1. NAFARROAKO FORU KOMUNITATEA
1.7. BESTELAKOAK
59E/2026 EBAZPENA, otsailaren 12koa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez ofizioz aldatzen baita Cortesko udal mugartean barazkiak eta lekaleak jasotzen, galdarraztatzen, izozten eta kontserbatzen dituen instalazioaren ingurumen baimen bateratua, ebazpen honen eranskinean zehaztutako aldaketen arabera. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Ultracongelados Virto SAU da.
Espediente mota | Ingurumen baimen bateratua eguneratzea |
Espedientearen kodea | 0001-0063-2025-000018 | Hasiera eguna | 2025-12-01 |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | 1. eranskina / 9.3 taldea |
1/2016 Legegintzako Errege Dekretua, abenduaren 16koa | Sartu gabeko zentroa |
2010/75/EB Zuzentaraua, azaroaren 24koa | Sartu gabeko zentroa |
21/2013 Legea, abenduaren 9koa | Sartu gabeko zentroa |
Instalazioa | BARAZKIAK ETA LEKALEAK JASOTZEA, GALDARRAZTATZEA, IZOZTEA ETA KONTSERBATZEA |
Titularra | ULTRACONGELADOS VIRTO SAU |
Ingurumen identifikaziorako zenbakia | 3107800990 |
Tokia | 5. poligonoa, 795. eta 957. lurzatiak, Aguadores alderdia |
Koordenatuak | UTM-ETRS89, 30N eremua, X: 630.685 eta Y: 4.642.660 |
Udalerria | CORTES |
Proiektua | 160122 EHZ kodea duen hondakin berri bat sartzea |
Egun jardunean den instalazio horrek ingurumen baimen bateratua du, Ingurumenean Eragina duten Jarduerak arautzen dituen abenduaren 16ko 17/2020 Foru Legearen hirugarren xedapen iragankorra aplikatuta eman baitzitzaion; izan ere, jarduera hori sarturik dago aipatutako foru lege horren 1. eranskineko 9.3 taldean.
Ekonomia Zirkularraren eta Berrikuntzaren Zerbitzuko zuzendariaren urriaren 24ko 410E/2024 Ebazpenaren bidez, baimendu zen ingurumen baimen bateratuaren baldintzak aldatzea, eta 020104 EHZ kodea duen hondakin berri bat sartu zen.
2025eko urriaren 28an, Ultracongelados Virto SAUk gora jotzeko errekurtso bat jarri zuen jakinarazitako ebazpenaren aurka, eskatzeko berriz azter dadin jakinarazitako ebazpena, eta 160119 EHZ kodea proposatzeko, baimendutako EHZ kodearen ordez.
Landa Garapeneko eta Ingurumeneko kontseilariaren abenduaren 18ko 396E/2025 Foru Aginduaren bidez, partez baietsi zen Ultracongelados Virto SAUk jarritako gora jotzeko errekurtsoa; hau da, aldatu behar da hasiera batean esleitutako 020104 EHZ kodea, baina ez da onartzen proposatutako EHZ kodea, uste baita koderik egokiena 160122 EHZ kodea dela (beste kategoria batean zehaztuta ez dauden osagaiak: uhal garraiatzaileen osagaiak).
Ebazpen proposamena hamabost egunez egon da instalazioaren titularrari entzunaldia emateko izapidean, eta hark ez du proposamenaren aurkako alegaziorik aurkeztu.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehena.–Ofizioz aldatzea Cortesko udal mugartean barazkiak eta lekaleak jasotzen, galdarraztatzen, izozten eta kontserbatzen dituen instalazioaren ingurumen baimen bateratua, ebazpen honen eranskinean zehaztutako aldaketen arabera. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Ultracongelados Virto SAU da.
Bigarrena.–Ebazpen hau Nafarroako Aldizkari Ofizialean argitaratzea.
Hirugarrena.–Ebazpen honek ez du administrazio-bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jartzen ahalko dute haren aurka, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik aurrera kontatuko dira.
Laugarrena.–Ebazpen hau igortzea, behar diren ondorioak izan ditzan, Ultracongelados Virto SAUri eta Cortesko Udalari.
Iruñean, 2026ko otsailaren 12an.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.
Oharra: Ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Berrikuntzaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/ConsultasAAU.html#/ConsultaAutorizacionesAmbientalesUnificadas.
Iragarkiaren kodea: F2602267
