Iragarkia

219. ALDIZKARIA - 2026ko azaroaren 3a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

246/2026 EBAZPENA, urriaren 8koa, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariak emana, zeinaren bidez dei egiten baita Estatu mailako lekualdatze-lehiaketarako, kidego hauetako irakasle funtzionarioentzat: maisu-maistren kidegoa, Bigarren Hezkuntzako katedradunen eta irakasleen kidegoa, Lanbide Heziketako irakasle teknikoen kidego iraungia, Lanbide Heziketako sektore berezietako irakasle espezialisten kidegoa, hizkuntza eskola ofizialetako katedradunen eta irakasleen kidegoa, Musikako eta Arte Eszenikoetako katedradunen eta irakasleen kidegoa eta Arte Plastikoetako eta Diseinuko katedradunen, irakasleen eta lantegiko maisu-maistren kidegoa.

Hala ezartzen baitu bere seigarren xedapen gehigarriko lehenbiziko apartatuan Hezkuntzari buruzko maiatzaren 3ko 2/2006 Lege Organikoak, funtzionario publiko direnen estatutu-araubidearen oinarrietan dago "Estatu mailako lekualdatze-lehiaketen bidez" beteko direla plazak.

Xedapen gehigarri horren 3. apartatuan ezartzen da hezkuntzako administrazioek aldian-aldian Estatu osorako lekualdatze-lehiaketen deialdiak egin behar dituztela, haien mendeko ikastetxeetan finkatzen dituzten plaza hutsak bete ahal izateko. Horrez gainera, beren kudeaketa esparruko funtzionarioei beste hezkuntza administrazio batzuetako plazetara jo ahal izateko aukerabidea bermatu behar diete eta, halakorik bada, lehiaketaren ondorioz sortzen diren plazen esleipena egin beharra dute. Lehiaketa hauetan irakasle funtzionario publiko guztiek parte har dezakete, kontuan hartu gabe zein hezkuntza administraziotakoak diren edo nondik sartu ziren, baldin eta betetzen badituzte kasuan kasuko plantillaren edo lanpostu-zerrenden arabera deialdi bakoitzean ezartzen diren betebehar orokorrak eta berariazkoak.

Bestalde, urriaren 29ko 1364/2010 Errege Dekretuak (errege dekretu horren bidez arautu ziren Hezkuntzari buruzko maiatzaren 3ko 2/2006 Lege Organikoan adierazitako irakasleen kidegoetako funtzionarioen Estatu mailako lekualdatze-lehiaketak eta haiek bete beharreko lanpostuak betetzeko beste prozedura batzuk) 7. artikuluan ezartzen du ezen, bi urtez behin, hezkuntza administrazioek Estatu mailako lekualdatze-lehiaketen deialdiak eginen dituztela, haien mendeko ikastetxeek ezarritako plaza edo lanpostu hutsak betetzeko, eta, halaber, beren kudeaketa esparruko irakasleei bermatzeko parte hartu ahal izatea beste hezkuntza administrazio batzuetako plaza edo lanpostu batzuetarako lekualdaketan, eta, kasua bada, lehiaketaren ondorioz sortzen direnak esleitzeko. Ondorio horietarako, plaza edo lanpostu hutsak dira hezkuntza plangintzan aurreikusiak daudenak ikastetxean funtzionatzeko, kontuan hartuta irakasleen egonkortasun irizpideak, hezkuntza administrazioek ezartzen dituztenak behin betiko destinoak lortzeari begira. Kontuan harturik lehiaketa horien deialdia 2024-2025 ikasturtean egin zela, ikasturte honetan egin beharra dago aipatu arauan xedatutako Estatu mailako lehiaketaren deialdia.

Era berean, irailaren 30eko EFD/1041/2026 Aginduak ezartzen du zer prozedura-arau aplikatu behar zaien Hezkuntzari buruzko maiatzaren 3ko 30/2006 Lege Organikoan jasotzen diren irakasleen kidegoetako funtzionarioentzat 2026-2027 ikasturtean egin beharreko Estatu mailako lekualdatze-lehiaketetarako deialdiei.

Halaber, kontuan hartu beharko da apirilaren 30eko 37/2014 Foru Dekretuan xedatutakoa, zeinak arautzen baitu nola bete Nafarroako Foru Komunitateko Administrazioaren unibertsitateaz kanpoko irakasleei dagozkien lanpostuak.

Azkenik, kontuan hartuta uztailaren 16ko 677/2024 Errege Dekretuak (urriaren 29ko 1364/2010 Errege Dekretua aldatzen duenak) merezimenduen baremoan sartutako aldaketa garrantzitsuak, bai merezimendu berriei dagokienez, bai lehengo beste merezimendu batzuen balorazioari dagokienez (2024-2025 ikasturteko estatu mailako lekualdatze-lehiaketaren deialdian aplikatu ziren), hezkuntza administrazio honek 2024-2025 ikasturterako egindako lekualdatze-lehiaketaren deialdian edo hurrengoetan parte hartu duten pertsonek berresten ahalko dute parte hartu duten azken lekualdatze-lehiaketan lortutako behin betiko puntuazioa, merezimenduen baremoko 3.3 eta 5.5 ataletakoa izan ezik (hori irailaren 30eko EFD/1041/2026 Aginduaren ondorioz da, hizkuntza eskola ofizialetako tituluak 3.3 atalean soilik baloratuko direla ezartzen duelako). Bestalde, aipatu lekualdatze-lehiaketetan parte hartu ez dutenek, 6.1 atalean (Argitalpenak) lortutako puntuazioa soilik berresten ahalko dute, 2010-2011 ikasturtetik 2023-2024 ikasturtera (biak barne) egindako lekualdatze-lehiaketen deialdietakoa.

Horrenbestez, Hezkuntza Departamentuko Langileriaren zuzendari nagusiaren martxoaren 13ko 2/2026 Ebazpenaren bidez eskuordetutako eskudantziak erabiliz,

EBAZTEN DUT:

1. Irakasle funtzionarioen Estatu mailako lekualdatze-lehiaketaren deialdia onestea, Nafarroako Foru Komunitatearen esparruan, kidego hauetarako: maisu-maistren kidegoa, Bigarren Hezkuntzako katedradunen eta irakasleen kidegoa, Lanbide Heziketako irakasle teknikoen kidego iraungia, Lanbide Heziketako sektore berezietako irakasle espezialisten kidegoa, hizkuntza eskola ofizialetako katedradunen eta irakasleen kidegoa, Musikako eta Arte Eszenikoetako katedradunen eta irakasleen kidegoa eta Arte Plastikoetako eta Diseinuko katedradunen, irakasleen eta lantegiko maisu-maistren kidegoa.

2. Ebazpena eta eranskinak Nafarroako Aldizkari Ofizialean argitara daitezela agintzea.

3. Ebazpen hau eta eranskinak igortzea, behar diren ondorioak izan ditzaten, Hezkuntza Departamentuko Idazkaritza Tekniko Nagusira, Kudeaketa Juridiko-administratiboaren Atalera, Hezkuntzako Ikuskapen Zerbitzura, Langileen Araubide Juridikoaren Zerbitzura, Irakasleak Hautatzeko eta Lanpostuak Betetzeko Zerbitzura eta Lanpostuak Betetzeko Atalera.

Iruñean, 2026ko urriaren 8an.–Irakasleak Hautatzeko eta Lanpostuak Betetzeko Zerbitzuko zuzendaria, Ricardo Iribas Latour.

LEKUALDATZE-LEHIAKETARAKO DEIALDIAREN OINARRIAK

Lehenengoa.–Deialdiaren eremua.

Lekualdatze-lehiaketarako deia egiten da, deialdi honetan aipatzen diren zehaztapenekin bat, Hezkuntzari buruzko maiatzaren 3ko 1/2006 Lege Organikoan jasotzen diren irakasleen kidegoetako funtzionarioei dagozkien lanpostu hutsak betetzeko:

Hala xedatzen baitu 4. artikuluan maiatzaren 4ko 11/2022 Foru Legeak, neurriak ezartzen dituenak Nafarroako Foru Komunitateko Administrazioko unibertsitateaz kanpoko irakasle funtzionarioen hautapenari eta lanpostuen betetzeari begira, ezin izanen dute lekualdatze-lehiaketarako deialdi honetan parte hartu atzerriko hizkuntzaren eskakizuna duten unibertsitateaz kanpoko irakasle funtzionarioek, Nafarroako Gobernuko Hezkuntza Departamentuaren mende badaude.

Bigarrena.–Borondatez parte har dezaketenak.

1. Karrerako funtzionarioak, egitura organikoaren eta eginkizunen ondorioetarako Nafarroako Gobernuko Hezkuntza Departamentuaren mende daudenak:

1.1. Deialdi honetan borondatez parte hartzen ahalko dute deialdiaren lehenengo oinarrian aipatzen diren irakasleen kidegoetako karrerako funtzionarioek, baldin eta egoera hauetakoren batean baldin badaude:

A) Jardunean egotea eta behin betiko destinoa Hezkuntza Departamentuaren mendeko ikastetxeetan izatea, baldin eta ikasturte hau bukatzen denerako gutxienez bi urte igaro badira behin betiko azkeneko destinoaren jabetza hartu zutenetik.

B) Zerbitzu berezietan edo eszedentzia berezian egotea, gaur egun Hezkuntza Departamentuaren mende dauden ikastetxeetatik deklaratuta, baldin eta ikasturte hau bukatzen denerako gutxienez bi urte igaro badira behin betiko azkeneko destinoaren jabetza hartu zutenetik.

C) Borondatezko eszedentzian egotea, gaur egun Hezkuntza Departamentuaren mende dauden ikastetxeetatik deklaratuta, baldin eta ikasturte hau bukatzen denerako gutxienez bi urte igaro badira aipatutako egoerara pasatu zirenetik.

D) Eginkizun-gabetze egoeran egotea, gaur egun Hezkuntza Departamentuaren mende dagoen ikastetxe batetik deklaratuta, baldin eta ikasturte hau amaitzen denerako bukatzen bazaie eginkizun-gabetzeko diziplina zehapenaren indarraldia.

1.1 atalean ezarritako ondorioetarako, 2027ko abuztuaren 31 hartuko da ikasturte bukaerako data gisa.

E) Behin betiko betetzen zuten plaza edo lanpostua gordetzeko eskubidea galduta izatea, administrazioan zerbitzu-eginkizunetan beste lanpostu bat betetzeagatik.

Aurreko paragrafoan aipatzen diren funtzionarioek destinoa lortzen badute lehiaketa honetan, esleitutako plazan hasiko beharko dute, eta ulertuko da uko egiten diotela ordura arte zerbitzu-eginkizunetan betetzen zuten lanpostuari.

1.2. Oinarri honen 1.1 atalean aipatutako parte-hartzaileek zilegi izanen dute, halaber, beste hezkuntza administrazio batzuek egindako deialdietako plazak sartzea eskabidean, baldin eta behin betiko lehen destinoa Nafarroako Foru Komunitatearen kudeaketa esparruan lortu badute eta deialdi horietan ezarritako baldintzak betetzen badituzte.

2. Beste hezkuntza administrazio batzuen mendeko funtzionarioak:

Beste hezkuntza administrazio batzuen mendeko funtzionarioek deialdi honetako plazak eska ditzakete, deialdiko betebeharrak eta baldintzak betez gero, kasuan kasuko hezkuntza administrazioek zehazten dituzten mekanismo eta prozeduren bitartez.

Langile horiei eskatuko zaie lehenengo behin betiko destinoa lortu izana haien hautaketa ekarri zuen deialdiari dagokion hezkuntza administrazioaren kudeaketa esparru berean, salbu eta deialdian betebehar hori eskatu ez bazen, bat etorriz urriaren 29ko 1364/2010 Errege Dekretuaren hirugarren xedapen iragankorrean xedatuarekin.

3. Destinoa eskuratzeko lehentasunezko eskubidea erabili nahi dutenek deialdi honetako seigarren oinarrian ezarritakoa bete beharko dute.

Hirugarrena.–Nahitaez parte hartu behar dutenak.

1. Deialdi honetan parte hartu beharko dute, nahitaez, kidego hauetako irakasle funtzionarioek: maisu-maistren kidegoa, Bigarren Hezkuntzako katedradunen eta irakasleen kidegoa, Lanbide Heziketako irakasle teknikoen kidego iraungia, Lanbide Heziketako sektore berezietako irakasle espezialisten kidegoa, hizkuntza eskola ofizialetako katedradunen eta irakasleen kidegoa, Musikako eta Arte Eszenikoetako katedradunen eta irakasleen kidegoa eta Arte Plastikoetako eta Diseinuko katedradun eta irakasleen kidegoa eta Arte Plastikoetako eta Diseinuko lantegiko maisu-maistren kidegoa, baldin eta egitura organikoaren eta eginkizunen ondorioetarako Hezkuntza Departamentuaren mende badaude eta egoera hauetakoren batean badaude:

A) 2026-2027 ikasturtean behin-behineko destinoa duten karrerako eta jarduneko irakasle funtzionarioak.

B) 2026-2027 ikasturtean praktiketan dauden funtzionarioak, honako kasu hauetan:

–Hautatu zituztenak Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren irailaren 15eko 208/2025 Ebazpenaren eta azaroaren 11ko 245/2025 Ebazpenaren bidez egindako deialdietako hautapen prozeduretan.

–Praktiketako funtzionario izendatuak, praktikak 2026-2027 ikasturtera luzatu dituztenak, baldin eta ez bazuten destinorik lortu urriaren 2ko 2014/2025 Ebazpenaren bidez egindako deialdiko lekualdatze-lehiaketan. Ordea, praktikak 2026-2027 ikasturtera luzatu dituztenek behin betiko destinoa lortu badute, ezin izanen dute parte hartu ebazpen honen bidez onetsitako deialdiko lekualdatze-lehiaketan.

–Era berean, nahitaez parte hartu beharko dute epai bat bete beharrez hautatutako izangaiek, urriaren 27ko 286/2023 Ebazpenaren bidez egindako hautapen prozeduren deialdiei dagozkionak, baldin eta 2026-2027 ikasturtean praktikaldian ari badira.

C) Nahitaezko eszedentzian dauden karrerako funtzionario irakasleak, behin-behineko itzultzerik lortu ez dutenak, eszedentzia gaur egun Hezkuntza Departamentuaren mende dagoen ikastetxe batean zelarik deklaratu bazen.

D) Kanpoko plazei atxikita egon ondoren, 2027-2028 ikasturtean Hezkuntza Departamentuaren kudeaketa esparrura itzuli behar duten irakasle funtzionarioak edo, aurreko ikasturteren batean itzulita ere, behin betiko destinoa lortu ez dutenak.

