Iragarkia

119. ALDIZKARIA - 2026ko ekainaren 19a

1. NAFARROAKO FORU KOMUNITATEA

1.7. BESTELAKOAK

96/2026 EBAZPENA, maiatzaren 27koa, Azpiegituretako, Digitalizazioko eta Hezkuntza Zerbitzuetako zuzendari nagusiak emana, zeinaren bidez onesten baitira 2026-2027 ikasturteko eskola-garraioaren zerbitzua antolatzeko eta haren funtzionamendurako jarraibideak.

Hezkuntzari buruzko maiatzaren 3ko 6/2006 Lege Organikoaren 4. artikuluak ezartzen duenez, "lege honen 3.3 artikuluan aipatutako oinarrizko irakaskuntza nahitaezkoa eta doakoa da pertsona guztientzat". Oinarrizko irakaskuntzaren barruan, lehen hezkuntza, derrigorrezko bigarren hezkuntza eta oinarrizko mailako heziketa zikloak sartzen dira (LOE legearen 3.3 artikulua).

Eskola-garraioaren zerbitzua gero eta konplexuagoa denez eta gero eta bolumen handiagoa duenez, beharrezkoa izan zen maiatzaren 11ko 35/2022 Foru Agindua onestea, eskola-garraioaren antolaketa eta funtzionamendua arautzen dituena Nafarroako Foru Komunitatean, non zerbitzu horren ildo nagusiak eta jarduketa-irizpideak finkatzen baitira.

Foru agindu horretan ezartzen da, orobat, beste alderdi koiunturalago batzuk ebazpen baten bidez zehaztuko direla, non ikasturte bakoitzeko beharren araberako jarraibideak onetsiko baitira.

Hori horrela, ebazpen honen helburua da foru agindu hartan adierazitako alderdiak finkatzea 2026-2027 ikasturterako.

Banakako laguntzak deitutakoei dagokienez, Ekonomia eta Ogasun Departamentuko Kontu-hartze Orokorraren Zerbitzuak eskatutakoari jarraituz, 2026-2027 ikasturteko kostu ekonomikoaren aurreikuspena egin da.

Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz,

EBAZTEN DUT:

1. Onestea 2026-2027 ikasturteko eskola-garraioaren zerbitzua antolatzeko eta haren funtzionamendurako jarraibideak, zeinak ebazpen honen eranskinetan jaso baitira.

2. Ebazpen honetan aipatzen diren banakako laguntzen kostua onestea 2026-2027 ikasturteko 2026ko irailaren 1etik 2027ko abuztuaren 31ra arteko eperako, zeina 1.350.000,00 euroan zenbatetsi baita. Diru kopuru horretatik 458.571,43 euro 2026ko irailetik abendura arteko eperako dira, eta 2026ko gastu-aurrekontuko "Eskola-garraiorako banakako laguntzak" izeneko 430005 43500 4800 324100 partidaren kargura finantzatuko dira; gainerakoa, 891.428,57 euro, 2027ko urtarriletik abuztura arteko epeari dagokio, eta 2027an horretarako sortzen den partidaren kargura finantzatuko da, baldin kreditu egokia eta nahikoa baldin badago.

3. Ebazpen honetan xedatutakoa eta eranskinak Nafarroako Aldizkari Ofizialean argitaratzea.

4. Adieraztea ebazpen honen kontra gora jotzeko errekurtsoa jartzen ahal dela, Hezkuntza Departamentuko kontseilariari zuzendua, argitaratu eta biharamunetik hasita hilabeteko epean.

5. Ebazpen hau eta eranskinak igortzea, behar diren ondorioak izan ditzaten, interesdun diren ikastetxe publiko guztietara, Ekonomia eta Ogasun Departamentuak Hezkuntzakoan duen kontu-hartzaileari, Lurralde Kohesiorako Departamentuko Garraioen Kudeaketa eta Antolamenduaren eta Mugikortasunaren Zerbitzura, Hezkuntzako Ikuskapen Zerbitzura, Zerbitzu Osagarrien Atalera eta Kontabilitatearen Kudeaketarako Bulegora.

Iruñean, 2026ko maiatzaren 27an.–Azpiegituretako, Digitalizazioko eta Hezkuntza Zerbitzuetako zuzendari nagusia, Luis Calatayud Yuste.

