1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
421/2026 EBAZPENA, otsailaren 25ekoa, Nafarroako Unibertsitate Publikoko kudeatzaileak emana, Nuria López Fernández andrea Kudeaketa Ekonomikoaren Ataleko Kontrataziorako Bulegoko buruaren kargutik kentzen duena, hark hala eskatuta.
2026ko otsailaren 5ean, Nuria López Fernández andreak uko egin zion Kudeaketa Ekonomikoaren Ataleko Kontrataziorako Bulegoko buru izateari, 2026ko otsailaren 28a izanik burutzan aritzeko azken eguna.
1993ko abuztuaren 30eko 251/1993 Legegintzako Foru Dekretuaren hirugarren xedapen gehigarriaren 2. apartatuak jasotzen duenez –Legegintzako Foru Dekretu horrek Nafarroako Administrazio Publikoen Zerbitzuko Langileen Estatutuaren Testu Bategina onesten du–, atalburutzak eta bulegoburutzak bitarteko gisa betetzeko izendapenak libreki atzera botatzen ahal dituzte izendapen horiek egin dituzten organoek.
Ikusirik TEKAZELak Kudeatzeko Ataleko buruak egin duen txostena, zeina ontzat eman baitu Giza Baliabideen Zerbitzuko zuzendariak.
Nafarroako Unibertsitate Publikoko errektoreak errektoretza-taldearen egitura orokorra onetsi eta haren funtzioak zehazteko 2023ko ekainaren 20an eman zuen 1306/2023 Ebazpenaren bidez eskuordetu dizkidan eskumenak erabiliz,
EBAZTEN DUT:
Lehenbizikoa.–Nuria López Fernández andrea Kudeaketa Ekonomikoaren Ataleko Kontrataziorako Bulegoko buruaren kargutik kentzea, hark hala eskatuta, eta egindako lanagatik eskerrak ematea; 2026ko otsailaren 28a du karguan egoteko azken eguna.
Bigarrena.–Ebazpen hau interesdunari jakinaraztea, eta Ekonomia Gaietarako Zerbitzuko zuzendariari adieraztea, dagozkion ondorioak izan ditzan.
Hirugarrena.–Ebazpen hau Nafarroako Aldizkari Ofizialean argitaratzeko agintzea, jende guztiak izan dezan haren berri.
Iruñean, 2026ko otsailaren 25ean.–Mar González Paredes, kudeatzailea.
Iragarkiaren kodea: F2603374
