1. NAFARROAKO FORU KOMUNITATEA
1.7. BESTELAKOAK
312/2025 EBAZPENA, abenduaren 24koa, Digitalizazioko eta Hezkuntza Zerbitzuetako zuzendari nagusiak emana, zeinaren bidez erabakitzen baita, titularrak eskatuta, Iruñeko "Santa Catalina - Santísimo Sacramento" Derrigorrezko Bigarren Hezkuntzako ikastetxe pribatuaren baimena azkentzea, eta irakaskuntza horiek inskribatzen baitira Iruñeko "Santa Catalina Labouré" eta "Santísimo Sacramento" Haur eta Lehen Hezkuntzako ikastetxe pribatuen erregistro datuetan.
Ikusi da Iruñeko "Santa Catalina - Santísimo Sacramento" Derrigorrezko Bigarren Hezkuntzako ikastetxe pribatuaren titularrak egindako eskaera, ikastetxe horren administrazio baimena azkentzekoa eta baimenduta dituen irakaskuntzak inskribatzekoa, horiek ematen diren ikastetxeetan.
Nafarroako Foru Komunitatean araubide orokorreko irakaskuntza ez-unibertsitarioak ematen dituzten ikastetxe pribatuak baimentzeko prozedura ezarri zuen uztailaren 6ko 251/1992 Foru Dekretuaren IV. tituluan xedatutakoari jarraikiz.
Kontuan hartu da abenduaren 11ko 108/2024 Foru Dekretuaren xedapen indargabetzaile bakarrean ezarritakoa. Xedapen horrek indargabetzen du 156/1995 Foru Dekretua, ekainaren 26koa, titulartasun pribatuko ikastetxeekiko hezkuntza itunei buruzko arauak ematen dituena.
Iruñeko "Santa Catalina - Santísimo Sacramento" Derrigorrezko Bigarren Hezkuntzako ikastetxe pribatuaren irekiera eta funtzionamendua baimentzen dituzten maiatzaren 29ko 722/1995 Ebazpenean eta abenduaren 12ko 497/1996 Foru Aginduan xedatutakoa kontuan hartu da, eta aplikatu da Haur Hezkuntzako bigarren zikloko, Lehen Hezkuntzako eta Bigarren Hezkuntzako irakaskuntzak ematen dituzten ikastetxeen gutxieneko baldintzak arautzen dituen otsailaren 12ko 132/2010 Errege Dekretuaren lehen xedapen iragankorrean ezarritakoa.
Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz, eta Hezkuntzako Teknologien eta IKT Azpiegituren Zerbitzuak proposaturik,
EBAZTEN DUT:
1. Erabakitzea, titularrak eskatuta, Iruñeko "Santa Catalina - Santísimo Sacramento" Derrigorrezko Bigarren Hezkuntzako ikastetxe pribatuaren baimena azkentzea (ikastetxe kodea: 31008591), 2026ko abuztuaren 31tik aurrerako ondorioekin.
2. Aldatzea Iruñeko "Santa Catalina Laboure" Haur eta Lehen Hezkuntzako ikastetxearen erregistro datuak, 2026ko irailaren 1etik aurrerako ondorioekin, honakoak izan daitezen:
Titularra: Karitateko Alaben Konpainia, IFKa: R3100011J.
Ikastetxearen kodea: 31004470.
Izen generikoa: Haur Hezkuntza, Lehen Hezkuntza, Derrigorrezko Bigarren Hezkuntza eta Lanbide Heziketako ikastetxe pribatua.
Berariazko izena: "Santa Catalina Laboure".
Helbidea: Erletokieta kalea 5.
Udalerria: Iruña, PK 31007.
Udalerria: Iruña.
Baimendutako irakaskuntzak: Haur Hezkuntzako bigarren zikloa, Lehen Hezkuntza, Derrigorrezko Bigarren Hezkuntza eta Lanbide Heziketa.
Baimendutako gehieneko ikaspostuak:
–Haur Hezkuntza: 3 unitate Haur Hezkuntzan, unitate bakoitzean araudian ezartzen den gehieneko ikaspostu kopuruarekin.
–Lehen Hezkuntza: 6 unitate; gehienez ere 25 ikaspostu unitateko eta, guztira, 150 ikaspostu.
