1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
653/2026 EBAZPENA, 2026ko martxoaren 18koa, Nafarroako Unibertsitate Publikoko Ikerketako errektoreordeak emana. Haren bidez, ikertzaileak lan araubidean kontratatzeko hautaketa-prozesurako deia egiten da, Javier León Iriarte eta Sara Marcelino Sádaba ikertzaileen Gerakinen Poltsen esparruan sortutako ikerketa-proiektu hau gara dezaten: "01-998A-3444".
2026ko martxoaren 18an, Ikerketa Zerbitzuak ikertzaileak kontratatzeko hautaketa-prozesurako deia egiteko eskatu zuen, jarduera zientifiko-teknikoen kontratu bidez Javier León Iriarte eta Sara Marcelino Sádaba ikertzaileen Gerakinen Poltsen esparruan sortutako "01-998A-3444" ikerketa-proiektua gara dezaten, proiektuko laguntzaile gisa. Ikerketa-proiektuaren ikertzaile arduradunak Sara Marcelino Sádaba eta Javier León Iriarte unibertsitateko titularrak dira, Ingeniaritza Sailari atxikiak.
Aintzat harturik Giza Baliabideen Zerbitzuko zuzendariaren txosten proposamena.
Nafarroako Unibertsitate Publikoko errektoreak errektoretza-taldearen egitura orokorra onetsi eta haren funtzioak zehazteko 2023ko ekainaren 20an eman zuen 1306/2023 Ebazpenaren bidez eskuordetu dizkidan eskumenak erabiliz,
EBAZTEN DUT:
Lehenbizikoa.–Onestea ikertzaileak lan araubidean kontratatzeko hautaketa-prozesurako deialdia, baita deialdiaren oinarriak ere, Javier León Iriarte eta Sara Marcelino Sádaba ikertzaileen Gerakinen Poltsen esparruan sortutako ikerketa-proiektu hau gara dezaten: "01-998A-3444".
Bigarrena.–Ebazpen hau Hautaketa Batzordeko kideei eta Ikerketa Zerbitzuari aditzera ematea.
Hirugarrena.–Agindua ematea ebazpen hau Unibertsitatearen iragarki ohol elektroniko ofizialean eta Nafarroako Aldizkari Ofizialean argitaratu dadin.
Iruñean, 2026ko martxoaren 18an.–Martín Larraza Quintana, Ikerketako errektoreordea.
HAUTAKETA-PROZESURAKO DEIALDIA, IKERTZAILEAK LAN ARAUBIDEAN KONTRATATZEKO, JAVIER LEÓN IRIARTE ETA SARA MARCELINO SÁDABA IKERTZAILEEN GERAKINEN POLTSEN ESPARRUAN SORTUTAKO IKERKETA-PROIEKTU HAU GARA DEZATEN: "01-998A-3444".
Hauek dira deialdia arautuko duten,
OINARRIAK
1.–Datu orokorrak.
–Deialdiaren xedea: deialdi honen xedea ikertzaileak hautatzea da, ondoren lan araubidean kontratatzeko, Javier León Iriarte eta Sara Marcelino Sádaba ikertzaileen Gerakinen Poltsen esparruan sortutako ikerketa-proiektu hau gara dezaten: "01-998A-3444".
–Maila profesionala: proiektuko laguntzailea, batez ere ikerketa-lanetan aritzeko.
–Eginkizunak:
- 1. egitekoa: Plataforma flotatzaileen kanpoko geometriaren sare bat sortzea Gmsh bidez, ondoren BEM kalkuluetan erabiltzeko Capytaine edo Nemoh bidez. Koefiziente hidrostatikoak, masa erantsiko koefiziente hidrodinamikoak eta drag koefizienteak kalkulatzea maiztasunaren eremuan.
- 2. egitekoa: DeepCWind plataformaren simulazio hidrodinamikoa erorketa askeko zenbait kasutan, Simpack bidezko fluxu potentzialeko HydroDyn softwarearen bidez.
