1. NAFARROAKO FORU KOMUNITATEA
1.7. BESTELAKOAK
96/2026 EBAZPENA, maiatzaren 18koa, Enpresen Sustapenerako eta Azpiegituretako zuzendari nagusiak emana, zeinaren bidez eraikitzeko administrazio-baimena ematen baita 4,48 MW-eko potentzia instalatuko "Las Planillas" eguzki-instalazio fotovoltaikorako eta haren transformazio- eta ebakuazio-azpiegituretarako, Pitillasko, Erriberriko eta Tafallako udal mugarteetan. Espedientearen kodea: 5321-CE.
1.–Aurrekariak.
2023ko apirilaren 21ean eta Sektore Elektrikoari buruzko abenduaren 26ko 24/2013 Legearen 53. artikuluan eta Energia elektrikoaren instalazioak baimentzeko prozedurak eta energia elektrikoa garraiatu, banatu, merkaturatu eta haren horniketa egiteko jarduerak arautzen dituen abenduaren 1eko 1955/2000 Errege Dekretuaren 122. eta 130. artikuluetan ezarritakoari jarraikiz, Ríos Renovables SLUk aurretiazko administrazio-baimena eta eraikitzeko administrazio-baimena eskatu zituen "Las Planillas" eguzki-instalazio fotovoltaikorako eta haren transformazio- eta ebakuazio-azpiegituretarako, Erriberriko eta Tafallako udal mugarteetan.
Eskaera behar bezala izapidetu eta instalazioaren kokapena aldatu ondoren, Enpresen Sustapenerako eta Azpiegituretako zuzendari nagusiaren urriaren 13ko 71/2025 Ebazpenaren bidez (2025eko 224. Nafarroako Aldizkari Ofizialean argitaratua, azaroaren 10ekoan), aurretiazko administrazio-baimena eman zitzaion Ríos Renovables SLUri "Las Planillas" eguzki-instalazio fotovoltaikorako eta haren transformazio- eta ebakuazio-azpiegituretarako, Pitillasko, Erriberriko eta Tafallako udal mugarteetan.
Ebazpen hauek kontuan harturik eman zen ebazpen hori:
–564E/2025 Ebazpena, ekainaren 22koa, Ingurumeneko zuzendari nagusiak emana, proiektuaren aldeko ingurumen inpaktuaren adierazpena egiten duena (2025eko 145. Nafarroako Aldizkari Ofizialean argitaratua, uztailaren 21ekoan).
–520E/2025 Ebazpena, urriaren 13koa, Lurralde Antolamenduko zuzendari nagusiak emana, lurzoru urbanizaezinean jarduerak egiteko baimena ematen duena.
2.–Eraikitzeko administrazio-baimenaren eskaera.
2025eko urriaren 31n, abenduaren 1eko 1955/2000 Errege Dekretuaren 130. artikulua aplikatuta, Ríos Renovables SLUk eraikitzeko administrazio-baimena eskatu zuen "Las Planillas" eguzki-instalazio fotovoltaikorako eta haren transformazio- eta ebakuazio-azpiegituretarako, Pitillasko, Erriberriko eta Tafallako udal mugarteetan.
Aurkeztu diren agiri teknikoen arabera, eguzki-instalazio fotovoltaikoa Pitillasko udal mugarteko 3. poligonoaren 422. lurzatian dago, lehen bezala, eta 9,66 hektarea inguruko azalera okupatzen du. Elementu hauek osatzen dute:
- Alde biko 6.360 modulu fotovoltaiko (TSM-NEG21C.20 modelokoak edo antzekoak), 822,25 W-eko potentzia unitarioa dutenak (1,15 x 715 W), guztira 5.229,51 kWp-eko potentzia-erpinarekin.
- 14 inbertsore fotovoltaiko (SUNGROW SG350HX modelokoak edo antzekoak), 40 ºC-tan 320 kW-eko potentzia izendatua dutenak, guztira 4.480 kWn-ko potentzia izendatuarekin.
- Transformazio-zentro 1 (SUNGROW MVS4480-LV modelokoa edo antzekoa), 4.480 kVA-ko transformadore batekin eta 30/0,8 kV-eko transformazio-erlazioarekin.
