2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
CABREDO
2026rako tasak eta zerga-tasak
Cabredoko Udalak, 2025eko abenduaren 29an egindako bilkuran, besteak beste, hasiera batez onetsi zuen erabaki bat, 2026ko tasak eta zerga-tasak ezartzeko.
Hasierako onespenaren erabakia argitaratu zen 2026ko 19. Nafarroako Aldizkari Ofizialean, urtarrilaren 27an. Tasak iragarki-taulan egon dira jendaurrean, eta ez denez alegaziorik egin haien aurka, argitaratzen dira, behin betiko onets daitezen eta indarrean jar daitezen.
Lehenbizikoa.–Onestea 2026ko urtarrilaren 1etik aurrera indarrean egonen diren karga-tasak:
–Ondasun higiezinen gaineko kontribuzioa: %0,31.
–Eraikuntzen, instalazioen eta obren gaineko zerga: %3.
–Ekonomia-jardueren gaineko zerga: 1,1eko udal indizea.
Bigarrena.–Hiri-lurren balio-gehikuntzaren gaineko zergan aplikatu beharreko koefiziente eta karga-tasei dagokienez, onestea lurraren balioaren gainean sortzapena egiteko unean aplikatu beharreko koefizienteak, balio-gehikuntzaren sortzealdiaren arabera. Hain zuzen, 2/1995 Foru Legearen 175.2 artikuluan ezarritako gehieneko koefizienteak izanen dira. Karga-tasari dagokionez, balio-gehikuntzaren sortzealdi guztietan karga-tasa bakarra ezartzea: %15ekoa, alegia.
Hirugarrena.–Tasei dagokienez, erabaki da 2025eko tarifa berak uztea:
–Ur tasak:
- Urteko kanon finkoa: 25 euro.
- Kontsumituriko m³ bakoitza: 0,19 euro.
–Udal hilerria:
- Ehorzketarako erabiltzeko kontzesio administratiboa:
–Agiriak eman eta izapidetzea:
- Ziurtagirien jaulkipena: 1,50 euro.
- Agiri konpultsatuak: 0,75 euro.
- Lurzati-zedulak: 1,50 euro.
- Ordainagirien eta kontribuzioen kopiak: 1,20 euro.
- Katastroko kopiak eta katastroko orriak: 1,50 euro.
Erabaki honetan zehazten ez diren gainerako tasak aurreko ekitaldietan bezala mantentzen dira.
Laugarrena.–Erabaki hau iragarki-taulan eta Nafarroako Aldizkari Ofizialean argitaratzea.
Cabredon, 2026ko apirilaren 16an–Alkatea, Gorka Sancho Pérez de Albéniz.
Iragarkiaren kodea: L2605641
