premiak, batez ere langileei, langabeei, enpresei, entitateei, orientazio zerbitzuei eta gizarte eragileei dagokienez, bai eta ikastetxean txertatutako lanbide arloei lotutako ekoizpen produktuei dagokienez ere.

6. Irakasle laguntzaileak eta gaitutako irakasleak.

Zuzendaritza taldeak erabakitzen ahalko du lanbide arlo bakoitzeko irakasle bati edo batzuei esleitzea "Nafarroan ekitatean eta hezkuntza-kalitatean aurrera egiteko Itun"aren II. kapituluko ("Irakasleak") 4. apartatuko ("Irakasleen eskola-ordutegia") bigarren gidoian adierazitako asteko bi ordu osagarrietako bat, ikastetxeko lanbide gaitasunak akreditatzeko arduradunaren laguntzaile gisa aritzeko, dagokion lanbide arloan.

Horrez gain, eta adierazi itunean jasotakoari jarraikiz, bigarren ordu osagarri bat ezartzen ahalko da helburu horretarako, irakasle taldeek edo departamentuek proposatuta.

Aipatutako orduetan lehenengoa "ECDPI-LKA2" siglen bidez jasoko da, "ordu osagarriak" apartatuan, esleitzen zaien irakasleen ordutegi pertsonalean; eta bigarren ordua "TPP-LKA2" siglen bidez jasoko da, "ordu osagarriak" apartatuan, esleitzen zaien irakasleen ordutegi pertsonalean.

Ikastetxean aholkulari edo ebaluatzaile gisa gaitutako irakasleek ikastetxean egiten diren akreditatzeko prozeduretan parte hartuko dute, lanbide konpetentziak akreditatzeko arduradunak eskatuta eta bat etorriz prozeduraren beharrekin eta Lanbide Heziketaren Plangintza eta Integraziorako Zerbitzuko jarraibideekin.

Ikastetxeko zuzendariak izendatuko ditu irakasle laguntzaile horiek, eta Lanbide Heziketaren Plangintza eta Integraziorako Zerbitzuari jakinaraziko zaizkio izendapenak, 2026ko irailaren 3a baino lehen. Jakinarazpena honako helbide elektroniko hauetara bidali beharko da: sfpeduca@navarra.es eta inacuali@navarra.es.

Ikastetxeko zuzendaritza taldearen ardura izanen da irakasle laguntzaileek espezifikoki izanen dituzten eginkizunak zehaztea, bai eta lanbide konpetentziak akreditatzeko arduradunarenak ere, ematen diren jarraibideekin bat.

7. Ordutegiaren antolaera eta barne koordinazioa.

Lanbide konpetentzien akreditazioa ezartzeko eginkizunak dituztenen artean koordinazio handiagoa egon dadin, ikastetxeko zuzendaritzak, ikastetxeko antolaerak ahalbidetzen badu, honako hauek izan daitezen sustatuko du:

–Irakasle laguntzaileek aurreko apartatuan aipatzen diren eskola-ordu osagarrietako bat esleituta edukitzea beren ordutegi pertsonalean, ahal dela asteartetan, bosgarren eskola-orduan.

–Ikastetxean lanbide konpetentziak akreditatzeko ardura duen irakasleak bi eskola-ordu esleituta edukitzea bere ordutegi pertsonalean, ahal dela asteazkenetan bosgarren eta seigarren eskola-orduetan, goizez, eta gainerako eskola-orduak arratsaldez eta goizez esleituta izatea, betiere zerbitzua emateko premien arabera.

Ikastetxeko zuzendaritzak lanbide konpetentziak akreditatzeko irakasle arduradunari ohartarazi beharko dio malgutasuna izan behar duela bere ordutegi pertsonalean, ikastetxeak egiten duen akreditatze zerbitzua emateko premien arabera, zuzendaritzak adierazitako jarraibideekin bat eta aintzat hartuta zer ordutan egin behar diren bilerak aholkulari, ebaluatzaile, izangai edo beste eragile parte-hartzaile batzuekin.

8. Lanbide konpetentziak akreditatzeko arduradunaren eginkizunak.

Lanbide konpetentziak akreditatzeko arduradunak eginkizun hauek izanen ditu, besteak beste:

–Ikastetxean Lanbide Konpetentziak Akreditatzeko Urteko Plana egitea, ikastetxeko zuzendaritzak eta Lanbide Heziketaren Plangintza eta Integraziorako Zerbitzuak adierazitako jarraibideekin bat.

–Lanbide Heziketaren Plangintza eta Integraziorako Zerbitzuarekiko harremanetan ikastetxeko solaskidea izatea, zuzendariarekin edo hark eskuordetzen duen pertsonarekin batera, lanbide konpetentziak akreditatzeari dagokion guztian.

–Irakasle laguntzaileekin eta aholkulari eta ebaluatzaileekin egiten diren bilerak zuzentzea, Akreditatzeko Urteko Planean ezarritako egutegiaren arabera.

–Ikastetxeko eragin eremuan, lanbide konpetentziak akreditatzeari dagokionez, dauden premiak diagnostikatzea, LH-Bidearekin koordinatuta, bai eta Lanbide Heziketaren Sistemako lanbide orientazioarekin eta lanbide arloko departamentuekin ere.

–Ikastetxeko Lanbide Heziketako Sistemako Lanbide Orientazioaren Batzordearekin lankidetzan, interesdunei zuzendutako informazio eta orientazio ekintzak gauzatzea lanbide konpetentziak akreditatzeko prozedurari dagokionez. Halaber, laguntza eskainiko zaie eskaera erregistratzeko halakorik behar dutenei.

–Lanbide arloko irakasle laguntzaileekin batera, interesdunak orientatzea haien profilarekin, esperientziarekin eta prestakuntzaren edo lanbidearen jarraitutasunerako espektatibekin hobekien ematen duten konpetentzia estandarrei buruz.

–Aitortza eskaera erregistratzea, egiaztatu ondoren eskaeraren xede diren lanbide konpetentzietarako baldintzak betetzen direla. Erregistro hori akreditatzeko prozedurak kudeatzeko plataforma informatikoaren bidez eginen da (acreditanavarra.es).

–Informazio eta orientazio arreta eskatu duten pertsonen eginiko arreta guztien erregistro bat izatea, kontuan izan gabe azkenean akreditatzeko prozeduran izena eman duten edo ez. Erregistro horien datuak Akreditazio Profesionalen Atalari jakinaraziko zaizkio ikasturtea amaitzean, bai eta Lanbide Heziketaren Plangintza eta Integraziorako Zerbitzuak hala eskatzen duenean ere.

–Akreditatzeko prozedura hori hedatzea, Kanpoko Lanbide Jardueren Departamentuko buruarekin edo eginkizun horiek dituen pertsonarekin batera, eta ikastetxearen eragin eremuko ekoizpen eta zerbitzuen sektorean, bereziki ikastetxeak lankidetza-hitzarmenak dituen enpresa, entitate edo erakundeekin.

–Ikastetxean lanbide konpetentziak akreditatzeko garatzen diren ekintzak kudeatzea, barne direla prozeduran parte hartzen duten ikastetxetik kanpoko langileen jarduketak.

–Une bakoitzean behar diren konpetentzia estandarretan gaitutako pertsonak bilatzea (ikastetxeko langileak eta ikastetxetik kanpoko langileak), eta aholkularitza eta ebaluazio faseak garatzeko gaitutako pertsonak proposatzea, Lanbide Heziketaren Plangintza eta Integraziorako Zerbitzuko zuzendariak balioztatzeko eta hautatu ditzan (hautatutakoek gauzatu beharreko aholkularitza eta ebaluazio eginkizunak adieraziko dira izendapenean).

–Aholkulari eta ebaluatzaileekin izan beharreko bilerak zuzentzea, eta jakinaraztea prozedurari zer jarraibide dagozkion, eta zein diren baldintza ekonomikoak, fase bakoitzerako garapen epeak eta abar.

–Aholkulariekin eta ebaluatzaileekin prozedura instruitzeko fase bakoitzeko jarduketen egutegia adostea, eta espazioak esleitzea (ikasgelak, tailerrak, etab.) aholkularitza eta ebaluazio bilera horiek egiteko jarduketen egutegiarekin bat.

–Izangaiak aholkularitza eta ebaluazio taldeko bileretara deitzea prozedurak kudeatzeko plataformaren bidez, eta beharrezkoa izanez gero, posta elektroniko bidez.

–Izangaiak prozeduraren faseetako bakoitza egitean, lanbide konpetentzien estandarretako bakoitzerako, izangaiari aholkulari edo ebaluatzaile bana esleitzea. Esleipen horiek prozedurak kudeatzeko, plataforma informatikora igorriko dira.

–Ikastetxeetan instrukzio faseetako bakoitzean akreditatzeko espedienteei dagozkien agiriak ikuskatzea eta balioztatzea prozedurak kudeatzeko plataforma informatikoaren bidez.

–Akreditazio Profesionalen Atalera bidali aurretik, ikastetxean eginiko akreditatzeko prozeduren akreditazio ekonomikoak biltzea, berrikustea eta balioztatzea.

–Akreditazio Profesionalen Atalari jakinaraztea zer gorabehera gertatu den prozedurak gauzatzean, eta Atalarekin lan egitea horiek ebazteko.

–Zeharka lan egitea Etengabeko Prestakuntzaren arduradunarekin, Etengabeko Prestakuntzako ekintzetan eskaera handiko egoeretan. Laguntza hori malgutasunez emanen da, baldin eta akreditatzeko prozeduraren plangintzak ahalbidetzen badu; betiere, aprobetxatuko dira karguak eginkizun gutxien dituen garaian.

–Hezkuntza Departamentuko Hezkuntzako eta Lanbide Heziketako Zuzendaritza Nagusiak, Lanbide Heziketaren Plangintza eta Integraziorako Zerbitzuak edo indarrean dauden arauzko xedapenek ezartzen duten beste edozein.

9. Lanbide konpetentziak akreditatzeko prozedura ebaluatzeko batzordeak.

Sare publikoko Lanbide Heziketako ikastetxe bateratuak erreferentzia ikastetxeak izanen dira bertan eskaintzen diren lanbide arloetakoren baten lanbide konpetentziak akreditatzeari dagokionez, Hezkuntza Departamentuak ezarritako plangintzarekin bat.

Uztailaren 18ko 659/2023 Errege Dekretuaren 179.11 artikuluan ezarritakoaren arabera, Hezkuntzako eta Lanbide Heziketako Zuzendaritza Nagusiak ebaluazio batzorde bat izendatuko du Nafarroako Foru Komunitatean lanbide konpetentziak akreditatzeko prozedurak eginen diren lanbide arlo bakoitzerako.

Ebaluazio batzordeak iraunkorrak izanen dira, baina horrek ez du eragotziko kideak aldatzea prozeduraren premien arabera. Batzordeko burua lanen, gardentasunaren eta objektibotasunaren erantzulea izanen da, eta Administrazioko funtzionario publiko bat izanen da, ahal dela gutxienez bi urteko esperientzia duena prozedura honen gaineko aholkularitza edo ebaluazio eginkizunetan.

Lanbide Heziketaren Plangintza eta Integraziorako Zerbitzuak hautapen prozesuak irekitzen ahalko ditu ebaluazio batzordeetako kideak hautatzeko, dagozkien oinarrietan ezarritako irizpideekin bat.

Lanbide arlo baten ebaluazio batzordean plaza hutsen bat egonez gero, plaza huts horiek lehentasun ordena honen arabera beteko dira:

–Lehenik eta behin, dagokion lanbide arloko departamentuko buru bat, baldin eta funtzionarioa bada eta ebaluazio eginkizunetarako gaituta badago lanbide konpetentziak akreditatzeko prozeduran. Ahal dela, lanbide arlo horretako akreditatzeko prozedurak garatzen diren ikastetxe bateko departamentuko burua izanen da.

–Eginkizun horiek bere gain hartzen ahal dituen bururik egon ezean, dagokion lanbide arloko ziklo baten koordinatzaile bat, baldin eta funtzionarioa bada eta ebaluazio eginkizunetarako gaituta badago prozeduran.

–Azkenik, eginkizun horiek bere gain hartzen ahal dituen koordinatzailerik egon ezean, dagokion lanbide arloko departamentu baten irakasle bat, baldin eta funtzionarioa bada eta ebaluazio eginkizunetarako gaituta badago prozeduran.

Ebaluazio batzordeen eginkizunak indarreko araudiak eta prozeduraren jarraibide espezifikoek ezarritakoak izanen dira, eta horren baitan egonen da ebaztea onartzeko prozedurak iraun bitartean, prozedura instruitu bitartean edo horren emaitzari dagokionez aurkezten diren erreklamazioak. Era berean, ebaluaziorako plan orokorrak, tresnak, jarduerak, ebaluaziorako egoera profesionalak, elkarrizketak eta dagozkion lotutako irizpideak zaindu beharko dituzte.

10. Lanbide Heziketako ikastetxe publikoen arteko lankidetza sustatzea.

Lankidetza ekintzak sustatuko dira Nafarroako Lanbide Heziketako ikastetxe publikoen artean, lanbide konpetentziak akreditatzeko prozedurak garatzeko.

Lankidetza horren xedea, beste batzuen artean, hau izanen da: espazioak, instalazioak eta ekipamenduak modu partekatuan erabiltzea; gaitutako aholkulari eta ebaluatzaileek parte hartzea; lanbide arloen artean koordinatzea; prozedura hedatzea; izangaiei arreta eskaintzea; akreditatzeko premiak identifikatzea, eta prozedurak antolatzeko efizientzia hobetzea.

Horretarako, Hezkuntzako eta Lanbide Heziketako Zuzendaritza Nagusiak sustatuko ditu lantaldeak, koordinazio bilerak, akreditatzeko arduradunen sareak edo ikastetxeen ordezkariek eta Lanbide Heziketaren Plangintza eta Integraziorako Zerbitzuko ordezkariek elkarrekin eginiko jarduketak.

Ikastetxeen arteko lankidetzak sustatu beharko du Nafarroan dauden akreditatzeko premiei modu orekatuagoan eta eraginkorragoan erantzutea, batez ere sistemaren arreta gaitasuna indartzea beharrezkoa den lanbide arloetan, konpetentzia estandarretan edo lurralde eremuetan.

11. Ikastetxeetan prozeduraren jarraipena egitea.

Ikastetxeetan lanbide konpetentziak akreditatzeko prozedura ezartzearen jarraipena eginen du Lanbide Heziketaren Plangintza eta Integraziorako Zerbitzuak, zuzenean edo eskudun diren atal edo unitateen bidez.

Ikastetxeek eskatzen zaien informazioa eman beharko dute honako hauei buruz: plangintza, garapena, parte-hartzea, hautemandako premiak, informazio eta orientazio jarduketak, LH-Bidearekin koordinatzea, espazioak eta ekipamenduak erabiltzea, ikastetxeen arteko lankidetza eta hobekuntza proposamenak.

Prozedurari jarraipena egitearen xedea da lanbide konpetentziak akreditatzeko antolamendua hobetzea, ikastetxeen sarearen koordinazioa indartzea, jarduketen kalitatea eta homogeneotasuna sustatzea eta bermatzea prozedurak modu eraginkorrean bultzatzen duela pertsonen kualifikazioa hobetzea eta ekoizpen eta gizarte ingurunearen premiei erantzutea.

IV. KAPITULUA.–HELDUEN OINARRIZKO KONPETENTZIAK AKREDITATZEKO PROZEDURA

1. Helduen oinarrizko konpetentziak akreditatzeko prozedura.

Helduen oinarrizko konpetentziak akreditatzeko prozedura jarduketa espezifiko bat da, Lanbide Heziketaren Sisteman txertatutakoa, eta bideratuta dagoena helduek lanbide esperientziaren bidez, prestakuntza ez-formalaren bidez edo ikaskuntza informalaren bidez eskuratutako oinarrizko konpetentziak identifikatzera, baloratzera eta modu formalean akreditatzera.

Prozedura horren bidez, honako hauek sustatu beharko dira: bizi osoko ikaskuntza, oinarrizko konpetentziak hobetzea, Lanbide Heziketaren Sistemako eskaintzetan parte hartzea eta pertsona bakoitzaren premiei egokitutako prestakuntza eta lanbide ibilbideak eraikitzea.

Kapitulu honetan jasotako jarraibideen izaera antolakuntzakoa eta prozedurazkoa da 2026-2027 ikasturterako, hargatik eragotzi gabe otsailaren 11ko 86/2025 Errege Dekretuak, Nafarroan prozedura arautzen duen foru-dekretuak eta Nafarroan ezartzeko ematen diren jarraibide espezifikoek ezartzen dutena.

2. Arau esparrua eta erregelamenduzko garapenaren plangintza Nafarroan.

Otsailaren 11ko 86/2025 Errege Dekretuak ezartzen du lan esperientziaren bidez eta prestakuntza ez-formalaren bidez eta informalaren bidez helduek eskuratutako oinarrizko konpetentziak ebaluatzeko eta akreditatzeko prozedura, bai eta helduen oinarrizko konpetentziak ebaluatzeko eta akreditatzeko ezarritako erreferentzia-esparrua ere.

2026-2027 ikasturtean zehar, Hezkuntza Departamentuak arautzea sustatuko du Nafarroan oinarrizko konpetentziak akreditatzeko prozeduraren foru dekretuaren bidez, Estatuko prozedura Foru Komunitatearen antolakuntzara, ikastetxeetara, eskaintzetara, zerbitzuetara eta premietara egokitzeko hasitako arau-plangintzaren esparruan.

Dagokion erregelamenduzko arautzea onesti arte, 2026-2027 ikasturtean gauzatzen diren jarduketak hasierako txertatze esperimentala, pilotua, plangintza edo garapen mailakatua izanen dira, Hezkuntzako eta Lanbide Heziketako Zuzendaritza Nagusiak emandako jarraibideekin bat.

3. Prozeduraren xede diren oinarrizko konpetentziak.

Prozeduraren xede izanen dira Estatuko erreferentzia esparruan definitutako oinarrizko hiru konpetentziak: komunikaziorako oinarrizko konpetentzia gaztelaniaz, matematikarako oinarrizko konpetentzia eta oinarrizko konpetentzia digitala.

Konpetentzia horiek oinarrizko konpetentzia gisa hartuko dira, helduek parte har dezaten prestakuntza, kualifikazio, akreditazio, sarrera prozesuetan eta ibilbide pertsonala, prestakuntzakoa eta profesionala hobetzekoetan.

4. Konpetentzia maila.

Konpetentzia eremu bakoitzerako lau maila ezarri dira, konplexutasun txikienetik handienera mailakatuta. Maila horiei bidez posible da identifikatzea pertsona helduek zer dakiten, zer ulertzen duten eta zer egiteko gai diren oinarrizko konpetentziak definitzen dituzten domeinuei dagokienez.

1., 2., 3. eta 4. mailak Etengabeko Irakaskuntzarako Kualifikazioen Espainiako Esparruan ezarritako kualifikazioen ezaugarriei lotzen zaizkie, eta erreferente gisa erabiliko dira Nafarroan gauzatzen diren prestakuntza ekintzen akreditaziorako, orientaziorako eta antolakuntzarako.

5. Hasierako ezarpena, 2026-2027 ikasturtean zehar.

2026-2027 ikasturtean, Nafarroan pixkanaka hasiko da ezartzen helduen oinarrizko konpetentziak akreditatzeko prozedura, bai eta konpetentzia mailei lotutako prestakuntza eskaintzena ere.

Hasierako ezarpen hori egiteko, konbinatu eginen dira oinarrizko konpetentzien ikastaroak, ikaskuntzen hasierako balorazio akreditatiboak, orientazio jarduketak eta ikastetxeen parte-hartze progresiboa, bat etorriz Lanbide Heziketaren Plangintza eta Integraziorako Zerbitzuak ezarritako plangintza operatiboarekin.

Ezarpena modu mailakatuan, koordinatuan eta jasangarrian eginen da, koherentzia bermatu dadin akreditatzeko prozeduraren, oinarrizko konpetentzien ikastaroen, sartzeko ikastaroen, sarrera proben, lanbide orientazioaren eta helduen premien artean.

6. 1. eta 2. mailako oinarrizko konpetentzien ikastaroak.

2026-2027 ikasturtean zehar, 1. eta 2. mailako oinarrizko konpetentzien hiruhilekoko ikastaroak emanen dira Helduen Oinarrizko Hezkuntzako ikastetxeetan eta Hezkuntza Departamentuak ezarritako Helduen Oinarrizko Hezkuntzako ikastetxe publikoetan.

Ikastaro horiek xede izanen dute helduek 1. eta 2. mailako oinarrizko konpetentziak eskuratu, indartu edo eguneratu ahal izan ditzaten, bai eta, hala dagokionean, konpetentzia horiek akreditatzeko jarduketak parte har dezaten ere.

Ikastaro horien antolaketa zehatza, horien egutegia, sartzeko baldintzak, egitura, taldeak, irakasleak, ordutegia eta parte hartzen duten ikastetxeak bat etorriko dira Hezkuntzako eta Lanbide Heziketako Zuzendaritza Nagusiak ezarritako jarraibide espezifikoekin.

7. 3. eta 4. mailako oinarrizko konpetentzien ikastaroak.

2026-2027 ikasturtean zehar, 3. eta 4. mailako oinarrizko konpetentzien lauhilekoko ikastaroak emanen dira Félix Urabayen Nafarroako Helduentzako Bigarren Hezkuntzako Institutuan eta Benjamín De Tudela BHIn.

Erdi mailako zikloetan sartzeko ikastaroak 3. mailako oinarrizko konpetentziak izanen ditu erreferentziatzat. Goi mailako zikloetan sartzeko ikastaroak 4. mailako oinarrizko konpetentziak izanen ditu erreferentziatzat.

Ikastaro horien antolaketak ahalbidetu beharko du helduek bereganatu edo indartu ditzaten Lanbide Heziketaren sisteman sartzeko eta prestakuntzaren jarraitutasunerako prozesuetan parte hartzeko behar diren oinarrizko konpetentziak.

8. Ikaskuntzen hasierako balorazioak.

Ikaskuntzen hasierako balorazioak (aurrerantzean, IHB) helduen oinarrizko konpetentziak akreditatzeko prozeduran erabiliko dira, eta bi xede izanen dituzte. Batetik, ikasleak bereganatutako oinarrizko ikaskuntzak eta konpetentziak identifikatzea eta baloratzea; eta, bestetik, pertsona horren prestakuntza ibilbidea, ibilbide profesionala edo akreditatzeko ibilbidea orientatzea.

2026-2027 ikasturtean zehar, IHBak akreditatzaileak izaten ahalko dira, baldin eta Hezkuntza Departamentuak ezarritako prozedurara, baldintzetara, irizpideetara eta tresnetara egokitzen badira.

IHB akreditatzaileen bidez, egoki den mailan oinarrizko konpetentziak modu formalean aitortzen ahalko dira, eta 2025-2026 ikasturtera arte izandako akreditatzeko prozedurak ordeztuko dituzte, iraganeko funtsezko konpetentzien proba libreei lotuta baitzeuden. Hala, IHB akreditatzaileak otsailaren 11ko 86/2025 Errege Dekretuan ezarritako oinarrizko konpetentzien esparru berrira egokituko dira.

IHBak gauzatzean, irizpide hauek hartu beharko dira kontuan: irisgarritasuna, objektibotasuna, proportzionaltasuna, orientazio pertsonalizatua, trazabilitatea eta hartzaile diren helduen ezaugarriak.

9. IHB akreditatzaileak egiten ahalko dituzten ikastetxeak.

2026-2027 ikasturtean, Helduen Oinarrizko Hezkuntzako ikastetxe eta egitura publikoek eta helduen Bigarren Hezkuntza eskaintzen duten Bigarren Hezkuntzako Institutuek IHBak egiten ahalko dituzte oinarrizko konpetentziak akreditatzeko prozeduraren barnean, bat etorriz Hezkuntza Departamentuak emandako jarraibideekin.

Era berean, oinarrizko mailako heziketa zikloak eskaintzen dituzten Lanbide Heziketako ikastetxeek, 2026-2027 ikasturtean zehar modu mailakatuan parte hartzen ahalko dute IHB akreditatiboak egiteko prozeduran, Lanbide Heziketaren Plangintza eta Integraziorako Zerbitzuak ezarritako baldintza operatiboen arabera.

Oinarrizko mailako zikloak ematen dituzten Lanbide Heziketako ikastetxeek parte hartzeak erraztu beharko du prozedura lurraldean zabaltzea, oinarrizko konpetentziak akreditatzeko premiak dituzten helduei arreta eskaintzea eta akreditazioaren, orientazioaren eta Lanbide Heziketaren Sistemako prestakuntza ibilbideen arteko konexioa.

10. Lotura erdi mailako eta goi mailako zikloetara sartzeko ikastaroekin.

2026-2027 ikasturteko erdi mailako eta goi mailako zikloetara sartzeko ikastaroak bat datoz otsailaren 11ko 86/2025 Errege Dekretuak ezarritako helduen oinarrizko konpetentzien erreferentzia esparruarekin.

Hala, erdi mailako zikloetan sartzeko ikastaroak 3. mailako oinarrizko konpetentziak izanen ditu erreferentziatzat, eta goi mailako zikloetan sartzeko ikastaroak 4. mailako oinarrizko konpetentziak izanen ditu erreferentziatzat.

Baterako erreferentzia horrek koherentzia handiagoa egon dadin sustatu beharko du akreditatutako oinarrizko konpetentzien, sartzeko ikastaroen, helduen orientabidearen eta Lanbide Heziketaren Sistemako D graduen ondorengo prestakuntzaren jarraitutasunerako ibilbideen artean.

11. Lotura erdi mailako edo goi mailako zikloetan sartzeko proben izen-ematearekin.

Erdi mailako edo goi mailako zikloetan sartzeko probek, 2027. urtean egiten badira, dagozkien sartzeko ikastaroen konpetentzien esparrua izanen dute erreferentziatzat.

Horretarako, erdi mailako zikloetan sartzeko probek 3. mailako oinarrizko konpetentziak izanen dituzte erreferentziatzat, eta goi mailako zikloetan sartzeko probek 4. mailako oinarrizko konpetentziak izanen dituzte erreferentziatzat.

Sarbide probak oinarrizko konpetentzien erreferentzia esparruarekin bat egiteak sistemaren koherentzia errazten du, alferrikako gainjartzeak ekiditen ditu eta helduek orientazio hobea izan dezaten ahalbidetzen du, akreditazioari, sartzeko ikastaroei, sarbide probei eta Lanbide Heziketako eskaintzetan parte hartzeari dagokionez.

12. LH-Bidearekin eta Lanbide Heziketaren Sistemako lanbide orientazioarekin koordinatzea.

Helduen oinarrizko konpetentziak akreditatzeko prozedura koordinatu beharko da Nafarroan Lanbide Heziketaren Sistemako lanbide orientazioarekin, eta, espezifikoki, LH-Bidea programarekin.

Koordinazio horrek ahalbidetu beharko du helduei informazioa eta orientabideak ematea akreditatzeko prozedurari buruz, IHBei buruz, oinarrizko konpetentzien ikastaroei buruz, sartzeko ikastaroei buruz, sarbide probei buruz, prestakuntzaren jarraitutasunerako aukerei buruz eta norberaren konpetentzien, esperientziaren, espektatiben eta premien araberako ibilbide egokienei buruz.

LH-Bidean parte hartzen duten pertsonek eta taldeek, ezartzen diren baldintzei jarraikiz, lagunduko dute prozedura hedatzeko, interesdunak bideratzeko eta prestakuntza, akreditazio eta kualifikazio ibilbide pertsonalizatuak eraikitzeko.

13. Ikastetxeei informazioa ematea eta irakasleek parte hartzea.

Inplikatutako ikastetxeetako zuzendariek irakasle taldeari emanen diote otsailaren 11ko 86/2025 Errege Dekretuari buruzko informazioa, bai eta Nafarroan prozeduraren arauzko garapenari buruzkoa eta 2026-2027 ikasturtean zehar eginen diren jarduketei buruzkoa ere.

Horrez gain, ikastetxeek aukera izanen dute informazioa jasotzeko honako hauetan parte hartzeko interesa duten irakasleei buruz: oinarrizko konpetentziak akreditatzeko prozedurak, IHBak egitea, oinarrizko konpetentzien ikastaroak ematea edo arlo horri lotutako beste jarduera batzuk. Ondoren, Lanbide Heziketaren Plangintza eta Integraziorako Zerbitzuari helaraziko diote informazio hori, halakoetarako ezarritako prozeduraren bidez.

Hezkuntza Departamentuak ikastetxe eta irakasle parte-hartzaileei zuzendutako hainbat prestakuntza ekintza, informazio saio, koordinazio bilera, lantalde edo laguntza materialak sustatuko ditu. Besteak beste, hauek:

a) Profesionalak prestatzeko ikastaro bat eskainiko da, ebaluazio eta helduen oinarrizko konpetentziak akreditatzeko prozedurari buruzkoa. Zehazki, prozedura ezartzeko arduradunei eta prozeduran parte hartuko duten irakasleei zuzenduko zaie, ebaluazio zorrotz eta irisgarri bat egiteko behar diren ezagutzak, gaitasunak eta jarrerak izan ditzaten.

b) Komunitate praktiko bat sortuko da, eta hark baliabideen banku kolaboratibo bat garatuko du, konpetentzia egoerekin, errubrikekin eta elkarrizketa eta ebaluazio tresna komunekin.

c) Lantalde bat eratuko da, irakasle boluntarioz osatutakoa, pilotutza egiteko eta prozedura martxan jartzen laguntzeko. Horretarako, esku-hartze protokoloak eginen dituzte eta oinarrizko konpetentziak ebaluatzeko eta irakasteko materialak garatuko dituzte.

14. Oinarrizko konpetentziak akreditatzearen ondorioak.

Oinarrizko konpetentziak akreditatzeko prozeduren baitan ematen diren akreditazioen ondorio orokor eta espezifikoak izanen dira otsailaren 11ko 86/2025 Errege Dekretuan, Nafarroan prozedura hori arautzen duen foru dekretuan eta hori aplikatzeko ematen diren jarraibide espezifikoetan ezarritakoak.

Oinarrizko konpetentzien akreditazioek ondorioak izaten ahalko dituzte Lanbide Heziketaren Sistemako eskaintzetan sartzeko, helduen orientazioan, prestakuntza ibilbideen plangintzan eta aplikatzekoa den araudiak ezartzen duen beste edozein egoeratan.

Ikastetxeek akreditazioen ondorioei buruzko informazioa eman beharko diete interesdunei, modu argi, zuhur eta unean uneko indarreko araudiaren araberakoa. Hala, aplikatzekoa den araudian jaso gabeko espektatibak sortzea ekidinen da.

15. Hasierako ezarpenari jarraipena egitea.

Lanbide Heziketaren Plangintza eta Integraziorako Zerbitzuak eginen du 2026-2027 ikasturtean helduen oinarrizko konpetentziak akreditatzeko prozeduraren hasierako ezarpenaren jarraipena, zuzenean edo horretarako eskumena duten atal, bulego edo unitateen bidez.

Parte hartzen duten ikastetxeek eskatzen zaien informazioa eman beharko dute honako hauei dagokienez: gauzatutako ikastaroak, eginiko IHBak, akreditatutako mailak, parte-hartzaileen profilak, detektatutako premiak, koordinazioa LH-Bidearekin, antolakuntza zailtasunak, hobekuntza proposamenak eta hasierako ezarpenaren emaitzak.

Fase honetan jarraipena egitea baliagarria izan beharko da erregelamenduzko garapena zehazteko, prozeduraren antolakuntza hobetzeko, ikastetxeen eta zerbitzuen arteko koordinazioa indartzeko eta Nafarroan Lanbide Heziketaren Sistemaren ereduan modu progresiboan zabaltzea prestatzeko.

V. KAPITULUA.–LANBIDE HEZIKETAREN SISTEMAKO LANBIDE ORIENTAZIOA

1. Lanbide Heziketaren Sistemako lanbide orientazioa.

Lanbide orientazioa egiturazko elementu bat da Lanbide Heziketaren Sisteman, eta xede du pertsonei lagun egitea beren prestakuntza eta lanbide ibilbideak identifikatzeko, konfiguratzeko, garatzeko eta eguneratzeko, bat etorriz haien interesekin, espektatibekin, aurretiazko esperientziarekin, egoera pertsonalarekin, kualifikazio premiekin eta lanbide txertaketa, hobekuntza edo sustapen aukerekin.

Lanbide Heziketaren Sistemako lanbide orientazioa Lanbide Heziketako eskaintzaren ikasleei zuzenduko zaie, kualifikazioa hasi, jarraitu, osatu edo eguneratu nahi duten helduei, lanean edo langabezian dauden pertsonei, lanbide konpetentziak edo oinarrizko konpetentziak akreditatzeko prozeduretan parte hartzen dutenei eta Nafarroan Lanbide Heziketaren Sistemarekin lankidetzan aritzen diren enpresei, entitateei eta erakundeei.

Lanbide orientazioa integrala, pertsonalizatua, malgua eta iraunkorra izanen da, eta sustatu beharko du hobea izan dadin Lanbide Heziketaren Sistemak eskaintzen dituen aukerei buruzko ezagutza, pertsonen premien eta eskuragarri dauden prestakuntza eskaintzen arteko egokitzapena, ekoizpen sektorearen eta zerbitzuen sektorearen arteko lotura eta prestakuntza ibilbideen eta lanbide ibilbideen arteko eraikuntza koherentea.

Jarduketa ildo lehenetsiak honako gai hauen ingurukoak izanen dira:

a) Orientazioa, Lanbide Heziketaren aurreko hezkuntza etapetan eta Lanbide Heziketan sartzeko. Derrigorrezko hezkuntzan orientazioa egitean, DBHn gutxienez, lanbide arloan pixkanaka heldutasunera iristeko oinarriak ezartzea izan behar da ardatz, bai eta norberaren ibilbidea prestatzea ere. Horretarako, ibilbide garatzeko zereginak proposatu behar dira, erabaki egokiak har daitezen, hezkuntza-uzte goiztiarraren tasa murrizteko.

b) Lanbide orientazioa Lanbide Heziketako Sisteman. Eginiko hautuarekiko gogobetetze maila eta egoten ahal diren trantsizioak direla-eta, ezinbestekoa da banakako aholkularitza egitea prestakuntza ibilbideei buruz eta enplegagarritasuna sortzen duten eta norbanakoari bere prestakuntza eta lanbide ibilbidea kudeatzea ahalbidetuko dioten gaitasunei buruz.

c) Ekintzailetzarako lanbide orientazioa. Ekintzailetza sustatzeko orientazioa egiteko, hainbat konpetentzia garatu behar dira, ekintzailetzak duen izaera berritzailea, motibagarria eta sorkuntzakoa islatzen dutenak; izan ere, ekintzailetzak nor bere ekimenen kudeatzaile eta sustatzaile izatea ahalbidetzen du.

d) Estereotipoak hautsiko dituen lanbide orientazioa. Lanbide orientazioak aukera berdintasuna sustatu behar du. Lanbide sektoreei eta lanbideei buruzko kalitate oneko informazioa eta orientazioa izateak emakumeei eta gizonei ahalbidetu beharko die beren bizi-proiektutik seguruenik baztertuta zituzten lanbideetan aukerak ezagutzea. Beharrezkoa da erabakiek informazio objektibo eta errealista izatea oinarri.

e) Oztopoak gaindituko dituen lanbide orientazioa. Lanbide Heziketaren Sisteman, ekitatearekiko konpromisoa oinarri hartuta, lanbide orientazioak lan egin behar du premia espezifikoak dituzten pertsonekin edo egoera pertsonal edo sozialak direla-eta zailtasunak dituzten talde guztiekin. Arreta indibidualizatua behar duten kolektibo horien artean daude desgaitasuna duten pertsonak, gizartean edo lan-munduan txertatzeko zailtasunak dituzten pertsonak, gizarte-bazterkeria arriskuan dauden gazteak eta hezkuntza sistema behar baino lehenago utzi dutenak.

2. LH-Bidea programa.

Nafarroako Lanbide Heziketaren Sistemako Lanbide Orientazioko Zerbitzuaren Nafarroako marka da LH-Bidea programa.

2026-2027 ikasturtean, LH-Bidea programa pixkanaka ezartzen jarraituko da, bai eta Lanbide Orientazioaren kide anitzeko Batzordearen osaera orokortzen ere, xede izanik Lanbide Heziketako Sistemaren orientazio profesionaleko egitura egonkor, koordinatu eta espezializatu bat zabaltzea Lanbide Heziketako eskaintzak ematen dituzten ikastetxeetan.

LH-Bidea programa gauzatzeko, ezinbestekoa izanen da Lanbide Heziketaren Plangintza eta Integraziorako Zerbitzuarekin koordinatzea, Lanbide Heziketaren Sistemako Lanbide Orientazioaren gaineko Aholkularitzaren bidez. Edonola ere, horrek ez du galarazten programaren ezarpenean lagun dezaketen beste zerbitzu, unitate, ikastetxe, entitate edo eragile batzuek ere parte hartzea.

LH-Bidea programa pixkanaka ezartzean, faboratu beharko da ikastetxeek lanbide orientazioko eredu sistematiko baterantz aurrera egin dezaten informazio edo orientazio ekintza puntualen bidez. Sistema hori ikastetxearen plangintza instituzionalean egonen da integratuta, eta Lanbide Heziketaren Sistemako gainerako programekin koordinatuta eta inguruneko ekoizpen eta gizarte sarearekin konektatuta egonen da.

3. 2026-2027 ikasturterako lehentasunezko helburuak.

2026-2027 ikasturtean, LH-Bidea modu progresiboan ezartzeko lehentasunezko helburuak honako hauek izanen dira:

a) Lanbide Heziketaren Sistemako lanbide orientazioa zabaltzea Lanbide Heziketako eskaintzak dituzten ikastetxeetara.

b) Lanbide orientazioko kide anitzeko batzordeak finkatzea, Lanbide Heziketa ematen duten ikastetxeetako lan-egitura orokor gisa.

c) Ikastetxeen, Lanbide Heziketaren Sistemako Lanbide Orientazioaren gaineko Aholkularitzaren eta programa pixkanaka ezartzea bultzatzeko ardura dutenen arteko koordinazioa faboratzea.

d) Sustatzea ikastetxeek Lanbide Heziketaren Sistemako Lanbide Orientazioko Urteko Plana presta dezaten, LH-Bidea programaren berezko jarduketa gisa.

e) Pertsonen garapen pertsonal eta profesionalean laguntzea, eta haien interes, premia, aukera eta ikuspegien araberako prestakuntza ibilbideak eratzeko aukera ematea, aintzat hartuta Lanbide Heziketaren Sistemako eskaintzak.

f) Ezagutza hobetzea lanbide konpetentziak akreditatzeko prozeduren A, B, C, D eta E graduen inguruan, helduen oinarrizko konpetentzien akreditazioaren inguruan eta kualifikaziorako, birkualifikaziorako eta etengabeko irakaskuntzarako kualifikazioen inguruan.

g) Ikastetxeek enpresekin, pareko erakundeekin, entitateekin, orientazio zerbitzuekin, gizarte eragileekin eta inguruko bestelako baliabideekin duten harremana sustatzea, prestakuntza eta lanbide ibilbideen inguruko informazioa, akonpainamendua eta egokitzapena hobetze aldera.

h) Nafarroan Lanbide Heziketaren Sistemako lanbide orientaziorako sare bat sustatzea, oinarri izanen dituena ikastetxeen arteko lankidetza eta jarduketen, irizpideen eta baliabideen arteko koordinazioa.

4. LH-Bidea programa sustatzeko eta lurraldeen arteko edo ikastetxeen arteko koordinazioa egiteko arduradunak.

2026-2027 ikasturtean zehar, hemeretzi ikastetxek hiru edo lau orduko eskola-arduraldi espezifikoa izanen duen irakasle bat izanen dute, LH-Bidea programa sustatzeko, koordinatzeko eta programa pixkanaka ezartzeko zereginak gauzatzeko.

Pertsona horiek programa sustatzeko eta koordinatzeko erreferente gisa jardunen dute, Lanbide Heziketaren Sistemako Lanbide Orientazioaren gaineko Aholkularitzarekin zuzeneko lankidetzan.

Lanbide Orientazioaren gaineko Aholkularitzak modu koordinatuan lan eginen du erreferente horiekin, eta haiek, halaber, ezarritako ikastetxeetako lanbide orientazioko kide anitzeko batzordeetako koordinatzaileekin lan eginen dute, xede izanda Nafarroako Lanbide Heziketaren Sistemako lanbide orientazioaren ezarpena pixkanaka zabaltzea.

Erreferenteek eginkizun hauek izanen dituzte lehenetsita:

–Beren ikastetxeko Lanbide Orientazioaren Kide Anitzeko Batzordea koordinatzea.

–Beren ikastetxeko Lanbide Orientazioko Zerbitzuan arreta ematea.

Aurreko eginkizunekin batera, zeharka, honako hauek gauzatuko dira:

–Lanbide Heziketaren Sistemako Lanbide Orientazioaren gaineko Aholkularitzarekin lan egitea, LH-Bidea programaren plangintza, sustapena eta hori pixkanaka ezartzearen inguruko jarraipena egiteko.

–Haiei esleitutako ikastetxeetako edo koordinatu beharreko ikastetxeetako lanbide orientazioko kide anitzeko batzordeetako koordinatzaileei laguntzea.

–Lanbide Orientazioaren gaineko Aholkularitzaren eta programa pixkanaka ezartzeko parte hartzen duten ikastetxeen arteko komunikazioa erraztea.

–Lanbide Heziketaren Sisteman lanbide orientazioa garatzeko irizpide, orientazio, eredu eta prozedura komunak hedatzen laguntzea.

–Ikastetxeen arteko truke, koordinazio eta lankidetza espazioak sustatzea.

–Ikastetxeetan detektatutako premiak, zailtasunak, jardunbide egokiak eta hobekuntza proposamenak biltzea eta Lanbide Orientazioaren gaineko Aholkularitzari igortzea.

–Lanbide Heziketaren Plangintza eta Integraziorako Zerbitzuak ezarritako koordinazio, prestakuntza edo jarraipen bileretan parte hartzea.

–Hezkuntzako eta Lanbide Heziketako Zuzendaritza Nagusiak, Lanbide Heziketaren Plangintza eta Integraziorako Zerbitzuak edo programa garatzeko ematen diren jarraibide espezifikoek ezarritako beste edozein.

Erreferenteek norberaren ordutegian ezarriko dute arduraldia, "LH-BD" kodearekin.

5. Lanbide Heziketaren Sistemako Lanbide Orientazioaren kide anitzeko Batzordea.

Lanbide Heziketako eskaintzak ematen dituzten ikastetxeek Lanbide Heziketaren Sistemako Lanbide Orientazioaren kide anitzeko Batzordea osatuko dute.

Lanbide Orientazioaren kide anitzeko Batzordea ikastetxearen barne koordinazioko egitura orokorra izanen da, xede izanen duena Lanbide Heziketaren Sistemako lanbide orientazioko jarduketen plangintza, antolakuntza, garapena, jarraipena eta balorazioa egitea.

Lanbide Orientazioaren kide anitzeko Batzordea diziplinartekoa izanen da, eta ikastetxean dauden eta lanbide orientazioa gauzatzeko esanguratsuak diren profil profesionalak txertatu beharko ditu: hezkuntza orientazioa, Lanerako Prestakuntza eta Orientabideak, kanpoko lanbide jarduerak, lanbide arloak, Etengabeko Prestakuntza, lanbide konpetentziak akreditatzea, zuzendaritza taldearen ordezkari bat eta ikastetxeko zuzendaritzak beharrezko jotzen dituen beste profil batzuk ere.

Lanbide Orientazioaren kide anitzeko Batzordea, hala dagokionean, ikastetxearen beste barne egitura batzuekin koordinatuko da, bai eta beste ikastetxe batzuekin, Lanbide Heziketaren Sistemako Lanbide Orientazioaren gaineko Aholkularitzarekin, LH-Bidea programa sustatzeko eta koordinatzeko erreferenteekin eta orientazioko, enpleguko, prestakuntzako, enpresako edo gizarte zerbitzuetako beste kanpo eragile batzuekin ere.

6. Lanbide Orientazioaren kide anitzeko Batzordearen osaera.

Lanbide Orientazioaren kide anitzeko Batzordeko kideak ikastetxeko zuzendariak izendatuko ditu, eta, oro har, honako hauek osatuko dute:

a) Zuzendaritza taldearen ordezkari bat.

b) Orientabide Departamentuko burua, edo departamentu horretako hezkuntza orientazioko espezialitateko pertsona bat.

c) Ikastetxeko Kanpoko Lanbide Jardueren Departamentuko burua, edo departamentu horretako pertsona bat.

d) Lanerako Prestakuntzaren eta Orientabideen Departamentuko burua, edo departamentu horretako pertsona bat.

e) Ikastetxeko Lanbide Arloen Departamentuetako arduradunak edo eskuordetzen dituzten pertsonak.

f) Etengabeko Prestakuntzaren arduraduna.

g) Lanbide konpetentziak akreditatzeko arduraduna.

h) Ikastetxeko zuzendariak izendatutako beste irakasle batzuk.

Ikastetxeko zuzendariak izendatuko du batzordearen koordinatzailea.

Posible izanen da batzordearen egoera egokitzea ikastetxe bakoitzeko egiturara, ezaugarrietara, irakaskuntzetara eta antolakuntza eskuragarritasunera, baldin eta diziplinartekotasuna mantentzen badu eta Lanbide Heziketaren Sistemako lanbide orientazioko arlo nagusiekiko lotura mantentzen badu.

7. Lanbide Orientazioaren kide anitzeko Batzordearen osaera.

Lanbide Orientazioaren kide anitzeko Batzordearen koordinatzailearen ardura izanen da batzordearen ohiko funtzionamendua dinamizatzea, bileretara deitzea, landutako gaien akta egitea, hartutako erabakiak jasotzea eta batzordeko kideen artean zereginak banatzea.

Batzordeko koordinatzaileak honako eginkizun hauek izanen ditu, besteak beste:

a) Ikastetxean Lanbide Heziketaren Sistemako Lanbide Orientazioko Urteko Plana egiteko lanak koordinatzea, ikastetxeko zuzendaritzak eta Lanbide Heziketaren Plangintza eta Integraziorako Zerbitzuak, Lanbide Heziketaren Sistemako Lanbide Orientazioaren gaineko Aholkularitzaren bidez, adierazitako jarraibideei jarraituz.

b) Lanbide Heziketaren Plangintza eta Integraziorako Zerbitzuarekiko harremanetan ikastetxeko solaskidea izatea, ikastetxeko zuzendariarekin edo hark eskuordetzen duen pertsonarekin batera, Lanbide Heziketaren Sistemako lanbide orientazioaren arloari dagokion guztian.

c) Lanbide Orientazioaren kide anitzeko Batzordearen bilerak zuzentzea, Lanbide Heziketaren Sistemako Lanbide Orientazioko Urteko Planean zehaztutako egutegiaren arabera.

d) Koordinatzea honako hauei buruzko informazioa jasotzea: eginiko jarduketak, atzemandako premiak, egondako gorabeherak eta hobekuntza proposamenak.

e) Erraztea Batzordea koordinatu dadin LH-Bidea programa sustatzeko eta koordinatzeko erreferenteekin, hala dagokionean.

f) Ikastetxean, Lanbide Heziketaren Sistemako lanbide orientazioaren barne hedapena sustatzea.

g) Hezkuntzako eta Lanbide Heziketako Zuzendaritza Nagusiak, Lanbide Heziketaren Plangintza eta Integraziorako Zerbitzuak edo programa garatzeko ematen diren jarraibide espezifikoek ezarritako beste edozein.

Ikastetxeko zuzendaritzak, ikastetxearen antolakuntzak ahalbidetzen duen neurrian, bultzatuko du Batzordeko kide direnen ordutegiek bat egitea, haren koordinazioa eta funtzionamendua faboratzeko.

8. Lanbide Heziketaren Sistemako Lanbide Orientazioko Urteko Plana.

LH-Bidea programaren berezko jarduketa izanen da Lanbide Heziketaren Sistemako Lanbide Orientazioko Urteko Plana.

Lanbide Heziketaren Sistemako Lanbide Orientazioko Urteko Plan bat eginen dute programa pixkanaka txertatzeko parte hartzen duten ikastetxeek. Plan hori ikastetxearen Urteko Jarduketa Planean integratuko da, Lanbide Heziketako planei, proiektuei eta programa espezifikoei dagokien apartatuan.

Lanbide Orientazioko Urteko Planak honako elementu hauek zehaztu beharko ditu, gutxienez:

a) Hasierako diagnostikoa, ikastetxean eta inguruan dauden lanbide orientazioko premiei buruzkoa.

b) Lanbide orientazioko urteko helburuak.

c) Aurreikusitako jarduketak, ikasleei, helduei, langileei, konpetentziak akreditatzeko interesa dutenei, enpresei edo pareko erakundeei eta Lanbide Heziketaren Sistemako beste hartzaile batzuei zuzendutakoak.

d) Arduradunak eta inplikatutako egiturak.

e) Jarduketen denbora-plangintza.

f) Beharrezko baliabideak.

g) Barne eta kanpo koordinazioko mekanismoak.

h) Planaren jarraipena eta betetze mailaren balorazioa egiteko prozedurak.

Lanbide Orientazioko Urteko Plana operatiboa izanen da, eta ahalbidetu beharko du modu koordinatuan antolatu daitezen Lanbide Heziketaren Sistemako Lanbide Orientazioko Zerbitzuari lotutako informazio, akonpainamendu, bideratze, jarraipen eta lankidetza jarduketak.

9. Ikastetxeetan Lanbide Heziketaren Sistemako lanbide orientazioa txertatzea.

Ikastetxeetako zuzendariek lidergoa izan beharko dute Lanbide Heziketaren Sistemako lanbide orientazioa eta LH-Bidea programa ikastetxean txertatzeko orduan.

Horretarako, lanbide orientazioa garatzea faboratuko duten egiturak eta dinamikak sortu beharko dituzte, kide anitzeko batzordearen koordinazioa sustatu beharko dute, ikastetxeko plangintza instituzionalean jarduketak integratu beharko dituzte eta inplikatutako profil profesionalen parte-hartzea sustatu beharko dute.

Horrez gain, ikastetxeko zuzendaritza saiatuko da Lanbide Orientazioaren kide anitzeko Batzordeko koordinatzaileak parte har dezan klaustroetan edo barne koordinazioko beste espazio batzuetan, xede izanik Lanbide Heziketaren Sistemako lanbide orientazioa txertatzeari eta garatzeari lotutako jarduketak hedatzea.

Era berean, sustatuko da Lanbide Orientazioaren kide anitzeko Batzordearen koordinatzaileak parte har dezan lankidetzan aritzeko ezarritako zerbitzu eta entitate ororekin.

Ikastetxeak saiatuko dira, beren antolakuntza eta baliabide aukerei dagokienez, lanbide orientazioko arreta emateko, informatzeko, koordinatzeko eta jarduketa presentzialak gauzatzeko espazio egokiak izan ditzaten.

10. Lanbide orientazioko jarduketak.

Lanbide Heziketaren Sistemako lanbide orientazioko jarduketen artean honako hauek izaten ahalko dira, besteak beste:

a) Lanbide Heziketaren Sistemako A, B, C, D eta E graduetako eskaintzei buruzko informazioa ematea.

b) Informazioa ematea eta akonpainamendua egitea, prestakuntza eta lanbide ibilbideak eratzeko.

c) Informazioa ematea, laneko esperientziaren bidez edo beste bide ez-formal eta informalen bidez lortutako lanbide konpetentziak akreditatzeko prozedurari buruz.

d) Informazioa ematea, helduen oinarrizko konpetentziak akreditatzeko prozedurari buruz.

e) Orientazioa ematea kualifikazioari, birkualifikazioari, lanbide eguneratzeari eta etengabeko ikaskuntzari buruz.

f) Orientazioa ematea prestakuntzaren jarraitutasunari, enplegurako trantsizioari, enplegagarritasuna hobetzeari eta lanbide sustapenari buruz.

g) Enpresekin, pareko erakundeekin eta inguruko eragileekin koordinatzea, lanbide premiei eta prestakuntza edo lanbide aukerei buruzko ezagutza hobetzeko.

h) Hala dagokionean, beste zerbitzu, prozedura, ikastetxe, baliabide edo eragile espezializatuetara bideratzea.

i) Lanbide Heziketaren Sistemako hedapen jarduketak egitea, pertsonei, enpresei, entitateei eta inguruko erakundeei zuzendutakoak.

