Iragarkia

108. ALDIZKARIA - 2026ko ekainaren 4a

1. NAFARROAKO FORU KOMUNITATEA

1.7. BESTELAKOAK

88/2026 EBAZPENA, maiatzaren 18koa, Enpresen Sustapenerako eta Azpiegituretako zuzendari nagusiak emana, zeinaren bidez aurretiazko administrazio baimena eta eraikitzeko administrazio baimena ukatzen baitira 1 MW-eko "Viana Carlson" eguzki-instalazio fotovoltaikorako eta hari lotutako transformazio eta ebakuazio azpiegituretarako, Vianako udal mugartean. Espedientearen kodea: 5584-CE.

1.–Aurretiazko administrazio baimenaren eta eraikitzeko administrazio baimenaren eskaera.

2023ko abenduaren 13an, Carlson Solar SLUk aurretiazko administrazio baimena eta eraikitzeko administrazio baimena eskatu zituen 1 MW-eko "Viana Carlson" eguzki-instalazio fotovoltaikorako eta hari lotutako transformazio eta ebakuazio azpiegituretarako, Vianako udal mugartean.

2.–Kontsulten izapideak.

Abenduaren 1eko 1955/2000 Errege Dekretuaren 127. eta 131. artikuluetan ezarritakoa bete beharrez, zerbitzu honek kontsulta egin zien beheko taulan ageri diren erakundeei. Espedientean jasota daude jarraian adierazten diren espedienteak:

3.–Proiektu berria.

Proiektuak ingurumenean eraginen dituen ukipenak ebaluatzeko prozeduraren barnean, Ingurumen Ebaluaziorako Atalak 2024ko urtarrilaren 18an egindako errekerimendua ikusita, Carlson Solar SLUk, 2024ko abuztuaren 21ean, agiri berriak aurkeztu zituen, non aldatzen baitzen "Viana Carlson" eguzki-instalazio fotovoltaikorako kokalekua.

4.–Jendaurreko informazioaren eta kontsulten izapideak.

Abenduaren 1eko 1955/2000 Errege Dekretuaren 125. artikuluan eta Ingurumen-ebaluazioari buruzko abenduaren 9ko 21/2013 Legearen 36. artikuluan xedatutakoa betez, Industria Antolamenduaren, Azpiegitura Energetikoen eta Meatzeen Zerbitzuak jendaurrean jarri zuen proiektua, 30 egun baliodunean, iragarkiak argitaratuz 2024ko 211. Nafarroako Aldizkari Ofizialean, urriaren 17koan, eta ukitutako udalen ediktuen taulan. Gainera, dokumentazioa Nafarroako Gobernuko Gobernu Irekiaren web orrian argitaratu zen.

Ez zen alegaziorik jaso.

Aldi berean, abenduaren 1eko 1955/2000 Errege Dekretuaren 127. eta 131. artikuluetan ezarritakoa bete beharrez, zerbitzu honek kontsulta egin zien ukitutako administrazio publikoei eta erakundeei (beheko taulan ageri dira). Espedientean jasota daude jarraian adierazten diren espedienteak:

Txostenen edukia ebazpen honek xede duen espedientean dago jasota.

Araudi berari jarraituz, txostenak igorri zitzaizkion eguzki-instalazio fotovoltaikoaren sustatzaileari, eta haiei buruzko erantzuna aurkeztu zuen.

5.–Lurzoru urbanizaezinean jarduerak eta erabilerak egiteko baimena (baldintzatua), atzera egitea eta berme ekonomikoa itzultzeko eskaera.

Lurralde Antolamenduko zuzendari nagusiaren martxoaren 18ko 108E/2026 Ebazpenaren bidez, lurzoru urbanizaezinean jarduerak eta erabilerak egiteko baimena eman zitzaion "Viana Carlson" eguzki-instalazio fotovoltaikoari, baina horretarako beharrezkoa zen instalazioak baldintza batzuk betetzea.