I. ERANSKINA.–2026-2027 ikasturteko eskola-garraioaren zerbitzua antolatzeko eta haren funtzionamendurako jarraibideak

1.–Eskola-garraioaren aurreikuspena eta ibilbideak 2026-2027 ikasturterako.

Hezkuntza Departamentuak maiatzaren 11ko 35/2022 Foru Aginduan adierazitakoarekin bat antolatu, kudeatu eta finantzatuko du eskola-garraioa. Zerbitzu horiek kudeatzeko, beharrezkoa da ikastetxeek eta Nafarroako Hezkuntza Ekitaterako Baliabide Zentroak (NHEBZ) behar diren datuak jakinaraztea Hezkuntza Departamentuak horretarako jarritako bitarteko elektronikoen bidez. Datu horiek aurkezteko epea finkatzerakoan kontuan hartuko da eskola-garraioaren onuradun izanen diren ikasleak onartzeko ebazpenetan ezarritako egutegia.

2026-2027 ikasturterako eskola-garraioaren ibilbideak eta geralekuak EDUCAn kargatuta daude jadanik.

–Autobusez edo taxiz garraiatzeko eskubidea duten eta, gainera, banakako laguntzarik jasotzen ez duten ikasleen kasuan, ikasmailaz igotzen badira edo ikasmaila errepikatzen badute, ikastetxeak hurrengo ikasturtera igaro ondoren, EDUCAk automatikoki esleituko die 2025-2026 ikasturteko ibilbide eta geraleku bera, salbu eta ibilbidearen izena aldatu bada edo geralekua ibilbidetik kendu bada, orduan ezinezkoa baita ibilbidea-geralekua behar bezala eguneratzea. Ikastetxeek akatsik ez dagoela egiaztatu beharko dute, eta eserlekuaren zenbakia grabatu, besterik ez.

–Autobusez edo taxiz garraiatzeko eskubidea izateaz gainera, banakako laguntza jasotzen duten ikasleen kasuan, ikasmailaz igotzen badira edo ikasmaila errepikatzen badute, ikastetxeak hurrengo ikasturtera igaro ondoren, EDUCAk automatikoki esleituko die 2025-2026 ikasturteko ibilbide eta geraleku bera, salbu eta ibilbidearen izena aldatu bada edo geralekua bidetik kendu bada, orduan ezinezkoa baita ibilbidea-geralekua behar bezala eguneratzea. Banakako laguntza-modalitate bera ere esleituko zaio, eta, beraz, ikastetxeek dagokion inprimakia eskatu beharko diote familiari 2026-2027 ikasturterako, akatsik ez dagoela egiaztatu beharko dute eta eserlekuaren zenbakia grabatu beharko dute.

–EDUCAk ez du eserleku hutsa erabiltzen duten ikasleen garraio-daturik sartuko, ez eta bakarrik banakako laguntza jasotzen dutenenak ere, garraio-ibilbidea esleitua ez badu.

–Garraiatutako ikasleen matrikula berrien kasuan, EDUCAn matrikulatu ondoren, 2026-2027 ikasturteko eskola-garraioari dagozkion datuak bete beharko dira (modalitatea, ibilbidea, geralekua, eserlekua, etab.).

1. Eskola-garraioa da, edozein dela ere haren modalitatea, onuradun diren ikasleak eramatea haien ohiko bizilekutik dagokien ikastetxera eta handik itzultzea. Ondorio horietarako, ohiko bizilekutzat hartuko da ikaslea erroldatuta dagoen bizilekua; dagokion errolda-ziurtagiriaren bidez egiaztatu beharko da hori. Ikastetxearen erantzukizuna izanen da ohiko bizilekua egiaztatzea, eskola-garraioko zerbitzua erabili ahal izateko. Ez da eskola-garraioaren barruan sartuko eskolaz kanpoko jardueretara, praktiketara edo beste etxe batzuetara joatea.

2. Eskola-garraioa erabiltzeko eskubidea edukiz gero (dela Hezkuntza Departamentuak antolatzen eta kudeatzen duen garraio kolektiboaren bidez, dela garraiorako banakako laguntzen bidez, edo bi aukera horiek uztartuta) "Eskola-garraioa erabiltzen du" laukitxoa markatu beharko da EDUCAn.