–Derrigorrezko Bigarren Hezkuntza: 4 unitate; gehienez ere 30 ikaspostu unitateko eta, guztira, 120 ikaspostu.
–D graduko Lanbide Heziketa:
O "Administrazioa eta Kudeaketa" lanbide arloko "Administrazio Zerbitzuak" espezialitatearen oinarrizko graduan, 2 unitate, bata lehen mailan eta bestea bigarren mailan, gehienez 12 ikasle berri gehi ikasle errepikatzaileak, gehienez ere 14 postu unitate bakoitzeko eta guztira 28 ikaspostu.
O Lanbide Heziketa Bereziko zikloa, "Datuen Tratamenduko, Ofimatikako eta Artxiboko Eragiketetako laguntzailea" espezialitatekoa, unitate 1, araudian ezartzen den gehieneko ikaspostu kopuruarekin.
3. Aldatzea Iruñeko "Santísimo Sacramento" Haur eta Lehen Hezkuntzako ikastetxearen erregistro datuak, 2026ko irailaren 1etik aurrerako ondorioekin, honakoak izan daitezen:
Titularra: "Santísimo Sacramento MM" erlijio kongregazioa, IFKa R3100205H.
Ikastetxearen kodea: 31004822.
Izen generikoa: Haur, Lehen eta Derrigorrezko Bigarren Hezkuntzako ikastetxe pribatua.
Berariazko izena: "Santísimo Sacramento".
Helbidea: Erletokieta kalea 22.
Udalerria: Iruña, PK 31007.
Udalerria: Iruña.
Baimendutako irakaskuntzak: Haur Hezkuntzako 2. zikloa, Lehen Hezkuntza eta Derrigorrezko Bigarren Hezkuntza.
Baimendutako gehieneko ikaspostuak:
–Haur Hezkuntza: 3 unitate, unitate bakoitzean araudian ezartzen den gehieneko ikaspostu kopuruarekin.
–Lehen Hezkuntza: 6 unitate Lehen Hezkuntzan; gehienez ere 25 ikaspostu unitateko eta, guztira, 150 ikaspostu.
–Derrigorrezko Bigarren Hezkuntza: 4 unitate; gehienez ere 30 postu unitateko eta, guztira, 120 ikaspostu.
4. Bi ikastetxe horietako erregistro datu berriak, ebazpen honen 2. eta 3. ataletan jasotakoak, Ikastetxeen Estatu Erregistrora igortzea, uztailaren 6ko 251/1992 Foru Dekretuaren 9. artikuluan xedatutakoa betetzeko.
5. Bi ikastetxeetako titularrei gogoraraztea ezen, eskolaren konfigurazioan aldaketaren bat egiteko, horren ondorioz ebazpen honen 2. eta 3. ataletan ezarritako erregistro datuak edo instalazioak aldatzen badira, Hezkuntza Departamentuari baimena eskatu beharko diotela, bat etorriz uztailaren 6ko 251/1992 Foru Dekretuaren III. tituluan ezarritakoarekin (251/1992 Foru Dekretua, Nafarroan araubide orokorreko unibertsitateaz kanpoko ikastetxeak baimentzeko prozedura arautzen duena).
6. Adierazten da bi ikastetxeen baimenak azkendu edo errebokatzen ahalko direla aipatutako foru dekretuaren IV. tituluan ezarritako kasuetan eta prozeduren bidez.
7. Ebazpen hau bi ikastetxeetako entitate titularrei jakinaraztea, eta aditzera ematea haren aurka gora jotzeko errekurtsoa jar ditzaketela interesdunek, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
8. Xedatzea ebazpen hau Nafarroako Aldizkari Ofizialean argitara dadila.
9. Ebazpen hau igortzea Hezkuntzako Ikuskapen Zerbitzura, Hezkuntzako Azpiegituren Zerbitzura, Azterlan Ekonomikoen eta Ikastetxeen Finantzaketaren Zerbitzura, Hezkuntzako Informazio Sistemen Zerbitzura, Ikastetxeen Finantzaketaren Atalera eta Ikastetxeetako Informazioa Kudeatzeko Atalera.
Iruñean, 2025eko abenduaren 24an.–Digitalizazioko eta Hezkuntza Zerbitzuetako zuzendari nagusia, Luis Calatayud Yuste.
Iragarkiaren kodea: F2517139
