1. NAFARROAKO FORU KOMUNITATEA
1.7. BESTELAKOAK
175/2026 EBAZPENA, abuztuaren 27koa, Enpresen Sustapenerako eta Azpiegituretako zuzendari nagusiak emana, zeinaren bidez okupatu aurreko aktak egiteko deialdia egiten baita proiektu honetan: "Murieta eta Lizarra 66 kV-eko goi tentsioko linea berriak, zirkuitu bikoitzekoak, Estellerria AEtik, Oteitzako, Villatuertako eta Lizarrako udal mugarteetan".
Industria Antolamenduaren, Azpiegitura Energetikoen eta Meatzeen Zerbitzuko zuzendariaren uztailaren 16ko 156/2026 Ebazpenaren bidez, aurretiazko administrazio-baimena eta eraikitzeko administrazio-baimena eman ziren "Estellerria-Murieta eta Estellerria-Lizarra 66 kV-eko goi tentsioko linea berria, zirkuitu bikoitzekoa, Oteitzako, Villatuertako eta Lizarrako udal mugarteetan" proiekturako, eta proiektua onura publikokoa dela zehazki deklaratu zen. Espedientearen kodea: SAT11552.
Onura publikoaren deklarazioak berekin dakar ukitutako ondasunak presaz okupatu beharra. Hori dela eta, bidezkoa da ondasun horien titularrei dei egitea okupatu aurreko aktak egitera ager daitezen.
Adierazitakoarekin bat, eta erabiliz Nafarroako Foru Komunitateko Administrazioari eta foru sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak,
EBAZTEN DUT:
1. Dei egitea proiektu horrek ukitutako ondasun eta eskubideen titularrei eta Villatuertako eta Lizarrako alkateei, edo haiek eskuordetzen dituzten zinegotziei, okupatu aurreko aktak eta, bidezko bada, behin betiko okupatzekoak egitera ager daitezen Villatuertako eta Lizarrako udaletxeetan, 2026ko azaroaren 11n eta 12an.
Aktak egiteko ordena eta ordutegia interesdunei jakinaraziko zaizkie, banakako zitazio zedularen bitartez.
2. Ebazpen hau jakinaraztea i-DE Redes Eléctricas Inteligentes SAU enpresa onuradunari, behar diren ondorioak izan ditzan.
3. Ebazpen hau Nafarroako Aldizkari Ofizialean, Foru Komunitateko bi egunkaritan eta Villatuertako eta Lizarrako udaletxeetako iragarki-tauletan argitaratzea.
Iruñean, 2026ko irailaren 27an.–Enpresen Sustapenerako eta Azpiegituretako zuzendari nagusia, Iñigo Arruti Torre.
Iragarkiaren kodea: F2611616
