1. NAFARROAKO FORU KOMUNITATEA
1.7. BESTELAKOAK
368E/2026 EBAZPENA, irailaren 16koa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez partez onartzen baita Sara Domingo Calderon titular duen eta Murchanteko udal mugartean dagoen hondakin arriskutsuen eta ez-arriskutsuen transferentzia eta aurretratamendu instalazioaren ingurumen baimen bateratuan ezarritako funtzionamendu baldintzak aldatzeko eskaera. Horren ondorioz, instalazioak eta bertako jarduerak ebazpen honen eranskinean ezarritako baldintzak bete beharko dituzte.
Espediente mota | Ingurumen baimen bateratuaren baldintzak aldatzea |
Espedientearen kodea | 0001-0061-2025-000063 | Hasiera eguna | |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | 1. eranskina / 5.1 taldea |
ELD 1/2016 ELD, abenduaren 16koa | Sartu gabeko zentroa |
2010/75/EB Zuzentaraua, azaroaren 24koa | Sartu gabeko zentroa |
21/2013 Legea, abenduaren 9koa | - |
Instalazioa | Hondakin arriskutsuen eta ez-arriskutsuen transferentzia eta aurretratamendua |
Titularra | Sara Domingo Calderon |
Ingurumen identifikaziorako zenbakia | 3117609010 |
Tokia | Camino Carrilabarca industrialdea, C-36 pabiloia; 2. poligonoa, 2489. lurzatia |
Koordenatuak | UTM-ETRS89, 30N eremua, X: 610.659,273 eta Y: 4.654.791,051 |
Udalerria | Murchante |
Proiektua | Kudeatutako hondakin berriak sartzea eta EHZ kodeak eta tratamendu taldeak 27/2021 Errege Dekretura egokitzea |
Gaur egun abian den instalazio horrek ingurumen baimen bateratua du, Ingurumenean Eragina duten Jarduerak arautzen dituen abenduaren 16ko 17/2020 Foru Legearen hirugarren xedapen iragankorra aplikatuta; izan ere, instalazioa lege horren 1. eranskineko 5.1 taldean sartuta dago.
2025eko azaroaren 20an, titularrak eskatu zuen bere ingurumen baimen bateratuan ezarritako baldintzak aldatzeko, zehazki:
a) EHZ kodeak, EHZ-TEEH kodeak eta TEEHen tratamendu taldeak urtarrilaren 19ko 27/2021 Errege Dekretura egokitzea. Dekretu horrek, bertzeak bertze, otsailaren 20ko 110/2015 Errege Dekretua aldatzen du; azken hori GESINELen ingurumen baimenaren oinarria izan zen, otsailaren 29ko 176E/2016 Ebazpenaren bidez emandakoa.
b) GESINELek baimendutako EHZ kodeak eta EHZ-TEEH taldeak zabaldu behar ditu, adierazi duenez dagoeneko kudeatzen ari den hondakinetarako. Titularrak adierazi du zabaltze horrek ez duela tratatzeko edo biltegiratzeko ahalmena handitzen.
Ekonomia Zirkularraren eta Berrikuntzaren Zerbitzuak eskaera aztertu du, eta honako ondorio hauek atera ditu:
a) Ez da beharrezkoa kudeatu beharreko EHZ kodeak egokitzea. Titularrak bere garaian eskatutako kodeak otsailaren 20ko 110/2015 Errege Dekretuaren arabera erregistratuta ditu, eta kode horiek egokituta jarraitzen dute urtarrilaren 19ko 27/2021 Errege Dekretuaren bigarren artikuluko hogeita hamalaugarren apartatuko 1. taularen arabera. Dekretu horrek, besteak beste, otsailaren 20ko 110/2015 Errege Dekretua aldatzen du. Hala ere, titularrak baimendutako prozesuetatik ateratzen diren frakzioak egokitzea eskatu du. Horrek eragina du eranskinak eta urtarrilaren 19ko 27/2021 Errege Dekretuari dagozkion baldintzak aldatzean, lehenago jaso gabeko frakzioak eskatzen diren prozesu bakoitzean.
b) Kudeatzeko eta sortzeko eskatu diren EHZ kode hauei dagokienez:
R130107 prozesuan KUDEATUTAKO HONDAKINETARAKO Hondakinak biltegiratzea, bilketaren esparruan. Bestelakoak // Hondakin arriskutsuen bilketa. TEEH ez direnak. Bateriak.