E) Epai bat bete edo errekurtso bat ebaztearen ondorioz, edo behin betiko zuten lanpostua berariaz kendu zaielako, behin betiko destinoa galdu duten karrerako irakasle funtzionarioak.

Atal honetan sartzen dira administrazioan beste lanpostu bat betetzeagatik plaza gordea galdu duten funtzionarioak, baldin eta zerbitzu-eginkizunak amaitu badituzte.

Deialdi honen ondorioetarako, kendutako plazatzat hartuko dira, bakar-bakarrik, ebazpen formal eta banan-banan egindakoaren bidez berariaz kendu direnak.

F) Nafarroako Gobernuko Hezkuntza Departamentuaren kudeaketa esparruan behin-behineko destinoa izanda, zerbitzu berezietan edo eszedentzia berezian dauden karrerako irakasle funtzionarioak.

2. Nahitaezkoei esleitzeari buruzko arauak:

A) Praktiketako funtzionarioek behin betiko destinoa eskuratu behar dute, nahitaez, gainditu duten hautapen prozeduraren espezialitateko eta hizkuntzako lanpostuetan. Horretarako, hautapen prozedura zer espezialitate eta hizkuntzatan gainditu duten, horiei dagozkien plaza guztiak eskatu beharko dituzte, eta ezin izanen dute aukeratu atzerriko hizkuntzaren eskakizuna duen plazarik.

Gainera, borondatez eskatzen ahalko dituzte oposizioko beren espezialitatetik aukeragai dituzten lanpostuak, hizkuntza berean, IV. eranskinean ezarritakoarekin bat.

Lehiatzen ez direnei edo lehiatu arren behar adina plaza eskatzen ez dituztenei libreki esleituko zaie behin betiko destinoa, hautapen prozedurako espezialitate eta hizkuntzako lanpostuetan. Behin betiko destinoa lortzen ez badute, behin-behineko destinoko egoeran geldituko dira.

B) Behin-behineko destinoa duten funtzionarioek, lehenbiziko behin betiko destinoa lortu ez badute, behin betiko destinoa eskuratu behar dute, nahitaez, gainditu duten hautapen prozeduraren espezialitatean eta hizkuntzan, eta aukera ditzakete atzerriko hizkuntzaren eskakizuna duten plazak.

Horretarako, hautapen prozedura zer espezialitate eta hizkuntzatan gainditu duten, horiei dagozkien plaza guztiak eskatu beharko dituzte. Gainera, borondatez eskatzen ahalko dituzte oposizioko beren espezialitatetik aukeragai dituzten lanpostuak, hizkuntza berean, IV. eranskinean ezarritakoarekin bat.

Lehiatzen ez direnei edo lehiatu arren behar adina plaza eskatzen ez dituztenei libreki esleituko zaie behin betiko destinoa, hautapen prozedurako espezialitate eta hizkuntzako lanpostuetan. Behin betiko destinoa lortzen ez badute, behin-behineko destinoko egoeran geldituko dira.

C) Behin-behineko destinoa duten funtzionarioek, aldez aurretik behin betiko destino bat lortu badute, titular gisa dituzten espezialitateetako plaza guztiak eskatu behar dituzte, nahi duten hizkuntzan, eta, hala badagokio, hizkuntza eskakizunean. Gainera, titular gisa dituzten espezialitateetatik abiatuta hauta ditzaketen beste lanpostu batzuk ere eskatzen ahal dituzte borondatez, IV. eranskinean ezarritakoarekin bat.

Lehiatzen ez direnei edo lehiatu arren behar adina plaza eskatzen ez dituztenei, edo nahitaezkoentzako esleipenerako dituzten espezialitate guztien ordena adierazten ez dutenei, behin betiko destinoa libreki esleituko zaie, kidegoan sartzeko erabilitako espezialitate eta hizkuntzako lanpostuetan edo, bestela, kidegoan sartu ondoren lortu dituzten espezialitateetako edozeinetan, IV. eranskinean agertzen diren ordenaren arabera, hizkuntza berean, Nafarroako Foru Komunitateko ikastetxeetan betiere. Behin betiko destinoa lortzen ez badute, behin-behineko destinoko egoeran geldituko dira.

D) Nahitaezko eszedentzian dauden funtzionarioak, baldin eta deialdi honetan parte hartzen ez badute edo, parte hartu arren, behar adina ikastetxe eskatzen ez badituzte eta behin betiko destinoa lortzen ez badute, norberaren intereseko borondatezko eszedentzian geldituko dira, Nafarroako Administrazio Publikoen zerbitzuko Langileen Estatutuaren testu bateginaren 26.1.c) artikuluaren arabera.

E) Kanpoko plazei atxikirik egon direlako, edo epai bat betetzearen edo errekurtso bat ebaztearen ondorioz behin betiko destinoa galdu dutelako, edo ikastetxe batean betetzen zuten behin betiko plaza edo lanpostua berariaz kendu zaielako deialdian parte hartzen duten funtzionarioei destinoa esleitzerakoan, arau hauei jarraituko zaie:

–Ebazpen honen seigarren oinarrian ezarritako moduan lehentasunezko eskubideaz baliaturik parte hartu badute eta destinorik lortu ez badute, behin-behineko destinoarekin geldituko dira, baina atxikita izan duten azken ikastetxeko herrian ikastetxeak aukeratzeko eskubidearekin, plaza hutsik izanez gero.

–Parte hartu beharra izan arren lehiatzen ez diren funtzionarioei, edo deialdi honen seigarren oinarriak aipatzen duen lehentasunezko eskubideaz baliatu gabe parte harturik destinorik lortzen ez dutenei, eta lehentasunezko eskubidea baliaturik ikastetxearen edo herriaren eskaera zuzen bat gutxienez egin ez dutenei libreki esleituko zaie behin betiko destinoa, oinarri honen B) edo C) ataletan xedatutakoaren arabera. Behin betiko destinoa lortzen ez badute, behin-behineko destinoko egoeran geratuko dira.

F) Lehenbiziko behin betiko destinoa lortu ez duten irakasle funtzionarioek Nafarroako Gobernuko Hezkuntza Departamentuaren mendeko plazetara jo dezakete soilik.

G) Nahitaezko esleipena deialdi honen II. eta III. eranskinetan ageri den ikastetxeen ordenaren arabera eginen da, irakasle kidego bakoitzeko.

H) Ez dira inolaz ere nahitaez esleituko deialdi honen V. eranskinean ageri diren plazak edo lanpostuak.

3. Destinoa eskuratzeko lehentasunezko eskubidea erabili nahi dutenek deialdi honetako seigarren oinarrian ezarritakoa bete beharko dute.

Laugarrena.–Deialdiko plazak eta haien argitalpena.

Irailaren 30eko EFD/1041/2026 Aginduaren bosgarren apartatuan aurreikusitako datetan zehaztuko dira deialdi honetan bete beharreko behin-behineko eta behin betiko plaza hutsak (agindu horren bidez prozedura-arauak ezartzen dira, 2026-2027 ikasturtean egin beharreko Estatu mailako lekualdatze-lehiaketetan aplikatu beharrekoak, hain zuzen ere Hezkuntzari buruzko maiatzaren 3ko 30/2006 Lege Organikoko irakasle kidegoetako funtzionarioentzako lekualdatze-lehiaketetan), eta jendaurrean jarriko dira Hezkuntza Departamentuaren web-orrian: www.educacion.navarra.es/eu/.

Ondorio horietarako, hezkuntzako plangintza orokorrean aurreikusten diren plazak sartuko dira, baita parte hartzen den kidego bakoitzean betetze prozeduraren ondorioz hutsik gelditzen direnak ere. Horiez gain, gutxienez 2026ko abenduaren 31ra arte erretiroengatik, heriotzengatik edo plaza gordetzeko eskubiderik gabeko eszedentziengatik sortzen diren plaza hutsak ere sartzen ahalko dira. Plaza horiek guztiek eskola plangintzan aurreikusiak egon beharko dute.

Bosgarrena.–Parte-hartzaileek eska ditzaketen plazak.

1. Deialdiaren hirugarren oinarriko 2. A eta B ataletan ezarritakoa galarazi gabe, irakasleen kidegoetako funtzionarioek titular gisa dituzten espezialitateetako plazak eskatzen ahalko dituzte.

2. Halaber, irakasleen kidegoetako funtzionarioek beste lanpostu batzuk eskatzen ahalko dituzte, titular gisa duten espezialitatea baldintza gisa dutenak, bat etorriz deialdi honen IV. eranskinean ezarritakoarekin.

3. Bat etorriz Hezkuntzari buruzko maiatzaren 3ko 2/2006 Lege Organikoaren lehenbiziko xedapen iragankorrarekin eta Estatu mailako lekualdatze-lehiaketak arautzen dituen urriaren 29ko 1364/2010 Errege Dekretuarekin, Derrigorrezko Bigarren Hezkuntzako lehenbiziko bi ikasmailetan ezartzen diren plazak eskatzen ahalko dituzte maisu-maistren kidegoko funtzionarioek, baldin eta deialdietan eskatutako gainerako baldintzak betetzen badituzte eta hurrengo kasu hauetakoren batean sarturik badaude: Derrigorrezko Bigarren Hezkuntzako lehenbiziko bi ikasmailetako plazei behin betiko atxikita daudenak eta, halaber, ikasmaila horietan behin betikotasunez betetzen zuten lanpostua galdu dutenak, lanpostua kendu delako, baldin eta beste behin betiko destinorik lortu ez badute lanpostua kendu ondoren.

Langile horiek beharrezkoa den gaikuntza frogatu beharko dute, deialdi honen IV. eranskinean ezarritakoarekin bat.

4. Bigarren Hezkuntzako institutuetan eta Derrigorrezko Bigarren Hezkuntzako institutuetan Pedagogia Terapeutikoko plazak eskatzen ahalko dituzte espezialitate horretako titularrak diren maisu-maistren kidegoko funtzionarioek, deialdi honetako IV. eranskinean ezarritakoarekin bat.

5. Bigarren Hezkuntzako, hizkuntza eskola ofizialetako eta Arte Plastikoetako eta Diseinuko katedradunen kidegoetako funtzionarioek maila bereko irakasleen kidegoetako lanpostuetako funtzionarioekin batera hartuko dute parte, eta plaza huts berberak eskainiko zaizkie, deusetan galarazi gabe katedradunen kidegoetakoak izateagatik aplikatzen ahal zaizkien berariazko merezimenduak.

6. Zenbait espezialitatetako plazak eskuratzeko, Lanbide Heziketako irakasle teknikoen kidego iraungiko funtzionarioek eta urriaren 4ko 800/2022 Errege Dekretuak arautzen duen prozeduraren bidez Bigarren Hezkuntzako irakasleen kidegoan integratu diren espezialitate horietako irakasleek, lehiaketan, Lanbide Heziketako sektore berezietako irakasle espezialisten kidegoko irakasleekin batera parte hartuko dute, eta plaza huts berberak eskuratzen ahalko dituzte. Hauek dira espezialitate horiek: Sukaldaritza eta Pastelgintza, Estetika, Zurgin-lanen eta Altzarien Fabrikazioa eta Instalazioa, Ibilgailuen Mantentze-lanak, Mekanizazioa eta Makinen Mantentze-lanak, Patroigintza eta Jantzigintza, Ile-apainketa, Arte Grafikoetako Produkzioa, Jatetxe Zerbitzuak eta Soldadura.

Era berean, martxoaren 31ko 3/2022 Lege Organikoaren arabera Bigarren Hezkuntzako irakasleen kidegoan sartu diren espezialitateetako plazetarako, Lanbide Heziketako irakasle teknikoen kidego iraungiko funtzionarioek Bigarren Hezkuntzako irakasleen kidegoko funtzionarioekin batera parte hartuko dute, eta espezialitate horietako plaza huts berberak eskuratzen ahalko dituzte.

7. Euskara eskakizuna duten plazak eskatzen dituzten parte-hartzaileek, espezialitateko betebeharra frogatzeaz gain, EGA-Euskararen Gaitasun Agiriaren edo titulu baliokide baten jabe direla frogatu beharko dute, salbu eta jadanik haien zerbitzu-orrian jaso bada.

8. Atzerriko hizkuntzaren eskakizuna (frantsesa, ingelesa eta alemana) duten irakaskuntza espezialitateei dagozkien plazak eskatzeko, irakasleak kasuan kasuko hizkuntza ezagutzearen egiaztagiria eduki beharko du, Nafarroako Gobernuko Hezkuntza Departamentuak emana, apirilaren 30eko 37/2014 Foru Dekretuaren 9. artikuluan xedatuarekin bat.

Egiaztagiri hori, edo lehiakideen espediente pertsonalean dago jasota PI, PF edo PALE hizkuntza eskakizun gisa, edo justifikatzen ahal da hizkuntza eskakizun horietarako maiatzaren 13ko 36/2022 Foru Aginduaren I. eranskinean eskatzen diren titulazioetako bat aurkeztuta, deialdiko eskabideak aurkezteko epearen barnean (foru agindu horrek ezartzen du irakasleek frogatu ditzaketen berariazko eskakizunak zehazteko eta haiek egiaztatzeko prozedura). Azkeneko kasu horretan, aipatu foru aginduan ezarritako prozeduraren bidez egiaztatuko da parte-hartzaile horiei dagokien hizkuntza eskakizuna (PI, PF edo PALE).

9. 1992ko Estatuko Aurrekontu Orokorrei buruzko abenduaren 30eko 31/1991 Legearen 29. xedapen gehigarriaren indarrez Bigarren Hezkuntzako katedradunen eta irakasleen kidegoetan integratu diren langileek parte hartzen ahalko dute titular gisa dituzten espezialitateetan Nafarroako Foru Komunitateko Administrazioaren irakasle funtzionario gisa integratzeko foru dekretuetan egindako atxikipenei jarraikiz eta IV. eranskinean ezarritakoaren arabera. Kasu horretan, deialdi honen bidez beste ikastetxe batean behin betiko destino berri bat lortzean, parte-hartzaileak galdu eginen ditu atxikipen esparruan sartutako gainerako espezialitateen gainean izaten ahal dituen eskubideak.

Seigarrena.–Lehentasunezko eskubideak.

Oinarri honetan ezarritako kasuetakoren batean dauden karrerako irakasle funtzionarioak lehentasunezko eskubideaz balia daitezke, zein kidegotan hartzen duten parte, hartan plaza hutsik izanez gero. Parte hartzeko eskabidean horixe adieraziko dute, eskariaren oinarri den arrazoiarekin batera.