Lanbide orientazioko jarduketek orientazioaren izaera pertsonalizatu, isilpeko eta diskriminaziorik gabekoa errespetatu beharko dute, eta, horrekin batera, arreta jasotzen duten pertsonen datu pertsonalen babesa ere.

11. Ikastetxeen arteko lankidetza.

Hezkuntzako eta Lanbide Heziketako Zuzendaritza Nagusiak sustatuko du Lanbide Heziketa ematen duten ikastetxe publikoak haien artean lankidetzan aritzea, LH-Bidea programa pixkanaka txertatzeko eta Lanbide Heziketaren Sistemako lanbide orientazioa zabaltzeko.

Ondorio horietarako, esperientziak trukatzeko, irizpideak elkarrekin lantzeko eta jardunbide egokiak zabaltzeko guneak bultzatuko dira Lanbide Orientazioaren kide anitzeko Batzordeetako koordinatzaileen, programa sustatzeko eta koordinatzeko erreferenteen eta Lanbide Orientaziozko Aholkularitzaren artean.

Lanbide Heziketaren Plangintza eta Integraziorako Zerbitzuak, Lanbide Orientazioaren Aholkularitzaren bidez, lantaldeak, koordinazio bilerak, prestakuntza saioak edo baterako prozedurak ezartzen ahalko ditu LH-Bidea programa pixkanaka eta modu homogeneoan ezartzea errazteko.

12. Lankidetza, beste orientazio eragile batzuekin eta ekoizpen eta gizarte ingurunearekin.

Ikastetxeek, beren antolakuntza autonomiaren esparruan eta Hezkuntza Departamentuak ezarritako jarraibideen bidez, sustatzen ahalko dute beste kanpo eragile batzuekin koordinatzea, baldin eta horiek lotuta badaude orientazioarekin, enpleguarekin, prestakuntzarekin, gizarte zerbitzuekin, inklusioarekin, enpresarekin, ekintzailetzarekin edo toki garapenarekin.

Kanpoko eragileekin lankidetzan aritzearen xedea izanen da eskuragarri dagoen informazioa hobetzea, pertsonen bideratze egokia erraztea, ekoizpen eta gizarte ingurunearekiko lotura indartzea eta prestakuntza eta lanbide ibilbidea eratzeko aukerak handitzea.

Lanbide Heziketaren Sistemako Lanbide Orientazioaren gaineko Aholkularitzak laguntza teknikoa emanen die ikastetxeei koordinazio horiek gauzatzeko, bat etorriz LH-Bidea programaren plangintzarekin eta 2026-2027 ikasturterako ezarritako lehentasunekin.

13. Hezkuntza-erantzun inklusiboa Lanbide Heziketan.

Bat etorriz inklusioari buruzko foru aginduarekin, 2026-2027 ikasturtean plangintza sistematiko eta koordinatu bat ezartzeko proiektu bat garatuko da, D graduetan hezkuntza-premia bereziak (HPB) dituzten ikasleentzako hezkuntza-erantzun inklusiboa eta kalitatezkoa hobetzen laguntzeko.

Hezkuntza-erantzun inklusibo hori bat etorriko da erreferentziako arau esparruarekin eta ikastetxe bakoitzeko inklusio planetan ezarritakoarekin. Lanbide Heziketako zikloetan HPBak dituzten ikasleak egotean, ikasleen indarguneen eta ahulguneen araberako hezkuntza-erantzun bat eskaini behar da. Horretarako, ezinbestekoa da oztopoak detektatzea eta faboratzea sor daitezen hezkuntza ingurune inklusiboak, irisgarriak eta ekitatiboak, zeinek bermatuko baitute ikasleek beren gaitasunak guztiz garatzea eta ikastetxeko bizitza akademiko eta sozialean benetan parte hartzea.

Proiektu hori gauzatzeko, honako neurri hauek ezarriko dira:

a) Lanbide Heziketako ikastetxeetan hezkuntza inklusioko figura baterako baliabideak txertatzea, eta faboratzea arrazoizko doikuntzak aplikatu daitezen, ikasleek curriculumerako sarbidea izan dezaten eta Lanbide Heziketako irakaskuntzetan benetan parte har dezaten. Hautatutako pertsona ikastetxeko behin betiko plantillaren parte izanen da, eta, hala, HPBIei prestakuntza eman eta akonpainamendua eskaintzeko eginkizunaren jasangarritasuna bermatuko da.

b) NHEBZren laguntza eta jarraipen espezifikoa, bere eginkizunak garatzeko maila bakoitzean.

c) Hezkuntza orientazioa indartzea Lanbide Heziketako irakaskuntzak ematen dituzten ikastetxeetan, egokitzeko nola erantzun HPBak dituzten ikasleen hezkuntza premietara, premia akademikoetara eta lanbide premietara.

Inklusioko figura bere gain hartu beharko duten irakasleek eginkizun hauek izanen dituzte:

a) Hezkuntza orientazioarekin lan egitea, indarreko araudian ezarritako baldintzen arabera.

b) Lanbide konpetentziak eskuratzean ikasleek izaten ahal dituzten ikaskuntza oztopoak atzematen laguntzea.

c) Ikastetxeko prestakuntza proposamenak eta curriculumean sartzeko neurri orokorrak antolatzen eta garatzen koordinatzea eta laguntzea.

d) Orientabide Departamentuak ezarritako baldintzetan, maila indibidualean curriculumerako sarbiderako neurriak proposatzen eta garatzen laguntzea.

e) Ikastetxearen inklusio plana eguneratzen eta garatzen laguntzea.

Hezkuntza Departamentuak aldizkako jarraipen bat eginen du, zehazki bi hilean behin, nahiz eta ikasturte hasieran maizago egitea posible izanen den.

Jarraipen hori lantalde zehatz batek eginen du; hain zuzen ere, programa abian jartzeko prozesua gidatuko duenak. Honako hauek osatuko dute lantaldea: NHEBZko profesionalak; Inklusio, Berdintasun eta Bizikidetza Zerbitzuko profesionalak eta Lanbide Heziketaren Plangintza eta Integraziorako Zerbitzuko profesionalak.

14. Goi mailako edo goi errendimenduko ikasle kirolariei edo antzeko kirolariei arreta ematea.

Nafarroako Lanbide Heziketaren Sistemako D eta E graduetan, goi mailako edo errendimendu handiko kirolari izanen dira Nafarroan matrikulatutako ikasleak, baldin eta 2026-2027 ikasturtean zehar egoera hori aitortua badute, aurreko ikasturtean izan badute edo goi mailako edo errendimendu handiko kirolari badira oraindik ere. Hori guztia, bat etorriz goi mailako eta errendimendu handiko kirolarien gaineko uztailaren 13ko 971/2007 Errege Dekretuan ezarritakoarekin.

Horrez gain, eta jarraibide hauetan ezarritako antolakuntza ondorioetarako soilik, goi mailako edo errendimendu handiko kirolari izatearekin parekatutako kirolari izaten ahalko dira D edo E graduetan matrikulatutako ikasleak, baldin eta akreditatzen badute kirolarekin lotutako egoera esanguratsu batean daudela, dela taldeetan, programetan, kontzentrazioetan edo lehiaketa ofizialetan parte hartzeagatik, dela goi mailako edo errendimendu handiko kirolari gisa aitortzeko teknifikazio edo hautapen prozesuetan parte hartzeagatik edo horietan aurrera egiteagatik.

Parekatutako kirolari egoera ezartzeko batzorde bat egonen da, eta honako hauek osatuko dute:

a) Lanbide Heziketaren Plangintza eta Integraziorako Zerbitzuko zuzendaria edo hark eskuordetzen duen pertsona.

b) Lanbide Heziketaren Modernizaziorako eta Berrikuntzarako Zerbitzuko zuzendaria edo hark eskuordetzen duen pertsona.

c) Lanbide Heziketaren Antolamendu eta Ebaluaziorako Ataleko burua edo hark eskuordetzen duen pertsona.

d) Lanbide Heziketaren Sistemako Lanbide Orientazioaren gaineko Aholkularitzaren ardura duen pertsona.

Parekatutako kirolari egoeraren aitortza nahi duten ikasleek matrikula egin duten ikastetxean eskaera eta kirolari lotutako egoera frogatzeko egoki jotzen duten dokumentazioa aurkeztu beharko dute, 2026ko irailaren 30a baino lehen. Kirolari lotutako egoera hori adierazitako egun horren ondoren gertatzen bada edo akreditatzen bada, eskaera egoera hori gertatu edo akreditatzea posible izan eta hamar egun balioduneko epean egiten ahalko da.

Ikastetxeak Lanbide Heziketaren Plangintza eta Integraziorako Zerbitzuari igorri beharko dizkio eskabidea eta erantsitako dokumentazioa, aztertu eta ebazpena eman dezan.

Kirol jardueraren eta prestakuntzarako eskaintzaren jarraipena egitearen bateragarritasuna errazte aldera, D eta E graduak ematen dituzten ikastetxeek kontuan hartu beharko dituzte goi mailako, errendimendu handiko edo parekotasuna duten kirolariak jarduketa hauek antolatzean:

–Justifikatzea zergatik ez diren joaten eskola jardueretara edo prestakuntza jardueretara, tartean daudenean entrenamenduak, kontzentrazioak, lehiaketa ofizialak edo behar bezala akreditatutako beste kirol jarduera batzuk.

–Enpresa edo pareko erakunde batean prestakuntza egiteko antolaketa malgutzea, kirol jarduera bat badator aurreikusitako aldi arruntekin.

–Egokitzea prestakuntza jardueren egutegiak, entregak, aurkezpenak, jarraipen jarduketak edo zikloko beste jarduera batzuk, baldin eta lehiaketa ofizialekin, kontzentrazioekin edo behar bezala justifikatutako beste kirol betebehar batzuekin bat badatoz.

–Taldeko tutoreak, Orientabide Departamentuak, LH-Bidea programak, hala dagokionean, eta irakasle taldeak jarraipen eta orientazio espezifikoa egitea.

–Beste edozein antolakuntzarako laguntza, jasota dagoena goi mailako eta errendimendu handiko kirolariei aplikatzen ahal zaien araudian edo Hezkuntzako eta Lanbide Heziketako Zuzendaritza Nagusiak parekatutako kirolari izaera aitortuta duten ikasleentzat emandako jarraibideetan .

Ebaluazio araudia eta arloari dagozkion jarraibideak aplikatuko dira laguntza neurrietarako, baldin eta ebaluazio, kalifikazio, gainditze, mailaz igotze, titulatze, ziurtagiri edo erreklamazio jarduketei eragiten badiete.

15. LH-Bidea programaren jarraipena eta balorazioa.

Lanbide Heziketaren plangintza eta Integraziorako Zerbitzuak, Lanbide Orientazioaren gaineko Aholkularitzaren bidez, 2026-2027 ikasturtean LH-Bidea programaren pixkanakako ezarpenaren jarraipena eginen du.

Sustatzeko eta koordinatzeko erreferenteek, lanbide orientazioko kide anitzeko batzordeen koordinatzaileek eta ikastetxeek eskatzen zaien informazioa emanen duten gauzatutako jarduketei buruz, atzemandako premiei buruz, aurkitutako zailtasunei buruz, hobekuntza proposamenei buruz eta identifikatutako jardunbide egokiei buruz.

Programaren jarraipena egitearen xedea izanen da Lanbide Heziketaren Sistemako lanbide orientazioa etengabe hobetzea sustatzea, hori pixkanaka Nafarroan zabaltzea eta ikastetxeen, zerbitzuen eta eragileen arteko lan koordinaturako sarea finkatzea.

VI. KAPITULUA.–ENPRESAKO EDO PAREKO ERAKUNDEKO PRESTAKUNTZA ETA LANBIDE HEZIKETAREN IZAERA DUALAREN ANTOLAMENDU GARAPENA

1. Enpresako edo pareko erakundeko prestakuntza eta Lanbide Heziketaren izaera duala.

Enpresako edo pareko erakundeko prestakuntza egiturazko elementu bat da Lanbide Heziketaren Sisteman, eta eskaintzetako izaera duala adierazten du, hala ezartzen baitute Lanbide Heziketaren antolamenduari eta integrazioari buruzko martxoaren 31ko 3/2022 Lege Organikoak eta Lanbide Heziketaren Sistemaren antolamendua garatzen duen uztailaren 18ko 659/2023 Errege Dekretuak.

Enpresako edo pareko erakundeko prestakuntzaren xedea da ikaslearen ikaskuntza prozesua osatzea eta aberastea benetako ingurune profesional batean, lanbide konpetentziak eta enplegagarritasunerako konpetentziak bereganatzea sustatzea, ikastetxeen eta enpresen arteko lankidetza indartzea, eskaintzak ekoizpen sektoreetara hobeki egokitzea eta prestakuntzaren eta enpleguaren arteko trantsizioa erraztea.

Kapitulu honetan jasotako jarraibideak antolakuntzazkoak dira, eta 2026-2027 ikasturtean aplikatuko dira, Nafarroako Lanbide Heziketaren Sistemako eskaintzetako enpresako edo pareko erakundeko prestakuntzaren plangintzari, kudeaketari, garapenari, jarraipenari eta koordinazioari dagokionez. Edonola ere, ez dira alde batera utziko Estatuaren oinarrizko araudia, dagozkion curriculumak, ebaluaziorako jarraibide espezifikoak eta Hezkuntza Departamentuak emandako ebazpenak.

2. Aplikazio eremua.

Kapitulu honek enpresako edo pareko erakundeko prestakuntza antolatzeko esparru komun bat proposatzen du, Lanbide Heziketaren Sistemako A, B, C, D eta E graduetako eskaintzetarako zehazki, baldin eta eskaintza horietan enpresako edo pareko erakundeetako prestakuntza barne hartzen bada aplikatzekoa den araudiarekin bat, dagokion curriculumarekin bat, deialdiarekin bat, programazioarekin bat edo eskaintzaren Prestakuntza Planarekin bat.

Oro har, A eta B graduetako eskaintzetan ez da enpresako edo pareko erakundeko prestakuntzarik egonen. C graduko eskaintzetan prestakuntza hori barne hartuko da hala dagokionean, bat etorriz uztailaren 18ko 659/2023 Errege Dekretuarekin, eskaintzaren curriculumarekin eta Etengabeko Prestakuntzaren jarraibide espezifikoekin. D graduko eskaintzetan enpresako edo pareko erakundeko prestakuntza egonen da prestakuntza zikloen izaera duala dela-eta. E graduko eskaintzetan enpresako edo pareko erakundeko prestakuntza egonen da baldin eta hala ezartzen badu dagokion espezializazio ikastaroko curriculumaren errege dekretuak edo aplikatzekoa den araudiak.

A, B eta C graduetako eskaintzen antolakuntzako berezitasunak bat etorriko dira, halaber, ebazpen honen II. kapituluan jasotakoarekin eta Etengabeko Lanbide Prestakuntzaren eta Enpresen Atalaren jarraibideetan. Espezializazio ikastaroen, Lanbide Heziketa Bereziaren, oinarrizko gradu espezifikoen eta beste modalitate edo araubide batzuen berezitasunak bat etorriko dira haien araudi espezifikoarekin eta kasu bakoitzerako ematen diren jarraibideekin.

3. Kapitulu honen antolakuntza izaera.

Kapitulu honek enpresako eta pareko erakundeetako prestakuntzaren alderdi hauek arautzen ditu: antolakuntza, plangintza, kudeaketa, koordinazioa, jarraipena, dokumentazioa, enpresekiko harremana, arriskuen prebentzioa, Gizarte Segurantza, gorabeherak eta uko egitea.

Kapitulu honetan ez dira arautuko, ordea, enpresako edo pareko erakundeko prestakuntzaren ondorio akademikoak edo ebaluaziokoak, ez eta moduluen kalifikazioa, arloak edo eskaintzak ere. Mailaz igotzeko, titulazioko, ziurtagiri edo gainditzeko erabakiak eta ebaluazio agiri ofizialak ere ez daude hemen araututa. Elementu horiek guztiak ebaluaziorako araudi espezifikoaren bidez arautuko dira, bai eta ebaluazio arloan ematen diren jarraibide espezifikoen bidez ere.

Enpresako edo pareko erakundeko prestakuntzaren jarraipenari, balorazioari, gorabeherei, Prestakuntza Planaren berrikuspenari edo behar baino lehenagoko amaierari buruzko erreferentziak antolakuntza zentzuan ulertu beharko dira, baina horrek ez du eragotziko aplikatu beharreko araudi espezifikoaren arabera ebaluazio ondorioak izatea.

4. Enpresa eta pareko erakunde laguntzaileak.

Enpresako edo pareko erakundeko prestakuntza edozein enpresatan edo pareko erakundetan egiten ahalko da, baldin eta bertan dagokion prestakuntza plana gauzatzen ahal bada eta behar diren baldintzak betetzen baditu egonaldian segurtasuna, koordinazioa, jarraipena eta prestakuntza arloko egokitzapena bermatzeko.

Prestakuntza egiten ahalko da enpresak edo pareko erakundeak duen langile kopurua gorabehera, barne hartuta banakako enpresariak eta langile autonomoak, nahiz eta beren kargurako langilerik ez izan. Edonola ere, behar diren tutoretza, akonpainamendu eta koordinazio eginkizunak bere gain hartzeko gai izan beharko dute.

Enpresako edo pareko erakundeko prestakuntza enpresa edo pareko erakunde batean baino gehiagotan egiten ahalko da, baldin eta beren artean osagarriak badira Prestakuntza Planaren garapenean. Ekoizpen sektoreen ezaugarrien, enpresen edo pareko erakundeen, profil profesionalen, ziklo edo ikastaroen eta ikasleen ezaugarrien araberakoa izanen da antolakuntza.

5. Enpresako edo pareko erakundeko prestakuntzaren antolakuntza eta iraupena D graduetan.

D graduetan, enpresako edo pareko erakundeko prestakuntzaren antolakuntza eta iraupena, oro har, bat etorriko da honako antolakuntza erreferentzia hauekin:

Oro har, enpresako edo pareko erakundeko prestakuntza oinarrizko mailako, erdi mailako eta goi mailako zikloetako lehen eta bigarren mailetan eginen da. Denbora banatzeko eredu zehatzek ziklorako eta aplikatzekoa den araudirako ezarritako plangintza errespetatu beharko dute.

Hamasei urtetik beherako ikasleak, lehenengo mailan, enpresako edo pareko erakundeko prestakuntza orduak egitetik salbuetsita egonen dira. Ikasle horiek, zikloko bigarren mailatik aurrera, enpresako edo pareko erakundeko prestakuntzari esleitutako ordu guztiak egin beharko dituzte, ikastetxeak ezarritako plangintzarekin bat.

6. Enpresako edo pareko erakundeko prestakuntza C eta E graduetan.

C graduko eskaintzetan, enpresako edo pareko erakundeko prestakuntza antolatzeko erreferentzia izanen dira uztailaren 18ko 659/2023 Errege Dekretua, eskaintzaren curriculuma, dagokion deialdia eta Etengabeko Lanbide Prestakuntzaren eta Enpresen Atalaren jarraibideak.

Ikasle batek C graduari lotutako enpresako edo pareko erakundeko prestakuntza egin behar duenean, eskaintzaren ikastetxe arduradunak bermatuko du prestakuntza horren antolakuntza bat datorrela ezartzen diren epeekin, baldintzekin eta prozedurekin. Kudeaketarekin, dokumentazioarekin, enpresekin harremana izatearekin eta Gizarte Segurantzarekin lotutako gai espezifikoak Lanbide Heziketaren jarraibideen araberakoak izanen dira.

E graduko eskaintzetan, kontuan izanda zer dagoen ezarrita dagokion espezializazio ikastaroaren curriculumari buruzko errege dekretuan eta Hezkuntza Departamentuak ematen dituen jarraibideetan, erabakiko da enpresako edo pareko erakundeko prestakuntza baden, zenbat irauten duen eta nola antolatzen den.

7. Lanbide Heziketa Berezia eta oinarrizko gradu espezifikoak.

Lanbide Heziketa Berezian, enpresako edo pareko erakundeko prestakuntza, oro har, zikloko bigarren, hirugarren eta laugarren mailetan eginen da, modalitate horretan ezartzen diren curriculum berriak aplikatzen diren unean.

Curriculum berriak aplikatu arte, enpresako prestakuntza Lantokiko Prestakuntza Moduluak egitean gauzatuko da, bat etorriz Hezkuntza Kontseilariaren maiatzaren 22ko 52/2015 Foru Aginduarekin, haren bidez arautzen baitira Lanbide Heziketako prestakuntza programak, "Lanbide Heziketa Bereziko zikloak" deituak, hezkuntza premia bereziak dituzten ikasleentzat, Nafarroako Foru Komunitatearen eremuan.

Oinarrizko gradu espezifikoetan, enpresako edo pareko erakundeko prestakuntza zikloko bigarren, hirugarren eta laugarren mailetan egiten ahalko da, bat etorriz ikastetxearen plangintzarekin eta ematen diren jarraibideekin.

8. Enpresako edo pareko erakundeko prestakuntzatik salbuestea.

Enpresako edo pareko erakundeko prestakuntzaren plangintza ikastetxeak egin beharko du, zuzendaritza taldeak gidatuta eta honako hauek parte hartuta: Kanpoko Lanbide Jardueren Departamentua, tutore duala, zikloko koordinatzaileak, taldeko tutoreak, lanbide arloko departamentuak eta inplikatutako irakasle taldea.

Plangintza behar bezalako aurrerapenarekin egin beharko da enpresen edo pareko erakundeen eskuragarritasuna bermatzeko, prestakuntza planak egokiak izateko, ikasleak esleitzeko, enpresekin koordinatzeko, behar diren agiriak prestatzeko, laneko arriskuen prebentzioaren arloko jarduketak egiteko eta Gizarte Segurantzaren arloko betebeharrak betetzeko.

Ikastetxeek sustatu beharko dute inguruneko enpresekin edo pareko erakundeekin harremana egonkorra, ordenatua eta trazagarria izan dadin, eta, hala, enpresako prestakuntza ikastetxearen estrategia orokorraren parte izanen da, eta ez da prestakuntza postuak modu puntualean bilatzera mugatuko.

9. Izaera duala garatzeko elementu osagarriak.

Enpresako edo pareko erakundeko prestakuntzan posible izanen da jarduketa batzuk guztiz edo partez telelan bidez edo urrunean lan egiteko beste modu batzuen bidez egitea, baldin eta bateragarria bada prestakuntza jarduketaren nolakotasunarekin, Prestakuntza Planarekin, enpresak edo pareko erakundeak ezarritako baldintzekin eta aplikatzekoa den araudiarekin.

Enpresako edo pareko erakundeko prestakuntzaren garapenaren jarraipena eta tutoretza egiten ahalko da ikastetxeko tutore dualaren eta enpresako edo pareko erakundeko tutore dualaren artean adostutako edozein bitartekoren bidez, baldin eta bitarteko horiek aukera ematen badute koordinazio nahikoa izateko, prestakuntza jasotzen ari den pertsonari arreta egokia emateko, gorabeherak jakinarazteko eta egindako jarduketen trazabilitatea egiteko.

Enpresako edo pareko erakundeko prestakuntzaren plangintza, kudeaketa, koordinazioa edo jarraipena egiteko irakasleek egin beharreko joan-etorriak zerbitzuaren ondoriozko kalte-ordainei buruzko indarreko araudiaren mende egonen dira. Joan-etorri horiek baimendu, justifikatu eta konpentsatzeko, Nafarroako Foru Komunitateko Administrazioaren zerbitzura dauden langileentzat ezarri diren prozedura orokorrei jarraituko zaie.

Enpresako edo pareko erakundeko prestakuntzari lotutako zereginak egiteko, baldin eta joan-etorrien gastuak eragiten badituzte, zuzendaritza taldeak baimena eman beharko du. Behar den justifikazioaren ondoren, ikastetxeko zuzendariak ontzat eman beharko du, hala dagokionean, ikastetxeak irakasleei ordain diezaien aplikatzekoa den araudiari jarraikiz zehaztutako zenbatekoa.

Enpresak edo pareko erakundeak ezin izanen du, inola ere ez, Lanbide Heziketako ikastetxearen edo ikasleen ordain edo dohaintza bat jaso enpresako edo pareko erakundeko prestakuntza egiteagatik, ez zuzenean ez lotutako fundazio edo erakundeen bidez.

Enpresako edo pareko erakundeko prestakuntza egin bitartean, bateraezina izanen da enpresa berean prestakuntza egonaldia egitea eta laneko kontratu bat izatea, salbu eta aplikatzekoa den laneko araudiaren arabera egoki den laneko kontratu espezifiko baten bidez formalizatu bada prestakuntza egonaldia bera.

Eskaintza baten araubide orokorra edo intentsiboak talde bateko ikasle guztiei eragiten ahalko die, edo talde baten ikasle batzuei bakarrik, bat etorriz baimendutako plangintzarekin eta eskaintza baterako ezarritako baldintzekin.

10. Zikloaren edo eskaintzaren Prestakuntza Plana.

Ikastetxeek zikloko edo eskaintzako enpresako edo pareko erakundeko prestakuntzaren prestakuntza plan bat prestatu beharko dute, non identifikatu beharko baitira enpresako prestakuntzaren garapena ahalbidetuko duten ikaskuntzaren emaitzak, konpetentzia espezifikoak, prestakuntza jarduerak, aldiak, enpresak edo pareko erakundeak, koordinazio mekanismoak eta antolakuntza irizpideak.

D graduko prestakuntza zikloetan, zikloaren Prestakuntza Plana osatuko dute zikloaren ikaskuntza emaitza guztien artean hautatutako ikaskuntza emaitza batzuek, zeinek aplikatzekoa den araudian jasotako ehunekoak islatuko baitituzte. Oinarrizko graduko zikloetan, aintzat hartuko da egoki diren lanbide esparruko konpetentzia espezifikoak barne hartzea.

Zikloko irakasle taldeak hautatuko ditu ikaskuntzaren emaitzak, eta taldearen erabaki bidez eginen du hautaketa, kontuan izanik irizpide pedagogikoak, profil profesionalarekiko koherentziaren irizpideak, enpresekin edo pareko erakundeen bideragarritasun irizpideak, segurtasun irizpideak, prestakuntza aukeren homogeneotasun irizpideak eta ekoizpen sektoreari egokitzeko irizpideak arabera.

Enpresako edo pareko erakundeko prestakuntzan barne hartzen bada, ikaskuntzaren emaitza bere osotasunean edo partez hartzen ahalko da, emaitza horri lotutako irizpideen osotasunari edo parte bati bakarrik eragiten dion, bat etorriz irakasle taldeak ezarritako plangintzarekin.

11. Prestakuntza Plana modu pertsonalizatuan zehaztea.

Ikastetxeek autonomia dute prestakuntza programak lurraldeko, ikastetxeko eta eragin eremuko enpresen edo pareko erakundeen berezko ezaugarrietara egokitzeko. Hori dela eta, zikloaren edo eskaintzaren Prestakuntza Plana ikasle bakoitzari egokituko zaio, Prestakuntza Plan Pertsonalizatuaren bidez.

Prestakuntza Plan Pertsonalizatua ezartzeko, bi urrats daude:

a) Lehenik eta behin, irakasle taldeak hautatuko du zer ikaskuntzako emaitza, konpetentzia edo prestakuntza jarduera egiten ahal diren sektoreko enpresen edo pareko erakundeen kopuru handienean , helburu izanik enpresako prestakuntzaren bideragarritasuna bermatzea, ikasleen prestakuntza aukeren homogeneotasuna bermatzea eta zikloaren edo eskaintzaren oinarrizko lanbide konpetentziak behar bezala bereganatzea.

b) Bigarrenik, enpresari edo pareko erakundeari ikasleak esleitu ondoren, ikasle bakoitzarentzat eta enpresa edo pareko erakunde bakoitzarentzat zehaztu eta pertsonalizatuko da prestakuntza; hasierako hautapena egokitzen ahalko da, eta egoki denean, beste ikaskuntzaren emaitza, konpetentzia edo prestakuntza jarduera batzuk txertatzen ahalko dira, baldin eta enpresaren errealitaterako eta prestakuntzan dagoen ikaslearen profilerako egokiak badira.

Prestakuntza Plan Pertsonalizatuak honako hauek jasoko ditu, gutxienez: enpresaren edo pareko erakundearen datuak, prestakuntzan parte hartuko duen pertsonaren datuak, egonaldiaren aldiak eta ordutegiak, egin beharreko prestakuntza jardueren zerrenda, ikaskuntzaren emaitzak edo lotutako konpetentzien emaitzak, egoki diren prestakuntza osagarriak, jarraipen eta koordinazio mekanismoak eta ikastetxean zein enpresan tutoretzaren arduradunak.

Prestakuntza Plana enpresak edo pareko erakundeak sinatuko du, bai eta Lanbide Heziketako ikastetxeak eta prestakuntza eginen duen ikasleak ere, bat etorriz Hezkuntza Departamentuak ezarritako ereduarekin edo prozedurarekin.

12. Ikasleak enpresei edo pareko erakundeei esleitzea.

Enpresari edo pareko erakundeari ikasleak esleitzeko, irizpide hauek hartu beharko dira kontuan: lehia, egokitasuna, prestakuntzaren egokitasuna, segurtasuna, irisgarritasuna, laguntza premiak, prestakuntza postuaren ezaugarriak eta antolakuntza bideragarritasuna.

Esleipen irizpide horiek ikasturteko lehen hiruhilekoan jakinarazi beharko zaizkie ikasleei, ikastetxeak zehazten duen prozeduraren arabera. Ikasleek adierazitako lehentasunak aintzat hartzen ahalko dira, esleipen irizpide gisa, baina ez dira lotesleak izanen.

Estatuaren oinarrizko araudian ezarritako irizpideez gain, ikastetxeek beste irizpide batzuk ere hartzen ahalko dituzte kontuan: ikaslearen ohiko etxebizitzaren eta prestakuntza egiteko lantokiaren arteko distantzia, garraioaren ezaugarriak, laguntza premia espezifikoak, irisgarritasun baldintzak eta ikasleak adierazitako lehentasunak.

Esleipen irizpide objektiboak aplikatu ondoren lehentasun bera duten bi pertsona edo gehiago badaude eta horietako bat desgaitasuna duen pertsona bat bada, ikastetxeek, enpresa edo pareko erakundea esleitzean, desgaitasuna duen pertsona lehenetsiko dute, betiere esleipena bateragarria bada prestakuntza planarekin, segurtasunarekin eta prestakuntza postuarekiko egokitasunarekin.

13. Enpresako edo pareko erakundeko prestakuntza planifikatu, kudeatu eta garatzeko eskumena duten irakasleak eta langileak.

Lanbide Heziketako ikastetxeetako ikasleen enpresako edo pareko erakundeko prestakuntzaren plangintza, kudeaketa eta garapena rol esanguratsuak, desberdinak eta osagarriak dituzten pertsonek garatuko dute, ikastetxearen eta irakasle taldearen barruan.

D graduko prestakuntza zikloetan eta, hala dagokionean, enpresako edo pareko erakundeko prestakuntza barne hartzen duten gainerako eskaintzetan, honako hauek parte hartuko dute, modu koordinatuan:

–Ikastetxeko Kanpoko Lanbide Jardueren Departamentuko burua; ikastetxerako enpresa eta erakunde laguntzaileen prospekzioa koordinatzeko arduraduna izanen da, eta solaskide izanen da Lanbide Heziketaren Plangintza eta Integraziorako Zerbitzuarekiko, beste ikastetxe batzuekiko eta kanpoko eragileekiko.

–Zikloko tutore duala; zikloko ikasleen enpresako edo pareko erakundeko prestakuntzaren antolakuntza, kudeaketa, koordinazioa eta garapena egitearen arduraduna izanen da.

–Prestakuntza zikloko koordinatzailea; tutore dualarekin batera enpresako edo pareko erakundeko prestakuntzaren antolakuntzan, kudeaketan eta garapenenean parte hartuko du, eta Kanpoko Lanbide Jardueren Departamentuarekin lan eginen du enpresak bilatu, identifikatu eta hautatzeko eta enpresako prestakuntzaren jarraipena egiteko.

–Taldeko tutorea; ikasleak prestakuntza egiteko enpresari edo pareko erakundeari esleitzeko prozeduraren kudeaketan eta garapenean parte hartuko du.

–Ikasturte bakoitzean eskolak ematen dituzten irakasleak; enpresako prestakuntzaren plangintzan, jarraipenean eta koordinazioan parte hartuko du, ukitutako moduluei, esparruei edo ikaskuntzaren emaitzei dagokienez.

–Enpresako edo pareko erakundeko tutore duala; enpresak izendatuko du egonaldian prestakuntzan ari den pertsona ikuskatu, lagundu eta koordinatzeko.

14. Enpresako edo pareko erakundeko prestakuntza antolatzeko ordu esleipena.

Zikloko tutore dualak eskolaldian ordu esleipen bat izanen du oinarrizko, erdi mailako eta goi mailako zikloetako ikasleek eginen duten enpresako edo pareko erakundeko prestakuntza antolatzeko, kudeatzeko eta garatzeko. Ordu hori irakaslearen ordutegi pertsonalean agertuko da, "LH-TDUALA" siglaren bidez, "eskola-ordu gisa zenbatzen diren orduak" apartatuan.

Prestakuntza zikloko koordinatzaileak enpresako edo pareko erakundeko prestakuntza antolatzeko, kudeatzeko eta garatzeko lanak eginen ditu, eta, horretarako, zikloko koordinatzaile gisa dituen hiru eskolaldietako bat gutxienez erabiliko du. Halaber, eskolaldi horietako beste bat erabiliko du Kanpoko Lanbide Jardueren Departamentuko buruarekin lan egiteko; zehazki, enpresak bilatu, identifikatu eta hautatzeko eta enpresako edo pareko erakundeko prestakuntzaren jarraipena egiteko.

Enpresako edo pareko erakundeko prestakuntzaren plangintza, kudeaketa eta garapena egiteko, zuzendaritza taldeak erabakitzen ahalko du kapitulu honetan zerrendatutako irakasleei esleitzea "Nafarroan ekitatean eta hezkuntza-kalitatean aurrera egiteko Itun"aren II. kapituluko (Irakasleak) 4. apartatuko (Irakasleen eskola-ordutegia) bigarren gidoian adierazitako asteko bi ordu osagarrietako bat. Era berean, bigarren ordu osagarri bat esleitzen ahalko zaio, irakasle taldeak edo departamentuek beraiek proposatuta.

Aipatutako orduetan lehenengoa "ECDPI-LHD" siglen bidez jasoko da, "ordu osagarriak" apartatuan, esleitzen zaien irakasleen ordutegi pertsonalean; eta bigarren ordua "TPP-LHD" siglen bidez jasoko da, "ordu osagarriak" apartatuan, esleitzen zaien irakasleen ordutegi pertsonalean.

Horrez gain, ikastetxeko zuzendaritzak beharrezkotzat jotzen dituen eskolarik gabeko ordu osagarriak esleitzen ahalko ditu enpresako edo pareko erakundeko prestakuntza planifikatu, kudeatu eta garatzeko. Ordu horiek irakaslearen ordutegi pertsonalean agertuko dira, "LH-D" siglaren bidez, "asteko eskola-ordu gisa zenbatzen diren ordu osagarriak" apartatuan.

2026-2027 ikasturtean zehar, Hezkuntza Departamentuak aukera izanen du errefortzu orduak jartzeko Kanpoko Lanbide Jardueren Departamentuari edo ikastetxeko kanpoko jardueren arduradunari, xede izanik errazagoa izan dadin enpresen prospekzioa egitea, hitzarmenak kudeatzea, barne koordinazioa egitea, enpresako prestakuntzaren jarraipena egitea eta Lanbide Heziketaren izaera dualaren antolakuntza ezartzea. Hezkuntza Departamentuak ezarritako irizpideen arabera esleituko, banatuko eta kontsignatuko dira orduak, eta horien arabera ere kodetuko dira.

15. Kanpoko Lanbide Jardueren Departamentuko buruaren funtzioak.

Kanpoko Lanbide Jardueren Departamentuko buruak edo eginkizun baliokideak dituen pertsonak enpresako edo pareko erakundeko prestakuntzari lotutako eginkizun hauek izanen ditu, besteak beste:

–Enpresen, pareko erakundeen eta entitate laguntzaileen prospekzioa koordinatzea, ikastetxe osoan.

–Lanbide Heziketaren inguruko zabaltze eta sustapen jarduerak egitea, enpresa laguntzaileak ikastetxearekin fidelizatzeko.

–Lanbide Heziketaren Plangintza eta Integraziorako Zerbitzuarekin ikastetxeko solaskide gisa aritzea, enpresako edo pareko erakundeko prestakuntzaren arloan. Horrek ez du eraginik izanen beste arduradun batzuen eginkizunetan.

–Lanbide arloko departamentuekin, tutore dualekin, zikloko koordinatzaileekin eta irakasle taldeekin koordinatzea, enpresako prestakuntzaren plangintza egiteko.

–Ikastetxearen laguntzaile diren enpresen eta pareko erakundeen oinarria eguneratzea sustatzea.

–Enpresako prestakuntza gauzatzeko behar diren hitzarmenak, akordioak, agiriak eta prozedurak kudeatzen laguntzea.

–Enpresako prestakuntza egin bitartean antolakuntza gorabeherarik egonez gero, horiek konpontzen parte hartzea.

–Egoki denean, koordinatzea enpresako prestakuntza kudeatzeko behar diren eta Gizarte Segurantzaren arloko betebeharrak betetzeko behar diren EDUCAko jarduketak.

–Ikastetxeko zuzendaritzak edo Hezkuntza Departamentuaren jarraibideek ematen dizkioten bestelako eginkizun guztiak.

16. Ikastetxeko tutore dualaren eginkizunak.

Ikastetxeko tutore duala ikastetxeko zuzendaritzak izendatuko du, eta hura izanen da zikloko edo dagokion eskaintzako ikasleen Lanbide Heziketa dualaren esperientzia antolatzeko, koordinatzeko eta jarraipena egiteko arduraduna.

Ikastetxeko tutore dualak honako eginkizun hauek izanen ditu, askoren artean:

–Enpresako edo pareko erakundeko prestakuntza egiten duten ikasleen Prestakuntza Planen prestakuntza, garapena eta eguneratzea koordinatzea.

–Enpresako edo pareko erakundeko tutore dualari igortzea behar den informazioa, Prestakuntza Planari, egutegiari, prestakuntza jarduerei, laguntza neurriei, jarraipenerako pautei eta egonaldiaren funtzionamendu orokorrari dagokienez.

–Egutegi bat prestatzea, enpresako edo pareko erakundeko tutore dualarekin bilerak antolatzeko, xede izanik enpresako eta ikastetxeko prestakuntza jarduera koordinatzea.

–Bileren egutegi bat prestatzea, Prestakuntza Planak ukitutako moduluen, esparruen eta blokeen irakasleekin, xede izanik enpresan eginiko prestakuntza jardueren jarraipena koordinatzea.

–Enpresako edo pareko erakundeko prestakuntzan zehar ikasleak aurkeztea, akonpainatzea eta haien jarraipena egitea.

–Prestakuntza egonaldian gorabeherarik egonez gero, horiek bideratzea, eta proposatzea, enpresarekin eta irakasle taldearekin, egoki diren antolakuntza neurriak.

–Kanpoko Lanbide Jardueren Departamentuarekin, zikloko koordinatzailearekin, taldeko tutorearekin eta irakasle taldeko gainerakoekin koordinatzea.

–Enpresako prestakuntzaren garapenerako behar den agiriak betetzea edo koordinatzea, ereduekin eta aplikatzekoak diren jarraibideekin bat.

17. Enpresako edo pareko erakundeko tutore dualaren eginkizunak.

Enpresak edo pareko erakundeak enpresako tutore dual bat izendatuko du, eta hark prestakuntzan ari den ikaslea ikuskatuko du enpresako edo pareko erakundeko prestakuntza saioetan edo aldietan, betiere ikastetxeko tutore dualarekin koordinatuta.

Enpresako edo pareko erakundeko tutore dualak eginkizun hauek izanen ditu, besteak beste:

–Prestakuntzan ari den ikasleari harrera egitea eta laneko ingurunera pixkanaka sar dadin erraztea.

–Prestakuntzan ari den ikasleari azaltzea funtzionamendu arauak, arriskuen prebentziorako arauak, konfidentzialtasun arauak eta enpresan edo pareko erakundean aplikatzekoak diren antolakuntza eta jokabide arauak.

–Prestakuntza Plan Pertsonalizatuan ezarritako prestakuntza jardueren garapena koordinatzea.

–Egonaldian zehar, prestakuntzan ari den ikaslea akonpainatzea eta haren jarraipena egitea.

–Ikastetxeko tutore dualarekin behar den koordinazioa izatea, eta gorabeherak jakinaraztea, halakorik egonez gero.

–Ezarritako jarraipen eta koordinazio bileretan parte hartzea.

–Ikastetxeari Prestakuntza Planaren jarraipena egiteko behar den informazioa ematea, ezarritako prozedurekin bat etorriz.

18. Enpresako edo pareko erakundeko prestakuntzarako dokumentazioa.

Ikastetxeek bermatu beharko dute enpresako edo pareko erakundeko prestakuntza gauzatzeko behar diren agiriak behar bezala formalizatzen direla, zaintzen dituztela eta trazabilitatea dutela, bat etorriz Hezkuntza Departamentuak ezarritako eredu, aplikazio eta prozedurekin.

Agirietan, beste askoren artean, honako hauek egoten ahalko dira: enpresekin edo pareko erakundeekin hitzarmenak edo akordioak, zikloko edo eskaintzako prestakuntza planak, Prestakuntza Plan Pertsonalizatuak, egutegiak, prestakuntzan ari den ikaslearen datuak, enpresaren datuak, tutoreen izendapena, laneko arriskuak prebenitzearen agiriak, baimenak, aseguruak, Gizarte Segurantzari lotutako agiriak, jarraipenerako erregistroak, gorabeherak eta uko egiteak.

Agiriak EDUCA bidez kudeatuko dira, ahal dela; bestela, Hezkuntza Departamentuak ezarritako aplikazioen bidez kudeatzen ahalko dira. Edonola ere, ikastetxeak agiri osagarriak gorde beharko ditu.

19. Gizarte Segurantzaren arloko betebeharrak.

Ikastetxeek Gizarte Segurantzaren Lege Orokorraren testu bateginaren berrogeita hamabigarren xedapen gehigarriak ezarritako betebeharrak bete beharko dituzte, bat etorriz Hezkuntza Departamentuak ezarritako prozedurarekin. Izan ere, xedapen gehigarri horrek erreferentzia egiten die enpresako edo pareko erakundeko prestakuntza edo lanekoak ez diren praktikak egiten ari diren ikasleei.

Betebehar horiek EDUCA bidez kudeatuko dira, edo horretarako ezarritako tresnen bidez. Hala, egoki denean, ikasleen matrikulazioa jasoko da, egutegiak osatuko dira, enpresan prestakuntzako egunak identifikatuko dira, behar diren datuak komunikatuko dira eta unean-unean behar diren jarduketak eginen dira.

Ikastetxeko arduradunak edo unitate arduradunak Lanbide Heziketaren Plangintza eta Integraziorako Zerbitzuarekin koordinatu beharko du, betebehar horiek guztiak behar bezala kudeatzen direla bermatzeko. Etengabeko Prestakuntzako jarduketetan, halaber, Etengabeko Lanbide Prestakuntzaren eta Enpresen Atalak ezarritakoa bete beharko da.

2026-2027 ikasturtean zehar arau edo prozedura aldaketaren bat egonen balitz Gizarte Segurantzaren arloan eta enpresako edo pareko erakundeko prestakuntzari eraginen balio, Hezkuntza Departamentuak ikastetxeei jakinaraziko lizkieke bete beharreko eguneratze jarraibideak.

20. Enpresako edo pareko erakundeko prestakuntza egin bitartean eman beharreko aparteko baimenak.

Ikastetxeak baimena eskatu beharko dio Lanbide Heziketaren Plangintza eta Integraziorako Zerbitzuari, baldin eta prestakuntza jardueraren nolakotasunari, ekoizpen sektorearen ezaugarriei, enpresaren edo pareko erakundearen antolakuntzari, prestakuntzan ari den ikaslearen mugikortasunari edo aparteko beste egoera batzuei lotutako eta justifikatutako arrazoiak direla-eta beharrezkoa bada txandak egitea edo gauean aritzea, eskolalditik kanpo aritzea, D eta E graduetako eskaintzen eskola egutegiarekin bat ez datozen aldietan aritzea, oro har bi egun baino gutxiagoko asteko atsedena izatea, Nafarroako Foru Komunitatetik kanpo aritzea, nazioartean mugitzea edo prestakuntzaren garapenean apartekoak diren beste baldintza batzuk.

Eskaera ikastetxeko zuzendaritzak aurkeztuko du, aparteko egoerak ukitutako enpresako edo pareko erakundeko prestakuntza hasi baino lehen –ahal dela hogeita hamar eguneko aurrerapenarekin–, Hezkuntza Departamentuak ezarritako prozeduraren bidez.

Eskaerarekin batera justifikazio txosten bat jaso beharko da, eta bertan honako hauek identifikatu beharko dira: ukitutako eskaintza, zikloa, maila edo taldea; enpresa edo pareko erakundea; ukitutako ikaslea; baimena eskatzea eragin duen aparteko egoera; baimena justifikatzen duten prestakuntza, antolakuntza edo sektoreko arrazoiak; segurtasunerako, arriskuen prebentziorako, adingabeen babeserako, akonpainamendurako eta jarraipenerako aurreikusitako neurriak, eta Prestakuntza Planaren egokitasuna bermatzeko modua.

Aparteko baimena jasota geratu beharko da enpresako edo pareko erakundeko prestakuntzaren antolakuntza agirietan, eta, egoki denean, prestakuntzan ari den ikaslearen Prestakuntza Plan Pertsonalizatuan.

21. Laneko arriskuen prebentzioa, adingabeen babesa eta konfidentzialtasuna.

Enpresako edo pareko erakundeko prestakuntza gauzatzean, bermatuta egon beharko dira aplikatzekoak diren hainbat baldintza, segurtasunekoak, osasunekoak, laneko arriskuen prebentziokoak, adingabeen babesekoak, konfidentzialtasunekoak eta lanbide sekretukoak.

Enpresako prestakuntza hasi baino lehen, ikastetxeak eta enpresak edo pareko erakundeak behar diren jarduketak koordinatu beharko dituzte, bermatu dadin prestakuntzan ari den ikasleak prestakuntza postuari, aurreikusitako jarduerei eta ikaslearen ezaugarri pertsonalei dagozkion informazio eta prebentzioko prestakuntza egokia jasotzen dituela.

Gogorarazten da ezen, Langileen Estatutuaren Legearen testu bateginaren 6. artikuluarekin bat, hemezortzi urte baino gutxiagoko langileek ezin izanen dutela gaueko lanik egin, ez eta laneko arriskuen prebentzioko araudiaren arabera mugatutako jarduerak egin edo lanpostuetan aritu ere. Era berean, debekatuta dago hemezortzi urte baino gutxiagokoek aparteko orduak egitea.

Ikasleek enpresako edo pareko erakundeko funtzionamendu arauak errespetatu beharko dituzte, bai eta prebentzioko eta babeseko neurriak, enpresako eta ikastetxeko tutore dualen jarraibideak eta aplikatzekoak diren konfidentzialtasun eta lanbide sekretuko betebeharrak ere.

22. Gorabeherak enpresako edo pareko erakundeko prestakuntza egin bitartean.

Enpresako edo pareko erakundeko prestakuntzan zehar gorabeheraren bat egonez gero, eta horiek eragiten badiote Prestakuntza Planari, segurtasunari, bizikidetzari, aprobetxamenduari, koordinazioari edo egonaldiaren, enpresan edo pareko erakundean jarraitzeko aukerari, enpresak tutore dualaren bidez jakinaraziko dio egoera ikastetxeko tutore dualari, behar bezala arrazoituta eta nahikoa informaziorekin, ikastetxeak egoera aztertu dezan eta egoki diren antolakuntza neurriak har ditzan, hala badagokio.

Ikastetxeari jakinarazi beharreko jokamolde, baldintza edo egoeren artean honako hauek daude:

–Bertaratze eta/edo puntualtasun faltak, behin eta berriz, justifikatu gabe.

–Prestakuntza Planetik eratorritako betebeharren ez-betetze astuna, behin eta berriz.

–Aurreikusitako prestakuntza jarduerak egiteari uko egitea, behin eta berriz.

–Enpresako edo pareko erakundeko prestakuntza prozesua garatzea eragozten duten jokamoldeak.

–Laneko arriskuen prebentzioko eta babeseko neurriak ez betetzea.

–Konfidentzialtasuna edo lanbide sekretua ez betetzea, enpresaren edo pareko erakundearen informazioari dagokionez.

–Egokitzeko, parte hartzeko edo jarduteko zailtasun larriak, objektiboki eragozten dutenak Prestakuntza Plana behar bezala eta modu seguruan gauzatzea.

–Enpresako edo pareko erakundeko prestakuntzaren garapen egokiari eragiten dion beste edozein egoera esanguratsu.

Enpresak edo pareko erakundeak gorabehera bat jakinarazteak ez du bere horretan eraginen enpresako prestakuntza modu automatikoan etetea, egonaldia behar baino lehenago amaitzea edo eragin ofizialak dituzten erabaki akademikoak modu automatikoan hartzea.

Jakinarazpena jaso ondoan, ikastetxeko tutore dualak egoera aztertuko du, enpresarekin edo pareko erakundearekin koordinatuta, eta, hala dagokionean, irakasle taldearekin ere koordinatuta. Hala, bermatuko da ikasleari entzuten zaiola, eskuragarri dagoen informazioa baloratzen dela, eginiko jarduketen inguruko agiriak baloratzen direla eta gorabeheraren nolakotasunarekiko eta larritasunarekiko egokiak diren neurriak hartzen direla.

Ikaslearen egonaldiari modu esanguratsuan eragiten ahal dioten neurriak hartu baino lehen, ikastetxeak aukera izanen du honako hauek ezartzeko: jarraipen eta akonpainamendu intentsiboko jarduketak, hobekuntza konpromisoak, Prestakuntza Planaren antolakuntzaren egokitzapenak, prestakuntza jardueren birprogramazio partziala, beste enpresa edo pareko erakunde batean birkokatzea edo atzemandako egoerarekiko proportzionatuak eta egokiak diren beste neurri batzuk.

Ez bada gorabehera eteten, astuna bada edo Prestakuntza Plana behar bezala eta modu seguruan gauzatzea eragozten badu, ikastetxeak, enpresarekin edo pareko erakundearekin koordinatuta, erabakitzen ahalko du antolakuntza neurriak hartzea, besteak beste jarduera aldi baterako etetea, gelditzea, birkokatzea, egonaldia behar baino lehenago amaitzea, Prestakuntza Plana berrikustea edo atzemandako egoerarekiko proportziokoa den beste edozein neurri.

Behar adina eta behar den proportzioan dokumentatu beharko dira enpresako edo pareko erakundeko prestakuntzan izandako gorabeheren ondorioz eginiko jarduketak, batez ere egonaldia jarraitzeari, ikaslea birkokatzeari, Prestakuntza Plana berrikusteari edo prestakuntza behar baino lehenago amaitzeari badagozkio.

Gorabeherek ekartzen dituzten ondorio akademikoak, ebaluaziora begirakoak edo prestakuntza gainditzekoak ez dira apartatu honetan arautzen, eta aplikatzekoak diren araudiaren eta ebaluazioko jarraibide espezifikoen arabera ezarriko dira.

