106. ALDIZKARIA - 2026ko ekainaren 2a

1. NAFARROAKO FORU KOMUNITATEA

1.7. BESTELAKOAK

197/2026 EBAZPENA, apirilaren 16koa, Hezkuntzako eta Lanbide Heziketako zuzendari nagusiak emana, 2026-2027 ikasturteko egutegia eta ordutegia prestatzeko jarraibideak onesten dituena, hain zuzen, Nafarroako Foru Komunitatean Helduen Oinarrizko Hezkuntzako ikastetxe publikoetan eta ikasgeletan emanen diren irakaskuntzetarako eta ikastetxe publiko baimenduetan emanen diren Helduen Bigarren Hezkuntzako irakaskuntzetarako eta erdi mailako eta goi mailako heziketa zikloetara sartzeko ikastaroetarako.

Ikusirik Antolamendu, Prestakuntza eta Kalitate Zerbitzuko zuzendariak 2026-2027 ikasturteko eskola egutegia prestatzeko jarraibideak onestearen aldeko txostena eman duela, hain zuzen, Nafarroako Foru Komunitatean Helduen Oinarrizko Hezkuntzako ikastetxe publikoetan eta ikasgeletan emanen diren irakaskuntzetarako eta ikastetxe publiko baimenduetan emanen diren Helduen Bigarren Hezkuntzako irakaskuntzetarako eta erdi mailako eta goi mailako heziketa zikloetara sartzeko ikastaroetarako.

Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz,

EBAZTEN DUT:

1. Onestea 2026-2027 ikasturteko egutegia eta ordutegia prestatzeko jarraibideak, hain zuzen, Helduen Oinarrizko Hezkuntzako ikastetxe publikoetan eta ikasgeletan emanen diren irakaskuntzetarako eta ikastetxe publiko baimenduetan emanen diren Helduen Bigarren Hezkuntzako irakaskuntzetarako eta erdi mailako eta goi mailako heziketa zikloetara sartzeko ikastaroetarako. Eranskin hauetan zehazten dira:

–I. eranskina: jarraibideak, Helduen Oinarrizko Hezkuntzako ikastetxe publikoetan eta ikasgeletan emanen diren irakaskuntzetarako.

–II. eranskina: jarraibideak, ikastetxe publiko baimenduetan emanen diren Helduen Bigarren Hezkuntzako irakaskuntzetarako.

–III. eranskina: jarraibideak, ikastetxe publiko baimenduetan emanen diren erdi mailako eta goi mailako heziketa zikloetara sartzeko ikastaroetarako.

2. Ebazpen honen eta eranskinen aurka gora jotzeko errekurtsoa jar daiteke, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.

3. Ebazpen hau eta eranskinak igortzea Langileriaren Zuzendaritza Nagusira, Azpiegituretako, Digitalizazioko eta Hezkuntza Zerbitzuetako Zuzendaritza Nagusira, Antolamendu, Prestakuntza eta Kalitate Zerbitzura, Hezkuntzako Ikuskapen Zerbitzura, Lanbide Heziketaren Plangintza eta Integraziorako Zerbitzura eta Ikastetxeetako Informazioa Kudeatzeko Atalera, behar diren ondorioak izan ditzaten.

4. Ebazpen hau eta eranskinak Nafarroako Aldizkari Ofizialean argitaratzea.

Iruñean, 2026ko apirilaren 16an.–Hezkuntzako eta Lanbide Heziketako zuzendari nagusia, Gil Sevillano González.

I. ERANSKINA.–JARRAIBIDEAK, 2026-2027 IKASTURTEKO EGUTEGIA ETA ORDUTEGIA PRESTATZEKO NAFARROAKO FORU KOMUNITATEAN HELDUEN OINARRIZKO HEZKUNTZAKO IKASTETXE PUBLIKOETAN ETA IKASGELETAN EMANEN DIREN IRAKASKUNTZETARAKO

1.–Egutegia.

Eranskin honetan aipatzen diren irakaskuntzen eskola egutegiak baldintza hauek bete beharko ditu:

1. Helduen Oinarrizko Hezkuntzako ikastetxe publikoetan eta ikasgeletan, 2026-2027 ikasturtea 2026ko irailaren 1ean hasiko da, eta 2027ko ekainaren 30ean bukatuko.

2. Hasierako Irakaskuntzak I eta II ikasturte banatan eginen dira. Helduen Oinarrizko Hezkuntzako ikastetxe publikoetan eta ikasgeletan emanen diren gainerako irakaskuntzetarako, aldiz, ikasturtea bi lauhilekotan banatuko da.

