106. ALDIZKARIA - 2026ko ekainaren 2a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

83C/2026 EBAZPENA, apirilaren 14koa, Ekonomia Sozialeko eta Laneko zuzendari nagusiak emana, Nafarroako elikagaien merkataritzaren sektorearen hitzarmen kolektiboa erregistratu, gordailutu eta Nafarroako Aldizkari Ofizialean argitaratzea erabakitzen duena.

Nafarroako elikagaien merkataritzaren (Biltegiak) sektoreko hitzarmen kolektiboaren testua ikusirik (kode zenbakia: 31001505011981), erregistro honetan jaso baitzen 2026ko martxoaren 31n, enpresaren eta sindikatuen ordezkariek 2026ko martxoaren 30ean sinatu ondotik.

Bat etorriz Langileen Estatutuaren Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen kolektiboak, lan akordio kolektiboak eta berdintasun planak erregistratu eta gordailutzeari buruzko maiatzaren 28ko 713/2010 Errege Dekretuan ezarritakoarekin.

Nafarroako Foru Komunitateko Administrazioari eta foru sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz, eta kontuan hartuta zer xedatzen den Eskubide Sozialetako, Ekonomia Sozialeko eta Enpleguko Departamentuaren egitura organikoa ezartzen duen azaroaren 15eko 251/2023 Foru Dekretuan,

EBAZTEN DUT:

Lehenengoa.–Nafarroako elikagaien merkataritzaren (Biltegiak) sektorearen hitzarmen kolektiboa (kode zenbakia: 31004805011981) inskribatzea Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan (kode zenbakia: 31001505011981).

Bigarrena.–Nafarroako Aldizkari Ofizialean argitara dadila agintzea, orok jakin dezan.

Iruñean, 2026ko apirilaren 14an.–Ekonomia Sozialeko eta Laneko zuzendari nagusia, Iñaki Mendióroz Casallo.

NAFARROAKO ELIKAGAIEN BILTEGIZAINEN SEKTOREAREN HITZARMEN KOLEKTIBOA

(Indarraldia: 2025eko urtarrilaren 1etik 2027ko abenduaren 31ra)

Atariko kapitulua.–ALDERDIAK ZEHAZTEA

Hitzarmen kolektibo hau Nafarroako Elikagaien Biltegizainen Enpresaburuen Elkarteak izendatu dituen ordezkariek, alderdi ekonomiko gisa, eta ondoko sindikatuek hitzartu dute: LAB Sindikatuak; Nafarroako UGT Sindikatuaren Mugikortasun eta Kontsumorako Zerbitzuen Federazioak eta Nafarroako CCOO Sindikatuaren Zerbitzuen Federazioak, lan arloko alderdi gisa.

Arau orokorrak

1. artikulua. Esparrua.

Hitzarmen honek elikagaien biltegizainei dagozkien lanetan aritu eta Nafarroako Foru Komunitatean lantokiren bat duten enpresa guztiak aintzat hartuko ditu.

Hitzarmena sinatu duten alderdi guztiek aske hartutako autonomia kolektiboari jarraikiz, hitzartu diren baldintzak gutxieneko baldintzatzat hartzen dira. Hala berean, Langileen Estatutuaren 83.2 artikuluak emandako ahalmena kontuan hartuta, alderdi sinatzaileek Nafarroako Foru Komunitateko elikagaien biltegizainen hitzarmen kolektibo honi aplikatzeko lehentasuna ematen diote, aplikazio eremu horretan baliatzen ahal den edozein hitzarmenen gainetik, Langileen Estatutuaren 84.2 artikuluak ezarritako legezko mugen barruan.

2. artikulua. Indarraldia.

Hitzarmen honek 2025eko urtarrilaren 1etik 2027ko abenduaren 31ra arte iraunen du, eta azkendu eginen da indarraldia bukatuta.

Hala, hitzarmenaren indarraldia bukatuta, langileen alderdiak edo enpresaburuen alderdiak hitzarmena berrikusteko eskatzen ahalko dio beste alderdiari, idatziz, hitzarmenaren indarraldia agortu baino hilabete lehenago, gutxienez.

Indarraldia agortu ondotik, hitzarmen honek arauzko klausulei eutsiko die beste hitzarmen bat adostu arte.

Akordiorik lortzen ez bada, alderdiek bitartekotza eta arbitraje prozeduren mendean jarriko dituzte desadostasunak, Nafarroako Lan Auzitegiaren aurrean.

3. artikulua. Irenstea eta konpentsazioa.

Hitzarmen honen ondorioz ezartzen diren ekonomia eta lan arloetako hobekuntza guztiak, are hemendik aurrera ezartzen diren borondatezko hobekuntzak ere, enpresa bakoitzean izanen diren soldaten igoerekin eta hobekuntzekin konpentsatu eta irentsiko dira, ahal den neurrian, bai, halaber, hemendik aurrera aldarrikatzen diren legezko beste xedapen batzuen bidez ezartzen direnekin ere, haien kontzeptua edozein delarik.

4. artikulua. Bermeak.

Hitzarmen honetan biltzen diren baldintzak gutxienekoak dira. Hortaz, hemen ezartzen diren baldintzak baino hobeak dituztenei "ad personam" bermatuko zaizkie.

5. artikulua. Lan baldintzak ez aplikatzea.

1.–Kontzeptua.

Sektore honetan enplegu egonkortasun handiagoa ekarriko duen esparru bat ezartzeko, beharrezkotzat jotzen da horren aldeko neurriak aplikatzea errazten duten tresnak ezar daitezen, betiere prebentzio moduan eta egoera honi loturik, izan ere, horretarako, aldi baterako bakarrik, zenbait lan baldintzatan ez da hitzarmena benetan aplikatuko.

Neurri horien helburua izanen da hitzarmena benetan ez aplikatzea aldi baterako, betiere legezko eta hitzarmenezko esparruaren barruan.

Nolanahi ere, itundutako baldintza berriek ez dute hitzarmenarekiko lotura hausten gainerakoetan, eta beste klausula guztietan aplikatu beharko da.

2.–Ukitutako arloak.

Ondorio horretarako aldi baterako aplikazio ezak edo etenak ez ditu ukituko ondoan aipatzen diren arloak, zeinak aplikatu beharreko enpresaz gaindiko hitzarmen kolektiboan ezarri baitira, betiere ezertan eragotzi gabe Langileen Estatutuaren 41. artikuluan ezarritakoa:

a) Ordutegia eta lan denboraren banaketa.

b) Txandakako lan araubidea.

c) Lan sistema eta errendimendua.

d) Ordainketa sistema eta soldataren zenbatekoa.

e) Eginkizunak, Langileen Estatutuaren 39. artikuluan mugikortasun funtzionalerako aurreikusten diren mugak gainditzen dituztenean.

3.–Arrazoiak.

Lan baldintzak ez aplikatzeko, artikulu honetan ezarritako baldintzetan, arrazoi ekonomikoak, teknikoak, antolakuntzakoak edo produkziokoak gertatu behar dira.

Arrazoi ekonomikoak badaudela ulertuko da enpresaren diru sarreren maila etengabe apaltzen denean edo enpresaren egoera eta aukera ekonomikoek eta, horren ondorioz, enpleguari eusteko aukerek eragin kaltegarria pairatzen dutenean; arrazoi horiek daudela ulertuko da egoera ekonomiko negatiboa ondorioztatzen denean enpresaren emaitzetatik, adibidez egungo edo aurreikusitako galerak badaude edo diru sarrera arrunten edo salmenten maila etengabe jaisten bada. Edonola ere, beherakada hori iraunkorra dela ulertuko da ondoz ondoko bi hiruhilekotan, diru sarrera arrunten edo salmenten maila, hiruhileko bakoitzean, aurreko urteko hiruhileko berean izandakoa baino txikiagoa bada.

Arrazoi teknikoak badaudela ulertuko da produkzio baliabide edo tresnetan, besteak beste, aldaketak daudenean; antolakuntzako arrazoiak, berriz, langileen lan sistemetan edo produkzioa antolatzeko eran, besteak beste, aldaketak daudenean; eta produkzioari lotutako arrazoiak, azkenik, enpresak merkaturatu nahi dituen produktu edo zerbitzuen eskarian, besteak beste, aldaketak jazotzen direnean.

4.–Prozedura.

4.1. "Arrazoiak" deritzon 3. atalean lan baldintzak ez aplikatzeko aurreikusitako arrazoi bat duten enpresetan, langileen ordezkariei emanen zaie lan baldintzak ez aplikatzeko nahiaren berri.

Enpresan langileen legezko ordezkaririk ez badago, langileek Langileen Estatutuaren 41.4 artikuluan xedatutakoarekin bat izendatutako batzorde baten esku uzten ahalko dute

ordezkaritza hori.

Bi kasuetan prozeduraren hasiera komunikatuko zaio Hitzarmenaren Batzorde Paritarioari.

4.2. Enpresaren komunikaziotik aitzina hasiko da prozedura, eta kontsulta aldia hasiko da, langileen ordezkariekin edo izendatutako batzordearekin edo atal sindikalekin, horiek hala adosten dutenean, baldin eta Enpresa Batzordeko kideen gehiengoa badute, edo langileen ordezkarien arteko gehiengoa.

