2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
ITZAGAKO ADMINISTRAZIO ZERBITZUEN MANKOMUNITATEA
2026ko lan publikoaren eskaintza
Burutzaren 2026ko martxoaren 30eko 5/2026 Ebazpenaren bidez, onetsi zen Itzagako Administrazio Zerbitzuen Mankomunitatearen 2026. urteko lan publikoaren eskaintza. Hona hemen:
Lehena.–Onestea Itzagako Administrazio Zerbitzuen Mankomunitatearen 2026. urteko lan publikoaren eskaintza, plantilla organikoak ezartzen dituen ezaugarri eta baldintza hauen arabera:
–Lan-kontratudun finkoen araubidea: Plaza kopurua: 1. Lanpostua: administrari-ofiziala. Zenbakia/kodea: 006 plantilla organikoan. C maila. Lanaldi osoa. Osagarriak: lanpostukoa,%15,36; mailakoa: %12. Sarbidea: oposizio-lehiaketa. Ordezte-tasa: abenduaren 23ko 31/2022 Legearen 20.Bi.1.a) artikulua, luzaturik. Betetzeko aurreikuspena: 2026.
–Lan-kontratudun finkoen araubidea: Plaza kopurua: 1. Lanpostua: zerbitzu anitzetako enplegatua. Zenbakia/kodea: 011 plantilla organikoan. D maila. Lanaldi osoa. Osagarriak: lanpostukoa, %12,30; mailakoa %12; arrisku berezikoa, %7. Sarbidea: oposizio-lehiaketa. Ordezte-tasa: abenduaren 23ko 31/2022 Legearen 20.Bi.1.a) artikulua, luzaturik. Betetzeko aurreikuspena: 2026.
Bigarrena.–Lan publikoaren eskaintza argitaratzea Nafarroako Aldizkari Ofizialean eta Mankomunitatearen iragarki-taulan eta web-orrian, bai eta Mankomunitatea osatzen duten udaletan ere, interesdunek egoki iritzitako errekurtsoak aurkez ditzaten.
Hirugarrena.–Ebazpen hau jakinaraztea Mankomunitateko langileei, eta Batzarrari haren berri ematea, egiten duen hurrengo bilkuran.
Ebazpen honen aurka, hautara, errekurtso hauetako bat aurkezten ahal da:
a) Berraztertzeko errekurtsoa, egintza eman duen organoari zuzendua, hilabeteko epean, erabaki hau Nafarroako Aldizkari Ofizialean argitaratu eta biharamunetik hasita.
b) Administrazioarekiko auzi-errekurtsoa, Iruñeko Administrazioarekiko Auzien Epaitegiari zuzendua, bi hilabeteko epean, iragarki hau Nafarroako Aldizkari Ofizialean argitaratu eta biharamunetik hasita.
c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, iragarki hau Nafarroako Aldizkari Ofizialean argitaratu eta biharamunetik hasita.
Urrotzen, 2026ko martxoaren 30ean.–Mankomunitateko burua, Javier Ibiricu Astrain.
Iragarkiaren kodea: L2604980
