1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
2813/2025 EBAZPENA, 2025eko abenduaren 30ekoa, Nafarroako Unibertsitate Publikoko errektoreak emana, José Antonio Marañón Oricain izendatzen duena Irakasle eta Ikertzaileen Araubide Juridikoaren eta Arau Garapenaren kudeatzaileorde.
2003ko maiatzaren 12ko 110/2003 Foru Dekretuaren bidez onetsitako Nafarroako Unibertsitate Publikoaren Estatutuetako 43.4 artikuluak ezartzen du kudeatzaileak aukera izanen duela kudeatzaileordeen laguntza izateko, eta kudeatzaileorde horiek errektoreak izendatuko dituela, kudeatzaileak berak proposatuta.
Ikusirik José Antonio Marañón Oricain Irakasle eta Ikertzaileen Araubide Juridikoaren eta Arau Garapenaren kudeatzaileorde izendatzeko proposamena, zeina Nafarroako Unibertsitate Publikoko kudeatzaileak egin baitu, aipatutako artikuluan ezarritakoaren indarrez.
Nafarroako Unibertsitate Publikoaren Estatutuen 40. artikuluan esleituak ditudan eskudantziez baliatuz.
EBAZTEN DUT:
Lehenbizikoa.–José Antonio Marañón Oricain izendatzea Irakasle eta Ikertzaileen Araubide Juridikoaren eta Arau Garapenaren kudeatzaileorde, aldi baterako langile gisa, 2026ko urtarrilaren 1etik aurrerako ondorioekin.
Bigarrena.–Lanpostu horri esleitutako ordainsariak Nafarroako Unibertsitate Publikoaren aurrekontuetan kudeatzaileorde lanposturako berariaz jasoak dira, kalterik eragin gabe indarreko araudiaren arabera graduaren, antzinatasunaren eta familia-laguntzaren arabera legozkiokeen ordainsari pertsonalak.
Hirugarrena.–Ebazpen hau interesdunari jakinaraztea, eta Teknikarien eta Kudeaketako eta Administrazioko eta Zerbitzuetako Langileen Batzordeko buruari aditzera ematea.
Laugarrena.–Ebazpen hau Nafarroako Aldizkari Ofizialean argitaratzea, jende guztiak haren berri izan dezan.
Bosgarrena.–Ebazpen honek administrazio bidea agortzen du, Unibertsitate Sistemari buruzko 2023ko martxoaren 22ko 2/2023 Lege Organikoaren 38.4 artikuluak xedatzen duenaren arabera, eta haren konta zilegi da aukerako berraztertzeko errekurtsoa jartzea, errektoreari zuzendua, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzien Epaitegietan, hilabeteko epean lehenbiziko kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, 2025eko abenduaren 30ean.–Ramón Gonzalo García, errektorea.
Iragarkiaren kodea: F2600277
