2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
NAFARROAKO ERDIALDEA GARATZEKO PARTZUERGOA
Oposizioa, bete daitezen toki-garapenerako agenteen bi plaza, lan-kontratudunen araubidekoak, lanaldi osoan eta epe mugagabean aritzeko
Nafarroako Erdialdea Garatzeko Partzuergoko buruak, martxoaren 26ko 47 Ebazpenaren bidez, honako hau erabaki du:
ERABAKIA:
1. Deialdi hau egitea eta deialdia arautuko duten oinarri arautzaileak onestea: deialdia, oposizio bidez bete daitezen toki-garapenerako agenteen bi plaza, lanaldi osoan eta epe mugagabean aritzeko Nafarroako Erdialdea Garatzeko Partzuergoan, 2026ko lan publikoaren eskaintzaren barruan. Bi plazetako batek ezarria du euskarazko jakite-maila. Hona hemen lanpostuak:
- 14A lanpostua. Hizkuntza-eskakizuna: euskarazko C1 maila.
- 15A lanpostua.
2. Deialdi hau Nafarroako Aldizkari Ofizialean argitaratzea.
Erriberrin, 2026ko martxoaren 26an.–Partzuergoko burua, María Rosario Domingos García.
OINARRIAK
1. oinarria.–Arau orokorrak.
1.1. Deialdi honen xedea da oposizio bidez betetzea toki-garapenerako agenteen bi plaza, lan-kontratudun finkoen araubidekoak, lanaldi osoan eta epe mugagabean aritzeko Nafarroako Erdialdea Garatzeko Partzuergoan, 2026ko lan publikoaren eskaintzaren barruan. Bi plazetako batek ezarria du euskarazko jakite-maila. Hona hemen lanpostuak:
–Toki-garapenerako agentea, 14A lanpostua. Maila: B. Lanpostuko osagarria: %6,73. Sarbidea: oposizioa. Euskarazko hizkuntza-eskakizuna: C1.
–Toki-garapenerako agentea, 15A lanpostua. Maila: B. Lanpostuko osagarria: %6,73. Sarbidea: oposizioa.
1.2. Izendatuak izanen ditu, oro har, bere prestakuntzari eta bete nahi den lanpostuari dagozkion lanak eta zereginak, eta, zehazki, honako hauek:
–Laguntza teknikoa ematea enplegua sortzen duten enpresa berriak abian jartzeko Nafarroako Erdialdean. Jarduketen artean honako hauek daude: hasierako izapideei, araudiari, forma juridikoei eta finantzaketari buruzko aholkularitza pertsonalizatua ematea, eta bideragarritasun tekniko, ekonomiko eta finantzarioari buruzko aholkularitza teknikoa ematea, bai eta, oro har, enpresak abiaraztearekin loturiko alderdiei buruzkoa ere.
–Enpresa-planak eta bideragarritasun-azterlanak egitea.
–Aholkularitza eta laguntza ematea dirulaguntzak izapidetzeko.
–Laguntza teknikoa ematea toki-entitateei laguntzen deialdiak idazteko, ekimen ekintzaileak laguntzea, eta jarduera ekonomikoak ezartzeko pizgarriak diseinatzen eta administrazio-izapideak arintzen laguntzea.
–Enpresei, eratu ondoren, laguntza teknikoa ematea funtzionamenduaren lehen etapetan, eta, horretarako, aholkularitza-zerbitzuak ematea arlo hauetan: enpresa-kudeaketan, zerga-betebeharretan, gizarte-segurantzarekikoetan eta beste betebehar batzuetan (lan-arriskuen prebentzioa, datuen babesa, cl@ve bidezko izapidetze elektronikoa, ziurtagiri digitala eta abar).
–Hauek aztertzeko jarduketak egitea: alferrikakoak diren edo gutxiegi erabiltzen diren baliabideak, tokiko sustapen ekonomikoko enpresa-proiektuak eta tokiko eremuan enplegua sortzeko ekimenenak, eta identifikatzea jarduera ekonomiko berriak eta ekintzaileak izaten ahal diren pertsonak.
–Ekintzailetza eta enpresa-espiritua zabaltzeko, jakinarazteko eta sustatzeko jarduerak egitea, toki-entitateekin eta erakunde laguntzaileekin lankidetzan, bereziki Nafarroako Ekintzailetza Sarearekin.
