1. NAFARROAKO FORU KOMUNITATEA
1.7. BESTELAKOAK
227E/2026 EBAZPENA, maiatzaren 27koa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez onartzen baita Garesko udal mugartean ibilgailuak desegiteko dagoen instalazio baten ingurumen baimen integratuan ezarritako funtzionamendu baldintzen aldaketa. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Recuperaciones Valdizarbe SL da.
Espediente mota | Ingurumen baimen integratuaren baldintzak aldatzea |
Espedientearen kodea | 0001-0121-2026-000017 | Hasiera eguna | 2026-04-23 |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | Sartu gabeko zentroa |
1/2016 Legegintzako Errege Dekretua, abenduaren 16koa | I. eranskina / 5.1.c) |
2010/75/EB Zuzentaraua, azaroaren 24koa | I. eranskina / 5.1.c) |
21/2013 Legea, abenduaren 9koa | II. eranskina / 9.d) taldea |
Instalazioa | Ibilgailuak desegitea |
Titularra | Recuperaciones Valdizarbe SL |
Ingurumen identifikaziorako zenbakia | 3120601751 |
Tokia | 3. poligonoa, 33. eta 373. lurzatiak |
Koordenatuak | UTM-ETRS89, 30N eremua, X: 596.216,211 eta Y: 4.725.562,814 |
Udalerria | Gares |
Proiektua | 288E/2025 Ebazpenaren VI. eranskinaren (suteen kontrako babes neurriak) 6. puntuan ezarritako baldintzak aldatzea - 0001-0051-2024-000005 espedientea (3. sektorearen zati berrian aurreikusita zeuden gaineko pasabide guztiak kentzea) |
Instalazioa jardunean da gaur egun eta badu ingurumen baimen integratua, Ingurumenaren eta Uraren zuzendari nagusiak martxoaren 27ko 419/2012 Ebazpenaren bidez emana, gero Ingurumen Kalitatearen eta Klima Aldaketaren Zerbitzuko zuzendariaren otsailaren 4ko 28E/2016 Ebazpenaren bidez eguneratu zena.
2026ko apirilaren 23an, titularrak eskatu zuen bere ingurumen baimen integratuan dauden baldintzak aldatzea. Zehazki, eskatu zuen alda zezatela Ingurumeneko zuzendari nagusiaren apirilaren 9ko 288E/2025 Ebazpenaren VI. eranskineko (suteen kontrako babes neurriak) 6. puntua. 2264/2004 Errege Dekretua aplikatuz, planteatzen da suarekiko egonkortasuna jaistea 1. pabiloiaren egituran (3. sektorea).
Ekonomia Zirkularraren eta Berrikuntzaren Zerbitzuak berrikusi du aurkeztutako eskaera, eta Larrialdietako Prebentzio, Informazio eta Prestakuntza Atalaren 2026ko maiatzaren 5eko eta 2026ko maiatzaren 19ko txostenen arabera, onartzeko modukoa dela jotzen da.
Ebazpen proposamena hamabost egunez egon da instalazioaren titularrari entzunaldia emateko tramitean. Titularrak aurkeztutako alegazioak ohar batzuk izan dira, eta baliagarriak izan dira ebazpen honen eranskineko testua egokitzeko.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehendabizikoa.–Onartzea Garesko udal mugartean ibilgailuak desegiteko dagoen instalazio baten ingurumen baimen integratuan ezarritako funtzionamendu baldintzen aldaketa. Horren ondorioz, instalazioak eta hango jarduerak ebazpen honen eranskinean adierazitako baldintzak bete beharko dituzte. Instalazioaren titularra Recuperaciones Valdizarbe SL da.
Bigarrena.–Ebazpen honetan jasotako baldintzak betetzen ez badira, Kutsaduraren Prebentzio eta Kontrol Integratuaren Legearen testu bateginaren IV. tituluan jasotako ingurumen diziplinako neurriak hartuko dira (testu bategin hori abenduaren 16ko 1/2016 Legegintzako Errege Dekretuaren bidez onetsi zen), eta, subsidiarioki, Ingurumenean Eragina duten Jarduerak arautzen dituen abenduaren 16ko 17/2020 Foru Legearen III. tituluan ezarritako zehapen araubidean jasotakoak, ezertan galarazi gabe legeria sektorialean ezarritakoa, aurrerantzean ere aplikatu beharko baita.
Hirugarrena.–Ebazpen hau Nafarroako Aldizkari Ofizialean argitaratzea.
Laugarrena.–Ebazpen honek ez du administrazio bidea amaitzen, eta interesdunek, administrazio publikoek izan ezik, gora jotzeko errekurtsoa jartzen ahalko dute haren kontra, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik aurrera kontatuko dira.
Bosgarrena.–Ebazpen hau igortzea Recuperaciones Valdizarbe SL enpresari, Garesko Udalari eta Babes Zibileko eta Larrialdietako Zerbitzuari, behar diren ondorioak izan ditzan.
Iruñean, 2026ko maiatzaren 27an.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.
Oharra: Ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Berrikuntzaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/CentroPublicaciones.html#/CentroPublicaciones.
Iragarkiaren kodea: F2607831
