Iragarkia

29. ALDIZKARIA - 2026ko otsailaren 10a

1. NAFARROAKO FORU KOMUNITATEA

1.7. BESTELAKOAK

129/2025 EBAZPENA, abenduaren 31koa, Enpresen Sustapenerako eta Azpiegituretako zuzendari nagusiak emana, zeinaren bidez ukatzen baitira Olaibarko, Odietako, Esteribarko eta Anueko udal-mugarteetan ezarri nahi diren energia elektrikoa ekoizteko instalazioen eta haien eraldaketa eta ebakuazio azpiegituren proiektuetarako aurretiazko administrazio baimenak.

1. Aurretiazko administrazio baimenen eskaerak.

2023ko irailaren 5ean eta 2024ko urtarrilaren 23an, Nafarroan haize parkeetarako baimena arautzen duen maiatzaren 8ko 56/2019 Foru Dekretuan ezarritakoa aplikatuz, Enigma Green Power 2 SLU., Enigma Green Power 4 SLU, Enigma Green Power 6 SLU, Enigma Green Power 8 SLU, Enigma Green Power 10 SLU, Enigma Green Power 11 SLU eta Enigma Green Power 13 SLU entitate sustatzaileek aurretiazko administrazio baimenak eskatu zituzten Olaibarko, Odietako, Esteribarko eta Anueko udal-mugarteetan ezarri nahi diren "As de guía 4", "Ballestrinque 4", "Carraca 4", "Ballinger 4", "Carabela 4", "Margarita 4" eta "Cote" 4" 4,99 MW-eko haize parkeetarako eta haien eraldaketa eta ebakuazio azpiegituretarako.

2. Jendaurreko informazioaren eta kontsulten izapideak.

Bat etorriz maiatzaren 8ko 56/2019 Foru Dekretuaren 7. artikuluarekin, aurreproiektuak eta ingurumen inpaktuaren azterketak jendaurrean jarri ziren, 30 egunez, iragarki bat argitaratuta 2025eko 83. Nafarroako Aldizkari Ofizialean, apirilaren 29koan, eta Diario de Navarra eta Diario de Noticias egunkarietan (2025eko apirilaren 30ean), eta dokumentazioa Nafarroako Gobernu Irekiaren dagokion web fitxan argitaratu zen. Dokumentazioa ukitutako udalei ere bidali zitzaien, epe berean jendaurrean jar zezaten.

86 alegazio jaso batzuk, batzuk norberaren izenean, eta beste batzuk norberaren izenean eta beste pertsona batzuen ordezkari gisa.

Aldi berean, eta maiatzaren 8ko 56/2019 Foru Dekretuaren 8. artikuluan ezarritakoa aplikatuz, kontsulta egin zitzaien taulan zerrendatzen diren erakundeei, eta horietatik 6k bidali zuten txostena.

Ebazpen honen xede diren espedienteetan dago alegazio eta txostenen edukia.

Maiatzaren 8ko 56/2019 Foru Dekretuaren 9. artikuluari jarraikiz, alegazioak eta txostenak haize parkeen sustatzaileei bidali zitzaizkien.

3. Ingurumen inpaktuaren ebaluazio arrunta hasteko eta lurzoru urbanizaezinean jarduerak egiteko baimena eskuratzeko eskaera.

2025eko uztailaren 11n, jasotako alegazio eta txostenei emaniko erantzunak aurkeztu zituzten enpresa sustatzaileek, eta eskatu zuten ingurumen-inpaktuaren ebaluazio arrunta egiteko eta lurzoru urbanizaezinean jarduerak baimentzeko tramiteak egiten hasteko, maiatzaren 8ko 56/2019 Foru Dekretuaren 10. artikuluan ezarritakoari jarraikiz.

Aipatu artikuluan ezarritakoa betez, Industria Antolamenduaren, Azpiegitura Energetikoen eta Meatzeen Zerbitzuak eskaerak igorri zituen Ingurumen Ebaluazioaren Atalera eta Paisaiaren eta Landa Lurzoruaren Atalera.

4. Proiektuaren aurkako ingurumen inpaktuaren adierazpena.

Ingurumeneko zuzendari nagusiaren urriaren 9ko 1167E/2025 Ebazpenaren bidez, aurkako ingurumen-inpaktuaren adierazpena formulatu zen "As de guía 4", "Ballestrinque 4", "Carraca 4", "Ballinger 4", "Carabela 4", "Margarita 4" eta "Cote 4"deritzen haize parkeetarako eta haien eraldaketa eta ebakuazio azpiegitura komunetarako. Haize parke horien sustastzaileak honako hauek, hurrenez hurren: Enigma Green Power 2 SLU., Enigma Green Power 4 SLU., Enigma Green Power 6 SLU, Enigma Green Power 8 SLU, Enigma Green Power 10 SLU, Enigma Green Power 11 SLU eta Enigma Green Power 13 SLU.