Kontsulta epea, gehienez, 15 egunekoa izanen da, eta, hartan, enpresak erabaki hori hartzeko arrazoiei buruz hitz eginen da. Enpresak, aurreko paragrafoan aipatutako komunikazioarekin batera, eskaera babesten eta justifikatzen duen dokumentazioa eman beharko du. Azalpen gisa honako hau adierazten da, nahiz eta bestelakoa ere izaten ahal den: Azalpen memoria, Merkataritza Erregistroan aurkeztutako eta/edo ikuskatutako kontuak, egoeraren balantzea eta emaitzen kontua eta aurreikusitako urteko kontuen aurrerapena, edo, dokumentazio hori ez bada, antzekoa, enpresaren inguruabar zehatzen arabera egokitutakoa.

Enpresak frogatu beharko du alegatutako arrazoiak zentzuzkoak eta proportzionalak direla eta enpresaren egoera hobetzen eta enpleguari eusten laguntzen dutela.

4.3. Kontsulta aldia akordioa lortuta bukatzen bada, ulertuko da badela 3. atalean ("Arrazoiak") ez aplikatzeko arrazoi gisa identifikatutakoren bat, eta akordio hori iruzurra, doloa, derrigortzea edo eskubide abusua izateagatik bakarrik aurkaratzen ahalko da jurisdikzio eskudunean.

Akordio hori Hitzarmenaren Batzorde Paritarioari eta Lan Administrazioko Agintaritzari jakinarazi beharko zaie.

Hitzarmena ez aplikatzeko akordioak zehatz azaldu beharko ditu enpresan aplikatzekoak diren lan baldintza berriak eta haien iraupena. Azken hau ez da luzatzen ahalko enpresan hitzarmen berri bat aplikatzekoa den unetik aurrera.

Lan baldintzak ez aplikatzeko akordioak ez du berekin ekarriko genero arrazoiengatiko bazterketa desagerrarazteko betebeharrak ez betetzea, hitzarmenean ezarritakoak, edo, halakorik bada, enpresan aplikatzekoa den Berdintasunerako Planean aurreikusitakoak.

4.4. Akordiorik lortzen ez bada, eta behin kontsulta aldia bukaturik, gehienez ere zazpi eguneko epean alderdiek Hitzarmenaren Batzorde Paritarioari igorriko dizkiote aurkeztutako dokumentazioa, II. eranskinean jasotzen den akta eta egin diren alegazioak, halakorik egin bada.

Hitzarmenaren Batzorde Paritarioak, aurkeztutako dokumentuak azterturik, adierazi beharko du ea enpresa eskatzailean 3. puntuan ("Arrazoiak") lan baldintzak ez aplikatzeko aurreikusitako arrazoi bat edo batzuk dauden. "Arrazoiak".

Batzorde Paritarioak beharrezkotzat jotzen badu, egokitzat jotzen duen dokumentazio osagarria eskatuko du, baita egoki diren aholkularitza teknikoak ere.

Hitzarmenaren batzorde paritarioak 7 eguneko epea izanen du lan baldintzak ez aplikatzeko eskaerari buruz ebazteko. Akordioa hartzeko, ordezkaritza bakoitzaren gehiengoa beharko da, hots, enpresarena eta langileena.

Hala badagokio, batzordeak zehatz-mehatz ezarriko ditu lan baldintzak ez aplikatzeak ukitzen dituen gaiak. Ondorio horretarako, lan baldintzak ez aplikatzeko ezarritako gehieneko epea kontuan hartu beharko du, bai eta arestian aipatutako betebeharrak (genero arrazoiengatiko bazterketa desagerrarazteko betebeharrak edo, halakorik bada, enpresan aplikatzekoa den berdintasunerako planean aurreikusitakoak) ez betetzeko ezintasuna ere.

4.5. Batzorde Paritarioak ez baldin badu akordiorik lortzen, hitzarmen honen II. eranskinean jaso eta alderdiek bete beharreko manua betez, desadostasunak borondatezko arbitraje lotesle baten mende jartzen ahalko dira, eta, kasu horretan, arbitraje epaiak kontsulta aldiko akordioek adinako eraginkortasuna izanen du; horren kontra prozedurarekin bat bakarrik jartzen ahalko da errekurtsoa, eta, behar denean, Langileen Estatutuaren 91. artikuluan ezarritako arrazoien arabera.

Hitzarmen honen II. eranskinak adierazten duen bezala, eta arbitrajearen mendean jartzearen ondorioetarako, Batzorde Paritario eskudunak berak igorriko dizkio jarduketak eta dokumentazioa Nafarroako Lan Auzitegiari, ebazteko epea bukatu eta ondoko bost eguneko epean.

Nolanahi ere den, hitzarmen honi darion indarraldian, beharrezkoa izanen da alderdiak –langileen eta enpresaren ordezkariek– ados egon daitezen hitzarmena ez aplikatzeko prozesua arbitrajepean jartzeko, CCNCCren edo beste edozein organo eskudunen esku hartzea ere aintzat hartuta.

6. artikulua. Xedapen orokorrak aplikatzea.

Hitzarmen honetan aurreikusita edo araututa ez dagoen orotan, Langileen Estatutuan eta gainerako lege xedapenetan ezarritako arauak aplikatuko dira.

KONTRATAZIOA

7. artikulua. Prestakuntzako kontratuak.

Lehen eta bigarren urteko prestakuntza kontratuak Langileen Estatutuaren 11. artikuluak ezartzen dituenei jarraikiz arautuko dira.

Kontratu horietarako soldatak hitzarmen honen eranskineko soldaten tauletan ageri dira. Nolanahi ere, betetzen diren eginkizunei atxikitako lanbide taldeari dagokion soldataren %65 baino gutxiago ez dira izanen lehenengo urtean eta %75 baino gutxiago bigarren urtean, benetako lan denboraren arabera.

8. artikulua. Lanaldi partzialeko kontratua.

Hitzarmen honi loturiko enpresek konpromisoa hartzen dute lanaldi partzialeko kontratuen iraupena astean, gutxienez, hogei ordukoa izan dadin, hileko edo urteko batez bestekoan. Hala eta guztiz ere, lanaldi laburragoko kontratuak hitzartzen ahalko dira, baldin eta enpresaren jarduera nagusiarekiko osagarriak diren eta enpresaren jarduera nagusitzat hartzen ez diren eginkizunak edo jarduerak egiteko kontratuak badira.

Lanaldi partzialeko kontratuak idatziz formalizatu behar dira; horrelako kontratuetan zehaztuko dira benetan zenbat ordu lan egin behar den, ordu horiek lanaldietan eta egunetan nola banatuko diren, eta lan egindako orduen proportzioan nolako lanaldi ehunekoa aplikatuko den.

Lanaldi partzialeko kontratuetan soldata gisa aplikatuko den ehunekoa hitzarmen honetan ezartzen den urteko gehieneko lanaldiarekin proportzionala izanen da. Lanaldiaren portzentajea, kontratu mota horien ordainsarien ondorioetarako, formula hau aplikatuz kalkulatuko da hitzarmenaren urteko lanaldiari dagokionez:

Lanaldiaren % =

asteko ordu kopuru hitzartua x 45,66125 aste/urte x 100

1730 ordu (1726 ordu 2027. urtean)

Kontratu mugagabeez lotutako langileen portzentajea plantilla osoaren %80 edo gehiago denean, enpresek Langileen Estatutuaren 12.5.c) artikuluan araututa dauden ordu osagarrien itunak egiten ahalko dituzte langileekin; gehienez ere, kontratatuta dituzten ordu arrunten %60ko kopuruan.

Enpresa horietan beretan, Langileen Estatutuaren 12.5.g) artikuluan arautzen diren borondatezko ordu osagarrien gehieneko portzentajea kontratatuta dituzten ordu arrunten %30 izanen da.

Aldi baterako kontratuen portzentajea zehazteko, kontratua noiz egiten den hartuko da kontuan; aldiz, errelebo kontratuak, bitartekoak eta prestakuntzakoak ez dira portzentajean sartuko. Langileen legezko ordezkaritzarik ez dagoen enpresetan behin-behinekotasunerako baldintzak betetzen dituela frogatu beharko dio enpresak Batzorde Paritarioari; horretarako, nahikoa da idazki bat posta elektronikoz igortzea, eta hartan zehaztea data jakin bateko kontratu mugagabeen eta aldi baterakoen kopurua eta haien portzentajeak.

Kontratu mugagabeez lotutako langileen portzentajea plantilla osoaren %80 baino gutxiago denean, enpresek ordu osagarrien itunak egiten ahalko dituzte langileekin; gehienez ere, kontratatuta dituzten ordu arrunten %30eko kopuruan.

Enpresa horietan beretan, borondatezko ordu osagarrien gehieneko portzentajea kontratatuta dituzten ordu arrunten %15 izanen da.

Langile bakoitzak bere lan egutegian duen eguneko lanaldiaren aurretik edo ondoren eginen dira ordu osagarriak, lanaldia eten gabe, betiere erregelamenduzko atsedenaldiak errespetatuta.