23. Enpresako edo pareko erakundeko prestakuntza ez osatzea, ikasleari egotzi ezin zaizkion arrazoiak direla-eta.

Ikasle batek ezin baditu bete enpresako edo pareko erakundeko prestakuntzarako hasiera batean programatutako orduak hari egotzi ezin zaizkion arrazoiak direla-eta, ikastetxeak egoera aztertu beharko du, eta antolakuntza neurriak hartu beharko ditu prestakuntza ibilbidean jarraitzea eta, exijitzen ahal denean, egiteke dagoen prestakuntza egitea sustatzeko.

Honako hauek izanen dira, beste batzuen artean, ikasleari egotzi ezin zaizkion arrazoiak: enpresa edo pareko erakundea aldi baterako ixtea, prestakuntza postua mantentzeko bat-bateko ezintasuna, egonaldiari eragiten dion jarduera edo plantilla murriztea, logistika arazo esanguratsuak, gaixotasuna, istripua, ezinbesteko kausak, enpresak jarduera etetea, tutoretzaren bat-bateko falta edo prestakuntzan ari den ikasleari loturik ez dagoen baina aurreikusitako prestakuntza egitea eragozten duen beste edozein egoera.

Lehenengo mailan, enpresan edo pareko erakundean eginiko prestakuntza orduak aldi horretarako hasiera batean aurreikusitako orduen %75 baino gutxiago direnean, ikastetxeak, posible bada eta pedagogikoki egokia bada, aparteko aldi bat ezartzen ahalko du prestakuntza osatzeko enpresako edo pareko erakundeko prestakuntza egin ondoren ikastetxera itzultzeko ezarritako data iritsi baino lehen.

Ez bada posible aparteko aldi hori antolatzea ikastetxera itzultzeko ezarritako data baino lehen edo ikasturtea amaitu baino lehen, lehenengo mailan egiteke geratu den enpresako edo pareko erakundeko prestakuntza bigarren mailan egin dadin planifikatu beharko da. Ahal dela, prestakuntza bigarren mailarako enpresako edo pareko erakundeko prestakuntza egiteko ezarritako aldia baino lehenago egin beharko da, betiere hori bateragarria bada zikloaren antolakuntzarekin, enpresen edo pareko erakundeen eskuragarritasunarekin eta ikasleak prestakuntza ibilbidean jarraitzeko aukerarekin.

Apartatu honetan aurreikusitako %75eko atalasea antolakuntzakoa eta orientaziokoa izanen da aparteko aldien plangintza egiteko. Ez da bere horretan irizpidea izanen enpresako edo pareko erakundeko prestakuntza gainditzeko, kalifikatzeko, balorazio positiborako edo salbuesteko.

Batzuetan, nahiz eta lehenengo mailarako enpresako edo pareko erakundeko prestakuntzarako hasiera batean ezarritako orduen %75 egin, egiteke badaude hainbat zeregin (orduak, prestakuntza jarduerak, lanbide zereginak, ikaskuntzaren emaitzak, konpetentzia batzuk edo prestakuntza ibilbidearen jarraitutasunerako esanguratsuak diren ebidentzia batzuk), ikastetxeak egoera aztertu beharko du, eta egiteke geratu den prestakuntza osatzeko, berrantolatzeko edo integratzeko behar diren jarduerak planifikatuko ditu, hala dagokionean.

Bigarren mailan, ezin izan bada hasiera batean programatutako enpresako edo pareko erakundeko prestakuntza egin eta ez badira betetzen aplikatzekoa den Estatuaren oinarrizko araudiak eskatutako enpresako edo pareko erakundeko prestakuntzaren gutxieneko orduak, ikastetxeak aparteko aldi bat antolatu beharko du ikasleak egiteke dituen ordu horiek bete ditzan.

Oro har, aurreko paragrafoan adierazitako aparteko aldi hori antolatuko da egin dadin enpresako edo pareko erakundeko prestakuntza egin ondoren ikastetxera itzultzeko ezarritako data iritsi baino lehen. Ez bada posible, salbuespenez, ikasturtea amaitu baino lehen egin dadin antolatuko da, betiere enpresak edo pareko erakundeak eskuragarritasuna badu eta zikloaren antolakuntzarekin eta Prestakuntza Planarekin bateragarria bada.

Ez bada posible enpresako edo pareko erakundeko prestakuntza egitea dagokion ikasturtean antolakuntzagatik, enpresen edo pareko erakundeen eskuragarritasunagatik, egutegiagatik, segurtasunagatik, osasunagatik, ezinbesteko arrazoiengatik edo justifikatutako bestelako egoerengatik, ikastetxeak egiteke dagoen prestakuntza hori identifikatuta utzi beharko du, eta planifikatu beharko du ahalik eta hurbilen egin dadin, betiere bateragarria baldin bada eskaintzaren antolakuntzarekin, enpresen edo pareko erakundeen eskuragarritasunarekin, ikasketetan jarraitzeko mugekin eta ikaslearen prestakuntza ibilbidearen jarraitutasunarekin.

Apartatu honetan ezarritako jarduketak behar bezala eta proportzioz dokumentatu beharko dira; prestakuntza amaitzea eragotzi duen arrazoia identifikatu beharko da, bai eta hauek ere: eginiko orduak, egiteke geratu diren orduak, Prestakuntza Planean ukitutako prestakuntza jarduketak edo elementuak, hartutako antolakuntza neurriak, aurrerago egiteko aurreikuspena eta interesdunari emandako informazioa (adingabekoen kasuan, amari, aitari, tutoreari edo legezko ordezkariei emandakoa).

Ikasleari egotzi ezin zaizkion arrazoiak direla-eta hartutako neurriak ez dira zehatzaileak izanen, eta ez dute berez ikaskuntzaren balorazio negatiboa egitea eraginen. Enpresako edo pareko erakundeko prestakuntza ez amaitzeak ondorioak ekar ditzake, izan akademikoak, ebaluaziora begirakoak edo prestakuntza gainditzekoak, eta aplikatzekoa den araudi espezifikoaren eta ebaluazio arloan ematen diren jarraibideen arabera zehaztuko dira.

24. Enpresako edo pareko erakundeko prestakuntzari uko egitea.

Justifikatutako arrazoi bat dela-eta ikasle batek ezin badu enpresako edo pareko erakundeko prestakuntza egin hori egiteko ohiko aldian, eskatzen ahalko du prestakuntza aldi horretan egiteari uko egitea, baldin eta prestakuntza hori eskaintzaren parte bada eta aplikatzekoa den araudiaren arabera exijitzen bada.

Zer egunetan aurreikusita dagoen hastea enpresako edo pareko erakundeko prestakuntza, hura baino hilabete lehenago, gutxienez, aurkeztu beharko da uko egitea, oro har, nahiz eta gerora behar bezala justifikatutako inguruabarrak sortzen ahal diren.

Eskaera idatziz aurkeztu beharko zaio ikastetxeko zuzendaritzari, bat etorriz ikastetxeak edo Hezkuntza Departamentuak ezarritako eredu edo prozedurarekin. Idatzian, honako hauek jaso beharko dira, gutxienez: interesdunaren datuak, prestakuntzarako eskaintza, ukitutako maila edo aldia, enpresako edo pareko erakundeko prestakuntzarako zer aldiri egiten dion uko, aurreikusitako hasiera data eta, hala badagokio, alegatutako arrazoiak.

Eskaera ebatzi edo tramitatu baino lehen, ikastetxeak interesdunari jakinaraziko dio enpresako edo pareko erakundeko prestakuntza egiteari uko egiteak ez dakarrela matrikula deuseztatzea, ez dakarrela prestakuntza horretaz salbuestea, prestakuntza hori exijitzen denean ez duela ezabatzen hori egiteko betebeharra eta ez duela berez eragiten hura gainditzea, akreditatzea, ziurtatzea edo titulazioa izatea.

Ikastetxeko zuzendaritzak uko egitea ebatzi edo tramitatzeko, aplikatzekoa den araudia erabiliko du. Gainera, jasota utziko ditu eskaera, interesdunari emandako informazioa, hartutako erabakia eta enpresako edo pareko erakundeko prestakuntza antolatzean inplikatutako pertsona edo unitateei eginiko jakinarazpenak.

Uko egitea baimentzen bada, ikastetxeak egoki diren antolakuntza neurriak hartuko ditu egiteke dagoen enpresako edo pareko erakundeko prestakuntza identifikatzeko, bai eta, posible denean, ondoren nola egin aurreikusteko ere. Horretarako, aintzat hartuko dira zikloaren edo eskaintzaren plangintza, enpresek edo pareko erakundeek duten eskuragarritasuna, ukitutako ikaskuntzaren emaitzak edo prestakuntza jarduerak eta pertsonaren prestakuntza ibilbidearen jarraitutasuna.

Baimendutako uko egiteak, berez, ez du ikaskuntzaren balorazio negatibo bat eraginen, eta ez du eragotziko ikastetxean edo bestelako prestakuntza ingurunetan lortutako ebidentzia positiboak gordetzea, baldin eta gordetzea egokia bada aplikatzekoa den araudiaren arabera.

Uko egitea onartzea eta horrek izaten ahal dituen eraginak (antolakuntzakoak, akademikoak, prestakuntzaren jarraitutasun gainekoak, egonaldia errepikatzekoak edo ondoren egitekoak, ziurtagiria edo akreditazioa lortu edo hura gainditzekoak) bat etorriko dira aplikatzekoa den araudi espezifikoarekin eta ebaluazio arloan ematen diren jarraibideekin.

25. Enpresako edo pareko erakundeko prestakuntzan lanbide moduluen, esparruen edo proiektu intermodularren ebaluazio deialdiari uko egitearen ondorio administratiboak eta antolakuntzakoak.

Lanbide modulu, esparru edo proiektu intermodular baten edo batzuen ebaluazio deialdiari uko egitea arautzeko, aplikatzekoa den ebaluazio araudi espezifikoa eta jarraibide hauek baliatuko dira.

Enpresako edo pareko erakundeko prestakuntza antolatze aldera, lanbide modulu, esparru edo proiektu intermodular baten ebaluazio deialdiari uko egiteak eragina izanen du modulu, esparru edo proiektu horren osotasunean, barne hartuta ikastetxean eginiko prestakuntza zein hari lotutako enpresan edo pareko erakundean eginikoa.

D graduko zikloetan, zikloaren osotasunean integratutako prestakuntza egonaldi bat da enpresako edo pareko erakundeko prestakuntza, eta ez da antolatzen, gauzatzeko ondorioetarako, aldi independenteak batuz, lotuta daudenak, zein bere kasa, lanbide modulu bakoitzarekin. Nafarroan, lanbide modulu guztiek hartzen dute parte enpresako edo pareko erakundeko prestakuntzan, prestakuntza zikloko lanbide eta enplegagarritasunerako konpetentzien garapenean laguntzen baitute.

Hori dela eta, ikasle batek dagokion mailako lanbide modulu, esparru edo proiektu modular baten edo batzuen ebaluazio deialdiari uko egitea eskatzen duenean eta horretarako baimena jasotzen duenean, uko egite horrek eraginen du maila edo prestakuntza aldi horretarako aurreikusitako enpresako edo pareko erakundeko prestakuntza ez egitea, nahiz eta ez duen eragotziko aurrerago egitea, baldin eta exijitzen bada.

Deialdiari uko eginda enpresako edo pareko erakundeko prestakuntza egiten ez denean, ez da salbuespentzat hartuko, ez da prestakuntza gainditutzat joko eta ez da desagertuko aurrerago egiteko betebeharra, baldin eta exijitzen bada aurrera jarraitzeko, hura gainditzeko, akreditatzeko edo ziurtatzeko edo dagokion titulazioa lortzeko.

Enpresako edo pareko erakundeko prestakuntza egin gabe geratzen bada deialdiari uko egin zaiolako, egiteke, baloratzeke edo integratzeke dagoen prestakuntza gisa identifikatu beharko da, kasu bakoitzean zer dagokion, ikaslearen prestakuntza ibilbidea aurrerago planifikatzeko eta jarraitutasuna izan dezan.

Deialdiari uko egiteak eragiten duenean prestakuntza zikloko lehenengo mailarako aurreikusitako enpresako edo pareko erakundeko prestakuntza ez egitea, prestakuntza hori egiteke geratuko da, eta, oro har, bigarren mailako enpresako edo pareko erakundeko prestakuntzari dagokion aldian egin beharko da.

Halakoetan, lehenengo mailan egiteke geratu den enpresako edo pareko erakundeko prestakuntza egin beharko da bigarren mailako enpresako edo pareko erakundeko prestakuntza egiteko aldian. Bigarren mailako enpresako edo pareko erakundeko prestakuntza hasteko, beharrezkoa izanen da lehenengo mailan egiteke geratu den enpresako edo pareko erakundeko prestakuntza egitea eta hartan balorazio positiboa jaso izana.

Zikloaren antolakuntza, enpresen edo pareko erakundeen eskuragarritasuna, egiteke dagoen prestakuntzaren iraupena edo ikaslearen egoerak direla-eta bigarren mailan ezin bada osorik egin lehenengo mailan egiteke geratu den enpresako edo pareko erakundeko prestakuntza, ikastetxeak bi prestakuntza horiek sekuentziatan egin daitezen planifikatu beharko du.

Halakoetan, bigarren mailako enpresako edo pareko erakundeko prestakuntza bigarren mailan bertan hasten ahalko da, eta hurrengo ikasturtean amaitu. Beste aukera bat izanen da hurrengo ikasturtean hastea, betiere lehenengo mailan egiteke geratu den enpresako edo pareko erakundeko prestakuntza egin eta haren balorazio positiboa jaso ondoren.

Uko egiteak bigarren mailarako aurreikusitako enpresako edo pareko erakundeko prestakuntzari eragiten dionean, ikastetxeak, ahal dela, planifikatuko du ondorengo eta ahalik eta hurbileneko aldi batean egin dadin, eta bat etorri beharko du, betiere, enpresaren edo pareko erakundearen eskuragarritasunarekin, zikloaren antolakuntzarekin, ikasketetan jarraitzeko mugekin eta ikaslearen prestakuntza ibilbidearen jarraitutasunarekin.

Enpresako edo pareko erakundeko prestakuntza egiten ez duen bitartean, ikasleak, egoki denean, ikastetxeko prestakuntza egiten jarraituko du, bai eta uko egitearen eraginpean ez dauden gainerako prestakuntza jarduerak ere, bat etorriz ikastetxeak ezarritako antolakuntzarekin.

Ikastetxean edo bestelako prestakuntza ingurunetan lortutako ebidentzia positiboak gordetzen ahalko dira, baldin eta aplikatzekoa den araudiaren arabera egoki bada. Edonola ere, horrek ez dakar berez lanbide moduluen, esparruen, proiektu intermodularraren edo ukitutako elementuen azken kalifikazio positibo bat lortzea, edo hura gainditzea edo akreditazioa, ziurtagiria edo titulazioa lortzea; horretarako, exijitzen den enpresako edo pareko erakundeko prestakuntza egin, baloratu eta integratu arte itxaron beharko da, edo dagokion salbuespena aitortu arte.

Hartzen den antolakuntzazko erabakia dokumentatuta geratu beharko da, eta bertan honako hauek identifikatu beharko dira: uko egitearen eraginpeko lanbide moduluak, esparruak edo proiektu intermodularra, egin gabe geratu den enpresako edo pareko erakundeko prestakuntzari uko egitea, aurrerago egiteko aurreikuspena eta interesdunari emandako informazioa (adingabekoen kasuan, amari, aitari, tutoreari edo legezko ordezkariei emandakoa).

Nafarroako Lanbide Heziketaren Sistemako ebaluazioaren araudi espezifikoa indarrean sartzen ez den bitartean, apartatu honetan jasotako erabakiak hartzeko, aintzat hartuko dira indarreko araudia, kapitulu honetan adierazitakoa, aplikatzekoak diren curriculumak eta aplikatzekoak diren jarraibideak. Edonola ere, egoki denean, zehazten diren kudeaketa akademikoko dokumentu eta sistemetan integratuko da araudi espezifikoa.

26. Enpresako edo pareko erakundeko prestakuntza egiteko aukera kopurua.

Antolakuntza planifikatu ahal izateko, ikastetxeek aintzat hartu beharko dute enpresako edo pareko erakundeko prestakuntza gehienez ere birritan egiten ahalko dela prestakuntzarako eskaintza bakar baten esparruan, aplikatzekoa den araudiak ezarritako baldintzen arabera.

D graduko prestakuntza zikloetan, enpresako edo pareko erakundeko prestakuntza antolatzean lehenengo mailari dagokion zati bat eta bigarren mailari dagokion beste bat ezartzen badira, zati horietako bakoitza, oro har, bi aldiz egiten ahalko da.

Enpresako edo pareko erakundeko prestakuntza egiteari uko egitea baimendu izanak ez du eragiten, bere horretan, prestakuntza egiteko aukera gisa zenbatzea. Hala, aplikatzekoa den araudiak ezarritako ondorioak izanen ditu eta egiteke dagoen prestakuntza aurrerago planifikatzen ahalko da.

Enpresako edo pareko erakundeko prestakuntzaren zati baten banaketa arrunta hainbat alditan egiten bada, edo elkarren osagarri diren enpresa edo pareko erakunde batean baino gehiagotan, horrek ez du berez eraginen prestakuntza aukera osagarriak zenbatuko direnik.

Apartatu honetan jasotakoa antolakuntza eta plangintza arlokoa da. Ondorio akademikoak, ebaluaziora begirakoak edo prestakuntza gainditzekoak zehazteko, gertatu denean enpresako edo pareko erakundeko prestakuntza egitea, ez egitea, etetea, hari uko egitea edo errepikatzea, aplikatzekoa den araudi espezifikoa eta ebaluazio arloan ematen diren jarraibideak erabiliko dira.

27. Aparteko antolakuntza neurriak, enpresa edo pareko erakunde nahikorik ez dagoenean.

Ez badago enpresa edo pareko erakunde nahikorik enpresako edo pareko erakundeko prestakuntza egin behar duten ikasle guztiak hartzeko, ikastetxeak plazak lortzeko bide guztiak agortu beharko ditu aurretiaz, barne hartuta enpresako prestakuntza hainbat alditarako banaketaren ereduen arabera antolatzea, egoki denean.

Enpresa edo pareko erakunderik ez egoteari edo nahikorik ez egoteari aurre egiteko, proportziozko antolakuntza neurriak hartu beharko dira, eta horiek bideratu lor dadin, ahalik eta neurri handienean, ikasleen prestakuntza ibilbidearen jarraitutasuna, egonaldien segurtasuna eta kalitatea, eskuragarri dauden prestakuntza postuen erabilera orekatua eta egiteke dagoen prestakuntza aurrerago planifikatzea.

Hauek izaten ahal dira aparteko antolakuntza neurriak, besteak beste: enpresako edo pareko erakundeko prestakuntzaren banaketa hainbat alditan ezartzea, enpresa edo pareko erakunde bera hainbat ikasle talderentzako baliatzea, elkarren osagarri diren hainbat enpresa edo pareko erakunde erabiltzea, ikasleak birkokatzea, prestakuntzan hastea atzeratzea, enpresako prestakuntza partziala egitea hasiera batean ezarritako aldian edo egiteke geratu den prestakuntza aurreragorako planifikatzea.

Aparteko neurri horrek eragiten duenean enpresako edo pareko erakundeko prestakuntzaren ohiko plangintza aldatzea, aldi baterako aurreikusitako orduak murriztea, ikasle batzuk beranduago hastea edo eskuragarri dauden plazak ezohiko modu batean banatzea, baimena eskatu beharko zaio Lanbide Heziketaren Plangintza eta Integraziorako Zerbitzuari, bat etorriz 39. apartatuan jasotako prozedurarekin.

Apartatu hau aplikatzeko hartutako erabakiak antolakuntzazkoak izanen dira, eta behar bezala dokumentatuta geratu beharko dira; gainera, honako hauek identifikatu beharko dira: neurriaren kausa, ukitutako ikasleak, eskuragarri dauden enpresak edo pareko erakundeak, aurreikusitako denboraren banaketa, ikastetxean geratuko diren ikasleek jasoko duten hezkuntza arreta, eta, hala badagokio, egiteke geratu den enpresako edo pareko erakundeko prestakuntza aurrerago egiteko aurreikuspena.

28. Bigarren mailako ikasleen lehentasuna, enpresa edo pareko erakunde nahikorik ez dagoenean.

Ekoizpen sarearen eskuragarritasuna ez denean nahikoa aldi berean hartzeko enpresako edo pareko erakundeko prestakuntza egin behar duten lehenengo eta bigarren mailako ikasle guztiak, ikastetxeek, oro har, bigarren mailako ikasleen enpresako edo pareko erakundeko prestakuntza lehenetsi beharko dute.

Lehentasun hori aplikatuko da, batez ere, bigarren mailako enpresako edo pareko erakundeko prestakuntza ezinbestekoa bada eskaintza osatzeko, prestakuntza ibilbidea amaitzeko edo dagokion akreditatze, ziurtagiri edo titulazio proposamena ahalbidetzeko.

Enpresa edo pareko erakunde nahikoa ez dagoenerako malgutasun neurriek, oro har, lehenengo mailako enpresako edo pareko erakundeko prestakuntzari eginen diote erreferentzia. Bigarren mailako enpresako edo pareko erakundeko prestakuntza planifikatzea lehenesteko xedea izanen da, baina horrek ez du ekidinen behar bezala justifikatutako egoeretan behar diren antolakuntza neurriak hartzea.

Enpresa edo pareko erakunde nahikoa ez egoteak lehenengo mailako enpresako prestakuntzari eragiten dionean, egin gabe geratu diren orduak edo partzialki eginiko prestakuntza aurrerago egin daitezen planifikatu beharko dira; ahal dela, bigarren mailako enpresako edo pareko erakundeko prestakuntza egiteko ezarritako aldia baino lehen, betiere hori bateragarria bada zikloaren antolakuntzarekin, enpresen edo pareko erakundeen eskuragarritasunarekin eta ikaslearen prestakuntza ibilbidearen jarraitutasunarekin.

29. Enpresako edo pareko erakundeko prestakuntza hasteko baldintzak.

Enpresako edo pareko erakundeko prestakuntza hasteko, ikasleek honako baldintza hauek bete beharko dituzte aldi berean:

a) 16 urte beteta izatea, uztailaren 18ko 659/2023 Errege Dekretuaren 9.6.e) artikuluan ezarritakoaren arabera.

b) Laneko arriskuen prebentzioari buruzko prestakuntza gainditu izana, deusetan galarazi gabe uztailaren 18ko 659/2023 Errege Dekretuaren 153.2 artikuluaren d) eta e) paragrafoetan ezarritakoa.

Laneko arriskuen prebentzioari buruzko prestakuntza gainditutzat joko da baldintza hauek betetzen badira:

–C graduetan, "1782. Laneko arriskuen prebentzioa" lanbide moduluan edo "0194. Industria kimikoetako arriskuen prebentzioa" lanbide moduluan ezarritako prestakuntza gainditua izatea, dagokionaren arabera. Modulu horietako prestakuntzak nahitaez jaso behar du Prebentzio Zerbitzuen Erregelamendua onesten duen urtarrilaren 17ko 39/1997 Errege Dekretuaren IV. eranskinean xedatutako prestakuntza programaren eta sektore-eremu jakin baterako indarrean dagoen beste edozein lege-araudiren gutxieneko edukia. Izan ere, uste da horrek gaitasuna ematen duela aipatutako errege dekretuaren 35. artikuluan ezarritako laneko arriskuen prebentzioko oinarrizko mailako jardueretarako eskatzen diren lanbide erantzukizunak edo baliokideak aurrera eramateko. Modulu horien programazio didaktikoa ere urtarrilaren 17ko 39/1997 Errege Dekretuaren IV. eranskinean agertzen den ordu-banaketara egokitu beharko da.

Aurreko guztia gorabehera, gainerako lanbide moduluek lagunduko dute, lanbide profil bakoitzari eta aurreikusitako prestakuntza jarduerei dagokien neurrian, laneko arriskuen prebentzioko prestakuntza testuinguruan kokatzen eta aplikatzen. Ekarpen hori aurreko paragrafoan adierazitako gaikuntzaren parte bada, laneko arriskuen prebentzioari buruzko prestakuntza akreditagarri osoan bermatu beharko da orduak urtarrilaren 17ko 39/1997 Errege Dekretuaren IV. eranskinean ezarritako edukiarekin eta banaketarekin ematen direla.

–Oinarrizko mailako zikloei dagozkien D graduetan, "3159. Enplegagarritasunerako ibilbide pertsonala 1" lanbide moduluaren 6. ikaskuntzaren emaitzan ("Laneko arriskuen prebentzioko oinarrizko mailako eginkizunak betetzeko behar diren konpetentziak eskuratzen ditu") ezarritako prestakuntza gainditu izana. Ikaskuntzaren emaitza honen prestakuntzak nahitaez jaso behar du Prebentzio Zerbitzuen Erregelamendua onesten duen urtarrilaren 17ko 39/1997 Errege Dekretuaren IV. eranskinean xedatutako prestakuntza programaren eta sektore-eremu jakin baterako indarrean dagoen beste edozein lege-araudiren gutxieneko edukia. Izan ere, uste da horrek gaitasuna ematen duela aipatutako errege dekretuaren 35. artikuluan ezarritako laneko arriskuen prebentzioko oinarrizko mailako jardueretarako eskatzen diren lanbide erantzukizunak edo baliokideak aurrera eramateko. Modulu horien programazio didaktikoa ere urtarrilaren 17ko 39/1997 Errege Dekretuaren IV. eranskinean agertzen den ordu-banaketara egokitu beharko da.

Aurreko guztia gorabehera, gainerako esparru ez-profesionalek eta lanbide moduluek lagunduko dute, prestakuntza eta lanbide profil bakoitzari eta aurreikusitako jarduerei dagokien neurrian, laneko arriskuen prebentzioko prestakuntza testuinguruan kokatzen eta aplikatzen. Ekarpen hori aurreko paragrafoan adierazitako gaikuntzaren parte bada, laneko arriskuen prebentzioari buruzko prestakuntza akreditagarri osoan bermatu beharko da orduak urtarrilaren 17ko 39/1997 Errege Dekretuaren IV. eranskinean ezarritako edukiarekin eta banaketarekin ematen direla.

–Erdi mailako eta goi mailako zikloei dagozkien D graduetan, "1709. Enplegagarritasunerako ibilbide pertsonala 1" lanbide moduluaren 2. ikaskuntzaren emaitzan ("Laneko arriskuen prebentzioko oinarrizko teknikari titulua lortzeko behar diren konpetentziak eskuratzen ditu") ezarritako prestakuntza gainditu izana. Ikaskuntzaren emaitza honen prestakuntzak nahitaez jaso behar du Prebentzio Zerbitzuen Erregelamendua onesten duen urtarrilaren 17ko 39/1997 Errege Dekretuaren IV. eranskinean xedatutako prestakuntza programaren eta sektore-eremu jakin baterako indarrean dagoen beste edozein lege-araudiren gutxieneko edukia. Izan ere, uste da horrek gaitasuna ematen duela aipatutako errege dekretuaren 35. artikuluan ezarritako laneko arriskuen prebentzioko oinarrizko mailako jardueretarako eskatzen diren lanbide erantzukizunak edo baliokideak aurrera eramateko. Modulu horien programazio didaktikoa ere urtarrilaren 17ko 39/1997 Errege Dekretuaren IV. eranskinean agertzen den ordu-banaketara egokitu beharko da.

Aurreko guztia gorabehera, erdi eta goi mailako zikloetako gainerako lanbide moduluek lagunduko dute, lanbide profil bakoitzari eta aurreikusitako prestakuntza jarduerei dagokien neurrian, laneko arriskuen prebentzioko prestakuntza testuinguruan kokatzen eta aplikatzen. Ekarpen hori aurreko paragrafoan adierazitako gaikuntzaren parte bada, laneko arriskuen prebentzioari buruzko prestakuntza akreditagarri osoan bermatu beharko da orduak urtarrilaren 17ko 39/1997 Errege Dekretuaren IV. eranskinean ezarritako edukiarekin eta banaketarekin ematen direla.

Aipatutako gradu guztietan oinarrizko mailako eginkizunak betetzeko prestakuntzaren iraupena 50 ordu izanen da, urtarrilaren 17ko 39/1997 Errege Dekretuaren 35.2.b) artikuluan ezarritako iraupena betetzeko, bai aipatutako errege dekretuaren I. eranskinean jasotako jardueraren bat egiten duten enpresentzat, bai gainerako enpresentzat.

Ikastetxeak ziurtagiri bat eman beharko die prestakuntza hori gainditzen duten ikasleei, non prestakuntzaren iraupena eta oinarrizko mailako eginkizunak betetzeko prestakuntza programaren gutxieneko edukia zehaztu beharko baitira, urtarrilaren 17ko 39/1997 Errege Dekretuaren IV. eranskinean ezarritakoaren arabera. Ziurtagiri hori ebazpen honen II. eranskinean dagoen ereduaren arabera eginen da.

Laneko arriskuen prebentzioaren arloko prestakuntzaren ordu guztien batura 50 ordu izanen da, eta Lanbide Heziketako ikastetxeak horren gaineko ziurtagiri bat eginen du, ebazpen honen II. eranskineko ereduaren arabera.

Prestakuntza hori kasuan kasuko zikloaren lehen ikasturteko lehen hiruhilekoan eman beharko da.

Enpresako edo pareko erakundeko prestakuntzatik erabat edo partez salbuesteko eskaerak kapitulu honen 30. apartatuan ezarritakoaren arabera tramitatuko dira.

Ikasleak enpresako edo pareko erakundeko prestakuntzan hasi baino lehen, ikastetxeak egiaztatu beharko du apartatu honetan jasotako baldintzak betetzen direla, eta hala jaso beharko du. Egiaztatzea antolakuntzazkoa eta dokumentala izanen da, eta kapitulu honen 31. apartatuan ezarritako hasteko erabaki hori hartu baino lehen egin beharko da.

30. Enpresa edo organismo parekatuko prestakuntzatik salbuestea.

C, D eta E graduetako eskaintzetan, araubide orokorrean, erabat edo partez salbuesten ahalko da enpresako edo pareko erakundeko prestakuntza, baldin eta matrikulatutako ikasleak akreditatzen badu eginiko prestakuntzarekin lotutako laneko esperientzia duela, Estatuaren oinarrizko araudian ezarritako baldintzen arabera, bai eta aplikatzekoa den foru araudiaren eta Hezkuntza Departamentuak emandako jarraibideen arabera.

Enpresako edo pareko erakundeko prestakuntzaz salbuestea ez da aplikatzekoa izanen araubide intentsiboan egiten diren eskaintzetan, hargatik eragotzi gabe laneko araudiak, eskaintzaren baimenak edo aplikatzekoa den araudi espezifikoak ezarritakoa.

Salbuesteko eskaera prestakuntzarako eskaintzaren lehenengo mailan bertan eskatzen ahalko da, eta, ahal dela, enpresako edo pareko erakundeko prestakuntza egitea aurreikusten den aldia hasi baino aurrerapen nahikoarekin. Hala, eskaera behar bezala aztertu, ebatzi eta behar bezala integratzen ahalko da interesdunaren prestakuntza ibilbidearen plangintzan.

Enpresako edo pareko erakundeko prestakuntzaz guztiz salbuesteko, eginiko prestakuntzarekin lotutako laneko esperientzia akreditatu beharko da; zehazki, eskaera egin baino aurreko bost urteetan eskuratutakoa. Honako hauek izanen dira esperientzia onartua izan dadin gutxieneko iraupenak:

a) D graduko eskaintzetan, urtebeteko lanaldi osoko gutxieneko esperientzia edo haren baliokidea.

b) C graduko eskaintzetan, eta, hala dagokionean, enpresako edo pareko erakundeko prestakuntza duten E graduko eskaintzetan, sei hilabeteko lanaldi osoko gutxieneko esperientzia edo haren baliokidea.

Aurreko paragrafoan adierazitako esperientzia akreditatzen bada, salbuespena erabatekoa edo partziala izaten ahalko da; horretarako, aztertuko da zer elkarrekikotasun dagoen eginiko lanbide zereginen eta ikaskuntzaren emaitzen, prestakuntza jardueren, lanbide zereginen edo enpresako edo pareko erakundeko prestakuntzari esleitutako elementuen artean.

Salbuespena partziala izanen da soilik honako egoera hauetan:

a) D graduko eskaintzetan, sei hilabeteko lanaldi osoko gutxieneko esperientzia edo haren baliokidea akreditatzen denean, baldin eta eskaera egin aurreko bost urteetan eskuratu bada.

b) C graduko eskaintzetan, eta, kasua bada, E gradukoetan, baldin eta enpresako edo pareko erakundeko prestakuntza badute, akreditatzen denean hiru hilabeteko lanaldi osoko gutxieneko esperientzia edo haren baliokidea, eskaera egin aurreko bost urteetan.

Salbuespena erabatekoa edo partziala izanen den zehazteko, honako hauek hartuko dira kontuan: akreditatutako laneko esperientzia, eginiko lanbide zereginak eta horien elkarrekikotasuna ikaskuntzaren emaitzekin, prestakuntza jarduerekin, lanbide zereginekin edo enpresako edo pareko erakundeko prestakuntzari esleitutako elementuekin.

Eskaera interesduna matrikulatutako ikastetxean edo baimenduriko prestakuntza entitatean aurkeztu beharko da, alegatutako laneko esperientziaren akreditazioarekin batera, uztailaren 18ko 659/2023 Errege Dekretuaren 117. artikuluan eta aplikatzekoak diren jarraibideetan ezarritakoari jarraikiz.

Oro har, akreditazioen bidez posible behar du izan honako hauek egiaztatzea: esperientzia, zer denbora tartetan gauzatu den, eginiko lanaldia, eginiko prestakuntzarekin zer lotura duen eta eginiko lanbide eginkizunak, zereginak edo jarduerak.

D eta E graduetako eskaintzetan, eskaera ikastetxeak aztertuko du. Ikastetxeko zuzendaritzak eskaera ebatziko du, honako hauek txosten edo balorazio teknikoa egin ondoren: dagokion lanbide arloko departamentuak, ikastetxeko tutoreak, Kanpoko Lanbide Jardueren Departamentuko buruak edo ikastetxeko antolakuntzak ezarritako pertsonek.

C graduko eskaintzetan, ikastetxeak edo baimenduriko prestakuntza entitateak eskaera jasoko du, eta aurkeztutako agiriak egiaztatuko ditu, behar diren balorazio teknikoak egin edo jasoko ditu, eta espedientea tramitatuko du, Lanbide Heziketaren Plangintza eta Integraziorako Zerbitzuak ezarritako prozedurarekin bat.

Salbuesteko ebazpenak honako hauek jaso beharko ditu, gutxienez: eskatzailea; prestakuntzarako eskaintza; ukitutako zikloa, maila edo gradua; akreditatutako laneko esperientzia; salbuespena erabatekoa edo partziala den; erabakiaren funtsezko arrazoia; enpresako edo pareko erakundeko prestakuntzaren zer zati sartzen den salbuespenean, eta, hala badagokio, nahitaezkoa izaten jarraitzen duen zatia.

Salbuespena partziala bada, honako hauek identifikatu beharko ditu, behar den zehaztasun mailarekin: aldiak, orduak, prestakuntza jarduerak, lanbide zereginak, ikaskuntzaren emaitzak edo enpresako edo pareko erakundeko prestakuntzaren zer elementu salbuesten diren, bai eta, hala dagokionean, prestakuntzan ari den ikasleak egin beharrekoak ere.

Salbuespenak ez du egungo matrikularen barneko enpresako prestakuntzaren ebaluazio positiboa emanen. Aitzitik, aurreko laneko esperientziaren aintzatespen akademikoko neurri bat da, araudian ezarritako ondorioak dituena. Salbuespenak ez ditu ukitutako lanbide moduluak, esparruak, proiektu intermodularrak edo prestakuntza elementuak baliozkotuko, ez die kalifikazio bat berez esleituko eta ez ditu kalifikazioak automatikoki aldatuko.

Salbuespena erabatekoa edo partziala izan, horrek ez du eragotziko ebaluazio jarraituaren, prestakuntzaren jarraipenaren eta balorazio orokor eta integratuaren printzipioak aplikatzea ikasleak egin eta gauzatu beharreko eta hari ebaluatu beharreko elementuetan, bat etorriz aplikatzekoa den araudiarekin.

Erabateko salbuespena aitortzen denean, ikastetxeak interesdunaren plangintza egoera horretara egokitu beharko du; ez du programatu beharko salbuetsitako enpresako edo pareko erakundeko prestakuntzan hastea. Edonola ere, horrek ez ditu baztertuko aplikatzekoa den ebaluazio araudiaren arabera egoki diren jarraipen, orientazio, dokumentazio edo integrazio jarduketak.

Salbuespen partzial bat aitortzean, ikastetxeak salbuetsi gabeko enpresako edo pareko erakundeko prestakuntzaren zatia planifikatu beharko du, eta bermatu beharko du koherentea dela prestakuntza planarekin, enpresen edo pareko erakundeen eskuragarritasunarekin eta ikaslearen prestakuntza ibilbidearen jarraitutasunarekin.

Salbuespenaren ebazpena eta horren oinarri diren agiriak interesdunaren espediente edo dokumentazio akademiko eta antolakuntzakoan txertatu beharko dira, ikastetxeak zaindu beharko ditu, eta, hala dagokionean, EDUCAn edo Hezkuntza Departamentuak ezarritako kudeaketa sisteman erregistratu beharko ditu.

Nafarroako Lanbide Heziketaren Sistemaren ebaluazio araudi espezifikoak indarra hartu arte, enpresako edo pareko erakundeko prestakuntzaz salbuesteko eskaerak ebazteko, aintzat hartuko da apartatu honetan, Estatuaren oinarrizko araudian, aplikatzekoak diren curriculumetan eta aplikatzekoak diren eta indarrean dauden jarraibideetan ezarritakoa. Edonola ere, egoki denean, zehazten diren kudeaketa akademikoko dokumentu eta sistemetan txertatuko da araudi espezifikoa.

31. Enpresako edo pareko erakundeko prestakuntzan sartzea.

Ikasleak enpresako edo pareko erakundeko prestakuntzan sartzean, ahal den hezkuntza arreta onena jasotzeko printzipioa aplikatuko da, bai eta prestakuntza ibilbidearen jarraitutasuna ere, eta bermatuko da enpresa edo pareko erakundeko egonaldia segurtasun, aprobetxamendu, akonpainamendu eta prestakuntza planarekiko koherentzia baldintza egokiekin gauzatuko dela.

D graduko prestakuntza zikloen ikasleak enpresako edo pareko erakundeko prestakuntzan hasi aurretik, irakasle taldeak ikasle bakoitzaren egoeraren aurretiko ebaluazio bat eginen du, xede izanik egoki den hasiera batean ezarritako aldian hastea, antolakuntza neurri espezifikoekin hastea, modu partzialean hastea, beranduago hastea edo aldi horretan ez hastea.

Aurretiko balorazioa antolakuntzakoa eta prestakuntzakoa izanen da. Xede izanen du bermatzea enpresako edo pareko erakundeko egonaldia gauzatu dadin segurtasun, aprobetxamendu, akonpainamendu, irisgarritasun, prestakuntza planarekiko koherentzia eta ikaslearen prestakuntza ibilbidearen jarraitutasun baldintza egokiekin.

Aurretiko balorazioa irakasle taldearen bilera baten bidez eginen da, zeina berariaz deituko baita xede horrekin. Bilera, edonola ere, irakasle koordinaziorako edo ikastetxeko antolakuntzan aurreikusitako saio arruntekin bat etor daiteke, betiere berariaz jasota geratzen bada enpresako edo pareko erakundeko prestakuntzan hasteari buruzko erabakia.

Aurretiko balorazio horretan aintzat hartuko da informazio hau, gutxienez:

a) Enpresako edo pareko erakundeko prestakuntza hasteko baldintza objektiboak betetzea, batez ere eskatutako gutxieneko adinari eta laneko arriskuen prebentzioaren prestakuntza gainditzeari dagokionez.

b) Ikastetxean gauzatutako prestakuntza prozesuaren bilakaera.

c) Egonaldia behar bezala gauzatzeko behar diren ikaskuntzak, konpetentziak eta lanbide ohiturak barneratzeari buruz eskuragarri dagoen informazioa.

d) Enpresa edo pareko erakundean hasteko unearen egokitasuna.

e) Aurreikusitako prestakuntza planaren, esleitutako enpresa edo pareko erakundearen eta ikaslearen ezaugarrien arteko egokitasuna.

f) Behar diren segurtasuneko, laneko arriskuen prebentzioko, adingabeen babeseko, irisgarritasuneko, laguntzako edo akonpainamenduko baldintzak.

g) Enpresa edo pareko erakundearen eskuragarritasun efektiboa eta egonaldiaren antolakuntza bideragarritasuna.

h) Erabakiak zer eragin izanen duen ikaslearen prestakuntza ibilbidearen jarraitutasunean.

Ebaluazio horren ondoren, irakasle taldeak, honako antolakuntza erabaki hauetako bat hartuko du, modu arrazoitu eta proportzionalean:

a) Enpresako edo pareko erakundeko prestakuntzan hastea aurreikusitako aldian ("Erabateko sarbidea" erabakia).

b) Enpresako edo pareko erakundeko prestakuntzan hastea laguntza, jarraipen, antolakuntzaren egokitzapen edo akonpainamendu neurri espezifikoekin ("Erabateko sarbidea" erabakia).

c) Enpresako edo pareko erakundeko prestakuntzan modu partzialean edo mugatuan hastea aurreikusitako aldian; identifikatu beharko dira aurrerago eta egoki denean planifikatu beharreko orduak, prestakuntza jarduerak, ikaskuntzaren emaitzak, konpetentziak edo ebidentziak ("Sarbide mugatua" erabakia).

d) Enpresako edo pareko erakundeko prestakuntzan hastea atzeratzea, eta ikasturtean bideragarria den beste aldi batean egitea ("Sarbiderik ez" erabakia).

e) Enpresako edo pareko erakundeko prestakuntzan ez hastea aurreikusitako aldian, ez badira egonaldia hasteko baldintza objektiboak betetzen edo irizten bada ikasleak hezkuntza arreta onena jasotzeko aldi baterako ikastetxean jarraitu behar duela. Horrek ez du eragotziko exijitzen ahal den enpresako edo pareko erakundeko prestakuntza aurrerago egitea ("Sarbiderik ez" erabakia).

"Erabateko sarbidea", "Sarbide mugatua" eta "Sarbiderik ez" kategoriak antolakuntzakoak izanen dira, eta ikasleak enpresako edo pareko erakundeko prestakuntzan aurreikusitako epean hasteko erabakia dokumentatzeko erabiliko dira. Kategoria horiek ez dira berez kalifikazio, ebaluazioaren emaitza, gainditze, ez gainditze, mailaz igotze edo azken erabaki akademikotzat joko.

Ikasleak ez dituenean betetzen 29. apartatuan jasotako baldintza espezifikoak enpresako edo pareko erakundeko prestakuntzan hasteko, antolakuntzako erabakia "Sarbiderik ez" izanen da nahitaez hasiera batean aurreikusitako aldirako; edonola ere, beste aurretiko balorazio bat egiten ahalko da baldintzak betetzen dituenean eta zikloaren plangintzak ahalbidetzen badu.

Erabaki hauetan, egoki denean, honako hauek baloratuko dira:

a) Prestakuntza Plan Pertsonalizatua aldatzea, baldin eta beharrezkoa bada esleitutako enpresari edo pareko erakundeari egokitzeko edo ikaslearen ezaugarrietara egokitzeko.

b) Beste enpresa edo pareko erakunde batean birkokatzea, baldin eta hasiera batean esleitutako esleipena ez bada egokia.

Hasiera batean aurreikusitako aldian partzialki hasteko erabakia, atzeratzeko erabakia edo ez hasteko erabakia behar bezala arrazoituta egon beharko da, eta honako arrazoi hauen araberakoa izan: prestakuntza, antolakuntza, segurtasuna, babesa, irisgarritasuna, enpresen edo pareko erakundeen eskuragarritasuna, prestakuntza planaren egokitasuna, hezkuntza akonpainamendua edo prestakuntza ibilbidearen jarraitutasuna.

Enpresako edo pareko erakundeko prestakuntzan ez hastea, partzialki hastea edo hastea atzeratzea ez da inolaz ere zehatzailea izanen, eta ez du ondorio izanen, berez, ikaslearen ikaskuntzaren balorazio negatiboa egitea.

Baliteke hainbat jokabidek edo gorabeherak larriki kalte egitea egonaldia behar bezala gauzatzeari, segurtasunari, bizikidetzari, laneko arriskuen prebentzioko arauak betetzeari edo enpresako edo pareko erakundearekiko prestakuntzari. Halakoetan, irakasle taldeak horiek aintzat hartzen ahalko ditu aurretiko baloraziorako, betiere modu arrazoituan, proportzionalean eta prestakuntzan hasteko antolakuntza eta prestakuntza egokitasunari lotuta. Diziplinazko jarduketak tramitatzeko, aplikatzekoa den bizikidetza araudia erabiliko da.

Aurreko balorazioa eta hartutako erabakiak akta batean edo enpresako edo pareko erakundeko prestakuntzan hasi aurretiko balorazioaren dokumentuan jaso beharko dira, eta hori bileran parte hartzen duten irakasle taldeko kideek sinatu beharko dute.

Dokumentu horretan honako hauek jaso beharko dira, gutxienez:

a) Bileraren eguna.

b) Parte-hartzaileak.

c) Zikloaren, mailaren eta taldearen identifikazioa.

d) Zer ikasleren inguruan hartzen den erabakia.

e) Enpresako edo pareko erakundeko prestakuntzan hasteko baldintza objektiboak betetzen direlako egiaztapena.

f) Ikasle bakoitzarentzat hartutako erabakia.

g) Partzialki hasteko, neurri espezifikoekin hasteko, atzeratzeko edo ez hasteko erabakiaren funtsezko arrazoiak.

h) Aurreikusitako antolakuntza neurriak.

i) Enpresako edo pareko erakundeko prestakuntza aurrerago egiteko aurreikuspena, hala badagokio.

j) Ikasleari emandako informazioa, eta, hala dagokionean, haien ama, aita, tutore edo legezko ordezkariei emandakoa.

Ikasleei hartutako erabakia jakinaraziko zaie, bai eta horrek dituen antolakuntzako ondorioak ere. Ikaslea adingabea denean, haren ama, aita, tutore edo legezko ordezkariari jakinaraziko zaio erabakia, eta bermatuko da ikasleak aukera izanen duela haren adinarekiko eta heldutasunarekiko egokia den modu batean entzun dezaten, baldin eta erabakiak prestakuntza ibilbideari modu esanguratsuan eragiten badio.

Apartatu honetan araututako erabakiak antolakuntzakoak izanen dira eta ez dute bere horretan ikaslearen ebaluazioa, kalifikazioa, prestakuntza gainditzea, mailaz igotzea, ziurtagiria edo titulazioa ezarriko. Ondorio akademikoak edo ebaluaziokoak ekartzen baldin baditu enpresako edo pareko erakundeko prestakuntzan hasteak, partzialki hasteak, hori atzeratzeak, ez egiteak, eteteak edo aurrerago egiteak, aplikatzekoa den araudi espezifikoaren arabera eta ebaluazio arloan ematen diren jarraibideen arabera zehaztuko dira ondorio horiek.

Nafarroako Lanbide Heziketaren Sistemaren ebaluazio araudi espezifikoak indarra hartu arte, enpresako edo pareko erakundeko prestakuntzan hasteko erabakiak hartzeko, aintzat hartuko da kapitulu honetan, Estatuaren oinarrizko araudian, aplikatzekoak diren curriculumetan eta aplikatzekoak diren eta indarrean dauden jarraibideetan ezarritakoa. Edonola ere, egoki denean, zehazten diren kudeaketa akademikoko dokumentu eta sistemetan integratuko da araudi espezifikoa.

32. Enpresako edo pareko erakundeko prestakuntzan sartzen ez diren ikasleak eta ikastetxean jarraitzea.

Aurreko apartatuan azaldutako aurretiko ebaluazioaren emaitza bada ikasle batek ez hastea, partzialki hastea edo hastea atzeratzea enpresako edo pareko erakundeko prestakuntza horretarako hasiera batean aurreikusitako epean, ikastetxeak dagokion tartean ikaslearen hezkuntza arreta antolatu beharko du.

Ikastetxean jarraitzen duten ikasleei emanen zaien hezkuntza arreta modu koherentean antolatu beharko da prestakuntzarako eskaintzarekin, mailarekin, irakasle taldearekin eta ikaslearen ikaskuntza premiekin. Hala, arreta falta edo prestakuntzaren jarraitutasuna etetea ekidinen da. Hori guztia, honako honekin bat:

32.1. Ikasle talde osoak enpresako edo pareko erakundeko prestakuntza aldi berean egitea.

a) Oinarrizko zikloetako ikasleak: prestakuntzan jarraituko dute asteko hogeita hamar eskolaldietan zehar.

b) Erdi mailako zikloetako ikasleak: prestakuntzan jarraituko dute asteko hogeita hamar eskolaldietan zehar. Tarte horietan, zuzeneko irakaskuntzakoak izanen dira, gutxienez, honako erreferentzia honen arabera izan behar direnak:

–3 orduko edo gutxiagoko modulua: Asteko eskolaldi bat zuzeneko irakaskuntzarako.

–4 eta 5 orduko moduluak: Asteko 2 eskolaldi zuzeneko irakaskuntzarako.

–6 eta 7 orduko moduluak: Asteko 3 eskolaldi zuzeneko irakaskuntzarako.

–8 eta 9 orduko moduluak: Asteko 4 eskolaldi zuzeneko irakaskuntzarako.

–10 eta 11 orduko moduluak: Asteko 5 eskolaldi zuzeneko irakaskuntzarako.

–12 orduko edo gehiagoko moduluak: Asteko 6 eskolaldi zuzeneko irakaskuntzarako.

Ikastetxearen esku geldituko da gainerako eskolaldietako hezkuntza arreta antolatzea asteko 30 eskolaldietara iritsi arte.

c) Goi mailako zikloetako ikasleak: prestakuntzan jarraituko dute ikastetxean, matrikulatuta dauden mailako lanbide moduluei zuzeneko irakaskuntzako zenbat aldi dagokien, horiek batuta ateratzen diren asteko eskolaldiek iraun bitartean, gutxienez. Moduluak antolakuntzako erreferentzia honen araberakoak izanen dira:

–3 orduko edo gutxiagoko modulua: Asteko eskolaldi bat zuzeneko irakaskuntzarako.

–4 eta 5 orduko moduluak: Asteko 2 eskolaldi zuzeneko irakaskuntzarako.

–6 eta 7 orduko moduluak: Asteko 3 eskolaldi zuzeneko irakaskuntzarako.

–8 eta 9 orduko moduluak: Asteko 4 eskolaldi zuzeneko irakaskuntzarako.

–10 eta 11 orduko moduluak: Asteko 5 eskolaldi zuzeneko irakaskuntzarako.

–12 orduko edo gehiagoko moduluak: Asteko 6 eskolaldi zuzeneko irakaskuntzarako.

32.2. Enpresako edo pareko erakundeko prestakuntza bi alditan eta data ezberdinetan programatzea (ikasleen zati batek aldi batean eginen du eta besteak, beste aldian).

Enpresako edo pareko erakundeko prestakuntza egiten ari ez diren ikasle guztiek ikastetxeko prestakuntzarekin jarraituko dute asteko 30 eskolalditako ordutegi berarekin.

32.3. Ikastetxean jarraitu bitartean egin beharreko jarduketak.

Ikastetxean jarraituko duten ikasleen hezkuntza arretan barne hartzen ahalko dira, besteak beste: ikaskuntzen errefortzu, tinkatze edo zabaltze jarduerak; enpresako edo pareko erakundeko prestakuntzan aurrerago hasteko prestakuntza; proiektu intermodularrari lotutako jarduerak; lanbide orientazioa; tutorearen akonpainamendua; ikaskuntzak barneratzeko jarduerak, edo lanbide ohiturak hobetzeko, segurtasuneko, autonomiako, erantzukizuneko edo ekoizpen inguruneari egokitzeko jarduketak.

