2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
IRUÑA
Honako honen aldaketa: oposizioa, bete daitezen hiri kontserbazioko ofizial ikuskatzailearen 2 plaza
Tokiko Gobernu Batzarrak 2026ko maiatzaren 4an eta 11n egindako bilkuretan, eta hiri-kontserbazioko ofizial ikuskatzailearen 2 plaza oposizio bidez betetzeko deialdiari dagokionez (Tokiko Gobernu Batzarraren 2026ko martxoaren 30eko erabakiaren bidez (17/RH) onetsia eta 2026ko 79. Nafarroako Aldizkari Ofizialean, apirilaren 23koan, argitaratua), honako erabaki hauek hartu ditu:
1.–Honako gai hauek sartzea deialdiaren oinarrien eranskinean:
29. gaia.–Hormigoizko egiturak: Alderdi orokorrak (hormigoiaren osagaiak eta propietate nagusiak. Tipifikazioa). Obran jartzea eta hormigoiztatzearen ondorengo prozesuak. (Egiturazko kodea).
30. gaia.–Galtzadak: Hormigoi bituminoso motako nahasketa bituminosoen alderdi orokorrak (materialak, nahasketaren mota eta osaera, obra jartzearen kontrola -hedadura eta trinkotzea). Zagorren alderdi orokorrak (motak, unitate amaituaren zehaztapenak, unitate amaituaren jasotze-kontrola). Zementuzko zoruaren alderdi orokorrak (nahastearen mota eta osaera, obrak gauzatzea) (PG-3).
31. gaia.–Aparkalekuak eta bizitegi-kaleak antolatzea. Pasatzeko lizentziak seinaleztatzea, zintarria jaistea eta erantzukizuna. (Mugikortasuneko ordenantza).
2.–Eskabideak aurkezteko beste epe bat irekitzea, hogei egun naturalekoa, erabaki hau Nafarroako Aldizkari Ofizialean argitaratu eta biharamunetik aitzina.
Deialdian lehendik izena eman dutenek ez dute berriz izena eman beharko.
3.–Agintzea erabaki hauek argitara daitezela Nafarroako Aldizkari Ofizialean eta deialdiaren fitxan, Iruñeko Udalaren webgunean.
Erabaki honen kontra errekurtso hauetakoren bat paratzen ahal da, aukeran:
a) Berraztertzeko errekurtsoa, egintza edo erabakia gauzatu duen organoari zuzendua, hilabeteko epean, ebazpen hau jakinarazi edo argitaratu eta biharamunetik aitzina.
b) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, errekurritutako egintza edo erabakia argitaratu edo jakinarazi ondotik.
c) Administrazioarekiko auzi-errekurtsoa, Iruñeko Auzialdiko Auzitegiko auzien atalari zuzendua, bi hilabeteko epean, errekurritu nahi den egintza edo erabakia jakinarazi edo argitaratu eta biharamunetik aitzina.
Iruñean, 2026ko maiatzaren 11n.–Tokiko Gobernu Batzarreko idazkaria, Garbiñe Bueno Zabalza.
Iragarkiaren kodea: L2606943
