1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
114C/2026 EBAZPENA, ekainaren 9koa, Ekonomia Sozialeko eta Laneko zuzendari nagusiak emana, zeinaren bidez erabakitzen baita Nafarroako ikastolen hitzarmen kolektiboa aldatzeko akordioa erregistratzea, gordailutzea eta Nafarroako Aldizkari Ofizialean argitaratzea.
Ikusirik Nafarroako ikastolen hitzarmen kolektiboa aldatzeko akordioaren testua (kode zenbakia: 31003835011991), zeina erregistro honetan sartu baitzen 2026ko maiatzaren 13an, enpresen eta sindikatuen ordezkariek 2026ko urtarrilaren 29an sinatu ondoren.
Bat etorriz Langileen Estatutuaren Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen kolektiboak, lan akordio kolektiboak eta berdintasun planak erregistratu eta gordailutzeari buruzko maiatzaren 28ko 713/2010 Errege Dekretuan ezarritakoarekin.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz eta Eskubide Sozialetako, Ekonomia Sozialeko eta Enpleguko Departamentuaren egitura organikoa ezartzen duen azaroaren 15eko 251/2023 Foru Dekretuan xedatutakoa kontuan hartuta,
EBAZTEN DUT:
Lehena.–Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzea Nafarroako ikastolen hitzarmen kolektiboa aldatzeko akordioa (hitzarmenaren kode zenbakia: 31003835011991).
Bigarrena.–Nafarroako Aldizkari Ofizialean argitaratzeko agintzea, orok jakin dezan.
Iruñean, 2026ko ekainaren 9an.–Ekonomia Sozialeko eta Laneko zuzendari nagusia, Iñaki Mendióroz Casallo.
NAFARROAKO IKASTOLEN HITZARMEN KOLEKTIBOAREN AKORDIOA
Iruñean, 2026ko urtarrilaren 29an.
Iruñean, Nafarroako Ikastolen Elkartearen egoitzan, bi mila eta hogeita seiko urtarrilaren 26an, mahai negoziatzaileko kideak bildurik, hitzarmen kolektibo honen eraginpeko sektorearen gehiengoa ordezkatzen duten NIEko eta LABeko ordezkariak elkartu dira eta ondorengo akordioa sinatu dute:
AKORDIOA:
Parte hartzaileak:
NIEren aldetik: Josu Reparaz Leiza, Begoña Muñoz Aramburu.
LABen aldetik: Miren Agurtzane Senar Lizarraga, Adur Ramirez de Alda Pozueta.
1) Binkulograma: Familia nuklear heteropatriarkalaren logika gainditzeko eta ahaidetasun-harremana duten kideez gain beste lotura emozional eta/edo sozial bat izan dezaketen pertsonak artatu ahal izateko zaintza-neurria.
Langileak berak zaindu behar duen edo zaindu nahi duen pertsona bat aukeratuko du bi urterako.
Pertsona hori 1. mailako senide gisa aitortua izango da (hau da, langileak zaintzeko baimen berberak izango ditu).
Pertsona hori izendatzeko prozesua 2026ko urtarrilean hasiko da, eta bi urtean behin berritu beharko da. Aldi horretan langileak bere egoera aldatu izanagatik izendatutako pertsona aldatu nahi badu, aldatu ahal izango du, baina bi urteko aldi horretan behin bakarrik irekiko zaio aukera hori.
2) 2025 urterako ordainsari taulak sinatzea: Bertan ikastolak 2025 urtean jada aplikatzen ari diren taulen gaineko %0,2ko igoera jasoko da, atzerapenak 2025/01/01tik ordainduz.
Hau horrela dela ager dadin, agiri hau sinatzen da goiburuan adierazitako tokian eta egunean.
2025ERAKO ORDAINSARI TAULAK |
| OINARRIZKO SOLDATA | ANTZINATASUNA |
I. TALDEA |
A) IRAKASLEAK |
HAUR ETA LEHEN HEZKUNTZA |
Irakasle titularra | 34.894,75 euro | 751,00 euro |
Irakasle espezialista | 32.511,99 euro | 751,00 euro |
DERRIGORREZKO BIGARREN HEZKUNTZA |
1. zikloko irakaslea | 40.055,22 euro | 907,39 euro |
2. zikloko irakaslea | 40.055,22 euro | 907,39 euro |
BATXILERGOA |
Irakasle titularra | 40.055,22 euro | 907,39 euro |
B) IRAKASKUNTZAKO LANGILE TEKNIKOAK |
Psikologoak, pedagogoak | 40.055,22 euro | 907,39 euro |
C) IRAKASKUNTZAKO LAGUNTZA ZERBITZUETAKO LANGILEAK |
Instruktorea | 28.604,19 euro | 633,25 euro |
II. TALDEA |
ADMINISTRAZIOKO LANGILEAK |
Administrazioko burua edo idazkaria | 33.922,18 euro | 781,15 euro |
Administrari-ofiziala | 28.727,81 euro | 690,45 euro |
Administrari laguntzailea | 24.879,99 euro | 642,24 euro |
III. TALDEA |
ZERBITZU OROKORRETAKO LANGILEAK |
Sukaldari nagusia | 27.412,92 euro | 642,24 euro |
Sukaldaria | 24.887,26 euro | 642,24 euro |
Sukaldari laguntzailea | 23.297,68 euro | 642,24 euro |
Atezaina | 23.870,54 euro | 642,24 euro |
Mantentze-lanetako langilea | 23.422,13 euro | 642,24 euro |
Jantokiko eta garbiketako langilea | 22.758,17 euro | 642,24 euro |
Zelaia | 22.758,17 euro | 642,24 euro |
Zerbitzu anitzetako langileak | 22.758,17 euro | 642,24 euro |
IV. TALDEA | | |
ZAINTZA |
HH Hezitzailea | 22.758,17 euro | 642,24 euro |
Behar berezitako laguntzailea | 21.079,03 euro | 618,29 euro |
Iragarkiaren kodea: F2608457