Ez hastea, partzialki hastea edo atzeratzea gertatu bada ikasleak ez zituelako betetzen enpresako edo pareko erakundeko prestakuntzan hasteko baldintza objektiboak, ikastetxeak, posible badu, behar diren jarduketak planifikatu beharko ditu, ikasleak baldintza horiek bete ditzan eta exijitzen den enpresako edo pareko erakundeko prestakuntza aurrerago egin dezan.

Ez hastearen, partzialki hastearen edo atzeratzearen arrazoia baldin bada antolakuntza, enpresen edo pareko erakundeen eskuragarritasuna, prestakuntza planaren egokitasuna, segurtasuna, irisgarritasuna, laguntza premia edo prestakuntza ibilbidearen jarraitutasuna, ikastetxeak egiteke dagoen enpresako edo pareko erakundeko prestakuntza identifikatu beharko du, eta, posible badu, hori aurrerago egitea aurreikusi.

32.4. Beste aurretiko balorazio bat.

Irakasle taldeak beste aurretiko balorazio bat egiten ahalko du ikaslea enpresako edo pareko erakundeko prestakuntza egiten has dadin, baldin eta ez hasteko, partzialki hasteko edo hasierako data atzeratzeko arrazoiak aldatu badira, eskuragarri badago beste enpresa edo pareko erakunderen bat, ikasleak egonaldia hasteko behar diren baldintzak bete baditu edo zikloaren plangintzak ahalbidetzen badu.

Ikastetxean jarraitzearen antolakuntza eta, hala badagokio, enpresako edo pareko erakundeko prestakuntzan hasteko beste aurretiko balorazio bat behar bezala eta modu proportzionalean dokumentatu beharko dira.

Apartatu honetan jasotako aurretiko jarduketak antolakuntzakoak eta hezkuntza arretakoak izanen dira. Baliteke ondorio akademikoak edo ebaluaziokoak izatea enpresako edo pareko erakundeko prestakuntzan ez hastearen, partzialki hastearen, atzeratzearen edo aurrerago egitearen ondorioz; halakoetan, aplikatzekoa den araudi espezifikoaren arabera eta ebaluazio arloan ematen diren jarraibideen arabera zehaztuko dira ondorio horiek.

33. Programazioak eta irakaskuntzaren plangintzako dokumentuak.

Ikastetxeko prestakuntzaren eta enpresako prestakuntzaren arteko koherentzia bermatzeko behar diren antolakuntza elementuak jaso beharko dituzte programazio didaktikoak edo irakaskuntzaren plangintzako dokumentuek, enpresako edo pareko erakundeko prestakuntzari dagokionez.

Honako hauek jaso beharko dituzte, gutxienez: ikaskuntzaren emaitzak, konpetentzia espezifikoak edo enpresan edo pareko erakundean eginen diren prestakuntza jarduerak, ikasleak enpresei esleitzeko irizpideak, desgaitasuna duten edo premia bereziak dituzten ikasleen kasuak hartu behar diren laguntza edo egokitzapen neurriak eta koordinazio eta jarraipen mekanismoak.

Programazioak edo irakaskuntzaren plangintzako dokumentuak malguak izan beharko dira, eta prestakuntza prozesuan zehar dauden aldaketetara egokitu beharko dira. Hala, ikasturte bukaerako memorian edo itxiera dokumentazioan zehatz-mehatz jaso beharko dira enpresan edo pareko erakundean benetan eginiko jarduerak, izandako emaitzak eta landutako konpetentziak.

Era berean, programazioak edo irakaskuntzaren plangintzako dokumentuak egokitu beharko dira aplikatzekoak diren jarraibide espezifikoetara (ebaluaziokoak, dokumentaziokoak, trazabilitatekoak eta prestakuntza prozesua koordinatzekoak), Hezkuntza Departamentuak haiek onetsi ondoren edo jakinarazi ondoren.

34. Enpresako prestakuntza eta nazioarteratzea.

Enpresako edo pareko erakundeko prestakuntzan mugikortasun aldirik egonez gero, ahal dela nazioartekoa izanen da, eta bat etorriko da Estatuaren oinarrizko araudiarekin, ebazpen honen nazioarteratzeari buruzko kapituluarekin eta programa edo mugikortasun bakoitzerako ematen diren jarraibide espezifikoekin.

Posible izanen da lehenengo edo bigarren mailan egiten diren nazioarteko egonaldi laburrak zenbatzea dagokion mailako enpresako edo pareko erakundeko prestakuntzaren nahitaezko ordu gisa, baldin eta Hezkuntza Departamentuak ezarritako baldintzak betetzen badira.

Egonaldi horietan, jarraipena ikastetxeko nazioarteratze arduradunak eginen du, betiere Kanpoko Lanbide Jardueren Departamentuarekin, ikastetxeko tutore dualarekin eta inplikatutako irakasle taldearekin koordinatuta.

Kanpoko Lanbide Jardueren Departamentuko arduradunak behar diren kudeaketak eginen ditu EDUCAn, bete daitezen Gizarte Segurantzarekiko betebeharrak, eta bat etorriz Lanbide Heziketaren Plangintza eta Integraziorako Zerbitzuak ezarritako prozedurarekin.

35. Enpresekin, ekoizpen sektoreekin eta LH-Bidea programarekin koordinatzea.

Ikastetxeak enpresako edo pareko erakundeko prestakuntza integratu beharko du ikastetxeak berak bere ekoizpen eta gizarte ingurunearekin harremanetan egoteko duen estrategian, koordinatuta, betiere, Lanbide Heziketaren Sistemako lanbide orientazioarekin eta LH-Bidearekin.

Eginkizun horiek, ikastetxeko eginkizun estrategikoak baitira, Kanpoko Lanbide Jardueren Departamentuak bultzatu eta gauzatu beharko ditu, eta, horretarako, lankidetzan ariko da ikastetxeko zuzendaritza taldearekin. Xedea da ikasleen prestakuntzarekin lagunduko duten enpresen eta entitateen sare bat sortzea, eta harreman hori fidelizatzea, harremana ahalik eta egonkorrena eta jarraitutasun handikoena izan dadin.

Enpresekin edo pareko erakundeekin izandako harremanari esker lortutako informazioak lagundu beharko du eskaintzaren plangintza hobetzen, ikasleak orientatzen, kualifikazio beharrak detektatzen, irakasleak teknikoki eguneratzen, Etengabeko Prestakuntzako aukerak identifikatzen, lanbide konpetentziak akreditatzen eta enpresen prospekzioa eta lankidetza sistema hobetzen.

Ikastetxeek sustatu beharko dute lankidetza egonkorra, errespetuzkoa eta baliagarria egon dadin enpresekin edo pareko erakundeekin; lankidetza horrek oinarri izanen du eginbeharrak argi izatea, dokumentuak sinplifikatzea, egutegiak aurreikustea, komunikazio ona izatea eta enpresek ikasleen prestakuntzan egiten duten ekarpena aitortzea.

36. Enpresako edo pareko erakundeko prestakuntzaren antolakuntza.

659/2023 Errege Dekretuak, uztailaren 18koak, Lanbide Heziketako Sistemaren antolamendua garatzen duenak, 9.5 artikuluan xedatzen duena betez, Lanbide Heziketaren Sistemako antolamenduaren oinarrizko alderdiak arautzen dituen foru araudian xedatu da enpresako edo pareko erakundeko prestakuntza lehen eta bigarren mailetan eginen dela.

Oro har, prestakuntza mailaren araberako egitura hau izanen da:

a) Oinarrizko mailako zikloetan:

–Lehenengo maila: gutxienez 80 ordu.

–Bigarren maila: 400 ordu bete daitezen ahalbidetuko duen iraupena; ordu horiek oinarrizko mailako zikloaren iraupen osoaren %20 izanen dira, hala ezartzen baitu uztailaren 18ko 659/2023 Errege Dekretuaren 88.2 artikuluak.

b) Erdi eta goi mailako zikloetan:

–Lehenengo maila: gutxienez 100 ordu.

–Bigarren maila: araubide orokorreko orduak (500 eta 700 ordu bitartean) edo araubide intentsibokoak (700 ordu baino gehiago eta 1000 baino gutxiago) bete daitezen ahalbidetuko duen iraupena; ordu horiek araubide orokorreko prestakuntza zikloko curriculumaren iraupen osoaren %25 eta %35 bitartean izanen dira, eta araubide intentsiboko prestakuntza zikloko curriculumaren iraupen osoaren %35 eta %50, hala ezartzen baitu uztailaren 18ko 659/2023 Errege Dekretuaren 106. artikuluak.

37. Ereduak, enpresako edo pareko erakundeko prestakuntzaren txandaketa eta denboraren banaketa egiteko.

Enpresako edo pareko erakundeko prestakuntza antolatzean, oro har, aintzat hartu beharko da txandaketa, integrazio eta koordinazio egokia izan behar dela ikastetxean eginiko prestakuntzaren eta enpresan edo pareko erakundean eginiko prestakuntzaren artean.

Hartara, ikastetxeek honako modalitateetako bat baliatzen ahalko dute enpresako edo pareko erakundeko prestakuntza antolatzeko:

a) Ikastetxearen eta enpresaren edo pareko erakundearen artean txandaka aritzea, artikulatutako sekuentzien bidez eta bi inguruneen arteko prestakuntzan integratuta; txandak egun, aste edo hilabeteka antolatu beharko dira, edo bestela, eskaintzaren eta ekoizpen sektorearen ezaugarriei egokitzen zaizkien bestelako aldi batzuetan.

b) Enpresako edo pareko erakundeko prestakuntzarako sekuentzia bakarra garatzea; ahal dela, eskolak amaitu baino lehen ikastetxera itzultzeko aldi bat egon dadin ahalbidetu beharko du antolakuntzak, aplikatzekoa den eskola egutegiarekin bat.

Ikastetxera itzultzeko tartean, enpresako edo pareko erakundeko prestakuntza sekuentzia bakarrean antolatu bada, bultzatuko da enpresetan edo pareko erakundeetan garatutako ikaskuntzak integratzea, esperientziak partekatzea, prestakuntza jarduerak egitea, egiteke geratu diren ikaskuntzak indartzea, orientazio jarduketak egitea eta, hala dagokionean, prestakuntzarako eskaintzari lotutako jarduketak edo proiektuak amaitzea.

a) eta b) letretan ezarritako modalitateek ez dute Lanbide Heziketaren Plangintza eta Integraziorako Zerbitzuaren baimen espezifikorik beharko, baldin eta bat badatoz aplikatzekoa den araudiarekin, zikloaren edo eskaintzaren plangintzarekin, eskola egutegiarekin eta Hezkuntza Departamentuak emandako jarraibideekin.

Enpresako edo pareko erakundeko prestakuntza gauzatzeak ez badu barne hartzen inolako txandaketarik edo ikastetxera itzultzeko aukerarik, Lanbide Heziketaren Plangintza eta Integraziorako Zerbitzuaren baimen espezifikoa izan beharko du, salbu eta antolakuntza hori eskaintzaren araudiaren ondorio bada, aurretiko baimen espezifiko bat badago edo mugikortasuna dela-eta.

Baimen eskaera ikastetxeko zuzendaritzak aurkeztuko du, enpresako edo pareko erakundeko prestakuntza hasi baino hogeita hamar egun lehenago, Hezkuntza Departamentuak ezarritako prozeduraren bidez. Eskaeran ukitutako zikloa, maila, taldea edo ikasleak identifikatu beharko dira, eta proposamenaren justifikazio txosten bat atxiki beharko da, kontuan hartuta prestakuntza planarekiko koherentzia, sektorearen ezaugarriak, enpresen edo pareko erakundeen eskuragarritasuna, prestakuntza ibilbidearen jarraitutasuna eta ikastetxera itzultzeko antolakuntza, hala dagokionean.

38. Modalitate presentzialeko eta erdipresentzialeko prestakuntza zikloen maila bakoitzean enpresako edo pareko erakundeko prestakuntzaren aldiak ezartzeko salbuespenak.

Uztailaren 18ko 659/2023 Errege Dekretuaren 9.5 artikuluak ezartzen du hezkuntza administrazioek salbuespenak ezartzeko aukera dutela enpresako edo pareko erakundeko prestakuntza prestakuntza zikloaren lehenengo eta bigarren mailetan egin beharreko irizpide orokorrari dagokionez, baldin eta ekoizpen sarea bateraezina bada horrekin.

Aurreikuspen hori aplikatuta, behin bide guztiak agortu ondoan enpresa edo pareko erakunde nahikorik ez badago enpresako prestakuntza egin behar duten lehenengo mailako ikasle guztiek hasiera batean ezarritako aldian egin dezaten, eskatzen ahalko da malgutasun neurriren bat aplikatzea, lehenengo mailako enpresako edo pareko erakundeko prestakuntzari dagokionez.

Eskaera egin aurretik, gutxienez honako antolakuntza aukera hauek baloratu beharko ditu ikastetxeak:

–Enpresen edo pareko erakundeen prospekzioa zabaltzea.

–Enpresako edo pareko erakundeko prestakuntza bi alditan edo gehiagotan banatzea.

–Enpresa edo pareko erakunde bat ikasle talde batek baino gehiagok erabiltzea bata bestearen atzetik.

–Enpresa edo pareko erakunde bat baino gehiago konbinatzea, baldin eta elkarrekiko osagarriak badira.

–Enpresa edo pareko erakunde alternatiboetan birkokatzea ikasleak.

–Prestakuntza Plan Pertsonalizatua egokitzea enpresen edo pareko erakundeen eskuragarritasun errealera, exijitzen diren gainerako prestakuntza erreferenteak aldatu gabe.

–Ikastetxeko hezkuntza arreta antolatzea hasiera batean ezarritako aldian prestakuntzan hasi ezin diren ikasleentzat.

Malgutasun neurria izaten ahalko da eskuragarri dauden enpresak edo pareko erakundeak banatzea enpresako edo pareko erakundeko prestakuntzan hasten ahal diren lehenengo mailako ikasleen artean; hala, ukitutako ikasle guztiek, ahal den neurrian, prestakuntza egonaldi bat eginen dute, nahiz eta egonaldiko ordu kopurua hasiera batean aldi horretarako ezarritako gutxieneko orduak baino txikiagoa izan.

Ez bada posible lehenengo mailako ikasle guztiek enpresako edo pareko erakundeko prestakuntza egitea edo partzialki bakarrik egiten ahal badute, eskuragarri dauden plazen esleipena egiteko irizpide objektiboak, gardenak, aurretiaz jakinarazitakoak eta dokumentatuak erabiliko dira, bat etorriz 12. apartatuan jasotako esleipen irizpide orokorrekin eta 31. apartatuan ezarritako antolakuntza eta prestakuntza balorazioarekin.

Irizpide horien artean honako hauek egoten ahalko dira, besteak beste: prestakuntza planaren eta eskuragarri dagoen enpresaren edo pareko erakundearen arteko egokitasuna, hasteko unearen egokitasuna, segurtasun eta irisgarritasun baldintzak, laguntza edo akonpainamendu premiak, joan-etorrien bideragarritasuna, ikasleak adierazitako lehentasuna (hala dagokionean), prestakuntza ibilbidearen jarraitutasuna eta eskuragarri dauden prestakuntza postuen erabilera onena.

Berdinketa egonez gero ikastetxeak ezarritako irizpide objektiboak aplikatu ondoren, berdinketak hausteko aurretiaz ezarritako irizpideak aplikatuko dira, zeinek objektiboak, gardenak eta dokumentatuak izan beharko baitute. Egoki denean, azken irizpide gisa erabiltzen ahalko da 2026-2027 ikasturteko onarpen prozesuetan berdinketak ebazteko erabilitako zozketaren emaitza.

Halako egoeretan, lehenengo maila egin ezin izan den edo partzialki egin den enpresako edo pareko erakundeko prestakuntza, baldin eta nahikoa enpresarik edo pareko erakunderik egon ez delako izan bada, identifikatu beharko da egin gabe, baloratu gabe edo integratu gabe geratu den prestakuntza gisa, dagokionaren arabera, ondorengo plangintzarako eta prestakuntza ibilbidearen jarraitutasunerako (apartatu honek ez ditu berez arautzen haren ondorio akademikoak edo ebaluaziorako ondorioak).

Lehenengo mailako enpresako edo pareko erakundeko prestakuntzan hasiera batean aurreikusitako aldian egiten ez diren orduak aurrerago egiteko planifikatu beharko dira, ahal dela. Bigarren mailan ibilbidean jarraitzen duten ikasleen kasuan, ikastetxeak aparteko aldi bat ezartzen ahalko du lehenengo mailan egiteke geratu den prestakuntza egiteko, bigarren mailari dagokion enpresako edo pareko erakundeko prestakuntza hasteko aldia baino lehen, betiere hori bateragarria bada zikloaren antolakuntzarekin eta enpresen edo pareko erakundeen eskuragarritasunarekin.

39. Lehen mailako enpresako edo pareko erakundeko prestakuntzan malgutasun neurriak eskatzeko prozedura.

Aurreko apartatuan ezarritako malgutasun neurriak aplikatzeko, Lanbide Heziketaren Plangintza eta Integraziorako Zerbitzuak baimena eman beharko du.

Kanpoko Lanbide Jardueren Departamentuko buruak edo pareko eginkizunak dituenak malgutasun neurri bat aplikatzeko eskaera arrazoitua egin beharko du, eta ikastetxeko zuzendaritzari igorri. Ikastetxeko zuzendaritzak Lanbide Heziketaren Plangintza eta Integraziorako Zerbitzuari aurkeztuko dio eskaera, erregistro orokor elektronikoaren bidez edo Hezkuntza Departamentuak ezarritako prozeduraren bidez.

Eskaerak justifikatu beharko du enpresetan edo pareko erakundeetan ikasle guztientzako plazak lortzeko bide guztiak agortu direla, enpresako prestakuntza hainbat alditan banatzeko ereduen araberako antolakuntza barne, hori posible denean.

Eskaerak honako datu hauek jasoko ditu gutxienez:

–Eskatutako malgutasun neurria zer ziklo, maila, talde edo taldeetara aplikatu nahi den.

–Ukitutako ikasleen zerrenda.

–Hasiera batean ezarritako ohiko plangintzaren deskribapena.

–Enpresako edo pareko erakundeko prestakuntza egin behar duten lehen mailako ikasle guztientzat nahikoa enpresa edo pareko erakunde ez dagoela frogatzen duen justifikazioa.

–Eskuragarri dauden enpresen edo pareko erakundeen zerrenda, enpresa bakoitzak hartzen ahal dituen ikasle kopurua adierazita.

–Zerrenda bat, agertzen duena zer enpresak edo pareko erakundek ezezkoa eman duten edo ezin duten ikaslerik hartu, haiekin harremanetan jarri ondoren.

–Ikastetxeak aurretiaz hartutako prospekzio eta antolakuntza neurriak.

–Eskuragarri dauden plazak banatzeko proposamena.

–Ikasleak esleitzeko aplikatutako irizpide objektiboak, ukitutako ikasle guztientzako nahikoa plazarik ez dagoenean.

–Prestakuntza ikastetxean jarraituko duten ikasleen hezkuntza arretaren antolaketa.

–Enpresako edo pareko erakundeko prestakuntza aurrerago egiteko aurreikuspena, posible bada.

–Ikasleen jarraipen, koordinazio, informazio eta dokumentazio neurriak.

Eskaera ikastetxeko zuzendariak eta Kanpoko Lanbide Jardueren Departamentuko buruak edo pareko eginkizunak dituen pertsonak sinatu beharko dute.

Eskaera honako hauek osatutako batzorde batek aztertuko du:

–Lanbide Heziketaren Plangintza eta Integraziorako Zerbitzuko zuzendaria edo hark eskuordetzen duen pertsona.

–Etengabeko Lanbide Prestakuntzako eta Enpresetako Ataleko burua, edo hark eskuordetzen duen pertsona.

–Lanbide Heziketaren Antolamendu eta Ebaluaziorako Ataleko burua edo hark eskuordetzen duen pertsona.

–Akreditazio Profesionalen Ataleko burua edo hark eskuordetzen duen pertsona.

Aldeko edo aurkako ebazpena ikastetxeko zuzendariari jakinaraziko zaio zazpi egun baliodun baino gutxiagoko epean, Lanbide Heziketaren Plangintza eta Integraziorako Zerbitzuaren zuzendariaren ofiziozko zirkular baten bidez edo Hezkuntza Departamentuak ezarritako bidearen bidez.

Ematen den baimena antolakuntzakoa izanen da, eta eskatutako malgutasun neurria aplikatzera mugatuko da; ez dira aurretik juzgatuko enpresako edo pareko erakundeko prestakuntza ez egitearen, partzialki egitearen edo aurrerago egitearen ondorio akademikoak edo ebaluaziokoak.

40. Enpresako edo pareko erakundeko prestakuntzaren antolakuntzazko garapenaren jarraipena egitea.

Lanbide Heziketaren Plangintza eta Integraziorako Zerbitzuak enpresako edo pareko erakundeko prestakuntzako antolakuntzazko garapenaren jarraipena eginen du ikastetxeetan, zuzenean edo atal, bulego edo unitate eskudunen bidez.

Ikastetxeek eskatzen zaien informazioa eman beharko dute, honako hauei dagokienez: plangintza, enpresa laguntzaileak, ikasle parte-hartzaileak, denboraren banaketa, prestakuntza planak, gorabeherak, uko egiteak, malgutasun neurriak, Gizarte Segurantza, EDUCA erabiltzea, atzemandako premiak eta hobekuntza proposamenak.

Jarraipenaren xedea izanen da Lanbide Heziketaren izaera dualaren antolakuntza hobetzea, ikastetxeen eta enpresen arteko koordinazioa indartzea, prestakuntza egonaldien segurtasuna eta kalitatea bermatzea, kudeaketa sinplifikatzea, bikoiztasunak saihestea eta ondorengo ikasturteetarako behar diren hobekuntzak prestatzea.

41. Ikasleek zer zeregin duten enpresako edo pareko erakundeko prestakuntzako aldietan.

Ikasleak enpresako edo pareko erakundeko prestakuntza egiten ari diren bitartean, ikasleek eginiko zereginen antolakuntzak bermatu beharko du honako hauen jarraipena: hezkuntza arreta, zikloaren koordinazioa, enpresako prestakuntzaren antolakuntzaren jarraipena eta abian den ikasturterako behar diren jarduketak planifikatzea, bai eta hurrengo ikasturterako behar direnak ere, egoki bada.

Enpresako edo pareko erakundeko prestakuntza programatuta badago taldeko ikasle guztiek aldi berean egin dezaten, talde horretan aritzen diren irakasleek, ikastetxeko plangintzarekin bat, honako hauei lotutako zereginak izanen dituzte:

a) Enpresako edo pareko erakundeko prestakuntzaren plangintza, kudeaketa, koordinazioa eta jarraipena.

b) Ikastetxeko tutorearekin, zikloko koordinatzailearekin, Kanpoko Lanbide Jardueren Departamentuarekin eta gainerako irakasle taldearekin koordinatzea.

c) Prestatzea, berrikustea edo egokitzea prestakuntza planak, integrazio jarduerak, antolakuntzako dokumentazioa, laguntza materialak eta ikasleak ikastetxera itzul daitezen jarduketak, hala dagokionean.

d) Prospekzioa egitea, identifikatzea, harremanetan jartzea eta fidelizatzea enpresa edo pareko erakundeak, enpresako edo pareko erakundeko prestakuntza gauzatu dadin abian den ikasturtean edo hurrengoan.

e) Hezkuntza arreta, orientazioa edo akonpainamendua, edozein egoerarengatik dagokion aldian enpresako edo pareko erakundeko prestakuntza egiten ari ez diren ikasleentzat.

f) Antolakuntzako, irakaskuntzako edo koordinazioko beste edozein zeregin, ikastetxeko zuzendaritzak bere eskumenen esparruan esleitzen diona.

Enpresako edo pareko erakundeko prestakuntza bi alditan edo gehiagotan egiteko programatzen bada, taldeko ikasle batzuek aldi batean egin dezaten eta beste batzuek bestean egin dezaten, irakasleek bateragarri egin beharko dituzte ikastetxean dauden ikasleen zuzeneko irakaskuntza eta enpresan edo pareko organismoan dauden ikasleen enpresako edo pareko organismoko prestakuntzaren plangintza, kudeaketa, koordinazio eta jarraipen lanak.

Halako egoeratan, ikastetxean geratzen diren ikasleen hezkuntza arreta zikloaren plangintzarekiko modu koherentean antolatu beharko da, eta arreta falta edo prestakuntzaren jarraitutasuna etetea ekidinen da.

Ikasketaburuak aldi horietan behar den ordutegi antolakuntza berrikusiko du. Berrantolatze proposamena dagokion departamentuko buruak egin beharko du, eta, horretarako, irakasle taldearekin, zikloko tutore dualarekin, zikloko koordinatzailearekin eta Kanpoko Lanbide Jardueren Departamentuarekin koordinatuta, errespetatuta, betiere, ordutegiak prestatzeko irizpide orokorrak eta aplikatzekoak diren jarraibideak.

Enpresako edo pareko erakundeko prestakuntza aldi horietan egiten diren antolakuntzazko aldaketak funtzionalak eta aldi baterakoak izanen dira, eta Lanbide Heziketaren izaera dualaren hezkuntza arreta, koordinazio, jarraipen, prospekzioa, plangintza eta garapenaren hobekuntza premiei erantzun beharko diete.

42. Lanbide Heziketako izaera dualari lotutako lidergo instituzionala, dibulgazioa, sentsibilizazioa eta prospekzioa.

Hezkuntzako eta Lanbide Heziketako Zuzendaritza Nagusiak izanen du lidergo instituzionala Nafarroako Lanbide Heziketaren Sistemako izaera duala finkatzeko; hala, dibulgazio, sentsibilizazio, koordinazio eta prospekzio jarduketak sustatuko ditu, lankidetza indartu dadin Hezkuntza Departamentuaren, Lanbide Heziketako ikastetxeen, enpresen, pareko erakundeen, ekoizpen sektoreen, gizarte eragileen eta inguruko bestelako entitate batzuen artean.

Jarduketa horien xedea izanen da Lanbide Heziketaren eredu berriari buruzko ezagutza hobetzea, enpresek eta pareko erakundeek prestakuntzan duten papera azaltzea, ikasleen prestakuntzan ekoizpen sarean parte hartzea sustatzea, ikastetxeei laguntzea enpresa laguntzaileak bilatzen eta fidelizatzen eta enpresako edo pareko erakundeko prestakuntza modu ordenatu, jasangarri eta kalitatezkoan ezartzen laguntzea.

Hezkuntzako eta Lanbide Heziketako Zuzendaritza Nagusiak, zuzenean edo zerbitzu, atal, bulego edo unitate eskudunen bidez, honako jarduketa hauek sustatuko ditu, besteak beste:

a) Informazio, prestakuntza eta sentsibilizazio jarduketak, enpresei, pareko erakundeei, enpresa elkarteei, klusterrei, entitate publikoei, toki entitateei, gizarte eragileei eta ekoizpen eta gizarte inguruneko bestelako solaskideei zuzendutakoak.

b) Prestakuntza baliabideak edo laguntza materialak, enpresako edo pareko erakundeko tutore dualei zuzendutakoak.

c) Sektoreko edo lurraldeko topaketak, Lanbide Heziketaren izaera duala azaltzera eta enpresa edo pareko erakunde laguntzaile berriak sar daitezen sustatzera bideratutakoak.

d) Koordinazio jarduketak Lanbide Heziketako ikastetxeekin, Kanpoko Lanbide Jardueren departamentuekin, LH-Bidearekin, Etengabeko Prestakuntzarekin, lanbide konpetentzien akreditazioarekin, nazioarteratzearekin eta berrikuntza programekin, ikastetxe-enpresa harremanarekin loturarik badago.

e) Ikastetxeen eta enpresen edo pareko erakundeen arteko lankidetzako jardunbide egokiak aitortzeko, ezagutzera emateko eta zabaltzeko ekintzak.

f) Prospekzio instituzionaleko jarduketak, ikastetxeek eginiko ohiko prospekzioa osatu, indartu edo erraztuko dutenak.

Jarduketa horiek ez diete erantzukizunik kentzen ikastetxeei enpresako prestakuntza gauzatu ahal izateko behar diren enpresen edo pareko erakundeen plangintza, kudeaketa, bilaketa, koordinazioa eta jarraipena egiteko orduan. Aitzitik, Nafarroako Lanbide Heziketaren Sistemaren ikuspegi instituzional batetik abiatuta lan hori indartu, koordinatu eta horretan akonpainatu beharko dute.

Ikastetxeak lankidetzan aritu beharko dira Hezkuntzako eta Lanbide Heziketako Zuzendaritza Nagusiarekin eta 2026-2027 ikasturtean sustatzen diren dibulgazio, sentsibilizazio, prospekzio, informazio edo koordinazio jarduketetan eskudunak diren zerbitzuekin; gainera, hala eskatzen zaienean, informazioa eman beharko dute atzemandako premiei, lehentasunezko sektoreei, enpresa laguntzaileei, antolakuntza zailtasunei eta hobekuntza proposamenei dagokienez.

43. Ikasketa plan zaharrean matrikulatutako bigarren mailako ikasleentzako arreta.

Nafarroan ikasketa plan zaharrean zikloa hasi dutenek 2026-2027 ikasturtea izanen dute plan horretan matrikulatuta egon eta hori amaitzeko (ikasketa plan hori martxoaren 31ko 3/2022 Lege Organikoaren ondoriozko egokitzapenak egin aurrekoa da). Hala, 2026-2027 ikasturtea da ikasleak Lantokiko Prestakuntza Moduluan matrikulatzen ahal diren azkena.

Matrikulatutako ikasleek zikloa egiten jarraitzen ahalko dute 2026-2027 ikasturtean ikasketa plan berriarekin; dagozkien baliozkotzeak eta lanbide moduluen aitortzak izanen dituzte, eta ikasketa plan berriaren arabera curriculumean dauden modulu berriak egin beharko dituzte. Ez badute gainditu Lantokiko Prestakuntza Modulua, enpresako edo pareko erakundeko 500 orduko gutxieneko prestakuntza egin beharko dute.

Ikasle horiek, halaber, ikasten jarraitzen ahalko dute zikloa hasi zuten ikasketa plan zaharraren arabera, honako jarraibide hauekin bat:

–Ikasleek ikasketa plan zaharrean zikloko bigarren mailan gainditu gabe dituzten lanbide moduluak egitean eta ebaluatzean, ikasketa plan berriko bigarren mailan matrikulatuta dauden ikasleentzako baldintza berdinak izanen dira, nahiz eta lanbide moduluari esleitutako orduak bat ez etorri ikasketa plan zaharrean eta berrian.

–Ikasleek ikasketa plan zaharrean zikloko lehenengo mailan gainditu gabe dituzten lanbide moduluak egin eta ebaluatu beharko dira 2025-2026 ikasturtean plan berriko lehenengo maila egin eta gainditu gabeko moduluekin bigarrenera igaro diren ikasleentzat programatzen den modu berean, nahiz eta lanbide moduluari esleitutako orduak bat ez etorri ikasketa plan zaharrean eta berrian.

–Ikasleek gainditu gabe baldin badituzte ikasketa plan berrian ez dauden lanbide moduluak, ikastetxeak proposatutako berreskuratze programaren arabera gainditu beharko dituzte ikasleek. Berreskuratze programa hori zikloko irakasle taldeak antolatu eta kudeatu beharko du (zikloko lehenengo eta bigarren mailetako irakasleak), eta bertan tutorizatutako jarduerak eta ikasleak modu autonomoan gauzatutako jarduerak jaso beharko dira.

–Ikasleei gainditu gabe geratu zaizkien moduluetako bat Proiektuarena bada, goi mailako zikloen kasuan, ikasketa plan berriko Proiektu Intermodularraren arduraduna den eta bertan irakasten duen irakasleak eskainiko du arreta. Garapena eta ebaluazioa egitean, abuztuaren 4ko 534/2025 Ebazpenaren 82.5 instrukzio finkatuan ezarritakoarekin bat egin beharko da.

–Gainditu gabeko moduluak eta LP Modulua gainditu gabe dituzten ikasleek Lantokiko Prestakuntza Modulua eginen dute bigarren mailako gainerako ikasleek enpresako edo pareko erakundeko prestakuntza egiten duten antzeko egunen artean. Ikastetxeak LP Moduluaren plangintza, antolakuntza, kudeaketa eta garapen eta jarraipen lanak eginen ditu enpresako edo pareko erakundeko prestakuntzarako eskuragarri dauden baliabideekin.

LP Modulua eta/edo Proiektua bakarrik gainditzea falta duten ikasleek jasoko duten arreta honako jarraibide hauen araberakoa izanen da:

–Ikastetxeak, aurreko ikasturteetan egin duen moduan, aukera eman beharko du Lantokiko Prestakuntza lehenbailehen has dadin ikasturtea hasi ondotik, hori amaitu eta gainditzean ikasleek titulua lor dezaten.

–Ikastetxeko zuzendaritzak zikloaren tutore dual izendatutakoak eta prestakuntza zikloaren koordinatzaileak eginen dute ikasleek egiten duten LP Moduluaren plangintza, antolakuntza, kudeaketa, garapena eta jarraipena.

VII. KAPITULUA.–LH-THINK: BERRIKUNTZA, DIGITALIZAZIO, EKINTZAILETZA ETA LANKIDETZA PLANAK, PROIEKTUAK ETA PROGRAMAK

1. LH-Think: planak, proiektuak eta programak. Alderdi orokorrak.

Ekoizpen sektorea etengabe eraldatzen ari den ingurune honetan, eta etengabe eta behin eta berriz egokitu behar den testuinguru soziolaboralean bizi garenez, Lanbide Heziketaren hezkuntza sistemak asmo handikoak izan behar dira irakaskuntzak diseinatzeko orduan.

Lanbide Heziketa Antolatu eta Integratzeari buruzko martxoaren 31ko 3/2022 Lege Organikoak eta Lanbide Heziketaren Sistemaren Antolamendua garatzen duen uztailaren 18ko 659/2023 Errege Dekretuak irakaskuntza horien bi alderdi azpimarratzen dituzte behin baino gehiagotan, helburu hauek lortzeko asmoz deskribatutako testuinguru horretan:

–Pertsonen hezkuntzarako eta haien gaitasunak hedatzeko palanka izatea.

–Ekoizpen eredua modernizatzeko eta eraldatzeko tresna izatea, ekonomia digital, berde eta urdin berria markatzen duten ardatzekin lerrokatuta.

Horretarako, Nafarroako Lanbide Heziketako ikastetxeek ekosistema berritzaileen katalizatzaile gisa eta berrikuntza, ikerketa eta ekintzailetza inguruneen sortzaile gisa jardun beharko dute, Nafarroako bikaintasun ikastetxeak eta erreferentzia nazionaleko ikastetxeak erreferente gisa hartuta, horiek gidatuko baitute lan ildo hori espezializazio adimenduna deiturikoan oinarritutako ikuspegiarekin (administrazioen, enpresen eta Lanbide Heziketako ikastetxeen arteko lankidetza, ikerketa zentro bihurtuta, eta elkarrekin lan eginez hazkundea, lehiakortasuna eta enplegu sorkuntza lortzeko).

Bestalde, martxoaren 31ko 3/2022 Lege Organikoaren beste helburuetako bat da irakaskuntza horiei gizartean prestigioa ematea, eraldaketaren bidez. Pertzepzio aldaketa hori garapenarekin, berrikuntzarekin, kontaktuekin eta ekoizpen sistema erakarriz lortzen da, eta hori irakaskuntzaren kalitate handiaren eskutik etortzen da. Alabaina, bikaintasunaren, berezitasunaren eta balio erantsiaren maila lortzen da irakaskuntza horiek "plan, proiektu eta programak" izenekoekin osatzen direnean.

"Plan, proiektu eta programa" horiek, zeinek duela ikasturte asko ezarpen eta garapen handia izan baitute Nafarroako Lanbide Heziketako ikastetxeetan, bultzada eta lege-euskarri berria dute orain Lanbide Heziketaren gaineko araudi berria dela eta. Are gehiago, jasota geratu da Lanbide Heziketak erakunde propio gisa parte hartuko duela ekoizpen sektorearen garapenean eta haren lehiakortasuna hobetzen, orain arte unibertsitateak bakarrik betetzen zuen tokia ematen baitzaio.

Nafarroako LHko ikastetxeetan garatzen diren planak, programak eta proiektuak garatzeko Hezkuntzako eta Lanbide Heziketako Zuzendaritza Nagusiak emanen duen laguntza Nafarroako LH-Think markaren bidez bideratzen da, plan, proiektu eta programa horien deialdia, garapena eta justifikazioa antolatu, bateratu eta sinplifikatzeko asmoz, bai dagoeneko garatzen ari direnena (izenak eta markak adierazita), bai etorkizunean plantea daitezkeenena.

Plan, proiektu eta programa horiek guztiek Nafarroako Lanbide Heziketan garatzeko ildo nagusiak argi eta garbi definituta daude oinarrizko araudi berrian: ikerketa aplikatua, berrikuntza, ekintzailetza eta nazioarteratzea.

Horrela, Nafarroako LH-Think izanen da Nafarroako Lanbide Heziketako ikastetxeetan ematen den lanbide gaikuntzaren balioa esponentzialki handituko duena; izan ere, interkonexio sistema bat eratzen du ikastetxeen eta gizartearen artean, oro har, eta, bereziki, ikastetxeen eta ekoizpen sektorearen artean, ezagutza transferitzeko sareen bidez, eta ekimen zientifikoa eta teknologikoa izanik, hori guztia Nafarroako Lanbide Heziketa gure erkidegoko garapen sozioekonomikorako tresna indartsu bihurtzeko asmoz.

2. Nafarroako LH-Thinken elementuak.

Nafarroako LH-Thinken ekosistema honako elementu hauekin konfiguratuta gelditzen da Nafarroako Hezkuntza Departamentuaren Lanbide Heziketaren Sisteman:

a) LH-Think proiektuak. Proiektu horiek arlo edo esparru hauetan garatzen ahal dira: Eraldaketa metodologikoa - Berrikuntza eta ikerketa aplikatua - Ekintzailetza - Lanbide Heziketaren sustapena eta garapena - Lankidetza eta interrelazioa - Nazioarteratzea - Bikaintasuna.

–LH-Think programa eta deialdiak. Hezkuntza Departamentuak finantzatutako LH-Think proiektuak honako deialdi edo programa hauen bidez gauzatuko dira:

• Berrikuntza eta ikerketa aplikatuko proiektuen deialdia (LH-Think/INNOVA).
• Eraldaketa metodologikorako proiektuen deialdia (LH-Think/KIMUA).
• Ekintzailetza programak (LH-Think/INIZIA).
• Lanbide Heziketa sustatzeko eta garatzeko proiektuen deialdia (LH-Think/FUTURA).
• Lankidetza eta interrelaziorako proiektuen deialdia (LH-Think/COLABORA).

–Beste programa eta hitzarmen batzuk:

• Nazioarteratze programak (POCTEFA, ERASMUS+...).
• Estatu mailako deialdiak (Berrikuntza proiektuak, CRN, EXCELENCIA...).
• Hitzarmenak edo beste lankidetza-bide batzuk.

b) LH-Think baliabideak. LH-Think proiektuak gauzatu ahal izateko, baliabide hauek daude:

–Teknologia aplikatuko ikasgelak (ATecA).

–Ikastetxeko beste baliabide batzuk.

–Mailegu zerbitzua.

3. LH-Think proiektuak.

LH-Think Hezkuntzako eta Lanbide Heziketako Zuzendaritza Nagusiaren programa bat da, honako hauek sustatzeko helburua duena: Nafarroako Lanbide Heziketaren Sisteman ezagutzak eguneratzea, metodologia eraldatzea, metodologia aktiboak txertatzea eta enpresen eta inguruko beste erakunde batzuen eta Lanbide Heziketako ikastetxeen arteko lankidetza, proiektuen garapenean eta ezagutzaren transferentzian lan egiteko.

Hauek dira, besteak beste, LH-Think programaren helburuak:

–Berrikuntza eta ikerketa aplikatua sustatzea Nafarroako Lanbide Heziketaren Sistemako ikastetxe publikoetan.

–Nafarroako Lanbide Heziketaren kalitatea, izen ona eta efizientzia hobetzen laguntzea.

–Lanbide Heziketako ikastetxeen, enpresen eta beste eragile batzuen arteko lankidetza bultzatzea, ezagutza, produktuak eta zerbitzuak bi noranzkotan transferitzeko, bai Nafarroan, bai Espainian eta nazioartean.

–Lanbide Heziketarako hezkuntza baliabide berriak garatzea.

–Berrikuntzaren eta ikerketa aplikatuaren arloko prestakuntza etengabea sustatzea irakasleen artean.

–Hezkidetzarekiko eta kontzientzia kritikoaren garapenarekiko konpromisoa sustatzea: genero-berdintasuna, sexu orientazioen aniztasunarekiko errespetua, genero adierazpenak eta sexu edo genero identitateak, bizikidetza eta tratu ona, erantzukizuna eta justizia soziala, herritartasun globala, jasangarritasuna eta ingurumena.

–Eraldaketa metodologikoa sustatzea, metodologia aktiboak txertatuz eta proiektukako lana bultzatuz.

LH-Think proiektuen programak eta deialdiak. Hezkuntza Departamentuak, Hezkuntzako eta Lanbide Heziketako Zuzendaritza Nagusiaren bidez, proiektuen deialdiak onetsiko ditu goian aipatutako programetarako.

Proiektu bakoitzean erreferentziazko irakasle bat izanen da, eginkizun hauek izanen dituena:

–Proiektuan parte hartzen duen taldearen lan saioak egitea.

–Proiektuaren jarraipena egiteko dokumentazioa eta azken memoria prestatzea.

–Proiektuko lantaldearen ordezkaria izatea Lanbide Heziketaren Modernizaziorako eta Berrikuntzarako Zerbitzuarekiko harremanetan.

Proiektuak gauzatzen dituzten Lanbide Heziketako ikastetxe publikoek Lanbide Heziketaren Modernizaziorako eta Berrikuntzarako Zerbitzuaren laguntza eta aholkularitza izanen dute. Lanbide Heziketaren Sistemarekin lotura duen proiekturen batean sustatzaile edo laguntzaile gisa parte hartuz gero, ikastetxeek horren berri eman beharko diote Hezkuntzako eta Lanbide Heziketako Zuzendaritza Nagusiari, helbide elektroniko honen bidez: proyectosfp@educacion.navarra.es.

Eskatutako proiektuaren eskaera onetsiaren kopia erantsi beharko zaio informazioa emateko mezuari.

4. LH-Think baliabideak.

4.1. ATecA ikasgelak.

ATecA ikasgelak (Teknologia aplikatuko ikasgelak) Lanbide Heziketa Modernizatzeko Planaren funtsezko osagaietako bat dira (plan hori Espainiako Hezkuntza, Lanbide Heziketa eta Kirol Ministerioak sustatu du). Teknologia aplikatuko ikasgelen finantzaketa Suspertze, Eraldatze eta Erresilientzia Plana (SEEP) - Next Generation EU delakoaren esparruan dago.

Nafarroan ikasgela horiek sortzea jarduketa estrategiko bat da Nafarroan eta Espainia osoan Lanbide Heziketaren Sistema modernizatzeko, eta ikastetxeetan digitalizazioa, berrikuntza eta ekintzailetza sustatzen dituen espazio eta kontzeptu bat txertatzea dakar. Beraz, ikastetxeentzat funtsezko baliabide bat da LH-Thinkeko planak, proiektuak eta programak lantzeko eta garatzeko.

2026-2027 ikasturtean ATecA ikasgelen programa garatzeko funtsezko elementu gisa, jarraibide hauek ezarri dira:

a) ATecA ikasgelen helburuak. Honako hauek dira ATecA ikasgelen lehentasunezko helburuak:

–Arazo bat konpontzen duten edo hezkuntzako egoera bat hobetzen duten proiektuak sustatzea eta, ondorioz, praktikara eramatea modu frogatuan.

–Ikaskuntza digitaleko metodologiak sustatzea.

–Ikasleen konpetentzia digitala bultzatzea.

–Ekoizpen sektorearekin elkarlana areagotzea, batez ere sektoreko enpresa txiki eta ertainekin eta mikroenpresekin.

–Ikastetxe bateratuan edo Lanbide Heziketako ikastetxean egiten ari diren ekimen ekintzaileei babesa ematea, bidea emanez ekoizpen sektorean berrikuntza ekarriko duten produktu prototipoak edo proiektuak diseinatzeko.

–Lanbide Heziketako irakaskuntzak ematen dituzten beste ikastetxe publiko batzuetan egiten ari diren ekimen sortzaileak laguntzea, baldin eta ez badute LH-Think baliabidea beren ingurune hurbilenean.

–Ezagutza-trukea sustatzea ekoizpen ingurunetik hezkuntza eremu profesionalera eta hezkuntza eremu profesionaletik ekoizpen ingurunera.

b) ATecA ikasgeletako erreferentziazko irakasleak:

Ikastetxe bateratu bakoitzeko zuzendaritzak, bere autonomia esparruan, ATecA ikasgelako erreferentziazko irakaslea izendatuko du, eta hark prestatuko du ATecA ikasgelari lotutako proiektuak garatzeko urteko plana. Horretarako, abiapuntu hartuko ditu ikastetxeko irakasleek eta ikasgela horiek erabiltzen dituzten inguruneko beste eragile batzuek prestatutako proiektuak. Ikastetxeak Hezkuntzako eta Lanbide Heziketako Zuzendaritza Nagusiari jakinarazi beharko dio nor izendatzen den erreferentziazko irakasle, 2026ko irailaren 15a baino lehen. Jakinarazpena helbide elektroniko honetara bidaliko da: proyectosfp@educacion.navarra.es.

ATecA ikasgelako erreferentziazko irakasleak eginkizun hauek izanen ditu:

–Lanbide Heziketaren Modernizaziorako eta Berrikuntzarako Zerbitzuarekiko harremanetan ikastetxeko solaskidea izatea, zuzendariarekin edo hark eskuordetzen duen pertsonarekin batera, ATecA ikasgelei dagokien guztian.

–Teknologia aplikatuko ikasgela ikastetxean ezarri eta abiatu dadin dinamizatzea eta bultzatzea.

–Kudeaketa lanak egitea ikastetxeko ikasle guztiek modua izan dezaten teknologia aplikatuko ikasgelarako programatutako ekintzak egiteko.

–Ikasgela ikastetxean ezartzeko logistika lanak egitea eta Lanbide Heziketaren Modernizaziorako eta Berrikuntzarako Zerbitzuak horretarako egiten dituen bileretara joatea; halaber, ikasgelako eremuak instalatzeko eta erabiltzeko programatutako prestakuntza saioetara joatea.

–Teknologia aplikatuko ikasgelako eremu guztiek behar bezala funtzionatzen dutela zaintzea, eta haietan gertatzen den edozein gorabeheraren berri ematea Lanbide Heziketaren Modernizaziorako eta Berrikuntzarako Zerbitzuari.

–ATecA ikasgelari lotuta irakasleek dituzten prestakuntza premiak diagnostikatzea.

–Ikasgela erabiltzeko aukeren berri ematea ikastetxean, eta egiten den erabileraren kontrola egitea.

–Hezkuntza Departamentuko Hezkuntzako eta Lanbide Heziketako Zuzendaritza Nagusiak edo indarreko arauzko xedapenek zehazten duten beste edozein.

c) Lanbide Heziketako ikastetxe publikoen arteko lankidetzaren sustapena, ATecA ikasgelari lotutako proiektuen garapenean.

ATecA ikasgelak zuzenduta daude bai halako ikasgelak sortu dituzten LHko ikastetxeetako ikasleei, bai oraindik horrelakorik sortu ez duten Lanbide Heziketako beste ikastetxe batzuetako ikasleei.

Lankidetza ekintzak sustatuko dira, Nafarroako Lanbide Heziketako ikastetxe publikoen artean, ATecA ikasgelak erabiltzeko eta horiei loturiko proiektuak garatzeko. Horretarako, Hezkuntzako eta Lanbide Heziketako Zuzendaritza Nagusiak lantalde bat sortuko du, ikastetxe bakoitzeko ordezkari batek eta zuzendaritza nagusiaren ordezkariek osatua.

4.2. Ikastetxearen beste baliabide batzuk.

Honako hauek dira ikastetxeak LH-Think proiektuetarako dituen beste baliabide batzuk:

a) Berrikuntza eta ikerketa proiektuetan parte hartzeko baliabideak:

Zuzendaritza taldeak, Nafarroako Irakaskuntza Publikoaren Kalitatea Hobetzeko Itunaren ondorioz zuzeneko irakaskuntzan egin den murrizketaren ondorioz, eskola-ordu gisa zenbatzen diren bi ordu esleitzen ahalko dizkie LH-Think/Innova programako berrikuntza eta ikerketa proiektuetan parte hartzen duten irakasleei. Orduak proiektu horietako zer irakasleri esleitzen zaizkion, haren ordutegi pertsonalean agertuko dira, "LH-INV1" siglaren bidez, "eskola-ordu gisa zenbatzen diren orduak" apartatuan. Gainera, proiektua LH-Think/Innova programakoa bada, ordu osagarri bat esleitzen ahalko zaio programaren koordinatzaileari, "ordu osagarriak" apartatuan, "LH-INV2" siglaren bidez.

Proiektuetan parte hartzen duten pertsonen artean koordinazio handiagoa egon dadin, ikastetxeko zuzendaritzak erraztu eginen du proiektu berean parte hartzen duten irakasleek beren ordutegi pertsonalean eskola-ordu berberak izatea eta ordu horiek bat etortzea.

b) Berrikuntza metodologikoko proiektuetan parte hartzeko baliabideak:

Zuzendaritza taldeak, Nafarroako Irakaskuntza Publikoaren Kalitatea Hobetzeko Itunaren ondorioz zuzeneko irakaskuntzan egin den murrizketa dela-eta, eskola-ordu gisa zenbatzen diren bi ordu esleituko dizkie LH-Think/Kimua programako berrikuntza metodologikoko proiektuetan parte hartzen duten irakasleei. Orduak proiektu horietako zer irakasleri esleitzen zaizkion, haren ordutegi pertsonalean agertuko dira, "LH-KIM1" siglaren bidez, "eskola-ordu gisa zenbatzen diren orduak" apartatuan. Gainera, proiektua LH-Think/Kimua programakoa bada, ordu osagarri bat esleitzen ahalko zaio programaren koordinatzaileari, "ordu osagarriak" apartatuan, "LH-KIM2" siglaren bidez.

Proiektuetan parte hartzen duten pertsonen artean koordinazio handiagoa egon dadin, ikastetxeko zuzendaritzak erraztu eginen du proiektu berean parte hartzen duten irakasleek beren ordutegi pertsonalean eskola-ordu berberak izatea eta ordu horiek bat etortzea.

c) Ekintzailetza proiektuetan parte hartzeko baliabideak:

Zuzendaritza taldeak, Nafarroako Irakaskuntza Publikoaren Kalitatea Hobetzeko Itunaren ondorioz zuzeneko irakaskuntzan egin den murrizketa dela-eta, eskola-ordu gisa zenbatzen diren bi ordu esleituko dizkie LH-Think/INIZIA programako ekintzailetza proiektuetan parte hartzen duten irakasleei. Orduak proiektu horietako zer irakasleri esleitzen zaizkion, haren ordutegi pertsonalean agertuko dira, "LH-INZ1" siglaren bidez, "eskola-ordu gisa zenbatzen diren orduak" apartatuan. Gainera, proiektua LH-Think/INIZIA programakoa bada, ordu osagarri bat esleitzen ahalko zaio programaren koordinatzaileari, "ordu osagarriak" apartatuan, "LH-INZ2" siglaren bidez.