Bat etorriz irakasle funtzionarioentzako Estatu mailako lekualdatze-lehiaketak arautzen dituen urriaren 29ko 1364/2010 Errege Dekretuarekin eta Nafarroako Foru Komunitateko ikastetxe publikoen sarea berrantolatzen duen uztailaren 3ko 80/2019 Foru Dekretuarekin, plazak eskatzerakoan lehentasunezko eskubide hauek soilik alegatzen ahalko dira:

1. Ikastetxea aukeratzeko lehentasunezko eskubidea:

Behin betiko destinoa zein ikastetxetan duten edo izan duten, horretan behin betiko destinoa lortzeko lehentasunezko eskubidea izanen dute, behin bakarrik, oinarri honetan aipatzen diren egoeraren batean dauden irakasleek, egoerak zerrendatuta dauden lehentasun hurrenkeraren arabera:

1.1. Ikastetxe batean betetzen zuten behin betiko plaza edo lanpostua kentzeagatik behin betiko destinorik gabe dauden irakasleak, harik eta behin betiko beste destino bat lortu arte, horretan aritzeko eskatzen diren baldintzak betez gero.

Deialdi honen ondorioetarako, kendutako plazatzat hartuko dira ebazpen formal baten bidez berariaz kendu direnak.

1.2. Bigarren Hezkuntzako katedradunen eta irakasleen kidegoko irakasleak, Lanbide Heziketako irakasle teknikoen kidego iraungikoak eta Lanbide Heziketako sektore berezietako irakasle espezialisten kidegokoak, espezialitate berri bat eskuratu dutenak, ekainaren 4ko 850/1993, otsailaren 27ko 334/2004 eta otsailaren 23ko 276/2007 errege dekretuetan xedatutakoaren babesean, espezialitate berriko lanpostu bat lortzeko behin betiko destinoa zuten ikastetxean.

Bat-egitearen edo integrazioaren ondorioz sortutako ikastetxeko plaza hutsei aplikatzen ahalko zaie eskubide hori. Lerroak edo unitateak bereizten badira, bereizitako lerro edo unitateak jasotzen dituen ikastetxeari ere aplikatzen ahalko zaio.

Aurreko ataletako bakoitzean aipatu egoeretan dauden bi funtzionario edo gehiago lehiatuz gero, merezimenduen baremoan puntuazio handiena duenari esleituko zaio plaza. Puntuazioetan berdinketak izaten badira, hori hausteko lehenbiziko irizpidea izanen da ikastetxean karrerako funtzionario gisa zein aritu den denbora gehien benetako zerbitzuetan, eta, beharrezkoa izanez gero, merezimenduen baremoan ezarritako gainerako irizpideak aplikatuko dira, agertzen diren hurrenkera berean.

2. Ikastetxea aukeratzeko lehentasunezko eskubidea erabiltzea:

Irakasle funtzionarioek erabili nahi baldin badute ikastetxea aukeratzeko lehentasunezko eskubideetako bat, aurreko atalean aipatzen direnen artekoa, parte hartzeko eskabidean jarri beharko dute (ikastetxea aukeratzeko lehentasunezko eskubideari dagokion epigrafean) zein kasuren bidez parte hartzen duten lehentasunezko eskubidearekin eta zer ikastetxetan erabiltzen duten eskubide hori. Gainera, lehentasun hurrenkeraren arabera jarri beharko dituzte eskubide horretaz baliatzeko eskaerak, aintzat harturik alderdi hauez osatuak daudela: espezialitatea eta hizkuntza, eta, hala denean, elebitasuna edo/eta ibiltaritza. Ondorio horietarako, plaza desberdintzat joko da hizkuntza baldintza eta/edo ibiltaritza duena.

Parte-hartzaileak ez daude beharturik titular gisa dituzten espezialitate guztiak eskatzera, eta borondatez eskatzen ahalko dituzte titular gisa dituzten espezialitatearen baldintza duten beste lanpostu batzuk, deialdi honen IV. eranskinean ezarritakoarekin bat.

Oinarri honetan ikastetxea aukeratzeko ezarritako lehentasunezko eskubideetako bi edo gehiago erabiltzen ahal dituzten irakasleek eskabidean adierazi beharko dute kasurik onuragarriena zein den, oinarri honen 1. atalean ageri den lehentasun hurrenkeraren arabera.

Titular gisa dituzten espezialitateen arabera eskura ditzaketen plazetarako beste eskaera batzuk sartzen ahalko dira eskabide berean, lehentasunezko eskubiderik izan gabe haiek lortzeko lehiaketan parte hartu nahi badute.

3. Herria edo eskualdea aukeratzeko lehentasunezko eskubideak:

Herri edo eskualde bateko ikastetxeetan behin betiko destinoa lortzeko lehentasunezko eskubidea izanen dute, behin bakarrik eta plaza hutsik bada, oinarri honetan aipatzen diren egoeretako batean dauden karrerako funtzionarioek, egoerak zerrendatuta dauden lehentasun hurrenkeraren arabera:

3.1. Ikastetxe batean betetzen ari ziren behin betiko plaza edo lanpostua kendu edo aldatzeagatik behin betiko destinorik ez duten irakasleek lehentasunezko eskubidea izanen dute, behin betiko beste destino bat lortu arte, kendutako plaza edo lanpostua zegoen herri edo eskualde bereko beste ikastetxe batean beste plaza edo lanpostu bat lortzeko.

3.2. Administrazio publikoan beste lanpostu batera pasatzeagatik, behin betiko betetzen zuten irakasle plaza galduta, eta betiere azken lanpostua utzi badute.

3.3. Atzerriko ikastetxe publikoak uzteagatik haietarako atxikipen denbora bukatu delako (Hezkuntza, Kultura eta Kirol Ministerioaren atzerriko administrazioa arautzen duen urriaren 31ko 1138/2002 Errege Dekretuaren 10.6 eta 14.4 artikuluak), edo Espainian irakastera itzultzeagatik legez ezarritako beste arrazoiren batengatik.

3.4. Behin betiko destinoa epai bat betetzearen edo errekurtso administratibo bat ebaztearen ondorioz galdu izateagatik.

3.5. Ezintasun iraunkorraren ondoriozko erretiro egoeran deklaratu ondoren jardunerako birgaitu direnak.

Aurreko ataletako bakoitzean aipatu egoeretan dauden karrerako bi funtzionario edo gehiago lehiatuz gero, merezimenduen baremoan puntuazio handiena duenari esleituko zaio plaza. Puntuazioen guztirakoan berdinketa izaten bada, deialdiaren hamalaugarren oinarrian berdinketa hausteko ezarritako irizpideak aplikatuko dira.

4. Herria edo eskualdea hautatzeko lehentasunezko eskubidea erabiltzea.

Lehentasunezko eskubidea zein herritatik datorkion, hantxe nahitaez erabili beharko da (deialdiaren II. eta III. eranskinak); eta aukeran izanen da eskualdeko beste herri baterako edo batzuetarako erabiltzea (deialdiaren II-A eta III. eranskinak). Halaber, parte-hartzaileak titular gisa dituen espezialitate guztietarako nahitaez erabili beharko du lehentasunezko eskubide hori; gainera, aukeran izanen da hizkuntza baldintza (bertako hizkuntza eta/edo elebiduna) edo ibiltari izaera duten espezialitateetarako erabiltzea, bai eta Derrigorrezko Bigarren Hezkuntzako lehenengo bi ikasmailetako plazetarako eta Bigarren Hezkuntzako institutuetako eta Derrigorrezko Bigarren Hezkuntzako institutuetako Pedagogia Terapeutikoko plazetarako ere. Borondatez eskatzen ahalko dituzte beste lanpostu batzuk, beren espezialitatea baldintza gisa dutenak, deialdi honen IV. eranskinean ezarritakoarekin bat.

Lanpostu bereziei atxikitako maisu-maistren kidegoko irakasleek lehentasunezko eskubidea erabiltzen ahalko dute, aurreko paragrafoan xedatukoaren arabera. Horretarako, ebazpen honen II-A eranskinean biltzen diren herrietako bat aukeratu beharko dute, betiere kendutako lanpostuaren jarduketa eremuaren barnekoa (II-B eranskina).

Apirilaren 30eko 37/2014 Foru Dekretuaren bidez irakasleen kidego guztietarako, maisu-maistren kidegorako izan ezik, onetsitako zonifikazioarekin bat, Iruña bi lurralde eremutan edo bi herritan banatzen da. Ondorio horietarako, III. eranskinean zerrendatzen diren Iruñeko ikastetxeak bi lurralde eremutakoak dira (Iruña 1 eta Iruña 2), eta eremu horiek funtzionatzen dute eskualde desberdinetan dauden bi herri balira bezala, lehentasunezko eskubidea erabiltzearen ondorioetarako.

Aurreko atalean ageri diren herria edo eskualdea hautatzeko lehentasunezko eskubideetako bat erabiltzen duten irakasleek honako hau adierazi beharko dute parte hartzeko eskabidean:

1. Lehenik, "herria aukeratzeko lehentasunezko eskubidea" izeneko epigrafean, honako hauek jarri beharko dira: lehentasunezko eskubidearekin zein kasuren bidez parte hartzen den, zein herritan erabiltzen den eta, hala balegokio, hautatu den herriko eskualdearen gainean lehentasunezko eskubidea erabiltzen dela adierazi.

Aurretik adierazitakoarekin bat, irakasleen kidego guztientzat, maisu-maistren kidegoarentzat izan ezik, Iruña bada lehentasunezko eskubidearen herria, parte-hartzaileek herriari dagokion epigrafean "Iruña 1" edo "Iruña 2" zehaztu beharko dute, lehentasunezko eskubidearen ikastetxea non kokatzen den, III. eranskinean jasotakoari jarraituz.

2. Bigarrenik, titular gisa dituzten espezialitate guztiak bete beharko dituzte, lehentasun hurrenkeran. Lehiakideak bertako hizkuntzako plazak eskatzen ahal baditu, aukeratzea dauka bertako hizkuntzarekin eta/edo gabe eskatu nahi duen titular gisa duen espezialitate bakoitza. Horrela egin ezean eta ez badu destinorik lortzen adierazitakoetan, administrazioak libreki esleituko du lanpostuaren erreserba, adierazi gabeko espezialitateren batean; horretarako, lehenik, adierazi gabeko espezialitateen artetik bertako hizkuntza eskatzen dutenetako bakoitza garatuko du, eta, ondoren, bertako hizkuntza eskatzen ez dutenak, baldin lehiakideak bertako hizkuntza duten plazak eskatzeko baldintzak betetzen baditu.

Hizkuntza baldintza eta/edo ibiltaritza duten espezialitateetarako plaza erreserba eskatuz gero, espezialitate eta hizkuntzetarako gordetako laukitxoen ondoan dauden laukitxoetan adieraziko dute. Beren espezialitateen arabera borondatez hauta ditzaketen lanpostuetarako plaza erreserba eskatuz gero, zer lanpostu eskatzen dituzten adierazi beharko dute, deialdiaren IV. eranskinari jarraikiz. Lehentasun hori kontuan hartuko da herria eta espezialitatea erreserbatzeko.

Lehentasunezko eskubideaz baliaturik herriaren eta espezialitatearen erreserba lortuta, destinoko ikastetxe zehatza baremoan lortutako puntu kopuruaren arabera erabakiko da, lekualdatze-lehiaketetako gainerako parte-hartzaileekin lehian.

3. Hirugarrenik, ikastetxe zehatza lortzeko, herria edo eskualdea aukeratzeko lehentasunezko eskubidea erabiltzen dutenek eskabidean jarri beharko dituzte ("lekualdatze-lehiaketarako eskaerei" dagokien epigrafean), lehentasun hurrenkeraren arabera, eskubidea sortzen duen herriko ikastetxe guztiak (II. eranskinean ageri dira maisu-maistren kidegorako, eta III. eranskinean, gainerako kidegoetarako), eta, hala denean, eskualdearen barnean nahi dituzten ikastetxe guztiak (herrien eranskin beretakoak); herria eskatuz gero, herri horretan plaza hutsak dituen edozein ikastetxetan jasoko dute destinoa; ikastetxeak eskatuz gero, herrien multzo homogeneotan bilduta egon beharko dute ikastetxeek. Ez baldin badituzte eskatzen eskubidea sortzen duen herriko ikastetxe guztiak eta aukeran eskatutako herriko edo herrietako ikastetxe guztiak, herri horietakoren batean plaza hutsik bada, administrazioak libreki destinatuko ditu herri horretako edo horietako gainerako ikastetxeetako edozeinetara, eranskinetan kidego bakoitzerako zerrendan ageri den hurrenkerari jarraikiz, salbu eta deialdi honen V. eranskinaren arabera nahitaezkoentzako esleipenetik kanpo utzitako ikastetxeetara. Berdin jokatuko da interesdunek plaza erreserba lortu badute, beren lehentasunen arabera, hizkuntza baldintza edo ibiltaritza duen espezialitate batean edo beren espezialitateen arabera borondatez hauta ditzaketen lanpostuetan.

Aurretik aipatu diren kasu guztietan, lehentasunezko eskubidea erabiltzen duten lehiakideek "DPL" –lehentasunezko eskubidea– siglak jarri beharko dituzte eskatutako ikastetxearen espezialitateari dagokion laukitxoan. Hala, zer espezialitatetan parte hartzen duten, horiek guztiak eskatu direla ulertuko da.

Oinarri honetan herria aukeratzeko ezarritako lehentasunezko eskubideetako bi edo gehiago erabiltzen ahal dituzten lehiakideek eskabidean adierazi beharko dute kasurik onuragarriena zein den, oinarri honen 3. atalean ageri den lehentasun hurrenkeraren arabera.

Horien ondotik, titular gisa dituzten espezialitateen arabera eskura ditzaketen beste plaza batzuetarako eskaerak sartzen ahalko dituzte, lehentasunezko eskubiderik izan gabe haiek lortzeko lehiaketan parte hartu nahi badute.

5. Lehentasunezko eskubideen arteko lehentasun hurrenkera.

Oinarri honetan onartutako lehentasunezko eskubideen artean lehentasun hurrenkera hau aplikatuko da:

a) Ikastetxea aukeratzeko lehentasunezko eskubidea.

b) Herria edo eskualdea aukeratzeko lehentasunezko eskubidea.

Zazpigarrena.–Batera aurkezteko eskubidea.

1. Batera aurkezteko eskubidetzat jotzen da honako aukera hau: irakasle kidego berekoak diren eta behin betiko destinoa duten karrerako zenbait funtzionariok lehiaketan beren borondatez parte hartzeko baldintza gisa jartzea destinoa probintzia jakin bateko ikastetxe batean edo batzuetan lortzea.

