1. NAFARROAKO FORU KOMUNITATEA
1.7. BESTELAKOAK
208E/2026 EBAZPENA, maiatzaren 27koa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez ukatzen baita Fontellasko udal mugartean dagoen eraikuntzako eta eraispeneko hondakinak balorizatzeko instalazio baten ingurumen baimen bateratuan ezarritako funtzionamendu baldintzen aldaketa. Instalazioaren titularra ATE & Compactados SL da.
Espediente mota | Ingurumen baimen bateratuaren baldintzak aldatzea |
Espedientearen kodea | 0001-0061-2026-000024 | Hasiera eguna | 2026-04-13 |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | 1. eranskina / 5.1 taldea |
1/2016 Legegintzako Errege Dekretua, abenduaren 16koa | Sartu gabeko zentroa |
2010/75/EB Zuzentaraua, azaroaren 24koa | Sartu gabeko zentroa |
21/2013 Legea, abenduaren 9koa | Sartu gabeko zentroa |
Instalazioa | ERAIKUNTZAKO ETA ERAISPENEKO HONDAKINAK BALORIZATZEKO INSTALAZIOA |
Titularra | ATE & COMPACTADOS SL |
Ingurumen identifikaziorako zenbakia | 3123209009 |
Tokia | 5. poligonoko 65. lurzatia, Cuestarrata alderdia, Fontellas |
Koordenatuak | UTM-ETRS89, 30N eremua, X: 618.133,174 eta Y: 4.651.117,281 |
Udalerria | FONTELLAS |
Proiektua | Kudeatzen diren hondakinen zerrendan hondakin berri batzuk sartzea, 101116, 101110 eta 101112 EHZ kodeak dituztenak |
Lehendik dagoen instalazio horrek ingurumen baimen bateratua du, Ingurumenean Eragina duten Jarduerak arautzen dituen abenduaren 16ko 17/2020 Foru Legearen hirugarren xedapen iragankorra aplikatuta eman baitzitzaion; izan ere, jarduera hori sarturik dago aipatutako foru lege horren 1. eranskineko 5.1 taldean.
2026ko apirilaren 13an, titularrak eskatu zuen bere ingurumen baimen bateratuan ezarritako baldintzak aldatzea, zehazki, ingurumen baimen bateratuaren III. eranskinean, instalazioan kudeatzen diren hondakinen zerrendan, R050601 prozesuan (Hondakin ez-organikoak balorizatzea agregakinak ekoizteko. Instalazio finkoak / eraikuntzako eta eraispeneko hondakinen tratamendua) 10 11 16, 10 11 10 eta 10 11 12 EHZ kodeak dituzten hondakin berriak sartzea. Hondakin horiek beira eta haren deribatuak fabrikatzeko industriatik datozen hondakinei dagozkie eta Prozesu termikoen hondakinei buruzko 10. kapituluan katalogatuta daude, Batzordearen 2014ko abenduaren 18ko Erabakiaren arabera, zeinen bidez aldatu baitzen 2000/532/EE Erabakia, hondakinen zerrendari buruzkoa, Europako Parlamentuaren eta Kontseiluaren 2008/98/EE Zuzentarauari jarraikiz.
Eskatutako hondakinak ez datoz eraikuntzako eta eraispeneko hondakinetatik, eta, beraz, titularrak baimenduak dituen baldintzak aldatuko lirateke, baimendutako prozesuak nabarmen aldatuz. Hori dela-eta, eskatutako hondakinak ezin dira sartu baimendua dagoen R050601 kudeaketa prozesuan.
Ekonomia Zirkularraren eta Berrikuntzaren Zerbitzuak, aurkeztutako eskaera aztertuta, ondorioztatu du ez dela onargarria; izan ere, eskatzen dena ez dator bat instalazioak ingurumen aldetik eduki beharreko funtzionamendu egokiarekin eta teknika erabilgarri onenen aplikazioarekin.
Ingurumenean Eragina duten Jarduerak arautzen dituen abenduaren 16ko 17/2020 Foru Legearen 28. artikuluan xedatutakoa aplikatuz, bidezkoa da ingurumen baimen bateratua aldatzea.
Ebazpen proposamena hamabost egunez egon da instalazioaren titularrari entzunaldia emateko izapidean, eta hark ez du proposamenaren aurkako alegaziorik aurkeztu.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehenbizikoa.–Ukatzea Fontellasko udal mugartean dagoen eraikuntzako eta eraispeneko hondakinak balorizatzeko instalazio baten ingurumen baimen bateratuan ezarritako funtzionamendu baldintzen aldaketa. Instalazioaren titularra ATE & Compactados SL da.
Bigarrena.–Ebazpen hau Nafarroako Aldizkari Ofizialean argitaratzea.
Hirugarrena.–Ebazpen honek ez du administrazio bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jartzen ahalko dute haren aurka, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik aurrera kontatuko dira.
Laugarrena.–Ebazpen hau igortzea ATE & Compactados SLri eta Fontellasko Udalari, behar diren ondorioak izan ditzan.
Iruñean, 2026ko maiatzaren 27an.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.
Oharra: Ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Berrikuntzaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/ConsultasAAU.html#/ConsultaAutorizacionesAmbientalesUnificadas.
Iragarkiaren kodea: F2607837