Ondoren, zer garraiatu mota den adierazi beharko da:

a) Eskubideduna (autobusa, taxia); hautatu beharko dira, joaneko zein etorriko bidaiarako, dagozkion ibilbidea, geralekua eta eserlekua. EDUCAk, berez, koordenatuen arabera hurbilen diren ibilbide eta geralekuak eskainiko ditu, baina menua zabalduta beste batzuk aukeratzen ahalko dira.

b) Eskubideduna (banakako laguntza); modalitate mota bat hautatu beharko da (hiri-garraioa, garraio erregularra edo beste baliabide batzuk, eta distantzia), eta laguntza eskatu duen ikasleak emandako datuak adierazi beharko dira.

c) Eskubideduna (autobusa/taxia eta banakako laguntza); ibilbideak, geralekuak eta eserlekuak hautatu beharko dira, eta modalitatea adierazi, baldin eta ikasle eskubideduna bere kasa joaten bada hurbilen dagoen autobus edo taxi geralekura eta joan-etorri horretarako banakako laguntza eskatu badu.

3. Ikasleari eserleku huts bat esleitu bazaio, "Eskola-garraioa erabiltzen du" laukitxoa markatuko da eserlekua esleitutakoan, eta zer garraiatu mota den adieraziko da: Eserleku hutsa (eskubiderik gabekoa baina eserleku hutsa erabiltzen duena); hautatu beharko da, joaneko zein etorriko bidaiarako, zer ibilbide, geraleku eta eserleku dagokion. EDUCAk, berez, koordenatuen arabera hurbilen diren ibilbide eta geralekuak eskainiko ditu, baina menua zabalduta beste batzuk aukeratzen ahalko dira.

4. Ikasleen gurasoak bananduta/dibortziatuta badaude eta zaintza partekatua badute:

–Lehenik eta behin, ikaslea erroldatuta dagoen herriari esleitutako ibilbidea adierazi beharko da.

–Familiaren bizilekua den beste herriak eskola-garraiorako ibilbidea eta geralekua baditu, dagokion eremua aktibatuko da EDUCAn, eta bigarren ibilbidea, geralekua eta eserlekua gehituko dira. Bigarren kasu horretan, ibilbiderik edo eserleku librerik ez badago, banakako laguntza eskatzen ahalko da.

5. Garraio-moduluari buruzko informazioa eguneratuta eduki beharko da ikasturtean zehar.

6. Hezkuntza Departamentuak antolatu eta kudeatzen duen garraio kolektiboaren modalitatean eskola-garraiorako eskubidea eta eserlekua esleituak dituzten ikasleen kasuan, garraio hori ohikotasunez erabiltzen ez badute, modalitate horretako eserlekuaren esleipena galtzen ahalko dute.

7. Ikastetxeek jantoki-zerbitzua emanen dute ikasturteko eskola-egun guztietan, arratsaldez eskola-jarduerarik dagoen edo ez kontuan hartu gabe. Horren barruan sartzen dira eskolaldia goizekoa bakarrik den egunak, hala nola eguberrietako, Aste Santuko edo udako oporren bezperak. Halakoetan, itzulerako eskola-garraioa jantoki-zerbitzuaren ondoren eginen da, eta ikastetxeek, ikasturtearen hasieran, garraio-enpresekin koordinatu beharko dute irteera-ordutegi zehatza.

2.–Eskola-garraiorako banakako laguntzak ematea.

Ikasleak eskola-garraiorako eskubidea izanik, ez badago bizi den herritik ikastetxerainoko bide osoa ibilgailuetan egiteko ibilbide antolaturik, dagokion banakako laguntza eskatzen ahalko du bere kasa egiten duen ibilbide-tarterako.

Era berean, eskola-garraioa erabiltzea aldi baterako eragozten duten gorputz-lesioak dituzten ikasleen kasuan, eskola-garraiorako eskubidea izanik, ikastetxera beren kasa joatera behartuta badaude, dagokion banakako laguntzaren zati proportzionala eskatzen ahalko da, deskribatutako egoerak irauten duen egunetan.

2.1. Eskola-garraiorako banakako laguntzak eskatzeko data. Familiari ordaindu izanaren eta ikastetxera joatearen frogagiria.

Ikasleak eskolatuak dauden ikastetxeen bidez eskatuko dira laguntzak. Horretarako, ebazpen honen II. eranskinean dagoen eskabide eredua erabiliko da.