2. Eskubide horrek berezitasun hauek ditu:

–Parte-hartzaileek beren eskabideetan probintzia bakar bateko ikastetxeak sartuko dituzte, berbera talde bakoitzarentzat.

–Talde bakoitzean lau pertsona bil daitezke gehienez.

–I. eranskineko merezimenduen baremoa aplikatuta zehaztuko da destinoaren esleipena.

–Parte hartzeko modalitate honen xedea da talde bateko pertsona guztiek aldi berean lortzea destinoa probintzia bereko ikastetxe batean edo batzuetan. Horietakoren batek plazarik lortzerik ez badu, ezetsitzat joko dira taldearen eskaera guztiak.

3. Modalitate honi heltzen dion irakasleak berarekin batera aurkezten diren funtzionarioen identifikazio datuak jarri beharko ditu. Datu horiek jarri ez edo oker ematen badira, taldeko guztien eskabideak deuseztatuko dira.

4. Modalitate honi heldu nahi dioten irakasleek deialdiaren bigarren oinarrian borondatez parte hartzeari buruz ezarritako baldintzak bete beharko dituzte.

Zortzigarrena.–Parte hartzeko eskabidea, puntuazioa berrestea eta aurkeztu beharreko dokumentazioa.

1. Parte hartzeko eskabidea.

Parte-hartzaile guztiek parte hartzeko eskabide telematikoa aurkeztu beharko dute, horretarako prestatutako aplikazioaren bidez.

Parte-hartzaileek, hala badagokio, merezimenduak frogatzeko agiriak aurkeztu beharko dituzte parte hartzeko eskabidearekin batera, zortzigarren oinarri honen 4. atalarekin bat.

2. Puntuazioa berrestea.

Kontuan izanik uztailaren 16ko 677/2024 Errege Dekretuak merezimenduen baremoan egindako aldaketa garrantzitsuak, bai merezimendu berriei dagokienez, bai lehengo merezimenduen balorazioari dagokionez (errege dekretu horren bidez urriaren 29ko 1364/2010 Errege Dekretua aldatu zen) eta, halaber, irailaren 30eko EFD/1041/2026 Aginduak merezimenduen baremoko 5.5 atalerako ezarri duen idazketa berria, puntuazioa berretsiko zaie administrazio honek egindako lekualdatze-lehiaketen deialdietan puntuazioa duten parte-hartzaileei, oinarri honetan aurreikusitakoaren arabera.

Puntuazioa berresteko baldintzak betetzen dituzten parte-hartzaileek eskabideak aurkezteko aplikazio telematikoaren bidez eskuratzen ahalko dute parte hartu duten azken lekualdatze-lehiaketan lortutako behin betiko puntuazioa, oinarri honetan ezarritakoaren arabera berresten diren ataletan. Era berean, deialdi horretako eskabideak aurkezteko epea bukatzeko eguna adieraziko du aplikazioak.

Parte-hartzaileek puntuazioa berretsi nahi ez badute, dela harekin konforme ez daudelako, dela parte hartu duten azken deialdiko eskabideak aurkezteko epea bukatu aurretik burututako merezimendu berriak aurkeztu nahi dituztelako, propio adierazi beharko dute parte hartzeko eskabidean, horretarako dagoen laukitxoan.

Behin betiko puntuazioak berretsiko dira, betiere, deialdi honen I. eranskineko merezimenduen baremoan ezarritako balorazio irizpideei jarraituta.

2.1. 2024-2025 ikasturtetik (ikasturte hori barne) onetsitako lekualdatze-lehiaketaren batean parte hartu duten pertsonak.

Hezkuntza administrazio honek 2024-2025 ikasturteaz geroztik (ikasturte hori barne) onetsitako lekualdatze-lehiaketaren batean parte hartu duten izangaiei, zein lekualdatze-lehiaketatan parte hartu duten azkenekoz, hartan lortutako behin betiko puntuazioa berretsiko zaie, honekin bat:

–Puntuazioa berretsiko zaie hezkuntza administrazio honek egindako lekualdatze-lehiaketa horietan parte hartu zutenei, salbu eta haietan sarrerako hautapen prozedurako notarekin parte hartu zuten praktiketako funtzionarioei.

–Parte hartu duten azken lekualdatze-lehiaketan lortutako behin betiko puntuazioa berretsiko zaie, salbu eta merezimenduen baremoko 3.3 eta 5.5 ataletakoa eta Nafarroako Gobernuko Hezkuntza Departamentuak ofizioz baloratzen dituen ataletakoa, oinarri honen 3. atalaren arabera.

–Puntuazioa berresten zaien parte-hartzaileek, berretsitako atalei dagozkienez, kasuan kasuko lekualdatze-lehiaketaren deialdirako eskabideak aurkezteko epea bukatu ondoren burututako merezimenduak baino ezin izanen dituzte aurkeztu. Merezimendu berririk aurkezten ez bada, ez da aldatuko berretsitako puntuazioa kasuko merezimenduak interesdunak aurkeztu behar dituen ataletan (zortzigarren oinarri honen 4. atalaren arabera).

2.2. Estatu mailako 2024-2025eko lekualdatze-lehiaketa baino lehenagoko lekualdatze-lehiaketetan parte hartu zutenak.

Ez dutenei parte hartu 2024-2025 ikasturteaz geroztik (ikasturte hori barne) egindako lekualdatze-lehiaketa deialdietan, baldin eta lehenagoko lekualdatze-lehiaketetan parte hartu bazuten, hezkuntza administrazio honek 2010-2011 ikasturtetik 2023-2024 ikasturtera (biak barne) egindako deialdietan, 6.1 atalean (Argitalpenak) lortutako behin betiko puntuaziorik berriena soilik berretsiko zaie, honekin bat:

–Puntuazioa berretsiko zaie hezkuntza administrazio honek 2010-2011 ikasturtetik 2023-2024 ikasturtera (biak barne) egindako lekualdatze-lehiaketa deialdietan parte hartu zutenei, salbu eta haietan sarrerako hautapen prozedurako notarekin parte hartu zuten praktiketako funtzionarioei.

–6.1 atalean (Argitalpenak) lortutako behin betiko puntuaziorik berriena berretsiko zaie.

–6.1 atalean (Argitalpenak) lortutako puntuazioa berresten zaienek, atal horri dagokionez, puntuazioa eman dien lekualdatze-lehiaketaren deialdirako eskabideak aurkezteko epea bukatu ondoren burututako merezimenduak baino ezin izanen dituzte aurkeztu.

–Merezimendu berririk aurkezten ez bada, ez da aldatuko 6.1 atalean (Argitalpenak) berretsitako puntuazioa.

3. Nafarroako Gobernuko Hezkuntza Departamentuaren ofiziozko balorazioa.

Nafarroako Gobernuko Hezkuntza Departamentuak ofizioz baloratuko ditu merezimenduen baremoko atal hauei dagozkien merezimenduak, baldin eta parte-hartzailearen espediente pertsonalean edo Antolamendu, Prestakuntza eta Kalitate Zerbitzuko prestakuntzaren erregistroan jasota badaude:

1.–Antzinatasuna. Atal honen ondorioetarako, Langileriaren Zuzendaritza Nagusiak espediente pertsonalean agertzen diren zerbitzuen datuak aurkeztuko ditu, baita hartu gabe gelditu diren opor ordainduei dagozkien zerbitzu aitortuenak ere, "Hartu gabe gelditu diren opor ordainduak egindako zerbitzutzat aitortzeko eskaera" izeneko web-fitxan zerbitzuak aitortzeko aurkeztutako eskaerekin bat (https://tramitespersonal.navarra.es/es/tramites/on/-/line/Solicitud%20reconocimiento%20servicios%20prestados%20vacaciones%20no%20disfrutadas%20abonadas Solicitud reconocimiento servicios prestados vacaciones no disfrutadas abonadas). Deialdi honetan parte hartzeko eskaerak aurkezteko epea bukatzen den egunera arte aurkez daitezke eskaera horiek.

2.–Katedradunen Kidegoetakoak izatea.

4.1.–Zuzendariak.

4.2.–Beste zuzendaritza kargu batzuk.

4.3.–Beste irakaslan batzuk; aholkulari, Lanbide Heziketako aholkulari eta teknologia berrietako aholkulari lanpostuei dagozkienez.

5.1 eta 5.2.–Antolamendu, Prestakuntza eta Kalitate Zerbitzuko prestakuntzaren erregistroan jasota dagoen prestakuntza gaindituari edo emanari dagokionez.

5.3.–Irakaskuntza espezialitateak.

5.4.–Konpetentzia digitala; Antolamendu, Prestakuntza eta Kalitate Zerbitzuko prestakuntzaren erregistroan jasota dauden akreditazioei dagokienez.

6.2.–Antolamendu, Prestakuntza eta Kalitate Zerbitzuko prestakuntzaren erregistroan jasota dauden ikerketa eta berrikuntza proiektuetan parte hartzeari dagokionez.

6.4.–Administrazioko lanpostuak.

6.5.–Nafarroako Gobernuaren Hezkuntza Departamentuak izendatutako epaimahaiei dagokienez.

6.6.–Antolamendu, Prestakuntza eta Kalitate Zerbitzuko prestakuntzaren erregistroan jasota dauden graduko edo masterreko unibertsitateko titulu ofizialeko praktiketako tutoretzari dagokionez eta Nafarroako Foru Komunitateko sarrerako hautapen prozeduretan hautatutako pertsonen praktikaldiko tutoretzari dagokionez.

Parte-hartzaileek ofizioz baloratuko diren atalei dagozkien merezimenduen frogagiriak aurkezten ahalko dituzte, merezimendu horiek ez badaude jasoak espediente pertsonalean edo Antolamendu, Prestakuntza eta Kalitate Zerbitzuko prestakuntzaren erregistroan.

Orobat, baremoko 6.7 atalean, Irakasleak Hautatzeko eta Lanpostuak Betetzeko Zerbitzuak 3 puntuko balorazioa emanen die ofizioz, zerbitzu-orrian ageri den euskara tituluagatik, euskaraz ematen den espezialitate bati atxikita dauden edo horren titular diren parte-hartzaileei, inguruabar hauetako bat gertatzen denean izan ezik:

–Merezimenduen 3.3 atalean adierazitako euskara titulua baloratzea bidezko denean, parte-hartzaileak aurkezten badu titulu hori eta berariaz eskatzen badu atal horretan balora dadila.

–Parte-hartzaileak C2 mailako euskara titulua aurkezten badu, 6.7 atalean 4 punturekin balora dadin.

Ofiziozko balorazioa egiteko, betiere, deialdi honen I. eranskineko merezimenduen baremoan ezarritako balorazio irizpideei jarraituko zaie.

4. Parte-hartzaileek aurkeztu beharreko merezimenduen egiaztagiriak aurkeztea.

4.1. Aurreko ataletan azaldutakoarekin bat, I. eranskinean jasotako merezimenduei buruzko agiri hauek aurkezten ahalko dituzte parte-hartzaileek:

a) 2024-2025eko eta/edo 2025-2026ko lekualdatze-lehiaketetako puntuazioa berretsi dutenak, oinarri honen 2.1 atalaren arabera.

–Ofizioz baloratuko diren merezimenduak: ofizioz baloratuko diren atalei dagozkien merezimenduak aurkezten ahalko dituzte, merezimendu horiek ez badaude jasoak espediente pertsonalean edo Antolamendu, Prestakuntza eta Kalitate Zerbitzuko prestakuntzaren erregistroan.

–Eskabidean berretsitako atalak: berretsitako atalei dagozkienez, kasuan kasuko lekualdatze-lehiaketaren deialdirako eskabideak aurkezteko epea bukatu ondoren burututako merezimenduak baino ezin izanen dituzte aurkeztu. Merezimendu berririk aurkezten ez bada, ez da aldatuko berretsitako puntuazioa kasuko merezimenduak interesdunak aurkeztu behar dituen ataletan.

–3.3 eta 5.5 atalak, horietan ezin baita berretsi puntuazioa: atal horiei dagozkien merezimenduen frogagiri guztiak aurkeztu beharko dituzte.

b) Estatu mailako 2024-2025eko lekualdatze-lehiaketa baino lehenagoko lekualdatze-lehiaketetan parte hartu zutenak eta 6.1 ataleko puntuazioa berretsi dutenak, oinarri honen 2.2 atalean ezarritakoaren arabera.

–Ofizioz baloratuko diren merezimenduak: ofizioz baloratuko diren atalei dagozkien merezimenduak aurkezten ahalko dituzte, merezimendu horiek ez badaude jasoak espediente pertsonalean edo Antolamendu, Prestakuntza eta Kalitate Zerbitzuko prestakuntzaren erregistroan.

–Eskabidean berretsitako 6.1 atala: kasuan kasuko lekualdatze-lehiaketaren deialdirako eskabideak aurkezteko epea bukatu ondoren burututako merezimenduak baino ezin izanen dituzte aurkeztu. 6.1 atalerako merezimendu berririk aurkezten ez bada, ez da aldatuko berretsitako puntuazioa.

–Gainerako merezimenduak: parte-hartzaileek agiri guztiak aurkeztu beharko dituzte.

c) Ez dutenak eskatu puntuaziorik berrestea.

–Ofizioz baloratuko diren merezimenduak: ofizioz baloratuko diren atalei dagozkien merezimenduak aurkezten ahalko dituzte, merezimendu horiek ez badaude jasoak espediente pertsonalean edo Antolamendu, Prestakuntza eta Kalitate Zerbitzuko prestakuntzaren erregistroan.

–Gainerako merezimenduak: parte-hartzaileek agiri guztiak aurkeztu beharko dituzte.

4.2. Parte hartzeko eskabidea formalizatu ondoren, parte-hartzaileek aurkeztu beharreko merezimenduen egiaztagiriak telematikoki aurkeztu beharko dira, horretarako prestatutako aplikazioaren bidez.

Halere, argitalpenen egiaztagiriak aurrez aurre aurkeztu beharko dira, Hezkuntza Departamentuaren Erregistroan, Nafarroako Gobernuaren Erregistro Orokorrean, Nafarroako Gobernuaren gainerako erregistro bulegoetan edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan adierazitako bideren bat erabiliz.

Atzerriko hizkuntza batean edo beste autonomia erkidego bateko berezko hizkuntza ofizialean idatzita dauden agiriekin batera, haien itzulpena aurkeztu beharko da, gaztelaniara edo euskarara emana. Betebehar horretatik salbuetsita daude euskaraz idatzitako agiriak eta atzerriko hizkuntzen titulazio edo ziurtagiriak. Zinpeko itzultzaileek egin behar dituzte itzulpen horiek, eta agiriarekin batera aurkeztu behar dira.