- 3. egitekoa: MoorDyn-en konpilazioa eta simulazio hidrodinamikoko softwarean akoplatzea (XFlow eta HydroDyn) Simulink bidezko FMU bidez.
- 4. egitekoa: Koefiziente hidrodinamikoak kalibratzea fluxu potentzialeko ereduak emaitza esperimentalekiko baliozkotzeko.
- 5. egitekoa: Sarearen sentsibilitatearen analisia eta diskretizazio ziurgabetasunaren kalkulua CFD simulazio hidrodinamikoan, XFlow bidezko DeepCWind plataformaren 3 askatasun gradu nagusietarako.
–Kontratu mota: kontratazioa jarduera zientifiko-teknikoen kontratuaren modalitatearen bidez eginen da, bat etorriz Zientziari, Teknologiari eta Berrikuntzari buruzko 2011ko ekainaren 1eko 14/2011 Legearen 23 bis artikuluan ezarritakoarekin.
–Iraupena: mugagabea, Javier León Iriarte eta Sara Marcelino Sádaba ikertzaileen Gerakinen Poltsen esparruan sortutako "01-998A-3444" ikerketa-proiektuari lotua.
–Lanaldi mota: osoa.
–Ordainsariak: Nafarroako Unibertsitate Publikoko Ikertzaileak Kontratatzeko Arautegiak -2017ko maiatzaren 3an Gobernu Kontseiluaren erabaki batez onetsitakoak- bere eranskinean ezarritakoak, 2026. urtera egokituak.
Diru-gehigarriak ordaintzeko aukera egonen da proiektuan ezarritako helburuak betez gero. Diru-gehigarri horiek ordaintzeko, proiektuaren arduradunak ordainketa justifikatzen duen azken txosten bat egin beharko du, eta aurrekontuan diru kopuru nahikoa izan beharko da.
–Finantzaketa: Javier León Iriarte eta Sara Marcelino Sádaba ikertzaileen Gerakinen Poltsak, "01-998A-3444" proiektukoak.
–Argitaratzeko tokiak: deialdia Nafarroako Aldizkari Ofizialean argitaratzeaz gainera, deialdiarekin lotutako egintza eta ebazpen guztiak Nafarroako Unibertsitate Publikoaren iragarki ohol elektroniko ofizialean argitaratuko dira, deialdiari dagokion atalean.
2.–Parte hartzeko baldintzak.
2.1. Hautaketa-prozesuan onartuak izateko, izangaiek baldintza hauek bete beharko dituzte:
a) Espainiako herritartasuna izatea edo Europar Batasuneko estaturen batekoa, edo, Europar Batasunak izenpetu eta Espainiar Estatuak berretsitako nazioarteko itunen arabera, langileen joan-etorri askea aplikatzekoa zaion estaturen batekoa.
Halaber, Espainiako, Europar Batasuneko estatuetako eta aipatu nazioarteko itunak aplikatzen diren eremuko estatuetako herritartasuna dutenen ezkontideek parte hartzeko aukera izanen dute, betiere zuzenbidearen arabera bananduak ez badaude; herritartasuna duenaren ondorengoek eta haren ezkontidearen ondorengoek ere parte hartzeko aukera izanen dute, betiere gurasoak zuzenbidearen arabera bananduak ez badituzte, 21 urtetik beherakoak badira edo, adin horretatik gorakoak izanda ere, gurasoen kontura bizi badira.
Aurreko apartatuetan sartzen ez diren eta Europar Batasunekoak ez diren izangaiek ere zilegi izanen dute lehiaketan parte hartzea, baldin eta Espainian legezko egoeran badaude eta Espainian bizitzeko eta lan merkatuan mugarik gabe lan egiteko baimena ematen dien dokumenturik badute.
b) 16 urte baino gehiago izatea, eta administrazio publikoko langileentzat ezarritako nahitaezko erretirorako adina betea ez izatea.
c) Industria Ingeniaritzako Unibertsitate Masterreko titulazio ofiziala edukitzea.