OSO GARRANTZITSUA: laguntza hauetarako, ikastetxeek laguntzen hartzekoduntzat jotzen diren ikasleen eskaerak baino ez dituzte tramitatuko, hots, berariaz baztertuko dira honako arrazoi hauengatik laguntza horiek jasotzeko eskubiderik ez dutenak:

–Ibilgailuetan antolatutako ibilbide bat erabilgarri izatea baina hura ez erabiltzea.

–18 urte baino gehiago betetzea ikastaroa hasten den urte naturalean (2007an edo lehenago jaiotako pertsonak), foru aginduan ezarritako salbuespenetan izan ezik.

–Foru aginduan jasota ez dauden ikasketak egitea (goi mailako heziketa zikloak, diseinuko goi mailako ikasketak, helduentzako irakaskuntzak eta abar).

–Erdi mailako heziketa zikloen, Batxilergo Orokorraren, Nazioarteko Batxilergoaren eta Arteetako Batxilergoaren kasuan: aurreinskripzioa egitean, lehentasunez eskatu ez izana ikasketa horiek ematen dituen eta ohiko bizilekutik hurbilen dagoen ikastetxe publikoa.

–Foru aginduan jasotako beste edozein egoera (gutxieneko distantzia baino txikiagoa, zonifikaziotik kanpo bizitzea, etab.).

Ikastetxeek banakako laguntzaren eskubidedun jotzen dituzten ikasleen eskaerak kudeatu eta EDUCAn sartuko dituzte; ondoren, eta betiere 2026ko irailaren 30a baino lehen, mezu elektroniko bat bidaliko dute complementarioseducativos@cfnavarra.es helbidera, ikasturteko lehen hiruhilekoari dagokion ordainketa egin dadila eskatzeko. Agiri bakarra erantsi beharko da, zuzendaritzak sinatua, non ziurtatuko baita banakako laguntza jaso dezaketen eskaerak kudeatu/sartu direla, egiaztatu dela EDUCAn ageri diren matrikulazio eta bizileku datuak ikaslearen benetako egoerarekin bat datozela eta, azkenik, EDUCAn garraioari dagokion moduluan sartu den informazioa jasotako eskaeran ageri den bera dela. Ez da bizileku-ziurtagiririk erantsiko, Zerbitzu Osagarrien Atalak berariaz eskatzen ez badu.

Bigarren eta hirugarren hiruhilekoen ordainketa kudeatzeko, ikastetxeek datuak eguneratuko dituzte EDUCAn –hala behar denean– (aldaketak, altak, bajak...), eta mezu elektroniko bat bidaliko dute complementarioseducativos@cfnavarra.es helbide elektronikora, ikasturteko bigarren eta hirugarren hiruhilekoko ordainketa egin dadin eskatzeko, otsailaren 4a eta maiatzaren 6a baino lehen, hurrenez hurren. Agiri bakarra erantsi beharko da, zuzendaritzak sinatua, non ziurtatuko baita banakako laguntza jaso dezaketen eskaerak kudeatu/sartu direla, egiaztatu dela EDUCAn ageri diren bizileku datuak ikaslearen benetako egoerarekin bat datozela eta, azkenik, EDUCAn garraioari dagokion moduluan sartu den informazioa jasotako eskaeran ageri den bera dela. Aurreko hiruhilekoko datuekin alderatuta gertatu diren aldaketak, altak eta bajak adierazi beharko dira, halakorik bada: ukitutako ikasleak, aldaketaren/altaren/bajaren data, praktikak egiteagatik ikastetxera joaten ez diren ikasleak, lantokiko prestakuntza bukatzen duten ikasleak eta abar.

Zerbitzu Osagarrien Atalak eginen ditu onartutako laguntzei dagozkien hiruhilekoko ordainketak, EDUCAn sartutako dokumentazioa aztertu ondoren. Behin ordainketak ikastetxeetara bidalita, haiek ikasleen familiei ordainduko diete, dirua sartu izana justifikatuko dute eta ikaslea ikastetxera joan dela egiaztatuko dute.

Departamentuak noiznahi ere erabil ditzake esleiturik dituen egiaztatze, kontrol eta ikuskatze ahalmenak; horrek ekar dezake onartutako zenbatekoak hein batean edo osorik itzuli behar izatea.