3. Helduen Oinarrizko Hezkuntzako ikastetxe publikoek eta ikasgelek egutegiaren berariazko proposamena egin beharko dute, baldintza hauek betez:

a) Hasierako Irakaskuntzen ikasturte bakoitzeko eskola egunen kopurua: 165, gutxienez ere.

b) Gainerako irakaskuntzen lauhileko bakoitzeko eskola egunen kopurua: 80, gutxienez ere.

c) Hasierako Irakaskuntzetako eskolak ez dira hasiko irailaren 16a baino lehen, eta ez dira bukatuko ekainaren 21a baino geroago.

d) Gainerako irakaskuntzetako lehenengo lauhilekoko eskolak ez dira hasiko irailaren 16a baino lehen, eta ez dira bukatuko otsailaren 5a baino geroago. Bigarren lauhilekoko eskolak ez dira hasiko otsailaren 10a baino lehen, eta ez dira bukatuko ekainaren 18a baino geroago.

e) Eguberrietako oporrak: abenduaren 23tik urtarrilaren 10era bitarte, biak barne.

f) Aste Santuko oporrak: martxoaren 25etik apirilaren 4ra bitarte, biak barne.

g) Jaiegunak, Nafarroako lan egutegi arruntaren arabera: urriaren 12a, azaroaren 2a, abenduaren 3a eta abenduaren 8a. Antolamendu, Prestakuntza eta Kalitate Zerbitzuak behar diren jarraibideak emanen ditu erabakitzen bada beste jaiegunen bat ezartzea eta, horrenbestez, eskola egutegia aldatzea.

h) Hezkuntza mailako zaindariaren jaieguna: azaroaren 27a. Ikastetxeek zilegi izanen dute egun hori aldatzea.

i) Herriko festa eguna, Nafarroako Foru Komunitateko herrietako festa egunak zehazten dituen arauaren arabera. Data hori eskola eguna ez den egun batean egokitzen denean, ikastetxeak beste egun bat hautatzen ahalko du.

j) Ikastetxeak erabakitako eskola egunez gainerako egunak, aurreko ataletan jaiegun gisa finkatu ez direnak, eskolarik gabeko lanegunak izanen dira, gehienez ere 5 egun, eskolak hasten direnetik amaitzen diren arte.

k) Ezin izanen dira erabili h), i) eta j) letretan aipatzen diren egunak eguberrietako eta Aste Santuko oporraldiak luzatzeko.

4. Abenduaren 22a eta martxoaren 24a eskola egunak izanen dira, baina goizez bakarrik.

5. Irailaren 1etik eskolak hasi bitarteko egunetan, irakasleek lan hauek eginen dituzte: ikaskuntzaren hasierako balorazioaren (IHB) plangintza, programazio lanak, klaustroak eta ikasturtea antolatzearekin lotutako bestelako jarduerak.

6. Lehen lauhilekoa bukatzen denetik bigarrena hasi bitarteko egunetan lan hauek eginen dira: lauhilekoa berrikusi eta ebaluatzeko berariazko lanak, ikasle sartu berrien ikaskuntzaren hasierako balorazioa (IHB), erreklamazioekin lotutako lanak eta behar diren egintza akademiko eta administratibo guztiak, baita bigarren lauhilekoa antolatzearekin lotutako jarduerak ere. Egun horietan, irakasleek ikastetxera edo ikasgelara joan beharra izanen dute, lan horiek egiteko.

7. Eskolak bukatu eta ekainaren 30era arte, lan hauek eginen dira: ikasturtea berrikusi eta ebaluatzeko berariazko lanak, memoria didaktikoak, azken memoria, erreklamazioekin lotutako lanak eta behar diren egintza akademiko eta administratibo guztiak, baita hurrengo ikasturtea antolatzearekin lotutako jarduerak ere.

8. Ebaluazio saioak eta klaustroak ezin izanen dira eskola orduetan egin.

2.–Ordutegia.

Eranskin honetan aipatzen diren irakaskuntzen eskola ordutegiak baldintza hauek bete beharko ditu:

1. Helduen Oinarrizko Hezkuntzako ikastetxe publikoek eta ikasgelek aste osoan zehar banatuko dituzte heziketa jarduerak, astelehenetik ostiralera.

