1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
2546/2026 EBAZPENA, abuztuaren 10ekoa, Funtzio Publikoko zuzendari nagusiak emana, zeinaren bidez zuzentzen baitira Funtzio Publikoko zuzendari nagusiaren uztailaren 2ko 2178/2026 Ebazpenean atzemandako akatsak (2178/2026 Ebazpena, uztailaren 2koa, Funtzio Publikoko zuzendari nagusiak emana, zeinaren bidez deialdi bat onesten baita Nafarroako Foruzaingoko inspektore izateko hamasei plaza betetzeko, Nafarroako Foru Komunitateko Administrazioaren eta haren erakunde autonomoen zerbitzukoak), eta 10 egun naturalez luzatzen baita parte hartzeko eskabideak aurkezteko epea.
Funtzio Publikoko zuzendari nagusiak uztailaren 2an eman 2178/2026 Ebazpenaren bidez deialdi bat onetsi da Nafarroako Foruzaingoko inspektore izateko hamasei plaza betetzeko, Nafarroako Foru Komunitateko Administrazioaren eta haren erakunde autonomoen zerbitzukoak.
Aipatu deialdiaren oinarrietan akatsak daudela oharturik, bidezkoa da horiek zuzentzea, Administrazio Publikoen Administrazio Prozedura Erkideari buruzko urriaren 1eko 39/2015 Legearen 109.2 artikuluari eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 125.2 artikuluari jarraikiz. Orobat, 10 egun naturalez luzatzen da parte hartzeko eskabideak aurkezteko epea.
Horrenbestez, eta otsailaren 21eko 30/2005 Foru Dekretuaren bidez eskuordeturik ditudan eskudantziak erabiliz,
EBATZI DUT:
1. Deialdiaren gaztelaniazko testuan, 1. oinarrian (Deialdiaren xedea) atzemandako akatsa zuzentzea:
Honako hau dioen tokian:
"1.–Deialdiaren xedea.
Es objeto de la presente convocatoria el acceso a catorce plazas del empleo de inspector o inspectora de la Policía Foral de Navarra, de régimen funcionarial y nivel B (...)".
Honako hau behar du:
"1.–Deialdiaren xedea.
Es objeto de la presente convocatoria el acceso a dieciséis plazas del empleo de inspector o inspectora de la Policía Foral de Navarra, de régimen funcionarial y nivel B (...)".
2. Deialdiaren 7.1 oinarrian (Kalifikazio epaimahaia) atzemandako akatsa zuzentzea:
Honako hau dioen tokian:
"7.1. Kalifikazio epaimahaia honako hauek osatuko dute:
(...)
–Epaimahaikidea: Pablo Bailo Cabello jauna, komisarioa, Nafarroako Foruzaingoko Tafallako Polizia Etxeko burua (...)".
Honako hau behar du:
"7.1. Kalifikazio epaimahaia honako hauek osatuko dute:
(...)
–Epaimahaikidea: Pablo Bailo Cabello jauna, komisarioa, Nafarroako Foruzaingoko Bide Segurtasuneko Dibisioko burua (...)".
3. Deialdiaren 8.4.3 oinarrian (Oposizioaren lehenbiziko fasearen emaitzak) atzemandako akatsa zuzentzea:
Honako hau dioen tokian:
"8.4.3. Oposizioaren lehenbiziko fasearen emaitzak.
Oposizioaren lehenbiziko faseko probak bukaturik, epaimahaiak hura gainditu duten izangaien zerrenda argitaratuko du, lortutako puntuazioaren arabera, hautaproba bakoitzean lortutako puntuazioa batuz.
Berdinketarik gertatuz gero, lehenbiziko proban puntu gehien lortzen dutenen alde joko da, eta, berdinketak badirau, bigarren proban lortutako puntuak hartuko dira aintzat.
Arestian ezarritako irizpideak aplikatuta ere berdinketak jarraitzen badu, berdinketa ebatziko da kalifikazio epaimahaiak berariaz antolatuko duen jendaurreko ekitaldi batean eginen den zozketa bakar baten bidez. Berdindutako izangai guztien artean, bat hautatuko da ausaz. Berdinketa guztiak hurrenkera alfabetikoari jarraikiz deseginen dira, abiapuntu harturik zozketa horretan hautatzen den izangaiaren deiturak eta izena".
Honako hau behar du:
"8.4.3. Oposizioaren lehenbiziko fasearen emaitzak.
Oposizioaren lehenbiziko faseko probak bukaturik, epaimahaiak hura gainditu duten izangaien zerrenda argitaratuko du, lortutako puntuazioaren arabera, hautaproba bakoitzean lortutako puntuazioa batuz.
Berdinketarik izanez gero, lehenengo proban puntu gehien lortzen dutenek izanen dute lehentasuna.
Berdinketak jarraitzen badu, kalifikazio epaimahaiak eginen duen berariazko zozketa bakar baten bidez erabakiko da. Berdinduta dauden izangai guztiei zenbaki bana emanen zaie, ordena alfabetikoaren arabera, eta zenbaki horietako bat aukeratuko da ausaz. Horrela, berdinketa guztiak ordena alfabetikoaren arabera ebatziko dira, eta abiatuko da zozketan ateratzen den zenbakia duen pertsonaren deituretatik eta izenetik".