2.2. 2026-2027 ikasturterako laguntza motak eta horien zenbatekoak honako hauek izanen dira:

a) Eskualdeko hiri garraioaren zerbitzua edo hiriko garraioa erabiltzeko aukera duten ikasleak: 30 eguneko abonamenduaren prezioa edo, hala badagokio, hileko prezioa irailaren 1ean, ikasturteko eskola-egunei dagokiena.

b) Bidaiarien garraio erregularreko zerbitzua erabiltzeko aukera duten ikasleak: txartelaren prezioa irailaren 1ean, ikasturteko eskola-egunei dagokiena.

c) Aurreko bi letretan aipatutako garraio zerbitzuak erabiltzerik ez duten ikasleek ondoko taulan ezarri diren zenbatekoak jasoko dituzte, honako irizpide hauekin bat:

–Ikaslearen ohiko bizilekuaren eta ikastetxearen edo hurbilen dagoen eskola-autobusaren geralekuaren arteko distantzia.

–Ikasle bat baino gehiago badaude herri edo bizitegi-zona bakandu berean, eta herri berera joan behar badute, ikastetxe batera edo batzuetara, bateragarria den ordutegian, garraiorako banakako laguntzak kalkulatzeko, erabilitako garraiobidearen antolaketa bateratua hartuko da kontuan, baimendutako tokiak bete arte.

Diru kopuru horiek ikasturteko eta ikasle osorako dira.

Distantzia, laguntza hauen kalkuluari dagokionez, ikaslearen etxebizitza dagoen herriko herrigunearen eta ikastetxearen edo hurbilen dagoen garraio kolektiboko geralekuaren artean dagoena izanen da. Bizitegi-zona bakanduen kasuan (baserriak, etab.), distantzia ikaslearen etxetik bertatik hasita neurtuko da.

Banakako laguntza hau bateraezina da Nafarroako Gobernuaren eta Hezkuntza, Lanbide Heziketa eta Kirol Ministerioaren beka-deialdietako garraio- eta egoitza-laguntzekin.

3.–Laguntzailearen betebeharrak eta eginkizunak.

Hezkuntzako kontseilariaren maiatzaren 11ko 35/2022 Foru Aginduan ezarritakoa gorabehera, adingabeak garraiatu bitartean zaintzeak honako eginkizun hauek hartzen ditu barne:

a) Ikasleak jasotzea eta haiei lagun egitea, ikastetxearen eremuaren barnetik edo ikastetxearen eremu barneraino, zein den kasua, eta ilara-burua izatea ikastetxearen eremura sartzeko eta handik ateratzeko ibilbidean. Lan horretan, ikastetxeko Zerbitzu Osagarrien Planean eginkizun horretarako ezarritako irakasleen laguntza izanen du, Haur Hezkuntzako eskola publikoen, Lehen Hezkuntzako ikastetxe publikoen eta Haur eta Lehen Hezkuntzako ikastetxe publikoen Erregelamendu Organikoa garatzen duen uztailaren 16ko 257/1998 Foru Aginduaren 7. artikuluan eta Bigarren Hezkuntzako Institutuen Erregelamendu Organikoa garatzen duen uztailaren 16ko 258/1998 Foru Aginduaren 10. artikuluan ezarritakoari jarraikiz.

b) Garraioaren ibilbide osoa egitea, lehenbiziko geralekutik ibilbidearen bukaeraraino, kontrolatuz nola igotzen eta jaisten diren ikasleak ezarritako geralekuetan.

c) Ibilgailu barruan egotea lehen ikaslea igotzen denetik azkena jaisten den arte, dagozkion funtzioak betez, betiere, ikasleak ikastetxearen eremura sartzen diren arte.

d) Orobat, itzultzeko ibilbidean, abiaburuko ikastetxearen eremuan egotea ikasleak ateratzeko ordua baino 5 minutu lehenago, egiaztatzea ikasleak autobusera igotzen direla eta ibilgailuan egotea, dagozkion funtzioak betez, azkeneko ikaslea jaitsi arte.

e) Egiaztatzea ezen ikastetxeak emandako ikasleen zerrendako ikasleek bakarrik erabiltzen dutela dagokien garraio zerbitzua.

f) Mugikortasun murriztua duten ikasleei laguntzea autobusera igotzen eta autobusetik jaisten.