Atzerrian lortutako tituluen kasuan, baliokidetasun-ziurtagiria edo, bestela, homologazioaren egiaztagiria eduki beharko da.
d) Deialdiko xede diren lanpostuen eginkizunak betetzea galarazten duen gaixotasunik edo muga fisikorik edo psikikorik ez izatea.
e) Diziplinako espediente baten ondorioz edozein administrazio publikotako zerbitzutik baztertua ez izatea, eta ez egotea epai irmo baten bidez ezgaitua eginkizun publikoak betetzeko.
2.2. Eskaerak aurkezteko epea bukatzen den egunean bete behar dira deialdi honetan parte hartzeko ezarritako baldintzak, bai eta kontratuak dirauen bitartean ere.
3.–Eskaerak.
Parte hartzeko eskaerak aurkezteko epea hamar egun baliodunekoa izanen da, deialdia Nafarroako Aldizkari Ofizialean argitaratu eta biharamunetik kontatzen hasita.
Hautaketa-prozesu honetarako inskripzioa telematikoki egin beharko da, Nafarroako Unibertsitate Publikoaren egoitza elektronikoaren bidez, helbide honetan:
https://sedeelectronica.unavarra.es/oficina/tramites/acceso.do?id=8734&block=PDI-RR-HH_1096&blockType=AREAS_SEDE&entity=1096
Lehenik, "Hasi tramitea" botoia sakatu behar da.
"Erantsitako dokumentazioa" eremuan, dokumentu hauek erantsi beharko dira lanpostu kategoria bakoitzerako:
–Nortasun Agiri Nazionalaren, AIZaren edo pasaportearen fotokopia.
–Deialdian eskatzen den tituluaren fotokopia.
–Espediente akademikoaren fotokopia, batez besteko nota zehaztuta.
–Curriculum vitaea, norberak egoki jotzen dituen merezimenduen egiaztagiriekin batera.
4.–Izangaien onarpena.
4.1. Eskaerak aurkezteko epea bukatu eta gero, onartuen eta baztertuen behin-behineko zerrenda argitaratuko da, eta, hartan, baztertuak zergatik baztertu dituzten adieraziko da. Izangai bazterturik ez bada, zuzenean onetsiko da behin betiko zerrenda.
4.2. Ebazpen honen 2.1 oinarriak aipatzen dituen dokumentuak ez aurkezteagatik behin-behinean baztertzea galarazi gabe, baztertzeko arrazoiak izanen dira eskaera epez kanpo aurkeztea edo lehiaketaren bidez lortu nahi den lanpostua betetzeko bete behar diren baldintzak ez betetzea, eta, gainera, ezin izanen dira zuzendu.
4.3. Izangai baztertuek edo zerrendan azaldu ez direnek zilegi dute erreklamazioa egitea eta, akatsen bat badago, akatsak zuzentzea, behin-behineko zerrenda argitaratu eta hurrengo 5 egun balioduneko epean. Ezartzen den epean baztertuak izateko arrazoia konpontzen ez duten izangaiak behin betiko baztertuak izanen dira hautaketa-prozesutik.
4.4. Erreklamazioak aurkezteko eta akatsak zuzentzeko epea bukatu eta gero, onartuen eta baztertuen behin betiko zerrenda argitaratuko da.
4.5. Izangaiak hautaketa-prozesuan onartuen zerrendan egoteak edota hautaketa-prozesua gainditu dutenen zerrendan egoteak ez du ekarriko inoiz ere Unibertsitateak aitortzea betetzen dituztela deialdiko oinarrietan eskatu diren baldintza orokorrak edo bereziak. Kontratatzeko deitzen dituzten izangaiek ziurtatu eta egiaztatu beharko dituzte horiek, jatorrizko dokumentazioa aurkeztu beharko baitute kontratua sinatzen dutenean.
