2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BURLATA
Hiri-jarduketarako plan berezia, eremu batzuetako beheko solairuen erabilera bizitegi-erabilerara aldatzeko prozedura arautzeko. Hasierako onespena
Burlatako Udalaren Gobernu Batzarrak, 2026ko uztailaren 23an egindako ohiko bilkuran, erabaki zuen hasiera batez onestea Burlatako Udalak sustatutako hiri-jarduketarako plan berezi bat, helburu duena eremu batzuk birdefinitzea eta beheko solairuetako erabilerak arautzea hiriguneko parte batzuetan. Orobat, hori guztia modu praktikoan aplikatu nahi da espedienteetan, baldin eta horietan posible bada beheko solairuen erabilera bizitegi-erabilerara aldatzea eta uholde-arriskuari buruzko araudi sektorialak ukituak badira. Espediente zenbakia: 287391E.
Orobat, jakitera ematen da, uztailaren 26ko 1/2017 Legegintzako Foru Dekretuaren 70. artikuluan xedatutakoa aplikatu beharrez (Lurralde Antolamenduari eta Hirigintzari buruzko Foru Legearen testu bategina onestekoa), eten egiten dela beheko solairuen erabilera bizitegi-erabilerara aldatzeko baimenen eta hirigintza-lizentzien ematea honako eremu hauetan: Kale Nagusiak, Zangozako Merinaldea kaleak eta Maistren kaleak osatzen duten multzoa (kaleen luzera osoan); Arropa-garbitzaileen kalea (San Frantzisko kalearen eta Ermita kalearen arteko zatian); Ermita kalea (Hilarión Eslava kalearen eta Intxaustia kalearen arteko zatia), eta 2. poligonoko 144., 151. eta 160. lurzatietan San Frantzisko kalera ematen duten buruhormak. Orobat, 500 urteko birgertatze-aldia duen uholde-eremuaren barnean dauden lokaletan ere aplikatuko da etetea, baldin eta eragindako afekzioaren ondorioz urratzen bada Jabari Publiko Hidraulikoaren gaineko Erregelamendua eta Ebroko Konfederazio Hidrografikoak edo hark eskuordetutako erakundeak ez badu eman aldeko txostena.
Espedientea jendaurrean egonen da hilabetean, iragarki hau Nafarroako Aldizkari Ofizialean argitaratzen denetik hasita, azter dadin eta bidezko alegazioak aurkez daitezen, bat etorriz uztailaren 26ko 1/2017 Legegintzako Foru Dekretuaren 72. artikuluarekin (legegintzako foru-dekretu horren bidez onetsi zen Lurraldearen Antolamenduari eta Hirigintzari buruzko Foru Legearen testu bategina).
Burlatan, 2026ko uztailaren 24an.–Jarduneko alkatea, Jose María Noval Galarraga.
Iragarkiaren kodea: L2610482