g) Ikasleei eserlekuak esleitzea eta, hala badagokio, haiek egiaztatzea, kontuan harturik haien adina, nongoak diren edo bidezkotzat jotzen diren bestelako irizpideak. Autobusa abiatu baino lehen ikasle guztiak eserita daudela egiaztatzea. Ez uztea inola ere ikasle kopurua eserleku kopurua baino handiagoa izan dadila.

h) Ibilgailuaren eserlekurik irisgarrienak mugikortasun urriko ikasleentzat erreserbatzea.

i) Eskola-materiala (motxilak, zorroak, karpetak eta abar) toki egokietan kokatzen dela egiaztatzea, ibilbidean zehar inolako arriskurik sor ez dezan.

j) Ibilgailuaren maletategian bagajerik sartu behar bada, bertan egotea bagajea sartzen eta ateratzen den bitartean.

k) Garraiatutako ikasleak ongi portatzen direla begiratzea, borrokarik, eztabaidarik eta jokabide txarrik gabe.

l) Geralekuetan jaisten lehenbizikoa izatea, adierazteko zein den unerik egokiena ikasleak ibilgailura sartzeko edo handik ateratzeko.

m) Ikasleak ondoezik badaude edo bidaian beste gorabeherarik gertatzen bada, horren berri ematea ikastetxeko arduradunari, helmugara iritsitakoan. Etxera itzultzeko bidaian bada, horren berri gurasoei edo arduradunei ematea, dagokien geralekuan. Ondoezak larria baldin badirudi, gaizki dauden haurrak zaintzea, eta larrialdietako medikuei deitzea (112) jarraibideak jasotzeko, nola jokatu jakitearren.

n) Ikastetxeko zuzendaritzari ikasleen diziplinako hutsegiteen berri ematea, horrelakorik badago.

ñ) Segurtatzea gurasoek edo haiek izendatutako pertsonek jasotzen dituztela ikasleak, eta, haietako inor ez badago, ez uztea haurrei ibilgailutik jaisten. Halakoetan, saiatuko da gurasoekin edo ikastetxeko arduradunekin harremanetan jartzen. Ez badu lortzen haietako inor lokalizatzea, hurbilen dagoen agintaritza publikoaren egoitzan utzi beharko du ikaslea (Udaltzaingoa, Foruzaingoa edo Guardia Zibila), behin ibilbidea bukaturik.

o) Eramaten diren ikasleen kopuruari dagokionez eskola-garraioaren funtzionamenduan dauden aldaketen, atzerapenen edo zerbitzuko beste edozein gorabeheraren berri ematea ikastetxeko zuzendaritzari.

p) Laguntzailearen presentzia nahitaezkoa den kasuetan, ezin izanen da garraioa egin laguntzailea ibilgailuan ez badago, salbu eta garraioa ez egiteak arrisku handiagoa balekar adingabeentzat. Ustekabean laguntzailea agertzen ez bada, enpresak behar diren neurriak hartuko ditu hura berehalakoan ordezteko.

q) Ibilgailua matxuratzen bada, ibilgailuaren barnean geldituko da ikasleekin, lasai, eta ikasleak entretenituko ditu harik eta gorabehera konpontzen den arte. Gertatutakoaren berri emanen dio ikastetxeari.

r) Istripurik izanez gero, lasai egon beharko du, eta zerbitzuaren erabiltzaileak lasaitu beharko ditu, balizko kalte fisikoak baloratuko ditu, eta zauritutako adingabeak babestu eta artatu, lehen laguntzaz dakienaren arabera; halaber, ez du deus eginen zauriren bat izan dutenak kalte ditzakeenik, 112 zenbakira deituko du eta istripuaren berri emanen dio ikastetxeko zuzendaritzari, zeinak ikasleen gurasoei edo arduradun baimenduei emanen baitie gertatutakoaren berri.

s) Jakingarria izan daitekeen edozein aldaketaren berri (ibilgailua, ibilbidea, etab.) ematea ikastetxeari eta Hezkuntza Departamentuari, horretarako gaitu diren bitarteko elektronikoen bidez.

t) Garraioaren arduradunei laguntzea zerbitzua hobetzeko datuak hartzen eta kontrolatzen.

u) Jakin beharko du ibilgailuaren segurtasun mekanismoak non dauden eta nola funtzionatzen duten; gidariari eskatu beharko dio ibilgailuaren segurtasun mekanismoak aldian behin egiaztatzeko beharrezko duen informazioa.