4. II. eranskineko (Merezimenduak baloratzeko baremoa) A atalean (Administrazio publikoetan egindako zerbitzuak) atzemandako akatsa zuzentzea:
Honako hau dioen tokian:
"A) Administrazio publikoetan egindako zerbitzuak: gehienez ere hogeita hamabost (35) puntu.
a) Nafarroako polizia kidegoetan egindako zerbitzuak:
a.1) Nafarroako polizia kidego batean, polizia edo agente lanetan, edo Nafarroako udal agente gisa, egiazki eta lanpostu finkoan egindako zerbitzu urte bakoitzeko: puntu bat (1,00).
a.2) Nafarroako polizia kidego batean, kaboari edo agente lehenari dagozkion lanetan, egiazki eta lanpostu finkoan egindako zerbitzu urte bakoitzeko: bat koma hogeita bost (1,25) puntu.
a.3) Nafarroako polizia kidego batean, sarjentu edo inspektoreorde lanetan, egiazki eta lanpostu finkoan egindako zerbitzu urte bakoitzeko: bat koma berrogeita hamar (1,50) puntu.
b) Administrazio publiko baten mendeko beste segurtasun indar eta kidego batzuetan, lanpostu finkoan, egindako zerbitzuak: zerbitzu urte bakoitzeko, 0,50 eta 1,50 puntu artean, a.1), a.2) eta a.3) ataletan ezarritako banaketaren arabera, dagokion polizia kidegoan zer lanpostu edo kategoria dauden, horren arabera.
(...)".
Honako hau behar du:
"A) Administrazio publikoetan egindako zerbitzuak: gehienez ere hogeita hamabost (35) puntu.
a) Nafarroako polizia kidegoetan egindako zerbitzuak:
a.1) Nafarroako polizia kidego batean, polizia edo agente lanetan, edo Nafarroako udal agente gisa, egiazki eta lanpostu finkoan egindako zerbitzu urte bakoitzeko: puntu bat (1,00).
a.2) Nafarroako polizia kidego batean, kaboari edo agente lehenari dagozkion lanetan, egiazki eta lanpostu finko edo bitarteko batean egindako zerbitzu urte bakoitzeko: bat koma hogeita bost (1,25) puntu.
a.3) Nafarroako polizia kidego batean, sarjentu edo inspektoreorde lanetan, egiazki eta lanpostu finko edo bitarteko batean egindako zerbitzu urte bakoitzeko: bat koma berrogeita hamar (1,50) puntu.
a.4) Nafarroako Polizia Kidego batean, bitarteko gisa eta deialdiko lanpostuan egindako urte bakoitzeko: bat koma hirurogeita bost (1,65) puntu.
b) Administrazio publiko baten mendeko beste segurtasun-kidego eta indar batzuetako lanpostu finko edo bitarteko batean emandako zerbitzuak: zerbitzu urte bakoitzeko, 0,50 eta 1,50 puntu artean, a.1), a.2) eta a.3) ataletan ezarritako banaketaren arabera, dagokion polizia kidegoan zer lanpostu edo kategoria dauden, horren arabera.
(...)".
5. III. eranskinean (Proba fisikoak) pisua jasotzeko probari dagokionez atzemandako akatsa zuzentzea:
Honako hau dioen tokian:
"2.–Pisua jasotzeko proba (banku press-a, 35 kg gizonentzat eta 25 kg emakumeentzat).
Azalpena: banku batean etzanda, ahoz gora, izangaiak 35 kiloko pisua jaso behar du 30 segundoan, eta ezarritako gutxieneko jasoaldiak egin. (...)".
Honako hau behar du:
"2.–Pisua jasotzeko proba (banku press-a, 35 kg gizonentzat eta 25 kg emakumeentzat).
Azalpena: banku batean etzanda, ahoz gora, izangaiak ezarritako pisua jaso behar du 30 segundoan (35 kg gizonek eta 25 kg emakumeek), eta ezarritako gutxieneko jasoaldiak egin (...)".
6. Parte hartzeko eskabideak aurkezteko epea 10 egun naturalez luzatzea, ebazpen hau Nafarroako Aldizkari Ofizialean argitaratu eta biharamunetik hasita. Ez dute parte hartzeko eskabidea berriz aurkeztu beharko hasieran emandako epean egin zutenek, eta ulertzen da eskaerak aurkezteko orain luzatutako epea amaitu bitartean bete behar direla deialdian parte hartzeko baldintzak.
7. Ebazpen hau jakinaraztea Funtzio Publikoko Zuzendaritza Nagusiko Langileriaren Prozedurak Kudeatzeko Zerbitzuari, Egiturako, Plantillako eta Langileen Aldi Baterako Kontratazioetako Zerbitzuari eta Langileriaren Gastuaren Kontrolaren eta Nominen Zerbitzuari, Herritarren Arretarako Bulegoak eta Erregistroak Koordinatzeko Bulegoari eta izendatutako epaimahaikideei, behar diren ondorioak izan ditzan.
Iruñean, 2026ko abuztuaren 10ean.–Funtzio Publikoko zuzendari nagusia, Gloria Arancón Largo.
Iragarkiaren kodea: F2611041
