1. NAFARROAKO FORU KOMUNITATEA
1.7. BESTELAKOAK
258E/2026 EBAZPENA, ekainaren 8koa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez onartzen baita Tuterako udal mugartean beira laua fabrikatzen duen instalazio baten ingurumen baimen integratuan ezarritako funtzionamendu baldintzetan eskatu den aldaketa. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Guardian Industries Navarra SLU da.
Espediente mota | Ingurumen baimen integratuaren baldintzak aldatzea |
Espedientearen kodea | 0001-0121-2026-000020 | Hasiera eguna | 2026-04-30 |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | Sartu gabeko zentroa |
1/2016 Legegintzako Errege Dekretua, abenduaren 16koa | I. eranskina / 3.3 |
2010/75/EB Zuzentaraua, azaroaren 24koa | I. eranskina / 3.3 |
21/2013 Legea, abenduaren 9koa | I. eranskina / 4.i) taldea |
Instalazioa | Beira laua fabrikatzea |
Titularra | Guardian Industries Navarra SLU |
Ingurumen identifikaziorako zenbakia | 3123202106 |
Tokia | Montes del Cierzo industrialdea, N-232 errepideko 86. km-a - 24. poligonoa, 101. lurzatia |
Koordenatuak | UTM-ETRS89, 30N eremua, X: 610.283 eta Y: 4.664.562 |
Udalerria | Tutera |
Proiektua | Sortzen diren hondakinen zerrendan hondakin berri batzuk sartzea, 120104, 120199 eta 070213 EHZ kodeak dituztenak |
Instalazio horrek badu ingurumen baimen integratua, Ingurumenaren eta Uraren zuzendari nagusiak urtarrilaren 13ko 0156/05 Ebazpenaren bidez emana, gero Ingurumenaren eta Uraren zuzendari nagusiaren otsailaren 5eko 46E/2014 Ebazpenaren bidez eguneratua.
Ekonomia Zirkularraren eta Berrikuntzaren Zerbitzuak aztertu du aurkeztutako eskaera, eta balorazio hau egin du:
EHZ KODEA | DESKRIBAPENA | BALORAZIOA |
07 02 13 | Plastikozko hondakinak: beira ijeztuaren PVB txatalak | Onartzen da instalazioan sortzen diren hondakinen zerrendan sartzea. |
12 01 04 | Burdinazkoak ez diren metalen hautsa eta partikulak | Onartzen da instalazioan sortzen diren hondakinen zerrendan sartzea, "magnetron sputtering" prozesuko ganberan gelditutako zilar hondakinak badira. |
12 01 99 | Beste kategoria batean zehaztu gabeko hondakinak: zilar katodo erabiliak (target) | Onartzen da instalazioan sortzen diren hondakinen zerrendan sartzea, "magnetron sputtering" prozesuko zilar katodoak badira, balio-bizitzaren bukaeran; 10 11 99 target hondakina kentzen da, ez baita hain egokia haren erabilerarako. |
Era berean, 10 11 99 EHZ kodetik hondakin hauek ere kentzen dira, egokiagoa den 17 04 05 EHZ kodearen arabera sortzen baitira: "coater granailaketa hautsa" eta "metalezko lingoteak".
Bestalde, 20. kapituluko hondakin batzuk kenduko dira, ondorengo taularen arabera. Hondakin horiek etxeko hondakinak baino ez dira, eta dagokion toki entitatearen bidez kudeatu behar dira (kasu honetan, Erriberako Mankomunitatearen bidez). Beraz, ez dira zerrenda honetan agertu behar:
EHZ KODEA | DESKRIBAPENA | BALORAZIOA |
20 01 01 | Papera | EHZ kode hau kendu da sortutako hondakinen zerrendatik. Hondakin honetarako 15 01 01 EHZ kodea erabiltzen da, lehendik baimenduta dagoena. |
20 01 21* | Lanpara fluoreszenteak | EHZ kode hau aldatzen da, eta aurrerantzean 20 01 21 31 * EHZ kode zabaldua izanen da. |
20 01 34 | Pila alkalinoak | EHZ kode hau kendu da sortutako hondakinen zerrendatik. Hondakin honetarako 16 06 04 EHZ kodea erabiliko da. Zerrendan sartu da. |
20 01 35* | Material elektrikoa/elektronikoa | EHZ kode hau kendu da sortutako hondakinen zerrendatik. Hondakin honetarako 16 02 13 41 * y 16 02 13 51 * EHZ kodeak erabiliko dira. Zerrendan sartu dira. |
20 01 36 | Sodio lanparak | EHZ kode hau kendu da sortutako hondakinen zerrendatik. Hondakin honetarako 20 01 21 31 EHZ kodea erabiliko da. Ingurumen baimen bateratuan 20 01 21 zenbakiarekin ageri da, EHZ kode zabalduarekin aldatua. LED lanparetarako 16 02 14 32 EHZ kodea sartu da. |