Langileak ordu osagarriak eginez edo kontratuak berrituz lanaldia luzatzen badu, ordu horien ehuneko berrogeita hamar kontsolidatuko da, langileak hala eskatuta, betiere ordu horiek urte naturalaren barruan egiten badira.

Lanaldi gehikuntza hurrengo urtearen hasieratik aurrera finkatuko da, alderdiek lehenagoko datarik adosten ez badute.

Lanaldi partzialeko kontratua duten langileek lehentasunezko eskubidea izanen dute lanaldi osoko lanpostu hutsak edo lanaldi luzeagoa dakarten lanpostuak eskuratzeko.

Lanaldia handitzeko eskubidea duten langile bat baino gehiago dagoenean, igoera horretarako lehentasuna lantokian antzinatasun handiena duenaren alde ebatziko da.

9. artikulua. Iraupen mugatuko kontratua:

Ekoizpenaren inguruabarren araberako kontratua hitzartzen ahalko da, gehienez hamabi hilabetez, eta hasierako kontratuak iraupen txikiagoa badu, aldi bakar batez luzatzen ahalko da, ezarritako aldia osatu arte.

10. artikulua. Erretiro aurreratu partziala eta errelebo kontratua.

Langileen Estatutuaren 12.6 eta 12.7 artikuluetan xedatutakoa bete beharko da.

Erretiro partziala eskatzeko eskubidea langilearena berarena da, betiere erretiro pentsiorako eskubidea izateko indarreko legeriak eskatzen dituen baldintzak betetzen baditu. Enpresak ahalmena du erretiro partziala hartu duen langileak lanaldiko orduak noiz egin behar dituen finkatzeko.

Erreleboa hartzen duen langilea plantillako langile finko bihurtuko da erretiro partziala hartu duen langileak erabateko erretiroa hartzen duenean, salbu eta lanpostu hori amortizatu behar bada.

Erretiro partziala eskatzeko eskubidea etenda geratuko da, sei hilabeteko epean, langile baten erretiro partziala, txanda kontratua erabiliz, onartzen denean, baldin eta langile horren azken 6 hilabeteetako kotizazio oinarriek –hitzarmeneko taulak aplikatzearen ondoriozkoak– %35 gainditzen badute langile bati aplikatu beharreko hitzarmeneko soldata, kontratazio berrikoa, ordeztutako pertsonaren lanbide kategoria berekoa, betiere erretiro partzial berrian ere %35eko aldea gainditzen bada, azaldutako irizpidearen arabera.

11. artikulua. Desgaitasunen bat duten langileen kontratazioa.

Plantillan 50 langile edo gehiago dituzten enpresak behartuak daude, indarreko araudiaren arabera, plantillako %2 gutxienez, desgaitasunen bat duten langileak kontratatzera, ziurtagiri ofizial baten bidez %33tik gorako minusbaliotasuna egiaztatzen dutenak.

Aurrekoa gorabehera, salbuespenezko arrazoiak daudenean, enpresak betebehar horretatik kanpo geratuko dira, hautazko neurriak aplikatzen dituztenean. Neurri horiek apirilaren 8ko 364/2005 Errege Dekretuaren 2. artikuluan ezarri dira, non arautzen baita nola bete behar den, salbuespenez eta hautazko eran, desgaitasuna duten langileentzat gorde beharreko kuota.

ORDAINSARIAK

Soldatakoak

12. artikulua. Ordainsariak.

Hitzarmen honi atxikitako langileek I. eranskinean ageri diren ordainsariak jasoko dituzte. Era berean, aipatutako eranskinean, antzinatasuna kalkulatzeko taula bat agertzen da.

Hitzarmen honen tauletan ezarritako soldatak, 2024ko abenduaren 31n indarra zutenak, 2025eko urtarrilaren 1etik abenduaren 31ra arteko aldian, %3,7 gehituko dira, kontzeptu guztietan.

2026. urtean, aurreko apartatuan ezarritakoaren arabera aplikagarriak diren hitzarmeneko taulak %3,6 gehituko dira.

Estatuko 2026ko KPIaren berri izan bezain laster, 2027. urteari dagozkion taulak taxutuko dira, eta soldataren osagai guztiak Nafarroako 2026ko KPIa gehi %1 igoko dira.

Taulak ez dira inola ere murriztuko KPI negatiboa aplikatuta.

Oinarrizko soldata eta hitzarmeneko plusa urteko egun natural bakoitzeko jasoko dira, eta haien arteko diferentzia bakarra da hitzarmeneko plusa ez dela kontuan hartuko antzinatasunaren ondorioetarako.

Ordainsariari datxezkion gainerako kontzeptuetan (esaterako, uztaileko eta Eguberrietako aldizkako haborokin finkoak, salmenta edo mozkinen araberako haborokinak, oporrak, lizentzia ordainduak, eritasun eta istripuak eta hitzarmen honen 29. artikuluan ezarritako heriotza edo baliaezintasun ondoriozko eskubideak) oinarrizko soldata eta hitzarmeneko plusa ordainduko dira.

Soldaten agirian, langileak jaso beharreko diru sarrera guztiak banaka agertuko dira, baita legez edo hitzarmen bidez ezarritako kenkariak eta haien batura ere; horien azken emaitza izanen da jaso beharreko soldata garbia. Halaber, langileari dagokion kotizazio oinarria, langilearen lanbide sailkapena, antzinatasuna, langilearen izena, enpresaren izena, bien IFZ eta enpresaren Gizarte Segurantzako zenbakia agertu beharko dira.

13. artikulua. Antzinatasuna.

Hitzarmen honi atxikitako langileek aldizkako igoerak izanen dituzte zerbitzu urteengatik, laurtekoak jasoz kopuru mugagabean; horien zenbatekoa hitzarmen honen I. eranskinean jasota dago eta dagokion kategoriako oinarrizko soldataren %5aren baliokidea da. Artikulu honetan ezarritakoa gorabehera, izangai emandako denbora edo prestakuntza denbora kontuan hartuko dira enpresako antzinatasuna kalkulatzeko.

14. artikulua. Aldizkako haborokin finkoak.

Hitzarmen honi atxikitako langileek aparteko haborokinak jasoko dituzte uztailean eta Eguberrietan, hilabeteko benetako soldata osoaren adinakoa aldi horietako bakoitzean. Uztailaren 5a eta abenduaren 22a baino lehen ordaindu beharko dira, hurrenez hurren.

San Migel eguna, irailaren 29a, ez da laneko jaieguntzat hartuko, baina haborokin bat ordainduko zaie langile guztiei, tauletan urte bakoitzean ezarritako zenbatekoa kontuan hartuta.

Jaiegun horren ordez beste egun bat jarri edo egun horretan lan egiteagatik konpentsazio ekonomiko bat ordaintzea, banakako hitzarmen nahiz kolektiboen bidez, ezarri duten enpresek, hemendik aurrera ere baldintza berak mantenduko dituzte. Beste kasu batean, jaieguna norberaren aferetarako egun gisa geratuko da, edo oporrei gehituko zaie, langilearen aukeran utzita, eta egun hori baliatzea gauzatuko da aldeen arteko akordioen arabera edo hitzarmenean lizentziei edo oporrei buruz ezarritakoaren arabera.

15. artikulua. Salmentei edo mozkinei lotutako haborokina.

Enpresek mozkinei edo salmentei lotutako haborokinen araubidea prestatuko dute langileentzat, enpresa bakoitzaren antolaketari egokitua. Haborokin horiek langileak hilabetean jasotzen dituen lansari guztien zenbatekoa adinakoak izanen dira, gutxienez.

Artikulu honetan aipatzen den haborokina urtean behin ordainduko da, salbu eta aspalditik epe laburragoetan ordaindu ohi baldin bada. Nolanahi ere, ekitaldi ekonomiko bakoitzeko haborokina hurrengo ekitaldi ekonomikoko martxoaren 18a baino lehen ordaindu beharko da.

16. artikulua. Izozte ganberetan lan egitearen plusa.

Lanaldia egin bitartean, izozte ganberen edo izozkailuen barruan gutxienez 2 ordu ematen dituzten langileek plus bat jasoko dute izozkailuen barruan egondako ordu bakoitzeko. Plus horren zenbatekoa soldata tauletan ezarriko da.

17. artikulua. Gaueko lanaren plusa.

Lanaldi osoa edo zati bat 22:00etatik 06:00ak arte egiten dutenek gaueko lanaren plusa kobratuko dute. Beren lanbide kategoriako oinarrizko soldataren %25 izanen da, eta hobari hori aipatutako tartean egindako lanorduei aplikatuko zaie soilik.

Aurreko lerroaldean ezarritakotik kanpo daude, eta, hortaz, ez da diru konpentsaziorik izanen, berez gauekotzat hartzen diren lanetarako egiten diren kontratazioak, hots: zaindariak, atezainak, zaintzaileak eta antzekoak, betiere beren lana gauean egiteko kontratatu badira, eta horren arabera ezarri bada soldata, edo konpentsazio osagarri gisa atseden denbora adostu bada.

Aurreko ataletan azaldutako egoerak gertatzen direnean sorraraziko da osagarri hori, eta ez da finkatuko.