EHZ KODEA | DESKRIBAPENA | BALORAZIOA |
200142* | Haien osaeran litioa edozein formatan daukaten metagailu, pila edo bateriak, hala nola litiozko pilak edo litio-ioizko metagailuak. | Ezin da onartu instalazioan kudeatu beharreko hondakinen zerrendan sartzea, arrazoi hauengatik: –Ekonomia zirkularrerako hondakinei eta lurzoru kutsatuei buruzko apirilaren 8ko 7/2022 Legeak ezartzen du toki erakundeei dagokiela, nahitaezko zerbitzu gisa, etxeetan, saltokietan eta zerbitzuetan sortutako etxeko hondakinak biltzea, garraiatzea eta tratatzea, bakoitzaren ordenantzetan ezarritako moduan. Horregatik, mota horretako hondakinak 2000/532/EE Erabakiaren 15. eta 20. kapituluetako EHZ kodeetan sartzeko, TEEHak izan ezik, beharrezkoa da hondakinok biltzen dituen toki erakundeak edo mankomunitateak bere jarduera eremuan deitutako administrazio espedienteetatik eratorritako akordioak, hitzarmenak, kontratuak edo antzekoak izatea eskatzailearekin. |
–R120103 prozesuan KUDEATUTAKO HONDAKINETARAKO Hondakinen sailkapena. Txatarra. Txatarraren aurretratamendua.
EHZ KODEA | DESKRIBAPENA | BALORAZIOA |
020110 | Hondakin metalikoak. | Onartzen da kudeatu beharreko hondakinen zerrendan sartzea. |
120101 | Burdin metalen karraka-hautsa eta txirbilak. | Onartzen da kudeatu beharreko hondakinen zerrendan sartzea, baina bilketa hauts itxurarik ez duen material metalikora mugatuta. |
120103 | Burdinazkoak ez diren metalen karraka-hautsa eta txirbilak: | Onartzen da kudeatu beharreko hondakinen zerrendan sartzea, baina bilketa hauts itxurarik ez duen material metalikora mugatuta. |
120117 | Granailaketa edo zurrusta hondakinak, 12 01 16 kodean zehaztuta daudenez bestelakoak. | Ez da onartzen sartzea: –Titularrak hondakin metalikoak baino ezin ditu bildu, baldin eta zepa, lohi edo hauts itxurako hondakinak ez badira. |
150104 | Metalezko ontziak. | Onartzen da kudeatu beharreko hondakinen zerrendan sartzea, baina bilketa industria jatorriko ontzi hutsetara mugatuta. |
160106 | Balio-bizitza bukaturik duten ibilgailuak, ez dutenak ez likidorik ez bestelako osagai arriskutsurik. | Onartzen da kudeatu beharreko hondakinen zerrendan sartzea, baina bilketa bizitza baliagarriaren hondarrera iritsitako ibilgailuak tratatzeko baimendutako tratamendu zentroetatik (BTZ) datozen hondakinetara mugatuta. Aurrez deskontaminatu eta baja eman zaiela behar bezala egiaztatu beharko da. |
160214 | Baztertutako ekipoak, ez direnak 16 02 09tik 16 02 13ra arteko kodeetan zehaztutakoak. | Ezin da onartu instalazioan kudeatu beharreko hondakinen zerrendan sartzea, arrazoi hauengatik: –Titularrak ez du zehaztu kudeatu nahi duen hondakina, ezta urtarrilaren 19ko 27/2021 Errege Dekretuaren araberako EHZ kode zabaldua ere. –Egin nahi den balorizazio eragiketa ez dator bat eskatutako hondakinari, TEEH gisa sailkatutakoari, ustez dagozkion ezaugarriekin. |
160216 | Baztertutako ekipoetatik kendutako osagaiak, 16 02 15 kodean zehaztutakoez bestelakoak. | Ez da bidezkoa sartzea. Titularrak badu hondakin hori kudeatzeko baimena. |
160623 | Berun azidoko pila eta baterien fabrikazioko hondakinak, 16 06 22 kodean zehaztutakoez bestelakoak. | Ezin da onartu instalazioan kudeatu beharreko hondakinen zerrendan sartzea, arrazoi hauengatik: –Eskatutako EHZ kodea Batzordearen martxoaren 5eko 2025/934 (EB) Erabaki Eskuordetutik dator; erabaki hori 2026ko azaroaren 9tik aurrera aplikatuko da. |