20 01 38 | Zura | EHZ kode hau kendu da sortutako hondakinen zerrendatik. Hondakin honetarako 15 01 03 EHZ kodea erabiltzen da, lehendik baimenduta dagoena. |
20 01 39 | Plastikoa | EHZ kode hau kendu da sortutako hondakinen zerrendatik. Hondakin honetarako 15 01 02 EHZ kodea erabiltzen da, lehendik baimenduta dagoena. |
20 01 39 | Poliestirenoa | EHZ kode hau kendu da sortutako hondakinen zerrendatik. Hondakin honetarako 15 01 02 EHZ kodea erabiltzen da, lehendik baimenduta dagoena. |
20 01 39 | PVC ebakinak | EHZ kode hau kendu da sortutako hondakinen zerrendatik. Hondakin honetarako 15 01 02 EHZ kodea erabiltzen da, lehendik baimenduta dagoena. |
20 01 39 | Zelofana | EHZ kode hau kendu da sortutako hondakinen zerrendatik. Hondakin honetarako 15 01 02 EHZ kodea erabiltzen da, lehendik baimenduta dagoena. |
20 03 01 | Hiri-hondakinekin pareka daitezkeen hondakinak | EHZ kode hori kendu da sortutako hondakinen zerrendatik; izan ere, etxeko hondakinak baino ez dira, eta dagokion toki entitatearen bidez kudeatu behar dira. |
Onartutako aldaketek ez dute eragozten instalazioaren funtzionamendu egokia ingurumenari dagokionez, eta bat datoz ingurumen baimen integratuan ezarritako gehieneko isurketa-balioekin eta gainerako eskakizunekin, bai eta teknika erabilgarri onenen aplikazioarekin ere.
Kasu honetan, Ingurumenean Eragina duten Jarduerak arautzen dituen abenduaren 16ko 17/2020 Foru Legea garatzeko Erregelamenduaren 35. artikuluan ezarritako inguruabarrak gertatzen direla uste da, eta, ondorioz, bidezkoa da ingurumen baimen integratuan ezarritako baldintzak ofizioz aldatzea, artikulu horretan ezarritako administrazio prozedurarekin bat etorriz, eta ez da egokitzat jotzen aldaketa-espediente hau jendaurrean jartzea.
Ebazpen proposamena hamabost egunez egon da instalazioaren titularrari entzunaldia emateko izapidean, eta hark ez du proposamenaren aurkako alegaziorik aurkeztu.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehenengoa.–Onartzea Tuterako udal mugartean beira laua fabrikatzen duen instalazio baten ingurumen baimen integratuan ezarritako funtzionamendu baldintzetan eskatu den aldaketa; horren ondorioz, instalazioak eta hango jarduerak ebazpen honen eranskinean adierazitako baldintzak bete beharko dituzte. Instalazioaren titularra Guardian Industries Navarra SLU da.
Bigarrena.–Ebazpen honetan jasotako baldintzak betetzen ez badira, Kutsaduraren Prebentzio eta Kontrol Integratuaren Legearen testu bateginaren IV. tituluan jasotako ingurumen diziplinako neurriak hartuko dira (testu bategin hori abenduaren 16ko 1/2016 Legegintzako Errege Dekretuaren bidez onetsi zen), eta, subsidiarioki, Ingurumenean Eragina duten Jarduerak arautzen dituen abenduaren 16ko 17/2020 Foru Legearen III. tituluan ezarritako zehapen araubidean jasotakoak, ezertan galarazi gabe legeria sektorialean ezarritakoa, aurrerantzean ere aplikatu beharko baita.
Hirugarrena.–Ebazpen hau Nafarroako Aldizkari Ofizialean argitaratzea.
Laugarrena.–Ebazpen honek ez du administrazio bidea amaitzen, eta interesdunek, administrazio publikoek izan ezik, gora jotzeko errekurtsoa jartzen ahalko dute haren kontra, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik aurrera kontatuko dira.
Bosgarrena.–Ebazpen hau Guardian Industries Navarra SLUra eta Tuterako Udalera igortzea, behar diren ondorioak izan ditzan.
Iruñean, 2026ko ekainaren 8an.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.
Oharra: Ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Berrikuntzaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/CentroPublicaciones.html#/CentroPublicaciones.
Iragarkiaren kodea: F2608601
