1. NAFARROAKO FORU KOMUNITATEA
1.7. BESTELAKOAK
206E/2026 EBAZPENA, maiatzaren 27koa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez ofizioz berrikusten baita Azagrako udal mugartean fruta-produktuak prestatzeko dagoen instalazio baten ingurumen baimen integratua. Instalazioaren titularra Iberfruta-Muerza SA da.
Espediente mota | Ingurumen baimen integratuaren baldintzen ofiziozko berrikuspena |
Espedientearen kodea | 0001-0053-2026-000003 | Hasiera eguna | - |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | Sartu gabeko zentroa |
1/2016 Legegintzako Errege Dekretua, abenduaren 16koa | I. eranskina / 9.1.b)ii) |
2010/75/EB Zuzentaraua, azaroaren 24koa | I. eranskina / 6.4.b)ii) |
21/2013 Legea, abenduaren 9koa | II. eranskina / 2.b) taldea |
Instalazioa | Fruta-produktuak prestatzea |
Titularra | IBERFRUTA-MUERZA SA |
Ingurumen identifikaziorako zenbakia | 3104200721 |
Tokia | Industrialdea, A lurzatia, 16 |
Koordenatuak | UTM-ETRS89, 30N eremua, X: 590.482 eta Y: 4.685.283 |
Udalerria | AZAGRA |
Proiektua | Nafarroako Gobernuaren 2026ko otsailaren 25eko Erabakiaren bidez eskatutako zuzenketa. Erabaki horren bidez, baiesten da Ebroko Konfederazio Hidrografikoak Ingurumeneko zuzendari nagusiaren abenduaren 9ko 1434E/2025 Ebazpenaren aurka jarritako aurretiazko errekerimendua. |
Instalazio horrek ingurumen baimen integratua du, Ingurumeneko zuzendari nagusiaren abenduaren 9ko 1434E/2025 Ebazpenaren bidez emana.
2026ko urtarrilaren 19an, Ebroko Konfederazio Hidrografikoak aurretiazko zuzenketa-errekerimendua egin zuen abenduaren 9ko 1434E/2025 Ebazpen horren aurka, eskatzeko ingurumen baimen integratuan hondakin urak isurtzeko ezarritako baldintzak egokitu zitezela erakunde horrek ingurumen baimen integratua emateko prozeduraren barruan hondakin uren isurketaren onargarritasunari buruz emandako txosten loteslearen edukira.
Kasu honetan, ondorioztatu da gertatzen direla Kutsaduraren Prebentzio eta Kontrol Integratuaren Legearen testu bateginaren 26.4 artikuluaren d) letran adierazitako inguruabarrak (testu bategin hori abenduaren 16ko 1/2016 Legegintzako Errege Dekretuaren bidez onetsi zen), eta, horrenbestez, bidezkoa da ofizioz berrikustea ingurumen baimen integratuan ezarritako baldintzak, bat etorriz Kutsaduraren Prebentzio eta Kontrol Integratuaren Legea garatu eta Industriako Isurien Erregelamendua onesten duen urriaren 18ko 815/2013 Errege Dekretuaren 16.5 artikuluan ezarritako administrazio prozedurarekin.
Ebazpen proposamena hamabost egunez egon da instalazioaren titularrari entzunaldia emateko izapidean, eta hark ez du proposamenaren aurkako alegaziorik aurkeztu.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehenengoa.–Ofizioz berrikustea Azagrako udal mugartean fruta-produktuak prestatzeko dagoen instalazio baten ingurumen baimen integratua, ebazpen honen eranskinean zehaztutako aldaketen arabera. Instalazioaren titularra Iberfruta-Muerza SA da.
Bigarrena.–Ebazpen honetan jasotzen diren baldintzak ez betetzeak berekin dakar ingurumeneko diziplina neurriak hartzea, hain zuzen ere, Kutsaduraren Prebentzio eta Kontrol Integratuari buruzko Legearen testu bateginaren IV. tituluan jasotakoak (testu bategin hori abenduaren 16ko 1/2016 Legegintzako Errege Dekretuaren bidez onetsi zen), ezertan galarazi gabe sektoreko legerian ezarritakoa, aplikatzekoa izaten segituko baitu, eta, subsidiarioki, Ingurumenean Eragina duten Jarduerak arautzen dituen abenduaren 16ko 17/2020 Foru Legearen III. tituluan ezarritako zehapen araubidean jasotakoa.
Hirugarrena.–Ebazpen hau Nafarroako Aldizkari Ofizialean argitaratzea.
Laugarrena.–Ebazpen honek ez du administrazio bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jartzen ahalko dute haren aurka, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik aurrera kontatuko dira.
Bosgarrena.–Ebazpen hau igortzea, behar diren ondorioak izan ditzan, Iberfruta-Muerza SAri, Azagrako Udalari eta Ebroko Konfederazio Hidrografikoari.
Iruñean, 2026ko maiatzaren 27an.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.
Oharra: Ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Berrikuntzaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/CentroPublicaciones.html#/CentroPublicaciones.
Iragarkiaren kodea: F2607829