Eskaerak aurkezteko epea bukatzen den egunean bete beharko dira parte hartzeko baldintza guztiak eta alegatutako merezimenduak.

Parte hartzeko baldintzei prozedura osoan eutsi beharko zaie, destino berriaz jabetu arte. Hala ere, horrek ez du galarazten hautapen prozeduretan hautatutako praktiketako funtzionarioen administrazio egoera aldatzea, funtzionario izendatzen dituztenean.

5. Hizkuntza eskakizunen egiaztagiriak.

Euskara eskakizuna duten plazak eskatzen dituzten izangaiek EGA (Euskararen Gaitasun Agiria) edo titulu edo ziurtagiri baliokide baten jabe direla frogatzeko dokumentazioa aurkeztu beharko dute, salbu jadanik haien zerbitzu-orrian jaso bada baldintza hori.

Atzerriko hizkuntzaren eskakizuna (frantsesa, ingelesa edo alemana) duten irakaskuntza espezialitateei dagozkien plazetarako izangaiek PI, PF eta PALE hizkuntza eskakizunetarako tituluak dituztela frogatzen duen dokumentazioa aurkeztu beharko dute, Hezkuntzako kontseilariaren maiatzaren 13ko 36/2022 Foru Aginduaren I. eranskinean jasotakoa, non ez diren jadanik jasotzen hizkuntza eskakizun horiek haien espediente pertsonaletan.

Bederatzigarrena.–Eskabideak eta agiriak aurkeztea.

1. Deialdi honetako parte-hartzaileek, espezialitate eta hizkuntza baterako baino gehiagotarako lehiatuta ere, eskabide bakarra aurkeztuko dute parte hartzeko, oinarri honetan ezarritako arauekin bat.

Ekainaren 2ko 44/2021 Foru Dekretuaren lehen xedapen gehigarriarekin bat etorriz (ahalmena ematen baitio Nafarroako Gobernuaren Hezkuntza Departamentuari, irakasleei eta irakasle ez diren langileei zuzendutako jarduketetan, hautapen prozeduren izapidetze elektroniko osoa eskatzeko –besteak beste, lanpostuak betetzeko prozeduretan–), lekualdatze-lehiaketa honetan parte hartzen duten irakasle guztiek, eskabidea betetzeko, Hezkuntza Departamentuaren web-orrian (www.educacion.navarra.es/eu/) lehiakideen eskura dagoen aplikazio informatikoa erabili beharko dute.

Aplikazioak emanen dituen jarraibideen arabera beteko da eskabidea.

Parte hartzeko eskabidea aplikazio informatikoa erabiliz bete behar da, eta gero aplikazio horrexen bidez bidali. Eskabideak aurkezteko epean behar bezala bidaltzen ez diren eskabideen zirriborro guztiak automatikoki ezabatuko dira epea bukatutakoan.

Parte hartzeko eskabide bat baino gehiago aurkeztuz gero, epearen barrenean aurkezten den azkena baizik ez da tramitatuko, eta horrek bakarrik balioko du.

2. Parte hartzeko eskabidea aurkeztuta, parte-hartzaileek merezimenduen eta/edo betebeharren kopia eskaneatua aurkeztuko dute, merezimenduak aurkezteko eskabidea baliatuz, salbu argitalpenen jatorrizko aleen kasuetan, horiek aurrez aurre aurkeztuko baitira Hezkuntza Departamentuaren Erregistroan, Nafarroako Gobernuaren Erregistro Orokorrean, Nafarroako Gobernuaren gainerako erregistro bulegoetan edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan adierazitako bideren bat erabiliz. Aplikazio informatikoak ez die merezimenduak aurkezteko aukerarik emanen parte hartzeko eskabidea aldez aurretik aurkeztu ez duten pertsonei.

Administrazioak noiznahi eskatzen ahalko dizkie parte-hartzaileei aurkeztutako dokumentazioaren jatorrizkoak edo fotokopia konpultsatuak.

3. Salbuespen gisa eta Hezkuntza Departamentuari aldez aurretik jakinarazi eta hark onartuta, parte hartzeko eskabidea eta merezimenduak frogatzeko agiriak aurrez aurre aurkezten ahalko dira, telematika bidez aurkeztea zaildu edo galarazten duten inguruabarrik egonez gero.

4. Lekualdatze-lehiaketan parte hartzeak berekin dakar parte-hartzaileak adieraztea betetzen dituela parte hartzeko eskatzen diren baldintzak eta egiazkoak direla aurkeztutako agiriak. Datuak eta/edo aurkeztutako dokumentazioa faltsuak badira, prozedura honetan parte hartzetik salbuetsi ahal izanen da, sor daitezkeen erantzukizunak gorabehera.

Hamargarrena.–Eskabideak eta agiriak aurkezteko epea.

Hau izanen da eskabideak eta agiriak aurkezteko epea: 2026ko azaroaren 5etik azaroaren 26ra, bi egun horiek barne.

Eskabidea aurkeztu ondoren, eskabideak aurkezteko epea amaitu baino lehen soilik egin dakioke uko lehiaketan parte hartzeari. Hamalaugarren oinarriaren 2. puntuan adierazten den epean ere aurkezten ahalko dira ukoak. Uko horrek parte hartzeko eskabidean adierazitako eskaera guztiak hartuko ditu.

Aurkezteko epea bukatuta, ez da onartuko eskabide gehiagorik, eskabideen eta egindako eskaeren gaineko inolako aldaketarik edo merezimenduen agiririk.

Hamaikagarrena–Plaza eta lanpostuen eskaerak.

A) Parte-hartzaile guztientzako berdinak diren arauak:

1. Parte-hartzaileek eskaerak egin ditzaten, deialdi honen eranskinetan azaltzen dira Nafarroako Foru Komunitateko Administrazioaren kudeaketa esparruko ikastetxe eta eskualdeak, baita eska daitezkeen plazak ere. Hona hemen:

–II. eranskina: maisu-maistren kidegorako ikastetxe eta eskualdeen zerrenda.

–III. eranskina: gainerako irakasle kidegoetarako ikastetxeen eta eskualdeen zerrenda.

–IV. eranskina: parte-hartzaileek irakasle kidego bakoitzean eska ditzaketen plaza edo lanpostuak.

2. Deialdi honetan parte hartzen duten irakasleek, parte hartzeko eskabidean ("lekualdatze-lehiaketarako eskaerak" izeneko epigrafean), titular gisa dituzten espezialitateen arabera eskura ditzaketen plazei buruzko eskaerak adierazi beharko dituzte, lehentasun hurrenkeraren arabera. Ikastetxeak (II. edo III. eranskinak) eta espezialitateak edo plaza motak (IV. eranskina) adieraziko dituzte.

Eskaera guztietan ikastetxearen edo herriaren kodea eta plaza motaren kodea (plazaren edo espezialitatearen kodea) azaldu beharko dira, eta, beharrezkoa denean baino ez, beste hauek erantsi beharko dira: bertako hizkuntzaren kodea euskarazko plazetarako, plaza elebidunen kodea programa eleaniztunetako plazetarako eta/edo ibiltaritzaren kodea. Parte-hartzaile bakoitzak ezin du 300 eskaera baino gehiago sartu eskabidean. Nafarroako aplikazio telematikoak kodeak letra bihurtzeko aukera emanen die parte-hartzaileei; alabaina, kode horiek azalduko dira parte-hartzaileak hartuko duen eskabide erregistratuaren gordekinean.

3. Ikastetxe zehatz batzuetarako edo herri baterako egiten ahal dira eskaerak, eta bi bideak batera erabil daitezke. Herri baterako eskaerak egiten badira, herri horretan plaza hutsik edo lehiaketaren ondoriozko plazarik duen lehen ikastetxea esleituko da, deialdian ageri diren hurrenkera berean, nahitaezkoentzako esleipenetik kanpo utzitako ikastetxeak izan ezik (V. eranskina). Herri bateko ikastetxeei dagokienez parte-hartzaileak horietako bat edo batzuk lehentasunez eskatu nahi izanez gero, ikastetxe horiek banakako eskaera gisa ager daitezke lehentasun hurrenkeran ezarrita eta, gero, dagokion herria jarri; ulertuko da herriko gainerako ikastetxeak deialdian argitaratu diren hurrenkeran gehitu direla.

Irakasleen kidego guztientzat, maisu-maistren kidegoarentzat izan ezik, Iruña bi lurralde eremutan edo bi herritan dago banaturik. Horrenbestez, plazak eskatzeko ondorioetarako, III. eranskinean zerrendatzen diren Iruñeko ikastetxeak bi lurralde eremutakoak dira (Iruña 1 eta Iruña 2) eta bi herri desberdinen modura hartzen dira deialdi honetan.

4. Ikastetxe edo herri bateko lanpostu-espezialitate bat baino gehiago eskatzen bada, beharrezkoa da eskatzen diren lanpostuak adina aldiz errepikatzea ikastetxea edo herria. Ondorio horietarako, espezialitate desberdintzat hartuko da hizkuntza baldintza (bertako hizkuntza edo elebiduna) eta/edo izaera ibiltaria duena.

5. Betiere, eskabidean adierazitako kodeei dagozkien plaza zehatzak izanen dira parte-hartzaileek eskatutako plazatzat hartuko direnak.

Eskaerak deuseztatuko dira baldin eta haien kodeak osatu gabe badaude, existitzen ez badira, behar den laukitxoan jartzen ez badira edo parte-hartzaileak eskatzen ahal dituen plazekin bat ez datoz.

Borondatez parte hartzen dutenek ez badute plazarik eskatzen eskabideak aurkezteko epearen barruan, lekualdatze-lehiaketatik kanpo geldituko dira.

Aurreko inguruabarrak direla-eta eskaera guztiak bertan behera uzten badira, lehiakideak ez du destinorik lortuko lekualdatze-lehiaketan, deialdi honetan ezarritakoaren arabera destinoa ofizioz esleitzeko kasuak galarazi gabe.

Interesdunak daturen bat oker ematen badu edo eman gabe uzten badu, ezin izanen du halakorik aipatu geroko erreklamazioetan, ez eta ondorioztatu ere hargatik bere interes nahiz eskubideak urratu direla.

Eskabideak aurkezteko epea bukatu ondoan, ezin izanen da inolako arrazoirengatik beste eskaerarik egin edo egindako eskaerak aldatu, ezta eskatutako lanpostuen lehentasun hurrenkera ere.

6. Lanbide Heziketako sektore berezietako irakasle espezialisten kidegoan integratu diren espezialitateetako plazak eskuratu nahi dituztenek Lanbide Heziketako sektore berezietako irakasle espezialisten kidegoari dagozkion kodeak markatu beharko dituzte, aukeratu nahi duten espezialitatean. Berdin da eskaera egiten duen irakaslea Lanbide Heziketako sektore berezietako irakasle espezialisten kidegokoa den, Lanbide Heziketako irakasle teknikoen kidego iraungikoa den, edo Bigarren Hezkuntzako irakasleen kidegoan integratu den urriaren 4ko 800/2022 Errege Dekretuaren arabera.

7. Martxoaren 31ko 3/2022 Lege Organikoaren arabera Bigarren Hezkuntzako irakasleen kidegoan integratu diren espezialitateetako plazak eskuratu nahi dituztenek Bigarren Hezkuntzako kidegoari dagozkion kodeak markatu beharko dituzte, aukeratu nahi duten espezialitatean. Berdin da eskaera egiten duen irakaslea Bigarren Hezkuntzako irakasleen kidegokoa den edo Lanbide Heziketako irakasle teknikoen kidego iraungikoa den.

B) Egitura organikoaren eta eginkizunen ondorioetarako Nafarroako Gobernuko Hezkuntza Departamentuaren mende dauden karrerako funtzionarioek egiten dituzten plaza eskaeretarako:

1. Nafarroako Gobernuko Hezkuntza Departamentuaren kudeaketa esparruaren barneko plazetarako eskaerak:

Euskarazko plazak eskatuz gero, "euskara" adierazi beharko da hizkuntzaren laukitxoan, zein den ere eskatutako ikastetxearen hizkuntza eredua. Hizkuntza baldintza daukan plaza eskatzea beste eskaera bat balitz bezala kontatuko da. Gaztelaniazko plazak eskatzeko, hizkuntzaren laukitxoa bete behar da (gaztelania). Euskal Hizkuntza eta Literatura (Nafarroa), Euskara, Euskara (Nafarroa), Euskal Hizkuntza, Helduentzako Euskara eta Komunikazio Esparrua: Euskara espezialitateetako plazen eskaerek, kasu guztietan, euskarazko plazen kodea eramanen dute bertako hizkuntzaren laukitxoan.

Eskatzen diren lanpostuak frantseseko, ingeleseko edo alemaneko programa eleaniztunekoak badira, inguruabar hori aipatu beharko da, "plaza elebiduna" izeneko laukitxoan adierazita zer hizkuntza eskatzen den.

Frantseseko, ingeleseko edo alemaneko espezialitateei dagozkien eskaerek ez dute inoiz lanpostu elebidunen koderik eramanen.

Maisu-maistren kidegoan, ikastetxe eta herriak eskatzerakoan, lanpostuak ibiltariak badira, inguruabar hori jakinarazi beharko da dagokion laukitxoa (I) markatuta. Gainerako kasuetan, eskaerek ez dute inoiz ibiltaritzako koderik eramanen.

Espezialitate hauei dagozkien plazen eskaerek ez dute inoiz ibiltaritzako koderik izanen: Helduentzako Pedagogia Terapeutikoa, Helduentzako Lehen Hezkuntza, Helduentzako Ingelesa, Helduentzako Frantsesa, Gutxiengo Kulturalak eta Entzumena eta Hizkuntza Eskualdean.

2. Beste hezkuntza administrazio batzuetako plazetarako eskaerak:

Egitura organikoaren eta eginkizunen ondorioetarako Nafarroako Gobernuko Hezkuntza Departamentuaren mende dauden karrerako funtzionarioek, beste hezkuntza administrazio batzuetako plazak eskatu nahi badituzte, deialdi horietan ezartzen diren baldintzak bete beharko dituzte, eta kasuan kasuko deialdietan jasotzen diren espezialitateak, bertako hizkuntzak, ikastetxeak, herriak eta abar adierazi beharko dituzte aplikazio telematikoan.

Nafarroako aplikazio telematikoak ez du iragazki edo kontrolik ezartzen beste hezkuntza administrazio batzuetako plazetarako eskaeren kasuan.