18. artikulua. Orga gidariaren plusa.

Biltegiko langile espezializatuaren kategoria duten langileek lanaldiaren %50 baino gehiago erabiltzen badute orga jasotzaileak maneiatzeko lanetan, "orga gidariaren plusa" izenekoa jasoko dute, tauletan finkatutako zenbatekoan. 2026ko urtarriletik aurrera, kategoria berean orga jasotzaileak lanaldiaren %25 eta %50 bitartean erabiltzen dituenak plusaren %50 jasoko du.

Soldataz kanpokoak

19. artikulua. Zerbitzuko beharren ziozko joan-etorrietako gastuak.

Ohiko lanlekutik kanpora zerbitzu lanen bat egin beharra duten langileek izaten dituzten gastuak ordaintzeko eskubidea izanen dute, behar diren frogagiriak aurkeztuta.

Justifikatu ezin diren gastuak konpentsatzeko, langileek, egun bakoitzeko, 8,85 euroko dieta jasotzeko eskubidea izanen dute 2025. urtean. 2026. urtean, zenbatekoa 9,16 eurokoa izanen da, eta 2027. urtean, berriz, zenbateko hori soldataren ehuneko berean igoko da.

Barne araudirik ez duten enpresetan, langileek bidaiak nola egin behar dituzten finkatuko da langileekin batera.

20. artikulua. Enpresa lekuz aldatzea.

Enpresak lantokia, osorik edo zati batez, beste herri batera eraman nahi badu eta horrek langileak ohiko bizilekua aldatu beharra ez badakar, gai horretan indarra duten xedapenak galarazi gabe, enpresak langileen ordezkariei jakinarazi beharko die hiru hilabete lehenago, ezinbesteko kasuetan izan ezik.

Edonola ere, lekualdaketa dela-eta, langilearen gastua handitzen bada, enpresak konpentsatu beharko dio, bien artean adostutako moduan.

Hala ere, adostasunik lortzen ez bada, langilearen eskubidea izanen da lantoki berrirako bidaia gastuengatik konpentsazioa jasotzea, 0,20 euro egindako kilometro bakoitzeko, bere ibilgailu pribatua erabiltzen badu.

Bidaiarik izan dela ez da onartuko baldin eta honako egoeraren bat gertatzen bada, destinoko lantokiari dagokionez:

a) Lantokia jatorriko herrian berean baldin badago.

b) Jatorriko lantokitik 5 kilometro baino gutxiagora baldin badago.

Enpresak langileen garraiorako ibilgailua eskainiz gero, enpresa ez da behartua izanen plus hau ordaintzera, langileak ibilgailu hori erabili nahiz ez erabili.

LANALDIA

21. artikulua. Lanaldia eta malgutasuna.

Hitzarmen honen 1. artikuluan adierazi bezala, arau kolektiboak sortzen dituen elementu gisa hitzarmen kolektiboen alde egiteko asmoz eta Langileen Estatutuaren 34. artikuluan xedatutakoaren babesean, hitzartzen da urteko lanaldia 1.730 ordukoa izanen dela, gehienez, 2025. eta 2026. urteetan, eta 1.726 ordukoa 2027. urtean. Ordu horiek urtean barna banatuko dira, egunean 9 orduko eta astean 45 orduko lanaldia gainditu gabe. Era berean, sektoreko langileen lanegunak ez dira izaten ahalko 250 baino gehiago 2026an eta 248 baino gehiago 2027an.

Aurrekoa gorabehera, eta Langileen Estatutuaren 34.2 artikuluan ezarritakoaren ondorioetarako, eguneroko lan denboraren bestelako banaketa ezartzen ahalko da enpresak eta langileen ordezkariek horretarako akordioa hartzen badute. Kasu horretan, enpresaburuak eginen du lanaldiaren banaketa. Oro har, langileek lana egiteko eguna baino hamar egun natural lehenago, gutxienez, jakinen dute zein den banaketa hori. Lanaldia banatzeko ahalmenek ez dute urratzen ahalko, inola ere, lanaldi arrunt batean egiazki 10 orduz lan egiteko gehieneko muga.

Planifikatutako lanaldian aldaketak izaten ahalko dira aurretik abisatu gabe antolaketako arrazoiak medio, beste langile batzuk ustekabean lanera agertzen ez badira, betiere adostasuna badago enpresaren eta ordezko langilearen artean.

Nolanahi ere, artikulu honetan agertzen den lanaldiaren banaketa irregularrak legeek ezarritako gutxieneko atsedenaldiak (egunekoak eta astekoak) errespetatu behar ditu.

Benetako lan denbora kontzeptuaren barnean, etenik gabeko lanaldietako atsedenaldian hartutako denbora sartuko da (ogitartekoa hartzekoa), hots, 15 minutukoa, edo eguneko lanaldiaren barnean (etenik gabekoetan zein besteetan) egiten diren beste etenaldi batzuk, legezko araudiak ezarriak badira, bi alderdien artean adostuak edo lanaren beraren antolaketagatik egin beharrekoak. Gainerako orduak benetako lan denboratzat hartuko dira.

Hitzarmen honi atxikitako langileek, lansaio osoan edo astelehenetik larunbat arteko lansaioan aritzen direnek, zortzi asteburu oso (larunbata eta igandea) izanen dituzte libre urtean, elkarren segidan ezin hartuko direnak, ez eta oporraldiei erantsiak, enpresarekiko akordiorik ezean. Asteburu horiek baliatzea hitzarmen honen 23. artikuluaren arabera eginen da.

Hitzarmen honen aplikazio eremuan sartuta dauden enpresentzat, beste hitzarmen bat aplikatzeagatik langileei hitzarmen honen I. eranskinean ezarritakoa baino ordainsari txikiagoa ordainduz gero, plantilla osoari aplikatuko dioten urteko gehienezko lanaldia 1.576 ordukoa izanen da 2025ean eta 2026an.

Ondorio horietarako, ulertzen da enpresa batek ordainsari txikiagoa ematen duela baldin eta urteko ordainsaria (lanaldi osokoa eta Nafarroako sektoreko hitzarmenak 10 urteko antzinatasuna duen langileari bere kategoriaren arabera bermatzen dizkion soldata kontzeptu guztiak kontuan hartuta, eta biltegiko langile espezializatuaren lanbide kategoriaren arabera) txikiagoa bada hitzarmen honek kategoria horretako eta 10 urteko antzinatasuna duen lanaldi osoko langileari, kontzeptu bermatu guztiak kontuan hartuta, ezartzen dion urteko ordainsari gordina baino.

22. artikulua. Aparteko orduak.

Hitzarmen honen sinatzaileek, enplegu sorrera lagunduko duen gizarte politika bidezkoa sustatze aldera, aparteko orduak modu ohikoan ez egitea erabaki dute.

Aurreko paragrafoaren ondorioetarako, ez dira ohiko aparteko ordutzat hartuko ezbeharrei aurrea hartzeko edo haiek konpontzeko beharrezkoak direnak, ez eta antzeko kasuak ere, baldin eta aparteko ordu horiek egiten ez badira enpresari edo hirugarrenei kalte nabarmen eta larriak eragiten bazaizkie. Gauza bera lehengaiak edo generoa galtzeko arriskua dagoenean. Ezinbesteko ordutzat hartuko dira. Orobat, ez dira ohiko aparteko ordutzat hartuko "egiturazko aparteko ordu" deitutakoak, hau da, honako hauengatik egindakoak: eskaerak, produkzio behar handiko uneak, ustekabeko absentziak, txanda aldaketak, produkzioaren galera edo kaltea eta produkzioaren prozesu normala aldatzen duen beste edozein inguruabar. Aparteko ordu horietako bakoitzeko ordubeteko konpentsazioa izanen da, balio bereko atsedenaldiarekin konpentsatzen bada, edo aparteko ordu bakoitzeko 1,5 orduko konpentsazioa, diruz ordaintzen bada, hitzarmen honetako I. eranskinean dagoen taulan adierazitakoaren arabera.

23. artikulua. Oporrak.

Oporraldi ordaindua 31 egun naturalekoa da. Egun horiek noiz hartu enpresak eta langileak adostuko dute. Adostasunik ez badago, enpresak 16 egun aukeratuko ditu eta langileak gainerakoa, hau da, beste 15. Ondorio horietarako, berreskuratu ezin diren jaiegun nazionalak, enpresak adierazitako oporraldiekin bat datozenak, ez dira opor eguntzat hartuko.

Oporraldi horri 2 egun gehitzen ahalko zaizkio, langileak berak aukeratzekoak; betiere, hitzarmen honen 20. artikuluan finkatutako lanaldi osoa egin beharko da. Horretarako, norberak aukeratutako egun horiek garaiz eskatu beharko ditu langileak, enpresek lanaren antolaketa behar bezala egin dezaten.

Galarazita dago enpresako langile guztien %25ek edo gehiagok oporreko edo erabilera libreko egun berbera eskatzea; ezta kategoria eta atal bereko bi langilek baino gehiagok ere.

Oporren egutegia enpresa bakoitzean ezarriko da. Langileak, gutxienez, bi hilabete lehenago jakinen du oporrak noiz hartu.

