1. NAFARROAKO FORU KOMUNITATEA
1.7. BESTELAKOAK
313/2025 EBAZPENA, abenduaren 24koa, Digitalizazioko eta Hezkuntza Zerbitzuetako zuzendari nagusiak emana, zeinaren bidez erabakitzen baita, titularrak eskatuta, Altsasuko eta Etxarri Aranazko Derrigorrezko Bigarren Hezkuntzako ikastetxe pribatuaren baimena azkentzea, eta irakaskuntza horiek inskribatzen baitira Altsasuko "Iñigo Aritza Ikastola" eta Etxarri Aranazko "Andra Mari Ikastola" Haur eta Lehen Hezkuntzako ikastetxe pribatuen erregistro datuetan.
Ikusi da egoitza bikoitza, Altsasun eta Etxarri Aranatzen, duen "Sakana Ikastola" (ikastetxe kodea: 31008566) Derrigorrezko Bigarren Hezkuntzako ikastetxe pribatuaren titularrak egindako eskaera, ikastetxe horren administrazio baimena azkentzekoa eta baimenduta dituen irakaskuntzak inskribatzekoa haien Haur eta Lehen Hezkuntzako ikastetxeetan.
Nafarroako Foru Komunitatean araubide orokorreko irakaskuntza ez-unibertsitarioak ematen dituzten ikastetxe pribatuak baimentzeko prozedura ezarri zuen uztailaren 6ko 251/1992 Foru Dekretuaren IV. tituluan xedatutakoari jarraikiz.
Kontuan hartu da abenduaren 11ko 108/2024 Foru Dekretuaren xedapen indargabetzaile bakarrean ezarritakoa. Xedapen horrek indargabetzen du 156/1995 Foru Dekretua, ekainaren 26koa, titulartasun pribatuko ikastetxeekiko hezkuntza itunei buruzko arauak ematen dituena.
Altsasuko eta Etxarri Aranazko "Sakana Ikastola" Derrigorrezko Bigarren Hezkuntzako ikastetxe pribatuaren irekiera eta funtzionamendua baimentzen dituzten urriaren 4ko 1142/1995 Ebazpenean eta azaroaren 15eko 458/1996 Foru Aginduan xedatutakoa kontuan hartu da, eta aplikatu da Haur Hezkuntzako bigarren zikloko, Lehen Hezkuntzako eta Bigarren Hezkuntzako irakaskuntzak ematen dituzten ikastetxeen gutxieneko baldintzak arautzen dituen otsailaren 12ko 132/2010 Errege Dekretuaren lehen xedapen iragankorrean ezarritakoa.
Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz, eta Hezkuntzako Teknologien eta IKT Azpiegituren Zerbitzuak proposaturik,
EBAZTEN DUT:
1. Erabakitzea, titularrak eskatuta, Altsasuko eta Etxarri Aranazko "Sakana Ikastola" Derrigorrezko Bigarren Hezkuntzako ikastetxe pribatuaren baimena azkentzea (ikastetxe kodea: 31008566) 2026ko abuztuaren 31tik aurrerako ondorioekin.
2. Aldatzea Altsasuko "Iñigo Aritza" Haur eta Lehen Hezkuntzako ikastetxearen erregistro datuak, 2026ko irailaren 1etik aurrerako ondorioekin, honakoak izan daitezen:
Titularra: Aralarko San Migel irakaskuntza kooperatiba, IFKa: F31081342.
Ikastetxearen kodea: 31006995.
Izen generikoa: Haur Hezkuntza, Lehen Hezkuntza eta Derrigorrezko Bigarren Hezkuntzako ikastetxe pribatua.
Berariazko izena: "Iñigo Aritza Ikastola".
Helbidea: San Pedro bidea 16 eta Otadia kalea z.g.
Udalerria: Altsasu, PK 31800.
Udalerria: Altsasu.
Baimendutako irakaskuntzak: Haur Hezkuntzako 2. zikloa, Lehen Hezkuntza eta Derrigorrezko Bigarren Hezkuntza.