Proiektuetan parte hartzen duten pertsonen artean koordinazio handiagoa egon dadin, ikastetxeko zuzendaritzak erraztu eginen du proiektu berean parte hartzen duten irakasleek beren ordutegi pertsonalean eskola-ordu berberak izatea eta ordu horiek bat etortzea.

d) Lanbide Heziketa sustatzeko eta garatzeko proiektuetan parte hartzeko baliabideak:

Zuzendaritza taldeak, Nafarroako Irakaskuntza Publikoaren Kalitatea Hobetzeko Itunaren ondorioz zuzeneko irakaskuntzan egin den murrizketa dela-eta, eskola-ordu gisa zenbatzen diren bi ordu esleituko dizkie LH-Think/FUTURA programako orientazio proiektuetan parte hartzen duten irakasleei. Orduak proiektu horietako zer irakasleri esleitzen zaizkion, haren ordutegi pertsonalean agertuko dira, "LH-FUT1" siglaren bidez, "eskola-ordu gisa zenbatzen diren orduak" apartatuan. Gainera, proiektua LH-Think/FUTURA programakoa bada, ordu osagarri bat esleitzen ahalko zaio programaren koordinatzaileari, "ordu osagarriak" apartatuan, "LH-FUT2" siglaren bidez.

Proiektuetan parte hartzen duten pertsonen artean koordinazio handiagoa egon dadin, ikastetxeko zuzendaritzak erraztu eginen du proiektu berean parte hartzen duten irakasleek beren ordutegi pertsonalean eskola-ordu berberak izatea eta ordu horiek bat etortzea.

e) Lankidetza eta interrelazio proiektuetan parte hartzeko baliabideak:

Zuzendaritza taldeak, Nafarroako Irakaskuntza Publikoaren Kalitatea Hobetzeko Itunaren ondorioz zuzeneko irakaskuntzan egin den murrizketa dela-eta, eskola-ordu gisa zenbatzen diren bi ordu esleituko dizkie LH-Think/COLABORA programako lankidetza eta truke proiektuetan parte harten duten irakasleei. Orduak proiektu horietako zer irakasleri esleitzen zaizkion, haren ordutegi pertsonalean agertuko dira, "LH-COL1" siglaren bidez, "eskola-ordu gisa zenbatzen diren orduak" apartatuan. Gainera, proiektua LH-Think/COLABORA programakoa bada, ordu osagarri bat esleitzen ahalko zaio programaren koordinatzaileari, "ordu osagarriak" apartatuan, "LH-COL2" siglaren bidez.

Proiektuetan parte hartzen duten pertsonen artean koordinazio handiagoa egon dadin, ikastetxeko zuzendaritzak erraztu eginen du proiektu berean parte hartzen duten irakasleek beren ordutegi pertsonalean eskola-ordu berberak izatea eta ordu horiek bat etortzea.

f) Bikaintasun proiektuetan parte hartzeko baliabideak:

Bikaintasun proiektuetan parte hartzeko baliabideak Hezkuntza, Lanbide Heziketa eta Kirol Ministeriotik horretarako jasoko diren funtsak erabaki ondoren zehaztuko dira.

g) Nazioarteratze proiektuetan (POCTEFA, ERASMUS+...) parte hartzeko baliabideak:

Zuzendaritza taldeak, Nafarroako Irakaskuntza Publikoaren Kalitatea Hobetzeko Itunaren ondorioz zuzeneko irakaskuntzan egin den murrizketa dela-eta, eskola-ordu gisa zenbatzen diren bi ordu esleituko dizkie nazioarteratze programetan (POCTEFA, ERASMUS+, SPORT, ERASMUS+ KA2...) parte hartzen duten irakasleei. Orduak proiektu horietako zer irakasleri esleitzen zaizkion, haren ordutegi pertsonalean agertuko dira, "LH-NAZP" siglaren bidez, "eskola-ordu gisa zenbatzen diren orduak" apartatuan. Gainera, ordu osagarri bat esleitzen ahalko zaio koordinatzaileari, "ordu osagarriak" apartatuan, "LH-NAZP2" siglaren bidez.

Proiektuetan parte hartzen duten pertsonen artean koordinazio handiagoa egon dadin, ikastetxeko zuzendaritzak erraztu eginen du proiektu berean parte hartzen duten irakasleek beren ordutegi pertsonalean eskola-ordu berberak izatea eta ordu horiek bat etortzea.

h) ATecA ikasgelako erreferentziazko irakaslea:

Zuzendaritza taldeak, Nafarroako Irakaskuntza Publikoaren Kalitatea Hobetzeko Itunaren ondorioz zuzeneko irakaskuntzan egin den murrizketa dela-eta, eskola-ordu gisa zenbatzen diren bi ordu esleituko dizkio ATecA ikasgelaren erreferentziazko irakasleari. Orduak zer irakasleri esleitzen zaizkion, haren ordutegi pertsonalean agertuko dira, "LH-ATC1" siglaren bidez, "eskola-ordu gisa zenbatzen diren orduak" apartatuan.

Ikastetxeetan ATecA ikasgelen erreferentziazko irakasleen artean koordinazioa sustatzeko, ikastetxeko zuzendaritzak erraztasunak jarriko ditu irakasle horiek astearteetan izan ditzaten esleituak beren ordutegi pertsonalean aurreko apartatuan aipatzen diren eskola-orduak, zehazki, 4. eta 5. eskola-orduetan.

i) Ziurtagiria:

Araututako LH-Think deialdietako edozeinetan onetsitako proiektuetan (KIMUA, INNOVA, INIZIA, FUTURA eta COLABORA) parte hartzen duten irakasleek eskubidea izanen dute proiektu horietan parte hartzeagatik Berrikuntza orduak ziurtatzeko. Ziurtatu beharreko ordu kopurua LH-Think proiektuen deialdian bertan arautuko da.

4.3. Mailegu zerbitzua.

Mailegu zerbitzuaren helburua da aholkularitzarako eta tresna eta baliabide teknologikoak eskuratzeko gune bat izatea, horren beharra duten eta/edo eskatzen duten Lanbide Heziketako ikastetxeentzat eta irakasleentzat eskuragai.

4.4. Lanbide Heziketako ikastetxeetarako prestakuntza espezifikoa (teknikoa edo metodologikoa).

Lanbide Heziketako ikastetxeek prestakuntza ekintza espezifiko edo metodologikoak eskatzen ahalko dituzte, baldin eta Lanbide Heziketaren Modernizaziorako eta Berrikuntzarako Zerbitzuak ezarritako irizpide eta baldintzekin bat badatoz.

Eskaera egiteko eta komunikatzeko prozedura:

–Eskaerarako kanala: Eskaerak helbide elektroniko honen bidez aurkeztu beharko dira: proyectosfp@educacion.navarra.es.

–Informazio saioak: Behar diren dokumentazioa eta jarraibide xeheak ekaineko eta iraileko zuzendarien bileretan emanen dira.

–Kudeaketa aldiak: Eskaera behar bezala tramitatzen dela egiaztatzeko, eskaerak behar bezala jakinarazitako epeetan aurkeztu beharko dira; hala, behar bezala berrikusten direla eta erantzuten zaiela bermatuko da.

Koordinazioa eta jarraipena. Prozesua behar bezala gauzatu dadin, Meet bidezko informazio bilerak eginen dira, ikastetxeetako prestakuntzaren arduradunei espezifikoki zuzendutakoak. Horretarako, beharrezkoa izanen da:

a) Arduradunak eguneratzea: Ikastetxeek prestakuntzaren arduradunen izendapena berrikusi eta eguneratu beharko dute.

b) Barne lotura: Ezinbestekoa da arduradun horiek etengabeko harremana izan dezaten ikastetxeko zuzendaritzarekin, bermatzeko eskaera koherentea izatea hezkuntza proiektuarekin.

VIII. KAPITULUA.–LANBIDE HEZIKETA NAZIOARTERATZEA

1. Lanbide Heziketa nazioarteratzea.

Lanbide Heziketaren arloko beste jarduketa programa, aspalditik mantendu eta sustatzen dena, Lanbide Heziketa Nazioarteratzeko Programa da; irakaskuntza hori Nafarroan garatzeko ildo estrategikoa da, Lanbide Heziketaren nazioarteko dimentsioari bultzada ematen diona alderdi guztiei dagokienez, hots, ikasleei, irakasleei eta Lanbide Heziketako ikastetxeari dagokienez. Garapen estrategia hori Lanbide Heziketa Antolatu eta Integratzeari buruzko martxoaren 31ko 3/2022 Lege Organikoan jaso da; izan ere, Lanbide Heziketaren Sistema garatzen duten printzipioen artean honako hau ageri da: "Europar Batasuneko eta beste herrialde batzuetako lanbide heziketako sistemekiko bateratasuna, nazioarteratzea eta nazioz kanpoko mugikortasuna sustatzeko". Martxoaren 31ko 3/2022 Lege Organikoak titulu oso bat dauka (IX. titulua) atzerriko hizkuntzei eta Lanbide Heziketaren Sistema Nazioarteratzeari buruz. Titulu horretan arautzen dira, besteak beste, atzerriko hizkuntzen ezagutza eta nazioarteko truke programetako eta nazioarteko proiektuetako parte-hartzea. Bide horiek, Erasmus eta Erasmus+ edo Interreg-Poctefa programen bidez lantzen direnak, arrakasta aitortua eta egiaztatua lortu dute, eta ez dira batere berriak nazioarteratze programan. Hala ere, arauzko testuak, aipatutako programez gain, gure Lanbide Heziketako ereduari balioa emateko eta hura zabaltzeko asmoa jasotzen du, eta nazioarteko ikasleak erakartzea eta gure eredua hirugarren herrialdeetara esportatzea bilatzen du. Horretarako, curriculum mistoak aipatzen dira, titulazio bikoitzak ahalbidetzen dituztenak: alde batetik, Espainiako ikasketei dagokien titulua, eta bestetik, titulua diseinatu den bigarren herrialdeko ikasketei dagokiena.

2. Lanbide Heziketa Nazioarteratzeko Programako proiektuak.

Lanbide Heziketa Nazioarteratzeko Programa, Nafarroan, honako proiektuetan zehazten da:

a) Nafarroako Lanbide Heziketaren ikastetxe publikoen irakasleentzako proiektuak.

–Talde mugikortasuneko proiektuak:

• 2018-2019 ikasturtean abiatu ziren, ikastetxeen eta Lanbide Heziketaren nazioarteko esparrua sustatzeko asmoz. 2026-2027 ikasturtean, jarduketa hau sustatzen jarraituko da, eta aukera emanen du Lanbide Heziketako ikastetxe publikoetako irakasle talde batzuek prestakuntza egonaldiak egin ditzaten beste herrialde batzuetako enpresetan edo prestakuntza entitateetan.
• Hezkuntzako eta Lanbide Heziketako Zuzendaritza Nagusiak zehaztuko du ikastetxeek zer prozeduraren bidez egin beharko dituzten mugikortasun proiektuaren proposamena definitzeko eskaerak (proposamen horretan, justifikazioa, ezarpena eta ikasgelan aurreikusitako inpaktua jaso beharko dira), bai eta mugikortasunak esleitzeko proiektuak hautatzeko irizpideak ere. Lanbide Heziketako Modernizazio eta Berrikuntza Zerbitzuari dagokio eskaerak jasotzeko eta hautatutako proiektuen zerrenda egiteko kudeaketa lana.
• Mugikortasunaren kudeaketa –garraioari, ostatuari eta agendari dagokienez– talde onuradunaren ardura izanen da; dokumentuen eta administrazio mailako kudeaketa, berriz, Lanbide Heziketaren Modernizaziorako eta Berrikuntzarako Zerbitzuko Lanbide Heziketa Nazioarteratzeko Bulegoaren erantzukizuna izanen da.
• Egonaldi horiek, oro har, astebete iraunen dute.

–Banakako mugikortasuneko proiektuak:

• Xedea da ikastetxe horietako irakasleen prestakuntza bultzatzea eta Europako enpresa ezagutza erraztea, enpresetan edo prestakuntza zentroetan Erasmus+ programaren barruko prestakuntza egonaldiak eginez.
• Mugikortasun proiektu horien iraupena, oro har, astebetekoa da, eta hiru egonaldi mota daude: Behaketa bidezko ikaskuntza (job shadowing), prestakuntza ikastaroak eta irakaskuntza ikastetxe batean.
• Hezkuntzako eta Lanbide Heziketako Zuzendaritza Nagusiak banakako mugikortasuneko proiektu horien ildo estrategikoak ezarriko ditu. Lanbide Heziketaren Modernizaziorako eta Berrikuntzarako Zerbitzuko Lanbide Heziketa Nazioarteratzeko Bulegoak parte hartuko duten irakasleak hautatzeko irizpideak definituko ditu, eta mugikortasunen administrazio eta agirien kudeaketaz arduratuko da. Garraio, ostatu eta agenda arloko mugikortasunaren kudeaketa parte hartzen duten irakasleen ardura izanen da.

b) Nafarroako Lanbide Heziketaren ikastetxe publikoen ikasleentzako proiektuak. Hezkuntzako eta Lanbide Heziketako Zuzendaritza Nagusiak proiektu hauek garatzeko jarraibideak ezarriko ditu:

–A modalitatea. Titulatu ondokoak.

• LH Bereziko, Oinarrizko Mailako, Erdi Mailako eta Goi Mailako ikasleentzat.
• Mugikortasun mota horri dagozkion egonaldiek 6 hilabeteko iraupena izanen dute, eta Lanbide Heziketako zikloa bukatu eta hurrengo ikasturtean eginen dira, 2027ko irailaren bukaeratik 2028ko martxoaren bukaera bitarte.
• Egonaldi horien kudeaketa administratiboa eta logistikoa Lanbide Heziketaren Modernizaziorako eta Berrikuntzarako Zerbitzuko Lanbide Heziketa Nazioarteratzeko Bulegoak eginen du.

–B modalitatea. Ikastunak.

• LH Bereziko, Oinarrizko Mailako eta Erdi Mailako ikasleentzat; baita Goi Mailako ikasleentzat ere, blended mobility bat ziurtatzen badute.
• Oro har, 10-14 eguneko egonaldiak dira.
• Egonaldia Lanbide Heziketa Bereziko, Oinarrizko Mailako edo Erdi Mailako ikasle talde bati badagokio eta ikastetxe batean eginen bada, iraupena 2 egunetik 14 egunera bitartekoa izan daiteke.
• Egonaldi horien aurretik, Lanbide Heziketako ikastetxe baten proposamena beharko da, barne hartuko duena, bidezkoa bada, tutore laguntzaile baten parte-hartzea.

c) Ikastetxeak nazioarteratzeko beste jarduera batzuk.

–Europako beste ikastetxeetako ikasleen eta irakasleen harrera. Europako beste ikastetxe batzuekin harremanetan hasteko, ikasleen eta irakasleen mugikortasuna bultzatzeko eta nazioarteko proiektuetako lankidetza sustatzeko, Lanbide Heziketako ikastetxeek Europako beste ikastetxe batzuetako ikasleak eta irakasleak hartzen kolaboratuko dute, Lanbide Heziketaren Modernizaziorako eta Berrikuntzarako Zerbitzuak proposaturik. Harrera horien bidez lortu nahi den helburua da bertako eta atzerriko ikasle eta irakasleak inplikatzea elkarlana eta sinergiak sustatzen dituzten jardueretan, etorkizunean lankidetza egon dadin.

Hezkuntzako eta Lanbide Heziketako Zuzendaritza Nagusiak, Lanbide Heziketaren Modernizaziorako eta Berrikuntzarako Zerbitzuaren bidez, Europako ikastetxeetako bisita eta harrera proposamenak baimenduko ditu. Lanbide Heziketa Nazioarteratzeko Bulegoak bideratuko ditu Europako ikastetxeetako proposamen baimenduak, eta harremanetan jarriko da Nafarroako Lanbide Heziketako ikastetxeekin, egin beharreko harrerak banatu eta antolatzeko, eta proposamenei behar bezalako arreta emateko. Bisitariei harrera eginen dien Lanbide Heziketako ikastetxean nazioarteratze arduradun denak diseinatuko du prestakuntza programa, Lanbide Heziketa Nazioarteratzeko Bulegoaren laguntzaz, eta bisitari taldeari arreta emanen dio egonaldiak iraun bitarte.

–Beste proiektu batzuk (ERASMUS+ KA, POCTEFA eta ETWINNING): Lanbide Heziketaren Modernizaziorako eta Berrikuntzarako Zerbitzuak laguntza eta aholkuak emanen dizkie nazioarteratze proiektuak dituzten Lanbide Heziketako ikastetxeei, Lanbide Heziketa Nazioarteratzeko Bulegoaren bitartez. Izan ere, baliabideak emanen dira bermatzeko ahalik eta aukera gehien daudela LHko ikasle eta irakasleek atzerrian egonaldiak egiteko.

LHko ikastetxe publikoko zuzendariak nazioarteratze arduradunak ematen dion informazioa helarazi beharko dio Lanbide Heziketaren Modernizaziorako eta Berrikuntzarako Zerbitzuari, Lanbide Heziketarekin lotuta sustatzaile edo laguntzaile gisa parte hartzen duten nazioarteko mugikortasun programei eta bestelako nazioarteratze proiektuei buruz. Informazio hori honako helbide elektroniko honetara bidali beharko da: fpeuropa@educacion.navarra.es.

Eskatutako proiektuaren eskaera onetsiaren kopia erantsi beharko da, bai eta eskatzen zaion beste edozein informaziorena ere.

Horrez gain, Lanbide Heziketa Nazioarteratzeko Programan, Lanbide Heziketako ikastetxeek parte hartuko dute Hezkuntzako eta Lanbide Heziketako Zuzendaritza Nagusiko zerbitzuek kudeatutako Europako proiektuetan (POCTEFA, ERASMUS+ KA1 eta KA2), eta, horrenbestez, ikastetxeetako nazioarteratze arduradunen eta irakasleen laguntza eskatzen ahalko da.

Behar bada, Lanbide Heziketaren Modernizaziorako eta Berrikuntzarako Zerbitzuak jarraibide espezifikoak emanen ditu aurreko apartatuetan aipatu diren mugikortasun eta nazioarteko proiektuetarako.

2026-2027 ikasturtean ikastetxeek Lanbide Heziketa Nazioarteratzeko Programan parte har dezaten funtsezko elementu gisa, behean jasotzen diren jarraibideak ezarri dira.

3. Ikastetxeetako nazioarteratze arduraduna.

Hezkuntza Departamentuak erabaki du 2026-2027 ikasturtean 3 eskola-ordu ager daitezela ikastetxe bateratu publikoen plantillan, "Ikastetxe bateratua. Nazioarteratzea" kontzeptu gisa, Lanbide Heziketaren nazioarteratze esparruan ikastetxe bateratu gisa dituzten eginkizunak egiteko.

BHIetan eta arte eta goi mailako diseinuko eskoletan, LH-Sistema kontzeptuan esleitutako guztizko ordu kopurutik aterako dira eskola-ordu horiek. Orduak zer irakasleri esleitzen zaizkion, haren ordutegi pertsonalean agertuko dira, "LH-NAZ1" siglaren bidez, "eskola-ordu gisa zenbatzen diren orduak" apartatuan.

KA-131 proiektu propioa duten ikastetxeen kasuan, zuzendaritza taldeak eskola-orduetako bi esleituko dizkie, Nafarroako Irakaskuntza Publikoaren Kalitatea Hobetzeko Itunaren ondorioz zuzeneko irakaskuntzan egin den murrizketa dela-eta, ikastetxea nazioarteratzeko ardura duten irakasleei. Ordu horiek irakaslearen ordutegi pertsonalean agertuko dira, "LH-NAZ2" siglaren bidez, "eskola-ordu gisa zenbatzen diren orduak" apartatuan.

Ikastetxe bateratu bakoitzeko zuzendaritzak, bere autonomiaren esparruan, nazioarteratze arduraduna izendatuko du, eta hark prestatu beharko du nazioarteratzeko urteko plana. Ikastetxeak Hezkuntzako eta Lanbide Heziketako Zuzendaritza Nagusiari jakinarazi beharko dio nor izendatu den arlo horretako arduradun, 2026ko irailaren 7a baino lehen.

4. Lanbide Heziketa Nazioarteratzeko Programa ikastetxean inplementatzea.

Zuzendariei dagokie gidaritza hartzea ikastetxean Lanbide Heziketa Nazioarteratzeko Programa inplementatzeko eta garatzeko. Horregatik, Lanbide Heziketa Nazioarteratzeko Programa garatzen lagunduko duten egiturak eta dinamikak sortu beharko dituzte.

Horretarako, honako jarraibide hauek hartuko dira kontuan:

a) Ikastetxe bateratuek beren proiektu funtzionalean eta Urteko Jarduketa Planean jaso behar dute, "Lanbide Heziketako plan, proiektu eta programa espezifikoak" kapituluan, Lanbide Heziketaren nazioarteratze horren urteko zehaztapena (BHIen eta arte eskolen kasuan, ikastetxeko hezkuntza proiektuan eta urteko programazio orokorrean jaso behar dute). Urteko plan horretan azalduko da nola inplementatuko den Lanbide Heziketa Nazioarteratzeko Programa; egitura operatiboa izanen du, exekuzioa eta jarraipena erraztuko dituena, eta honako hauek definituko ditu: helburuak, adierazleak, noraino iritsi nahi den, ekintzak, arduradunak, denbora-plangintza eta ebaluazioa.

b) Ikastetxeak lehentasun gisa ezartzen ahalko ditu, bere Prestakuntza Plan Instituzionalaren barruan, Lanbide Heziketa nazioarteratzeko prestakuntza ekintzak, klaustro osoari edo irakasle talde bati zuzentzen ahal zaizkionak. Gainera, instituzionaltzat joko da irakasleek banaka egindako prestakuntza, baldin eta Hezkuntzako eta Lanbide Heziketako Zuzendaritza Nagusiak Lanbide Heziketaren Modernizaziorako eta Berrikuntzarako Zerbitzuaren bidez eskaintzen badu.

c) Zuzendaritza taldeak, Nafarroako Irakaskuntza Publikoaren Kalitatea Hobetzeko Itunaren ondorioz zuzeneko irakaskuntzan egin den murrizketa dela-eta, eskola-ordu gisa zenbatzen diren bi orduetatik bat gutxienez esleitzen ahalko dio irakasle bati edo hainbat irakasleri, lanbide arlo bakoitzeko, laguntzaile gisa aritzeko, dagokion lanbide arloan, ikastetxeko nazioarteratze arduradunarekin. Orduak zer irakasleri esleitzen zaizkion, haren ordutegi pertsonalean agertuko dira, "LH-NAZ2" siglaren bidez, "eskola-ordu gisa zenbatzen diren orduak" apartatuan.

Zuzendaritza taldea arduratuko da irakasle laguntzaile horiek berariaz bete behar dituzten eginkizunak zehazteaz.

Ikastetxeko zuzendariak izendatuko ditu irakasle laguntzaileak, eta izendapen horiek Lanbide Heziketaren Modernizaziorako eta Berrikuntzarako Zerbitzuari jakinaraziko zaizkio 2026ko irailaren 7a baino lehen. Jakinarazpena helbide elektroniko honetara bidaliko da: fpeuropa@educacion.navarra.es.

d) Lanbide Heziketa Nazioarteratzeko Programa inplementatzeaz arduratzen direnen artean koordinazioa sustatzeko, ikastetxeko zuzendaritzak honako hau erraztuko du:

–Irakasle laguntzaileek c) apartatuan aipatzen diren eskola-ordu gisa zenbatzen diren orduetatik bat esleituta izatea bere ordutegi pertsonalean.

–Ikastetxean Lanbide Heziketa nazioarteratzeaz arduratzen diren irakasleek esleituak dituzten eskola-ordu guztiak elkartuak izatea beren ordutegi pertsonalean.

e) Zuzendaritza taldea saiatuko da nazioarteratze arduradunak klaustroetan parte har dezan, prestakuntza horren ezarpenarekin eta garapenarekin zerikusia duen guztia zabaltzeko.

f) Nazioarteratze arduraduna 2026-2027 ikasturtean zehar nazioarteratze arduradunentzat eginen den prestakuntza ikastarora bertaratu beharko da, eta honako eginkizun hauek izanen ditu:

–Ikastetxearen nazioarteratzeko urteko plana prestatzea, ikastetxeko zuzendaritzak ezarritako jarraibideekin bat.

–Lanbide Heziketaren Modernizaziorako eta Berrikuntzarako Zerbitzuarekiko harremanetan ikastetxeko solaskidea izatea, ikastetxeko zuzendariarekin edo hark eskuordetzen duen pertsonarekin batera, Lanbide Heziketa nazioarteratzeari dagokion guztian.

–Irakasleen mugigarritasunerako taldeko eta banakako egonaldiei dagokienez: Ikastetxeko irakasleei informazioa ematea mugigarritasun horien ezaugarriei buruz, eta horietako parte-hartzea sustatzea; mugigarritasun horietarako eskatzen den dokumentazioa kudeatzea ikastetxean; ikasturte bakoitzaren amaieran ikasturte horretan prestakuntza edo/eta berrikuntza orduak ziurtatzeko mugigarritasunak egin dituzten ikasleen baterako eskaria egitea.

–Ikasleen mugikortasunei dagokienez: ikasleei mugikortasunen modalitateen berri ematea; Nazioarteratze Bulegoarekin komunikatzea dokumentuak behar bezala kudeatzeko eta mugikortasunak gauzatzeko:

• A modalitatean: beka-eskaerarekin batera aurkezten den dokumentazioaren bilketa eta egiaztapena kudeatzea; ikasleen hautaketa kudeatzea.
• B modalitatean: ikastetxearen proposamenak Nazioarteratze Bulegoari jakinaraztea; eskaeraren dokumentazioa jasotzea eta entregatzea.

–Europako beste ikastetxe batzuetako ikasleak eta irakasleak hartzeari dagokionez: Zuzendaritza taldeari jakinaraztea zer harrera proposamen eginen diren ikastetxean; harrera egonaldiak antolatzen laguntzea Lanbide Heziketa Nazioarteratzeko Bulegoari; harrera programa irakasle laguntzaileekin eta Lanbide Heziketako ikastetxeko irakasle taldearekin diseinatzea, kudeatzea eta ezartzea.

–Nazioarteratzeko beste proiektu batzuei dagokienez: Ikastetxeko Europako proiektuak kudeatzea, ikastetxeari dagokion mailan, Lanbide Heziketa Nazioarteratzeko Bulegoaren eta proiektuan parte hartzen duen ikastetxeko irakasleen arteko komunikazioa bideratuz; Lanbide Heziketaren Modernizaziorako eta Berrikuntzarako Zerbitzuari informazioa ematea ikastetxeak kudeatzen dituen nazioarteratze proiektuei buruz.

–Beste edozein proiekturi dagokionez: hedapena egitea ikastetxearen web-orriaren edo sare sozialen bidez.

–Hezkuntza Departamentuko Hezkuntzako eta Lanbide Heziketako Zuzendaritza Nagusiak edo indarreko arauzko xedapenek zehazten duten beste edozein.

g) Europako proiektuetan parte hartzen dutenek edo nazioarteko egonaldi bat egiten dutenek ziurtagiri bat jasoko dute, Lanbide Heziketaren Modernizaziorako eta Berrikuntzarako Zerbitzuak emanen dituen jarraibideekin bat.

5. Lanbide Heziketako ikastetxe publikoen arteko lankidetzaren sustapena, Lanbide Heziketa nazioarteratze arloan.

Lankidetza ekintzak sustatuko dira Nafarroako Lanbide Heziketako ikastetxe publikoen artean, Lanbide Heziketa nazioarteratzeko ekintzak garatzeko.

6. Mugikortasunak egiteko lehentasunak.

Hezkuntza Departamentuak finantzatutako eta ebazpen honetan garatutako LH-Think proiektuetan parte hartzen duten pertsonek lehentasuna izanen dute mugikortasunak esleitzen direnean, betiere zerikusia badute parte hartzen duten programaren esparruarekin.

7. Parte-hartzearen akreditazioa.

Irakasleek Erasmus+, eTwinning, Interreg-POCTEFA programetan eta 2021-2027 aldirako Europako beste ekimen mota batzuetan parte hartu izanaren akreditazioa ikasturte bakoitzaren bukaeran eginen da, ikastetxeetako nazioarteratze arduradunaren bidez, zeinak ikastetxeko irakasle guztiei dagokien eskaera batera eginen baitio Lanbide Heziketa Nazioarteratzeko Bulegoari.

8. Matrikula deuseztatzea plaza erreserbatzeko eskubidearekin, atzerrian Erasmus+ bidez kudeatutako egonaldiarengatik.

2026-2027 ikasturtean D edo E graduko heziketa ziklo batean plaza duten ikasleak atzerrira joatekoak badira eta hori Erasmus+ bidez kudeatzen badute, matrikula deuseztatzeko eskatzen ahalko dute, plaza erreserbatzeko eskubidea gordeta, baldin eta egonaldi horrek eragozten edo zailtasunak modu esanguratsuan jartzen baditu matrikula egin duen eskaintzaren ohiko jarraitutasunerako.

Ondorio horietarako, ulertuko da Lanbide Heziketaren nazioarteratzearekin lotutako antolakuntzako aparteko egoera bat gertatzen dela baldin eta Erasmus+ bidez kudeatutako atzerriko egonaldi bat egiten bada.

Ikasleak zer ikastetxetan egin duen matrikula, bertako zuzendaritzari aurkeztu beharko dio eskaera, Erasmus+ egonaldiaren akreditazioarekin eta egonaldia egiteko aurreikusitako datarekin.

Ikastetxeko zuzendaritzak matrikula deuseztatuko du, plaza erreserbatzeko eskubidea gordeta, baldin eta Erasmus+ egonaldian parte hartzen dela akreditatuta geratzen bada eta betetzen badira matrikula, onarpen edo jarraitutasun araudian ezarritako baldintzak.

Plazaren erreserba, oro har, hurrengo ikasturterako gordeko da, pertsonak plaza lortu duen aukera berean. Edonola ere, behar diren egokitzapenak eginen dira eskaintza aldatzeagatik, taldea desagertzeagatik, curriculuma aldatzeagatik, plangintza inguruabarrengatik edo antolakuntza bera mantentzeko ezintasun materialarengatik.

Ikastetxeak eskaera dokumentatuko du, eta jaso eginen ditu aurkeztutako egiaztagiriak, emandako ebazpena eta interesdunari emandako informazioa ere. Interesduna adingabea bada, haren ama, aita, tutore edo legezko ordezkariei ere emanen zaie informazioa.

Apartatu honetan jasotakoaren helburua da antolakuntza egitea eta Lanbide Heziketa nazioarteratzeari lotutako matrikula kudeatzea. Edonola ere, aintzat hartuko da onarpen, matrikula, jarraitutasun edo ebaluazio arloetan aplikatzekoa den araudi espezifikoa.

IX. KAPITULUA.–LANBIDE HEZIKETAREN SISTEMAREN KALITATEA.
EQAVET ESPARRUA

1. Lanbide Heziketaren Sistemaren kalitatea.

Lanbide Heziketaren Sistemaren kalitatea funtsezko osagai bat da bermatu dadin Lanbide Heziketari lotutako eskaintzek, programek, prozedurek eta zerbitzuek egoki erantzuten dietela pertsonen, ikastetxeen, enpresen, ekoizpen sektoreen eta Nafarroako gizartearen premiei.

Hezkuntza Departamentuak, 2026-2027 ikasturtean zehar, sustatuko du EQAVET esparrua hasiera batean garatzea, Nafarroako Lanbide Heziketaren Sistemaren kalitaterako erreferentzia propio gisa, bat etorriz Lanbide Heziketa Antolatu eta Integratzeari buruzko martxoaren 31ko 3/2022 Lege Organikoarekin eta Lanbide Heziketaren Sistemaren antolamendua garatzen duen uztailaren 18ko 659/2023 Errege Dekretuarekin.

EQAVET esparrua ezartzea prozesu mailakatu, ordenatu eta jasangarri gisa ulertu beharko da, eta Lanbide Heziketaren Sistemaren etengabeko hobekuntzara egonen da bideratuta, ez ikastetxeei gehitutako karga burokratiko gisa.

2. EQAVET esparrua.

Lanbide Heziketaren Kalitatea Bermatzeko Europako Erreferentzia Esparrua da EQAVET. Erreferentzia tresna bat da, xede duena Lanbide Heziketaren Sistemen etengabeko hobekuntza sustatzea eta bideratzea Europako esparruan partekatutako irizpide, deskriptore eta adierazleetan oinarrituta.

EQAVET esparruak plangintza, aplikazio, jarraipen, balorazio eta berrikuspeneko ziklo bat biltzen du Lanbide Heziketaren kalitatea bermatzeko eta hobetzeko. Nafarroako Lanbide Heziketaren Sistemaren mailan zein Lanbide Heziketaren Sistemako eskaintzak ematen dituzten ikastetxeen mailan erabiltzen ahalko da ziklo hor.

Nafarroan EQAVET aplikatzean, honako xede hauek izanen dira: etengabe hobetzearen kultura indartzea, ebidentzietan oinarritutako erabakiak hartzea erraztea, ikastetxeen lana ikusgai egitea, sistemaren koordinazioa hobetzea eta kalitate ezaguterraza, erabilgarria eta Lanbide Heziketaren errealitateari lotutakoa sustatzea.

3. Plangintzaren hasierako fasea, 2026-2027 ikasturtean.

2026-2027 ikasturtean zehar, EQAVET esparruaren ezarpena hasierako fase batean egonen da; plangintzako, prestakuntzako eta pixkanaka zabaltzeko fasean, hain zuzen ere.

Fase horren xedea izanen da Nafarroako Lanbide Heziketako ikastetxeetan EQAVET kalitate sistemaren ezarpen orokorra planifikatzea 2027-2028 ikasturtetik aurrera. Horretarako, ikastetxeen esperientziatik abiatuko da, bai eta dagoeneko ezarrita dituzten kalitate sistemetatik ere.

Plangintza egitean, honako hauek hartuko dira kontuan: modu arrazoituan, parte-hartzailean eta progresiboan egitea, eta dokumentuen bikoiztasunak saihestea, aurretiaz ikastetxeek eginiko lana errespetatuta eta dagoeneko existitzen diren kalitate sistemen osagai erabilgarriak aprobetxatuta, batez ere Hezkuntza Departamentuaren Kadinet kalitate sistemari edo ikastetxeek ezarritako beste sistema batzuei lotutako dokumentu horietan.

4. EQAVET planifikatzeko irakasleen arduraldi espezifikoa.

2026-2027 ikasturtean, hiru ikastetxek irakasle bana izanen dute, 3 eskola-orduko arduraldia izanen duena EQAVET esparrua Nafarroako Lanbide Heziketaren Sisteman pixkanaka ezartzeko plangintza, sustapen eta laguntza zereginak gauzatzeko.

Irakasle horiek EQAVET planifikatzeko talde operatibo gisa jardunen dute, Lanbide Heziketaren Plangintza eta Integraziorako Zerbitzuaren gidaritzapean, Lanbide Heziketaren Antolamendu eta Ebaluaziorako Atalaren bidez.

Eginkizun horietarako esleitutako eskola-orduak irakasleen ordutegi pertsonalean txertatuko dira, bat etorriz Hezkuntza Departamentuak ezarritako kontzeptuarekin eta kodetzearekin.

Irakasle horiek hartzen dituzten ikastetxeek Lanbide Heziketaren Plangintza eta Integraziorako Zerbitzuari jakinarazi behar diote nor diren irakasle horiek, 2026-2027 ikasturterako ezarritako epean eta horretarako ezarritako prozeduraren bidez.

5. EQAVET planifikatzeko talde operatiboan dauden irakasleen eginkizunak.

EQAVET planifikatzeko arduraldi berezia duten irakasleek honako eginkizun hauek izanen dituzte, besteak beste:

–Lanbide Heziketaren Plangintza eta Integraziorako Zerbitzuarekin eta Lanbide Heziketaren Antolamendu eta Ebaluaziorako Atalarekin lankidetzan aritzea, Nafarroan EQAVET esparrua ezartzeko plangintza diseinatzeko.

–Lanbide Heziketako ikastetxeetan dagoeneko ezarritako eta EQAVET esparruarekin bat egiten ahal duten kalitate sistemen elementuak aztertzea.

–Ikastetxeetan dagoeneko ezarritako eta EQAVET ezartzeko trantsizio prozesuan aprobetxatzen ahal diren jardunbide egokiak, prozedurak, dokumentuak, adierazleak edo dinamikak identifikatzea.

–Ikastetxeetan EQAVET esparrua modu progresibo, argi eta jasangarrian ezartzea ahalbidetuko duten irizpideak, pautak, materialak edo laguntza ereduak proposatzea.

–Ikastetxeekin lankidetzan aritzea bertan dauden kalitatearen arduradunen bidez, batez ere Hezkuntza Departamentuko Kadinet kalitate sistemari lotuta badaude.

–Egun ezarrita dauden kalitate sistemetatik EQAVET esparruetarako trantsizio ordenatua sustatzea, eta prozeduren, erregistroen edo dokumentuen alferrikako bikoizketak ekiditea.

–Planifikatzeko hasiera fasean ikastetxeetan detektatutako premiak, zalantzak, zailtasunak, erresistentziak, hobekuntza proposamenak eta jardunbide egokiak jasotzea.

–EQAVETen ezarpena planifikatzeko deitzen diren koordinazio bileretan, lan-saioetan, prestakuntza jardueretan edo topaketetan parte hartzea.

–2027-2028 ikasturtetik aurrera EQAVETen esparrua modu orokortuan ezartzeko plangintza proposamena definitzen laguntzea.

–Hezkuntzako eta Lanbide Heziketako Zuzendaritza Nagusiak, Lanbide Heziketaren Plangintza eta Integraziorako Zerbitzuak eta Lanbide Heziketaren Antolamendu eta Ebaluaziorako Atalak ezarritako beste edozein.

6. Ikastetxeekin eta kalitatearen arduradunekin koordinatzea.

EQAVET esparrua progresiboki ezartzeko, koordinazioa izan beharko da ikastetxeetako zuzendaritzekin eta bertan dauden kalitatearen sistemen arduradunekin.

Hezkuntza Departamentuaren Kadinet kalitate sistema duten ikastetxeetan, EQAVET planifikatzeko talde operatiboko irakasleek sustatuko dute lan egin dadin sistema horri lotutako kalitatearen arduradunen bidez. Hala ere, ikastetxeak beharrezkotzat jotzen duen beste edozein profilek ere parte hartzen ahalko dute.

Ikastetxeetako kalitatearen arduradunekin koordinatzean, dagoeneko eginiko lana aitortuko da, esparru berria ezartzeko baliagarriak diren prozesuak identifikatuko dira, trantsizioa sinplifikatuko da eta ekidinen da EQAVET esparruaren ezarpena egoera zakar gisa edo administrazio karga gehigarri gisa ikustea.

Ikastetxeek hasierako fasean lagundu beharko dute; kalitate, prozedura, adierazle, jarraipen tresna, dokumentazio eta hobekuntza dinamikak aurkeztu beharko dituzte, Lanbide Heziketaren Plangintza eta Integraziorako Zerbitzuak ezarritako baldintzekin.

7. Trantsizioa, egun ezarritako kalitate sistemetatik EQAVETera.

Nafarroako Lanbide Heziketan EQAVET esparrua ezartzeko, egun ikastetxeetan ezarritako kalitate sistemen elementu positiboei eutsiko zaie.

Ez da inola ere interpretatuko trantsizio prozesuarekin balioa kendu nahi zaiela aurretiaz ezarritako kalitate sistemak sustatu dituzten ikastetxeek edo Hezkuntza Departamentuko zerbitzuek unera arte eginiko lanari.

Helburua izanen da Lanbide Heziketaren kalitate sistema propio baterantz aurrera egitea; sistema Estatuaren oinarrizko araudiarekin eta Europako EQAVET esparruarekin bat etorriko da. Lanbide Heziketaren Sistemaren ezaugarri espezifikoei hobeki erantzutea ahalbidetuko du, baita graduetako eskaintzari, horien izaera dualari, konpetentzien akreditazioari, lanbide orientazioari, enpresekiko harremanei eta ikastetxeen etengabeko hobekuntzari ere.

Trantsizioa egitea bateragarria izanen da dagoeneko ezarrita dauden sistemekin, hala behar duen tartean. Horrela, beharrezkoak ez diren gainjartzeak ekidinen dira, eta ahaleginak eginen dira ikastetxeek posible izan dezaten dokumentuak, prozedurak, adierazleak eta finkatutako laneko dinamikak aprobetxatzea.

8. Ezarpen jasangarrirako eta ez-burokratikorako irizpideak.

EQAVET esparrua ezartzeko, erabilgarritasun, proportzionaltasun, jasangarritasun eta administrazioaren sinplifikazio irizpideak baliatu beharko dira.

Prozesuak ekidin beharko du alferrikako karga dokumentalak sortzea, erregistroak bikoiztea, hobekuntzarako baliorik gabeko ebidentziak prestatzea eta erabakiak hartzeko informazio garrantzitsua ematen ez duten prozedurak eskatzea.

EQAVET esparrua planifikatzean, ahaleginak eginen dira ikastetxeek kalitate sistema haien lana ordenatzeko, hobetzeko eta ikusgai egiten laguntzeko tresna gisa ikus dezaten, eta ez kanpoko kontrol burokratikoko sistema gisa.

Hartara, proposatutako prozedurak, ereduak eta adierazleak ulergarriak, aplikagarriak, ikastetxeentzako baliagarriak, haien errealitatera egokitzeko baliagarriak eta dagoeneko ezarrita dauden prozesuekin lotutakoak izanen dira.

9. EQAVET esparruaren kalitatearen adierazleak.

EQAVET esparrua ezartzeko plangintzak erreferentzia izan beharko ditu EQAVET esparruan eta Lanbide Heziketaren ebaluazio eta kalitate adierazleen Estatuko sisteman definitutako kalitate adierazleak.

Adierazle horiek ahalbidetuko dute informazio esanguratsua jasotzea hainbat alderdiri buruz; horien artean, hauek: eskaintzen plangintza, Lanbide Heziketan parte hartzea, prestakuntza prozesuak amaitzea, laneratzea, enplegagarritasuna, ekitatea, digitalizazioa, jasangarritasuna, enpresekiko harremana eta Lanbide Heziketaren Sistemako kalitateari lotutako beste elementu batzuk.

Ikastetxeetan adierazleak modu graduatu eta proportzionalean hautatu eta aplikatuko dira; hala, lehenengo fase honetan itxitako edo zabalegiak diren zerrendak ekidinen dira, eta ikastetxeen eta Nafarroako Lanbide Heziketaren Sistemaren benetako hobekuntzarako baliagarrien diren adierazleak lehenetsiko dira.

Ikastetxeek oinarri hartzen ahalko dituzte Lanbide Heziketaren ebaluazioari eta kalitateari buruzko eta EQAVET esparruari buruzko erreferentziazko ministerio espazioetan eskuragarri dauden informazioa eta baliabideak.

10. Ikastetxeetako plangintza instituzionala.

2026-2027 ikasturtean, ikastetxeek ez dute EQAVET sistema oso bat prestatu beharko, ez eta kapitulu honen ondoriozko betebehar dokumentala berriak txertatu ere, salbu eta Lanbide Heziketaren Plangintza eta Integraziorako Zerbitzuak berariaz aurkakoa adierazten badu.

Hala ere, EQAVET ezartzeko plangintza, kontraste, analisi edo prestakuntza jarduketetan parte hartzen duten ikastetxeek lankidetzan aritu beharko dute plangintzako talde operatiboko irakasleekin eta Lanbide Heziketaren Antolamendu eta Ebaluaziorako Atalarekin.

Ikastetxeei eskatzen zaienean EQAVET esparruari lotutako jarduketak egin ditzaten, egun duten plangintza instituzionalean zentzuz integratu beharko dira, ahal dela ikastetxeak dagoeneko erabiltzen dituen kalitate dokumentuetan edo Urteko Jarduketa Planean. Hala, alferrikako egitura paraleloak sortzea ekidinen da.

11. Laguntza, prestakuntza eta sentsibilizazioa.

Lanbide Heziketaren Plangintza eta Integraziorako Zerbitzuak, Lanbide Heziketaren Antolamendu eta Ebaluaziorako Atalaren bidez, posible izanen du laguntza, prestakuntza, informazio eta sentsibilizazio jarduerak sustatzea eta horiek zuzendaritza taldeei, kalitatearen arduradunei, EQAVET esparrua planifikatzeko talde operatiboko irakasleei eta ikastetxeetako beste profil batzuei bideratzea.

Jarduketa horien xedea izanen da EQAVET esparruaren zentzua azaltzea, horrek Estatuaren oinarrizko araudiarekin eta Europako araudiarekin duen lotura azaltzea, Lanbide Heziketarako duen baliagarritasuna identifikatzea, zalantzak argitzea, esperientziak partekatzea eta ezarpen progresibo eta egingarria erraztea.

Sentsibilizazio jarduketek bereziki azpimarratu beharko dute EQAVET esparruak ez diela ikastetxeei burokrazia gehitu nahi, baizik eta Lanbide Heziketaren errealitate espezifikora egokitutako kalitatearen eta etengabeko hobekuntzaren kultura partekatua sustatu.

12. Hasierako fasearen jarraipena.

Lanbide Heziketaren Plangintza eta Integraziorako Zerbitzuak, Lanbide Heziketaren Antolamendu eta Ebaluaziorako Atalaren bidez, 2026-2027 ikasturtean zehar egiten den EQAVET esparruaren hasierako fasearen plangintzaren jarraipena eginen du.

EQAVET planifikatzeko talde operatiboko irakasleek eskatzen zaion informazioa emanen du honako hauei buruz: eginiko jarduketak, zer ikastetxerekin jarri diren harremanetan, atzemandako premiak, sinplifikatzeko proposamenak, aztertutako adierazleak, prestatutako materialak eta ezarpen orokorrerako gomendioak.

Hasierako fase honen emaitza baliagarria izan beharko da Nafarroako Lanbide Heziketako ikastetxeetan EQAVET esparruaren ezarpen orokorra planifikatzeko 2027-2028 ikasturtetik aurrera.

X. KAPITULUA.–D ETA E GRADUETAKO ESKAINTZAK EMATEN DITUZTEN NAFARROAKO LANBIDE HEZIKETAREN SISTEMAKO IKASTETXEAK, FUNTS PUBLIKOEKIN SOSTENGATUAK

1. D eta E graduetako eskaintzak ematen dituzten Nafarroako Lanbide Heziketaren Sistemako ikastetxeak, funts publikoekin sostengatuak.

Nafarroan funts publikoekin sostengatutako eta D eta E graduetako eskaintzak ematen dituzten Nafarroako Lanbide Heziketaren Sistemako ikastetxe sare bat dago; hain zuzen ere, ikastetxe publikoak, itunpeko ikastetxe pribatuak, irabazi-asmorik gabeko entitateak, bigarren aukerako eskolak eta funts publikoekin finantzatutako eta Lanbide Heziketaren eskaintza garatzen parte hartzen duten beste zentro batzuk.

Kapitulu honetan jasotako 2026-2027 ikasturterako ikastetxeen zerrendaren helburua da antolakuntza egin eta informazioa ematea, baina gerora eguneratzen ahalko da eskaintzaren plangintzarengatik, administrazio baimenengatik, irakaskuntzetako aldaketengatik edo Hezkuntza Departamentuak ematen dituen ebazpenengatik.

2. D eta E graduetako eskaintzak ematen dituzten ikastetxeen sare publikoa.

Nafarroan Lanbide Heziketaren Sistemako D eta E graduak ematen dituen sare publiko bat dago, batez ere ikastetxe bateratuek osatutakoa. Bertan, gainera, bigarren hezkuntzako institutuek, derrigorrezko Bigarren Hezkuntzako institutuek eta Arte eta Goi Mailako Diseinu Eskolek ere parte hartzen dute. Hauek dira sareko ikastetxeak:

Hezkuntza Departamentuaren helburuetako bat da ikastetxe publiko bateratu guztietan D graduko zikloen eskaintza egotea hezkuntza maila guztietan: oinarrizko mailako zikloak, erdi mailako zikloak eta goi mailako zikloak.

3. D graduko eskaintzak ematen dituzten ikastetxeen itunpeko sare pribatua.

Nafarroan, halaber, itunpeko sare pribatu bat dago, non Lanbide Heziketaren Sistemako D graduak ematen baitira. Nagusiki, itunpeko ikastetxe bateratu pribatuek osatzen dute. Hauek dira sareko ikastetxeak:

4. Irabazi-asmorik gabeko entitateak, bigarren aukerako eskolak eta funts publikoekin sostengatutako beste zentro batzuk.

Era berean, funts publikoekin finantzatuta daude irabazi-asmorik gabeko erakunde batzuk, bigarren aukerako eskola batzuk eta oinarrizko mailako zikloko D graduak ematen dituzten itunpeko ikastetxe batzuk. Hauek dira sareko ikastetxeak:

5. Ikastetxe elkartuak eta bigarren aukerako zentroak. Nafarroako erregelamenduzko garapenaren aurreikuspena.

Lanbide Heziketaren Sistemako ikastetxeetan eta hari lotutako entitateetan figura berri batzuk egonen dira, horien artean ikastetxe elkartuak eta bigarren aukerako zentroak, hala ezartzen baitute Lanbide Heziketa Antolatu eta Integratzeari buruzko martxoaren 31ko 3/2022 Lege Organikoak eta Lanbide Heziketaren Sistemaren antolamendua garatzen duen uztailaren 18ko 659/2023 Errege Dekretuak.

Horrez gain, hezkuntza sisteman integratutako Lanbide Heziketaren Sistemako ikastetxe pribatuen kalitatearen bermeari buruzko errege dekretuaren proiektuari aldez aurreko jendaurreko kontsulta egin dio Hezkuntza, Lanbide Heziketa eta Kirol Ministerioak. Hala, errege dekretu horren bidez arautuko dira A, B eta C graduak emateko ikastetxe elkartuak, bigarren aukerako zentroak eta Lanbide Heziketako Bikaintasun Ikastetxeen Estatu Sarea.

2026-2027 ikasturtean, Hezkuntza Departamentuak behar diren lanak sustatuko ditu Nafarroan garatu dadin ikastetxe elkartuen eta bigarren aukerako zentroen figurak arautuko dituen erregelamendua, bat etorriz Estatuaren oinarrizko araudiarekin eta onesten den Estatuko errege dekretuarekin, hala badagokio.

Erregelamenduzko garapen horren xedea izanen da arautzea Nafarroako Lanbide Heziketaren Sistemako figura horien parte-hartzea, ezartzea zer betebehar, baldintza, prozedura eta eragin izan behar diren, eta bermatzea behar bezala integratzen direla eskaintzaren plangintzan, ikastetxeen sarean eta aplikatzekoak diren kalitatea bermatzeko sistemetan.

Dagokion erregelamendua onetsi arte, Lanbide Heziketaren Sistemako eskaintzetan, programetan edo jarduketetan parte hartu nahi duten ikastetxeek, entitateek, bigarren aukerako eskolek edo bestelako erakunde batzuek ezinbestean beteko dituzte kasu bakoitzean aplikatzekoak diren baimenak, itunak, hitzarmenak, deialdiak, ebazpenak, finantzaketa prozedurak edo jarraibide espezifikoak.

Kapitulu honen informaziozko zerrendan entitate edo zentroak sartzeak ez du berez eraginen automatikoki ikastetxe elkartutzat edo bigarren aukerako zentrotzat hartzea, Estatuaren oinarrizko araudiak edo etorkizunean Nafarroako erregelamenduak ezarritako ondorioetarako.

6. Erreferentzia nazionaleko ikastetxeak.

Erreferentzia nazionaleko ikastetxeak Lanbide Heziketaren arloan berrikuntza eta esperimentazio ekintzak egiten dituzten ikastetxe publikoak dira, lanbide arloen bidez ekoizpen sektoretan espezializatuak.