2. Helduen Oinarrizko Hezkuntzako ikastetxe publikoak eta ikasgelak ordutegi-malgutasunaren printzipioari jarraikiz antolatuko dira, kasuan kasuko eskualdeko helduen prestakuntza eskaerari ahalik eta hobekien erantzuteko eta egokitzeko. Hala, behar izanez gero, eskolak goizeko eta arratsaldeko txandetan antolatzen ahalko dira.

3. Beste ikastetxe batzuekin instalazioak partekatzen dituzten Helduen Oinarrizko Hezkuntzako ikastetxe publiko eta ikasgela guztiek, nahitaez, beste ikastetxe horiek ematen duten zerbitzuarekin bateragarria den egutegi bat aurkeztu beharko dute.

3.–Tramitazioa.

Tramitazioa egiteko, honela jokatuko da:

1. Ikastetxeetako zuzendariek eta ikasgeletako irakasle taldeko buruek egutegi eta ordutegi proposamenak igorriko dituzte Hezkuntzako Ikuskapen Zerbitzura, Educa kudeaketa programaren bidez, eskola kontseiluak onetsi ondoren. Horretarako azkeneko eguna 2026ko ekainaren 12a izanen da.

2. Hezkuntzako Ikuskapen Zerbitzuak egutegiak eta ordutegiak onetsi edo ezetsiko ditu, aztertu ondoren. Ikuskapen Zerbitzuaren komunikazio hori, orobat, Educa kudeaketa programaren euskarri informatikoaren bidez eginen zaie ikastetxeei. Egutegiak eta ordutegiak onetsitzat joko dira ikastetxeek ez badute inolako jakinarazpenik jasotzen 2026ko ekainaren 22rako.

Ikastetxeren edo ikasgelako irakasle talderen batek bere egutegi proposamena aipatu epean bidaltzen ez badu, Hezkuntzako Ikuskapen Zerbitzuak ofizioz esleituko dio eranskin honen 1. atalean (Egutegia) ezarritako baldintzak betetzen dituen egutegi bat.

3. Eskola egutegia eta eskola ordutegia, onetsi ondoren, eranskin honetan aipatzen diren ikastetxe eta ikasgela guztiek nahitaez bete beharko dituzte. Ikastetxeko zuzendariaren edo ikasgelako irakasle taldeko buruaren erantzukizuna izanen da horiek betearaztea, eta haien aplikazioa gainbegiratzea eta kontrolatzea, aldiz, Hezkuntzako Ikuskapen Zerbitzuaren gain egonen da.

4. Irakasleek nahitaez bete beharko dute haien oinarrizko ikastetxerako onetsitako egutegia. Ondorio horietarako, zerbitzuak ematen dituzten udalerriren batean jaieguna baldin bada, egun hori laneguntzat hartuko da eta beren oinarrizko ikastetxera joan beharko dute zuzendariak edo ikasgelako irakasle taldeko buruak bidezkotzat jotzen dituen lanak egitera.

5. Eskola egutegia eta ordutegia ezin izanen dira aldatu Hezkuntzako Ikuskapen Zerbitzuaren baimenik gabe, eta ikastetxeko edo ikasgelako iragarki-taulan erakutsiko dira, eta hala badagokio, web-orrian.

4.–Salbuespenak.

Eranskin honetan xedatutakoaren edozein salbuespen egiteko, Hezkuntzako Ikuskapen Zerbitzuari eskatu beharko zaio, behar bezala arrazoituta, hark aztertu eta, bidezkoa bada, onets dezan.

II. ERANSKINA.–JARRAIBIDEAK, 2026-2027 IKASTURTERAKO EGUTEGIA ETA ORDUTEGIA PRESTATZEKO NAFARROAKO FORU KOMUNITATEAN IKASTETXE PUBLIKO BAIMENDUETAN EMANEN DIREN HELDUEN BIGARREN HEZKUNTZAKO IRAKASKUNTZETARAKO

1.–Egutegia.