C) Beste hezkuntza administrazio batzuen mendeko funtzionarioek Nafarroako Gobernuko Hezkuntza Departamentuaren kudeaketa esparruko plazak eskuratzeko egiten dituzten eskaeretarako:

Euskarazko plazak eskatuz gero, 1 adierazi beharko da "bertako hizkuntza" laukitxoan (V), zein den ere eskatutako ikastetxearen hizkuntza eredua. Hizkuntza baldintza daukan plaza eskatzea beste eskaera bat balitz bezala kontatuko da. Gaztelaniazko plazak eskatzeko, ez da beharrezkoa bertako hizkuntzaren laukitxoa betetzea. Euskal Hizkuntza eta Literatura (Nafarroa), Euskara, Euskara (Nafarroa), Euskal Hizkuntza, Helduentzako Euskara eta Komunikazio Esparrua (euskara) espezialitateetako plazen eskaerek, kasu guztietan, euskarazko plazen kodea eraman beharko dute bertako hizkuntzaren laukitxoan.

Eskatzen diren plazak atzerriko hizkuntzaren eskakizuna duten irakaskuntza espezialitateei badagozkie (frantsesa, ingelesa eta alemana), 1, 2 edo 3 jarri beharko da, hurrenez hurren, "elebiduna" (B) kontzeptuari dagokion laukitxoan.

Frantseseko, ingeleseko edo alemaneko espezialitateei dagozkien eskaerek ez dute inoiz elebitasunaren koderik eraman behar.

Maisu-maistren kidegoan, ikastetxe eta herriak eskatzerakoan, lanpostuak ibiltariak badira, inguruabar hori jakinarazi beharko da dagokion laukitxoa (I) markatuta. Gainerako kasuetan, eskaerek ez dute inoiz ibiltaritzako koderik eramanen.

Espezialitate hauei dagozkien plazen eskaerek ez dute inoiz ibiltaritzako koderik izanen: Helduentzako Pedagogia Terapeutikoa, Helduentzako Lehen Hezkuntza, Helduentzako Ingelesa, Helduentzako Frantsesa, Gutxiengo Kulturalak eta Entzumena eta Hizkuntza Eskualdean.

Hamabigarrena.–Merezimenduen baremoa.

Galarazi gabe deialdian aurreikusitako lehentasunezko eskubideak erabiltzeari buruz ezarritakoa, lehiaketa ebatziko da I. eranskineko merezimenduen baremoari jarraikiz.

Hala ere, praktiketako funtzionarioei izendapenaren lehen urtean destinoa esleitzeko, kontuan hartuko da bakoitza zer hurrenkeratan agertzen den praktiketako funtzionarioen izendapenean eta, nolanahi, aurretik praktikaldia gainditu beharra dute plazaz jabetzeko.

Praktiketako funtzionarioek izendapenaren bigarren urtean parte hartzen badute deialdi honetan, praktikaldia ikasturte honetara luzatzeko baimena izan dutelako, I. eranskinean jasotako merezimenduen baremoaren arabera esleituko zaie destinoa.

Antzinatasun gisa baloratuko dira funtzionario gisa, lan-kontratudun langile gisa eta aldi baterako administrazio-araubidean kontratatutako langile gisa egindako irakaskuntza-zerbitzuak. Zerbitzu horiek berdin zenbatuko dira irakasleen kidegoei dagozkien plazetan zein parekatutako lanpostuetan egin badira.

Funtzionario izaera Estatuko 1992ko Aurrekontu Orokorrei buruzko abenduaren 30eko 31/1991 Legearen hogeita bederatzigarren xedapen gehigarriaren arabera lortu zuten irakasleei merezimenduen baremoko 1.1.1, 1.2.1, 4. eta 6.4 apartatuak aplikatuko zaizkie, deialdi honen I. eranskineko bosgarren xedapen osagarrian ezarritako arauekin bat.

Hamahirugarrena.–Merezimenduen balorazioa.

Lehiakideek alegatutako merezimenduen balorazioa organo hauek eginen dute:

A) Hezkuntza Departamentuko Irakasleak Hautatzeko eta Lanpostuak Betetzeko Zerbitzua:

Hezkuntza Departamentuko Irakasleak Hautatzeko eta Lanpostuak Betetzeko Zerbitzuari egokituko zaio deialdi honen I. eranskin gisa ageri den merezimenduen baremoaren 1., 2., 4.1, 4.2, 5.3, 6.4, 6.5 eta 6.7 atalei dagokien puntuazioa parte-hartzaileei esleitzea.

B) Balorazio batzordeak:

Balorazio batzordeei dagokie deialdi honen I. eranskin gisa ageri den merezimenduen baremoko gainerako atalei dagokien puntuazioa parte-hartzaileei esleitzea.

Hezkuntzari buruzko Lege Organikoak aipatzen dituen irakasle funtzionarioek osatuko dituzte batzorde horiek, Irakasleak Hautatzeko eta Lanpostuak Betetzeko Zerbitzuko zuzendariak emandako ebazpen bidez izendatuta, eta antolatzen ahalko dira espezialitateen edo espezialitate multzoen arabera. Izendapenaren ebazpena Hezkuntza Departamentuko web-orrian argitaratuko da: www.educacion.navarra.es/eu/.

Balorazio batzordeak osatuko dituzten langileak Hezkuntza Departamentuko zuzendaritza nagusiek proposatuta izendatuko dira edo, bestela, lehen deituraren hurrenkera alfabetikoaren eta, hala behar bada, bigarren deituraren arabera, kontuan harturik Irakasleak Hautatzeko eta Lanpostuak Betetzeko Zerbitzuan, abiapuntuko letrak finkatzeko, eginen den zozketaren emaitza.

Batzordeek Hezkuntza Departamentuak zehazten duen ordutegian eginen dute merezimenduak baloratzeko lana, eta Hezkuntza Departamentuko Langileriaren eta Azpiegituren Zuzendaritza Nagusian izanen dute egoitza.

Erakunde sindikalek balorazio batzordeetan parte hartzen ahalko dute.

Izendatzen den balorazio batzordeetako bakoitzean, kasuan kasuko batzordeak izendatzen duen funtzionarioak eginen du idazkari lana.

Ordezko batzordekideak izendatzen ahalko dira, batzordeak aukeratzeko erabilitako irizpideei jarraikiz. Halaber, balorazio batzordeen jardueren koordinatzaileak izendatzen ahalko dira.

Batzordeetako kideak Sektore Publikoaren Araubide Juridikoari buruzko urriaren 1eko 40/2015 Legearen 23. eta 24. artikuluetan ezartzen diren abstentzio eta errekusazio kausei lotuta egonen dira.

Hamalaugarrena.–Destinoen esleipena.

1. Parte-hartzaileen eta puntuazioen behin-behineko zerrendak.

Lehiakideei esleitutako puntuazioak biltzen dituzten batzordeen aktak departamentuan jaso ondoren, parte-hartzaileen eta puntuazioen behin-behineko zerrendak onetsi eta argitaratuko dira, Hezkuntza Departamentuaren web-orrian (www.educacion.navarra.es/eu/), merezimenduak zuzentzeko aktekin batera.

Argitaratze horren bidez, ukitutako guztiei jakinarazi zaiela ulertuko da.

Zerrenda horien kontra, interesdunek erreklamazioak aurkezten ahalko dituzte edo/eta merezimenduak zuzentzeko aktetan jasotzen diren akats formalak zuzendu, haiek argitaratu eta biharamunetik 10 egun balioduneko epean. Erreklamazioa eta/edo zuzenketa horiek telematikoki aurkeztu beharko dira, horretarako prestatutako erreklamazio eta zuzenketetarako eskabidearen bidez.

Izangairen batek ez baditu akats formalak epe horretan zuzentzen, eskaerari uko egiten diola ulertuko da.

Inola ere ez da kontuan hartuko merezimendu berririk, parte-hartzaileek eskabideak aurkezteko epearen barruan alegatu ez zutenik.

2. Behin-behineko esleipena eta erreklamazioak aurkezteko eta parte hartzeari uko egiteko epea.

Jarraikiz parte-hartzaileen eskaerei, I. eranskineko baremoaren arabera lortutako behin-behineko puntuazioei eta deialdi honetan xedatutakoari, behin-behinekoz esleituko dira dagozkien destinoak.

Deialdi honetako seigarren oinarrian bildutako lehentasunezko eskubideei dagokiena galarazi gabe, puntuazioen guztirakoan berdinketarik izaten bada, baremoko atalak banan-banan hartuko dira, agertzen diren ordenaren arabera, eta lehenbiziko ataletik hasita puntuaziorik altuena lortzen duena izanen da aurretik. Berdinketak jarraitzen badu, azpiataletan lortutako puntuazioari jarraituko zaio, baremoan jasotzen den hurrenkeraren arabera; eta, azkenik, berdinketak jarraituz gero, baremoaren azpiataletako bakoitzaren azpiataletan lortutako puntuazioari jarraituko zaio, dauden hurrenkeraren arabera. Kasu guztietan, atal bakoitzean aintzat hartzen den puntuazioa ez da izanen baremoan atal horretxentzat ezarritako gehieneko puntuazioa baino altuagoa, eta, azpiatalen kasuan, horiexek biltzen dituen atalaren gehieneko puntuazioa baino altuagoa. Irizpide horiek aplikatuta, azpiatalen batean edo batzuetan atal guztiari emandako gehieneko puntuazioa lortzen bada, gainerako azpiatalen puntuazioak ez dira kontuan hartuko.

Beharrezkoa baldin bada, berdinketa hausteko irizpide hauek erabiliko dira ordena honetan: kidegoan sartzeko hautapen prozeduraren deialdia zein urtetan izan zen, eta hautapen prozeduran lorturiko puntuazio handiena. Kasu horretan, merezimendu-lehiaketako salbuespenezko sistemaren bidezko hautapen prozeduretan lortutako puntuazioak haztatuko dira, 15 puntutik 10 puntura.

Destinoen behin-behineko esleipena Hezkuntza Departamentuaren web-orrian argitaratuko da: www.educacion.navarra.es/eu/.

Argitaratze horren bidez, ukitutako parte-hartzaile guztiei jakinarazi zaiela ulertuko da.

Parte-hartzaileek erreklamazioak aurkezten ahalko dituzte destinoak behin-behinean esleitzeko ebazpenen kontra, horiek argitaratu eta biharamunetik bost egun balioduneko epean.

Halaber, borondatez parte hartzen dutenek lehiaketan parte hartzeari uko egiten ahal diote epe berean, aintzat hartuz ukoak parte hartzeko eskabidean adierazitako eskaera guztiak ukituko dituela. Hori dela eta, adierazten da behin-behineko ebazpenean destinorik ez lortzeak ez dakarrela ezinbestean behin betiko ebazpenean destinoa lortzerik ez dagoela. Era berean, behin-behineko ebazpenean destinoa lortzeak ez dakar berarekin behin betiko ebazpenean destinoa lortzea.

Behin-behineko esleipenaren aurkako erreklamazioak telematikoki aurkeztu beharko dira, horretarako prestatutako erreklamazioetarako eskabidearen bidez. Parte hartzeko ukoak Hezkuntza Departamentuko Irakasleak Hautatzeko eta Lanpostuak Betetzeko Zerbitzuari zuzenduko zaizkio, eta Nafarroako Gobernuaren Erregistro Orokor Elektronikoaren bidez aurkeztuko dira.

3. Parte-hartzaileen eta puntuazioen behin betiko zerrendak:

Parte-hartzaileek behin-behineko puntuazioen aurka aurkeztutako erreklamazioak eta merezimendu zuzenketak berrikusi eta, zein den kasua, aintzat harturik, parte-hartzaileen eta puntuazioen behin betiko zerrendak onetsi eta Hezkuntza Departamentuaren web-orrian argitaratuko dira: www.educacion.navarra.es/eu/.

Argitaratze horren bidez, ukitutako parte-hartzaile guztiei jakinarazi zaiela ulertuko da.

4. Behin betiko esleipena:

Behin-behineko esleipenaren aurka aurkeztutako erreklamazioak eta uko egiteak aintzat harturik, destinoen behin betiko esleipena onesten duen ebazpena emanen da. Ebazpen hori Hezkuntza Departamentuaren web-orrian argitaratuko da: www.educacion.navarra.es/eu/.

Argitaratze horren bidez, ukitutako parte-hartzaile guztiei jakinarazi zaiela ulertuko da.

Lekualdatze-lehiaketan esleitzen diren destinoak Nafarroako Aldizkari Ofizialean argitaratuko dira.

Esleitzen diren plazei ezin izanen zaie uko egin; beraz, parte-hartzaileek lortutako plazetan hasi beharko dute lanean.

5. Deialdi honen ebazpena lehenbiziko oinarrian aipatutako kidego guztietarako batera egiten ahalko da, edo kidego bat edo batzuk bereizita.

Nahiz eta kidego, espezialitate edo organo dei-egile desberdinetako plazetarako lehiatu, destino bakar bat lortzen ahalko da.

Hamabosgarrena.–Borondatezko eszedentzian egonda, behin betiko destinoa lortzen dutenak.

Eszedentzian egon eta lekualdatze-lehiaketa honetan destinoa lortzearen ondorioz jarduneko zerbitzura itzultzen diren funtzionarioek, plazaren jabetza hartu baino lehen, zinpeko deklarazioa edo hitzematea aurkeztu beharko dute Hezkuntza Departamentuko Irakasleak Hautatzeko eta Lanpostuak Betetzeko Zerbitzuan, frogatzeko ez daudela zigor-espediente bidez bereizita Estatuko Administrazioaren, autonomia erkidegoetako administrazioen edo toki administrazioen inongo kidego edo eskalatatik eta ez daudela eginkizun publikoetan aritzeko desgaituta.

Behin betiko destinoa lortuta, jardunean hasten ez badira, funtzionario izaera galduko dute, jarraikiz Nafarroako Administrazio Publikoen zerbitzuko Langileen Estatutuaren testu bategina onetsi zuen abuztuaren 30eko 251/1993 Legegintzako Foru Dekretuaren 26. artikuluan xedatutakoari.

Hamaseigarrena.–Jabetza hartzea.

Deialdi honetan ezarritakoari jarraituz lortzen diren destino berrien jabetza hartzea 2027ko irailaren 1ean izanen da, eta data horretatik aurrera hasiko dira ondorio administratibo eta ekonomikoak.

Aurreko paragrafoan xedatutakoa galarazi gabe, deialdi honen bidez destino berri bat lortzen duten irakasleek beren jatorrizko ikastetxeetan egon beharko dute ikasturtea bukatzeko aurreikusita dauden jarduerak bukatu arte, baldin eta hala erabakitzen badu Hezkuntza Departamentuak.