Hauek dira erreferentzia nazionaleko ikastetxeen ezaugarriak:

–Erreferentziazkoak dira Lanbide Heziketaren Sistema osorako, bai enplegurako prestakuntzako ikastetxeentzat, bai hezkuntza sistemakoentzat.

–Estatuaren esparruko ikastetxe izatea, eta hainbat autonomia erkidegotan egotea.

–Bere arloan punta-puntako zentroak izatea, eta sektore emergente eta berritzaileen premiei erantzuteko behar diren berrikuntza, ikerketa eta esperimentazio neurriak, programak eta jarduketak sustatzea.

Nafarroan, bi dira erreferentzia nazionaleko ikastetxeak, eta Hezkuntza Departamentua da haien titularra:

a) Nafarroako Lanbide Eskola Tekniko Sanitarioa-ESTNA ikastetxe bateratua, Osasun Zerbitzuen, Produktuen eta Arretaren Erreferentzia Nazionaleko Ikastetxeari lotutakoa, zeina sortu baitzen urriaren 2ko 875/2015 Errege Dekretuaren bidez.

b) Goi Mailako Lanbide Heziketako Energia Berriztagarrien ikastetxe bateratua, Energia Berriztagarrien eta Energia Efizientziaren Erreferentzia Nazionaleko Ikastetxeari lotutakoa, zeina sortu baitzen otsailaren 6ko 68/2015 Errege Dekretuaren bidez.

Ikastetxe horiek garatzen dituzten ekintzek bidea eman behar dute Urteko Lan Planean aurkeztutako helburuak betetzeko, eta horren justifikazioa ministerioan aurkeztu behar da.

Erreferentzia nazionaleko ikastetxeek justifikazio memoria teknikoak eta helburuen jarraipen txostenak aurkeztu behar dituzte Hezkuntza, Lanbide Heziketa eta Kirol Ministerioak hala eskatzen dienean. Justifikazio agiriak Hezkuntza, Lanbide Heziketa eta Kirol Ministerioari aurkeztu baino lehen, Lanbide Heziketako Plangintza eta Integraziorako Zerbitzuari aurkeztu beharko dizkiote, eta lana haren aurrean argudiatu.

Erreferentzia nazionaleko ikastetxeen Urteko Lan Plana garatzeko baliabideak definituko dira behin Hezkuntza, Lanbide Heziketa eta Kirol Ministerioak xede horretarako emandako funtsak jasoko direla ezarri ondoren.

Erreferentzia nazionaleko ikastetxeen funtzio espezifikoak egiteko, zenbait eskola-ordu ezarriko dira, eta ikastetxeko zuzendaritza taldeak pertsona bakar bati edo batzuei esleitzen ahalko dizkie, indarrean dauden Urteko Lan Planak garatzeko, gauzatzeko eta justifikatzeko, bai eta etorkizuneko planak prestatzeko eta kudeatzeko ere.

Lanak koordinatze aldera, zuzendaritza taldeak bermatuko du horretarako esleitutako orduetako batean gutxienez kointziditzea.

Erreferentzia nazionaleko ikastetxeen eginkizunak egiteko esleitutako eskola-orduak irakaslearen ordutegi pertsonalean agertuko dira, "eskola-orduen" apartatuan, "LH-ENI" siglaren bidez.

CISER-Goi Mailako Lanbide Heziketako Energia Berriztagarrien Ikastetxe Bateratuaren eta ESTNA-Nafarroako Lanbide Eskola Tekniko Sanitarioa ikastetxe bateratuaren zuzendaritzek zehaztuko dute zer irakaslek eginen dituzten erreferentzia nazionaleko ikastetxeari dagozkion eginkizunak 2026-2027 ikasturtean. Ikastetxeak 2026ko irailaren 12a baino lehen jakinarazi beharko dio Lanbide Heziketaren Modernizaziorako eta Berrikuntzarako Zerbitzuari horretarako izendatutako arduradunaren edo arduradunen izena.

7. Lanbide Heziketako bikaintasun ikastetxeak.

Suspertze, Eraldatze eta Erresilientzia Planaren 20. osagaiaren barruan, izen hau eman zaio 2. inbertsioari: Lanbide Heziketaren Eraldatze Digitala; horren barruan, laugarren jarduketa ildoan, Estatuan 75 bikaintasun ikastetxek osatutako sare bat sortzea ezarri da, Lanbide Heziketako ikastetxeetatik bertatik suspertzeko bai ikerketa, bai programen eta metodologiaren etengabeko hobekuntza.

Lanbide Heziketako bikaintasun ikastetxeen estatuko sarea uztailaren 22ko EFP/717/2022 Aginduaren bidez sortu da; agindu horretan, sare horren ezarpen eta garapenerako laguntzak emateko oinarri arautzaileak ezartzen dira, Suspertze, Eraldatze eta Erresilientzia Planaren esparruan.

a) Nafarroako bikaintasun ikastetxeak.

Nafarroako Lanbide Heziketako bost ikastetxe publiko izendatu ziren bikaintasun ikastetxe, zein bere sektorean, Hezkuntza, Lanbide Heziketa eta Kirol Ministerioak argitaratutako deialdien bidez. Hauek dira ikastetxe horiek:

–Agroforestal IB, nekazaritzako elikagaien sektorean.

–San Juan Donibane IB, fabrikazio automatizatuaren sektorean.

–Virgen del Camino IBP, mekatronikaren sektorean.

–Burlada LH IB, turismoaren sektorean.

–CISER-Energia Berriztagarrien Goi Mailako IB, eraikuntzaren eta jasangarritasun energetikoaren sektorean.

b) Bikaintasun ikastetxeen ezaugarriak.

Nafarroako bikaintasun ikastetxeen helburua da, zein bere sektorean, ekosistema berritzaileen pizgarriak izatea eta berrikuntza, ikerketa eta ekintzailetza inguruneak sorraraztea.

Lanbide Heziketako bikaintasun ikastetxeen estatu sarea osatzen duten bikaintasun ikastetxeek ezaugarri hauek dituzte:

–Berrikuntza eta bikaintasuna Lanbide Heziketako zerbitzuak ematean, eta Lanbide Heziketako eskaintzak arautzen dituzten arauetan aurreikusitako prestakuntza ekintza eta modalitateetan, bai prestakuntza prozesuen ikuspegitik, bai erabilgarri dauden eta erabiltzen diren bitarteko eta baliabideei dagokienez, bai digitalizazio aplikatuko eta ingurumen jasangarritasuneko prozedurak eta edukiak inplementatzeko ikuspegitik. Esparru honen parte dira curriculumak antolatzeko eta irakasteko proposamen berritzaileak, hots, erronketan oinarritutako ikaskuntza-metodologiak, proiektu bereziak edo beste metodologia aktibo batzuk darabiltzatenak.

–Berrikuntza eta bikaintasuna ekoizpen prozesuei aplikatutako ikerketa proiektuei dagokienez edo ikastetxeak jarduten duen sektore, azpisektore edo lanbide arloei dagozkien zerbitzuak emateko proiektuei dagokienez. Izan ere, ikastetxeak proiektu horiek garatzeko, hezkuntza eta prestakuntza ingurunean zuzeneko lotura duten beste ikastetxe batzuekin batera parte hartzen du, bai eta beste lurralde batzuetako ikastetxeekin, enpresekin, erakundeekin eta entitateekin ere.

–Berrikuntza eta bikaintasuna ekintzailetzari laguntzeko orduan, hezkuntzako eta prestakuntzako trantsizioan laguntzeko orduan eta ikasleak laneratzen laguntzeko ekimenetan.

–Berrikuntza eta bikaintasuna, hezkuntza, gizarte eta lan ingurunean harreman eta proiektu komunak ezartzean, bai eta administrazio publikoekiko, enpresekiko, erakundeekiko eta entitateekiko harremanetan ere.

–Berrikuntza eta bikaintasuna honako elementu hauek plan eta proiektuetan sartzeari dagokionez: hezkuntza eta prestakuntza esparruetan eta lanbidean jarduteko esparruetan genero berdintasun eragingarria bultzatzen duten elementuak, eta bereziki zaurgarriak diren kolektiboen integrazioa eta haientzako prestakuntza bideak sustatzen dituztenak.

c) Bikaintasun ikastetxeen jarduketak.

Bikaintasun ikastetxeen jarduketak koordinatuko dituzten pertsonen antolaketa zuzendaritza nagusi eskudunaren ebazpen bidez zehaztuko da, Hezkuntza, Lanbide Heziketa eta Kirol Ministerioaren finantzaketa jaso ondoren.

8. Estatuko edo Europako funtsekin finantzatutako jarduketetan laguntzea.

Estatuko edo Europako funtsekin edo Lanbide Heziketaren Sistemari lotutako beste funts finalistekin finantzatutako jarduketetan parte hartzen duten ikastetxeek Hezkuntza Departamentuarekin lan egin beharko dute jarduketa horien kudeaketa, jarraipena, justifikazioa eta hedapena egiteko.

Lankidetza horretan, egoki bada, informazio teknikoa eta ekonomikoa aurkeztu beharko da, memoriak edo txostenak egin beharko dira, dokumentazioa zaindu beharko da, lanaren ebidentziak identifikatu beharko dira, gorabeherak komunikatu beharko dira eta kontrol, jarraipen edo egiaztapen jarduketetan parte hartu beharko da.

Parte hartzen duten zuzendaritza taldeek eta irakasleek Hezkuntza Departamentuak eta finantza organoek ezarritako jarraibideak bete beharko dituzte, eta arreta berezia jarri beharko dute bete daitezen epeak, publizitate betebeharrak, gastuen trazabilitatea, datuen babesa eta dokumentuen zaintza.

9. Txostenak egitea Lanbide Heziketako eskaintza planifikatzeko.

Lanbide Heziketa Antolatu eta Integratzeari buruzko martxoaren 31ko 3/2022 Lege Organikoaren 42. artikuluak ezartzen duenez, hezkuntza administrazioei dagokie funts publikoekin sostengatutako heziketa zikloen eskaintza programatzea.

Hona hemen Hezkuntza Departamentuaren helburuak:

–Ikastetxe publikoetako prestakuntza guneak nola erabiltzen diren jakitea.

–Ikastetxe publikoetan eskuragarri dagoen espazioa erabiltzean efizientzia handiagoa lortzea.

–Guneen kudeaketan gardentasuna sustatzea, Lanbide Heziketako ikastetxe publikoen sare guztiak jakin dezan nola erabiltzen diren eskura dauden guneak.

–Hezkuntza Departamentuak Lanbide Heziketako eskaintzaren plangintza orokorrari buruz erabakiak hartzea ahalbidetzea.

–Eskaintza planifikatzean, sustatzea txanden eta guneen antolakuntza orekatua izan dadin, eta saiatzea erdi mailako prestakuntzarako ezartzen den eskaintza ahal dela eguneko txandetan ezartzea, derrigorrezko irakaskuntzaren ondoko beste irakaskuntza batzuetako eskaintzan bezala.

Hori helburu, ikastetxe publiko bakoitzeko zuzendaritza taldeak ikastetxean eskaintzen diren zikloen analisia egin beharko du, eta horren gaineko txosten bat prestatu, gutxienez honako alderdi hauek jasoko dituena 2026-2027 ikasturteari buruz:

–Ikastetxeko prestakuntza guneen zerrenda: besteak beste, ikasgelak, laborategiak eta lantegiak.

–Prestakuntza gune bakoitzaren erabilera orduak egunez egun adierazten dituen taula, zein taldek erabiltzen duen adierazita. Goizeko erabilera orduak eta arratsaldekoak bereiziko dira. Ikasturtean zehar gune horien erabilera aldatuz gero, jakinarazi beharko da.

–Ikastetxeak aurretiaz aipatutako helburuak lortzera hurbiltzeko egoki jotzen dituen proposamenak.

Txosten hori 2026ko abenduaren 31 baino lehen igorri beharko zaio Lanbide Heziketaren Plangintza eta Integraziorako Zerbitzuko zuzendaritzari.

10. Ikastetxeei buruzko informazioa eguneratzea.

Ulertu behar da kapitulu honetan jasotako informazioa eguneratzen ahalko dela Lanbide Heziketaren eskaintza planifikatzearen ondorioz, administrazio baimenen ondorioz, irakaskuntzak aldatzearen ondorioz, ikastetxeak sortzearen edo aldatzearen ondorioz, Estatuko edo Europako sareetara sartzearen ondorioz edo Hezkuntza Departamentuak ematen dituen ebazpenen ondorioz.

Ikastetxeek Hezkuntza Departamentuari emanen dioten informazioarekin, Nafarroako Lanbide Heziketaren Sistemako ikastetxe sareen plangintza eguneratuta egonen da eta funts publikoekin sostengatutako eskaintzen antolakuntza egokia bermatuko da.

XI. TITULUA.–LANBIDE HEZIKETA HOBETZEKO, HEDATZEKO, AITORTZEKO ETA LANKIDETZAN ARITZEKO PROGRAMAK

1. Lanbide Heziketa hobetzeko, hedatzeko, aitortzeko eta lankidetzan aritzeko programak.

Kapitulu honetako jarraibideek programak eta jarduketak arautzen dituzte, helburu dutenak Lanbide Heziketaren kalitatea, hedapena, lankidetza, aintzatespena, eguneratze profesionala eta proiekzio soziala hobetzea eta hura lotzea ekoizpen ingurunearekin, unibertsitatekoarekin, Europakoarekin eta nazioartekoarekin.

2026-2027 ikasturtean zehar, programa horien bidez Lanbide Heziketaren erakargarritasuna hobetuko da, haren ikusgaitasuna hobetuko da, irakasleen eguneratze teknikoa eta metodologikoa sustatuko da, ikasleen bikaintasuna bultzatuko da, enpresekin eta unibertsitateekin lankidetzan aritzea sustatuko da eta pertsonentzat zein ekoizpen sektoreentzat balio handiagokoak diren prestakuntza ibilbideak finkatuko dira.

Kapitulu honetan jasotako jarduketak antolakuntzakoak eta prozedurakoak izanen dira; nolanahi ere, aplikatzekoak izanen dira programa edo jarduketa zehatz bakoitzerako jarraibide espezifikoak, deialdiak, hitzarmenak, ebazpenak edo prozedurak.

2. Lanbide Heziketa elebiduneko zikloak.

Lanbide Heziketa elebiduna prestakuntzarako eskaintzaren kalitatea hobetzeko jarduketa bat da; hain zuzen ere, honako hauek ditu xede: ikasleek atzerriko hizkuntzetan duten konpetentzia handitzea, enplegagarritasuna sustatzea, prestakuntza zikloak nazioarteratzea ireki daitezen faboratzea eta ikasleak hobeki prestatzea gero eta nazioarteratuago dauden ingurune profesionaletarako.

2026-2027 ikasturtean, jarraituko da Nafarroan Lanbide Heziketa elebiduneko zikloak ezartzen eta garatzen, bat etorriz Hezkuntza Departamentuak onetsitako eskaintzaren plangintzarekin eta ziklo, ikastetxe eta lanbide arlo bakoitzerako ezarritako irizpideekin.

Lanbide Heziketako zikloen eskaintzetan honako hauek egoten ahal dira, besteak beste:

–Onarpen prozesuan Lanbide Heziketa elebidun gisa eskainitako goi mailako zikloak; lehenengo mailan eta bigarren mailan, atzerriko hizkuntzan emanen den lanbide modulu bat izan beharko dute, gutxienez.

–Onarpen prozesuan Lanbide Heziketa elebidun gisa eskaini ez diren goi mailako zikoak; lehenengo mailan atzerriko hizkuntzan emanen den lanbide modulu bat izan beharko dute, eta atzerriko hizkuntza erabiltzea aurreikusten duen proiektu intermodular bat edo antzeko prestakuntza jarduera bat egitea aurreikusi beharko dute, gutxienez.

–Lanbide Heziketa elebidun gisa eskainitako erdi mailako zikloak; lehenengo mailan eta bigarren mailan atzerriko hizkuntzan emanen den lanbide modulu bat izan beharko dute. Horrez gain, bigarren mailan modulu bat izan beharko da, gutxienez biltzen duena atzerriko hizkuntzan garatu beharreko lan unitate edo unitate didaktiko bat, bai eta, hala ezartzen denean, gainerako unitateetan atzerriko hizkuntzan irakatsi eta ikasteko jarduerak ere.

Zikloko komunikazio hizkuntzan ez ezik atzerriko hizkuntzan ere ematen den moduluan irakasteko, aurreko ikasturteetan aplikatutako irizpide berari jarraituko zaio. Ahal dela, lanbide moduluan irakasten duen eta behar den hizkuntza eskakizuna duen irakasleren ardura izanen da irakaskuntza. Ez badago hizkuntza eskakizuna duen irakaslerik, irakaskuntza horiek Ingelesa edo Frantsesa espezialitateko irakasleek ematen ahalko dute, zein behar den, eta moduluaren programazioa egoera horretara egokitu beharko da.

Atzerriko hizkuntzaren espezialitateko irakasleek esku hartzen dutenean, haien parte hartzea bideratuta egonen da behar den laguntza ematera atzerriko hizkuntzako material espezifikoak prestatu eta erabiltzeko, hizkuntza horretan lanbide komunikazioa egiteko, eta, hala badagokio, partekatutako irakaskuntza orduak gauzatzeko. Edonola ere, horrek ez du ordeztuko moduluko lanbide edukiek duten berezko erantzukizun teknikoa.

Lanbide Heziketa elebiduneko zikloak ematen dituzten ikastetxeek behar diren jarduketak txertatu beharko dituzte beren plangintza instituzionalean, eta faboratu beharko dute koordinazioa egon dadin lanbide moduluen irakasleen, atzerriko hizkuntzen irakasleen, lanbide arloko departamentuen eta zuzendaritza taldeen artean.

3. Lanbide Heziketako nazioarteko titulazio bikoitzak.

Lanbide Heziketako nazioarteko titulazio bikoitzak bide bat dira irakaskuntzak hobetzeko, proiektatzeko eta nazioarteratzeko. Curriculumak, ibilbideak edo jarduketa partekatuak garatzeko aukerari lotuta daude, baldin eta egoki badira, hala badagokio, beste herrialde batzuekiko akordioen esparruan tituluak edo aitortzak lortzeko.

Halakorik egonez gero, Lanbide Heziketako nazioarteko titulazio bikoitzak aztertzeko, kontrastatzeko eta garatzeko lanak jarraitzen ahalko dira 2026-2027 ikasturtean, eta eskaintza mota honetarako egokiak izaten hala diren lanbide arloak, prestakuntza zikloak, Nafarroako ikastetxeak eta atzerriko ikastetxeak hartuko dira kontuan.

Titulazio posible horien azterketa egitean, ezinbestekoa izanen da Hezkuntza Departamentuarekin koordinatzea, betiere aintzat hartuta Estatuko oinarrizko araudia, dagokion herrialdeko edo hezkuntza sistemako araudia, ezarritako akordioak –halakorik balego–, ikastetxeen antolakuntza bideragarritasuna, enpresen edo pareko erakundeen eskuragarritasuna eta ekoizpen sektoreen premietara egokitzea.

Nazioarteko titulazio bikoitzak aztertzeko, diseinatzeko edo garatzeko interesa duten ikastetxeek parte-hartzea bideratu beharko dute Hezkuntza Departamentuak ezarritako prozedurak baliatuta, eta eskatzen zaien informazioa prestatzen lagundu beharko dute.

Nazioarteko titulazio bikoitzekin lotutako jarduketak egiten direnean, Lanbide Heziketa nazioarteratzeari buruzko kapituluarekin koordinatu beharko dute, bai eta, hala badagokio, hori ezartzeko jarraibide espezifikoekin ere.

4. Lanbide Heziketako txapelketak

4.1. NavarraSkills, SpainSkills, EuroSkills eta WorldSkills.

Lanbide Heziketaren kalitatea, bikaintasuna, erakargarritasuna eta ikusgarritasuna sustatzeko jarduketa bat da ikastetxeek eta ikasleek Lanbide Heziketako txapelketetan parte hartzea.

Lanbide Heziketako txapelketak prestatzeak eta horietan parte hartzeak hainbat elementu sustatzen eta hobetzen ditu, horien artean ikasleen motibazioa, laneratzeko espektatibak, eguneratze teknikoa, ikastetxeen eta enpresen arteko lankidetza, lanbide arloen hedapena eta prestakuntzako jardunbide egokiak identifikatzea.

2026-2027 ikasturtean, NavarraSkills txapelketa autonomikoa eginen da. Hura erreferentzia fasea izanen da SpainSkills estatuko txapelketan Nafarroak parte har dezan, eta, hala suertatuz gero, SpainSkills txapelketan irabazten duten ikasleek EuroSkills Europako txapelketetan eta WorldSkills munduko txapelketan parte hartzeko.

NavarraSkills txapelketa autonomikoa 2027ko martxoan eginen da.

Ikastetxeek detektatu, prestatu eta lagundu beharko dituzte, ahal dela, lehiaketako modalitate edo espezialitateetan parte har dezaketen ikasleak, bat etorriz Hezkuntza Departamentuak zehazten dituen jarraibide, egutegi, espezialitate eta prozedurekin.

Hezkuntzako eta Lanbide Heziketako Zuzendaritza Nagusiak jarraibide espezifikoak ezartzen ahalko ditu NavarraSkills antolatzeko, parte hartuko duten ikasleak hautatzeko, "skill" tutoreak hautatzeko, ikastetxe eta enpresekin koordinatzeko, baliabideak kudeatzeko eta aurrerago Estatuko, Europako edo munduko txapelketetan parte hartzeko.

Zuzendaritza taldeak erabakitzen ahalko du lanbide arlo bakoitzeko irakasle bati edo batzuei esleitzea "Nafarroan ekitatean eta hezkuntza-kalitatean aurrera egiteko Itun"aren II. kapituluko ("Irakasleak") 4. apartatuko ("Irakasleen eskola-ordutegia") bigarren gidoian adierazitako asteko bi ordu osagarrietako bat, era horretan ikastetxeko ikasleak parte hartu behar duen "skill" tutorearen lanak egin ahal izan ditzan.

Horrez gain, eta adierazi itunean jasotakoari jarraikiz, bigarren ordu osagarri bat ezartzen ahalko da, irakasle taldeek edo departamentuek proposatuta. Aipatutako orduetan lehenengoa "ECDPI-SK1" siglen bidez jasoko da, "ordu osagarriak" apartatuan, esleitzen zaien irakasleen ordutegi pertsonalean; eta bigarren ordua "TPP-SK1" siglen bidez jasoko da, "ordu osagarriak" apartatuan, esleitzen zaien irakasleen ordutegi pertsonalean.

Horrez gain, zeregin horretarako gutxienez 3 ordu osagarri ere esleituko dira, esleitzen zaizkion irakasleari bere ordutegi pertsonalean txertatuko zaizkio, "ordu osagarriak" apartatuan, "LH-SK2" siglaren bidez.

4.2. Abilympics.

Hezkuntzako eta Lanbide Heziketako Zuzendaritza Nagusiaren iritziz, ikastetxeek eta hezkuntza premia bereziak dituzten ikasleek espezialitateen lehiaketetan parte hartzea aukera egokia da Lanbide Heziketaren kalitatea sustatzeko eta haren erakargarritasuna eta bikaintasuna sustatzeko. Hezkuntza premia bereziak dituzten ikasleek parte hartzea pizgarri bat da haiek motibatzeko eta lanerako aurreikuspenak hobetzeko. Abilympics ekimena 4 urtean behin egiten den nazioarteko txapelketa bat da. Hurrengo edizioa Finlandian izanen da, 2027ko maiatzean. Parte hartzeko behar adinako maila erakusten badute eta dagokien "skill"-ean lehenengo postuan geratzen badira, ikasle horiek aukera izanen dute premia bereziak dituzten pertsonentzako trebetasunen joko olinpikoetan parte hartzeko (Abilympics).

Hurrengo txapelketa 2027ko maiatzaren 9tik 14ra bitarte eginen da, Helsinkin (Finlandia). Argibide gehiagorako: https://abilympics2027.com/en/.

2026-2027 ikasturtean, ikastetxeek prestakuntza eman beharko diete txapelketan parte hartzeko irizpideak betetzen dituzten eta NAbilympics txapelketan parte hartu nahi duten ikasleei. Txapelketa 2026ko urrian izatea aurreikusten da.

Ikasleak hautatzeko eta prestatzeko lanak eginda, hala NAbilympics-era aurkezten direnak nola Abilympics-etan lehiatzeko hautatzen direnak, zeregin horretan parte hartzen duten irakasleek dedikazio espezifikoa hartzen dute; izan ere, ikasleak ikasgelan prestatzeaz gain kasuan kasuko moduluen curriculuma garatuz, prestakuntza praktikoa nabarmen areagotu behar da.

Zuzendaritza taldeak erabakitzen ahalko du lanbide arlo bakoitzeko irakasle bati edo batzuei esleitzea "Nafarroan ekitatean eta hezkuntza-kalitatean aurrera egiteko Itun"aren II. kapituluko ("Irakasleak") 4. apartatuko ("Irakasleen eskola-ordutegia") bigarren gidoian adierazitako asteko bi ordu osagarrietako bat, era horretan ikastetxeko ikasleak parte hartu behar duen "skill" tutorearen lanak egin ahal izan ditzan.

Horrez gain, eta adierazi itunean jasotakoari jarraikiz, bigarren ordu osagarri bat ezartzen ahalko da, irakasle taldeek edo departamentuek proposatuta. Aipatutako orduetan lehenengoa "ECDPI-AB1" siglen bidez jasoko da, "ordu osagarriak" apartatuan, esleitzen zaien irakasleen ordutegi pertsonalean; eta bigarren ordua "TPP-AB1" siglen bidez jasoko da, "ordu osagarriak" apartatuan, esleitzen zaien irakasleen ordutegi pertsonalean.

4.3. Enpresako edo pareko erakundeko prestakuntza gisa zenbatzea.

Apartatu honetan adierazitako Lanbide Heziketako txapelketetan (NavarraSkills, EuroSkills, WorldSkills eta Abilympics) parte hartzen duten ikasleek eskubidea izanen dute txapelketarako baliatutako orduak enpresako edo pareko erakundeko prestakuntza gisa zenbatzeko. Horretarako, behar den dokumentazio guztia prestatu beharko da.

5. Enpresako egonaldiak, irakasleek zientzia, teknologia eta didaktika arloko ezagutzak eguneratzeko.

Enpresako egonaldiak prestakuntza ekintzak dira, bide ematen dietenak Lanbide Heziketako irakaskuntzetan irakasteko eskumena duten irakasleei (baita arte plastikoetako eta diseinuko zikloetako eta kirol irakaskuntzetako irakasleei ere) eguneratze zientifiko, teknologiko eta didaktikoko proiektu bat garatzeko.

Egonaldien xedea da irakasleak eguneratzea, ekoizpen eta zerbitzu prozesuak hobeki ezagutzea, ikastetxeen eta enpresen arteko harremana indartzea, ikasgelan teknologia, prozedura eta metodologia berriak txertatzea eta ezagutza lanbide ingurunetik Lanbide Heziketara transferitzea sustatzea.

2026-2027 ikasturtean, Hezkuntza Departamentuak hiru modalitate eskainiko ditu enpresako egonaldiak egiteko, bat etorriz deialdietan, tramitazio fitxetan, jarraibideetan edo dagozkion prozeduretan ezarritakoarekin.

6. Enpresako egonaldien modalitateak.

2026-2027 ikasturtean, hauek izanen dira enpresako egonaldien modalitateak:

a) EE_1: astean egun bat ikasturte osoan zehar, eskola-ordutegian. Modalitate honetan hiru eskola ordu eta bi ordu osagarri esleituko dira. Deialdian iragartzen diren ikaspostuak esleitzeko irizpide batzuk erabiliko dira, besteak beste, emakumeen eta gizonen arteko esleipena parekidea izatea eta ikaspostuak ahalik eta ikastetxe gehienetan banatzea.

Enpresako egonaldi bat esleitzen zaion irakaslearen ordutegian agertuko dira 3 eskola-ordu horiek, "eskola-ordu gisa zenbatzen diren orduak" apartatuan, "LH-EE1" siglaren bidez. 2 ordu osagarriak "ordu osagarriak" izeneko apartatuan agertuko dira irakaslearen ordutegi pertsonalean, "LH-EE2" siglaren bidez.

Modalitate hau Lanbide Heziketaren Plangintza eta Integraziorako Zerbitzuak kudeatuko du, Lanbide Heziketaren Garapenerako Bulegoaren bidez, bat etorriz dagokion deialdiarekin eta tramitazio fitxarekin.

b) EE_2: iraupen txikiko aldiak eskola-ordutegitik kanpo. Modalitate honek ez dakar berekin inolako ordutegi murrizketarik, eta ikasturte osoan zehar egoten ahalko da irekita, bat etorriz dagokion deialdian edo prozeduran ezarritakoarekin.

Modalitate hau Lanbide Heziketaren Plangintza eta Integraziorako Zerbitzuan kudeatzen da, Lanbide Heziketaren Garapenerako Bulegoaren bidez.

c) EE_3: egonaldiak Europar Batasuneko beste herrialde bateko enpresetan. Egonaldi hauek gutxienez 2 egunekoak izaten ahalko dira, eta, gehienez, 2 hilabetekoak. Erasmus+ Europako programaren urteko deialdiaren baitan edo aplikatzekoak diren beste Europako programa batzuen deialdiaren baitan egiten ahalko dira.

Modalitate hau Lanbide Heziketaren Modernizaziorako eta Berrikuntzarako Zerbitzuan kudeatzen da, Lanbide Heziketa Nazioarteratzeko Bulegoaren bidez.

Modalitateetako edozeinetan parte hartzen duten irakasleek deialdian ezarritako baldintzak bete beharko dituzte, dagokion dokumentazioa prestatu beharko dute eta ikastetxeari helarazi beharko diote, hala dagokionean, egonaldian zehar barneratutako ikaskuntzen aplikazioa.

7. Ekoizpen sektoreko profesional adituak eta profesional espezialistak.

Uztailaren 18ko 659/2023 Errege Dekretuaren 170. artikuluan ezarritakoaren arabera, Hezkuntza Departamentuak ekoizpen sektoreko profesional adituak kontratatzen ahalko ditu, eta ez dute nahitaez tituludunak izan beharko, baldin eta xedea bada Lanbide Heziketaren Sistemako edozein ikastetxetan Lanbide Heziketako eskaintzetan eskolak ematea eta aipatu artikuluko egoerak gertatzen badira.

Ekoizpen sektoreko profesional adituek eta profesional espezialistek parte hartuta, Lanbide Heziketaren eta lanbide errealitatearen arteko lotura indartzen da, ezagutza tekniko oso espezializatuak gehitzen dira, ikasleak eguneratutako prozesu, teknologia eta profil profesionaletara hurbiltzen dira eta ikastetxeen eta ekoizpen ingurunearen arteko lankidetza faboratzen da.

Adituek edo profesional espezialistek modulu profesionale(t)an eginen dute lana, edo, hala badagokio, ezarritako prestakuntza blokeetan. Haien ikuskapena prestakuntza eskaintzaren arduradunak eginen du, edo dagokion departamentuak edo kasu bakoitzerako ezarritako irakasleek.

Parte hartze hori prestakuntza prozesu osora luzatzen ahalko da, eta, kasua bada, dagozkion jarraipen, balorazio edo ebaluazio jarduketetara, betiere bat etorriz aplikatzekoa den araudiarekin edo egoki diren ebaluazio jarraibide espezifikoekin, eta ikastetxearen eta ardura hori duen irakasle edo organoaren erantzukizunpean.

Moduluaren irakaslana ekoizpen sektoreko profesional adituei dagokienean adituak kontratatzeko, bai eta prestakuntza prozesuan lan mundutik datozen pertsonek parte hartzea komenigarritzat jotzen den moduluetan ere, men eginen zaio Nafarroan profesional espezialistak kontratatzeko eta izendatzeko araubidea arautzen duen abuztuaren 2ko 260/1999 Foru Dekretuari, ezertan galarazi gabe aplikatzekoa den Estatuko oinarrizkoa araudia.

8. Profesional espezialistak eskatzea.

Lanbide Heziketako ikastetxeek profesional espezialistak kontratatzea eska dezakete. Ekoizpen sektoreko horrelako profesional adituak kontratatzea, oro har, honako kasu hauetarako aurreikusten da:

a) Moduluaren irakaslana ekoizpen sektoreko profesional adituei dagokien moduluetarako.

b) Prestakuntza prozesuan lan mundutik datozen pertsonek parte hartzea komenigarritzat jotzen den moduluetarako.

Bi kasuetan, baldin eta adituak kontratatzeko proposamenaren xedeko lanbide modulua edo moduluak 150 ordutik gorakoak badira, ikasturte bakoitzeko 150 eskola ordutik gorako kontratazioa egiten ahalko da.

Lanbide Heziketaren Plangintza eta Integraziorako Zerbitzuak, oro har, ez ditu tramitatuko ikastetxeek eginiko kontratazio eskaera hauek:

a) Osotara 20 ordu edo gutxiagokoak badira.

b) Osotara 20 ordu baino gehiagokoak badira kontratazio aldi batean baino gehiagotan, eta aldi horietako bat hamar ordu edo gutxiagokoa bada.

c) Osotara 20 ordu baino gehiagokoak badira, baina hilabeteko banaketa egitean hilabeteren batean kontratazio eskaera hamar ordu baino gutxiagokoa bada.

Ikastetxeko zuzendaritzak egin beharko dio kontratazio eskaera Lanbide Heziketaren Plangintza eta Integraziorako Zerbitzuari, zerbitzu horrek igortzen dituen jarraibideen arabera.

Kontratazio eskaerak honako baldintza hauek bete beharko ditu gutxienez:

–Eskaera arrazoitua izan beharko da.

–Eskatutako kontratazioari buruz Hezkuntza Departamentuak eskatutako datu guztiak txertatu beharko dira.

–Eskatzen bada irakasle espezialistak kontratatzea curriculumaren arabera espezialistentzako irakaslanik ezarrita ez duten moduluetan, inplikatutako lanbide moduluak eta ikaskuntzaren emaitzak zehaztu beharko dira, eta justifikatu zergatik behar den espezialista hori ikaskuntza-emaitza horiek lortzeko.

–Lanbide Heziketaren Plangintza eta Integraziorako Zerbitzuak ezarritako epe, eredu, komunikazio kanal eta dokumentazioarekin bat etorri beharko da.

8.1. 2026-2027 ikasturterako profesional espezialisten eskaerak, eta 2027-2028 ikasturterako aurreikuspena.

2026-2027 ikasturterako profesional espezialistak kontratatzeko eskaerak egiteko, Lanbide Heziketaren Plangintza eta Integraziorako Zerbitzuaren jarraibideak bete beharko dira, bai eta kapitulu honetan ezarritako irizpideak ere.

Baldin eta profesional espezialistak behar badira eskolak eman ditzaten 2026-2027 ikasturte osoan irakaslana haiei dagokien moduluetan, oro har, 2026-2027 ikasturteko plantillak egiten hasi baino lehen eskatu beharko da kontratatu daitezela.

Baldin eta pentsatzen bada komeni dela profesional espezialistak kontratatzea 2026-2027 ikasturtean zenbait modulutako prestakuntza prozesuetan, kontratatzeko eskaera honako epe hauen arabera egin beharko da:

a) 2026ko maiatza baino lehen, 2026-2027 ikasturteko lehen hiruhilekoan lanean hastekoak diren profesional espezialisten kasuan.

b) 2026ko azaroa baino lehen, 2027ko urtarriletik aurrera lanean hastekoak diren profesional espezialisten kasuan.

Ikastetxeetako lanbide arloetako departamentu didaktiko bakoitzak aztertu beharko ditu profesional espezialistak kontratatzeko beharrak, eta bere ikastetxeko zuzendaritzari bidali beharko dio kontratazio proposamena, kontuan izanda zein den azken eguna kontratazio eskaera igortzeko Lanbide Heziketaren Plangintza eta Integraziorako Zerbitzuari.

Proposamen horretan jaso beharko dira Hezkuntza Departamentuak eskatutako kontrataziorako datu guztiak.

2027-2028 ikasturteko plangintza egite aldera, ikasturte osoan zehar modulu batzuen irakaskuntza emateko behar diren profesional espezialistak kontratatzeko eskaerak egin beharko dira, oro har, 2027-2028 ikasturteari dagozkion plantillak prestatzen hasi baino lehen. Pentsatzen baldin bada komeni dela profesional espezialistek parte hartzea zenbait modulutako prestakuntza prozesuan, haiek kontratatzeko eskaerak 2027ko maiatza baino lehen egin beharko da, baldin eta 2027-2028 ikasturteko lehenengo hiruhilekoan hastekoak badira eskolak ematen. 2028ko urtarriletik aurrera hastekoak badira, ordea, 2027ko azaroa baino lehen egin beharko dira eskaerak, salbu eta jarraibide espezifikoek beste epe batzuk ezarri badira.

8.2. Profesional espezialisten kontratazio eskaerak komunikatzeko ikastetxeko arduraduna.

Ikastetxeko zuzendaritzak zehaztuko du nor den lanbide arloko departamentu didaktikoetan profesional espezialistak kontratatzeko beharrak aztertzeko barne koordinazioko arduraduna. Komeni da arduradun hori ikastetxeko zuzendaritza taldeko kide izatea.

Arduradunak profesional espezialistak kontratatzeko eskaerak bidaliko dizkio Lanbide Heziketaren Plangintza eta Integraziorako Zerbitzuko Lanbide Heziketaren Antolamendu eta Ebaluaziorako Atalari.

Komunikazio horietarako ikastetxeko arduraduna ez den beste inork bidalitako eskaerak ez dira kontuan hartuko.

Ikastetxeko zuzendariak 2026ko urriaren 31 baino lehen jakinarazi beharko dio Lanbide Heziketaren Antolamendu eta Ebaluaziorako Atalari nor izendatu den komunikazio horiek egiteko, horretarako ezarritako prozeduraren bidez.

8.3. Irakaskuntzaren hasieraren berri ematea irakasle espezialistei.

Profesional espezialistak kontratatzea eskatu duten ikastetxeek Hezkuntza Departamentuko Aldi Baterako Langileak Kudeatzeko Zerbitzuaren ebazpen bat jasoko dute, zeinaren bidez profesional espezialista kontratatzeko baimena emanen baita.

Ikastetxearen erantzukizuna izanen da, zehazten den prozeduraren bidez, proposatutako profesional espezialistei jakinaraztea haien kontratazioa baimendu dela eta noiz hasiko den dagokion eskaintzan parte hartzea edo irakaslana.

Ikastetxeko zuzendaritzak bermatu beharko du profesional espezialistak behar den informazio guztia duela honako hauei buruz: parte hartuko duen modulua, prestakuntza blokea edo eskaintza, ikastetxearen ordutegia, espazioak, ekipamenduak, funtzionamendu arauak, arriskuen prebentzioa, irakasleekin koordinazioa eta bere jarduera gauzatzeko behar den dokumentazioa.

9. Kreditu aitortza goi mailako teknikari tituluen eta Nafarroako Unibertsitate Publikoak zein Nafarroako Unibertsitateak emandako unibertsitate tituluen artean.

2021eko azaroaren 5ean, Hezkuntza Departamentuak hitzarmen bana sinatu zuen Nafarroako Unibertsitate Publikoarekin eta Nafarroako Unibertsitatearekin, xede harturik, batetik, lotura bat ezartzea unibertsitate horietan ematen diren unibertsitate tituluen eta Nafarroako Foru Komunitatean ematen diren goi mailako teknikari tituluen artean, eta, bestetik, aipatu titulu horien artean kredituak aitortzea.

Nafarroako Unibertsitate Publikoarekin sinatutako hitzarmena berrikusi egin da, eta, 2025eko apirilaren 14an, hitzarmen berri bat sinatu zuten Nafarroako Gobernuko Hezkuntza Departamentuak eta Nafarroako Unibertsitate Publikoak, goi mailako teknikari tituluen eta NUPek emandako graduko unibertsitate tituluen arteko kredituak aitortzeko.

2025eko apirilaren 14ko hitzarmen horretan, titulazio gehiagotara zabaldu zen 2021-2022 ikasturtetik indarrean dagoen 2+3 Talentu Plana.

Goi mailako teknikari tituluen eta Nafarroako Unibertsitate Publikoan zein Nafarroako Unibertsitatean emandako graduko tituluen artean kredituak aitortzeari buruzko kontsultak egiten ahalko dira Hezkuntza Departamentuaren Lanbide Heziketaren web-orrian edo horretarako ezarritako informazio guneetan.

Ikastetxeek interesa duten ikasleei hitzarmenei buruzko informazio orokorra eman beharko diete, bai eta, hala dagokionean, Hezkuntza Departamentuak edo dagozkion unibertsitateek argitaratutako informazio ofizial eguneratua ere.

9.1. 2+3 Talentu Plana.

2+3 Talentu plana lankidetza ekintza bat da, hain zuzen ere, Lanbide Heziketaren eta unibertsitatearen artekoa. Haren bidez, goi mailako heziketa ziklo bat amaitzen duten eta harekin lotutako unibertsitateko ikasketak egin nahi dituzten ikasleen prestakuntza ibilbideak indartzen dira.

2025eko apirilaren 14ko hitzarmenean espezifikoki jasotzen da Nafarroako Unibertsitate Publikoaren eta Nafarroako Gobernuaren Hezkuntza Departamentuko Lanbide Heziketaren arloan eskuduna den zuzendaritza nagusiaren arteko akordioa. Haren bidez goi mailako heziketa ziklo bat gainditzen duten, eta, hala badagokio, prestakuntza ziklo eta unibertsitate gradu bakoitzerako zehaztutako prestakuntza osagarri bat gainditzen duten ikasleei ECTS kredituak aitortuko zaizkie akordioari lotutako eta Nafarroako Unibertsitate Publikoan emandako unibertsitate-graduan.

2021-2022 ikasturtetik indarrean dagoen 2+3 Talentu Plana honako ikasketa-bikote hauetarako zehaztu zen: "Administrazioa eta Finantzak" goi mailako heziketa zikloa eta "Enpresen Administrazioa eta Zuzendaritza" unibertsitateko gradua, eta "Administrazioa eta Finantzak" goi mailako heziketa zikloa eta "Lan harremanak" unibertsitateko gradua. Bi kasuetarako, prestakuntza osagarri bat ezarri zen: "Marketina eta Publizitatea" goi mailako zikloaren bi lanbide modulu.

Hala, 2+3 Talentu Planari esker, "Administrazioa eta Finantzak" goi mailako heziketa zikloa eta prestakuntza osagarria Nafarroan bukatzen duten ikasleek, NUPen ikaspostua lortzen badute "Enpresen Administrazioa eta Zuzendaritza" edo "Lan Harremanak" unibertsitateko gradua egiteko, 180 ECTS kreditu egin beharko dituzte bakarrik, eta ez graduak dituen 240 ECTS kredituak; izan ere, 60 ECTS kreditu aitortuko zaizkie.

2+3 Talentu Plana zabaldu egin da "Gizarte eta Kirol Animazioa eta Irakaskuntza" eta "Egokitzapen fisikoa" goi mailako heziketa zikloetara eta "Jarduera Fisikoaren eta Kirolaren Zientziak" unibertsitate gradura; horrela, heziketa ziklo horietako bat gainditzen duten eta Nafarroako Unibertsitate Publikoan "Jarduera Fisikoaren eta Kirolaren Zientziak" graduan onartzen diren ikasleei 60 eta 51 ECTS kreditu aitortuko zaizkie, hurrenez hurren.

Hezkuntzako eta Lanbide Heziketako zuzendari nagusiaren ebazpen baten bidez ezarriko dira 2026-2027 ikasturtean Nafarroako Lanbide Heziketako ikastetxeetan "2+3 Talentu Planean" onartzeko prozedura eta haren antolaketa eta funtzionamendua arautzen dituzten jarraibideak.

9.2. 4+1 Talentu Plana.

Hezkuntzako eta Lanbide Heziketako Zuzendaritza Nagusiak, Lanbide Heziketaren Plangintza eta Integraziorako Zerbitzuaren bidez, 2026-2027 ikasturtean jarraitzen ahalko du 4+1 Talentu Plana izenekoa Nafarroan ezartzeko aukera aztertzen.

Plan horren bidez, unibertsitateko zenbait gradutako ikasleek aitortuta izanen dituzte behar adina ECTS kreditu goi mailako heziketa ziklo batean zikloa ikasturte bakarrean egin ahal izateko, baldin eta inplikatutako unibertsitateekin behar diren akordioak egiten badira eta aplikatzekoa den araudiarekin bat egoki diren kontrastea eta baimena edukitzen badituzte.

4+1 Talentu Plana ezartzeko, honako hauek egin beharko dira: bideragarritasun akademikoaren, antolakuntzakoaren eta juridikoaren azterketa; egokiak diren unibertsitateko tituluak eta goi mailako heziketa zikloak identifikatzea; aitortza posibleak ezartzea; Nafarroako Unibertsitate Publikoarekin, eta, hala badagokio Nafarroako Unibertsitatearekin koordinatzea, eta Hezkuntza, Lanbide Heziketa eta Kirol Ministerioarekin dagokion kontrastea egitea.

Behar diren jarraibideak, akordioak edo ebazpenak onetsi arte, 4+1 Talentu Plana azterketa eta plangintza ildo bat izanen da, eta ez du sortuko sartzeko eskubiderik, matrikula eskubiderik, kredituak aitortzeko eskubiderik edo prestakuntza zikloen iraupena murrizteko eskubiderik, onetsitako araudian edo akordioetan berariaz ezarritakoez gain.

10. Hobekuntza, hedapen, lankidetza eta aitortza programen jarraipena egitea.

Hezkuntza Departamentuaren zerbitzu eskudunek jarraipena egiten ahalko diete kapitulu honetan araututako programei eta jarduketei, eta ikastetxeei horien garapenari buruzko behar den informazioa eskatu.

Ikastetxeek zer jarduketatan parte hartzen duten, horien plangintzan, jarraipenean, justifikazioan eta hedapenean lagundu beharko dute, eta eskatzen zaien informazioa aurkeztu beharko dute, bai eta programa bakoitzerako ezarritako prozedurak, epeak eta baldintzak bete ere.

Programa horien jarraipena egitearen xedeak dira horien antolakuntza hobetzea, ikastetxeen parte-hartzea sustatzea, enpresekiko, unibertsitateekiko eta kanpo eragileekiko koordinazioa indartzea, jardunbide egokiak ikusgai egitea eta Nafarroako Lanbide Heziketaren Sistemaren etengabeko hobekuntzan laguntzea.

XII. KAPITULUA.–D ETA E GRADUAK EZARTZEKO ETA GARATZEKO ANTOLAKUNTZA JARRAIBIDEAK, EBALUAZIOARI LOTU GABEAK

1. Kapituluaren xedea eta izaera.

Kapitulu honek antolakuntzako jarraibideak jasotzen ditu, xede dutenak Nafarroako Lanbide Heziketaren Sistemako D eta E graduen ezarpena finkatzea eta garatzea 2026-2027 ikasturtean, ebaluazio izaerarik ez duten arloetan.

Kapitulu honetan jasotako jarraibideak honako hauei dagozkie: curriculumaren antolakuntza, irakasleen arteko koordinazioa, moduluak eta eskaintzak planifikatzea, Proiektu Intermodularra garatzea, antolakuntzaren kudeaketa EDUCAn egitea eta D eta E graduetako ohiko funtzionamendurako behar diren beste elementu batzuk.

Kapitulu honetan ez dira arautzen honako hauek: ebaluazioa, kalifikazioa, mailaz igotzea, titulazioa, ziurtapena, deialdiak, erreklamazioak, ebaluazio agiri ofizialak eta azken aktak. Horietarako guztietarako, men eginen zaie ebaluazio araudi espezifiko bati eta Lanbide Heziketaren Sistemako ebaluazioari buruzko foru agindua ezartzeko jarraibideei.

2. 2026-2027 ikasturtea: curriculum berrien erabateko ezarpena finkatzea.

2026-2027 ikasturtean finkatuko da erabat ezartzen direla Lanbide Heziketaren Sistemako D graduko curriculum berriak, egokituta egonen direnak Lanbide Heziketa Antolatu eta Integratzeari buruzko martxoaren 31ko 3/2022 Lege Organikora eta Lanbide Heziketaren Sistemaren antolamendua garatzen duen uztailaren 18ko 659/2023 Errege Dekretura.

Antolakuntza berriaren arabera heziketa zikloen lehenengo eta bigarren mailak ezarri ondoren, ikastetxeek antolakuntza plangintza baliatu beharko dute honako hauek gauzatzeko: curriculum berriak egonkortzea, moduluen arteko koordinazioa hobetzea, enpresako edo pareko erakundeko prestakuntzaren antolakuntza finkatzea, programazioen koherentzia indartzea eta D graduetako ohiko garapenerako behar diren barne prozedurak egokitzea.

Egonkortze hori egiterakoan, irizpide hauek erabiliko dira: koordinazioa, sinplifikazioa, antolakuntzaren jasangarritasuna eta ebazpen honetan araututako programa espezifikoekiko koherentzia.

3. Nafarroan D graduetako curriculum erreferenteak.

Nafarroako Lanbide Heziketaren Sistemako D graduak garatzeko, hauek hartzen dira oinarri: Estatuko oinarrizko araudia, aplikatzekoak diren tituluaren edo curriculumaren errege dekretuak eta Nafarroan onetsitako curriculumaren egokitzapenerako foru dekretuak.

Ondorio horietarako, 2026-2027 ikasturtean antolakuntzako erreferente izanen dira honako foru dekretu hauek:

–108/2024 Foru Dekretua, abenduaren 11koa, Lanbide Heziketako tituluen egiturak eta curriculumak ezartzen dituzten foru dekretuak aldatzen dituena, Lanbide Heziketa Antolatu eta Integratzeari buruzko 3/2022 Lege Organikoan, martxoaren 31koan, ezarritako xedapenetara egokitzeko. https://bon.navarra.es/eu/iragarkia/-/texto/2025/41/2.

–109/2024 Foru Dekretua, abenduaren 11koa, Nafarroako Foru Komunitatearen eremuan erdi mailako Lanbide Heziketako zenbait tituluren egitura eta curriculuma ezartzen dituzten foru dekretuak aldatu eta irakaskuntza horien antolamendurako oinarrizko alderdiak ezartzen dituena, Lanbide Heziketa Antolatu eta Integratzeari buruzko 3/2022 Lege Organikoan, martxoaren 31koan, ezarritako xedapenetara egokitzeko. https://bon.navarra.es/eu/iragarkia/-/texto/2025/52/1.

–110/2024 Foru Dekretua, abenduaren 11koa, zeinaren bidez aldatzen baitira goi mailako Lanbide Heziketako egituren eta curriculumak ezartzen dituzten foru dekretuak eta ezartzen baitira irakaskuntza horiek antolatzeko oinarrizko zenbait alderdi, Nafarroako Foru Komunitatean, Lanbide Heziketa Antolatu eta Integratzeari buruzko martxoaren 31ko 3/2022 Lege Organikoan ezarritako xedapenetara egokitzearren. https://bon.navarra.es/eu/iragarkia/-/texto/2025/63/0.

Ikastetxeek aintzat hartu beharko dituzte erreferente horiek honako hauek antolatzean: taldeak, ordutegiak, lanbide moduluak, esparruak, proiektu intermodularrak, enpresako edo pareko erakundeko prestakuntza, hautazko moduluak, moduluen eskaintza eta D graduen ezarpenari lotutako antolakuntzako beste elementu batzuk.

4. E graduak. Espezializazio ikastaroak

Lanbide Heziketaren Sistemako E graduak, espezializazio ikastaroei dagozkienak, honako hauen arabera antolatuko dira: espezializazio ikastaro bakoitza ezartzen duen errege dekretua, Estatuko oinarrizko araudia, Nafarroan baimendutako eskaintzaren plangintza eta Hezkuntza Departamentuak emandako jarraibide espezifikoak.