–Asoziazionismoa bultzatzea eta gizarte-erantzukizuna eta aukera-berdintasuna sustatzea.
–Ekintzailetza-ekosistemak bultzatzeko eta dinamizatzeko jarduketak egitea, bai eta coworking-espazioak kudeatu eta dinamizatzea ere.
–Arestian deskribatutako eginkizunei buruzko prestakuntza-jarduerak egitea.
1.3. Langileak izanen du Nafarroako administrazio publikoetako B mailako langileei dagokien ordainsaria.
1.4. Lanaldia osoa izanen da; astelehenetik ostiralera egin beharko da lan, goizez. Dena den, malgutasuna eduki beharko da ohiko lanaldia aldatzeko, zerbitzuko premiak direla eta.
2. oinarria.–Izangaiek bete beharreko baldintzak.
2.1. Oposizio honetan onartuak izateko, eskabideak aurkezteko epea bukatzen den egunean, izangaiek honako baldintza hauek bete beharko dituzte:
a) Espainiako nazionalitatea izatea, edo Europar Batasuneko estatu kideren batekoa.
b) Adinez nagusia izatea.
c) Ingeniaritza teknikoko edo arkitektura teknikoko titulua, diploma edo horien baliokide bat izatea edo hura eskuratzeko moduan egotea eskabideak aurkezteko epea bukatzen denean.
d) Behar den gaitasun fisiko edukitzea, bete behar diren eginkizunetan aritzeko.
e) Eginkizun publikoak betetzeko desgaitua edo gabetua ez izatea, eta inongo administrazio publikoren zerbitzutik kendua ez izatea.
f) Eskabideak aurkezteko epea amaitzen den egunean B motako gidabaimena edukitzea, edo hura eskuratzeko moduan egotea.
g) Euskarazko C1 maila egiaztatzen duen titulu edo ziurtagiri bat izatea, Hizkuntzetarako Europako Erreferentzia Esparru Bateratuaren araberakoa. Titulu edo ziurtagiri hori Nafarroako Administrazio Publikoaren Institutuko zuzendari kudeatzailearen irailaren 13ko 210/2010 Ebazpenean bildu den tituluen zerrendan agertu beharko da, edo, bestela, ofizialki horien baliokidetzat hartzen den titulazioa izan beharko da.
g) letran adierazitako baldintza nahitaezkoa izanen da 14.A lanposturako hautatutako pertsonarentzat; harentzat bakarrik.
3. oinarria.–Eskabideak.
3.1. Hautaprobetan parte hartzeko eskabideak aurkeztu beharko dira Nafarroako Erdialdea Garatzeko Partzuergoaren erregistro orokorrean (ordutegia: astelehenetik ostiralera, 9:00etatik 14:00etara), eta horretarako hogeita hamar egun naturaleko epea izanen dute izangaiek, deialdi hau argitaratu eta biharamunetik zenbatzen hasita. Hain zuzen, epea amaitzen den eguneko 13:00ak arte aurkezten ahalko dituzte eskabideak. Azken eguna baliogabea bada, hurrengo lehen egun balioduna arte luzatuko da epea. Eskabideak deialdi honen amaieran I. eranskin gisa argitaratzen den ereduari lotuko zaizkio.
3.2. Eskabidearekin batera aurkeztu beharko da nortasun agiri nazionalaren fotokopia.
3.3. Eskabideak aurkezteko epea luzaezina da.
4. oinarria.–Izangaien onarpena eta erreklamazioak.
4.1. Eskabideak aurkezteko epea bukatutakoan, Nafarroako Erdialdea Garatzeko Partzuergoak ebazpena emanen du izangai onartu eta baztertuen behin-behineko zerrenda onesteko, eta Nafarroako Aldizkari Ofizialean argitaratzeko aginduko du.
4.2. Izangai baztertuek hamar egun balioduneko epea izanen dute, behin-behineko zerrenda Nafarroako Aldizkari Ofizialean argitaratzen denetik, erreklamazioak aurkezteko eta, akatsik egin badute, haiek zuzentzeko.
