Iragarkia

114. ALDIZKARIA - 2026ko ekainaren 12a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

319/2026 EBAZPENA, maiatzaren 21ekoa, Hezkuntzako eta Lanbide Heziketako zuzendari nagusiak emana, zeinaren bidez izendatzen baitira Lanbide Heziketako ikastetxe bateratu publikoetako zuzendariak, 2026-2027 ikasturtean lanean hasiko direnak.

Martxoaren 19ko 42/2017 Foru Aginduaren bidez, arauak eman ziren Nafarroako Gobernuko Hezkuntza Departamentuaren mendeko Lanbide Heziketako ikastetxe bateratu publikoetako zuzendariak izendapen askearen bidez hautatzeko, ebaluatzeko eta haien izendapena berritzeko.

2025-2026 ikasturtean, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren azaroaren 28ko 257/2025 Ebazpenaren bidez, deialdi bat onetsi zen Nafarroako Gobernuko Hezkuntza Departamentuaren mendeko Lanbide Heziketako ikastetxe bateratu publikoetako zuzendarien lanpostuak izendapen librearen bidez betetzeko. Bost ikastetxe bateratutan egin zen zuzendariaren lanpostua betetzeko deialdia.

Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren martxoaren 16ko 72/2026 Ebazpenaren bidez, onartutako eta baztertutako hautagaien behin betiko zerrenda onetsi zen Nafarroako Gobernuko Hezkuntza Departamentuaren mendeko ikastetxe bateratu publikoetako zuzendarien lanpostua izendapen librearen bidez betetzeko deialdian.

Hiru ikastetxe bateratutan aurkeztu ziren hautagaiak: Lumbier LH IIP, Sakana LH IIP eta Hezitzaile Eskola II.

Azaroaren 28ko 257/2025 Ebazpenaren bidez onetsitako deialdiaren 8. oinarrian, hautaketa eta izendapen bereziak arautzen dira, zeinak aplikatuko baitira hautagaitzarik ez dagoenean Lanbide Heziketako ikastetxe publiko integratuetako zuzendarien lanpostuak betetzeko. Izendapena interesdunei igorriko zaie, bai eta Irakasleak Hautatzeko eta Lanpostuak Betetzeko Zerbitzura, hautatutakoen aldeko izendapena egin dezan izendapenak irauten duen aldirako. Oinarri horren hirugarren atalak ezartzen duenez, Irakasleak Hautatzeko eta Lanpostuak Betetzeko Zerbitzuaren ebazpenaren bidez eginen da zuzendaritza-taldearen izendapen berezia, ikastetxe bateratuko zuzendariaren hautaketa eta izendapen berezia egiten den aldi bererako.

Horrenbestez, eta martxoaren 29ko 42/2017 Foru Aginduan ezarritakoarekin bat etorriz, bidezkoa da ikastetxe bateratu publikoetako zuzendarien izendapen berezia egitea, azaroaren 28ko 257/2025 Ebazpenaren bidez egindako deialdian sartutako ikastetxeetako zuzendarien lanpostuak betetzeko. Izan ere, lanpostu horietarako ez da hautagaitzarik aurkeztu.

Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz,

EBAZTEN DUT:

1. 2026-2027 ikasturtean lanean hasiko diren Lanbide Heziketako ikastetxe bateratu publikoetako zuzendarien izendapen berezia egitea, hautagaitzarik izan ez duten ikastetxe bateratuetan, ebazpen honen eranskinean ezarritakoaren arabera, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren azaroaren 28ko 257/2025 Ebazpenaren bidez onetsitako deialdiaren barnean.

2. Ebazpen honen eta eranskinaren aurka gora jotzeko errekurtsoa jar daiteke, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik aurrera zenbatzen hasita.

3. Ebazpen hau eta eranskina Nafarroako Aldizkari Ofizialean argitaratzea.

4. Ebazpen hau eta eranskina honako hauei igortzea, behar diren ondorioak izan ditzaten: Idazkaritza Tekniko Nagusira, Azpiegituretako, Digitalizazioko eta Hezkuntza Zerbitzuetako Zuzendaritza Nagusira, Langileriaren eta Azpiegituren Zuzendaritza Nagusira, Hezkuntzako Ikuskapen Zerbitzura, Aldi Baterako Langileak Kudeatzeko Zerbitzura, Irakasleak Hautatzeko eta Lanpostuak Betetzeko Zerbitzura, Nominen eta Gizarte Aseguruen Zerbitzura, Lanbide Heziketaren Plangintza eta Integraziorako Zerbitzura, Hezkuntzako Informazio Sistemen Zerbitzura, Nominen Atalera, Gizarte Aseguruen Atalera, Lanpostuak Betetzeko Atalera, Plantillen Atalera, Araubide Juridikoaren Zerbitzuko Kontrol Administratiboaren Atalera eta izendatu diren pertsonei, eragiten ahal dioten neurrian.

Iruñean, 2026ko maiatzaren 21ean.–Hezkuntzako eta Lanbide Heziketako zuzendari nagusia, Gil Sevillano González.

ERANSKINA.–IKASTETXE BATERATUETAKO ZUZENDARIEN IZENDAPEN BEREZIA

Deialdia, Hezkuntza Departamentuaren mendeko Lanbide Heziketako ikastetxe bateratu publikoetako zuzendarien lanpostuak izendapen librearen bidez betetzeko, Irakasleak Hautatzeko eta Lanpostuak Betetzeko Zerbitzuko zuzendariaren azaroaren 28ko 257/2025 Ebazpenaren bidez onetsia.

Iragarkiaren kodea: F2607660