4.6. Parte hartzeko eskaerarekin batera aurkeztutako dokumentazioarekin alderaturik jatorrizko dokumentazioa zehaztugabea, okerra edo faltsua bada, kontratua sinatzeko ezintasuna eta kontratazio zerrendatik baztertzea ekarriko du horrek, interesdunak berak sinatuko duen erantzukizunpeko adierazpenarekin bat etorriz.
5.–Hautaketa-prozesua.
Izangaien merezimenduak baloratuko dira, aurkeztutako dokumentazioarekin bat etorriz eta I. eranskineko baremoaren arabera.
Izangaiek eskaerak aurkezteko epea bukatzean dituzten merezimenduak bakarrik baloratuko dira, eta gero lortutakoak ez dira kontuan hartuko. Hautaketa Batzordeak inola ere ez du onartuko izangaiek alegatu ez duten edo agirien bidez frogatu ez duten merezimendurik, eta ezin izanen du apartatu bakoitzean adierazitako gehieneko puntuazioa baino handiagorik eman.
Adierazten diren merezimendu guztiak zuzenbidean baliozkoa den edozein baliabideren bidez frogatu behar dira.
Hautaketa Batzordeko kide bakoitzak baloratuko ditu izangaien merezimenduak. Azken puntuazioa izangai bakoitzari emandako puntuazioen batezbestekoa izanen da.
6.–Hautaketa-prozesuaren ebazpena.
6.1. Izangaiek aurkeztutako merezimenduen balorazioa amaitu eta gero, Hautaketa Batzordeak Ikerketako errektoreordeari bidaliko dio hautaketa-prozesua gainditu duten izangaien zerrenda, lortutako puntuazioekin.
6.2. Ikerketako errektoreordeak ebazpena emanen du hautaketa-prozesua gainditu duten izangaien zerrenda onesteko, eta Nafarroako Unibertsitate Publikoaren iragarki ohol elektroniko ofizialean argitaratuko da.
6.3. Deialdi honetan sortzen den kontratazio zerrendak 3 urteko indarraldia izanen du, argitaratu eta biharamunetik kontatzen hasita.
Indarrean dagoen bitartean, kategoria bera eta ia eginkizun berak dituzten langileak kontratatzeko premia sortzen denean ere erabiltzen ahalko da kontratazio zerrenda hori, proiektu, kontratu, hitzarmen edo katedra baterako edo institutuko edo ikerketa-taldeko funtsetarako izan, betiere zerrendaren ordena errespetatuz.
6.4. Deialdi honen ondoriozko kontratazio zerrendan egonik kontratu bat onartzen duten izangaiei ez zaie beste inongo lanpostutarako kontraturik eskainiko, salbu eta kontratua bukatzeko 15 egun edo gutxiago gelditzen badira.
7.–Hautaketa-batzordea.
Batzordeburua: Sara Marcelino Sádaba doktorea, unibertsitateko titularra, Ingeniaritza Sailari atxikia, Ikerketako errektoreordeak delegatua.
Idazkaria: Javier León Iriarte doktorea, unibertsitateko titularra, Ingeniaritza Sailari atxikia.
Batzordekidea: Juan Pablo Fuertes Bonel doktorea, unibertsitateko titularra, Ingeniaritza Sailari atxikia.
Ordezko hautaketa-batzordea.
Batzordeburua: Alexia Torres Salcedo doktorea, irakasle kontratatu iraunkorra, Ingeniaritza Sailari atxikia.
Idazkaria: Daniel Salcedo Pérez doktorea, unibertsitateko titularra, Ingeniaritza Sailari atxikia.
Batzordekidea: Rodrigo Luri Irigoyen doktorea, unibertsitateko titularra, Ingeniaritza Sailari atxikia.