v) Egiaztatzea ikasleek segurtasun uhala jarrita dutela.

x) Egiaztatzea larrialdietako botikina dagoela, ongi horniturik dagoela, egoera onean, eta aldian behin berrikusten dela.

y) Eskola-garraioari buruzko indarreko araudia ezagutzea eta betearaztea.

z) Hezkuntza Departamentuak aginduta garraio zerbitzuan segurtasuna areagotzea dakarren beste edozein, bai eta eskola-garraiorako eta adingabeen garraiorako segurtasun baldintzak arautzen dituzten arauetan (apirilaren 27ko 443/2001 Errege Dekretua) ezarritakoak ere.

4.–Garraioa planifikatzea beste entitate batzuekin koordinatuta.

Eskola-garraioa beste entitate sustatzaile batzuekin koordinaturik planifikatzen ahalko da, toki entitateekin edo ikastetxe publikoetako guraso elkarteekin esaterako, maiatzaren 11ko 35/2022 Foru Aginduan ezartzen den bezala.

5.–Eserleku hutsak.

Eserleku hutsak erabiltzeko eskaerak 2026ko irailaren 10a baino lehen aurkeztuko dituzte ikasleek, matrikulaturik dauden ikastetxean; horretarako, ebazpen honen III. eranskineko eredua erabili beharko dute. Epe horietatik kanpo aurkezten diren eskaerak onartuak izanen dira baldin eta ezarritako epearen barruan aurkeztutakoak ebatzi ondoren eserleku hutsik gelditzen bada. Ikastetxeek jasotako eskaera guztiak bildu eta ahal den lasterren igorriko dizkiote eskola-garraioko ibilbidearen xedeko ikastetxe publikoari.

2026ko irailaren 14a baino lehen, garraio-ibilbidearen xede den ikastetxe publikoko zuzendaritzak eskuragarri dauden eserlekuak kudeatuko ditu, 35/2022 Foru Aginduan adierazitako lehentasun irizpideak aplikatzearen ondoriozko lehentasun hurrenkerari jarraikiz. Une horretan, EDUCAn garraio-modulua beteko da: garraiatu mota eremuan "eserleku hutsa (eskubiderik gabekoa baina eserleku hutsa erabiltzen duena)" jarriko da, bai eta ibilbidea eta geralekua ere, joanekoak zein etortzekoak.

Garraio zerbitzu hori bi ikastetxe publikok edo gehiagok partekatzen badute, eserleku hutsen gaineko erabakia elkarrekin hartu beharko dute. Iruñerriko "Ikastetxe askotarako adarrak" izeneko ibilbideen kasuan, ikastetxeek berehala grabatuko dituzte Driven eskaerak, eta Zerbitzu Osagarrien Atalak ikastetxe guztiekin koordinatuko du eserlekuen esleipena.

Ezin izanen zaie eserleku hutsik esleitu ikasturtea hasten den urte naturalean 24 urte baino gehiago betetzen dituzten ikasleei (2001ean edo lehenago jaiotako pertsonak).

Eserleku hutsa esleitzea bateraezina da Nafarroako Gobernuaren eta Hezkuntza, Lanbide Heziketa eta Kirol Ministerioaren beka-deialdietako garraio- eta egoitza-laguntzekin.

6.–EDUCA.

Ikastetxeek, ibilbidea eta geralekua esleitzeaz gain, eserlekua ere esleitu beharko diete ikasleei EDUCAn. Era berean, garraiatutako ikaslearen banakako txartela lortuko dute EDUCA bidez, atari horretan behar den esleipena egin ondoren. Gogorarazten da txartel hori erabiltzea beharrezkoa dela eskola-garraioa erabili ahal izateko. Ibilgailuen gidariek sarbidea ukatzen ahalko diete halakorik ez duten ikasleei.

Gainera, ikastetxeek garraio-ibilbideen ordutegiak adierazi beharko dituzte EDUCA atarian, "Ibilbideak" tramitearen bidez (Zerbitzu Osagarriak/Garraioa/Ibilbideak), ibilbidea eta ibilbidearen noranzkoa hautatuz horretarako prestatutako formularioan:

Asteko egunen edo hilabeteen arabera ordutegiak aldatzen diren kasuetan, astean zehar maiztasun handiena duen ordutegia grabatuko da.