190102 | Labearen hondoko errautsetatik bereizitako burdina materialak. | Onartzen da kudeatu beharreko hondakinen zerrendan sartzea, baina bilketa hauts itxurarik ez duen material metalikora mugatuta. |
191001 | Burdinaren eta altzairuaren hondakinak | Onartzen da kudeatu beharreko hondakinen zerrendan sartzea, baina bilketa hauts itxurarik ez duen material metalikora mugatuta. |
191002 | Hondakin ez-ferrosoak. | Onartzen da kudeatu beharreko hondakinen zerrendan sartzea, baina bilketa hauts itxurarik ez duen material metalikora mugatuta. |
191202 | Burdina metalak. | Ez da bidezkoa sartzea. Titularrak bazuen hondakin hori kudeatzeko baimena. |
191203 | Burdinazkoak ez diren metalak | Ez da bidezkoa sartzea. Titularrak bazuen hondakin hori kudeatzeko baimena. |
200140 | Metalak. | Ezin da onartu instalazioan kudeatu beharreko hondakinen zerrendan sartzea, arrazoi hauengatik: –Ekonomia zirkularrerako hondakinei eta lurzoru kutsatuei buruzko apirilaren 8ko 7/2022 Legeak ezartzen du toki erakundeei dagokiela, nahitaezko zerbitzu gisa, etxeetan, saltokietan eta zerbitzuetan sortutako etxeko hondakinak biltzea, garraiatzea eta tratatzea, bakoitzaren ordenantzetan ezarritako moduan. Horregatik, 2000/532/EE Erabakiaren 15. eta 20. kapituluetako EHZ kodeetan sartzen diren hondakin mota horiek, TEEHak izan ezik, kudeatu beharreko hondakinen zerrendan sartzeko, beharrezkoa da hondakin horien bilketa bere jardun eremuan egiten duen toki erakundeak (edo mankomunitateak) deitutako administrazio espedienteen ondoriozko akordioak, hitzarmenak, kontratuak edo antzekoak izatea, toki erakundearen (edo mankomunitatearen) eta eskatzailearen artean. |
–R120201 prozesuan, hau da, hondakinen osagaiak desmuntatu eta bereiztean, substantzia arriskutsuak kentzea barne, SORTUTAKO HONDAKINEI dagokienez. TEEHak // TEEH ez-arriskutsuak; G.1 «Tratamendu eragiketa orokorra» tratamendu eragiketaren barruan.
EHZ KODEA | DESKRIBAPENA | BALORAZIOA |
080313 | Tinta hondakinak, 08 03 12 kodean zehaztutakoez bestelakoak | Onartzen da instalazioan sortzen diren hondakinen zerrendan sartzea. |
191001 | Burdinaren eta altzairuaren hondakinak | Onartzen da instalazioan sortzen diren hondakinen zerrendan sartzea. |
191002 | Hondakin ez-ferrosoak. | Onartzen da instalazioan sortzen diren hondakinen zerrendan sartzea. |
191006 | Bestelako frakzioak, 19 10 05 kodean zehazten ez direnak. | Onartzen da instalazioan sortzen diren hondakinen zerrendan sartzea. |
191201 | Papera eta kartoia. | Onartzen da instalazioan sortzen diren hondakinen zerrendan sartzea. |
200144* | Osaeran beste substantzia arriskutsu batzuk dituzten metagailu, pila edo bateriak. | Onartzen da instalazioan sortzen diren hondakinen zerrendan sartzea. Horrez gain, 160609* EHZ kodea duen hondakin profesional baliokidea ere sartzen da, jatorri profesionaleko hondakinetarako, titularrak kudeatzen dituen TEEHen jatorria etxekoa nahiz profesionala izan daitekeela kontuan hartuta. |
–R120201 prozesuan, hau da, hondakinen osagaiak desmuntatu eta bereiztean, substantzia arriskutsuak kentzea barne, SORTUTAKO HONDAKINEI dagokienez. TEEHak // TEEH arriskutsuak:
EHZ KODEA | DESKRIBAPENA | BALORAZIOA |
080312* | Gai arriskutsuak dituzten tinten hondakinak. | Onartzen da instalazioan sortzen diren hondakinen zerrendan sartzea. |
160607* | Haien osaeran litioa edozein formatan daukaten metagailu, pila edo bateriak, hala nola litiozko pilak edo litio-ioizko metagailuak. | Onartzen da instalazioan sortzen diren hondakinen zerrendan sartzea. |
160608* | Haien osaeran nikela edozein formatan duten metagailu, pila edo bateriak, hala nola nikel metal hidrurozko (Ni-MH) metagailuak. Kode honetatik kanpo gelditzen dira nikel-kadmiozko metagailu eta bateriak. | Onartzen da instalazioan sortzen diren hondakinen zerrendan sartzea. |
160609* | Haien osaeran beste substantzia arriskutsu batzuk dituzten metagailu, pila edo bateriak. | Onartzen da instalazioan sortzen diren hondakinen zerrendan sartzea. |
191005* | Substantzia arriskutsuak dauzkaten beste frakzio batzuk. | Onartzen da instalazioan sortzen diren hondakinen zerrendan sartzea. |
200142* | Haien osaeran litioa edozein formatan daukaten metagailu, pila edo bateriak, hala nola litiozko pilak edo litio-ioizko metagailuak. | Onartzen da instalazioan sortzen diren hondakinen zerrendan sartzea, baina hondakin horiek soilik sortzen ahalko dira prozesatutako TEEHak etxekoak badira. |
200143* | Haien osaeran nikela edozein formatan duten metagailu, pila edo bateriak, hala nola nikel metal hidrurozko (Ni-MH) metagailuak. Kode honetatik kanpo gelditzen dira nikel-kadmiozko metagailu eta bateriak. | Onartzen da instalazioan sortzen diren hondakinen zerrendan sartzea, baina hondakin horiek soilik sortzen ahalko dira prozesatutako TEEHak etxekoak badira. |
–R120201 prozesuan, hau da, hondakinen osagaiak desmuntatu eta bereiztean, substantzia arriskutsuak kentzea barne, KUDEATUTAKO HONDAKINEI dagokienez. TEEHak // TEEH arriskutsuak: titularrak dagoeneko kudeatzen duen eta baimenduta duen 200135-61* kodeko etxeko hondakinaren baliokide profesionala eskatzen du:
EHZ KODEA | DESKRIBAPENA | BALORAZIOA |
160213-61* | Osagai arriskutsuak dituzten informatika- eta telekomunikazio-gailu txikiak. Profesionala. | Onartzen da kudeatzen diren hondakinen zerrendan sartzea. |
–R130101 prozesuan, hau da, bilketaren esparruan hondakinak biltegiratzean, KUDEATUTAKO HONDAKINEI dagokienez. Bestelakoak // TEEH ez-arriskutsuen bilketa.
EHZ KODEA | DESKRIBAPENA | BALORAZIOA |
160214-62 | Osagai arriskutsuak dituzten informatika- eta telekomunikazio-gailu txikiak. Profesionala. | Onartzen da kudeatzen diren hondakinen zerrendan sartzea. |
200136-62 | Osagai arriskutsurik ez duten informatika- eta telekomunikazio-gailu txikiak. Etxekoak. | Onartzen da kudeatzen diren hondakinen zerrendan sartzea. |
200136-52 | Gailu txikiak. 50 cm baino gehiagoko kanpoko neurririk ez dutenak. Gainerakoak. Etxekoak. | Onartzen da kudeatzen diren hondakinen zerrendan sartzea. |
160214-52 | Gailu txikiak. 50 cm baino gehiagoko kanpoko neurririk ez dutenak. Gainerakoak. Profesionala. | Onartzen da kudeatzen diren hondakinen zerrendan sartzea. |
–R130101 prozesuan, hau da, bilketaren esparruan hondakinak biltegiratzean, KUDEATUTAKO HONDAKINEI dagokienez. Bestelakoak // TEEH arriskutsuen bilketa.