Hamazazpigarrena.–Errekurtsoak.

Bat etorriz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 126. artikuluan xedatutakoarekin eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan ezarritakoarekin, ebazpen honen eta hura aplikatzeko egintzen kontra gora jotzeko errekurtsoa jar daiteke, Barneko, Funtzio Publikoko eta Justiziako Departamentuko kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik aurrera.

Lekualdatze-lehiaketan ematen den behin betiko ebazpenaren kontrako errekurtsoak, hezkuntzako zein administrazioren bitartez parte hartu den kontuan hartu gabe, errekurtsoaren xede den plazari dagokion hezkuntza administraziora igorri beharko dira eta hark ebatziko ditu.

I. ERANSKINA.–MEREZIMENDUEN BAREMOA

XEDAPEN GEHIGARRIAK

Lehenbizikoa.

Parte-hartzaileek frogatzen dituzten merezimenduak eskabideak aurkezteko epea bukatzen den egunerako beteta edo onartuta eduki behar dira. Hortaz, hura bukatu arte burutu eta frogatutako merezimenduak baloratuko dira soilik.

Bigarrena.–Antzinatasuna.

1.1.3 azpiatalarengatik puntuazioa esleituko zaie ondoko egoera hauetan dauden lehiakideei:

–Behin betiko destinoa zailtasun bereziko plaza, lanpostu edo ikastetxe batean edukita, lehiaketan 1.1.1 azpiatalaren arabera parte hartzen dutenak.

–Behin-behineko gisa aritu bitartean zailtasun bereziko plaza, lanpostu edo ikastetxe batean egonda, lehiaketan 1.1.2 azpiatalaren arabera parte hartzen dutenak.

–Zerbitzu-eginkizun bat zailtasun bereziko beste plaza, lanpostu edo ikastetxe batean izanda, 1.1.1 eta 1.1.2 azpiatalen arabera parte hartzen dutenak.

Hirugarrena.–Merezimendu akademikoak.

1. Unibertsitateko beste titulu ofizial batzuengatik puntuazioa jaso ahal izateko, eskaneatuta aurkeztu beharko dira titulu guztien kopiak, kidegoan sartzeko alegatutakoarena barne.

2. 3.1 ataleko azpiataletan, bakoitzean ezartzen diren irizpideen arabera baloratuko dira aurkezten diren titulu guztiak. 3.1.2 azpiatalean ez da barematuko araudiak ezarritakoaren arabera dagokion kidegoan irakaskuntzako funtzio publikoan sartzeko derrigorrezko baldintza den master titulurik.

Orobat, 3.1.2 azpiatalaren ondorioetarako, doktore titulua alegatzen denean, ez da baloratuko doktoregorako derrigorrezko baldintza den master ofizialaren titulua.

3. Lehenbiziko zikloko tituluak barematzeari dagokionez, ez da halakotzat hartuko egokitzapen ikastaro bat gainditzea. 3.2 atala baloratzeko, titulazio berean oinarritzen diren aipamen edo espezialitateak ez dira titulu desberdintzat hartuko.

4. Tituluak atzerrian lortuak badira edo beste herrialde batzuetako hezkuntza erakundeek emanak, homologazioa edo baliokidetzaren deklarazioa ere aurkeztu beharko da.

5. 3.1 eta 3.2 azpiataletan ez dira baloratuko unibertsitateko titulu ez-ofizialak, unibertsitateek beren autonomia erabiliz ematen dituztenak irailaren 28ko 822/2021 Errege Dekretuaren 36. artikuluarekin bat etorrita (unibertsitateko irakaskuntzen antolamendua eta haien kalitatea bermatzeko prozedura ezartzen ditu errege dekretu horrek).

6. 3.3 atalean, sartzeko baldintza ez badira bakarrik baloratuko dira hizkuntza eskola ofizialek emandako ziurtagiriak, atzerriko hizkuntzenak zein hizkuntza koofizialenak.

7. Inola ere ez dira barematuko gaztelaniaren ezagutza egiaztatzen duten ziurtagiriak, ezagutza hori irakaskuntzako funtzio publikoan sartzeko baldintza baita.

8. Aintzat hartuz apirilaren 1eko 262/2026 Errege Dekretuak, Espainiako zeinu hizkuntzaren diplomak ezarri eta erregelamendu arau batzuk aldatzen dituenak, 8.2 artikuluan ezarritakoa, Espainiako zeinu hizkuntzaren diplomek dagokion mailako araubide bereziko hizkuntza irakaskuntza ofizialen ziurtagirien ondorio berberak izanen dituzte, eta ziurtagiri horien balorazio berbera jasoko dute merezimenduen baremazio prozesuetan. Horregatik, merezimenduen baremoko 3.3 atalean baloratuko dira.

Laugarrena.–Zuzendaritza karguen eta beste eginkizun batzuen balorazioa.

1. Merezimenduen baremoko 4.1, 4.2 eta 4.3 azpiataletan ezarritakoaren ondorioetarako, honako ikastetxe publiko hauek hartuko dira Bigarren Hezkuntzako ikastetxe publikoen parekotzat:

–Batxilergoko institutuak.

–Lanbide Heziketako institutuak.

–Helduen Hezkuntzako ikastetxeak, baldin eta azpiatal hauetan aipatutako ikastetxeetako irakaskuntza berak ematen badituzte.

–Irakaskuntza bateratuen ikastetxeak.

Ondorio horietarako, ikastetxe publikotzat hartzen dira, zeinei musika kontserbatorioetako Musikako eta Arte Eszenikoetako katedradunen eta irakasleen kidegoetako plazak baitagozkie:

–Musikako edo Dantzako goi mailako kontserbatorioak.

–Musikako edo Dantzako kontserbatorio profesionalak.

–Oinarrizko Musika kontserbatorioak.

–Arte Dramatikoko goi mailako eskolak.

–Goi mailako Kantu eskola.

2. Merezimenduen baremoko 4.1 azpiatalean ezarri diren ondorioetarako, baloratu eginen dira ikastetxe publikoetako zuzendari albokoaren kargua eta hiru unitate baino gutxiagoko eskola unitarioen arduradunaren kargua.

3. Merezimenduen baremoko 4.2 azpiatalean ezarri diren ondorioetarako, honako hauek hartuko dira zuzendaritzako kargu parekatutzat:

–Idazkari albokoa.

–Atal honetan aipatutako karguak, Lanbide Heziketako ataletan jardun denean.

–Ikasketaburu albokoa.

–Egoitzako burua.

–Batxilergoko institutuetako ikasketaburuaren delegatua edo autonomia erkidegoetan horren pareko direnak.

–Atal delegatuko zuzendari-ikasketaburua.

–Atal filialeko zuzendaria.

–Irakaskuntza Ertainaren Patronatuko ikastetxe ofizialeko zuzendaria.

–Lanbide Heziketako ikastetxeen administratzailea.

–Irakasle delegatua, Lanbide Heziketako Atalaren kasuan.

4. Merezimenduen baremoko 4.3 azpiatalean ezarri diren ondorioetarako, eginkizun hauek ere baloratuko dira:

–Idazkariordea.

–Gaueko ikasketen delegatu-ikasketaburua atal delegatuan.

–Batxilergoko institutuetako hedapenetako idazkariaren delegatua edo autonomia erkidegoetan horien pareko direnak.

–Toki korporazioekin egindako hitzarmenetako ikastetxe homologatuetako zuzendari, ikasketaburu edo idazkaria.

–Ikastetxe libre adoptatuko zuzendaria, langilearen erregistro zenbakia duena.

–Irakaskuntza Ertainaren Patronatuko ikastetxe ofizialeko idazkaria.

–Mintegiko buru albokoa.

–Departamentuko buru albokoa.

Bosgarrena.–Estatuko 1991ko Aurrekontu Orokorrei buruzko Legearen 29. xedapen gehigarriaren arabera Irakasleen kidegoetan sartutako langileei baremoa aplikatzeko arauak.

Funtzionario izaera Estatuko 1992ko Aurrekontu Orokorrei buruzko abenduaren 30eko 31/1991 Legearen hogeita bederatzigarren xedapen gehigarriaren arabera lortu zuten irakasleei, eta deialdi honetako bigarren oinarriaren 3. atalak aipatzen dituen irakasleei, Nafarroako Foru Komunitatean lanpostuak esleitzearen ondorioetarako, merezimenduen baremoko 1.1.1, 1.2, 4. eta 6.4 atalak aplikatuko zaizkie, arau hauei jarraikiz:

Baremoaren 1.1.1 atalean, funtzionario bihurtu eta kidegoan sartu zen egunetik hasita egindako egonaldia bakarrik kontatuko da, hala badagokio, non eta ez den egun horren ondotik beste destino bat lortu; kasu horretan, behin betiko azken destinoa lortuz geroztik egindako egonaldia kontatuko da.

Merezimenduen baremoko 1.2, 4. eta 6.4 ataletan, zenbatuko dira sartu den kidegoan benetan egindako zerbitzuen urteak, administrazio-kontratudun gisa, Nafarroako Gobernuko lan-kontratadun finko gisa eta, hala badagokio, funtzionario gisa eginak.

II. ERANSKINA.–MAISU-MAISTREN KIDEGOKO IKASTETXEAK, HERRIAK, ESKUALDEAK ETA PROGRAMAK

A.–Ikastetxeak, herriak eta eskualdeak:

B.–Lanpostu berezien programak:

B.1. Entzumen eta Hizkuntzako Programa, destinoa eskualdean.

–Entzumen eta Hizkuntzako eskualdeek herri hauek hartzen dituzte:

• Elizondoko eskualdea:

Almandoz, Amaiur, Arantza, Arizkun, Arraioz, Azpilkueta, Beintza-Labaien, Bera, Doneztebe, Elizondo, Eratsun, Erratzu, Etxalar, Gartzain, Igantzi, Irurita, Ituren, Legasa, Lekaroz, Lesaka, Narbarte, Oronoz, Saldias, Sunbilla, Ziga eta Urdazubi-Zugarramurdi.

• Lizarrako eskualdea:

Lizarra, Villatuerta, Abartzuza, Lezaun, Oteitza, Los Arcos, Arroitz, Zudairi, Viana, Lerin, Sesma, Allo, Antzin, Deikaztelu, Mendabia, Cárcar, Lodosa, Sartaguda, San Adrián, Andosilla, Azagra, Murieta eta Jaitz.

• Irurtzungo eskualdea:

Altsasu, Arbizu, Areso, Betelu, Etxarri Aranatz, Goizueta, Irurtzun, Iturmendi, Jauntsarats, Lakuntza, Larraintzar, Leitza, Lekunberri, Olazti, Uharte Arakil eta Urdiain.

• Irunberriko eskualdea:

Irunberri, Zangoza, Agoitz, Garralda, Luzaide, Nabaskoze, Hiriberri Aezkoa, Erro, Aurizberri, Oibar, Urrotz, Ezkaroze, Izaba, Erronkari, Kaseda, Zare, Ledea, Eslaba, Otsagabia eta Auritz.

• Iruñeko eskualdea:

Iruña, Atarrabia, Berriozar, Zubiri, Beriain, Eugi, Burlata, Zizur Nagusia, Uharte, Noain, Elo, Barañain, Antsoain, Orkoien, Mutiloa, Obanos, Gares, Añorbe, Zirauki eta Mañeru.

• Tafallako eskualdea:

Tafalla, Erriberri, Caparroso, Zarrakaztelu, Santakara, Arrada, Figarol, Mélida, Murillo el Fruto, Funes, Alesbes, Azkoien, Martzilla, Faltzes, Artaxoa, Larraga, Berbintzana, Miranda Arga, Mendigorria, San Martin Unx, Uxue, Beire, Pitillas, Milagro eta Barasoain.

• Tuterako eskualdea:

Tutera, Fontellas, Fitero, Cadreita, Murchante, Ribaforada, Fustiñana, Monteagudo, Valtierra, Cascante, Ablitas, Buñuel, Corella, Arguedas, Cintruénigo, Castejón, Cortes eta Cabanillas.

B.2. Helduen Hezkuntzako Programa.

–Helduen Lehen Hezkuntza, destinoa ikastetxean edo eskualdean.

• Altsasuko eskualdea, helduak:

Altsasu, Arbizu, Bakaiku, Ergoiena, Uharte Arakil, Irañeta, Iturmendi, Lakuntza, Etxarri Aranatz, Arruazu, Olazti, Urdiain, Ziordia.

• Lizarrako eskualdea, helduak:

Abaigar, Abartzuza, Aberin, Allin, Allo, Ameskoabarrena, Antzin, Aranaratxe, Arellano, Armañantzas, Arroitz, Aiegi, Azuelo, Barbarin, El Busto, Desoio, Deikaztelu, Esprontzeda, Lizarra, Etaiu, Eulate, Gesalatz, Iguzkitza, Lana, Larragoa, Legaria, Lerin, Lezaun, Los Arcos, Lukin, Mendaza, Metauten, Mirafuentes, Morentin, Mues, Murieta, Nazar, Oko, Olexoa, Oteitza, Piedramillera, Jaitz, Santsol, Sorlada, Torralba del Río, Torres del Río, Villamayor de Monjardín, Villatuerta, Deierri, Zuñiga, Aguilar Kodes, Andosilla, Aras, Azagra, Bargota, Cabredo, Cárcar, Genevilla, La Población, Elizagorria, Lodosa, Marañón, Mendabia, San Adrián, Sartaguda, Sesma, Viana.

• Iruñeko José M.ª Iribarren HOHIP:

Arre, Anue, Burlata, Erro, Eugi, Esteribar, Ezkabarte, Uharte, Olaibar, Atarrabia, Antsoain, Berriozar, Atetz, Basaburua, Berriobeiti, Eugi, Itza, Txulapain, Lantz, Odieta, Iruña, Ultzama, Aranguren, Beriain, Biurrun-Olkotz, Eguesibar, Galar, Elortzibar (Noain), Ibargoiti, Elo, Tebas-Muru Artederreta, Untziti, Arakil (Irurtzun), Ziritza, Etxarri, Etxauri, Goñi, Imotz, Itza, Larraun (Lekunberri), Ollo, Oltza, Orkoien, Bidaurreta, Adios, Añorbe, Artazu, Beraskoain, Zirauki, Zizur, Girgillao, Eneritz, Legarda, Mañeru, Muruzabal, Obanos, Gares, Tirapu, Ukar, Uterga, Zabaltza, Zizur Nagusia, Barañain.

