2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BAZTAN
Deialdia, dirulaguntzak emateko ikastetxeetako guraso elkarteek sustatutako hezkuntza, kultura eta prestakuntza jardueretarako (2026). Laburpena
DDBN kodea: 921216.
Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Haren testu osoa Dirulaguntzen Datu Base Nazionalean aurki daiteke (https://www.infosubvenciones.es/bdnstrans/GE/eu/convocatoria/921216).
Baztango Udalak, 2026ko uztailaren 21eko Tokiko Gobernu Batzordean, onetsi zituen Baztango guraso elkarteek (APYMak) sustatutako hezkuntza, kultura eta prestakuntza jardueretarako dirulaguntzen deialdi publikoaren oinarri arautzaileak 2026rako.
Lehendabizikoa.–Onuradunak.
Baztango ikastetxeetan legez eratutako guraso elkarteak izan daitezke onuradun, baldin eta indarrean dagoen araudian ezarritako baldintzak betetzen badituzte.
Bigarrena.–Xedea.
Oinarri hauen xedea Baztango ikastetxeetako guraso elkarteei dirulaguntzak ematea da, ikasleei eta haien familiei zuzendutako hezkuntza, kultura, sentsibilizazio eta arte-sustapeneko jarduerak egin ditzaten.
Hirugarrena.–Oinarri arautzaileak.
http://www.baztan.eus.
Laugarrena.–Zenbatekoa.
Laguntzetarako dagoen diru kuota osoa: 6.000 euro.
Bosgarrena.–Eskabideak aurkezteko epea.
Eskaerak telematikoki aurkeztu beharko dira, behar bezala beteta, Baztango Udalaren Erregistro Elektronikoaren bidez (Baztango Egoitza Elektronikoa), elkartearen legezko ordezkaria den pertsonak sinatuta.
Eskaerak deialdi honetan ezarritako eredu arautuen arabera formalizatu beharko dira.
Eskaerak aurkezteko epea 2026ko urriaren 31n amaituko da, egun hori barne.
Elizondon, 2026ko uztailaren 23an.–Alkatea, Fernando Anbustegi Goñi.
Iragarkiaren kodea: L2610447