4.3. Erreklamazioetarako epea amaitutakoan eta erreklamazioei erantzun ondoan, Nafarroako Erdialdea Garatzeko Partzuergoko buruak ebazpena emanen du onartu eta baztertuen behin betiko zerrenda onesteko, eta Nafarroako Aldizkari Ofizialean argitaratzeko aginduko du.
5. oinarria.–Kalifikazio epaimahaia.
5.1. Hauek izanen dira kalifikazio epaimahaiko kideak:
–Epaimahaiburua: Nafarroako Erdialdea Garatzeko Partzuergoko burua, M.ª Rosario Domingos García.
–Ordezkoa: Nafarroako Erdialdea Garatzeko Partzuergoko buruordea, Aitor Azkona Arraiza.
–Lehen epaimahaikidea: Nafarroako Erdialdea Garatzeko Partzuergoko koordinatzailea, María Cristina Bayona Pérez.
–Ordezkoa: Nafarroako Erdialdea Garatzeko Partzuergoko teknikaria, María del Carmen Hernández Cembellín.
–Bigarren epaimahaikidea: Nafarroako Erdialdea Garatzeko Partzuergoko teknikaria, Olga García Alfaro.
–Ordezkoa: Nafarroako Erdialdea Garatzeko Partzuergoko teknikaria, Ana Elcano Sesma.
–Hirugarren epaimahaikidea: Nafarroako Erdialdea Garatzeko Partzuergoko teknikaria, Marta Marcén Goñi.
–Ordezkoa: Nafarroako Erdialdea Garatzeko Partzuergoko teknikaria, María Ester Capellán Sanz.
–Idazkaria: Natividad Azcona Comas edo hark eskuordetzen duen pertsona.
5.2. Epaimahaia ezin izanen da eratu, ez eta jardun ere, gutxienez kideen gehiengo osoa ez badago bertan.
5.3. Epaimahaiak gehiengoz ebatziko ditu deialdiaren oinarrien interpretazioari eta aplikazioari buruz sortzen diren auzi guztiak.
5.4. Epaimahaiak aholkulari adituen laguntza izaten ahalko du, laguntzeko proba batzuetan nahiz guztietan. Aholkulari horiek beren espezialitate teknikoetan baizik ez dira ariko, eta haietan bakarrik emanen diote laguntza epaimahaiari.
6. oinarria.–Oposizioaren nondik norakoa.
6.1. Onartuen behin betiko zerrenda argitaratzean aditzera emanen da oposizioa hasteko tokia, eguna eta ordua.
6.2. Oposizioak honako ariketa hauek izanen ditu:
–Lehenengo proba:
Ariketa teorikoa izanen da. Test motako galderei erantzun beharko zaie; galdera horiek izanen dira iragarki honen II. eranskinean zerrendatutako gaiei buruzkoak.
Ariketa honek, gehienez ere, 45 puntu izanen ditu. Baztertuak izanen dira 23 puntu lortzen ez dituztenak.
–Bigarren proba:
Ariketa praktikoa izanen da. Bete nahi den lanpostuaren berezko zereginei lotutako proba bat egin beharko da.
Ariketa honek, gehienez ere, 45 puntu izanen ditu. Baztertuak izanen dira 23 puntu lortzen ez dituztenak.
–Hirugarren proba:
Banakako elkarrizketa: gehienez ere 10 puntu. Proba hau ez da baztertzailea izanen.
6.3. Oposizioaldiko ariketetan gehienez ere 100 puntu eskuratzen ahalko dira.
6.4. Ariketa bakoitza zuzendutakoan, epaimahaiak jendaurrean jarriko du Nafarroako Erdialdea Garatzeko Partzuergoaren iragarki-taulan gainditu duten izangaien zerrenda, lortutako kalifikazioak, eta hurrengo ariketa noiz, non eta zer ordutan eginen den. Lehen eta bigarren probak egin eta gero, bost egun naturaleko epea emanen da, proba bakoitza berrikusteko eta epaimahaiari alegazioak aurkezteko.
6.5. Ariketa bakoitzerako dei bakarra eginen da, eta izangaiek agertu beharko dute nortasun agiri nazionala aldean dutela. Probetara agertzen ez diren izangaiak bazterturik geldituko dira.
7. oinarria.–Gainditzen dutenen zerrenda.