Horretarako ezarritako enpresaren egutegiaren arabera finkatutako oporraldiak bat egiten badu langile baten haurdunaldiaren, erditzearen edo bularra ematearen ondoriozko aldi baterako ezintasun egoera batekin edo Langileen Estatutuari buruzko legearen 48. artikuluaren 4., 5. eta 7. apartatuetan erditze, adopzio, adoptatzeko zaintza, harrera eta gurasotasun kasuetan ezarritako lan kontratua eteteko aldiarekin, langileak eskubidea izanen du opor egunak hartzeko, aldi baterako ezintasuna edo agindu horren aplikazioari dagokion baimena bukatzen denean, edo kontratuaren etenaldia bukatzen denean, oporraldiari dagokion urte naturala bukatu bada ere.

Aurreko lerroaldean adierazitako egoera horiek ez diren bestelako gorabehera arrunten batengatik, langilea aldi baterako ezintasun egoeran badago oporraldia iristen denean, eta ezin baditu opor guztiak edo haien zati bat hartu, oporrei dagokien egutegiko urtean, ezintasun egoera bukatzen denean hartzen ahalko ditu falta zaizkion opor egunak, oporretarako eskubidea sortu den urtearen bukaeratik hemezortzi hilabete baino gehiago igaro ez badira.

Langileak, enpresaren beharrengatik, uztailean eta abuztuan opor egunik hartu ezin badu, opor egun bat gehiago izanen du, konpentsazio gisa.

Enpresek zilegi dute opor egunik hartzerik ez dagoen aldi bat finkatzea, 45 egun naturalekoa gehienez. Epe hori urtarrilean adierazi beharko dute. Kasu horretan, murrizketa horren eraginpeko langileek 21 opor egun natural aukeratzen ahalko dituzte guztira, baina artikulu honetan bertan ezarritako konkurrentzia mugak eta atal bakoitzeko pertsona kopurua errespetatzeko betebeharrari eutsiko zaio.

24. artikulua. Lizentziak.

Hitzarmen honi lotutako enpresetako langileek lizentzia ordaindua izateko eskubidea izanen dute honako kasu hauetan:

a) Langilearen ezkontza: 18 egun natural.

b) Haur baten jaiotza edo adopzioa: 4 egun natural. Horietako bi langileak berak aukeratzen ahalko ditu, gertaera jazo ondoko 10 egunen barruan.

c) Ezkontidearen eta seme-alaben heriotzagatik, egutegiko 5 egun, eta horietatik gutxienez bi lanegunak izanen dira.

d) Ezkontide baten edo bestearen aitaren edo amaren heriotzagatik, egutegiko 3 egun, eta horietatik gutxienez bi egun lanegunak izan behar dira.

e) e) Anai-arreben, ezkon anai-arreben, aitona-amonen, ezkon aitona-amonen eta biloben heriotza: 2 lanegun.

f) Osaba-izeba propioen heriotza: egun natural bat, hain zuzen, hileta elizkizunekoa edo ehorzketakoa.

g) Prozesu osoan zehar bost egun baliodun hartzen ahalko dira ezkontidearen, izatezko bikotekidearen edo odol ahaidetasunezko edo ezkontza ahaidetasunezko bigarren mailarainoko ahaideen –izatezko bikotekidearen odolkidetasunezko senitartekoa barne– edo aurrekoez bestelako edozein pertsonaren istripuagatik edo gaixotasun larriagatik, ospitaleratzeagatik edo etxean atseden hartzea eskatzen duen ospitaleratzerik gabeko ebakuntza kirurgikoagatik.

Langileak, lizentzia horretarako eskubidea izan dezan, ebakuntza egin duen zerbitzuak emandako egiaztagiria aurkeztu beharko du. Horretan ebakuntza beharrezkoa zela agertu beharko da.

h) Enpresari aldez aurretik eskaera eginda, langilea Gizarte Segurantzako familia medikuaren edo espezialisten kontsultara joateko behar duen denbora, medikuntza orokorreko fakultatiboak aginduta, kontsulta ordua laneko ordutegiarekin bat datorrenean.

i) h) Lehen graduko ahaideei kontsulta mediko espezializatuetara edo tratamendu onkologikoetara laguntzeko ezinbesteko denbora.

j) Urtean 18 orduko muga ezartzen da lehen graduko senideei mediku kontsultara laguntzeko, bai eta behar bezala justifikatutako absentzia kasuetan ere, baldin eta 12 urtetik beherako semea, gaixotasuna dela-eta, ikastetxera joan ezin bada edo arrazoi horrengatik ikastetxean bertan jaso behar bada.

Langileak errehabilitaziorako behar duen denbora, medikuaren alta jasoz gero, osasun arloko zerbitzu publikoek edo lan mutualitateak emana eta egina.

Kasu guztietan, kontsulta horietara joan izanaren ziurtagiria aurkeztu beharko dio langileak enpresari.

k) Jaiotzaren, adopzioaren, adoptatzeko zaintzaren edo harreraren kasuan, Langileen Estatutuaren Legearen testu bateginaren 45.1.d) artikuluarekin bat, langileek eskubidea izanen dute ordu batez lanetik kanpo egoteko, bularreko haurra zaintzearren, horrek bederatzi hilabete bete arte. Ordu hori bi zatitan banatzen ahal da. Ume bat baino gehiago jaiotzen edo adoptatzen bada, edo ume bat baino gehiago adoptatzeko zaintza edo harrera kasuetan, baimenaren denbora modu proportzionalean handituko da.

Eskubide hori baliatzen duenak, nahi baldin badu, eskubide horren ordez, ordu erdi murrizten ahalko du bere lanaldia helburu berarekin, edo lanaldi osoetan metatzen ahalko du, bularreko haurrak 9 hilabete bete arte, lan egitea dagokion lanegun bakoitzeko ordubete.

l) Langileak behar duen denbora, osasun arloko zerbitzu publikoan umea jaio aurreko azterketak eta laguntza bidezko ugalketa teknikak egitera joateko (kasu horietan, ezin da egun bat baino gehiago hartu saio bakoitzeko), eta langile haurdunen kasuan, erditzea prestatzeko tekniketara joateko, enpresari gutxienez 72 ordu lehenago abisatuta eta justifikatuta lanaldiaren barnean egin behar direla.

m) Etxebizitzaz aldatzea, behar bezala frogatzen bada: egun natural bat.

n) Seme-alaben, anai-arreben, koinata-koinatuen eta gurasoen ezkontzagatik, egun natural bat, ezkontza eguna hain zuzen.

o) Hitzarmenari atxikitako langileek 2. mailako senide bati dagozkion baimenak hartzen ahalko dituzte ordaindu gabeko lizentzia gisa, baldin eta lan harreman osorako pertsona bat izendatzen badute eta pertsona horrekin zuzeneko eta beharrezko zaintzarako lotura badute. Ordaindua izan ez arren, behar besteko aurrerapenaz jakinarazi beharko zaio enpresari lizentzia baliatzeko aukera, eta ondoren arrazoia justifikatu beharko da. Alderdiek oporrak hartzeko denbora berreskuratzea edo soldata deskontatzea adosten ahalko dute. Berreskuratzen bada, enpresak adierazten duen unea hartuko da kontuan, akordiorik ezean.

p) Euskararen edo beste hizkuntza batzuen azterketa ofizialak edo izaera ofiziala duten beste ikasketa batzuetakoak egiteko langileek erabiltzen dituzten orduak baimen ordaindutzat hartuko dira.

q) Banaketa gidariek, enpresak eskatuta, edo Lanbide Gaitasunaren Ziurtagiria (ILZ) berritzeko behar duten denbora.

Langileak ILZ lortu edo berritu eta urtebete igaro baino lehen bere lan kontratua azkentzen badu, helburu horretarako emandako ordaindutako orduen balioa itzuli beharko dio enpresari.

Aurreko apartatuetan jasotzen diren kasuek –horietan aurreikusitako inguruabarrak gertatzen direnean– izatezko bikoteentzat ere balio dute, bizikidetasunaren ziurtagiria aurkeztu ondotik eta behar den erregistroan inskribatuak badaude, betiere.

Arau orokor gisa, baimenen hasiera data lizentzia eragiten duen gertakariaren eguna izanen dela ezartzen da.

Hala ere, ezkontza, haurraren jaiotza, ezkontidearen, seme-alaben eta odol edo ezkontza bidezko bigarren gradura arteko ahaideen heriotza edo gaixotasun larrien ondoriozko baimena justifikatzen duen gertakaria ez bada lanegun batean gertatzen, baimena hurrengo lanegunean hasiko da.

Artikulu honen b), c), d), e), f) eta g) apartatuetan adierazitako lizentzien ondorioz, langileak lantokitik 200 kilometrotik gorako tokiren batera joan behar baldin badu, kasuan kasuko lizentziari bi egun natural gehiago gehituko zaizkio.

Lizentziak gerora hartzeko sistema berri honen ondorioz, langileak ez du inola ere izanen lizentziako lanegun gehiago hartzeko eskubiderik, baimena sortu duen gertaera izan eta berehala hartu izan balitu zegozkiokeenak baino.

