Iragarkia

195. ALDIZKARIA - 2026ko urriaren 1a

1. NAFARROAKO FORU KOMUNITATEA

1.7. BESTELAKOAK

544/2026 EBAZPENA, irailaren 9koa, Nekazaritza eta Abeltzaintzako zuzendari nagusiak emana, zeinaren bidez aldatzen baitira Urbasa eta Andia jabari publikoko mendietan larreen NPErako onartutako azalerak, 2026ko ekitaldirako, Nekazaritza eta Abeltzaintzako zuzendari nagusiaren maiatzaren 21eko 320/2026 Ebazpenaren I. eranskinean adierazitako azalerei egindako alegazioak baloratu ondoren. Ebazpen horren bidez, Urbasa eta Andia jabari publikoko mendietan erabilera erkideko larreak erabiltzen dituzten abeltzainei onartutako azalerak onetsi ziren, hain zuzen ere, erabiltzaileek 2026ko eskaera bakarrean (NPE) aitor ditzaketenak.

Uztailaren 1eko 267/1996 Foru Dekretuaren bidez, Urbasa eta Andia mendietako Natura Baliabideak Antolatzeko Plana onetsi zen, eta otsailaren 27ko 3/1997 Foru Legearen bidez, Urbasa eta Andia mendietako Parke Naturalaren deklarazioa egin zen. Gero, Natura Baliabideak Antolatzeko Plana aldatu zen irailaren 7ko 198/2011 Foru Dekretuaren bidez.

Abenduaren 4ko 340/2001 Foru Dekretuaren bidez, Urbasako Parke Naturala Erabili eta Kudeatzeko Plan Zuzentzailea (EKPZ) onetsi zen. Plan horren 4.1 artikuluaren arabera, eskubide tradizionalen erabilera, besteak beste larratzekoa, Ingurumen Zuzendaritza Nagusiak ezarri prozedurari jarraikiz eginen da.

Plan hori betetze aldera, Urbasa eta Andia mendietako larre eta baso baliabideak antolatzeko proiektu bat onetsi zen Ingurumenaren eta Uraren zuzendari nagusiaren abuztuaren 12ko 1259/2011 Ebazpenaren bidez.

Landa Garapeneko eta Ingurumeneko kontseilariaren urriaren 13ko 22/2025 Foru Aginduaren bidez berezitasunak ezartzen dira, zuzeneko ordainketen bidezko esku-hartzeen kudeaketan, Nafarroako Foru Komunitateko 2023-2027 aldirako Nekazaritza Politika Erkidearen Plan Estrategikoaren esparruan. Eranskinaren III. kapituluko 12. artikuluan adierazten da zer prozedura erabiliko den Urbasa eta Andia jabari publikoko mendietako larre azalerak onartzeko, NPEren eskaera bakarreko laguntzak eskatzearen ondorioetarako.

Nekazaritza eta Abeltzaintzako zuzendari nagusiaren maiatzaren 21eko 320/2026 Ebazpenaren bidez, Urbasa eta Andia mendietako larreen erabiltzaileek NPErako aitor ditzaketen azalerak onetsi ziren, 2026ko ekitaldirako. Ebazpen hori 2026ko 113. Nafarroako Aldizkari Ofizialean argitaratu zen, ekainaren 11koan. I. eranskinean, Urbasa eta Andia jabari publikoetako mendietako erabilera erkideko larreen azalera 2026ko ekitaldirako behin-behinean onartu zaien pertsonen zerrenda ageri zen.

Ebazpen horretan, orobat, hamar eguneko epea eman zen, argitaratu zenetik zenbatzen hasita, larreak lehenbizikoz erabiltzen dituzten abeltzainek, azalerari uko egiten diotenek, ustiategiaren bat eskualdatu dutenek edo aitortutako azalera aldatzeko eskatu nahi dutenek kasuan kasuko inguruabarraren berri eman zezaten.

Ikusita Azaleraren araberako Zuzeneko Laguntzen Bulegoak bidalitako txostena.

Adierazitakoarekin bat, eta erabiliz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak eta Landa Garapeneko eta Ingurumeneko Departamentuaren egitura organikoa onesten duen azaroaren 15eko 255/2023 Foru Dekretuak eman dizkidaten eskudantziak,

EBAZTEN DUT:

1. Aldatzea Urbasa eta Andia jabari publikoko mendien erabilera erkideko larreetan onartutako azalerak, 2026ko eskaera bakarrerako (NPE). Azalera horiek Nekazaritza eta Abeltzaintzako zuzendari nagusiaren maiatzaren 21eko 320/2026 Ebazpenaren I. eranskinean jasoak daude, ebazpen horren bidez onetsi baitziren Urbasa eta Andia jabari publikoko mendietan erabilera erkideko larreak erabiltzen dituzten abeltzainei onartutako azalerak, hain zuzen ere, erabiltzaileek 2026ko eskaera bakarrean (NPE) aitor ditzaketenak.

2. Ebazpen hau jakinaraztea, behar diren ondorioak izan ditzan, Ingurumeneko Zuzendaritza Nagusiko Ingurumena Zaintzeko Atalari eta Basoen eta Ehiza Kudeaketaren Zerbitzuari, baita interesdunei ere.

3. Ebazpen hau Nafarroako Aldizkari Ofizialean argitaratzea.

4. Ebazpen honen aurka, ez baitu administrazio bidea amaitzen, espedientean interesa dutenek gora jotzeko errekurtsoa jar dezakete, Landa Garapeneko eta Ingurumeneko kontseilariari zuzendua, hilabeteko epean.

Iruñean, 2026ko irailaren 9an.–Nekazaritza eta Abeltzaintzako zuzendari nagusia, Ignacio Gil Jordán.

I. ERANSKINA.–2026KO ESKAERA BAKARRAREN (NPE) ONDORIOETARAKO ONARTU ETA BAZTERTU DIREN ESKAEREN ZERRENDA

1.1. Titularra aldatzeko eskaerak.

Titularra aldatzeko eskaera hauek onartu dira:

ustiategiaren lagatzaileak zeukan azalera bera onartuta.

1.2. Eskaera berriak.

Eskaera berri hauek onartzen dira:

1.3. Azalera handitzeko eskaerak.

1.3.1. Aurretik onartutako azalera handitzeko eskaera hauek onartzen dira: Horretarako, egiaztatu da akats bat egin zela kalkulurako hasiera batean kontuan hartutako AzLUen kopuruan.

1.3.2. Azalera handitzeko eskaera hauek ukatzea proposatzen da:

1.4. Azalera murrizteko eskaerak.

Aurretik onartutako azalera murrizteko eskaera hauek onartzen dira:

Iragarkiaren kodea: F2612262