1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
55C/2026 EBAZPENA, martxoaren 10ekoa, Ekonomia Sozialeko eta Laneko zuzendari nagusiak emana, zeinaren bidez erabakitzen baita Baigorri Argitaletxea SA enpresaren hitzarmen kolektiboko soldatak 2026. urterako berrikusteari buruzko akordioa erregistratzea, gordailutzea eta Nafarroako Aldizkari Ofizialean argitaratzea.
Aztertu da Baigorri Argitaletxea SA enpresaren hitzarmen kolektiboko soldatak 2026. urterako berrikusteari buruzko akordioa (hitzarmenaren kode zenbakia: 31008532012006), erregistro honetan 2026ko martxoaren 6an sartu zena, enpresaren eta sindikatuen ordezkariek 2026ko otsailaren 20an izenpetu ondoren.
Bat etorriz Langileen Estatutuaren Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen kolektiboak, lan akordio kolektiboak eta berdintasun planak erregistratu eta gordailutzeari buruzko maiatzaren 28ko 713/2010 Errege Dekretuan ezarritakoarekin,
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz, eta kontuan hartuta zer xedatzen den Eskubide Sozialetako, Ekonomia Sozialeko eta Enpleguko Departamentuaren egitura organikoa ezartzen duen azaroaren 15eko 251/2023 Foru Dekretuan,
EBAZTEN DUT:
Lehenbizikoa.–Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzeko agintzea.
Bigarrena.–Nafarroako Aldizkari Ofizialean argitaratzeko agintzea, orok jakin dezan.
Iruñean, 2026ko martxoaren 10ean.–Ekonomia Sozialeko eta Laneko zuzendari nagusia, Iñaki Mendióroz Casallo.
SOLDATA TAULAK EGUNERATZEARI BURUZKO AKORDIOA
AKORDIOAREN TESTUA:
Baigorri Argitaletxea SAren hitzarmen kolektiboko soldata taulak eguneratzeari buruzko akordioa
Gaurko egunez, bi aldeak bildu dira 2026. urterako soldaten taulen eguneratzea adosteko, eta honako hau erabaki dute:
Baigorri Argitaletxea SA enpresaren soldata taulak 2026. urterako eguneratzea: kategoria bakoitzeko oinarrizko soldatari %7,43ko igoera aplikatuko zaio (lanbide arteko gutxieneko soldatari lotutako kategorien kasuan izan ezik), kargudunen plusei %2,9ko igoera, eta igande eta jaiegunetako plusei, %2,9koa. Eta akordioa formalizatzeko, bi aldeek sinatutako akta jaso da.
Igoera horiek urtarriletik aurrerako atzeraeraginez aplikatuko dira. Taula honela gelditu da:
SOLDATA TAULAK
1. erredaktorea: 2.008,21.
2. erredaktorea: 1.878,86.
3. erredaktorea: 1.774,64.
4. erredaktorea: 1.489,06.
5. erredaktorea: 1.300,19.
6. erredaktorea (praktiketakoa): 1.221,00.
1. diseinatzailea: 1.774,64.
2. diseinatzailea: 1.489,06.
Praktiketako diseinatzailea: 1.221,00.
1. erredakzioko laguntzailea: 1.560,81.
2. erredakzioko laguntzailea: 1.336,19.
Administrazioko goi-mailako ofiziala: 1.923,04.
1. administrari-ofiziala: 1.336,19.
2. administrari-ofiziala: 1.221,00.
Administrari laguntzailea: 1.221,00.
Telefonista: 1.221,00.
1. mailako teknikaria: 2.008,21.
2. mailako teknikaria: 1.878,86.
3. mailako teknikaria: 1.774,64.
Praktiketako teknikaria: 1.221,00.
Kargudunen plusak
Erredaktore-burua: 718,77.
Arloko arduraduna: 537,58.
Argitalpen arduraduna: 537,58.
Kronista: 324,01.
Albokoa: 1.213,57.
Albokoa: 295,30.
Administrazioko arduraduna: 1.489,81.
Administrazioko arduraduna: 2.366,34.
Arduradun teknikoa: 324,01.
Adierazitako egunean eta lekuan sinatu dugu.
Bilbon, 2026ko otsailaren 20an.
Langileen ordezkariak Baigorri Argitaletxea SAren ordezkariak
Iragarkiaren kodea: F2603973