Artikulu honetan aipatzen diren lizentzia ordainduak erabiltzen ahalko dira baldin eta gertaera eragilearen egunean langilea oporretan edo lanerako ezintasun iragankorreko egoeran ez beste batean baldin badago. Bestela, ez du eskubiderik izanen egun horiek lanean hasten denean hartzeko.

Ahal delarik, langileak artikulu honetan agertzen diren arrazoiengatik lanera joan behar ez badu, garaiz abisatuko du.

Artikulu honetan biltzen diren kasuetan, lizentzia segituan emanen da, arrazoi faltsuak alegatzeagatik langileari ezartzen ahal zaizkion zehapenak deusetan galarazi gabe. Nolanahi ere, zilegi izanen da alegatutako arrazoiak justifikatzeko agiriak eskatzea.

25. artikulua. Eszedentziak eta seme-alabak zaintzeko lanaldi murrizketak.

Enpresan gutxienez urtebeteko antzinatasuna duten langileek borondatezko eszedentzia izateko eskubidea izanen dute, gutxienez 4 hilabeterako eta gehienez 5 urterako. Lehenbiziko urtean, lanpostua gordeko zaie, eta enpresak ordezko bat kontrata dezake behin-behinean. Epe hori agorturik, bere lanpostuan edo kategoria bereko beste batean berriz sartzeko lehentasunezko eskubidea izanen dute, lanpostu hutsik baldin badago. Borondatezko eszedentzian dagoen langileak ezin du enpresak garatzen duen jarduerarekin lehian dagoen zerbitzurik eman, ez bere kontura ez besteren kontura. Bestela, eszedentzian dagoen langileak galdu eginen du bere lanpostura itzultzeko eskubidea, eta lehentasun eskubidea baizik ez du izanen, enpresan hutsik dauden eta bere kategoriakoak edo antzekoak diren lanpostuetara itzuli ahal izateko.

Atxilotu eta kartzelan sartu ondoren, errugabetzeko epai irmoa lortzen duten langileak lanean hasten ahalko dira berriz ere enpresan, beren lanbide kategorian lanpostu bat hutsik geratu eta berehala.

Eszedentzia hartu duten langileek ez dute beste bat eskatzen ahalko 4 urte igaro arte.

Semea, alaba edo familiakoak zaintzeko eszedentzian dauden langileei, Langileen Estatutuekin bat, lanpostua gordeko zaie lehenbiziko bi urteetan. Epe hori iraganik, gordeko zaion lanpostua lanbide talde berekoa edo kategoria baliokide batekoa izanen da.

Aurreko paragrafoan adierazitako eszedentzia etenik gabe edo zatika hartzen ahalko da.

Legezko zaintza dela-eta, langileren batek hamabi urtetik beherako haurra edo ordainduriko jarduerarik egiten ez duen desgaitu fisikoa, psikikoa edo zentzumenezkoa bere kargu izanez gero, eskubidea izanen du urte naturalaren barnean lanaldia murrizteko, Langileen Estatutuaren egungo testu bateginaren 37.6 artikuluan jasotako baldintzetan. Murrizketa horrek ordainsarien hein bereko murrizketa ekarriko du, ondorio guztietarako.

Langileak zehaztuko du lanaldi murriztua zein epe eta ordutan hartuko duen, bere ohiko lanaldiaren barnean. Langileak gutxienez 15 egun lehenagotik abisatu beharko dio enpresaburuari.

26. artikulua. Soldatarik gabeko lizentzia.

Enpresan gutxienez bi urte lanean eman dituen langileak soldatarik gabeko lizentzia eskatzen ahalko du hilabete bateko aldirako, hurrengo baldintzen arabera:

1. Gutxienez hilabete bat lehenago eskatu beharko du.

2. Enpresak sarrera dataren hurrenkera zorrotz errespetatuta aztertuko ditu eskaerak, betiere zerbitzuaren beharrek horretarako aukera ematen badute.

3. Atal eta kategoria bereko bi langilek ez dute lizentzia hori aldi berean hartzen ahalko.

4. Soldatarik gabeko lizentzia bi urtean behin ematen ahalko da.

5. Enpresak 20 langile baino gutxiago baditu, urte bakoitzean langile bakar batek hartzen ahalko du lizentzia. Enpresak 20 langile baino gehiago baditu, urte bakoitzean plantillako langileen %5ek hartzen ahalko dute lizentzia gehienez.

6. Egoera horretan dagoen langileak enpresan alta emanda jarraituko du, eta enpresa behartuta egonen da Gizarte Segurantzaren gutxieneko kotizazioa ordaintzera, soldatarik gabeko lizentziarekin dagoen bitartean.

KONTRATUARI LOTUTAKO ESKUBIDEAK ETA BETEBEHARRAK

27. artikulua. Aseguruen poliza.

Hitzarmen honek ukitzen dituen enpresak behartuak daude aseguruen poliza kolektibo bat ituntzera, kasu hauek aseguratzeko:

a. Laneko istripu baten ondorioz erabateko ezintasuna gertatzen bada, 2026. urtean, honako kalte-ordaina ezarriko da: 48.179,97 euro.

b. Laneko istripu baten ondorioz heriotza gertatzen bada, 2026. urtean, honako kalte-ordaina ezarriko da: 37.515,10 euro.

c. Lan istripuagatik edo lanbide eritasunagatik sortutako aldi baterako ezintasun prozesu baten ondorioz, ezintasun iraunkor osoa deklaratzen bada eta enpresa berean ezin bada langilea tokiz aldatu, eta, horrenbestez, arrazoi horregatik lan kontratua iraungitzen bada, 13.055,53 euroko kalte-ordaina ezartzen da 2026. urtean.

d. Lapurretatik eratorritakoak, egunean bildutako gehieneko zenbatekoarekin, jasotzen direnetik bankuan entregatu edo sartu arte.

Hitzarmenaren indarraldiko gainerako urteetarako, hots, 2027. urterako, adierazitako zenbatekoak soldata handitzen den portzentaje berean eguneratuko dira.

Artikulu honetan ezarritako ondorioetarako, aurreko ataletan finkatutako kalte-ordainak hitzarmen hau edo honen eguneratzeak Nafarroako Aldizkari Ofizialean argitaratu eta 30 egunean izanen dira bete beharrekoak.

28. artikulua. Eritasuna eta istripuak.

Enpresek benetako soldataren %100 bermatuko dute baja agiriaren edo medikuaren ziurtagiriaren datatik aurrera, benetako soldatatzat harturik hileko sortzapena duten soldatapeko kontzeptu finko guztiak, bajaren aurreko hilabeteari dagozkionak, zenbateko finko nahiz aldakorrekoak, langileak hartu ohi dituenak. Enpresek aparteko pagen %100 bermatuko dute.

Laneko parteak entregatzeko betebehar formala kenduta ere, ez da kentzen enpresari lanera etorri ezina komunikatzeko betebeharra, eta beraz, langileek lehenbailehen komunikatuko diote enpresari lanera etorri ezina, eta lan jardunaldia hasi aurretik, salbu eta eritasunaren edo ezbeharraren ezaugarriengatik hori egitea ezinezkoa bada. Komunikazio hori enpresak finkatuko duen prozedura erabiliz eginen da, telefonoz, emailez, WhatsApp bidez edo dena delako bidetik.

Langile guztiei osasun azterketa eginen zaie urtean behin, haiek borondatez onartzen badute. Hala ere, enpresak eskaturik, osasun azterketa egin ez duten langileek sinatu beharko dute azterketa onartu ez izana.

Hala ere, langileen ordezkariek txostena egin ondoren, azterketa nahitaez onartu beharko da hura ezinbestekoa denean lan baldintzek langileen osasunean duten eragina ebaluatzeko edo langile baten osasun egoera berarentzat, gainerako langileentzat nahiz enpresarekin zerikusia duten beste pertsona batzuentzat arriskutsua izan ote daitekeen ikusteko. Azterketa nahitaez onartu beharko da, halaber, berariazko arriskuetarako babesa eta arrisku bereziko jarduerak arautzen dituzten legezko xedapenetan hala ezartzen denean, Laneko Arriskuei Aurrea Hartzeari buruzko 31/1995 Legearen 22.1 artikuluan xedatutakoaren arabera.

29. artikulua. Heriotza edo baliaezintasuna.

Langilea hiltzen bada edo baliaezintasuna etortzen bazaio eta horren ondorioz enpresa utzi behar badu, hiru urteko edo gehiagoko antzinatasuna duten langileek eskubidea izanen dute benetako soldataren bi hilabete jasotzeko, haren ondorengoek, heriotzaren kasuan, edo langileak berak, baliaezintasunaren kasuan.

30. artikulua. Borondatezko erretiroa.

Erretiroa borondatez hartzen duten langileek, urriaren 30eko 8/2015 Legegintzako Errege Dekretuak onetsi zuen Gizarte Segurantzari buruzko Lege Orokorraren testu bateginaren 208. artikuluari jarraikiz, ondoan adierazten diren diru kopuruak hartzeko eskubidea izanen dute. Horretarako, enpresan gutxienez 10 urte emanak beharko dute izan eta erretiroa behean aipatzen diren urteak bete eta ondoko hiru hilabeteetan eskatu:

a) 63 urterekin: 6 hileko soldata.

b) 64 urterekin: 5 hileko soldata.

c) 65 urterekin: 4 hileko soldata.

d) 66 urterekin: 3 hileko soldata.

e) 67 urterekin: 2 ½ hileko soldata.

