1. NAFARROAKO FORU KOMUNITATEA
1.7. BESTELAKOAK
207E/2026 EBAZPENA, maiatzaren 27koa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez ofizioz aldatzen baita Cortesko udal mugartean haize-sorgailuen palak birziklatzen dituen instalazioaren ingurumen baimen bateratua, ebazpen honen eranskinean zehaztutako aldaketen arabera. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Energyloop SA da.
Espediente mota | Ingurumen baimen bateratua ofizioz berrikustea |
Espedientearen kodea | 0001-0063-2025-000016 | Hasiera eguna | 2025-10-24 |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | 1. eranskina / 5.1 taldea |
1/2016 Legegintzako Errege Dekretua, abenduaren 16koa | Sartu gabeko zentroa |
2010/75/EB Zuzentaraua, azaroaren 24koa | Sartu gabeko zentroa |
21/2013 Legea, abenduaren 9koa | Sartu gabeko zentroa |
Instalazioa | Haize-sorgailuen palak birziklatzeko instalazioa |
Titularra | ENERGYLOOP SA |
Ingurumen identifikaziorako zenbakia | 3107809043 |
Tokia | 10. poligonoa, 165. eta 166. lurzatiak |
Koordenatuak | UTM-ETRS89, 30N eremua, X: 628.717 eta Y: 4.642.940 |
Udalerria | CORTES |
Proiektua | Obra-fasean egindako zenbait aldaketa, ingurumen baimen bateratuan baimendutako baldintzekin alderatuta |
Egun abian den instalazio horrek lehendik du ingurumen baimen bateratua, Ekonomia Zirkularraren eta Klima Aldaketaren Zerbitzuko zuzendariaren azaroaren 14ko 426E/2023 Ebazpenaren bidez eman baitzitzaion, eta sarturik dago Ingurumenean Eragina duten Jarduerak arautzen dituen abenduaren 16ko 17/2020 Foru Legearen 1. eranskineko 5.1 taldean.
2025eko irailaren 18an, sustatzaileak instalazioa abian jartzeko erantzukizunpeko adierazpena aurkeztu zuen, abenduaren 16ko 17/2020 Foru Legearen 23. artikuluan xedatutakoaren arabera, baimendutako jardueraren hasieraren berri emateko behar den dokumentazioarekin batera.
Aurkeztutako dokumentazioa azterturik, ikusi da azkenean gauzatu den instalazioan zenbait aldaketa egin direla, eta, horrenbestez, hasieran eman zitzaion baimenean ezarritako funtzionamendu baldintza batzuk aldatu behar direla, eta ingurumen baimen bateratuan txertatu.
Funtzionamenduaren benetako baldintzak bat datoz instalazioaren ingurumen funtzionamendu egokiarekin eta teknika erabilgarri onenen aplikazioarekin.
Kasu honetan, irizten da gertatzen direla Ingurumenean Eragina duten Jarduerak arautzen dituen abenduaren 16ko 17/2020 Foru Legearen 27. artikuluaren e) letran adierazitako inguruabarrak, eta, horrenbestez, egoki da ofizioz aldatzea ingurumen baimen bateratuan ezarritako baldintzak, bat etorriz Ingurumenean Eragina duten Jarduerak arautzen dituen abenduaren 16ko 17/2020 Foru Legea garatzeko Erregelamenduaren 40. artikuluan ezarritako administrazio prozedurarekin.
Ebazpen proposamena hamabost egunez egon da instalazioaren titularrari entzunaldia emateko izapidean, eta hark ez du proposamenaren aurkako alegaziorik aurkeztu.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehena.–Ofizioz aldatzea Cortesko udal mugartean haize-sorgailuen palak birziklatzen dituen instalazioaren ingurumen baimen bateratua, ebazpen honen eranskinean zehaztutako aldaketen arabera. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Energyloop SA da.
Bigarrena.–Suteen aurkako segurtasunari dagokionez (abenduaren 3ko 2267/2004 Errege Dekretua), instalazioaren jarduera hasteko espedientean xedatutakoa bete beharko da.
Hirugarrena.–Ebazpen hau argitaratzea Nafarroako Aldizkari Ofizialean.
Laugarrena.–Ebazpen honek ez du administrazio bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jartzen ahalko dute, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik aurrera kontatuko dira.
Bosgarrena.–Ebazpen hau igortzea, behar diren ondorioak izan ditzan, Energyloop SAri, Cortesko Udalari eta Babes Zibileko eta Larrialdietako Zerbitzuari.
Iruñean, 2026ko maiatzaren 27an.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.
Oharra: Ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Berrikuntzaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/ConsultasAAU.html#/ConsultaAutorizacionesAmbientalesUnificadas.
Iragarkiaren kodea: F2607823