Hautaketa Batzordearen jarduerak, une oro, Administrazio Publikoen Administrazio Prozedura Erkideari buruzko 2015eko urriaren 1eko 39/2015 Legeak eta Sektore Publikoaren Araubide Juridikoaren 2015eko urriaren 1eko 40/2015 Legeak ezartzen dutenaren arabera gauzatuko dira. Jakinarazpenak egiteko eta bestelako gorabeheretarako, Hautaketa Batzordearen egoitza Nafarroako Unibertsitate Publikoko Administrazioko eta Kudeaketako eraikina izanen da.
8.–Datu pertsonalen babesa.
Nafarroako Unibertsitate Publikoak langileen kudeaketaren arloan antolatutako prozesuetan parte hartzeak interesdunen datuak tratatzea ekarriko du berekin. Datu horien tratamenduaren arduraduna Nafarroako Unibertsitate Publikoa da.
Datuen tratamendua aplikatzekoa zaion araudiari jarraikiz eginen da, hots, Datuak Babesteko 2016/679 EB Erregelamendu Orokorrari eta Datu Pertsonalak Babesteko 2018ko abenduaren 5eko 3/2018 Lege Organikoari jarraikiz. Tratamenduaren deskribapena Tratamendu Jardueren Erregistroan dago kontsultatzeko, hemen: https://www.unavarra.es/eu/sites/portal-transparencia/home.html.
Hautaketa-prozesuetako izangaiei eta NUPeko langileei eraginen die batez ere datuen tratamenduak. Datu pertsonal hauek tratatuko dira: izena, deiturak, NANa, datu akademikoak eta profesionalak eta, beharrezkoa denean, bankuko datuak eta Gizarte Segurantzakoak, edo ondoren deskribatzen den xedea betetzeko beharrezkoak direnak.
Datuen tratamendua justifikatzen duen xedea honako hauek tramitatzea da: hautaketa-prozedurak, mugikortasunekoak, egoera administratiboak, ziurtagiriak edo Giza Baliabideen arloan NUPen eskumenekoak diren beste batzuk.
Xede horrek interes publikoa edo botere publikoa legitimatzen du, Datuak Babesteko Erregelamendu Orokorraren 6.1.e) artikuluak ezartzen duen bezala. Hauek dira oinarri juridikoak, langileei buruzko beste arau batzuen artean: Enplegatu Publikoaren Oinarrizko Estatutuaren Legearen Testu Bategina onesten duen 5/2015 Legegintzako Errege Dekretua, 2015eko urriaren 30ekoa, eta Nafarroako Administrazio Publikoen zerbitzura dauden Langileen Estatutuaren Testu Bategina onesten duen 251/1993 Legegintzako Foru Dekretua, 1993ko abuztuaren 30ekoa.
Datuak tratatzeko jarduerei dagokienez, interesdunek eskubidea dute datuak eskuratzeko, zuzentzeko, ezabatzeko, mugatzeko, haiei kontra egiteko eta transferitzeko. Horretarako, mezu bat bidali behar dute delegado.protecciondatos@unavarra.es helbidera, Datu Pertsonalak Babesteko Lege Organikoaren 11. artikulutik 18. artikulura bitartekoei jarraikiz. Desadostasunen bat izanez gero, Datuak Babesteko Espainiar Agentziara jo dezakete, https://www.aepd.es/ domeinuaren bidez.
9.–Errekurtsoak.
Ebazpen honek administrazio bidea agortzen du, Unibertsitate Sistemari buruzko Lege Organikoaren 38.4 artikuluak xedatzen duenaren arabera, eta haren kontra zilegi da aukerako berraztertzeko errekurtsoa jartzea, errektoreari zuzendua, edo, bestela, zuzenean administrazioarekiko auzi-errekurtsoa, Iruñeko Auzialdiko Auzitegiko maila bereko atalari zuzendua, hilabeteko epean lehenbiziko kasuan, eta bi hilabeteko epean bigarrenean, biak ere ebazpena jakinarazi edo argitaratu eta biharamunetik kontatzen hasita.