• Zangozako eskualdea, helduak:

Oibar, Kaseda, Gazteluberri, Eslaba, Ezporogi, Galipentzu, Xabier, Leatxe, Lerga, Ledea, Irunberri, Petilla Aragoi, Erromantzatua, Zare, Zangoza, Urraulbeiti, Esa, Abaurregaina, Abaurrepea, Agoitz, Artzi, Aria, Aribe, Auritz, Burgi, Erro, Espartza Zaraitzu, Ezkaroze, Galoze, Garaioa, Garde, Garralda, Gorza, Hiriberri Aezkoa, Izaba, Itzagaondoa, Itzaltzu, Jaurrieta, Lizoain, Longida, Nabaskoze, Otsagabia, Orbaizeta, Orbara, Orontze, Orotz-Betelu, Orreaga, Erronkari, Sartze, Urraulgoiti, Urzainki, Uztarroze, Luzaide, Bidankoze.

• Tafallako eskualdea, helduak:

Caparroso, Zarrakaztelu, Faltzes, Funes, Martzilla, Mélida, Milagro, Murillo El Cuende, Arrada, Figarol, Murillo El Fruto, Azkoien, Santakara, Alesbes, Artaxoa, Barasoain, Beire, Berbintzana, Garinoain, Larraga, Leotz, Mendigorria, Miranda Arga, Erriberri, Oloritz, Orisoain, Pitillas, Puiu, San Martin Unx, Tafalla, Uxue, Untzue.

• Tuterako HOHIP:

Cintruénigo, Corella, Fitero, Cadreita, Ablitas, Arguedas, Barillas, Buñuel, Cabanillas, Cascante, Castejón, Cortes, Fontellas, Fustiñana, Monteagudo, Murchante, Ribaforada, Tutera, Tulebras, Valtierra.

–Helduentzako ingelesa, destinoa ikastetxean.

• Iruñeko José M. Iribarren HOHIP:

Arre, Anue, Burlata, Erro, Eugi, Esteribar, Ezkabarte, Uharte, Olaibar, Atarrabia, Antsoain, Berriozar, Atetz, Basaburua, Berriobeiti, Eugi, Itza, Txulapain, Lantz, Odieta, Iruña, Ultzama, Aranguren, Beriain, Biurrun-Olkotz, Egues, Galar, Elortz (Noain), Ibargoiti, Elo, Tebas-Muru Artederreta, Untziti, Arakil (Irurtzun), Ziritza, Etxarri, Etxauri, Goñi, Imotz, Itza, Larraun (Lekunberri), Ollo, Oltza, Orkoien, Bidaurreta, Adios, Añorbe, Artazu, Beraskoain, Zirauki, Zizur, Girgillao, Eneritz, Legarda, Mañeru, Muruzabal, Obanos, Gares, Tirapu, Ukar, Uterga, Zabaltza, Zizur Nagusia, Barañain.

• Tuterako HOHIP:

Cintruénigo, Corella, Fitero, Cadreita, Ablitas, Arguedas, Barillas, Buñuel, Cabanillas, Cascante, Castejón, Cortes, Fontellas, Fustiñana, Monteagudo, Murchante, Ribaforada, Tutera, Tulebras, Valtierra.

–Helduentzako frantsesa, destinoa ikastetxean:

• Iruñeko José M. Iribarren HOHIP:

Arre, Anue, Burlata, Erro, Eugi, Esteribar, Ezkabarte, Uharte, Olaibar, Atarrabia, Antsoain, Berriozar, Atetz, Basaburua, Berriobeiti, Eugi, Itza, Txulapain, Lantz, Odieta, Iruña, Ultzama, Aranguren, Beriain, Biurrun-Olkotz, Eguesibar, Galar, Elortzibar (Noain), Ibargoiti, Elo, Tebas-Muru Artederreta, Untziti, Arakil (Irurtzun), Ziritza, Etxarri, Etxauri, Goñi, Imotz, Itza, Larraun (Lekunberri), Ollo, Oltza, Orkoien, Bidaurreta, Adios, Añorbe, Artazu, Beraskoain, Zirauki, Zizur, Girgillao, Eneritz, Legarda, Mañeru, Muruzabal, Obanos, Gares, Tirapu, Ukar, Uterga, Zabaltza, Zizur Nagusia, Barañain.

–Helduentzako Pedagogia Terapeutikoa, destinoa ikastetxean:

• Iruñeko José M.ª Iribarren HOHIP:

Arre, Anue, Burlata, Erro, Eugi, Esteribar, Ezkabarte, Uharte, Olaibar, Atarrabia, Antsoain, Berriozar, Atetz, Basaburua, Berriobeiti, Eugi, Itza, Txulapain, Lantz, Odieta, Iruña, Ultzama, Aranguren, Beriain, Biurrun-Olkotz, Eguesibar, Galar, Elortzibar (Noain), Ibargoiti, Elo, Tebas-Muru Artederreta, Untziti, Arakil (Irurtzun), Ziritza, Etxarri, Etxauri, Goñi, Imotz, Itza, Larraun (Lekunberri), Ollo, Oltza, Orkoien, Bidaurreta, Adios, Añorbe, Artazu, Beraskoain, Zirauki, Zizur, Girgillao, Eneritz, Legarda, Mañeru, Muruzabal, Obanos, Gares, Tirapu, Ukar, Uterga, Zabaltza, Zizur Nagusia, Barañain.

B.3. Egoera ahuleko ikasleei laguntzeko programa, destinoa eskualdean.

(Gutxiengo kulturalak).

–Egoera ahulean dauden ikasleei laguntzeko programako eskualdeek herri hauek hartzen dituzte:

• Lizarrako eskualdea:

Abartzuza, Allo, Antzin, Andosilla, Arroitz, Azagra, Cárcar, Deikaztelu, Lizarra, Lerin, Lezaun, Lodosa, Los Arcos, Mendabia, Muniain Iguzkitza, Murieta, Oteitza, Jaitz, San Adrián, Sartaguda, Sesma, Viana, Villatuerta, Zudairi.

• Iruñeko eskualdea:

Antsoain, Arre, Barañain, Beriain, Berriozar, Burlata, Zirauki, Eugi, Uharte, Mañeru, Elo, Mutiloa, Noain, Obanos, Orkoien, Iruña, Gares, Atarrabia, Zubiri, Zizur Nagusia.

• Zangozako eskualdea:

Oibar, Agoitz, Aurizberri, Auritz, Kaseda, Erro, Eslaba, Ezkaroze, Garralda, Hiriberri Aezkoa, Izaba, Ledea, Irunberri, Luzaide, Nabaskoze, Otsagabia, Erronkari, Zare, Zangoza, Urrotz, Esa.

• Tuterako eskualdea:

Ablitas, Arguedas, Buñuel, Cabanillas, Cadreita, Cascante, Castejón, Cintruénigo, Corella, Cortes, Fitero, Fontellas, Fustiñana, Monteagudo, Murchante, Ribaforada, Tutera, Valtierra.

• Irurtzungo eskualdea:

Altsasu, Arbizu, Areso, Betelu, Etxarri Aranatz, Goizueta, Irurtzun, Iturmendi, Jauntsarats, Lakuntza, Larraintzar, Leitza, Lekunberri, Olazti, Uharte Arakil, Urdiain.

• Elizondoko eskualdea:

Almandoz, Amaiur, Arantza, Arizkun, Arraioz, Azpilkueta, Beintza-Labaien, Bera, Doneztebe, Elizondo, Eratsun, Erratzu, Etxalar, Gartzain, Igantzi, Irurita, Ituren, Legasa, Lekaroz, Lesaka, Narbarte, Oronoz, Saldias, Sunbilla, Ziga, Urdazubi-Zugarramurdi.

• Tafallako eskualdea:

Artaxoa, Barasoain, Beire, Berbintzana, Caparroso, Zarrakaztelu, Faltzes, Figarol, Funes, Larraga, Martzilla, Mélida, Mendigorria, Milagro, Miranda Arga, Murillo el Fruto, Erriberri, Azkoien, Pitillas, Arrada, San Martin Unx, Santakara, Tafalla, Uxue, Alesbes.

B.4. Helduentzako euskara.

B.5. Espetxea.

B.6. Pedagogia Terapeutikoa zereginak ikasteko ikasgeletan (HLKPB).

B.7. Nafarroako Hezkuntza Ekitaterako Baliabide Zentroa.

Programa probintziaren esparrukoa denez, destinoa zentro horretan lortzen dutenak erkidego osoan arituko dira, zerbitzuaren beharren arabera.

III. ERANSKINA.–IRAKASLEEN GAINERAKO KIDEGOETAKO IKASTETXEAK, HERRIAK ETA ESKUALDEAK

IV. ERANSKINA.–PARTE-HARTZAILEEK ESKATZEN AHAL DITUZTEN PLAZAK

1.–Maisu-maistren kidegoa.

A) Espezialitateak:

Jarraian azaltzen diren lanpostuak eskatu ahal izateko, beharrezkoa da espezialitate horretako titularra izatea:

B) Lanpostu bereziak:

Jarraian aipatzen diren lanpostuak eskatu ahal izateko, beharrezkoa da "espezialitateko baldintza" zutabean aipatzen den espezialitateko titularra izatea:

C) Plazak Derrigorrezko Bigarren Hezkuntzako lehen bi ikasmailetan.

Maisu-maistren kidegoko irakasleek, baldin eta deialdiaren arabera Derrigorrezko Bigarren Hezkuntzako lehenengo bi ikasmailetan eska baditzakete plazak, beharrezkoa den gaikuntza dutela frogatu beharko dute, honakoari jarraikiz:

D) Pedagogia Terapeutikoko plazak Bigarren Hezkuntzako institutuetan edo Derrigorrezko Bigarren Hezkuntzako institutuetan.

Jarraian azaltzen diren lanpostuak eskatu ahal izateko, beharrezkoa da Pedagogia Terapeutikoa espezialitateko titularra izatea:

2.–Bigarren Hezkuntzako katedradunen eta irakasleen kidegoak.

A) Espezialitateak:

Jarraian azaltzen diren lanpostuak eskatu ahal izateko, beharrezkoa da espezialitate horretako titularra izatea:

B) Beste lanpostu batzuk:

Bigarren Hezkuntzako katedradun eta irakasleek jarraian azaltzen diren plazak eskatzen ahalko dituzte, baldin eta "espezialitateko baldintza" zutabean horietako bakoitzerako aipatzen diren espezialitate edo lanpostuetakoren baten titularrak badira:

–Kultura Klasikoko plazak: urriaren 6ko 1635/1995 Errege Dekretuaren hamargarren xedapen gehigarriaren babesean, plaza horiek lortzen dituzten irakasleek bai Grekoko bai Latineko ikasgaiak eman beharko dituzte.

–Natur Zientzietako plazak Derrigorrezko Bigarren Hezkuntzako institutuetan: uztailaren 6ko 225/1998 Foru Dekretuaren seigarren xedapen gehigarriaren babesean, plaza horiek lortzen dituzten irakasleek Natur Zientzien arloa eman beharko dute.

–Komunikazioaren esparruko plazak (Frantsesa, Ingelesa, Gaztelania eta Euskara): plaza horiek lortzen dituzten irakasleek kasuan kasuko hizkuntzari esleitutako moduluak emanen dituzte Helduen Bigarren Hezkuntzan.

–Gizarte Ezagutzaren esparruko plazak: plaza horiek lortzen dituzten irakasleek Gizarteko moduluak emanen dituzte Helduen Bigarren Hezkuntzan.

–Zientzia eta Teknologia esparruko plazak: plaza horiek lortzen dituzten irakasleek Matematikako eta Teknologiako moduluak eta Naturako eta Osasuneko moduluak emanen dituzte Helduen Bigarren Hezkuntzan.

3.–Lanbide Heziketako sektore berezietako irakasle espezialisten kidegoa.

–Espezialitateak:

Jarraian azaltzen diren lanpostuak eskatu ahal izateko, beharrezkoa da espezialitate horretako titularra izatea:

4.–Hizkuntza eskola ofizialetako katedradunak eta irakasleak.

Jarraian azaltzen diren lanpostuak eskatu ahal izateko, beharrezkoa da espezialitate horretako titularra izatea:

5.–Arte Plastikoetako eta Diseinuko katedradunen eta irakasleen kidegoa.

Jarraian azaltzen diren lanpostuak eskatu ahal izateko, beharrezkoa da espezialitate horretako titularra izatea:

6.–Arte Plastikoetako eta Diseinuko lantegiko maisu-maistren kidegoa.

Jarraian azaltzen diren lanpostuak eskatu ahal izateko, beharrezkoa da espezialitate horretako titularra izatea:

7.–Musikako eta Arte Eszenikoetako katedradunen kidegoa.

Jarraian azaltzen diren lanpostuak eskatu ahal izateko, beharrezkoa da espezialitate horretako titularra izatea:

8.–Musikako eta Arte Eszenikoetako irakasleen kidegoa.

Jarraian azaltzen diren lanpostuak eskatu ahal izateko, beharrezkoa da espezialitate horretako titularra izatea:

9.–Bertako hizkuntza (v) eta ibiltaritza (i) dituzten plazen kodeak.

A) Bertako hizkuntzaren kodeak.

B) Ibiltaritzaren kodeak.

10.–Plaza elebidunen (B) kodeak.

Bakar-bakarrik behin betiko destinoa duten irakasleen kidegoetako funtzionarioentzat, beren lehen behin betiko destinoa lortu bazuten ere orain behin-behineko destinoa dutenentzat eta atzerriko hizkuntzaren eskakizuna duten lanpostuetarako izendatutako funtzionarioentzat.

–Plaza elebidunen kodeak:

V. ERANSKINA.–NAHITAEZKO ESLEIPENETIK KANPO UTZITAKO PLAZA EDO LANPOSTUAK

Ez dira inolaz ere nahitaez esleituko plaza edo lanpostu hauek:

1.–Maisu-maistren kidegoan:

A) Lanpostu bereziak:

B) Derrigorrezko Bigarren Hezkuntzako lehenbiziko bi ikasmailetako plazak:

C) Pedagogia Terapeutikoko plazak Bigarren Hezkuntzako institutuetan edo Derrigorrezko Bigarren Hezkuntzako institutuetan:

D) Lanpostu ibiltariak.

E) Iruñeko Espetxeko plazak.

2.–Bigarren Hezkuntzako katedradunen eta irakasleen kidegoetan:

3.–Irakasleen kidegoko funtzionarioentzat, atzerriko hizkuntzaren eskakizuna (frantsesa, ingelesa eta alemana) duten irakaskuntza espezialitateei dagozkien lanpostuak.

Iragarkiaren kodea: F2613206