2026ko apirilaren 22an, Carlson Solar SLUk idatzi bat aurkeztu zuen, eta adierazi zuen, Lurralde Antolamenduko zuzendari nagusiaren martxoaren 18ko 108E/2026 Ebazpenean ezarritako baldintzak aztertu eta gero, ikusi duela baldintza horiek guztiak betez gero, horrek eraginen duela, batetik, instalatutako potentzia %10,7 baino gehiago murriztea eta, bestetik, %20tik gorako galerak instalazioak sortuko lukeen elektrizitatean. Horregatik, adierazi zuen uko egiten ziola proiektuarekin jarraitzeari, eta eskatu zuen itzultzeko sarbide- eta konexio-baimenei lotutako berme ekonomikoa.

6.–Aurretiazko administrazio baimena eta eraikitzeko administrazio baimena ukatzeko proposamena.

Horregatik guztiagatik, eta espedientearen azterketa teknikoa egin eta gero, Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalak proposatzen du espedientea ebaztea eta eskatutako aurretiazko administrazio baimena eta eraikitzeko administrazio baimena ukatzea.

Adierazitakoarekin bat, eta erabiliz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak,

EBAZTEN DUT:

1. Aurretiazko administrazio baimena eta eraikitzeko administrazio baimena ukatzea 1 MW-eko "Viana Carlson" eguzki-instalazio fotovoltaikorako eta hari lotutako transformazio eta ebakuazio azpiegituretarako, Vianako udal mugartean. Baimen horiek Carlson Solar SLUk eskatu zituen.

2. Diruzaintza Atalari proposatzea sarbide eta konexiorako prozedurekin lotutako bermea itzultzeko. Gordailuaren frogagiria eta itzulketa eginbidea ebazpen honen eranskinean daude.

3. Ebazpen hau igortzea, behar diren ondorioak izan ditzan, Industria Antolamenduaren, Azpiegitura Energetikoen eta Meatzeen Zerbitzura, Biodibertsitatearen eta Arrantza Kudeaketaren Zerbitzuko Ingurumen Ebaluaziorako Atalera, Lurralde eta Paisaia Zerbitzuko Paisaiaren eta Landa-lurzoruaren Atalera, Ondare Historikoaren Zerbitzuko Ondare Arkitektonikoaren Atalera eta Erregistroaren, Ondasun Higigarrien eta Arkeologiaren Atalera, Kontserbazio Zerbitzuko Ustiapen Atalera, Gobernu Irekiaren eta Herritarrentzako Arretaren Zerbitzura eta Ekonomia eta Ogasun Departamentuko Ekonomia eta Finantza Zerbitzuko Diruzaintza Atalera.

4. Ebazpen hau Nafarroako Aldizkari Ofizialean argitaratzea, orok jakin dezan.

5. Ebazpen hau jakinaraztea Carlson Solar SLUri eta i-DE Redes Eléctricas Inteligentes SAUri, eta ohartaraztea ebazpen honek ez duela administrazio bidea amaitzen eta beraren aurka gora jotzeko errekurtsoa jartzen ahal dela, Industriako eta Enpresen Trantsizio Ekologiko eta Digitalerako kontseilariaren aurrean, ebazpen hau jakinarazi eta biharamunetik hilabete iragan baino lehen, errekurtsoan espedientearen kodea adierazita.

6. Ebazpen hau jakinaraztea Vianako Udalari, Abiazio Zibilaren Zuzendaritza Nagusiko Aireportuen eta Aire Nabigazioaren Zuzendariordetza Nagusiari eta Aire Segurtasunaren Estatuko Agentziari, eta ohartaraztea honen kontra administrazioarekiko auzi-errekurtsoa jartzen ahal dela, eskumena duen ordena jurisdikzionalari zuzendua, honako hau jakinarazi eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2026ko maiatzaren 18an.–Enpresen Sustapenerako eta Azpiegituretako zuzendari nagusia, Iñigo Arruti Torre.

Iragarkiaren kodea: F2607368