1. NAFARROAKO FORU KOMUNITATEA
1.7. BESTELAKOAK
335E/2026 EBAZPENA, uztailaren 31koa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez partez onartzen baita Caparrosoko udal mugartean zerriak elikatzeko pentsu konposatuak fabrikatzen dituen instalazio baten ingurumen baimen integratuan ezarritako funtzionamendu baldintzen aldaketa. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Piensos de Caparroso SL da.
Espediente mota | Ingurumen baimen integratuaren baldintzak aldatzea |
Espedientearen kodea | 0001-0121-2026-000010 | Hasiera eguna | 2026-03-12 |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | Sartu gabeko zentroa |
1/2016 Legegintzako Errege Dekretua, abenduaren 16koa | I. eranskina / 9.1.b) iii) |
2010/75/EB Zuzentaraua, azaroaren 24koa | I. eranskina / 6.4.b) iii) |
21/2013 Legea, abenduaren 9koa | Sartu gabeko zentroa |
Instalazioa | Zerriak elikatzeko pentsu konposatuen fabrikazioa |
Titularra | |
Ingurumen identifikaziorako zenbakia | 3102500652 |
Tokia | Hilerriko bidea z.g., 9. poligonoko 1030. lurzatia |
Koordenatuak | UTM-ETRS89, 30N eremua, X: 611.704,000 eta Y: 4.688.092,000 |
Udalerria | Caparroso |
Proiektua | Instalazioan sortutako hondakin berriak sartzea |
Instalazio horrek ingurumen baimen integratua du, Ingurumenaren eta Uraren zuzendari nagusiaren otsailaren 22ko 0391/2010 Ebazpenaren bidez emana, gero Ingurumenaren eta Uraren zuzendari nagusiaren abuztuaren 8ko 363E/2014 Ebazpenaren bidez eguneratu zena, Ingurumeneko eta Lurraldearen Antolamenduko zuzendari nagusiaren azaroaren 6ko 855E/2018 Ebazpenaren bidez aldatu zena eta Ekonomia Zirkularraren eta Berrikuntzaren Zerbitzuko zuzendariaren abuztuaren 5eko 298E/2025 Ebazpenaren bidez berrikusi zena.
2026ko martxoaren 12an, titularrak bere ingurumen baimen integratuan dauden baldintzak aldatzeko eskatu zuen, zehazki, ingurumen baimen integratuaren III. eranskinean, instalazioan sortzen diren hondakinen zerrendan, hondakin gehiago sartzeko.
Ekonomia Zirkularraren eta Uraren Zerbitzuak berrikusi du aurkeztutako eskaera, eta balorazio hau egin:
EHZ KODEA | DESKRIBAPENA | BALORAZIOA |
02 03 04 | Zerealak ehotzeko prozesuan elaboratzeko edo kontsumitzeko egokiak ez diren materialak | Onartzen da. |
02 03 99 | Botatzen diren eta kontsumitu ezin diren nekazaritza-produktuak | Eskatutako EHZ kodea aldatzen da eta 02 03 04 kodea jarri da, jatorriari dagokionez egokiagoa dela uste baita. |
15 01 10* | Fabrikazioan erabilitako material osagarriei dagozkien ontziak | Onartzen da. |
15 02 02* | Xurgatzailea (sepiolita), eskularruak, babes-jantziak | Onartzen da. |
16 05 06* | Laborategiko produktu kimikoak | Onartzen da |
20 03 01 | Bulegoetan sortuak eta etxekoekin pareka daitezkeenak | Onartzen da |
20 03 99 | Bulegoetan sortuak eta etxekoekin pareka daitezkeenak | Ez da onartzen, eta 20 03 01 EHZ kodea jarri da haren ordez. |
Onartutako aldaketek ez dute eragozten instalazioaren funtzionamendu egokia ingurumenari dagokionez, eta bat datoz ingurumen baimen integratuan ezarritako gehieneko isurketa-balioekin eta gainerako eskakizunekin, bai eta teknika erabilgarri onenen aplikazioarekin ere.
Ebazpen proposamena hamabost egunez egon da instalazioaren titularrari entzunaldia emateko tramitean, eta hark ez du proposamenaren aurkako alegaziorik aurkeztu.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehendabizikoa.–Partez onartzea Caparrosoko udal mugartean zerriak elikatzeko pentsu konposatuak fabrikatzen dituen instalazio baten ingurumen baimen integratuan ezarritako funtzionamendu baldintzen aldaketa. Horren ondorioz, instalazioak eta hango jarduerak ebazpen honen eranskinean adierazitako baldintzak bete beharko dituzte. Instalazioaren titularra Piensos de Caparroso SL da.
Bigarrena.–Suteen aurkako segurtasunari dagokionez (abenduaren 3ko 2267/2004 Errege Dekretua), instalazioan biltegiratutako hondakinen kopuruak ez du handituko ingurumen baimen integratua emateko espedientearen dokumentazio teknikoan kalkulatutako arrisku intrintsekoaren maila.
Hirugarrena.–Ebazpen honetan jasotako baldintzak betetzen ez badira, Kutsaduraren Prebentzio eta Kontrol Integratuari buruzko Legearen testu bateginaren IV. tituluan jasotako ingurumen diziplinako neurriak hartuko dira (testu bategin hori abenduaren 16ko 1/2016 Legegintzako Errege Dekretuaren bidez onetsi zen), eta, subsidiarioki, Ingurumenean Eragina duten Jarduerak arautzen dituen abenduaren 16ko 17/2020 Foru Legearen III. tituluan ezarritako zehapen araubidean jasotakoak, ezertan galarazi gabe legeria sektorialean ezarritakoa, aurrerantzean ere aplikatu beharko baita.
Laugarrena.–Ebazpen hau Nafarroako Aldizkari Ofizialean argitaratzea.
Bosgarrena.–Ebazpen honen aurka, ez baitu administrazio bidea amaitzen, interesdunek, administrazio publikoek izan ezik, gora jotzeko errekurtsoa jartzen ahalko dute, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik aurrera kontatuko dira.
Bosgarrena.–Ebazpen hau Piensos de Caparroso SLra eta Caparrosoko Udalera igortzea, behar diren ondorioak izan ditzan.
Iruñean, 2026ko uztailaren 31n.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.
Oharra: ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Klima Aldaketaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/CentroPublicaciones.html#/CentroPublicaciones.
Iragarkiaren kodea: F2611632