Alderdiek espresuki adostu dutenez, adostutako kalte-ordainak lan harremanaren azkentzearen ondorioz sortzen dira, eta ez dira inola ere osagarri bat, langileari Gizarte Segurantzatik jaso dezakeen pentsioarena, ezta prestazio publikoen borondatezko hobetzea ere. Orobat, ez dira inolako pentsioa emateko konpromisoa.

31. artikulua. Gidariak.

Hitzarmen honek eragindako enpresek konpromisoa hartzen dute haien barnean lanpostu bat eskaintzera enpresan zerbitzuan egonda gidabaimena galdu duten gidariei, gehienez sei hilabeterako, gidabaimena galdu badute beren lanbidearen ondorioz, betiere arrazoia ez bada alkoholemia edo estupefazienteen erabilera, edo gidabaimena galdu ez bada zuhurtziagabekeriagatik, zabarkeriagatik edo erruagatik.

Enpresek datafono bat emanen diete lanaldian beren ohiko lanaren zati gisa kobrantzak egiten dituzten gidari eta banatzaileei. Jarduera hori enpresen erantzukizun zibileko aseguruetan jaso beharko da, arriskua estaltzeko, nahiz eta desagertzea sustatu nahi den.

32. artikulua. Borondatezko bajak. Aurreabisua.

Langileek aldez aurretik jakinarazi beharko diote enpresari borondatezko baja hartu nahia, epe hauekin:

–Hilabete batekoa, kategoria hauetan dauden langileei dagokienez: zuzendaritzako langileak, atalburuak edo txandako arduradunak.

–20 egunekoa, kategoria hauetarako: saltzaile bidaiariak eta 1. mailako gidabaimena duten gidariak.

–Hamabost egunekoa, gainerako langileentzat.

Kasu honetan ohi denez, langileak garaiz abisatzen ez badu borondatezko baja emateko asmoa, enpresak aukera izanen du dagokion likidazio zenbatekotik kentzeko aurreabisua bete ez den epeko egunak.

ENPRESAKO ORDEZKARITZA ORGANOAK

33. artikulua. Ordu sindikalak.

Enpresa batzordeko kideen edo sindikatuetako ordezkarien orduak metatu daitezke enpresa bakoitzaren barnean.

LANEKO OSASUNA, LANBIDE PRESTAKUNTZA ETA INGURUMENA

34. artikulua. Laneko osasuna.

Hitzarmen honen aplikazio eremuak biltzen dituen enpresaburu eta langileek hitzematen dute langileen segurtasuna eta osasuna sustatuko dituztela, lanaren ondoriozko arriskuen prebentziorako behar diren neurriak hartuz eta behar diren jarduerak garatuz, legeak ezarritako moduan.

Laneko Arriskuen Prebentzioari buruzko azaroaren 8ko 31/95 Legean ezarritako babes beharra betetzeko, enpresaburuak neurri egokiak hartuko ditu langileek beharrezkoak diren argibideak jaso ditzaten gai hauen gainean:

–Lanean diren arriskuak langileen segurtasun eta osasunerako.

–Arriskuei aurre egiteko aplika daitezkeen babes neurri eta jarduerak.

–Larrialdietarako neurriak.

Enpresaburuak laneko osasunari eta laneko arriskuaren prebentzioari buruzko informazio praktiko eta egokia eman behar die bai kontratatzen dituen langileei, bai beste lanpostu batera aldatzen direnei, bai langilearentzat, lankideentzat edo beste batzuentzat arriskutsua izaten ahal den teknika berri bat aplikatu behar dutenean, dela enpresaren zerbitzuen bidez, dela hitzartutako zerbitzuen bidez. Langileak ezinbestekoa izanen du ikasketa horiek egitea eta praktikak egitea lanaldiaren barruan edo beste ordu batzuetan, baina ikastaroetan pasatutako denbora lanaldian kontatuta.

Langileek eskubidea dute enpresan laneko arriskuen prebentzioarekin zerikusia duten gaietan parte hartzeko, legeak ezarritako moduan.

Laneko Arriskuei Aurrea Hartzeari buruzko 31/1995 Legearen 18.2 artikuluan ezarritakoa betetzen laguntzeko, hitzarmen honek ukitzen dituen enpresek barne arriskuen jakinarazpenen erregistroa ezarri beharko dute. Langileen esku egon beharko du, hobetzeko proposamenak egin ahal izateko.

Laneko arriskuen prebentzioko ordezkaria enpresako edozein langile izan daiteke, eta funtzio hori ez dute zertan egin langileen legezko ordezkariek. Laneko arriskuen prebentzioko ordezkariak bere zereginetarako har dezakeen denbora langileen legezko ordezkariek izaten duten bera da; hau da, hilean 15 ordukoa.

35. artikulua. Laneko jantziak.

Hitzarmen honen menpeko enpresek lanerako behar dituzten jantzi eta oinetakoak emanen dizkiete langile guztiei, hala neguan nola udan.

36. artikulua. Lanbide prestakuntza.

Enpresak langileen lanbide prestakuntza hobetzen saiatuko dira, ahalik eta gehien.

Langileak enpresek proposatzen dituzten prestakuntza ikastaroetara joatea errazagoa izan dadin, ikastaro horietan ematen dituzten orduak benetako lanaldiaren barnean sartuko dira.

37. artikulua. Ingurumena.

Gure inguruan gero eta handiagoa da ingurumenaren egoerarekin eta garapen jasangarriarekin dugun kezka. Hori dela eta, hitzarmen hau sinatzen duten bi alderdiek ingurumen arloko jarduketak hobetzeko konpromisoa hartzen dute, alderdi hauetan batez ere:

1. Ingurumen arloko arazoei buruzko sentsibilizazio kanpainak sustatzea.

2. Ingurumen arloko prestakuntza eta informazioa hobetzea eta Kutsaduraren Prebentzio eta Kontrol Integratuari buruzko testu bategina onartzen duen irailaren 16ko 1/2016 Legegintzako Errege Dekretuan ezarritako hobekuntzak bultzatzea.

LANEKO JAZARPENA ETA GENERO INDARKERIA

38. artikulua. Sexu jazarpena, generoan oinarritutako jazarpena eta jazarpen psikologikoa.

Sexu jazarpena: "Pertsona baten duintasuna gutxiesteko asmoz egiten diren edo hori eragiten duten sexu jokaera guztiak, hitzezkoak edo fisikoak, sexu jazarpentzat hartuko dira, batez ere giro beldur eragilea, degradatzailea edo iraingarria sortzen baldin badute".

Generoan oinarritutako jazarpena: "Pertsona baten sexua dela-eta haren duintasuna gutxiesteko eta giro beldur eragilea, degradatzailea eta iraingarria sortzeko asmoz egiten diren jokabide guztiak sexuan oinarritutako jazarpentzat hartuko dira".

Jazarpen psikologikoa: "Jazarpen moral zein psikologikotzat hartuko da honako egoera hau: pertsona batek edo talde batek bortizkeria psikologiko muturreko, sistematiko eta errepikaria erabiltzea beste pertsona baten edo batzuen aurka lantokian, biktimaren edo biktimen komunikazio sareak deuseztatzeko, ospea suntsitzeko eta/edo haren eginkizunak eragozteko".

39. artikulua. Genero indarkeria.

Hitzarmen hau sinatzen duten alderdiek, arazo honetaz bereziki jabeturik, adostu dute artikulu honetan jasotzea Genero Indarkeriaren kontrako Lege Integralak arautu dituen laneko alderdiak. Eskubide hauek dira, hain zuzen:

Genero indarkeriaren biktima diren langile emakumezkoek, laneko eskubideak baliatu ahal izateko, egoera hori frogatu behar diote enpresaburuari, epaileak hura babesteko eman duen aginduaren bidez, edo, salbuespenez eta babes agindua eman arte, Fiskaltzaren txosten baten bidez, horretan adierazi bada badirela zantzuak demandaren jartzailea genero indarkeriaren biktima izan dela ondorioztatzeko (lege horren 23. artikulua).

Genero indarkeriaren biktimak, zerbitzu ematen ari zen herrian lanpostua uztera behartua baldin badago, egiaz babestua izan dadin eta gizarte laguntza integrala izan dezan, lehentasunezko eskubidea izanen du lanbide talde bereko edo baliokidea den beste lanpostu bat hartzeko, enpresaren beste edozein lantokitako edozein lanpostu hutsetan.

Halako egoeretan, enpresak langileari jakinaraziko dio zein lanpostu dauden hutsik edo zein geratzen ahal diren hutsik etorkizunean.

Lekualdaketak edo lantoki aldaketak 6 hilabete iraunen du hasiera batean. Epe horretan langileak ordura arte betetako lanpostua gorde beharko du enpresak. Aurrekoa gorabehera, 3 hilabeteko luzapena eta lanpostuaren erreserba ezartzen dira, emakumezko langilea babestu beharreko kasuetan, berak, lanpostua edo lantokia aldatzeko 6 hilabeteko epea iraganda, adierazten badu itzuli nahi duela; gainerako kasuetan iraungitzen da erreserba egiteko betebeharra.