I. ERANSKINA.–IKERTZAILEAK HAUTATZEKO BAREMOA
ERABILIKO DEN BAREMOA ETA/EDO EGINEN DIREN PROBAK |
1. APARTATUA: Espediente akademikoa | Puntuak | 40 |
Graduko espedientearen batez besteko nota. 10 puntu gehienez. Masterreko espedientearen batez besteko nota. 10 puntu gehienez. Master Amaierako Lana, garatu beharreko jardueren gaiarekin lotua. 20 puntu gehienez. 0,1 eta 1 arteko proportzionaltasun-koefizientea aplikatuko da garatu beharreko jarduerekin duen loturaren arabera. Espediente akademikoa 10 punturekin baloratuko da gehienez ere, Industria Ingeniaritzako Masterraren eta eskatzaileak master horretara sartzeko egindako graduaren puntuazioen batezbestekoa kalkulatuta. Titulazioen puntuazioak 0-10 tartean emanen dira, eta batezbestekoa irakasgai bakoitzaren ECTS kopuruaren arabera kalkulatuko da. Emaitzari honako ponderazio-faktorea aplikatuko zaio: - Industria Teknologien Ingeniaritzako Gradurako (mekanikako aipamena eta nazioarteko programa) eta Industria Ingeniaritzako Masterrerako (mekanikako espezialitatea), 6 ponderazio-faktorea aplikatuko da. - Gainerako kasuetan, 1 ponderazio-faktorea aplikatuko da. Eskatzaileak Bologna Plana indarrean jarri aurretik lortu bazuen Industria Ingeniaritzako titulua, espediente akademikoa 10 punturekin baloratuko da gehienez ere, eta batezbestekoa irakasgai bakoitzaren kredituen kopuruaren arabera kalkulatuko da. Emaitzari 6 ponderazio-faktorea aplikatuko zaio baldin eta mekanikako areagotzea egin badu. Gainerako kasuetan, 1 ponderazio-faktorea aplikatuko da. |
2. APARTATUA: Fluidoen Mekanikaren Arloarekin lotutako jarduerak | Puntuak | 40 |
Fluidoen Mekanikaren Arloan egindako argitalpenak eta/edo kongresuak: 15 puntu gehienez (5 puntu aldizkarietako argitalpen bakoitzeko eta 1 puntu kongresu bakoitzeko). Garatu beharreko jardueren gaiarekin lotutako ikerketa-proiektuetako lan-kontratuak. 1 puntu hilabete bakoitzeko, eta 20 puntu gehienez ere. Hilabetetik beherako aldiek puntuazio proportzionala jasoko dute. Fluidoen Mekanikaren Arloarekin lotutako ikerketa-proiektuetako lan-kontratuak. 0,5 puntu hilabete bakoitzeko, eta 5 puntu gehienez ere. Hilabetetik beherako aldiek puntuazio proportzionala jasoko dute. |
3. APARTATUA: Beste merezimendu batzuk | Puntuak | 5 |
Ingelesa eta/edo frantsesa jakitea: Espainiako Unibertsitateetako Errektoreen Konferentziak jasotako mailen arabera baloratuko dira. Ingeleseko C1 maila izateagatik 2,5 puntu emanen dira, eta 2,5 puntu frantseseko B2 maila edo hortik gorakoa izateagatik. |
4. APARTATUA: Elkarrizketa pertsonala | Puntuak | 15 |
Gutxieneko nota gainditzen duten izangaiei elkarrizketa pertsonala eginen zaie, eta 15 puntu emanen zaizkie gehienez. |
Hautaketa-prozesua gainditzeko eskatzen den gutxieneko puntuazioa 50 puntu da.
Hautaketa-prozesuaren azken emaitzan gertatzen diren berdinketak 2. Apartatuan puntuaziorik handiena lortzen dutenen alde ebatziko dira. Berdinketa badago, 1. Apartatuan puntuaziorik handiena lortzen dutenen alde. Berdinketak jarraitzen badu, hautaketa-prozesua zozketaz erabakiko da.
Iragarkiaren kodea: F2604396