1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
20/2026 FORU AGINDUA, martxoaren 24koa, Eskubide Sozialetako, Ekonomia Sozialeko eta Enpleguko kontseilariak emana, gizarte inklusiorako aparteko laguntzen zenbatekoak eguneratzen dituena 2026rako.
Eskubide Sozialetako kontseilariaren abenduaren 28ko 442/2020 Foru Aginduak, gizarte inklusiorako aparteko laguntzak baloratu eta emateko prozedura garatzen duenak, 12. artikuluan ezartzen duenez, foru agindu horretan finkatutako zenbatekoak eguneratzeko, aurreko urteko batez besteko KPIaren igoera erabiliko da.
Aztertu da Diru-sarreren, Bermearen eta Garapenerako Lankidetzaren Zerbitzuaren txostena, proposatzen duena aparteko laguntzen zenbatekoak 2026rako eguneratzea egungo zenbatekoei %2,6ko igoera aplikatuz.
Ikusirik kontu-hartzailetza delegatuak horretarako adostasuna eman duela, eta Nafarroako Gobernuari eta Lehendakariari buruzko abenduaren 3ko 14/2004 Foru Legeak emandako ahalmenak erabiliz,
AGINTZEN DUT:
1. Gizarte inklusiorako aparteko laguntzen zenbatekoak eguneratzea egungo zenbatekoei %2,6ko igoera aplikatuz. Horrenbestez, honela gelditzen dira arlo hauetan onar daitezkeen gehieneko zenbatekoak:
–Bizigarritasunerako elementu espezifikoak:
ETXETRESNAK | ONARTZEKO GEHIENEKO ZENBATEKOA |
Hozkailua | 490,94 euro |
Garbigailua | 465,04 euro |
Sukaldea | 465,04 euro |
Ur-berogailua | 465,04 euro |
Berogailua | 465,04 euro |
Berokuntzako eta ur beroko galdara | 1.595,01 euro |
–Oinarrizko ekipamenduko elementuak, premia biziko altzarietan:
ELEMENTUAK | ONARTZEKO GEHIENEKO ZENBATEKOA |
Logela bikoitza |
Somierra (150 x 190) | 122,09 euro |
Koltxoia (150 x190) | 244,41 euro |
Armairua | 306,55 euro |
Banako logela |
Somierra (90 x 190) | 98,17 euro |
Koltxoia | 122,09 euro |
Habia-ohea | 244,41 euro |
Literak | 244,41 euro |
Armairua | 244,41 euro |
ELEMENTUAK | ONARTZEKO GEHIENEKO ZENBATEKOA |
Egongela |
Sofa | 306,55 euro |
Mahaia eta aulkiak (egongelakoak edo sukaldekoak, aukeratzeko) | 244,41 euro |
Sukaldea |
Sukalde funtzional/erabilgarri bat izateko altzariak | 613,12 euro |
2. Foru agindu hau igortzea, behar diren ondorioak izan ditzan, Babes Sozialaren eta Garapenerako Lankidetzaren Zuzendaritza Nagusiko Diru-sarreren Bermearen eta Garapenerako Lankidetzaren Zerbitzura, Aurrekontuen Kudeaketarako Ataleko Kontabilitate Zentrora, eta Idazkaritza Tekniko Nagusiko Administrazio Aferetarako Bulegora.
3. Foru agindu hau Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2026ko martxoaren 24an.–Eskubide Sozialetako, Ekonomia Sozialeko eta Enpleguko kontseilaria, M.ª Carmen Maeztu Villafranca.
Iragarkiaren kodea: F2604617