EDUCA atarian, ikastetxeek beren ikastetxera garraiatutako ikasleen zerrenda izanen dute ikusgai, non ibilbide guztietako ikasleak agertuko baitira. Gainera, ibilbidea partekatuz gero, beste ikastetxe batzuetako ikasleak ere ikusten ahalko dira.

Gogorarazten da nahitaezkoa dela EDUCAn garraiatutako ikasleei buruzko informazioa eguneratuta edukitzea, ibilbideen, geralekuen edo eserlekuen esleipenean egindako edozein alta, baja edo aldaketa barne, zerbitzua behar bezala ematen dela bermatzeko.

7.–Datuak bidaltzeko egutegia.

II. ERANSKINA.–ESKOLA-GARRAIORAKO BANAKAKO LAGUNTZARAKO ESKABIDEA

Garraiorako banakako laguntzarako eskabidea, maiatzaren 11ko 35/2022 Foru Aginduarekin eta eskola-garraiorako jarraibideen ebazpenarekin bat etorriz

1.–Ikaslearen datuak:

Deiturak eta izena: ....................................................................................................................

NANa: ................................................... Helbidea: ........................................................................... Herria: ........................................................................................

2.–Laguntza emateko datuak:

 Eskualdeko hiri-garraioa edo hiri-garraioa.

 Pertsonen garraio erregularra, txartelaren/bidaiaren kostua: ..................; asteko bidaia kopurua (joanekoak+etorrikoak): ..................

 Beste bitarteko batzuk:

Adierazi garraiobidea: .................................................................................................

Asteko bidaia kopurua (joanekoak+etorrikoak): ......................................................................................

Ikaslearen bizilekuaren eta eskola-autobusa hartzeko geralekuaren edo ikastetxearen artean dagoen distantzia, kilometrotan:

 10 kilometro bitarte.

 10 km baino gehiago eta 20 km bitarte.

 20 km baino gehiago eta 30 km bitarte.

 30 kilometrotik gora.

....................................(e)n, ..............(e)ko ...........................aren ........................(e)(a)n

Amaren, aitaren edo legezko tutorearen izena, sinadura eta NANa

Oharra: eskabide hau ikasle eskatzailea matrikulatuta dagoen ikastetxeko idazkaritzan aurkeztuko da. Laguntza ematen bada, dirua ikastetxeari emanen zaio, honek ikasle hartzailearen familiari egin diezaion ordainketa.

Eranskin honen bidez eskatutako banakako laguntza bateraezina da Nafarroako Gobernuaren eta Hezkuntza, Lanbide Heziketa eta Kirol Ministerioaren beka-deialdietako garraio- eta egoitza-laguntzekin.

III. ERANSKINA.–2026-2027 IKASTURTEKO ESKOLA-GARRAIOAN ESERLEKU HUTSA ERABILTZEKO BAIMENAREN ESKABIDEA

1.–Ikaslearen datuak:

Deiturak eta izena: ..............................................................................................................................

Helbidea: ....................................................................... Herria: ..........................................................

2026-2027 ikasturtean eginen dituen ikasketak: ................................................................................

Ikastetxea: ............................................................................................................................................

2.–Eskatzailearen datuak (ama, aita, legezko tutorea):

Deiturak eta izena: .................................................................................................................................

NANa: ................................................... Helbidea: ...............................................................................

Herria: ..................................................................... Telefonoa: .........................................................

Helbide elektronikoa: ............................................................................................................................

Ikaslearekin duen harremana: ..............................................................................................................

3.–Oharrak:

..................................................................................................................................................................................................................................................................................................................................

.........................................(e)n, ............... (e)ko ..................................aren ......(e)(a)n

Oharra: eskabide hau ikasle eskatzailea matrikulatuta dagoen ikastetxeko idazkaritzan aurkeztuko da. Laguntza ematen bada, dirua ikastetxeari emanen zaio, honek ikasle hartzailearen familiari egin diezaion ordainketa.

Eranskin honen bidez eskatutako banakako laguntza bateraezina da Nafarroako Gobernuaren eta Hezkuntza, Lanbide Heziketa eta Kirol Ministerioaren beka-deialdietako garraio- eta egoitza-laguntzekin.

Iragarkiaren kodea: F2607709