Espezializazio ikastaroen antolakuntzak honako hauek hartu beharko ditu kontuan: ikastaroaren izaera, haren iraupena, emateko araubidea, sartzeko baldintzak, enpresako edo pareko erakundeko prestakuntza egoteko aukerak, irakasleen eskuragarritasuna, espazioak eta ekipamenduak eta enpresekiko, zentro teknologikoekiko, unibertsitateekiko edo egoki diren beste eragile batzuekiko koordinazioa.

Espezializazio ikastaro batek enpresako edo pareko erakundeko prestakuntza barne hartzen badu, aplikatzekoa izanen da ebazpen honen IV. kapituluan ezarritakoa eta E graduetarako ematen diren jarraibide espezifikoetan ezarritakoa.

5. Antolakuntza berria dela-eta txertatutako edo indartutako moduluen antolakuntza.

Martxoaren 31ko 3/2022 Lege Organikoaren ondoriozko curriculum berriak ezartzeak eragin du curriculumeko zenbait modulu eta elementu berri txertatzea eta beste batzuk indartzea. Horretarako, ikastetxeek berariazko antolakuntzako plangintza egin beharko dute.

Moduluen eta elementuen artean honako hauek daude, besteak beste: Enplegagarritasunerako Ibilbide Pertsonala I eta II, Ekoizpen Sektoreetara aplikatutako Digitalizazioa, Ekoizpen Sistemari aplikatutako Jasangarritasuna, Ingeles Profesionala, Proiektu Intermodularra eta erdi eta goi mailako hautazko moduluak.

Ikastetxeek bermatu beharko dute koordinazioa badagoela modulu hauen eta zikloko gainerako lanbide moduluen artean. Hala, ekidinen da antolakuntza zatikatzea eta faboratuko da antolakuntzaren garapenak indartu ditzala enplegagarritasuna, digitalizazioa, jasangarritasuna, lanbide komunikaziorako konpetentzia, berrikuntza, ekintzailetza eta ikaskuntzak barneratzea.

6. Enplegagarritasunerako Ibilbide Pertsonala I eta II.

Enplegagarritasunerako Ibilbide Pertsonala I eta II moduluak antolatzeko, nahitaezkoa izanen da koordinatzea heziketa zikloaren gainerakoarekin, Lanbide Heziketaren Sistemako lanbide orientazioarekin, LH-Bidearekin eta enplegagarritasunari, enpresako prestakuntzari, laneko arriskuak prebenitzeari eta ekoizpen ingurunea ezagutzeari lotutako ikastetxeko gainerako jarduketekin.

Modulu horien antolakuntzak faboratu beharko du ikasleek prestakuntza eta laneko ibilbidea pixkanaka eraikitzea, erabakiak informatuta hartzea, enplegagarritasuna hobetzea, enpresako edo pareko erakundeko prestakuntzarako prestatzea eta txertatzeko, prestakuntzaren jarraitutasunerako, ekintzailetzako edo lanbide eguneratzeko aukerekin lotzea.

Modulu horien irakasle arduradunek taldeko tutorearekin koordinatu beharko dute, bai eta ikastetxeko tutorearekin, Kanpoko Lanbide Jardueren Departamentuarekin, lanbide orientazioko kide anitzeko batzordearekin eta ikastetxeko beste profil batzuekin ere, hala behar duenean.

7. Digitalizazio aplikatua eta Jasangarritasun aplikatua.

Ekoizpen Sektoreei aplikatutako Digitalizazioa eta Ekoizpen Sistemari aplikatutako Jasangarritasuna moduluak antolatzean, zeharkakotasun ikuspegia aplikatu beharko da, lanbide arloarekin, ekoizpen sektorearekin eta enpresen errealitate teknologiko eta ingurumenekoarekin lotuta.

Lanbide arloetako departamentuak saiatu beharko dira modulu hauek dagozkion sektorearen egoeretara, prozesuetara, erronketara edo arazoetara lotu daitezen, eta ekidinen dute eskolak ematean erreferentziazko lanbide kualifikazioari deskonektatuta egotea.

Modulu hauek antolatzean, aukera egonen da honako proiektu hauekin koordinatzea: LH-Think, ATeCA ikasgelak, bikaintasun ikastetxeak, berrikuntza jarduketak, jasangarritasun proiektuak, enpresekin lankidetzan aritzea, enpresako edo pareko erakundeko prestakuntza eta moduluen prestakuntza erabilgarritasuna sustatzea ahalbidetzen duten beste ekimen batzuk.

8. Ingeles Profesionala.

Ingeles Profesionalaren moduluak antolatzean, aintzat hartu beharko da komunikaziorako, arlo profesionalerako eta sektore arlorako duen xedea; hala, ikasleei beren heziketa zikloari dagozkion lanbide testuinguruetarako hizkuntza konpetentzia hobetzen lagunduko zaie.

Ingeles Profesionala modulua emanen duten irakasleek, egoki denean, zikloko gainerako lanbide moduluetako irakasleekin koordinatu beharko dute, batez ere ziklo elebidunak badira, proiektu intermodularrak egiten badituzte, nazioarteko mugikortasunak egiten badituzte, nazioarteko titulazio bikoitzak egiten badituzte eta atzerriko hizkuntzaren erabilera profesionala eskatzen duten jarduketak egin behar badituzte.

Moduluaren programazioak eta antolakuntzak faboratu beharko dute atzerriko hizkuntza modu funtzionalean erabiltzen dela lanbide egoeretan, dokumentu teknikoetan, ahozko eta idatzizko komunikazioan, informazioa bilatzean, proiektuak aurkeztean eta Lanbide Heziketari lotutako Europako edo nazioarteko testuinguruetan parte hartzean.

9. Proiektu intermodularra. Antolakuntzari dagozkion alderdi orokorrak.

Lanbide Heziketa Antolatu eta Integratzeari buruzko martxoaren 31ko 3/2022 Lege Organikoaren 41. artikuluarekin bat, Proiektu Intermodularrak barne hartu beharko ditu heziketa zikloa osatzen duten lanbide profesionaletan txertatutako ezagutza guztiak, eta arreta berezia jarriko da informazioa bilatzean, berrikuntzan, aplikatutako ikerketan eta ekintzailetzan, horiek guztiak zikloaren ikaskuntzaren emaitzei lotuta.

Era berean, bat etorriz aipatu martxoaren 31ko 3/2022 Lege Organikoaren 41. artikuluarekin, Proiektu Intermodularrak jarraipen eta tutoretza banakakoa zein kolektiboa izanen du, eta gainerako lanbide profesionalekin batera gauzatuko da, heziketa zikloaren iraupen osoan zehar.

Antolakuntza ondorioetarako, banakako tutoretza bideratuko da jarraipena egitera ikasle bakoitzak proiektua garatzean egiten duen aurrerapenari, ekarpenari, dituen zailtasunei eta laguntza premiei dagokienez. Tutoretza kolektiboa honako hauetara bideratuko da: proiektuaren baterako antolakuntza; faseen koordinazioa; hainbat lanbide modulutan, esparrutan edo prestakuntza elementutan oinarritutako ikaskuntzak integratzea, eta taldeak, azpitaldeak edo lantaldeak eginiko lanaren jarraipena.

Ikastetxeak tutoretzaren bi dimentsio horiek zehazki antolatuko ditu, eta hark ezarriko du Proiektu Intermodularraren irakasle arduradunaren parte-hartzea, bai eta lanbide arloko departamentuarena eta gainerako irakasle taldearena ere, bat etorriz zikloaren plangintzarekin, proiektuaren ezaugarriekin eta eskuragarri dauden baliabideekin.

Proiektu Intermodularra ikasturte hasieratik planifikatu beharko da, edo ikastetxeak heziketa zikloaren ezaugarrien arabera ezartzen duen unetik aurrera. Ez da isolatutako jarduketa gisa eratu beharko, ez eta prestakuntza prozesuaren amaieran soilik egin beharreko jarduketa gisa ere.

Lanbide arloetako departamentuek bermatu beharko dute lanbide moduluen, esparruen edo zikloko prestakuntza elementuen programazio didaktikoen edo plangintzako dokumentuen esparruan Proiektu Intermodularrari dagozkion antolakuntzazko alderdiak zehazten direla, zikloaren ikaskuntzekin lotuta daudela, zereginen denboraren banaketa egiten dela, banakako eta taldeko jarraipena egiten dela, irakasleen artean koordinatzen direla, behar diren baliabideak bideratzen direla eta, hala dagokionean, proiektuaren defentsa aurkezteko modua ezartzen dela.

Proiektu Intermodularraren garapena proiektuari berariaz esleitutako orduetan edo aldietan eginen da, bai eta ikastetxeak ikaskuntzen integrazioa, proiektuaren amaiera eta, hala dagokionean, aurkezpena edo defentsa errazteko antolatzen dituen lanaldietan ere, betiere bat etorrita zikloaren antolamendu orokorrarekin, aplikatu beharreko curriculumarekin eta enpresako prestakuntzarekin edo pareko organismoarekin.

Proiektu Intermodularra bukatu behar bada ebaluaziorako jarraibide espezifiko berriek indarra hartu baino lehen, ikastetxeak unean indarrean dagoen araudia aplikatuko du, bai eta dagokion curriculuma eta irizpideak, programazioan edo irakaskuntza planifikatzeko dokumentuan jasotako prozedurak eta tresnak ere. Horrela bermatuko da ikasleei aurretiaz ematen zaiela informazioa, objektibotasuna, trazabilitate nahikoa, ikaskuntzaren emaitzekiko koherentzia edo proiektuari lotutako konpetentziak.

Proiektu Intermodularraren kalifikazio, gainditze, berrikuspen, erreklamazio eta ondorio akademikoei dagozkien alderdiak bat etorriko dira erabaki akademikoak hartzen diren unean indarrean dagoen ebaluazioko araudi espezifikoarekin eta Hezkuntza Departamentuak emandako jarraibideekin.

9.1. Proiektu Intermodularra oinarrizko mailako zikloetan.

Martxoaren 31ko 3/2022 Lege Organikoaren 41.2 artikuluan ezarritakoarekin bat, oinarrizko mailako zikloetan Proiektu Intermodularra proiektu kolaboratibo bakar bat izanen da heziketa zikloaren iraupen osorako.

Horrez gain, uztailaren 18ko 659/2023 Errege Dekretuaren 85.2.d) artikuluaren arabera, oinarrizko mailako zikloak ikaskuntza kolaboratiboko Proiektu Intermodular bat barne hartuko du zikloaren iraupen osorako, eta lotuta egonen da Komunikazioaren eta Gizarte Zientzien esparruarekin, Zientzia Aplikatuen esparruarekin eta Lanbide esparruarekin.

Ikaskuntza kolaboratiboko Proiektu Intermodularrak barneratutako konpetentziak integratuko ditu, eta gainerako esparru eta lanbide moduluak gauzatu bitartean eginen da, zikloaren iraupen osoan zehar, jarraipen eta tutoretza banakako eta kolektiboaren bidez.

Irakasle taldeak erronka, zeregin, produktu, jarduketa edo ikaskuntza egoera bat edo batzuk diseinatuko ditu; horietan, ikasleek zikloko lanbide modulu edo esparru bati baino gehiagori lotutako ikaskuntzen aktibatze integrala gauzatuko da, bat etorriz aplikatzekoa den curriculumarekin eta ikasleen ezaugarriekin.

Ikastetxeak ezarriko du ikaskuntza kolaboratiboko Proiektu Intermodularra noiz hasiko den, baita denboraren antolakuntza, baliabideak, laguntzak, tutoretza arduradunak eta koordinazio mekanismoak ere, eta bermatuko du proiektuaren iraupena izanen dela, gutxienez, oinarrizko araudian ezarritakoa.

Proiektu Intermodularraren irakasle arduradunak bere gain hartuko ditu proiektuaren tutoretza eginkizunak, nahiz eta posible izanen den eginkizun horiek talde horretan eskolak ematen dituzten irakasle taldeko hainbat kideren artean banatzea edo partekatzea, bat etorriz ikastetxeak ezarritako antolakuntzarekin eta aplikatzekoak diren jarraibideekin.

9.2. Proiektu Intermodularra erdi eta goi mailako heziketa zikloetan.

Uztailaren 18ko 659/2023 Errege Dekretuaren 96.1 artikuluarekin bat, erdi eta goi mailako heziketa zikloek Proiektu Intermodularra barne hartuko dute nahitaezko enborreko atalean.

Halaber, uztailaren 18ko 659/2023 Errege Dekretuaren 96.3 artikuluarekin bat, Proiektu Intermodularrak barneratutako konpetentziak barne hartuko ditu, eta heziketa zikloan bakarra izanen da; jarraipen eta tutoretza banakakoa zein kolektiboa izanen du, eta heziketa zikloan zehar gainerako lanbide moduluekin batera gauzatuko da. Ikastetxeek ezarriko dute noiz hasi beharko den Proiektua, heziketa zikloaren ezaugarrien arabera.

Erdi mailako heziketa zikloetan, Proiektu Intermodularraren antolakuntzak faboratu beharko du modu integratuan aplikatzea ikaskuntza profesionalak, ekoizpen sektoreari lotutako egoerak ebaztea, lanbide moduluen arteko lotura eta ikasleen heldutasun profesionala.

Goi mailako heziketa zikloetan, Proiektu Intermodularraren antolakuntzak faboratu beharko du ezagutzak eta konpetentziak barneratzea, eta arreta berezia jarriko da informazioa bilatzean, berrikuntzak, ikerketa aplikatuan, ekintzailetzan eta ekoizpen ingurunearen transferentzia.

Goi mailako heziketa zikloetan, Proiektu Intermodularrak barnean hartuko du zikloan emandako atzerriko hizkuntza baten erabilera funtzionala, proiektuaren prestakuntzaren, dokumentazioaren, aurkezpenaren edo defentsaren faseetako batean, bat etorriz ikastetxearen plangintzarekin. Barnean hartze horrek prestakuntza eta integrazio izaera eduki beharko du, eta ezin izanen da curriculumean eta aplikatu beharreko ebaluaziorako araudian ezarritakoez bestelako gainditzeko baldintza autonomo gisa eratu.

Martxoaren 31ko 3/2022 Lege Organikoaren 41.3 artikuluarekin bat, erdi eta goi mailako heziketa zikloetako Proiektu Intermodularrak irakasle taldearen aurrean defendatu beharko dira, eta talde horretan enpresako tutorea egoten ahalko da, egoki bada.

Antolakuntzari dagokionez, ikastetxeak defentsaren formatua, iraupena, euskarria eta antolakuntza ezarriko ditu. Defentsarako, bide hauetako bat erabil daiteke: ahozko aurkezpena, aurkezpen publikoa, aurkezpen teknikoa, poster formatua, euskarri informatiko-digitala edo zikloaren eta proiektuaren ezaugarriei egokitutako beste formatu bat.

Proiektu Intermodularraren defentsa ez da epaimahaiaren aurreko jarduketatzat hartuko, salbu eta hala ezartzen badute aplikatzekoak diren araudiak eta jarraibideek. Edonola ere, bermatu beharko da irakasle talde arduradunak nahikoa informazio duela proiektuari, haren garapenari eta defentsari buruz, ebaluaziorako aplikatu beharreko araudiaren arabera egoki diren erabakiak hartze aldera.

Egokia baldin bada proiektuaren izaeragatik, enpresako edo pareko erakundeko prestakuntzaren izaeragatik edo ekoizpen sektorearekin ezarritako lankidetzaren izaeragatik, enpresako edo pareko erakundeko tutorea egoten ahalko da defentsan edo aurkezpenean. Informazio funtzioak izanen ditu, edo ekarpen teknikoak egitekoak, eta ez du eraginik izanen irakasleei, irakasle taldeari edo ikastetxeari dagozkien konpetentzietan, aplikatzekoa den araudiarekin bat.

9.3. Proiektu Intermodularraren kalifikazioari buruzko antolakuntza erreferentziak.

Proiektu Intermodularra kalifikatzeko, aintzat hartuko dira Estatuko oinarrizko araudia, aplikatzekoa den curriculuma eta erabaki akademikoa hartu behar den unean ebaluaziorako indarrean dauden araudia eta jarraibideak.

Uztailaren 18ko 659/2023 Errege Dekretuaren 18. artikuluarekin bat, Proiektu Intermodularraren kalifikazioa, egoki denean, dagokion curriculumean ezarritako ikaskuntzaren emaitzen eta ebaluazio irizpideen araberakoa izanen da, eta erreferentetzat izanen da prestakuntza eskaintzari lotutako konpetentzien osotasuna.

Proiektu Intermodularraren kalifikazioa ezartzeko, aintzat hartuko dira, programazio didaktikoarekin edo irakaskuntzaren plangintzako dokumentuarekin batera, honako hauek: proiektua prestatzeko prozesuan lortutako ebidentziak, jarraipena eta tutoretza banakakoa zein kolektiboa, aurkeztutako azken produktua edo emaitza, sortutako dokumentazioa eta, erdi eta goi mailako heziketa zikloetan, irakasle taldearen aurreko defentsa, bat etorriz martxoaren 31ko 3/2022 Lege Organikoaren 41.3 artikuluan ezarritakoarekin.

Programazio didaktikoek edo irakaskuntzaren plangintzako dokumentuek zehaztu beharko dituzte Proiektu Intermodularraren kalifikaziorako erabiliko diren prozedurak, tresnak, balorazio irizpideak eta ebidentziak. Era berean, ikasleei horien publizitatea bermatuko diete, bai eta objektibotasuna, trazabilitate nahikoa, ikaskuntzaren emaitzen koherentzia eta curriculumaren ebaluazio irizpideak ere.

Ez da haztapen ehuneko finkorik ezarriko Proiektu Intermodularra prestatzeko prozesuan, amaierako produktuan, dokumentazioan, defentsan edo gainerako ebidentzietan. Ebidentzia horien haztapena edo balorazioa ezarriko da programazio didaktikoan edo irakaskuntzaren plangintzako dokumentuan, eta bat etorriko da curriculumarekin, proiektuaren ezaugarriekin eta aplikatzekoa den ebaluazioko araudiarekin.

Erdi eta goi mailako heziketa zikloetan Proiektu Intermodularraren defentsa ez da epaimahaiaren aurreko jarduketatzat hartuko, salbu eta aplikatzekoak diren araudi edo jarraibide espezifikoek hala ezartzen badute. Edonola ere, defentsaren ondoriozko informazioa irakasle talde arduradunaren eskura geratu beharko da, aplikatzekoa den araudiaren arabera egoki den ebaluazioa eta kalifikazioa egiteko.

Ebaluazioari buruzko jarraibide espezifiko berriak indarrean sartu arte, ikastetxeek indarreko araudia aplikatuko dute, bai eta dagokion curriculuma eta programazio didaktikoan edo irakaskuntzaren plangintzako dokumentuan ezarritakoa ere. Hala, bermatuko da ikasleei aurretiaz informatu zaiela Proiektu Intermodularraren kalifikazioan aplikatzekoak diren irizpideei, prozedurei eta tresnei buruz.

9.4. Aurreko ikasketa planei dagozkien proiektuak.

2026-2027 ikasturtean aurreko ikasketa plan batzuei dagokien Proiektuaren lanbide modulua garatu, amaitu edo ebaluatu behar bada egoera iragankorren, hondar-matrikularen, errepikapenaren, egiteko dagoen deialdiaren edo antzeko beste inguruabar batzuen ondorioz, modulu horretarako indarrean dagoen araudi espezifikoa aplikatuko da, bai eta Hezkuntza Departamentuak emandako jarraibideak ere.

Proiektu horien antolakuntzak honako hauek bermatu beharko ditu: tutoretza, jarraipena, ikasleak aurretiaz informatzea, defentsa edo aurkezpenean hala dagokionean eta dagokion ikasketa planetarako indarrean dauden ebaluazio eta kalifikazio irizpideak aplikatzea.

Apartatu honetan jasotakoak ez du eragotziko aurreko planetako Proiektuaren lanbide moduluaren ordez Proiektu Intermodularra ezartzea, zeina martxoaren 31ko 3/2022 Lege Organikoaren ondoriozko curriculum berrietan araututa baitago.

10. Unibertsitaterako sarbide proba, goi mailako heziketa zikloetako ikasleentzat.

2026-2027 ikasturtean zehar, goi mailako heziketa zikloetako ikasleek unibertsitaterako sarbide proba egin dezaten, aintzat hartuko dira Hezkuntza Departamentuak emandako jarraibide espezifikoak, Nafarroako Unibertsitate Publikoarekin eta unibertsitatera sartzeko arloan eskudunak diren organoekin koordinatuta.

Jarraibide horietan honako hauek ezartzen ahal dira, besteak beste: izena emateko epeak, ikastetxeek tramitatu beharreko dokumentazioa, ikasleei eman beharreko informazioa, Nafarroako Unibertsitate Publikoarekiko ziurtagiri prozedurak eta eskola egutegiarekiko koordinazioa. Orobat, zehaztuko da zer jarduketa egin behar diren akreditatzeko, egoki denean, parte hartzen duten ikasleek dagokion titulua jasoko dutela probaren behin betiko emaitzak lortu baino lehen.

Goi mailako heziketa zikloak eskaintzen dituzten ikastetxeek bigarren mailako ikasleei jakinarazi beharko dizkiete unibertsitaterako sarbide probari buruz ematen diren jarraibideak. Gainera, ezarritako prozedurari jarraikiz dagokion dokumentazioa tramitatzen lagundu beharko dute.

Nafarroako Unibertsitate Publikoarekiko egutegiak egiteko eta eskola jarduerak, ziurtagiriak edo komunikazioak amaitzeko datak egokitzeko, aintzat hartuko dira ematen diren jarraibide espezifikoak, bai eta ebaluazio, titulazio eta dokumentazio akademikoa emateko aplikatzekoa den araudia ere.

11. Eskaintza modularra, ibilbideak antolatzea eta malgutasuna.

Eskaintza modularraren eta D graduetako prestakuntza ibilbideen antolakuntzak bat egin beharko du kasu bakoitzean aplikatzekoa den eskaintzaren onarpen, matrikula, antolakuntza akademiko eta plangintzaren gaineko araudiarekin.

Ikastetxeek Hezkuntza Departamentuarekin lan egin beharko dute Lanbide Heziketaren Sisteman malgutasun handiagoa egon dadin ahalbidetuko duten eskaintzen antolakuntzan, batez ere honako hauei begira: helduak, lan egiten duten pertsonak, prestakuntza ibilbideak amaitu behar dituztenak edo lanbide konpetentzien edo oinarrizko konpetentzien akreditazio prozesuetan parte hartu behar dutenak.

Ibilbideen antolakuntzak bateragarria izan beharko du hauekin: plaza eskuragarritasuna, ordutegiak, irakasleak, espazioak, ekipamenduak, enpresako edo pareko erakundeko prestakuntza, taldeen bideragarritasuna eta ikastetxearen antolakuntza jasangarritasuna.

Eskaintza modularrari eta ibilbideei buruzko antolakuntza erabakiak hauekin koordinatu beharko dira, egoki denean: LH-Bidea, Etengabeko Prestakuntza, lanbide konpetentzien akreditazioa, oinarrizko konpetentziak akreditatzeko prozedura eta Lanbide Heziketaren eskaintzaren plangintza orokorra.

12. Lanbide Heziketaren titulazio bikoitzen ibilbideak.

Baldin eta zenbait ziklok partekatzen badituzte bigarren zikloa hirugarren ikasturte batean amaitzea ahalbidetzen duten lanbide moduluak, haiek antolatzerakoan jarraibide hauek hartuko dira kontuan:

Jarraibide honen ondorioetarako, "lehenengo ziklo" da beste ziklo batean izena eman nahi duten ikasleek gainditutako prestakuntza ziklo bat, beste ziklo horrekin zenbait modulu partekatzen dituena, ikasturte oso bati dagozkionak, halako eran non ikasleek ikasturte bakar batean eskura baitezakete bigarren zikloaren titulua.

Jarraibide honen ondorioetarako, "bigarren ziklo" da harekin lotutako "lehenengo ziklo" bat gainditua duten ikasleek egin nahi duten prestakuntza zikloa, ikasturte bakar batean bukatu daitekeena ikasleek "bigarren ziklo"-ko maila bati dagozkion modulu baliokideak gaindituta izateagatik.

Bigarren zikloan egin beharreko lanbide modulu guztiak gainditzeak eta enpresako edo pareko erakundeko prestakuntza egiteak (bat etorriz 12.1 apartatuan jasotako jarraibideekin) ekarriko du dagokion goi mailako teknikari titulua lortzea, behin 12.2 apartatuak adierazitako baliozkotzeak egin ondoren.

12.1. Enpresan edo pareko erakundean egindako prestakuntza aldia.

Ikasleen enpresako edo pareko erakundeko prestakuntza aldia, araubide orokorrean, bigarren zikloko enborreko atalari dagozkion orduen %25 izanen da.

12.2. Baliozkotze araubidea.

Baliozkotze araubidea jarraibide hauen araberakoa izanen da:

–Bi zikloek komunean dituzten lanbide moduluak automatikoki baliozkotuko ditu Lanbide Heziketako ikastetxeak, bat etorriz abenduaren 9ko 1085/2020 Errege Dekretuaren 3.2 artikuluan ezarritakoarekin (1085/2020 Errege Dekretua, abenduaren 9koa, Espainiako hezkuntza sistemako Lanbide Heziketako tituluetako lanbide moduluen baliozkotzeak eta horiek aplikatzeko neurriak ezartzen dituena eta hezkuntza sistemako Lanbide Heziketaren antolamendu orokorra ezartzen duen uztailaren 29ko 1147/2011 Errege Dekretua aldatzen duena).

–Enplegagarritasunerako Ibilbide Pertsonala I eta II, Ingeles Profesionala (EM), Ingeles Profesionala (GM), Ekoizpen Sistemari aplikatutako Jasangarritasuna eta Ekoizpen Sektoreei aplikatutako Digitalizazioa (erdi maila) eta Ekoizpen Sektoreei aplikatutako Digitalizazioa (erdi maila) izeneko lanbide moduluak Lanbide Heziketako ikastetxeek baliozkotuko dituzte, bat etorriz uztailaren 18ko 659/2023 Errege Dekretuaren 126.3 eta 126.5 artikuluetan ezarritakoarekin.

–Proiektu Intermodularra Lanbide Heziketako ikastetxeek baliozkotuko dute, bat etorriz uztailaren 18ko 659/2023 Errege Dekretuaren 84.1.a)3. artikuluarekin.

–Hautazko modulua Lanbide Heziketako ikastetxeek baliozkotuko dute, bat etorriz uztailaren 18ko 659/2023 Errege Dekretuaren 84.4.b) artikuluarekin bat.

–Beste lanbide modulu batzuk baliozkotzeko, hala dagokionean, abenduaren 9ko 1085/2020 Errege Dekretuan ezarritakoa eta bestelako oinarrizko araudia hartuko da kontuan.

13. Irakasleen koordinazioa eta programazioak.

Curriculum berriak finkatzeko, irakasle taldearen koordinazioa indartu behar da, bai eta lanbide arloko departamentuena eta ikastetxeko koordinazio pedagogikoko egiturena ere.

Programazio didaktikoak eta irakaskuntzaren plangintza dokumentuek honako hauek islatu beharko dituzte: lanbide moduluen antolakuntza, enpresako edo pareko erakundeko prestakuntzarekiko koordinazioa, Proiektu Intermodularrarekiko lotura, modulu transbertsalen edo antolakuntza berriak indartutakoen integrazioa, banako desberdintasunei arreta emateko neurriak eta zikloa garatzeko behar diren antolakuntza irizpideak.

Irakasleen koordinazioak ekidin beharko ditu bikoiztasunak, alferrikako gainjartzeak eta jarduketen zatikatzea, eta ikuspegi orokor bat faboratu beharko du, heziketa zikloari, haren konpetentzia orokorrari, lanbide eta enplegagarritasun konpetentziei eta lanbide moduluetako irakaskuntzaren emaitzei dagokienez.

Irakasle taldeek arreta handia jarri beharko dute koherentzia egon dadin ikastetxeko prestakuntzaren, enpresako edo pareko erakundeko prestakuntzaren, Proiektu Intermodularraren, lanbide orientazioko jardueren eta ikastetxeak parte hartzen duen programa espezifikoen artean.

14. Antolakuntza kudeaketa EDUCAn.

Ikastetxeek EDUCA erabili beharko dute D eta E graduen antolakuntza kudeatzeko, Hezkuntza Departamentuak ezarritako baldintzetan.

EDUCA bidez kudeatuta, behar bezala identifikatu behar dira eskaintza, taldeak, moduluak, irakasleak, ordutegiak, matrikula, hautazko moduluak, enpresako edo pareko erakundeko prestakuntza, espezializazio ikastaroak eta D eta E graduen ohiko antolakuntzarako behar diren gainerako elementuak.

Ikastetxeko kudeaketa akademiko eta administratiboaren arduradunek zaindu beharko dute behar bezala antolatu daitezen modulu berriak, hautazko moduluak, espezializazio ikastaroak, taldeak, txandak eta enpresako edo pareko erakundeko prestakuntzak. Hala, ikastetxearen funtzionamenduari edo Hezkuntza Departamentuarentzat eskuragarri dagoen informazioari kalte egiten ahal dioten akatsak ekidinen dira.

Kalifikazioak, aktak, ebaluazio agiri ofizialak, azken egoerak, mailaz igotzea, titulatzea, ziurtagiriak eta erreklamazioak kudeatzeko, aintzat hartuko dira ebaluaziorako araudia eta jarraibide espezifikoak. Ez da kapitulu honetan arautuko.

15. Aparteko matrikula eta izen-ematea, aurreko ikasketa planetako hondar-egoeretan.

2026-2027 ikasturtean zehar, ikastetxeek salbuespenez tramitatzen ahalko dute behar den matrikula edo izen-ematea, ikastetxean aurreko ikasketa planei dagokien ziklo bat egin duten ikasleen hondar-egoerei erantzuteko, baldin eta ezinbestekoa bada, prestakuntza ibilbidea amaitzeko, Lantokiko Prestakuntza modulua egitea edo kudeatzea, Proiektua lanbide modulua egitea edo kudeatzea, salbuespen bat tramitatzea, dokumentazio akademikoa formalizatzea edo espedientea ixteko behar den administrazio kudeaketa egitea.

Aparteko matrikula edo izen-emate hau egoera hauetan egiten ahalko da, besteak beste:

a) Zikloko lanbide modulu guztiak gaindituta edo baliozkotuta dituzten ikasleak, eta Lantokiko Prestakuntza modulua soilik falta dutenak.

b) Zikloko lanbide modulu guztiak gaindituta edo baliozkotuta dituzten ikasleak, eta Proiektua lanbide modulua soilik falta dutenak.

c) Lantokiko Prestakuntza modulua eta Proiektua lanbide modulua soilik falta duten ikasleak.

d) Ikasketak aurreko ikasketa plan batean egin dituzten ikasleak, baldin eta administrazio egoera bat formalizatu behar badute, honako hauek kudeatzeko ezinbestekoa: lantokiko prestakuntza, salbuesteko eskaera, Proiektuaren tutoretza, zikloa amaitzeko dokumentazioa eta espedientearen tramitazioa.

Ikastetxeko zuzendaritzak egoera bakoitza aztertuko du eta aparteko matrikula edo izen-ematea tramitatuko du behar denean eta egoki denean. Jasota utziko du ekintzaren justifikazioa, ukitutako ikasketa plana, egiteko dauden moduluak edo jarduketak, antolatu beharreko arreta eta formalizatu beharreko dokumentazioa.

Planteatutako egoera ezin denean ebatzi EDUCAn eskuragarri dauden matrikula edo izen-emate prozedura arrunten bidez, ikastetxeak kontsulta eginen dio Lanbide Heziketaren Plangintza eta Integraziorako Zerbitzuari, eta hark erabakiko du dagokion prozedura, behar denean Hezkuntzako Informazio Sistemen Zerbitzuarekin eta unitate eskudunekin koordinatuta betiere.

Apartatu honetan jasotako aparteko matrikula edo izen-ematea instrumentala izanen da, eta ez du berez eraginen geratzeko, deialdia edo ebaluazioa egiteko edo gainditzeko baldintza berriak ezartzea, interesdunaren ikasketa planari dagokion araudiaren arabera aplikatzekoak direnen bestelakoak.

Aparteko matrikula beste egoera batzuetan egiten ahal bada, Lanbide Heziketaren Plangintza eta Integraziorako Zerbitzuak igorritako jarraibideak beteko dira.

16. Proba irekietarako deialdi espezifikoa, LH.I-eko eta LH.II-ko ikasketak osatu gabe dituztenentzat.

Lehen edo bigarren graduko Lanbide Heziketako ikasketak amaitu gabe dituzten ikasleek, baldin eta baliozkotzea ez badago jasota arau orokorretan, Hezkuntza, Lanbide Heziketa eta Kirol Ministeriora jo beharko dute, eta eskatu, egoki denean, amaitu gabe dituzten ikasketak (LH.I eta LH.II, eta, hala badagokio, OHO edo Batxilergoa) baliozkotzeko ebazpen pertsonalizatua eman dakien, hezkuntza sistemaren Lanbide Heziketako titulazioekin.

Hezkuntza Departamentuak LH.I eta LH.II ikasketak amaitu gabe dituzten pertsonentzako proba libreen deialdi espezifikoari buruzko informazioa eskuragarri izanen du, Nafarroako Gobernuaren Zerbitzuen Katalogoko fitxa egokiaren edo zehazten den prozeduraren bidez.

Probetan parte hartzea, baldintzak, epeak, dokumentazioa, ikastetxeak, proban sartutako moduluak, ondorioak eta gainerako baldintzak ezarriko dira aplikatzekoa den araudi espezifikoarekin bat, dagokion deialdiarekin bat eta indarrean dagoen tramiterako fitxan argitaratutako informazioarekin bat.

Ikastetxeek interesdunak bideratu beharko dituzte dagokion fitxara, eta, hala dagokionean, Hezkuntza, Lanbide Heziketa eta Kirol Ministerioaren edo Goi Ikuskaritzaren Arloko informazio zerbitzuetara.

Jarraibide hauetan adierazitako informazioa antolakuntzakoa eta informatiboa da, eta ez dakar proben eta horien ondorio akademikoen araubide substantiborik.

17. Proba libreak, deialdiak eta ebaluaziorako ondorioak dituzten beste prozedura batzuk.

Ez dira kapitulu honetan garatuko Lanbide Heziketako tituluak lortzeko proba libreak, ohiko eta aparteko deialdiak, ebaluaziorako, mailaz igotzeko, titulaziorako edo ziurtagirietarako ondorioak dituzten prozedurak eta erreklamazioak.

Prozedura horiei guztiei dagozkien tramiterako fitxei buruzko administrazio informazioa kontsultagarri egonen da Nafarroako Gobernuaren Zerbitzuen Katalogoan, bat etorriz ebazpen honen XIII. kapituluan ezarritakoarekin.

Araubide substantiboa, ondorioak eta prozedura espezifikoak bat etorriko dira aplikatzekoa den araudiarekin eta ebaluazioko, sartzeko, onartzeko edo probetarako ezarritako jarraibideekin, dagokionaren arabera.

18. Erdi mailako eta goi mailako heziketa zikloetarako sarbide proben ziurtagiria eskatzea probaren esparru edo atal batzuetatik salbuetsita daudenentzat.

Hezkuntza Departamentuak prozedura bat izanen du erdi mailako eta goi mailako heziketa zikloetara sartzeko probaren ziurtagiriaren eskaera tramitatzeko, ikasleek frogatzen baldin badute salbuetsita daudela erdi mailako heziketa zikloetarako sarbide probaren esparru guztietatik edo goi mailako heziketa zikloetarako sarbide probaren atal guztietatik, bakoitzari zer dagokion.

Prozedura honen xedea da erraztea dagokion ziurtagiria ematea, baldin eta interesdunak dokumentu bidez akreditatzen ahal badu probaren esparru edo atal guztiak baliozkotzeko edo salbuetsita egoteko baldintzak betetzen dituela, aplikatzekoa den araudiarekin bat.

Baldintzei, dokumentazioari, eskaerari, tramitazioari eta ziurtagiriaren ondorioei buruzko informazioa eskuragarri egonen da Nafarroako Gobernuaren dagokion zerbitzuen katalogoan.

Ikastetxeek interesdunak tramiterako fitxara bideratu behar dituzte, eta, egoki denean, prozedurari buruzko informazio orokorra ematen lagunduko dute, nahiz eta tramitazioa Hezkuntza Departamentuak ezarritako bideetan eginen den.

Jarraibideak apartatu honetan jaso dira modu informatiboan eta antolakuntzarako, eta horrek ez dakar arautze substantiborik egiterik sarrera-probetara, horien salbuespenetara eta ziurtagiriaren ondorio akademiko edo profesionaletara begira, aplikatu beharreko araudiari egokituko baitzaizkio.

19. D eta E graduen antolakuntza ezarpenaren jarraipena egitea.

Lanbide Heziketaren Plangintza eta Integraziorako Zerbitzuak D eta E graduen antolakuntza ezarpenaren jarraipena eginen du 2026-2027 ikasturtean, zuzenean edo atalen, bulegoen edo unitate eskudunen bidez.

Ikastetxeek eskatzen zaien informazioa eman beharko dute honako hauei buruz: curriculumaren antolakuntza, hautazko moduluak, Proiektu Intermodularrak, espezializazio ikastaroak, moduluen eskaintza, ibilbideen eskaintza, EDUCA bidezko kudeaketa, irakasleek koordinazioa, atzemandako premiak eta hobekuntza proposamenak.

Hauek izanen dira kapitulu honetan jasotako jarraipenaren xedeak: curriculum berriak erabat ezartzea, Nafarroako Lanbide Heziketaren Sistemaren antolakuntzaren koherentzia hobetzea, egokitzapen premiak atzematea eta prestatzea, behar denean, ondorengo ikasturteetarako jarraibideak edo neurriak.

XIII. KAPITULUA.–PROGRAMAZIOAK ETA ANTOLAKUNTZAREN TRANTSIZIOA EBALUAZIO ARLOAN

1. Kapitulu honen jarraibideen xedea eta aplikazioa.

Kapitulu honek behar diren antolakuntza jarraibideak ezartzen ditu, batetik, Lanbide Heziketaren Sistemako A, B, C, D eta E graduetako eskaintzek garapenaren hasieratik izan dezaten indarreko araudi egoki bat, eta bestetik, haien egokitzapena antolatuta egon dadin Nafarroako Lanbide Heziketaren Sistemako eskaintzen ebaluazioa arautuko duen foru agindu berriak indarra hartutakoan.

Jarraibide hauek aplikatzekoak izanen dira ikastetxeetan, eta, egoki denean, eskaintza horiek emateko baimena duten entitateetan.

Kapitulu honen ondorioetarako, programazioei egiten zaizkien erreferentziek barne hartuko dituzte programazio didaktikoak, baita, eskaintza bakoitza zein den, zenbat irauten duen eta nola antolatzen den, eskatzen ahal diren irakaskuntzaren edo prestakuntzaren plangintza dokumentuen baliokideak ere.

Kapitulu honek ez du arautzen ebaluazio, kalifikazio, gainditze, mailaz igotze, titulazio, ziurtagiri, deialdi, erreklamazio edo dokumentazio akademikoaren araubidea, eta ez du aurreratzen ebaluazioari buruzko foru agindu berriaren aplikazioa. Kapituluaren edukia mugatuko da 2026-2027 ikasturteko garapen egokirako behar diren jarduketetara, arlo hauetan: programazioa, koordinazioa, informazioa, dokumentuen zaintza eta antolakuntzaren prestakuntza.

2. Une bakoitzean aplikatzekoa den araudia.

Ebaluazio programazio eta jarduketak, une bakoitzean, bat etorriko dira kasuan kasuko graduari, eskaintzari, modalitateari eta irakaskuntza araubideei aplikatu behar zaien indarreko araudiarekin.

Eskaintza baten prestakuntza jarduerak egiten hastean ez bada indarrean sartu ebaluazioari buruzko foru agindu berria, jardueren programazioa unean indarrean dagoen araubidearen arabera prestatu eta aplikatuko da. Foru agindu berria jendaurrean jartzeak, tramitatzeak, onesteak edo argitaratzeak ez dute biderik emanen indarra hartu baino lehen aplikatzeko.

Indarra hartzen duen unetik, foru agindu berria aplikatzekoa izanen da bere xedapen iragankorretan eta azken xedapenetan ezarritako baldintzetan. Hezkuntzako eta Lanbide Heziketako zuzendari nagusiak ezarpenerako emanen duen ebazpen espezifikoaren bidez zehaztuko dira ikastetxeek eta entitateek egin beharreko antolakuntza egokitzapenak, dokumentu egokitzapenak eta egokitzapen teknikoak.

3. Programazioak prestatzea eta horien eskuragarritasuna.

Eskaintza bakoitzaren prestakuntza jarduerak hasi baino lehen, irakasle taldeak edo eskaintza emateko arduradunek programazio bat izan beharko dute, behar bezain osatuta egonen dena lehenengo egunetik bertatik prestakuntza prozesua erabat antolatzeko.

Programazioan identifikatu beharko dira dagokion eskaintzaren, lanbide moduluaren, esparruaren, prestakuntza blokearen edo proiektuaren izena eta kodea, bai eta maila, taldea edo prestakuntza ekintza, programazioa prestatzeko data eta arduradunak ere.

Ondoren organo eskudunek formalki onesteko, ikastetxearen dokumentu instituzionaletan sartzeko edo berrikusteko, aplikatu beharreko prozedura eta epeak beteko dira. Ondorengo tramitazio horrek ez du salbuetsiko hasieratik prestakuntza garatzeko, ikasleei informazioa emateko eta indarrean dagoen araubidea aplikatzeko behar diren elementuak edukitzetik.

A, B eta C graduetan, ikasturtearen une desberdinetan hasten baitira, prestakuntza ekintza bakoitza hasi baino lehen egon beharko da eskuragarri programazioa.

Programazioak malguak izanen dira, eta garatu bitartean testuinguruan kokatzen eta eguneratzen ahalko dira. Aldaketa horiek honako hauei erantzun beharko diete: prestakuntza prozesuaren premiak, ikasleen ezaugarriak, eskaintzaren antolakuntza eraginkorra edo behar bezala justifikatutako arau edo antolakuntza aldaketak.

4. Programazioen antolakuntza eduki komuna.

Ezertan ukatu gabe gradu eta eskaintza bakoitzari dagozkion espezialitateak, programazioek edo dokumentu baliokideek honako hauek hartuko dituzte barne, gutxienez:

a) Eskaintzaren, lanbide moduluaren, esparruaren, prestakuntza blokearen edo proiektuaren identifikazioa, bai eta dagokion modalitatea, araubidea, iraupena, egutegia eta ordutegia ere.

b) Aplikatzekoak diren arau eta curriculum erreferenteak.

c) Prestakuntzaren testuingurua, aintzat hartuta ikasleen, ikastetxearen edo entitatearen, eskaintzaren eta, hala badagokio, ekoizpen ingurunearen ezaugarriak.

d) Dagozkien konpetentziak, ikaskuntzaren emaitzak, ebaluazio irizpideak, edukiak eta gainerako curriculumeko erreferenteak, kasuan kasuko aginduzko edo orientazioko izaera errespetatuta.

e) Prestakuntzaren sekuentziazioa eta denboraren banaketa, metodologiak, prestakuntza jarduerak, espazioak, ekipamenduak eta behar diren baliabideak.

f) Lanbide moduluen, esparruen, prestakuntza blokeen eta proiektuen arteko koordinazioa, bai eta, egoki denean, enpresako edo pareko erakundeko prestakuntzarekiko koordinazioa ere.

g) Indarrean dagoen araudiak eskatutako jarraipen eta ebaluazio prozedura eta tresnak, horien denboraren plangintza eta eskaintza bakoitzean aplikatzekoak diren kalifikazio, gainditze edo neurriak hartzeko irizpideak.

h) Barneratu gabeko ikaskuntzetan laguntzeko, errefortzuko eta berreskurapenerako neurriak, indarreko araudiaren arabera eta eskaintzaren ezaugarrien arabera ezarri beharrekoak.

i) Banako desberdintasunei arreta jartzeko, inklusiorako eta irisgarritasunerako neurriak, irakaskuntzaren emaitzak, konpetentziak edo eskaintza bakoitzerako ezarritako ondorio akademikoak aldatu gabe.

j) Ikasleak informatzeko prozedurak eta, egoki denean, haien legezko ordezkariak informatzekoak.

k) Programazioaren koordinazio, jarraipen, eguneratze eta azken baloraziorako mekanismoak.

Elementu horien hedadura eta garapen maila eskaintzaren iraupenaren, konplexutasunaren eta izaeraren araberakoak izanen dira. Iraupen laburreko eskaintzetan ez da eskatuko heziketa ziklo osoei dagozkien dokumentuak egin ditzaten, baldin eta ez badira beharrezkoak eskaintza labur horiek behar bezala planifikatzeko.

5. A, B eta C graduen eskaintzen programazioak.

A, B eta C graduen eskaintzen programazioak bat etorriko dira uztailaren 18ko 559/2023 Errege Dekretuarekin, aplikatzekoa den curriculumarekin, eskaintzaren plangintza eta baimenarekin eta garapenerako ematen diren jarraibide espezifikoekin.

Edukia egokituko da eskaintza hauen izaera malgura eta, maiz, iraupen laburrera. Honako hauek identifikatu beharko dira: emandako prestakuntza blokeak edo lanbide moduluak, haien ikaskuntzaren emaitzak eta ebaluazio irizpideak, iraupena eta denboraren banaketa, arduradunak, espazioak eta baliabideak, jarraipen eta ebaluazio jarduketak eta, egoki denean, enpresako edo pareko erakundeko prestakuntza.

B graduko eskaintzetan, programazioak honako hauek hartuko ditu barne, gutxienez: lanbide moduluaren garapenerako plangintza, ebaluaziorako aurreikusitako datak, zer espaziotan eginen den, zer tresna erabiliko diren eta aplikatzeko hasiera batean aurreikusitako iraupena.

A, B eta C graduen programazioek ez dute errepikatu beharko integratuta dauden D graduen programazio osoa. Nolanahi ere, behar den curriculumeko koherentzia mantendu beharko dute beste eskaintza batzuekin, lanbide konpetentziak, ikaskuntzaren emaitzak edo prestakuntza jarduketak partekatzen dituztenean.

6. Oinarrizko mailako heziketa zikloetako programazioak.

Oinarrizko mailako heziketa zikloetako programazioak bat etorriko dira honako hauekin: Hezkuntzari buruzko maiatzaren 3ko 2/2006 Lege Organikoa, Lanbide Heziketa Antolatu eta Integratzeari buruzko martxoaren 31ko 3/2022 Lege Organikoa eta Lanbide Heziketaren Sistemaren antolamendua garatzen duen uztailaren 18ko 659/2023 Errege Dekretua. Halaber, hauek ere hartuko dira aintzat: titulu bakoitza ezartzen duten eta curriculumaren oinarrizko alderdiak ezartzen dituzten errege dekretuak, Nafarroan tituluen egiturak eta curriculumak ezartzen dituzten foru dekretuak, txertatutako aldaketak eta abenduaren 11ko 108/2024 Foru Dekretuan ezarritako antolakuntzako oinarrizko printzipioak. Komunikazioaren eta Gizarte Zientzien esparruari eta Zientzia Aplikatuen esparruari dagokienez, aintzat hartuko dira martxoaren 29ko 217/2022 Errege Dekretuan eta ekainaren 29ko 71/2022 Foru Dekretuan ezarritako curriculumak.

Lanbide moduluen eta ikaskuntza kolaboratiboko Proiektu Intermodularraren ikaskuntzaren emaitzak eta ebaluazio irizpideak aginduzkoak izanen dira, eta programazioetan txertatu beharko dira, baina horien irismena aldatu gabe.

Irakasle taldeek orientazio edukiak eguneratu eta testuinguruan kokatuko dituzte, betiere Komunikazioaren eta Gizarte Zientzien esparruari eta Zientzia Aplikatuen esparruari dagozkien edukien nahitaezko izaera errespetatuta.

Programazioek honako hauek sustatuko dituzte: esparruen eta lanbide moduluen integrazioa, ikaskuntza kolaboratiboa, Proiektu Intermodularraren koordinazioa, ekoizpen ingurunearekiko lotura, inklusioa, irisgarritasun unibertsala, aukera berdintasuna, laneko arriskuen prebentzioa eta ikasleen ezaugarriekiko arreta.

Nafarroako Lanbide Heziketaren Sistemako eskaintzen ebaluazioa arautzen duen foru aginduak indarra hartu bitartean, ebaluazioaren programazioa bat etorriko da hauetan ezarritako printzipio eta erreferenteekin: martxoaren 31ko 3/2022 Lege Organikoaren 44. artikuluko 6., 7. eta 9. apartatuak; uztailaren 18ko 659/2023 Errege Dekretuaren 93. artikulua, eta abenduaren 11ko 108/2024 Foru Dekretuaren 12. artikulua. Aipatu foru aginduak indarra hartzen duen unetik aurrera, foru aginduaren xedapen iragankorretan eta ezarpenerako ebazpen espezifikoan ezarritako baldintzetara egokituko dira programazioak. Oinarrizko mailako heziketa zikloei ez zaizkie analogiaz aplikatuko erdi mailako edo goi mailako heziketa zikloetarako espezifikoki ezarritako ebaluazio arauak.

7. Erdi mailako eta goi mailako heziketa zikloetako programazioak.

Erdi mailako eta goi mailako heziketa zikloen programazioak bat etorriko dira honako hauekin: Hezkuntzari buruzko maiatzaren 3ko 2/2006 Lege Organikoa, Lanbide Heziketa Antolatu eta Integratzeari buruzko martxoaren 31ko 3/2022 Lege Organikoa eta Lanbide Heziketaren Sistemaren antolamendua garatzen duen uztailaren 18ko 659/2023 Errege Dekretua. Halaber, honako hauek hartuko dituzte kontuan: dagozkion tituluak eta horien curriculumen oinarrizko alderdiak ezartzen dituzten errege dekretuak, maiatzaren 21eko 499/2024 eta 500/2024 Errege Dekretuek ezarritako aldaketekin, hala badagokio; Nafarroan tituluen egiturak eta curriculumak ezartzen dituzten foru dekretuak, abenduaren 11ko 109/2024 eta 110/2024 Foru Dekretuetan hurrenez hurren txertatutako aldaketak eta ezarritako antolakuntzako oinarrizko printzipioak aintzat hartuta, eta martxoaren 5eko 21/2019 Foru Agindua, aipatu arauekin bateragarria den orotan.

Nafarroako Lanbide Heziketaren Sistemako eskaintzen ebaluazioa arautzen duen foru aginduak indarra hartu bitartean, ebaluazioaren programazioa bat etorriko da hauetan ezarritakoarekin: martxoaren 31ko 3/2022 Lege Organikoaren 26. artikulua; uztailaren 18ko 659/2023 Errege Dekretuaren 107. artikulua; 109/2024 Foru Dekretuaren 12. artikulua (erdi mailako heziketa zikloetarako); 110/2024 Foru Dekretuaren 13. artikulua (goi mailako heziketa zikloetarako), eta martxoaren 5eko 21/2019 Foru Agindua, aipatu arauekin bateragarri izaten jarraitzen duen orotan.