EHZ KODEA | DESKRIBAPENA | BALORAZIOA |
160210-41* | Gailu handiak. 50 cm baino gehiagoko kanpoko neurria dutenak. Osagai arriskutsuak dituztenak. Profesionala. | Onartzen da kudeatzen diren hondakinen zerrendan sartzea. |
160211-41* | CFCak, HCFCak, HFCak edo HCak dituzten gailu handi baztertuak (50 cm baino gehiagoko kanpoko neurria dutenak). Profesionala. | Onartzen da kudeatzen diren hondakinen zerrendan sartzea. |
160212-51* | Gailu txikiak. 50 cm baino gehiagoko kanpoko neurririk ez dutenak. Osagai arriskutsuak dituztenak eta pilak daramatzatenak. Profesionala. | Onartzen da kudeatzen diren hondakinen zerrendan sartzea. |
160212-41* | Gailu handiak. 50 cm baino gehiagoko kanpoko neurria dutenak. Osagai arriskutsuak dituztenak. Profesionala. | Onartzen da kudeatzen diren hondakinen zerrendan sartzea. |
160213-51* | Gailu txikiak. 50 cm baino gehiagoko kanpoko neurririk ez dutenak. Osagai arriskutsuak dituztenak eta pilak daramatzatenak. Profesionala. | Onartzen da kudeatzen diren hondakinen zerrendan sartzea. |
160213-41* | Gailu handiak. 50 cm baino gehiagoko kanpoko neurria dutenak. Osagai arriskutsuak dituztenak. Profesionala. | Onartzen da sartzea kudeatzen diren hondakinen zerrendan |
200123-41* | CFCak, HCFCak, HFCak edo HCak dituzten gailu handi baztertuak. Etxekoak. | Onartzen da kudeatzen diren hondakinen zerrendan sartzea. |
200135-41* | Gailu handiak, informatika eta telekomunikazio ekipoak barne. 50 cm baino gehiagoko kanpoko neurria dutenak. Osagai arriskutsuak dituztenak. Etxekoak. | Onartzen da kudeatzen diren hondakinen zerrendan sartzea. |
200135-51 | Gailu txikiak. 50 cm baino gehiagoko kanpoko neurririk ez dutenak. Osagai arriskutsuak dituztenak eta pilak daramatzatenak. Etxekoak. | Onartzen da kudeatzen diren hondakinen zerrendan sartzea. |
Partez onartutako aldaketek instalazioak ingurumenaren aldetik behar bezala funtzionatzea ahalbidetzen dute, eta bat datoz ingurumen baimen bateratuan ezarritako emisioen muga balioekin eta eskakizunekin, bai eta teknika erabilgarri onenen aplikazioarekin ere.
Ingurumenean Eragina duten Jarduerak arautzen dituen abenduaren 16ko 17/2020 Foru Legearen 28. artikuluan xedatutakoa aplikatuz, bidezkoa da ingurumen baimen bateratua aldatzea.
Ebazpen proposamena hamabost egunez egon da instalazioaren titularrari entzunaldia emateko izapidean, eta hark ez du proposamenaren aurkako alegaziorik aurkeztu.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehena.–Partez onartzea Sara Domingo Calderon titular duen eta Murchanteko udal mugartean dagoen hondakin arriskutsuen eta ez-arriskutsuen transferentzia eta aurretratamendu instalazioaren ingurumen baimen bateratuan ezarritako funtzionamendu baldintzak aldatzeko eskaera. Horren ondorioz, instalazioak eta bertako jarduerak ebazpen honen eranskinean ezarritako baldintzak bete beharko dituzte.
Bigarrena.–Ebazpen hau Nafarroako Aldizkari Ofizialean argitaratzea.
Hirugarrena.–Ebazpen honen aurka, ez baitu administrazio bidea agortzen, interesdunek, administrazio publikoek izan ezik, gora jotzeko errekurtsoa jartzen ahalko dute, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Ebazpen hau jakinarazi eta biharamunetik aurrera kontatuko dira epeak.
Laugarrena.–Ebazpen hau Sara Domingo Calderoni eta Murchanteko Udalari igortzea, behar diren ondorioak izan ditzan.
Iruñean, 2026ko irailaren 16an.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.
Oharra: Ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Berrikuntzaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/ConsultasAAU.html#/ConsultaAutorizacionesAmbientalesUnificadas.
Iragarkiaren kodea: F2612498
