1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
280E/2026 EBAZPENA, urriaren 15ekoa, Trantsizio Energetiko eta Digitaleko, Enpresa I+G+Bko eta Ekintzailetzako zuzendari nagusiak emana, zeinaren bidez onesten baita aldatzea "Mugikortasun elektrikoari lotutako pizgarrien programa (MOVES III)" dirulaguntzaren 2025eko deialdirako aurrekontua. DDBN kodea: 851015, 850973, 850960 eta 850938.
Apirilaren 1eko 3/2025 Errege Lege-dekretuaren bidez arautzen da Mugikortasun elektrikoari lotutako pizgarrien programa (MOVES III) 2025. urterako (2025eko 79. Estatuko Aldizkari Ofizialean argitaratu zen, apirilaren 1ekoan). Errege lege-dekretu horren helburua da garraio sektorea "deskarbonizatzen" laguntzea mugikortasunaren elektrifikazioa sustatuz, Energiaren eta Klimaren 2023-2030 Plan Nazional Bateratuan finkatutako xedeak lortzeko.
Trantsizio Energetiko eta Digitaleko, Enpresa I+G+Bko eta Ekintzailetzako zuzendari nagusiaren abuztuaren 7ko 268E/2025 Ebazpenaren bidez, "Mugikortasun elektrikoari lotutako pizgarrien programa (Moves III) 2025. urterako" dirulaguntzaren deialdia onesten da eta erabakitzen da Moves III-2025 deialdira pasatzea 2025eko urtarrilaren 1etik aitzina Moves III deialdian erregistratutako laguntza eskaera guztiak. DDBN kodea: 850938, 850960, 850973, 851015.
Ondoren, Energiaren Dibertsifikazio eta Aurrezpenerako Institutuak (IDAE) Trantsizio Energetikoaren Zerbitzuak eskatutako aurrekontuaren banaketa onetsi zuen. Banaketa ekonomiko horren bidez, hasieran inbertsioetara bideratutako zenbatekoa (209.874,75 euro) laguntzen deialdira bideratuko da.
Adierazitakoarekin bat, eta erabiliz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak,
EBAZTEN DUT:
1. Aldatzea "Mugikortasun elektrikoari lotutako pizgarrien programa (MOVES III)" dirulaguntzaren 2025. urteko deialdiaren 4. oinarria (Aurrekontu-zuzkidura), testu hau izan dezan:
"4. oinarria.–Aurrekontuko zuzkidura.
4.1. Mugikortasun elektrikoari lotutako pizgarrien programa (MOVES III) 2025. urtean gauzatzeko, 10.295.061,55 euroko zuzkidura ekonomikoa bideratu da, 820001 82500 7819 425205 [PEP: E-25-000756-01] MOVES III-2025: laguntzen deialdia izeneko partidaren kontura.
4.2. Deialdirako baimendutako gastua ekitaldi bakoitzean ez bada osorik gauzatzen, hurrengo ekitaldiari gehitzen ahalko zaio, Nafarroako Ogasun Publikoari buruzko Foru Legearen 49. artikuluaren 1.e) eta 5. apartatuetan ezarritakoari jarraituz".
2. Ebazpen hau Nafarroako Aldizkari Ofizialean argitaratzea.
3. Ebazpen honek ez du administrazio bidea amaitzen, eta haren aurka gora jotzeko errekurtsoa jar dezakete interesdunek, Industriako eta Enpresen Trantsizio Ekologiko eta Digitalerako kontseilariari zuzendua, argitaratu eta biharamunetik hilabeteko epean.
Iruñean, 2026ko urriaren 15ean.–Trantsizio Energetiko eta Digitaleko, Enpresa I+G+Bko eta Ekintzailetzako zuzendari nagusia, Garbiñe Basterra Olóriz.
Iragarkiaren kodea: F2613606