Ondorio horietarako, eta kapitulu honen 4. apartatuan ezarritako antolakuntza edukia aintzat hartuta, programazioek honako hauek jaso beharko dituzte:

a) Lanbide modulu bakoitza gainditzeko ebaluazio irizpideak eta eskatzen ahal den ikaskuntzaren emaitzen lorpen maila zehaztea, haien nahitaezko izaera errespetatuta.

b) Ebaluazio jarraiturako prozedurak eta tresnak, zeinak askotarikoak, malguak, irisgarriak eta ikaskuntzaren emaitzetara eta ebaluazio irizpideetara egokitu beharko baitira; kalifikazio irizpideak, eta ebaluaziorako tresna eta jardueren bidez lortutako informazioaren haztapena, bat etorriz martxoaren 5eko 21/2019 Foru Aginduaren 5.2 eta 6.a) artikuluekin.

c) Aplikatzekoa denean, martxoaren 5eko 21/2019 Foru Aginduaren 5.3 eta 5.5 bitarteko eta 6.c) artikuluetan ezarritako azken ebaluaziorako sistema alternatiboari dagozkion prozedurak, tresnak, kalifikazio irizpideak eta haztapenak.

d) Barneratu gabeko ikaskuntzak berreskuratzeko eta gainditu gabeko lanbide moduluak dituzten ikasleentzako jarduerak, orientazioak, laguntzak eta prozedurak bat etorriko dira martxoaren 5eko 21/2019 Foru Aginduaren 6.b), 20.6 eta 22. artikuluekin, eta haien denborazko antolakuntza heziketa zikloaren indarreko egiturara egokituko da.

e) Hezkuntza edo prestakuntza premia bereziak dituzten ikasleentzako behar diren irisgarritasun neurriak eta metodologia, baliabide, jarduera, prozedura eta ebaluazio tresnen egokitzapenak, exijitzen ahal diren ikaskuntzaren emaitzak eta konpetentziak aldatu gabe.

f) Ikasleak informatzeko prozedurak eta, egoki denean, haien legezko ordezkariak informatzekoak, hauei dagokienez: erreferenteak, prozedurak, ebaluazio eta kalifikazio tresnak eta irizpideak, berreskurapen jarduerak eta erreklamatzeko prozedurak.

g) Lorpen adierazleak eta ikaskuntza prozesuaren eta irakas-praktikaren adierazleak, martxoaren 5eko 21/2019 Foru Aginduaren 10.3 artikuluan ezarritakoak.

Martxoaren 5eko 21/2019 Foru Agindua aplikatuta, heziketa zikloen indarreko egiturari dagozkion programazioek honako hauek jaso beharko dituzte:

a) Lanbide konpetentziei, konpetentzia pertsonalei eta gizarte konpetentziei eginiko erreferentziak egitean, ulertuko da lanbide eta enplegagarritasunerako konpetentziei egiten zaizkiela.

b) Ikaskuntza metodologia berriak aplikatzen diren ziklo edo moduluetarako aurreikuspen desberdinak aplikatuko dira benetan erabilitako metodologiaren arabera, bat etorriz ebaluazioa ikaskuntza metodologietara egokitzeko printzipio orokorrarekin.

c) Lantokiko Prestakuntza modulu zaharrari, horretara sartzeari, hori hirugarren hiruhilekoan egiteari eta modulu horri lotutako berreskurapen saio edo aldiei egiten zaizkien erreferentziak ez dira enpresako edo pareko erakundeko prestakuntzara eramanen. Hain zuzen ere, 21/2019 Foru Aginduaren 6.b) eta 22.3.b) artikuluetan ezarritako aldiak ez dira aplikatzekoak izanen indarrean dagoen egituran, baldin eta Lantokiko Prestakuntzako modulu zaharra egitearen mende badaude. Zikloaren eta enpresako edo pareko erakundeko prestakuntzaren denboraren banaketari egokituko zaio berreskurapenaren programazioa.

d) Proiektuaren modulu zaharrari eginiko erreferentzietan ulertuko da dagokion Proiektu Intermodularra aipatzen dela, aplikatzekoa den curriculumarekin bat.

e) Modalitate orokorrari eta urruneko on line lanbide heziketari eginiko erreferentziak interpretatuko dira egungo modalitate presentzialaren, erdipresentzialaren eta birtualaren arabera eta araubide orokor eta intentsiboaren arabera, kasua zein den.

Ulertuko da aurreko letretan ezarritako interpretazio arauek ez dutela eragozten aurreko erregulazioa aplikatzea aurreko plan edo egituren araubide iragankorrari lotuta jarraitzen duten ikasleei.

Ebaluazioari buruzko foru agindu berriak indarra hartzen duenetik, programazioak egokituko dira foru aginduaren xedapen iragankorretan, hori ezartzeko ebazpen espezifikoan eta kapitulu honen 12. apartatuan ezarritako baldintzetan.

8. E graduko eskaintzetako programazioak.

E graduko espezializazio ikastaroetako programazioak bat etorriko dira honako hauekin: Hezkuntzari buruzko maiatzaren 3ko 2/2006 Lege Organikoa, Lanbide Heziketa Antolatu eta Integratzeari buruzko martxoaren 31ko 3/2022 Lege Organikoa eta Lanbide Heziketaren Sistemaren antolamendua garatzen duen uztailaren 18ko 659/2023 Errege Dekretua. Era berean, aintzat hartuko dira honako hauek: espezializazio ikastaro bakoitza eta horien curriculumen oinarrizko alderdiak ezartzen dituen errege dekretua, maiatzaren 21eko 497/2024 Errege Dekretuak ezarritako aldaketekin, hala badagokio; eskaintza bakoitzaren baimenean ezarritako baldintzak; ebazpen honetan adierazitakoa, eta Hezkuntzako eta Lanbide Heziketako Zuzendaritza Nagusiak emandako gainerako jarraibideak.

Uztailaren 18ko 659/2023 Errege Dekretuaren 117.2 artikuluarekin bat, programazioa ikastetxeko Proiektu funtzionalean edo Hezkuntza proiektuan txertatu beharko da, dagokionaren arabera. Ebazpen honetan ezarritako programazioen adostasun dokumentua, espezializazio ikastaroen programazioei dagokienez, artikulu horretan eskatzen den administrazio eskudunaren onarpentzat hartuko da.

Ezertan galarazi gabe kapitulu honen 4. apartatuan ezarritako antolakuntzari buruzko eduki amankomuna, programazioak identifikatu beharko ditu espezializazio ikastaroa osatzen duten lanbide moduluak, iraupena eta denboraren banaketa. Honako hauek ezarriko dira lanbide modulu bakoitzerako: ikaskuntzaren emaitzak eta ebaluazio irizpideak; prestakuntza jarduerak eta ikaskuntza metodologiak; etengabeko ebaluaziorako prozedurak eta tresnak; kalifikazio irizpideak; berreskuratzeko jarduerak eta prozedurak; irisgarritasun eta laguntza neurriak, eta behar diren baliabideak, espazioak, ekipamenduak eta koordinazio mekanismoak.

Nafarroako Lanbide Heziketaren Sistemako eskaintzen ebaluazioa arautzen duen foru aginduak indarra hartu bitartean, ebaluazioaren programazioak bat eginen du uztailaren 659/2023 Errege Dekretuaren 16. artikulutik 19. era eta 123. artikulutik 125. artikulura bitarte ezarritakoarekin eta ebazpen honetan ezarritakoarekin, eta, egoki denean, halaber, bat eginen du modalitate erdipresentzialaren eta birtualaren arau espezifikoekin. Espezializazio ikastaroei ez zaizkie analogiaz aplikatuko erdi mailako eta goi mailako heziketa zikloetarako martxoaren 5eko 21/2019 Foru Aginduan ezarritako arau espezifikoak.

Espezializazio ikastaroa hastean, irakasle taldeak hasierako ebaluazio bat eginen du, diagnostiko eta prestakuntza izaerakoa, zeinaren helburua izanen baita ikasleen konpetentziak eta aurretiko esperientziak ezagutzea, hasierako baldintzak eta laguntza edo irisgarritasun premiak ezagutzea eta beharrezkoak diren metodologia eta antolaketa egokitzapenak egitea. Ebaluazio horrek ez du ondorio akademikorik ez kalifikazio ondoriorik izanen, ez du sartzeko baldintzak berriz egiaztatzea ekarriko eta ez ditu ikaskuntzaren emaitzak edo ezarritako ebaluazio irizpideak aldatu ahalko. Ondorioak eta hartutako neurriak jarraipenerako dokumentazio arruntean jasoko dira.

Baldin eta espezializazio ikastaroan enpresako edo pareko erakundeko prestakuntza badago, programazioak bertan garatzen diren ikaskuntzen emaitzak identifikatu beharko ditu, eta dagokion prestakuntza planarekin, VI. kapituluarekin eta kapitulu honen 9. apartatuarekin koordinatuko da.

Ebaluazioari buruzko foru agindu berriak indarra hartzen duenetik, programazioak egokituko dira foru aginduaren xedapen iragankorretan, hori ezartzeko ebazpen espezifikoan eta kapitulu honen 12. apartatuan ezarritako baldintzetan.

9. Enpresako edo pareko erakundeko prestakuntzarekin eta Proiektu Intermodularrarekin koordinatzea.

Programazioak behar den koherentzia izanen du ikastetxean gauzatutako prestakuntzaren eta enpresan edo pareko erakundean egindakoaren artean, bai eta lanbide moduluen, esparruen eta, egoki bada, Proiektu Intermodularraren artean.

Enpresako edo Pareko Erakundeko Prestakuntzaren Plana eta programazio didaktikoa bi tresna bereizi eta osagarri dira. Ez dute informazio bera alferrik adierazi beharko, ez eta dokumentu betebehar bikoizturik sortu ere.

Programazioak honako hauek barne hartuko ditu: enpresako prestakuntzaren denboraren banaketari dagozkion aurreikuspen orokorrak; prestakuntzan garatzen ahal diren ikaskuntzen emaitzak; irakasleen eta ikastetxeko eta enpresako tutoreen arteko koordinazioa; prestakuntza prozesuaren jarraipena, eta enpresak eginiko balorazioak jasotzea eta erabiltzea. Hori guztia, uztailaren 18ko 659/2023 Errege Dekretuaren 156. artikulutik 163. era bitarteko artikuluekin bat, dagozkion egiturak eta curriculumak ezartzen dituzten foru dekretuekin bat eta ebazpen honen IV. kapituluetan ezarritakoarekin bat. Pertsona bakoitzari dagokion zehaztapena prestakuntza plan baten bidez eginen da.

Hasierako aurreikuspenak ikasturte hasieran eskuragarri dagoen plangintzaren arabera ezarriko dira. Enpresen esleipenak, prestakuntza-jardueren banaketak edo gerora sortutako beste inguruabar batzuek eragindako aldaketak ukitutako dokumentu eta apartatuetan soilik txertatuko dira, eta jasota geratuko dira prestakuntza planean, jarraipen dokumentazio arruntean edo, hala dagokionean, azken memorian.

Nafarroako Lanbide Heziketaren Sistemako eskaintzen ebaluazioa arautzen duen foru aginduak indarra hartu arte, enpresako prestakuntzaren jarraipena eta ebaluazioa egiterakoan eta enpresaren balorazioak erabiltzerakoan, aintzat hartuko da uztailaren 18ko 659/2023 Errege Dekretua, egiturak eta curriculumak ezartzen dituzten foru dekretuak, VI. kapitulua eta kapitulu honetako 6., 7. eta 8. apartatuak eta eskaintza bakoitzean aplikatzekoak diren ebazpen honetako gainerako edozein elementu.

Ebaluazioko foru agindu berriak indarra hartzen duenetik, eta bat etorrita ezarritako araubide iragankorrarekin, jarraipen eta ebaluazio jarduketek men eginen diote bertan ezarritakoari eta ezarpenerako ebazpen espezifikoan ezarritakoari. Aurretiaz baliozkotasunez lortutako ebidentziak eta balorazioak baliozkoak izanen dira, eta ebaluazio prozesuan txertatuko dira arau horietan ezarritako baldintzetan. Enpresako prestakuntzan hasteko datak ez du berez beste ebaluazio araubide bat aplikatzea ekarriko.

Proiektu Intermodularraren programazioak koordinazioa bermatuko du gainerako lanbide moduluekiko, eta, egoki denean, enpresako edo pareko erakundeko prestakuntzarekiko ere, bat etorriz aplikatzekoa den curriculumarekin eta ebazpen honetan jasotako jarraibide espezifikoekin.

10. Informazioa, bertsioak identifikatzea eta gordetzea.

Ikastetxeek eta entitateek bermatuko dute ezen, prestakuntzaren hasieratik, ikasleek –eta, hala dagokionean, haien legezko ordezkariek– informazio argia, irisgarria eta ulergarria jasotzen dutela ikaskuntza prozesuan eta ebaluazioan zuzenean eragiten duten programazioaren elementuei buruz.

Informazio horrek hauek jasoko ditu, gutxienez: egoki diren ikaskuntzaren emaitzak, konpetentzia espezifikoak edo ebaluazio erreferenteak eta haien ebaluazio irizpideak; ebaluazio prozedurak eta tresnak; kalifikazio irizpideak, eta, egoki bada, aplikatzekoak diren haztapenak; etengabeko ebaluaziorako baldintzak eta ondorioak, eta, halakorik egonez gero, ebaluatzeko sistema alternatiboa; berreskuratzeko jarduerak eta prozedurak; enpresako edo pareko erakundeko prestakuntzaren eragina ebaluazioan, eta erreklamatzeko prozedurak eta epeak. Halaber, eskuragarri dauden irisgarritasun eta laguntza neurriak jakinaraziko dira, bai eta, egoki denean, behar diren laguntza espezifikoak ere.

Programazioak identifikatu ahal izateko, data eta bertsioa adierazi beharko dira. Ikasturtean zehar eginiko aldaketa garrantzitsuetan ukitutako apartatuak, aplikazio data eta horiek justifikatzeko arrazoia adieraziko dira. Ikasleari bere ebaluazioari, kalifikazioari edo berreskurapenari emandako informazioari eragiten badiote aldaketek, aplikatu baino lehen ikasleari jakinarazi beharko zaio, eta, egoki denean, haren legezko ordezkariei.

Ikastetxeko zuzendariak edo entitatearen arduradunak bermatuko du hasiera batean aplikatutako programazioa gordetzen dela eta eskuragarri dagoela, ondoren egiten diren aldaketekin batera. Gordetzeko, prozedura dokumental arruntetan txertatuko da, eta ez du eskatuko erregistro gehigarri bat sortzea, ez eta dokumentuak oro har bikoiztea ere.

11. Indarra hartu ondoren luzatuko diren eskaintzak eta jarduketak.

Ikastetxearen edo entitatearen dokumentazio arruntak ahalbidetu beharko du foru agindu berriak indarra hartu baino lehen hasitako eskaintzak eta jarduketak identifikatzea eta ondoren garatzen jarraitzea.

Ondorio horietarako, espediente edo erregistro gehigarri bat egin behar gabe, honako hauek zehaztu beharko dira:

a) Eskaintzaren edo prestakuntzaren hasiera data.

b) Une horretan aplikatutako programazioa eta araudia.

c) Eginiko prestakuntza jarduerak eta ebaluazio jarduerak.

d) Eginiko edo egiteko dagoen enpresako edo pareko erakundeko prestakuntza.

e) Hartutako erabaki akademikoak.

f) Egiteko dauden administrazio prozedurak edo prozedura akademikoak.

Aplikatzekoa den araudiaren arabera eginiko programazioak, dokumentuak, jarduerak eta jarduketak ez dira errepikatuko ez ordeztuko arau berriak indarra hartzen duelako edo aurreikusten delako indarra hartuko duela. Ondoren egiten den tratamendua bat etorriko da ebaluazioari buruzko foru aginduarekin, bertako xedapen iragankorrekin bat eta ezarpenerako ebaluazio espezifikoarekin bat.

12. Programazioak egokitzea foru agindu berriak indarra hartu ondoren.

Foru agindu berriak indarra hartzeak ez du zuzenean eraginen programazio berriak oso-osorik prestatzea.

Ondorioak dituen egunetik aurrera, programazioak arau horretan ezarritakoari jarraitu beharko dio, bertan ezarritako araubide iragankorrarekin bat. Egokitzapena ukitutako elementuetan bakarrik eginen da, eta aurretiaz eginiko prestakuntza eta ebaluazio jarduketak errespetatuko dira.

Ezarpenerako ebazpen espezifikoak zehaztuko ditu egin behar diren egokitzapenen irismena, prozedura eta epea, eta ezarriko du egokitzapen horiek jarduketa partzial baten bidez, eranskin baten bidez edo beste tresna baten bidez formalizatu behar diren. Jarraibide hauek eman arte, ez da aurretiaz inolako dokumentu eredurik prestatu beharko, ez eta foru aginduaren proiektuan bakarrik oinarritutako prebentziozko aldaketarik egin ere.

Aurreko programazioaren eta foru agindu berrian zuzenean aplikatu beharreko xedapenen baten artean bateraezintasunen bat detektatzen denean, azken hori gailenduko da ondorioak dituen egunetik aurrera. Ikastetxeak eginiko egokitzapena jasoko du, eta aplikatu aurretik ikasleak informatuko ditu, bai eta, egoki denean, haien legezko ordezkariak ere.

13. Erantzukizuna eta koordinazioa.

Ikastetxeko zuzendariari edo entitatearen arduradunari dagokio bermatzea eskaintzek kapitulu honetan jasotako programazioak izan ditzaten, bat etor daitezen aplikatzekoa den araudiarekin eta ondoren egiten diren aldaketak modu koordinatuan eta trazagarrian egin daitezen.

Irakasle taldeek eta prestakuntzaren arduradunek programazioak prestatzean, aplikatzean, horien jarraipena egitean eta eguneratzean parte hartuko dute, bakoitzaren eginkizunekin bat.

Lanbide Heziketaren Plangintza eta Integraziorako Zerbitzuak koordinatuko du foru agindu berriaren ezarpenerako antolakuntza prestatzea, eta behar diren jarraibideen, orientazioen edo ereduen proposamenak prestatuko ditu. Hezkuntzako eta Lanbide Heziketako Zuzendaritza Nagusiak ezarpenerako behar diren jarraibideak emanen ditu, eta horretarako, dokumentuen alferrikako kargak ekidinen dira eta A, B, C, D eta E graduetako eskaintzetan aplikazio homogeneoa izan dadin saiatuko da.

XIV. KAPITULUA.–LANBIDE HEZIKETAREN SISTEMAREN ZERBITZUAK NAFARROAKO GOBERNUAREN ZERBITZUEN KATALOGOAN

1. Lanbide Heziketaren Sistemari lotutako zerbitzuen katalogoa.

Nafarroako Gobernuaren zerbitzuen katalogoa erreferentziazko espazioa da informazioa lortzeko, eskaera, izen-ematea eta tramitazioa egiteko eta Nafarroako Lanbide Heziketaren Sistemari lotutako prozeduretako asko kudeatzeko.

2026-2027 ikasturtean, ikastetxeek, ikasleek, interesdunek, irakasleek, entitateek, enpresek eta bestelako eragile batzuek aukera izanen dute, dagokion tramiterako fitxaren bidez, honako hauetarako sarbidea izateko: Lanbide Heziketaren eskaintzekin lotutako informazio eta administrazio prozedurak, konpetentzien akreditazioa, graduak, probak, hobekuntza programak egonaldiak, sariak, kirol irakaskuntzak eta Lanbide Heziketaren Sistemari lotutako beste jarduketa batzuk.

Kapitulu honetan jasotako fitxen zerrenda informaziokoa eta antolakuntzakoa da; ez da zerrenda xehe bat, fitxak funtzionalak eta malguak baitira, ikasturtean zehar alda baitaitezke. Parte hartzeko baldintza zehatzak, epeak, betebeharrak, dokumentazioa, inprimakiak eta aurkezteko kanalak izanen dira ezarrita daudenak tramitearen, deialdiaren, ebazpenaren edo prozedura espezifikoaren fitxa bakoitzean.

Baldin eta fitxak txertatzen badira, lotura dutenak probekin, sariekin, ziurtagiriekin, sarbidearekin, akreditazioekin edo ondorio akademiko edo administratiboak dituzten beste prozedura batzuekin, horrek ez du esan nahi haien arautze substantiborik egiten denik ebazpen honetan, baizik eta dagokion katalogoan eskuragarri dauden zerbitzuak identifikatzen direla.

2. A, B eta C graduekin lotutako tramiterako fitxak.

3. Lanbide konpetentziak akreditatzearekin lotutako tramiterako fitxak.

4. D eta E graduekin lotutako tramiterako fitxak.

5. Kalitate jarduketekin, aitortza jarduketekin, probekin eta programa espezifikoekin lotutako tramiterako fitxak.

6. Lanbide Heziketaren Sistemako graduetarako sarbidearekin lotutako tramiterako fitxak.

7. LH-Thinkekin, nazioarteratzearekin eta berrikuntzarekin lotutako tramiterako fitxak.

8. Kirol irakaskuntzekin lotutako tramiterako fitxak.

9. Fitxak eguneratzea eta kudeaketa zerbitzuekin koordinatzea.

Kapitulu honetan jasotako fitxak organo eskudunak eguneratzen, ordezten, aldatzen edo osatzen ahalko ditu 2026-2027 ikasturtean, kontuan izanda kudeaketarako zer premia dagoen, deialdiak onestean diren, prozedurak aldatzen diren edo Nafarroako Gobernuaren zerbitzuen katalogoa eguneratzen den.

Ikastetxeek beti erabili beharko dituzte eskaera edo dagokion tramitea egiteko unean indarrean dagoen fitxan agertzen diren informazioak, inprimakiak, epeak eta aurkezteko bideak.

Lanbide Heziketaren Antolamendu eta Ebaluaziorako Atalak, Akreditazio Profesionalen Atalak, Etengabeko Lanbide Prestakuntzaren eta Enpresen atalak, Lanbide Heziketa Eraldatzeko Atalak, Lanbide Heziketa Nazioarteratzeko Bulegoak eta gainerako organo edo unitate eskudunek haiei dagozkien prozedurak kudeatu, bultzatu edo koordinatuko dituzte, Hezkuntza Departamentuak ezarritako eginkizunen banaketarekin bat.

Jarraibide hauetan tramiterako fitxen zerrenda zehatz bat jasota egotearen arrazoia da Nafarroako Lanbide Heziketaren Sistemari lotutako zerbitzuetarako sarbidea ikusgai egin, antolatu eta erraztu behar dela, eta aitortu antolaketa, administrazio eta kudeaketa dimentsio batek eusten diola aipatu sistemaren funtzionamendu arruntari.

II. ERANSKINA.–LANEKO ARRISKUEN PREBENTZIOKO OINARRIZKO MAILAREN ZIURTAGIRIAREN EREDUA

2026-2027 IKASTURTEA

1. Ziurtagiria.

Nik, ..................................................................................................................................... jaunak/andreak, ............................................................................................................ (herria: ................................................................................................................ (Nafarroa); helbidea: ..............................................................................................................................................; posta kodea: ........................................) ikastetxeko idazkaria naizen honek, honako hau

ZIURTATZEN DUT

.................................................................................. ikaslea (NANa/AIZa: .......................................) ................................ graduko prestakuntza eskaintza egiten ari dela, ........................................................................................................................... izenekoa, ................................................... Errege Dekretuak arautzen duena, eta, hala badagokio, ................................. Foru Dekretuak ere bai.

Eta, ikastetxean dagoen dokumentazioaren arabera, eranskin honen 2. apartatuan adierazitako prestakuntza jaso du, osotara 50 ordukoa, eta laneko arriskuen prebentzioaren oinarrizko mailako funtzioak gauzatzeko gaitasuna barne hartzen du, bat etorriz Prebentzio Zerbitzuen Erregelamendua onesten duen urtarrilaren 17ko 39/1997 Errege Dekretuaren 35. artikuluan eta IV. eranskinean ezarritakoarekin.

Eta behar diren ondorioak izan ditzan Lanbide Heziketaren Sistemako eskaintzen esparruan eta, hala badagokio, enpresako edo pareko erakundeko prestakuntzan, honako ziurtagiri hau ematen dut.

.............................................(e)n, 20...(e)ko .........................................aren ..........(e)(a)n.

Oharra:Eredu horrek akreditatzen du laneko arriskuen prebentzioari buruzko oinarrizko gutxieneko prestakuntza jaso dela. Ez ditu ordezten, hala dagokionean, ebaluazioari buruzko araudi espezifikoak ezartzen dituen erabakiak, erregistroak edo ondorio akademikoak.

2. Laneko arriskuen prebentzioan oinarrizko mailako eginkizunak betetzeko prestakuntza programaren gutxieneko edukia.

Prestakuntza programaren gutxieneko edukia izanen da ezarrita dagoena Prebentzio Zerbitzuen Erregelamendua onesten duen urtarrilaren 17ko 39/1997 Errege Dekretuaren IV. eranskinean; osotara 50 orduko iraupena izanen du, eta ez du eragotziko sektore esparru zehatz batean aplikatzekoa den eta indarrean dagoen legezko araudiak ezarritakoa.

3. Eredua erabiltzeko oharrak.

Lanbide Heziketaren Sistemako eskaintzetako ikasleek erabiltzen ahalko dute eredu hau, baldin eta beharrezkoa bada agiri bidez akreditatzea laneko arriskuen prebentzioan oinarrizko mailako eginkizunak gauzatzeko gutxieneko gaitasuna.

D graduetako eskaintzetan, prestakuntza hau lotzen ahalko da Enplegagarritasunerako Ibilbide Pertsonala I modulura edo aplikatzekoa den curriculumari dagokion modulura, esparrura edo ikaskuntzaren emaitzara. C graduko eskaintzetan edo Lanbide Heziketaren Sistemako beste eskaintza batzuetan, men eginen zaio aplikatzekoak diren curriculumean, deialdian edo jarraibide espezifikoetan ezarritakoari. Ziurtagiria ikastetxe arduradunak emanen du, adierazitako gutxieneko prestakuntza jaso izana akreditatzen duen dokumentua egiaztatu ondoren.

III. ERANSKINA.–OINARRIZKO MAILAKO HEZIKETA ZIKLOETAN ESPARRU EZ-PROFESIONALEN KONPETENTZIA ESPEZIFIKOAK ENPRESAKO EDO PAREKO ERAKUNDEKO PRESTAKUNTZAREN PRESTAKUNTZA PLANEAN TXERTATZEKO ERREFERENTZIA ORIENTAGARRIAK

2026-2027 IKASTURTEA

1. Eranskinaren xedea.

Eranskin honen xedea da erreferentzia orientagarria izatea, oinarrizko mailako heziketa zikloetan aritzen diren irakasle taldeek modua izan dezaten esparru ez-profesionaletako konpetentzia espezifikoak identifikatzeko, txertatzen ahal direnak, haien izaera dela eta, enpresako edo pareko erakundeko prestakuntzaren prestakuntza planean.

Konpetentzia espezifiko horiek txertatuko dira soilik koherenteak badira zikloaren lanbide profilarekin, enpresan edo pareko erakundean egiteko prestatutako prestakuntza jarduerekin, prestakuntzan ari den pertsonaren ezaugarriekin eta prestakuntza postuaren bideragarritasun errealarekin.

Eranskin hau antolakuntzakoa eta plangintzakoa da. Ez ditu ebaluazioa, kalifikazioa, gainditzea eta ondorio akademikoak arautzen esparru ez-profesionaletan, lanbide moduluetan eta enpresako edo pareko erakundeko prestakuntzan.

2. Erabilera irizpideak.

Irakasle taldeek eranskin hau erabiliko dute honako irizpide hauei jarraikiz:

–Eranskin honetan jasotako konpetentzia espezifikoen zerrenda orientaziokoa da, eta ez da nahitaezkoa prestakuntza planean guztiak jasotzea.

–Hautapena irakasle taldeak egin beharko du, ikastetxeko tutore dualarekin eta Kanpoko Lanbide Jardueren Departamentuarekin koordinatuta.

–Esparru ez-profesionalen konpetentzia espezifikoak txertatzea lotu beharko da enpresako edo pareko erakundeetan gauzatzen ahal diren prestakuntza jarduerekin.

–Zehaztapena, ahal dela, bi mailatan egin beharko da: lehenik, zikloaren prestakuntza plan orokorrean, eta, ondoren, ikasle bakoitzaren eta enpresa edo antzeko erakunde bakoitzaren Prestakuntza Plan Pertsonalizatuan.

–Konpetentzia horien parte-hartzeak ez du alferrikako dokumentu kargarik sortu beharko, ez eta prestakuntza planean aurreikusitako erregistroak bikoiztu ere.

–Ulertuko da jarraipenari edo balorazioari buruzko aipamenak egiten direla antolaketari eta prestakuntza laguntzari dagokienez, inola ere eragotzi gabe ebaluaziorako jarraibide espezifikoek ezartzen dutena.

3. Konpetentzia espezifiko orientagarriak.

Ondoren adierazitako konpetentzia espezifikoak erreferentzia bat izan daitezke oinarrizko mailako zikloetan enpresako edo pareko erakundeko prestakuntzaren prestakuntza planean txertatu ahal izateko.

4. Prestakuntza planean txertatzea.

Esparru ez-profesionalen konpetentzia espezifikoak prestakuntza planean txertatzeko, enpresan edo pareko erakundean gauzatu beharreko prestakuntza jarduera zehatzetara lotu beharko dira. Horretarako, ikastetxeak lan egiteko txantiloi bat erabiltzen ahalko du. Hona hemen eredu bat:

5. Konpetentzia espezifikoak hautatzeko orientabideak.

Enpresako edo pareko erakundeko prestakuntzan egoten ahal diren esparru ez-profesionalen konpetentzia espezifikoak hautatzeko, irakasle taldeak honako hauek baloratu beharko ditu, gutxienez:

–Konpetentzia espezifikoak lotura erreala izatea enpresan edo pareko erakundean eginen diren prestakuntza jarduerekin.

–Hori txertatzeak prestakuntza balioa ematea ikasleei, eta ez izatea curriculuma ingurune profesionalera eramateko translazio bat.

–Enpresak edo pareko erakundeak konpetentzia garatzeko egoera, zeregin, prozesu edo testuinguru egokiak eskaini ahal izatea.

–Konpetentzia espezifikoa zikloko lanbide ikaskuntzekin integratuta lantzeko modua egotea.

–Txertatzea egokia izatea prestakuntzan ari den pertsonarentzat, ikastetxeko tutore dualarentzat eta enpresako tutore dualarentzat.

–Jarraipena egiteko neurriak prestakuntza planaren garapenean laguntzeko proportziozkoak, errazak eta baliagarriak izatea.

6. Antolakuntzako jarraipena.

Ikastetxeko tutore dualak antolakuntzako jarraipena eginen du, enpresako edo pareko erakundeko tutore dualarekin eta irakasle taldearekin koordinatuta, ikusteko nola garatzen diren hautatutako konpetentzia espezifikoei lotutako prestakuntza jarduerak.

Jarraipen hori gauzatzeko, bilerak, elkarrizketak, laguntza erregistroak, partekatutako oharrak edo ikastetxeak ezarritako bestelako prozedura errazak baliatuko dira, betiere koordinatzeko eta prestakuntza plana hobetzeko xedea izanik.

Jarraipenean lortutako informazioa erabiltzen ahalko da prestakuntza plana doitzeko, enpresarekin edo pareko erakundearekin koordinazioa indartzeko, zikloaren plangintza hobetzeko eta ondorengo ikasturteetarako hobekuntza proposamenak egiteko.

7. Ebaluazioaren erregulazio ezaren klausula.

Eranskin hau erabiltzeak ez du finkatzen, berez, esparru ez-profesionalen, lanbide moduluen edo enpresako edo pareko erakundeko prestakuntzaren ebaluazioa edo kalifikazioa edo haiek gainditzea edo ez gainditzea.

Enpresako edo pareko erakundeko prestakuntzan esparru ez-profesionalen konpetentzia espezifikoen parte hartzearen ondoriozko ebaluazio ondorioak, halakorik egonez gero, bat etorriko dira Nafarroako Lanbide Heziketaren Sistemako ebaluazioari buruzko araudi espezifikoarekin.

IV. ERANSKINA.–ENPRESAKO EDO PAREKO ERAKUNDEKO PRESTAKUNTZAREN PRESTAKUNTZA PLANAREN EREDUA

2026-2027 IKASTURTEA

1. Eranskinaren xedea.

Eranskin honek prestakuntza planaren eredu bat eskaintzen du, Lanbide Heziketaren Sistemako eskaintzen enpresako edo pareko erakundeko prestakuntza antolatzeko, hori egitea egoki denean.

Eredua bi mailatan banatzen da: zikloaren edo eskaintzaren prestakuntza plana, ikastetxeak modu orokorrean prestatutakoa, eta ikasle bakoitzari esleitutako enpresako edo pareko erakundeko Prestakuntza Plan Pertsonalizatua.

Prestakuntza planak ahalbidetu beharko du enpresan eginen diren jarduerak antolatzea; ikaskuntzaren emaitzak, konpetentziak edo lotutako prestakuntza konpetentziak identifikatzea; koordinazio eta jarraipen mekanismoak zehaztea eta egonaldiaren antolakuntzako trazabilitatea bermatzea.

Eranskin hau antolakuntzakoa eta dokumentaziokoa da. Ez ditu enpresako edo pareko erakundeko prestakuntzaren ebaluazioa, kalifikazioa, gainditzea eta ondorio akademikoak arautzen, horiek bat etorriko baitira ebaluaziorako araudi espezifikoarekin eta horretarako zehazki emandako jarraibideekin.

2. Prestatzeko irizpide orokorrak.

Prestakuntza plana honako irizpide orokor hauen arabera prestatuko da:

–Lanbide profilera, eskaintzaren konpetentzia orokorrera eta ekoizpen sektorearen ezaugarrietara egokitzea.

–Benetako bideragarritasuna izatea eskuragarri dauden enpresen edo pareko erakundeen prestakuntza jarduerek.

–Koherentzia egotea ikastetxeko prestakuntzaren eta enpresako edo pareko erakundeko prestakuntzaren artean.

–Zehaztapena behar adinakoa izatea, prestakuntzan ari den ikasleak, ikastetxeko tutore dualak eta enpresako tutore dualak jakin dezaten zer jarduera eginen diren.

–Malgutasuna izatea enpresa edo pareko erakunde bakoitzaren errealitatera plana egokitzeko, egonaldiaren prestakuntza xedetik aldendu gabe.

–Dokumentuen sinpletasuna gordetzea, eta saihestea bikoiztasunak, alferrikako erregistroak edo prestakuntzaren jarraipenari balioa eransten ez dion informazioa.

Oinarrizko mailako zikloetan, esparru ez-profesionalen konpetentzia espezifikoak txertatzea egoki bada, erreferentzia orientagarri gisa jarraibide hauen III. eranskina erabiliko da.

3. A atala. Zikloaren edo eskaintzaren prestakuntza plana.

Zikloaren edo eskaintzaren prestakuntza planak barne hartuko du enpresako edo pareko erakundeko prestakuntzaren plangintza orokorra. Irakasle taldeak prestatuko du, ikastetxeko tutore dualarekin, Kanpoko Lanbide Jardueren Departamentuarekin eta zikloarekin edo eskaintzarekin koordinatuta, ikastetxearen antolakuntzarekin bat.

A.1. Zikloaren edo eskaintzaren datu orokorrak.

A.2. Ikaskuntzaren emaitzen, konpetentzien edo prestakuntza jardueren hautapen orokorra.

Irakasle taldeak ikaskuntzaren emaitzen, konpetentzien edo prestakuntza jardueren hautapen orokorra eginen du, sektoreko ahalik eta enpresa edo pareko erakunde gehienetan gauzatzeko. Hautapena antolakuntzakoa izanen da, eta ondoren ikasle bakoitzaren prestakuntza plana pertsonalizatzeko erabiliko da.

A.3. Enpresak edo pareko erakundeak eta esleitzeko irizpide orokorrak.

Ikastetxeak enpresa edo pareko erakunde laguntzaileen hasierako zerrenda bat txertatzen ahalko du, bai eta ikasleak esleitzeko irizpideak ere. Edonola ere, prestakuntzan ari den ikasle bakoitzarentzat zehazten ahalko dira.

A.4. Koordinazio eta jarraipen mekanismo orokorrak.

Zikloaren edo eskaintzaren prestakuntza planak barne hartu beharko ditu ikastetxearen, enpresaren edo pareko erakundearen eta prestakuntzan ari den ikaslearen arteko koordinazio mekanismo orokorrak. Besteak beste, honako hauek egiten ahalko dira: hasierako bilerak, jarraipen bilerak, baliabide telematiko bidezko kontaktuak, enpresarako bisitak, akonpainamendu erregistroak eta antolakuntza ixteko bilerak.

4. B atala. Ikaslearen Prestakuntza Plan Pertsonalizatua.

Enpresa edo pareko erakundea esleitu ondoren, zikloaren edo eskaintzaren prestakuntza plana ikasle bakoitzaren Prestakuntza Plan Pertsonalizatuan zehaztuko da. Planak enpresan edo pareko erakundean benetan gauzatuko diren prestakuntza jarduerak jasoko ditu, bai eta aplikatzekoak diren koordinazio eta jarraipen mekanismoak ere.

B.1. Identifikazio datuak.

B.2. Plana gauzatzeko egutegia.

B.3. Pertsonalizatutako prestakuntza jarduerak.

Ikasleak enpresan edo pareko erakundean eginen dituen jarduerak zehaztuko dira, eta egoki diren ikaskuntzaren emaitzekin, konpetentziekin, esparruekin edo prestakuntza blokeekin lotuko dira.

B.4. Prestakuntza osagarriak.

Behar denean, adieraziko da zer prestakunza osagarri ezarri behar dituen ikastetxeak, enpresak edo pareko erakundeak, edo biek batera, eginen diren jarduerak behar bezala gauzatzea errazte aldera.

B.5. Laguntza, irisgarritasun, prebentzio eta segurtasun neurriak.

Prestakuntza Plan Pertsonalizatuak, egoki denean, behar diren honako antolakuntza neurri hauek jasoko ditu: laguntza, prestakuntza postura egokitzea, laneko arriskuen prebentzioa, adingabeen babesa, konfidentzialtasuna edo akonpainamendua.

B.6. Jarraipen pertsonalizatuko mekanismoak.

Prestakuntza egonaldian zehar aplikatuko diren jarraipen mekanismoak adieraziko dira. Mekanismo horiek antolakuntzakoak, akonpainamendukoak eta prestakuntza plana hobeki garatzekoak izanen dira.

B.7. Prestakuntza Plan Pertsonalizatua berrikustea eta eguneratzea.

Prestakuntza Plan Pertsonalizatua berrikusten eta eguneratzen ahalko da honako hauetan aldaketarik egonez gero: enpresan edo pareko erakundean, prestakuntza jardueretan, egutegian, laguntza premietan, prestakuntzan ari den ikaslearen eskuragarritasunean edo esanguratsuak diren antolakuntzako beste inguruabar batzuetan.

Aldaketak modu erraz eta trazagarrian dokumentatu beharko dira, eta data, egokitzapenaren arrazoia eta berrikuspenean esku hartu duten pertsonak adieraziko dira.

5. Sinadurak.

Prestakuntza Plan Pertsonalizatua enpresak edo pareko erakundeak, Lanbide Heziketako ikastetxeak eta prestakuntza jasotzen ari den pertsonak sinatuko dute. Prestakuntza jasotzen duen pertsona adingabea denean, haren legezko arduradunaren sinadura erantsiko da hala eskatzen badu aplikatzekoa den prozedurak.

6. Ebaluazioaren erregulazio ezaren klausula.

Prestakuntza planaren eredu hau antolakuntzakoa eta plangintzakoa da. Hori betetzeak ez du berez eraginen moduluak, esparruak, prestakuntza blokeak, eskaintzak edo enpresako edo pareko erakunde bateko prestakuntza ebaluatzea, kalifikatzea, gainditzea edo ez gainditzea.

Planaren jarraipenari, balorazioari, berrikuspenari edo egokitzapenari eginiko erreferentziak antolakuntza eta prestakuntza laguntza gisa ulertu beharko dira. Enpresako edo pareko erakundeko prestakuntzak eragin ditzakeen ebaluazioaren ondorioek bat etorri beharko dute ebaluazioaren araudi espezifikoarekin eta Lanbide Heziketaren Sistema ebaluatzeko foru agindua ezartzeko ematen diren jarraibideekin.

7. Datuak babestea eta konfidentzialtasuna.

Prestakuntza planean barne hartutako datu pertsonalak datuen babeserako arloan indarrean dagoen araudiarekin bat tratatuko dira. Ikastetxeak eta enpresak edo pareko erakundeak informazioa erabiliko dute enpresako edo pareko erakundeko prestakuntza antolatzeko, garatzeko, horren jarraipena egiteko eta kudeatzeko bakarrik.

Prestakuntzan ari den ikasleak bete beharko ditu enpresako edo pareko erakundeko egonaldian zehar aplikatzekoak diren konfidentzialtasunaren edo lanbide sekretuaren ondoriozko betebeharrak.

V. ERANSKINA.–ENPRESAKO EDO PAREKO ERAKUNDEKO PRESTAKUNTZARI UKO EGITEKO EREDUA

2026-2027 IKASTURTEA

1. Eranskinaren xedea.

Eranskin honetan eskaera eredu bateratu bat dago, hain zuzen ere Lanbide Heziketaren Sistemako eskaintzetan enpresako edo pareko erakundeko prestakuntza egiteari uko eskatzeko, prestakuntza hori egin behar badago.

Uko egitea antolakuntza izaeraz tramitatu beharko da, eta jasota utzi honako hauek: eskaeraren dokumentua, aurkeztu zeneko data, ukitutako prestakuntza eskaintza, zer enpresako edo pareko erakundeko prestakuntzari egiten zaion uko eta ikastetxeak egin beharreko ebazpena edo jarduketa.

Oro har, uko egitea aurkeztu beharko da enpresako edo pareko erakundeko prestakuntza hasteko data baino hilabete lehenago. Edonola ere, ezohiko inguruabarrak egoten ahal dira, zuzendaritzak aintzat hartzen ahalko dituenak aplikatzekoak diren arau eta jarraibideekin bat.

Eredu hau antolakuntzakoa eta dokumentala da. Ez ditu berez arautzen honako hauek: uko egitea dela-eta egoten ahal diren ondorio akademikoak, ebaluaziokoak, ziurtagirikoak, prestakuntzaren jarraitutasunekoak edo gainditzekoak, halakorik balego. Horiek guztiak aplikatzekoa den araudi espezifikora egokituko dira, bai eta ebaluazioari buruz ematen diren jarraibideetara ere.

2. Uko egiteko eskaera.

..................................................................................................................................... jaunak/andreak (NANa/AIZa: ...............................; jakinarazpenetarako helbidea: ................................................................................................................; telefonoa: ........................................, eta helbide elektronikoa: ..............................................................................................................................),

ADIERAZTEN DU:

Matrikulatuta dago ondoren adierazitako prestakuntza eskaintzan:

Enpresako edo pareko erakundeko prestakuntza honako baldintza hauetan egitea du aurreikusia:

Idatzi honen bidez, UKO EGITEN DIO aurretiaz adierazitako enpresako edo pareko erakundeko prestakuntza egiteari, ondoren adierazitako arrazoiak direla-eta:

Uko egitearen deskribapen edo justifikazio osagarria:

....................................................................................................................................................

....................................................................................................................................................

....................................................................................................................................................

....................................................................................................................................................

....................................................................................................................................................

....................................................................................................................................................

....................................................................................................................................................

Horrenbestez,

ESKATZEN DU:

Enpresako edo pareko erakundeko prestakuntzari uko egiteko eskaera hau aurkeztutzat jotzea, dagokion espedientean edo antolakuntzako dokumentazioan jasotzea eta tramitatzea aplikatzekoak diren araudia eta jarraibideak.

3. Ezagutza adierazpena.

Eskatzaileak adierazten du jakinarazi diotela aplikatzekoa den araudiarekin eta ebaluazio arloan ematen diren jarraibideekin bat etorriko direla uko egitea onartzea eta horrek izaten ahal dituen antolakuntzako ondorioak, ondorio akademikoak, ebaluaziokoak, prestakuntzaren jarraitutasunekoak, egonaldia errepikatzekoak, ziurtagirikoak edo gainditzekoak.

Era berean, aitortzen du eskaera hau aurkezteak ez dakarrela, berez, egoera akademikoa edo prestakuntza egoera automatikoki aldatzea, ez eta indarreko araudiaren arabera dauden betebeharretatik salbuestea ere.

4. Erantsitako dokumentazioa, halakorik badago.

Eskatzaileak nahi duen dokumentazioa eransten ahalko du alegatutako arrazoia justifikatzeko edo akreditatzeko, egoki denean.

• 1. agiria: ...........................................................................................................................................

• 2. agiria: ..........................................................................................................................................

• 3. agiria: ..........................................................................................................................................

• Bestelako dokumentazioa: ...................................................................................................................

5. Eskatzailearen sinadura.

.............................................(e)n, 20...(e)ko .........................................aren ..........(e)(a)n.

Eskatzailearen sinadura:

Sin.: ...................................................................................................................................................

Ama, aita, tutore edo legezko ordezkariaren sinadura, eskatzailea adingabea bada:

Sin.: ....................................................................................................................................................

6. Ikastetxeak jaso izanaren erregistroa.

7. Ikastetxearen antolakuntza txostena, egoki bada.

Ikastetxeko zuzendaritzak, ikastetxeko tutore dualak, Kanpoko Lanbide Jardueren Departamentuak edo dagokion arduradunak antolakuntzako txosten labur bat eransten ahalko dute, baldin eta beharrezkoa bada eskaera baloratzeko, batez ere uko egiteak eragiten badio jada esleitutako enpresa bati, planifikatutako prestakuntza aldi bati edo taldearen antolakuntza orokorrari.

8. Ikastetxeko zuzendaritzaren ebazpena edo jarduketa.

Ikusita aurkeztutako eskaera, eta, halakorik egonez gero, erantsitako dokumentazioa edo antolakuntza txostena, ikastetxeko zuzendaritzak honako hau erabaki du:

Arrazoiak edo argibide osagarriak:

....................................................................................................................................................

....................................................................................................................................................

....................................................................................................................................................

....................................................................................................................................................

....................................................................................................................................................

....................................................................................................................................................

.............................................(e)n, 20...(e)ko .........................................aren ..........(e)(a)n.

ZUZENDARIA

Sin.: ......................................

9. Komunikazioa.

Ematen den ebazpena edo egiten den jarduketa interesdunari jakinaraziko zaio, eta, hala dagokionean, ikastetxeko tutore dualari, Kanpoko Lanbide Jardueren Departamentuari, enpresari edo pareko erakundeari, irakasle taldeari, ikastetxeko idazkariari edo dagokion administrazio unitateari, ondorioak izan ditzan antolakuntza, dokumentazio eta kudeaketa aldetik.

Enpresako edo pareko erakundeko prestakuntza komunikatuta badago eta EDUCAn edo beste kudeaketa aplikazio batean erregistratuta edo planifikatuta badago, ikastetxeak behar diren jarduketak eginen ditu dagokion informazioa eguneratzeko. Halaber, egoki bada, Gizarte Segurantzaren arloko betebeharrei lotutako jarduketak ere eginen ditu.

10. Ebaluazioaren erregulazio ezaren klausula.

Eredu hau antolakuntzakoa eta dokumentala da. Uko egitea aurkezteak, onartzeak edo ez onartzeak ez dakar, berez, moduluak, esparruak, prestakuntza blokeak, eskaintzen edo enpresako edo pareko erakundeko prestakuntza ebaluatzea, kalifikatzea, gainditzea edo ez gainditzea.

Uko egiteak eragiten dituen ondorio akademikoak, ebaluazio ondorioak, ziurtagirikoak, prestakuntzan jarraitzekoak, enpresako edo pareko erakundeko prestakuntza errepikatzekoa edo horretan jarraitzekoak bat etorriko dira aplikatzekoa den araudi espezifikoarekin eta Lanbide Heziketaren Sistemako ebaluazio arloan ematen diren jarraibideekin.

11. Datuen babesa.

Eredu honetan jasotako datu pertsonalak datuen babeserako arloan indarrean dagoen araudiarekin bat tratatuko dira. Ikastetxeak informazioa enpresako edo pareko erakundeko prestakuntzari uko egitea tramitatzeko, antolatzeko, dokumentatzeko, jarraipena egiteko eta kudeatzeko erabiliko da bakarrik.

VI. ERANSKINA.–LANBIDE HEZIKETAKO PROGRAMA ESPEZIFIKOEN ORDUTEGIA KODETZEKO KOADROA

2026-2027 IKASTURTEA

1. Eranskinaren xedea.

Eranskin honek informazio eta antolakuntza xedea du, eta jarraibide hauetan araututako Lanbide Heziketako programa espezifiko nagusiei lotutako ordutegien kodetzea jasotzen du.

Taularen helburua da ikastetxeetako zuzendaritza taldeei, ikasketaburuei, ordutegien arduradunei, idazkariei eta zerbitzu eskudunei eskaintzea irakasleen ordutegia antolatzean erabili beharreko siglen eta kontzeptuen kontsulta ordenatua egin ahal izatea, hala behar denean.

Eranskin honetan jasotako kodetzeak ez dakar, berez, ordutegia esleitzeko eskubiderik, eta ez ditu ordezten onetsitako plantillak, ordutegia antolatzeko jarraibideak, Nafarroan ekitatean eta hezkuntza kalitatean aurrera egiteko Ituna eta ikasturte bakoitzerako Hezkuntza Departamentuak ezarritako irizpide espezifikoak.

2. Interpretazio irizpideak.

–Orduak irakasleen ordutegi pertsonalean ezarri beharko dira, dagokion apartatuan: eskola ordutzat hartutako orduak, ordu osagarriak edo Hezkuntza Departamentuak ezarritako beste apartatu bat.

–Nafarroan ekitatean eta hezkuntza kalitatean aurrera egiteko Itunean ezarritako asteko bi ordu osagarrietako baten ondoriozkoa denean ordu esleipena, taulan adierazitako sigla espezifikoak erabiliko dira.

–Kodea ezartzeko dagoela adierazten denean, Hezkuntza Departamentuak 2026-2027 ikasturterako ezarritako kontzeptua, siglak edo prozedura erabili beharko da.

–Kapituluei eginiko erreferentziak orientaziokoak dira, eta ahalbidetzen dute araubide substantiboa lokalizatzea jarraibideen barneko dagokion programan edo jarduketan.

–Eranskinaren eta programa zehatz baterako emandako plantillako, ordutegiko edo kudeaketako jarraibide espezifikoen artean kontraesanen bat badago, azkenekoak lehenetsiko dira.

3. Orduen kodeen koadro orokorra.

4. Ordu motaren araberako taldekatze orientatiboa.

5. Esleipenak jakinaraztea eta eguneratzea.

Irakasle arduradunak, irakasle laguntzaileak edo pertsona erreferenteak izendatzean, horren berri eman beharko zaio Lanbide Heziketaren Plangintza eta Integraziorako Zerbitzuari edo unitate eskudunari, dagozkion kapituluetan edo emandako jarraibide espezifikoetan ezarritako epe eta prozedurei jarraikiz.

Oro har, jarraibideetan ezartzen bada 2026ko irailaren 30a baino lehen egin behar direla jakinarazpenak, ikastetxeek epe hori errespetatu beharko dute, nahiz eta eguneratzeak egiten ahalko diren plantillaren aldaketak, bajak, ordezkapenak, antolakuntza aldatzea edo ondorengo jarraibideak direla-eta.

Unitate eskudunek ikastetxeei eskatzen ahalko diete eguneratu dezaten programa bakoitzeko arduradunei, laguntzaileei edo erreferenteei buruzko informazioa, beharrezkoa bada koordinatzeko, jarraipena egiteko, ziurtagiriak emateko, dokumentuak kudeatzeko edo jarduketak justifikatzeko.

6. Eguneratze klausula.

Eranskin hau instrumentala da, eta posible izanen da hura eguneratu, osatu edo interpretatzea, honako hauek emandako jarraibideak betez: Hezkuntzako eta Lanbide Heziketako Zuzendaritza Nagusiak, Lanbide Heziketaren Plangintza eta Integraziorako Zerbitzuak, Lanbide Heziketaren Modernizaziorako eta Berrikuntzarako Zerbitzuak edo langileen, plantillen eta ordutegien arloan eskumenak dituzten unitateek.

2026-2027 ikasturtean plantillaren kontzeptuak, siglak, aplikazio informatikoak, irakasleen ordutegi pertsonalaren apartatuak edo orduak esleitzeko irizpideak aldatzean, aintzat hartuko dira Hezkuntza Departamentuak ezarritako prozedurak.

Eranskin honetan jasotako siglak erabiltzean, koherentea izan beharko da benetan gauzatutako eginkizunarekin eta ikastetxe bakoitzean baimendutako ordu esleipenarekin.

Iragarkiaren kodea: F2611098