Eranskin honetan aipatzen diren irakaskuntzen eskola egutegiak baldintza hauek bete beharko ditu:

1. Ikastetxeetan, 2026-2027 ikasturtea 2026ko irailaren 1ean hasiko da, eta 2027ko ekainaren 30ean bukatuko.

2. Ikasturtea bi lauhilekotan banatuko da. Irakaslan guztiak lauhilekoaren araberako antolaketa horri egokituko zaizkio.

3. Ikastetxeek berariazko egutegi proposamen bat prestatu beharko dute, honako baldintza hauek betez:

a) Lauhileko bakoitzeko eskola egunen kopurua: 80, gutxienez ere.

b) Lehen lauhilekoa: eskolak ez dira hasiko irailaren 9 baino lehen, eta ez dira bukatuko otsailaren 1a baino geroago.

c) Bigarren lauhilekoa: eskolak ez dira hasiko otsailaren 10a baino lehen, eta ez dira bukatuko ekainaren 21a baino geroago.

d) Eguberrietako oporrak: abenduaren 23tik urtarrilaren 10era bitarte, biak barne.

e) Aste Santuko oporrak: martxoaren 25etik apirilaren 4ra bitarte, biak barne.

f) Jaiegunak, Nafarroako lan egutegi arruntaren arabera: urriaren 12a, azaroaren 2a, abenduaren 3a eta abenduaren 8a. Antolamendu, Prestakuntza eta Kalitate Zerbitzuak behar diren jarraibideak emanen ditu erabakitzen bada beste jaiegunen bat ezartzea eta, horrenbestez, eskola egutegia aldatzea.

g) Hezkuntza mailako zaindariaren jaieguna: urtarrilaren 28a. Ikastetxeek zilegi izanen dute egun hori aldatzea.

h) Herriko festa eguna, Nafarroako Foru Komunitateko herrietako festa egunak zehazten dituen arauaren arabera. Data hori eskola eguna ez den egun batean egokitzen denean, ikastetxeak beste egun bat hautatzen ahalko du.

i) Ikastetxeak erabakitako eskola egunez gainerako egunak, aurreko ataletan jaiegun gisa finkatu ez direnak, eskolarik gabeko lanegunak izanen dira, gehienez ere 5 egun, eskolak hasten direnetik amaitzen diren arte.

j) Ezin izanen dira erabili g), h) eta i) atalek aipatzen dituzten egunak eguberrietako eta Aste Santuko oporraldiak luzatzeko.

4. Abenduaren 22a eta martxoaren 24a eskola egunak izanen dira, baina goizez bakarrik.

5. Irailaren 1etik eskolak hasi bitarteko egunetan, irakasleek lan hauek eginen dituzte: ikaskuntzaren hasierako balorazioaren (IHB) plangintza, programazio lanak, klaustroak eta ikasturtea antolatzearekin lotutako bestelako jarduerak.

6. Lehen lauhilekoa bukatzen denetik bigarrena hasi bitarteko egunetan lan hauek eginen dira: lauhilekoa berrikusi eta ebaluatzeko berariazko lanak, ikasle sartu berrien ikaskuntzaren hasierako balorazioa (IHB), erreklamazioekin lotutako lanak eta behar diren egintza akademiko eta administratibo guztiak, baita bigarren lauhilekoa antolatzearekin lotutako jarduerak ere. Egun horietan, irakasleek ikastetxera joan beharra izanen dute, lan horiek egiteko.

7. Bigarren lauhilekoko eskolak bukatu eta ekainaren 30era arte, lan hauek eginen dira: lauhilekoa berrikusi eta ebaluatzeko berariazko lanak, memoria didaktikoak, azken memoria, erreklamazioekin lotutako lanak eta behar diren egintza akademiko eta administratibo guztiak, baita hurrengo ikasturtea antolatzearekin lotutako jarduerak ere.

8. Ebaluazio saioak eta klaustroak ezin izanen dira eskola orduetan egin.

2.–Ordutegia.

Eranskin honetan aipatzen diren irakaskuntzen eskola ordutegiak baldintza hauek bete beharko ditu:

1. Helduen Bigarren Hezkuntzako asteko eskola ordutegian 16 eskola-saio izanen dira, bakoitza 60 minutukoa, modalitate presentzialean. Urrutiko modalitatean, aldiz, 12 eskola-saio izanen dira, bakoitza 60 minutukoa.

2. Helduen Bigarren Hezkuntzako modalitate presentzialean, ikasleen eskola ordutegia modu homogeneoan banatuko da astean 4 egunetan, eta antolatuko da ahalik eta ikasle gehien joan ahal daitezen eskoletara. Halere, Hezkuntza Departamentuak, ikastetxeko zuzendariak eskatu ondotik eta inguruabarrak behar bezala aztertu eta baloratu eta gero, beste edozein banaketa onartzen ahalko du.

3.–Tramitazioa.