7.1. Azken ariketaren kalifikazioa eman ondoren, epaimahaiak Nafarroako Erdialdea Garatzeko Partzuergoaren iragarki-taulan paratuko du gainditu dutenen zerrenda, guztira lortutako puntuazioaren arabera ordenatuta, plazetako bakoitzerako.
Gainditu eta puntu gehien lortu dituen izangaia berbera bada bi plazetarako, 5 eguneko epea irekiko da izangai horrek plaza aukera dezan. Plaza bat aukeratzeak ekarriko du beste plazari uko egitea, eta ez da beharrezkoa izanen izangaiak ondoren adostasuna agertzea edo baieztapena ematea.
Epaimahaiak, hurrenkera hori ikusita, oposizioaldian puntuaziorik handiena eskuratu duten izangaien aldeko izendapen-proposamena igorriko dio Nafarroako Erdialdea Garatzeko Partzuergoko buruari, izangai horiei esleitu diezaien dagokien plaza. Proposamen hori Nafarroako Aldizkari Ofizialean argitaratuko da.
7.2. Hogeita hamar egun naturaleko epean, izendatutako izangaiek honako agiri hauek aurkeztu beharko dituzte Nafarroako Erdialdea Garatzeko Partzuergoaren erregistro orokorrean:
–Nortasun agiri nazionalaren fotokopia.
–Eskaturiko titulazioaren fotokopia edo jatorrizko agiria.
–Zinpeko aitorpena, eginkizun publikoetarako ezgaitua edo gabetua ez dagoela eta inongo administrazio publikotako zerbitzutik ez dela bereizia izan erakusten duena.
–Osasun ziurtagiria, karguaren eginkizunetan aritzea galarazten dion eritasunik edo akats fisikorik nahiz psikikorik ez duela erakusten duena.
–14A lanposturako (euskarazko C1 maila). Euskarazko C1 maila egiaztatzen duen titulua edo ziurtagiria, Hizkuntzetarako Europako Erreferentzia Esparru Bateratuaren araberakoa. Titulu edo ziurtagiri hori Nafarroako Administrazio Publikoaren Institutuko zuzendari kudeatzailearen irailaren 13ko 210/2010 Ebazpenean bildu den tituluen zerrendan agertu beharko da, edo, bestela, ofizialki horien baliokidetzat hartzen den titulazioa izan beharko da.
7.3. Aipatu epearen barrenean, eta behar bezala arrazoitutako ezinbesteko kasuetan salbu, agiri horiek aurkezten ez dituztenak ezin izanen dira izendatu, eta haien jarduketa guztiak baliorik gabe geldituko dira, eskabideko aitorpenean izaten ahal duten erantzukizuna galarazi gabe.
7.4. Aurreko apartatuan adierazitako kasuan, prozesua gainditu duten izangaien zerrendan hurrengoa den izangaiarekin beteko da baja, eta harekin aurreko apartatuetan adierazitako prozedura bera erabiliko da.
8. oinarria.–Plaza esleitzea.
Nafarroako Erdialdea Garatzeko Partzuergoko buruak deialdiko plaza esleituko du aurreko oinarrian ezarritakoari jarraikiz. Hala, dagokion lan-kontratua sinatu eta probaldia igaro eta gero (3 hilabete), izendatutakoa lan-kontratudun finko bilakatuko da, lanaldi osokoa eta denbora mugagabekoa.
9. oinarria.–Errekurtsoak.
Deialdi honen aurka eta dagozkion oinarrien nahiz deialdia aplikatzeko egintzen aurka, honako errekurtso hauetako bat aurkezten ahalko da, hautara:
–Berraztertzeko errekurtsoa, egintza eman duen organoari zuzendua, hilabeteko epean, jakinarazi edo argitaratu eta biharamunetik hasita.
–Administrazioarekiko auzi-errekurtsoa, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, errekurritutako egintza edo erabakia argitaratu edo jakinarazi eta biharamunetik hasita.
–Gora jotzeko errekurtsoa, Nafarroako Administrazio Auzitegiari zuzendua, hilabeteko epean, errekurritutako egintza edo erabakia argitaratu edo jakinarazten denetik hasita.