- 30 kV-eko babes eta neurketa zentro 1.
Beraz, bat etorrita azaroaren 5eko 997/2025 Errege Dekretuaren 5. artikuluan ezarritakoarekin, eguzki-instalazio fotovoltaikoaren potentzia instalatua 4,48 MW-ekoa da.
Inbertsore fotovoltaikoen bidez, moduluek korronte zuzenean sortutako energia korronte alterno bihurtzen da, eta transformazio zentroko behe-tentsioko armairuraino eramaten da, 30 kV-era eraldatzeko eta, ondoren, instalazioko babes- eta neurketa-zentroarekin konektatzeko.
Instalazioaren ebakuazio-azpiegiturak lur azpiko 30 kV-eko linea batek osatzen ditu, 6.835 metro ingurukoak, instalazioaren babes- eta neurketa-zentrotik "La Caya" eguzki-instalazio fotovoltaikoaren (5323-CE esp.) babes- eta neurketa-zentroraino.
Hortik aurrera, instalazio honek ebakuazio-azpiegiturak partekatzen ditu sustatzaile berak proiektatutako beste bi eguzki-instalazio fotovoltaikorekin ("Los Mulares" [5322-CE esp.] eta "Baretón" [5447-CE esp.]). Ebakuazio-azpiegiturek I-DE Redes Eléctricas Inteligentes SAUren jabetzako 66 kV-eko "Tafalla" TAE azpiestazioan dute bukaera. Ebakuazio-azpiegiturak "La Caya" eguzki-instalazio fotovoltaikoaren espedientean izapidetu dira.
3.–Lurzoru urbanizaezineko jardueren baimenaren neurriak betetzea.
Lurralde Antolamenduko zuzendari nagusiaren urriaren 13ko 520E/2025 Ebazpenak neurri batzuk ezartzen zituen, bete beharrekoak. Entitate sustatzaileak proiektuaren hirugarren aldaketa aurkeztu zuen horretarako.
Aurrekoa ikusita, proiektuaren kopia bidali zitzaion Paisaiaren eta Landa-lurzoruaren Atalari, egiazta zezan lurzoru urbanizaezinean jarduerak eta erabilerak baimentzeko eskatutakoa betetzen zuen. 2026ko apirilaren 9an, Paisaiaren eta Landa-lurzoruaren Atalak txosten teknikoa egin zuen, eta bertan ondorioztatu zen proiektu aldatua bat zetorrela urriaren 13ko 520E/2025 Ebazpenean jasotako neurriekin.
Ondoren, eta instalazioaren konfigurazio elektrikoa aldatzeko helburu bakarrarekin, instalatutako potentzia azaroaren 5eko 997/2025 Errege Dekretuak ezarritako definizio berriarekin bat etor zedin eguneratzeko, entitate sustatzaileak proiektuaren laugarren aldaketa aurkeztu zuen, instalazioaren poligonala eta ebakuazio-linearen trazadura aldatu gabe, aurkeztutako proiektuaren hirugarren aldaketarekin alderatuta.
4.–Eraikitzeko administrazio-baimenaren proposamena.
Horregatik guztiagatik, aurkeztutako agiriak ikusita eta Sektore Elektrikoari buruzko abenduaren 26ko 24/2013 Legean xedatutakoa kontuan hartuta, Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalak ondorioztatu du prozedura behar bezala gauzatu dela, eta proposatu du Ríos Renovables SLU enpresari eraikitzeko administrazio-baimena ematea 4,48 MW-eko "Las Planillas" eguzki-instalazio fotovoltaikorako, baita haren transformazio- eta ebakuazio-azpiegituretarako ere, Pitillasko, Erriberriko eta Tafallako udal mugarteetan.
Adierazitakoarekin bat, eta erabiliz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak,
EBAZTEN DUT:
1. Ríos Renovables SLUri eraikitzeko administrazio-baimena ematea 4,48 MW-eko "Las Planillas" eguzki-instalazio fotovoltaikorako, baita haren transformazio- eta ebakuazio-azpiegituretarako ere, 66 kV-eko "Tafalla" TAE azpiestazioraino, Pitillasko, Erriberriko eta Tafallako udal mugarteetan. Halaber, aurkeztutako proiektuak onetsi dira, eta hogeita hamasei hilabeteko epea ematen da horiek gauzatzeko.