Tramitazioa egiteko, honela jokatuko da:

1. Ikastetxeetako zuzendariek egutegi eta ordutegi proposamenak igorriko dituzte Hezkuntzako Ikuskapen Zerbitzura, Educa kudeaketa programaren bidez, eskola kontseiluak onetsi ondoren. Horretarako azkeneko eguna 2026ko ekainaren 12a izanen da.

2. Hezkuntzako Ikuskapen Zerbitzuak egutegiak eta ordutegiak onetsi edo ezetsiko ditu, haiek aztertu ondoren. Ikuskapen Zerbitzuaren komunikazio hori, orobat, Educa kudeaketa programaren euskarri informatikoaren bidez eginen zaie ikastetxeei. Egutegiak eta ordutegiak onetsitzat joko dira ikastetxeek ez badute inolako jakinarazpenik jasotzen 2026ko ekainaren 22rako.

Ikastetxeren batek bere egutegi proposamena aipatu epean bidaltzen ez badu, Hezkuntzako Ikuskapen Zerbitzuak ofizioz esleituko dio eranskin honen 1. atalean (Egutegia) ezarritako baldintzak betetzen dituen egutegi bat.

3. Eskola egutegia eta eskola ordutegia, onetsi ondoren, eranskin honetan aipatzen diren ikastetxe guztiek nahitaez bete beharko dituzte. Ikastetxeko zuzendariaren erantzukizuna izanen da horiek betearaztea, eta haien aplikazioa gainbegiratzea eta kontrolatzea, aldiz, Hezkuntzako Ikuskapen Zerbitzuaren gain egonen da.

4. Eskola egutegia eta eskola ordutegia ezin izanen dira aldatu Hezkuntzako Ikuskapen Zerbitzuaren baimenik gabe, eta ikastetxeko iragarki-taulan erakutsiko dira, eta, hala badagokio, web-orrian.

4.–Salbuespenak.

Eranskin honetan xedatutakoaren edozein salbuespen egiteko, ikastetxeak eskatu beharko dio, arrazoituta eta eskola kontseiluak onetsi ondoren, Hezkuntzako Ikuskapen Zerbitzuari, azter dezan eta, hala badagokio, onets dezan.

III. ERANSKINA.–JARRAIBIDEAK, 2026-2027 IKASTURTERAKO EGUTEGIA ETA ORDUTEGIA PRESTATZEKO NAFARROAKO FORU KOMUNITATEAN IKASTETXE PUBLIKO BAIMENDUETAN EMANEN DIREN ERDI MAILAKO ETA GOI MAILAKO HEZIKETA ZIKLOETARA SARTZEKO IKASTAROETARAKO

1.–Egutegia.

Eranskin honetan aipatzen diren irakaskuntzen eskola egutegiak baldintza hauek bete beharko ditu:

1. Ikastetxeetan, 2026-2027 ikasturtea 2026ko irailaren 1ean hasiko da, eta 2027ko ekainaren 30ean bukatuko.

2. Erdi mailako heziketa zikloetara sartzeko ikastaroa eta goi mailako heziketa zikloetara sartzeko ikastaroa ikasturte banatan eginen dira.

3. Ikastetxeek berariazko egutegi proposamen bat prestatu beharko dute, honako baldintza hauek betez:

a) Eskolak hasiko dira Helduen Bigarren Hezkuntzakoak hasten diren egun berean, eta ekainaren 11n bukatuko dira. Azken hiru eskola egunetan 2026-2027 ikasturteko deialdi bereziko azterketak eginen dira.

b) Eguberrietako oporrak: abenduaren 23tik urtarrilaren 10era bitarte, biak barne.

c) Aste Santuko oporrak: martxoaren 25etik apirilaren 4ra bitarte, biak barne.

d) Jaiegunak, Nafarroako lan egutegi arruntaren arabera: urriaren 12a, azaroaren 2a, abenduaren 3a eta abenduaren 8a. Antolamendu, Prestakuntza eta Kalitate Zerbitzuak behar diren jarraibideak emanen ditu erabakitzen bada beste jaiegunen bat ezartzea eta, horrenbestez, eskola egutegia aldatzea.

e) Hezkuntza mailako zaindariaren jaieguna: urtarrilaren 28a. Ikastetxeek zilegi izanen dute egun hori aldatzea.

f) Herriko festa eguna, Nafarroako Foru Komunitateko herrietako festa egunak zehazten dituen arauaren arabera. Data hori eskola eguna ez den egun batean egokitzen denean, ikastetxeak beste egun bat hautatzen ahalko du.

g) Ikastetxeak erabakitako eskola egunez gainerako egunak, aurreko ataletan jaiegun gisa finkatu ez direnak, eskolarik gabeko lanegunak izanen dira, gehienez ere 5 egun, eskolak hasten direnetik amaitzen diren arte.

h) Ezin izanen dira erabili e), f) eta g) letretan aipatzen diren egunak eguberrietako eta Aste Santuko oporraldiak luzatzeko.