–Kalifikazio epaimahaiaren egintzen aurka, gora jotzeko errekurtsoa jartzen ahalko da, Nafarroako Erdialdea Garatzeko Partzuergoko buruari zuzendua, hilabeteko epean, errekurritutako egintza edo erabakia jakinarazten denetik hasita.
I. ERANSKINA.–ESKABIDE EREDUA
Izena: ......................................................................................................., adinez nagusia; NAN zenbakia: ..........................................................; jaioteguna: ..............................................................; jaioterria: ......................................................; probintzia: .....................................................; bizilekua (kalea eta zenbakia): ...........................................................................................................................; telefonoa:....................................................................................................................................................
Zure aurrera azaldu, eta adierazten dut:
Eskatzen dudala onartua izatea deialdi honetan: deialdia, oposizio bidez betetzeko honako plaza hauek, lan-kontratudunen araubidekoak, lanaldi osoan eta denbora mugagabean aritzeko
(adierazi X batez aukeratutako plaza; biak aukeratzen ahal dira):
Toki-garapenerako agentea, 14A lanpostua. Hizkuntza-eskakizuna: euskarazko C1 maila.
Toki-garapenerako agentea, 15A lanpostua.
Ez dudala karguan aritzea galarazten didan gaixotasunik edo akats fisiko edo psikikorik.
Ez dudala indarrean dauden xedapenetan ezarritako ezintasunik.
Ez naizela diziplina espediente bidez inongo administrazio publikoren zerbitzutik bereizia izan eta ez nagoela desgaitua eginkizun publikoak betetzeko.
Badudala deialdiko 2. oinarrian eskatzen den titulazioa.
Betetzen ditudala behar diren baldintza guztiak, eskabideak aurkezteko epea bukatzen den egunean.
Azaldutakoarekin bat,
eskatzen dut onar dadila eskabide hau, eta, ondorioz onar nazatela deialdi honetan: deialdia, bete daitezen toki-garapenerako agenteen bi plaza, lan-kontratudunen araubidekoak, lanaldi osoan eta epe mugagabean aritzeko Nafarroako Erdialdea Garatzeko Partzuergoan. Bi plazetako batek ezarria du euskarazko jakite-maila.
(Eguna eta sinadura)
II. ERANSKINA.–GAI-ZERRENDA
1. Nafarroako Erdialdea Garatzeko Partzuergoa: lurraldea, entitatea, zerbitzuak, programak eta proiektuak.
2. Partaidetzazko toki-garapenaren estrategiak (LEADER) Nafarroako Erdialdean, Nafarroako Landa Garapenerako 2023-2027 aldirako Programaren barnean.
3. Nafarroako Erdialdeko Aktibazio Plan Sozioekonomikoa.
4. Ekintzailetzaren ekosistema Nafarroan: Navarra Emprende sarea.
5. Ekintzailetzari laguntzeko zerbitzuak: Nafarroan enpleguko eta toki-garapeneko eragileen kontratazioa finantzatzeko laguntzen deialdia.
6. Ekintzailetza bultzatzen duten planak: III. Nafarroako Ekintzailetza Plana 2021-2024 eta Nafarroako Lan Autonomoaren Plana 2024-2025.
7. Ekintzailetzarako laguntzen eta dirulaguntzen deialdiak Nafarroan:
–Autonomoen enpleguaren sustapena.
–Autonomoentzako lehen kontratazioa.
–Lotutako beste laguntza ildo batzuk: ETEak digitalizatzeko laguntzak, txikizkako merkataritzaren lehiakortasuna hobetzea, ekonomia soziala, inbertsioak ETE industrialetan eta turismoaren sektorekoetan, Nafarroako Erdialdeko PTGE laguntzak (LEADER) ekoizpen proiektuetarako, nekazaritza-dibertsifikaziorako laguntzak eta ekintzailetzarako udal-laguntzak Nafarroako Erdialdean.
8. Nafarroan ekiteko finantzaketa-baliabideak.
9. Enpresen forma juridikoak, eratze-izapideak, zerga-betebeharrak eta Gizarte Segurantzako kotizaziokoak.
10. Enpresa-planak lantzea: horiek lantzeko tresnak, negozio-ideien analisia, balio-proposamena, merkatu-analisia, marketin-plana eta plan ekonomiko eta finantzarioa.
Iragarkiaren kodea: L2604866