5. Aurretiazko administrazio baimenak ukatzeko proposamena.

Horregatik guztiagatik, aurkeztutako dokumentazioa azterturik eta zazpi espedienteen azterketa teknikoa egin ondotik, Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalak proposatzen du espediente horiek ebaztea eta eskatutako aurretiazko administrazio baimenak ukatzea.

Administrazio Publikoen Administrazio Prozedura Erkideari buruzko urriaren 1eko 39/2015 Legearen 57. artikuluaren arabera, aurkeztutako eskaerak funtsean berdinak direnez, bidezkoa da eskaera horiek metatzea baimenak ukatzeko ebazpenean.

Adierazitakoarekin bat, eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz,

EBAZTEN DUT:

1. Aurretiazko administrazio baimenak ukatzea Enigma Green Power 2 SLU, Enigma Green Power 4 SLU, Enigma Green Power 6 SLU, Enigma Green Power 8 SLU, Enigma Green Power 10 SLU, Enigma Green Power 11 SLU eta Enigma Green Power 13 SLU entitateei, Olaibarko, Odietako, Esteribarko eta Anueko udal-mugarteetan energia elektrikoa ekoizteko ezarri nahi dituzten "As de guía 4", "Ballestrinque 4", "Carraca 4", "Ballinger 4", "Carabela 4", "Margarita 4" eta "Cote" 4" 4,99 MW-eko haize parkeetarako eta haien eraldaketa eta ebakuazio azpiegituretarako.

2. Diruzaintza Atalari proposatzea sarbide eta konexio prozedurekin lotutako zazpi bermeak itzultzeko. Abal gordailuaren frogagiriak eta itzulketa eginbideenak ebazpen honen eranskinetan daude.

3. Ebazpen hau igortzea, behar diren ondorioak izan ditzan, Industria Antolamenduaren, Azpiegitura Energetikoen eta Meatzeen Zerbitzuari, Ingurumen Ebaluazioaren Atalari, Paisaiaren eta Landa-lurzoruaren Atalari, Ustiapen Atalari, Ondare Arkitektonikoaren Atalari, Erregistroaren, Ondasun Higigarrien eta Arkeologiaren Atalari eta Gobernu Irekiaren eta Herritarrentzako Arretaren Zerbitzuari.

4. Ebazpen hau Nafarroako Aldizkari Ofizialean argitaratzea, orok jakin dezan.

5. Ebazpen jakinaraztea Enigma Green Power 2 SLU, Enigma Green Power 4 SLU, Enigma Green Power 6 SLU, Enigma Green Power 8 SLU, Enigma Green Power 10 SLU, Enigma Green Power 11 SLU eta Enigma Green Power 13 SLU entitateei, Nafarroako Ekologistak Martxan elkarteari, SEO Birdlife elkarteari, i-DE Redes Eléctricas Inteligentes SAUri eta Red Eléctrica de España SAUko Eragiketen Zuzendaritzari eta Sistemaren Garapenerako Zuzendaritzari, eta ohartaraztea ebazpenak ez duela administrazio bidea amaitzen eta haren aurka gora jotzeko errekurtsoa jartzen ahal dela, Industriako eta Enpresen Trantsizio Ekologiko eta Digitalerako kontseilariari zuzendua, jakinarazi eta biharamunetik hilabeteko epean. Hartan espediente kodea adierazi beharko da.

6. Ebazpen hau jakinaraztea Olaibarko, Odietako, Esteribarko eta Anueko udalei, Trantsizio Ekologikorako eta Erronka Demografikorako Ministerioari, Ebroko Konfederazio Hidrografikoari eta Aire Segurtasuneko Estatu Agentziar, eta ohartaraztea beronen kontra administrazioarekiko auzi-errekurtsoa jartzen ahal dela, Nafarroako Justizia Auzitegi Nagusiko Administrazioarekiko Auzien Salari zuzenduta, bi hilabeteko epean, galarazi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2025eko abenduaren 31n.–Enpresen Sustapenerako eta Azpiegituretako zuzendari nagusia, Iñigo Arruti Torre.

Iragarkiaren kodea: F2600289