4. Abenduaren 22a eta martxoaren 24a eskola egunak izanen dira, baina goizez bakarrik.

5. Irailaren 1etik eskolak hasi bitarteko egunetan, irakasleek programazio lanak, klaustroak eta ikasturtearen antolaketarekin lotutako bestelako jarduerak eginen dituzte.

6. Eskolak bukatu eta ekainaren 30era arte, lan hauek eginen dira: ikasturtea berrikusi eta ebaluatzeko berariazko lanak, memoria didaktikoak, azken memoria, erreklamazioekin lotutako lanak eta behar diren egintza akademiko eta administratibo guztiak, baita hurrengo ikasturtea antolatzearekin lotutako jarduerak ere.

7. Ebaluazio saioak eta klaustroak ezin izanen dira eskola orduetan egin.

2.–Ordutegia.

Eranskin honetan aipatzen diren irakaskuntzen eskola ordutegiak baldintza hauek bete beharko ditu:

1. Erdi mailako heziketa zikloetara sartzeko ikastaroen asteko eskola ordutegia 16 ordukoa izanen da modalitate presentzialean eta, oro har, astelehenetik ostiralera banatuko dira ordu horiek, modu homogeneoan.

2. Goi mailako heziketa zikloetara sartzeko ikastaroen asteko eskola ordutegia 16 ordukoa izanen da modalitate presentzialean eta, oro har, astelehenetik ostiralera banatuko dira ordu horiek, modu homogeneoan.

3. Urrutiko modalitatean, erdi eta goi mailako heziketa zikloetara sartzeko ikastaroetako ikasgai bakoitzean, gutxienez, taldeko tutoretza saio bat izanen da, eta banakako tutoretzako beste bat.

3.–Tramitazioa.

Tramitazioa egiteko, honela jokatuko da:

1. Zuzendariek egutegi eta ordutegi proposamenak igorriko dituzte Hezkuntzako Ikuskapen Zerbitzura, Educa kudeaketa programaren bidez, eskola kontseiluak onetsi ondoren. Horretarako azkeneko eguna 2026ko ekainaren 12a izanen da.

2. Hezkuntzako Ikuskapen Zerbitzuak egutegiak eta ordutegiak onetsi edo ezetsiko ditu, haiek aztertu ondoren. Educa kudeaketa programak ematen duen informatikako euskarriaren bidez iritsiko zaie ikastetxeei Hezkuntzako Ikuskapen Zerbitzuaren jakinarazpena. Egutegiak eta ordutegiak onetsitzat joko dira ikastetxeek ez badute inolako jakinarazpenik jasotzen 2026ko ekainaren 22rako.

Ikastetxeren batek bere egutegi proposamena aipatu epean bidaltzen ez badu, Hezkuntzako Ikuskapen Zerbitzuak ofizioz esleituko dio eranskinaren 1. atalean (Egutegia) ezarritako baldintzak betetzen dituen egutegi bat.

3. Eskola egutegia eta eskola ordutegia, onetsi ondoren, eranskin honetan aipatzen diren ikastetxe guztiek nahitaez bete beharko dituzte. Ikastetxeko zuzendariaren erantzukizuna izanen da horiek betearaztea, eta haien aplikazioa gainbegiratzea eta kontrolatzea, aldiz, Hezkuntzako Ikuskapen Zerbitzuaren gain egonen da.

4. Eskola egutegia eta eskola ordutegia ezin izanen dira aldatu Hezkuntzako Ikuskapen Zerbitzuaren baimenik gabe, eta ikastetxeko iragarki-taulan erakutsiko dira, eta, hala badagokio, web-orrian.

4.–Salbuespenak.

Eranskin honetan xedatutakoaren edozein salbuespen egiteko, ikastetxeak eskatu beharko dio, arrazoituta eta eskola kontseiluak onetsi ondoren, Hezkuntzako Ikuskapen Zerbitzuari, azter dezan eta, hala badagokio, onets dezan.

Iragarkiaren kodea: F2606913