1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
8/2026 FORU AGINDUA, urtarrilaren 12koa, Barneko, Funtzio Publikoko eta Justiziako kontseilariak emana, zeinaren bidez departamentuko zuzendari nagusien esku uzten baita eskumen batzuen erabilera.
Nafarroako Gobernuari eta Lehendakariari buruzko abenduaren 3ko 14/2004 Foru Legearen 41.2 artikuluak xedatzen du kontseilariek beren eskudantzien erabilera beste baten esku uzten ahal dutela.
Barneko, Funtzio Publikoko eta Justiziako Departamentu Departamentuaren jardunean efizientzia eta arintasun handiagoa lortu nahian, komenigarritzat jotzen da indarreko araudiak ekonomia eta aurrekontuak kudeatzeko arloan kontseilariari ematen dizkion zenbait eskumenen erabilera zuzendari nagusien esku uztea.
Horrenbestez, aipatu legezko araudiak eman dizkidan ahalmenak erabiliz,
AGINTZEN DUT:
1. Barneko, Funtzio Publikoko eta Justiziako Departamentuko zuzendari nagusien esku uztea, dagokien esparruen barrenean, gastuak baimendu eta xedatzeko, ordaintzeko betebeharra aitortzeko eta aurrekontuko aldaketak egiteko indarreko araudiak ematen dizkidan eskumenen erabilera.
2. Barneko, Funtzio Publikoko eta Justiziako kontseilariak, hala ere, noiznahi beregana dezake edozein espediente edo gai, ebazteko.
3. Foru agindu honen ondoriozko eskuordetzearen bitartez ematen diren ebazpenetan inguruabar hori berariaz adierazi beharko da. Ebazpen horiek, ondorio guztietarako, Barneko, Funtzio Publikoko eta Justiziako kontseilariak emanak balira bezala hartuko dira, eta haien aurka gora jotzeko errekurtsoa jartzen ahalko da, Nafarroako Gobernuari zuzendua.
4. Foru agindu hau igortzea departamentuko zuzendaritza nagusietara, Ekonomia eta Aurrekontu kudeaketarako Zerbitzura eta Idazkaritza Tekniko Nagusira.
5. Foru agindu hau Nafarroako Aldizkari Ofizialean argitaratzea.
Iruñean, 2026ko urtarrilaren 12an.–Barneko, Funtzio Publikoko eta Justiziako kontseilaria, María Inmaculada Jurío Macaya.
Iragarkiaren kodea: F2600371