Baimendutako gehieneko ikaspostuak: Haur Hezkuntzan, 6 unitate, unitate bakoitzean araudian ezartzen den gehieneko ikaspostu kopuruarekin; Lehen Hezkuntzan, 6 unitate, guztira, 150 ikaspostu; Derrigorrezko Bigarren Hezkuntzan, 4 unitate, guztira 120 ikaspostu.
3. Aldatzea Etxarri Aranazko "Andra Mari Ikastola" Haur eta Lehen Hezkuntzako ikastetxearen erregistro datuak, 2026ko irailaren 1etik aurrerako ondorioekin, honakoak izan daitezen:
Titularra: Aralarko San Migel irakaskuntza kooperatiba, IFKa: F31081342.
Ikastetxearen kodea: 31007409.
Izen generikoa: Haur Hezkuntza, Lehen Hezkuntza eta Derrigorrezko Bigarren Hezkuntzako ikastetxe pribatua.
Berariazko izena: "Andra Mari Ikastola"
Helbidea: Utzubartxiki kalea 6.
Udalerria: Etxarri Aranatz, PK 31084.
Udalerria: Etxarri Aranatz.
Baimendutako irakaskuntzak: Haur Hezkuntzako 2. zikloa, Lehen Hezkuntza eta Derrigorrezko Bigarren Hezkuntza.
Baimendutako gehieneko ikaspostuak: Haur Hezkuntzan, 6 unitate, unitate bakoitzean araudian ezartzen den gehieneko ikaspostu kopuruarekin; Lehen Hezkuntzan, 12 unitate, guztira, 300 ikaspostu; Derrigorrezko Bigarren Hezkuntzan, 4 unitate, guztira 120 ikaspostu.
4. Bi ikastetxe horietako erregistro datu berriak, ebazpen honen 2. eta 3. ataletan jasotakoak, Ikastetxeen Estatu Erregistrora igortzea, uztailaren 6ko 251/1992 Foru Dekretuaren 9. artikuluan xedatutakoa betetzeko.
5. Bi ikastetxeetako titularrei gogoraraztea ezen, haien konfigurazioan aldaketaren bat egiteko, horren ondorioz ebazpen honen 2. eta 3. ataletan ezarritako erregistro datuak edo instalazioak aldatzen badira, Hezkuntza Departamentuari behar den baimena eskatu beharko diotela, bat etorriz uztailaren 6ko 251/1992 Foru Dekretuaren III. tituluan ezarritakoarekin (251/1992 Foru Dekretua, Nafarroan araubide orokorreko unibertsitateaz kanpoko ikastetxeak baimentzeko prozedura arautzen duena).
6. Adierazten da bi ikastetxeen baimenak azkendu edo errebokatzen ahalko direla aipatutako foru dekretuaren IV. tituluan ezarritako kasuetan eta prozeduren bidez.
7. Ebazpen hau ikastetxearen entitate titularrari jakinaraztea, eta aditzera ematea haren aurka gora jotzeko errekurtsoa jar dezaketela interesdunek, Hezkuntza Departamentuko kontseilariari zuzendua, jakinarazi eta biharamunetik hilabeteko epean.
8. Xedatzea ebazpen hau Nafarroako Aldizkari Ofizialean argitara dadila.
9. Ebazpen hau igortzea Hezkuntzako Ikuskapen Zerbitzura, Hezkuntzako Azpiegituren Zerbitzura, Azterlan Ekonomikoen eta Ikastetxeen Finantzaketaren Zerbitzura, Hezkuntzako Informazio Sistemen Zerbitzura, Ikastetxeen Finantzaketaren Atalera eta Ikastetxeetako Informazioa Kudeatzeko Atalera.
Iruñean, 2025eko abenduaren 24an.–Digitalizazioko eta Hezkuntza Zerbitzuetako zuzendari nagusia, Luis Calatayud Yuste.
Iragarkiaren kodea: F2517141