2. Eraikitzeko administrazio-baimen hau emanda ere, instalazioa gauzatzeko beharrezkoak diren emakida, lizentzia eta baimen guztiak, publikoak nahiz pribatuak, lortu beharko ditu instalazioaren eskatzaileak, aplikatzekoak diren beste xedapen batzuekin bat.
3. Aurkeztutako proiektuaren arabera gauzatu beharko dira instalazioak, eta bat etorri beharko dute honako hauetan xedatuarekin: maiatzaren 9ko 337/2014 Errege Dekretua, onesten dituena Goi tentsioko instalazio elektrikoen baldintza teknikoei eta segurtasun bermeei buruzko erregelamendua eta haren jarraibide tekniko osagarriak, JTO-GTE 01etik 23ra; otsailaren 15eko 223/2008 Errege Dekretua, onesten dituena Goi tentsioko linea elektrikoen baldintza teknikoei eta segurtasun bermeei buruzko erregelamendua eta haren jarraibide tekniko osagarriak, JTO-GTL 01etik 09ra; eta abuztuaren 2ko 842/2002 Errege Dekretua, onesten duena Behe tentsioko erregelamendu elektroteknikoa.
4. Behin proiektua gauzatuta, eskatzaileak probetarako behin-behineko ustiapenerako baimena eskatu beharko du. Eskaera horrekin batera obra bukaerako ziurtagiria aurkeztuko da, teknikari eskudun batek sinatua, baita araudian ezarritako gainerako agiriak ere.
5. Ebazpen hau igortzea Industria Antolamenduaren, Azpiegitura Energetikoen eta Meatzeen Zerbitzuari; Ingurumen Ebaluazioaren Atalari; Paisaia eta Landa-lurzoruaren Atalari; Baso Plangintzarako Atalari; Herri-lanen eta Azpiegituren Zuzendaritza Nagusiko Zainketa Zerbitzuari; Ondare Historikoaren Zerbitzuko Ondare Arkitektonikoaren Atalari eta Erregistroaren, Ondasun Higigarrien eta Arkeologiaren Atalari; eta Gobernu Irekiaren eta Herritarrentzako Arretaren Zerbitzuari, behar diren ondorioak izan ditzan.
6. Ebazpen hau Nafarroako Aldizkari Ofizialean argitaratzea, orok jakin dezan.
7. Ebazpen hau jakinaraztea Ríos Renovables SLUri, i-DE Redes Eléctricas Inteligentes SAUri, AUDENASAri, CANASAri, ENAGASi, Energía Inagotable de Keneo SLri, Energía Inagotable de Kyoko SLri, Bodegas Pagos de Araiz SAri, Sustrai Erakuntza fundazioari, Ongaiz-Zangozerriko Ekologistak Martxan elkarteari, Landazuria-Erriberako Ekologistak Martxan elkarteari eta Aguacanali, eta ohartaraztea ebazpenak ez duela administrazio bidea amaitzen eta haren aurka gora jotzeko errekurtsoa jartzen ahal dela, Industriako eta Enpresen Trantsizio Ekologiko eta Digitalerako kontseilariari zuzendua, jakinarazi eta biharamunetik hilabeteko epean. Hartan espediente kodea adierazi beharko da.
8. Ebazpen hau jakinaraztea Pitillasko, Erriberriko eta Tafallako udalei eta Ebroko Konfederazio Hidrografikoari, eta aditzera ematea haren kontra administrazioarekiko auzi-errekurtsoa jartzen ahal dela, eskumena duen ordena jurisdikzionalari zuzendua, bi hilabeteko epean, honako hau jakinarazi eta biharamunetik hasita, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Iruñean, 2026ko maiatzaren 18an.–Enpresen Sustapenerako eta Azpiegituretako zuzendari nagusia, Iñigo Arruti Torre.
Iragarkiaren kodea: F2607401
