2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
LEITZA
Aldaketa, 3.2 toki-sistemako kostuak banatzeko proiektuan. Behin betiko onespena
Leitzako alkateordeak, urriaren 1eko 369/2026 Ebazpenaren bitartez, honako hau onartu du:
Ikusi da 3.2 toki-sistemako EB26, EB-27, EB-28, EB-29, EB-30 eta EB-31 exekuzio-unitateetako urbanizazio-obren, azpiegituren eta zerbitzu komunen kostuak banatzeko proiektuaren aldaketa onartzeko espedientea. Espediente horri hasierako onespena eman zitzaion Leitzako Udaleko alkateordearen 2026ko urtarrilaren 28ko Ebazpenaren bidez, eta jendaurreko informazioaren izapidea egin zen, otsailaren 12ko Nafarroako Aldizkari Ofizialean (31. zk.) eta iragarki-taulan eta udal-egoitza elektronikoan argitaratutako iragarkiaren bidez, eta eragindako jabe bakoitzari banakako jakinarazpena egin zitzaion; hori guztia uztailaren 26ko 1/2017 Legegintzako Foru Dekretuaren 133.2 artikuluan ezarritakoaren arabera. Jendaurrean egon den bitartean, hainbat alegazio aurkeztu dira, eta ebazpen honi erantsitako txostenaren bidez ebatzi dira.
Espedientean dauden txostenak kontuan hartuta eta Lurralde Antolamenduari eta Hirigintzari buruzko Foru Legearen testu bategina onartzen duen uztailaren 26ko 1/2017 Legegintzako Foru Dekretuaren 133. artikuluan xedatutakoa kontuan hartuta.
Toki Araubidearen Oinarriak arautzen dituen apirilaren 2ko 7/1985 Legearen 21.1.j) artikuluak alkatetza honi esleitzen dio hirigintza-kudeaketako tresnak onartzeko eskumena.
EBAZTEN DUT:
1.–Marcos Erro eta Igor López de Uraldek idatzitako alegazio-txostenak onartzea eta aurkeztutako alegazio guztiak ezestea, horietan azaldutako arrazoiengatik. Ebazpen honekin batera, alegazioak aurkeztu dituzten pertsona guztiei helaraziko zaie ezespena eragin duen txostenaren kopia, Administrazio Publikoen Administrazio Prozedura Erkidearen urriaren 1eko 39/2015 Legearen 35. eta 88.6 artikuluetan aurreikusitakoaren arabera.
2.–Urbanizazioko, azpiegituretako eta zerbitzu komunetako obren kostuak banatzeko proiektua behin betiko onestea, honako exekuzio-unitate hauei dagokienez: EB-26, EB-27, EB-28, EB-29, EB-30 eta EB-31. Toki-sistemaren barruan daude eta 525.522,40 euroko kostua dute.
3.–Kostuak banatzeko proiektu horren behin betiko onespena NAOn eta Leitzako Udaleko egoitza elektronikoan argitaratzea, eragindako jabeei jakinarazpen pertsonala eginda.
4.–Kostuak banatzeko proiektua behin betiko onesteak ahalmena ematen dio udal-administrazio jarduleari zuzenean okupatzeko urbanizazioa eta nahitaezko eta doako lagapeneko zerbitzu komunak exekutatzeko behar diren lursailak. Administrazio hori izango da urbanizazio-obren, azpiegituren eta zerbitzu komunen arduraduna, eta, ondorioz, dagokion onarpen-aktaren bidez onartu diren proiektuen zenbatekoa kobratzeko eskubidea izango du, baita obren exekuzio materiala eta obren zuzendaritza fakultatiboa ere, eta, kasua bada, balizko desjabetzeen ondorioz lehen aipatutako exekuzio unitate bakoitzari ordaindutako kalte-ordainak ere; exekuzio unitate horiek azken ziurtagiria egiten den une berean ordaindu beharko dute esleitu zaien kuota.
Leitzan, 2026ko urriaren 1ean.–Alkateordea, Maider Amantegi Urdalleta.
Iragarkiaren kodea: L2612930