Epe hori bukaturik, langileak aukeran izanen du lehenagoko lanpostura itzultzea edo berrian jarraitzea. Lanpostu berrian jarraitzea aukeratzen badute, lanpostua gordetzeko betebeharra desagertuko da.

Halaber, genero indarkeriaren biktimek eszedentziarako eskubidea izanen dute. Hasierako eszedentzia sei hilabetekoa izanen da gehienez, eta luzatzen ahalko da, babes judizialeko jarduketetan horren beharra ikusten bada, biktimaren babes eskubidea eraginkorra izan dadin. Kasu horretan epaileak 3 hilabeteko luzapenak agintzen ahalko ditu, gehienez ere 18 hilabetez.

Bitarte horretan langileak lanbide prestakuntzako ikastaroetara joateko eskubidea izanen du. Artikulu honetan ezarritakoaren arabera eszedentzian ematen duen denbora kontuan hartuko da antzinatasunerako. Lanera itzultzen denean, kontratua eten zeneko baldintza berberetan itzuliko da.

BERDINTASUN PLANAK

40. artikulua. Berdintasun planak.

3/2007 Lege Organikoan ezarritakoarekin bat, hitzarmen hau sinatzen duten alderdiak bat datoz esatean ondokoak helburu garrantzitsuak direla emakumeen eta gizonen arteko aukera berdintasuna lortzeko:

–Lanean berdintasuna ezartzea, zeharkako edo zuzeneko bereizkeria ezabatuz.

–Soldatetan sexuan oinarritutako bereizkeriarik ez izatea.

–Aukera berdintasuna enpleguan.

–Lanbide prestakuntzako eta birziklatzeko prozesuetan parte hartzea.

Xede horretarako, enpresek lanean emakumeen eta gizonen arteko edozein bereizkeria eragozteko neurriak hartu behar dituzte. Neurri horiek langileen legezko ordezkariekin negoziatu beharko dituzte, lan arloko legerian zehazten den moduan.

Enpresak 50 langile baino gehiago baditu, lantoki bakarra nahiz lantoki gehiago izan, aurreko lerroaldean aipatutako berdintasun arloko neurriak biltzen dituen berdintasun plana egin eta aplikatu behar da.

Halaber, enpresak berdintasun plan bat prestatu eta aplikatuko du, aldez aurretik langileen legezko ordezkariekin negoziatu edo, egokia bada, kontsulta egin ondoren, baldin eta lan arloko agintaritzak zehapen prozedura batean erabaki badu zehapen erantsien ordez plan hori prestatu eta aplikatzea, aipatutako erabakian ezartzen den moduan.

Gainerako enpresek beren borondatez egin eta ezar ditzakete berdintasun planak, aurretik langileen legezko ordezkariei kontsulta eginda.

A.–Berdintasun planen kontzeptua.

3/2007 Lege Organikoan xedatutakoaren arabera, enpresetako berdintasun planak antolatutako neurri multzoak dira; neurri horiek egoeraren diagnostiko bat egin ondoren hartuko dira, eta xede izanen dute enpresan emakumeen eta gizonen arteko tratu eta aukera berdintasuna lortzea eta sexuan oinarritutako diskriminazioa ezabatzea.

Berdintasun planetan finkatuko dira berdintasunaren arloko xede zehatzak eta horiek lortzeko erabili beharreko estrategiak eta jardunbideak. Halaber, helburuen jarraipen eta ebaluaziorako sistema eraginkorrak ezarriko dira.

B.–Egoeraren diagnostikoa.

Lortu behar diren berdintasun helburuak finkatu aurretik, enpresek egoeraren diagnostikoa eginen dute, lan baldintzen inguruko datuak biltzeko sexuaren arabera sailkaturik. Gai batzuk arreta bereziz aztertuko dituzte, hala nola laneratzeko aukera, prestakuntza, lanbide sailkapena, lana ordaintzeko eta lanaldia antolatzeko baldintzak, laneko bizitza eta bizitza familiarra nahiz pertsonala uztartzea, etab. Horrela atzemanen dira gizonen eta emakumeen arteko tratu edo aukera desberdineko egoerak, arrazoi objektiborik eta zentzuzkorik gabeak, edo sexuan oinarritutako bereizkeriak, halakorik bada; horrekin batera, haiek zuzentzeko helburuak finkatu beharko dira.

Enpresek horren guztiaren berri emanen diete idatziz langileen ordezkariei, eta horiek txostena egiten ahalko dute, egokia iruditzen bazaie.

Egoeraren diagnostikoan sexuaren arabera banatutako datuak emanen dira honako gai hauei buruz, besteak beste:

Plantillaren banaketa adinaren, antzinatasunaren, hierarkia mailaren, lanbide taldeen eta prestakuntza mailaren arabera.

Plantillaren banaketa kontratu moten arabera.

Plantillaren banaketa: lanbide taldeak eta lansari taldeak.

Plantillaren banaketa lanaldiaren antolamenduaren, urteko lanorduen, txanda araubidearen eta familiako bizitza eta lana bateratzeko neurrien arabera.

Plantillaren banaketa: ordezkaritza sindikala.

Azken urtean enpresan sartu diren langileak eta enpresa utzi dutenak, lanbide-taldea, adina eta kontratu mota zehaztuta.

Absentismo mailak, absentismoaren arrazoiak zehaztuta, eta azalduta zein diren baimenei, ezintasunei eta beste batzuei dagozkienak.

Azken urteko eszedentziak eta horien arrazoiak.

Azken urteko igoerak: zein lanbide taldetara eta lanpostutara igo den zehaztuko da, bai eta mugigarritasun geografikoari lotutako igoerak ere.

Azken urteko prestakuntza orduak eta prestakuntza ekintzen motak.

Ondokoak ere sartu behar dira diagnostikoan: langileak aukeratu, trebatu eta mailaz igotzeko prozesuetan erabiltzen diren irizpideak eta informazio edota komunikazio bideak; lanbide profilen eta lanpostuen deskribapenetan erabiltzen diren metodoak; enplegu eskaintzetan eta langileak aukeratu, trebatu eta mailaz igotzeko prozesuetan parte hartzeko eskaera orrietan erabiltzen den hizkuntza eta agiri horien edukia.

C.–Berdintasun planen helburuak.

Egoeraren diagnostikoa egin ondoren, bildutako datuetan oinarrituta, lortu beharreko helburu zehatzak ezartzen ahalko dira; adibidez, ekintza positiboko neurriak, arrazoi objektiborik gabe emakumeen eta gizonen arteko desberdintasun egoerak daudela egiaztatu den gaietan, edo zer neurri orokor hartu beharko diren tratu berdintasuna eta bereizkeriarik eza printzipioak eraginkortasunez aplikatzeko.

Helburu horien artean sartzen dira horiek lortzeko estrategiak eta praktikak. Lehentasunezkoak izanen dira lana lortzea, prestakuntza, lanbide sailkapena eta sustapena, ordainsarien eta lanaldiaren baldintzak, lan bizitza eta familia bateragarri egitea, etab., eta, besteak beste, honako hauek:

Langileak aukeratzeko eta mailaz igotzeko prozesuetan bereizkeria bertikala eta horizontala eta hizkuntza sexistaren erabilera saihestea. Horren helburua izanen da enpresetan sartzeko hautapen prozedura gardenak bermatzea, enplegu eskaintzak bereizkeriarik gabe idatziz eta zabalduz eta eskaintzen den lanpostuaren eskakizunetarako egokiak diren proba objektiboak ezarriz, pertsonaren jarreren eta gaitasunen balorazioa xede bakarra dutenak.

Emakumeek agintea eta/edo ardura eskatzen duten lanpostuak har ditzaten sustatzea.

Emakume gutxiegi dagoen lanpostuetan emakumeak hautatu eta sustatzeko berariazko programak ezartzea.

Ohiz kanpoko kontratazio motek (lanaldi partzialeko kontratuak eta aldi baterako kontratazioaren modalitateak) emakumezko langileen kolektiboan duten eragina aztertzea, gizonezko langileekin alderatuz, eta behar diren zuzenketa neurriak hartzea, emakumezkoengan eragin handiagoa dutela ikusten bada.

Enpresa barneko zein kanpoko prestakuntzarako aukera berdinak ematea gizonei eta emakumeei, emakumeek enpleguan jarraitzea bermatzeko, eta emakumeen prestakuntza maila eta enplegu eskariaren baldintzetara moldatzeko gaitasuna areagotzea.

Emakumeei berariaz informazioa ematea, gizonezkoek bete izan dituzten lanpostuetarako prestakuntza ikastaroei buruz.

Aukera berdintasunari buruzko berariazko ikastaroak egitea.

Soldataren osagarriak aztertzea, horien atzean emakumezko langileen kontrako bereizkeriarik ez dagoela egiaztatzeko.

Gizonen eta emakumeen arteko soldata desberdintasunak badaude, horiek zuzentzeko prozesuak sustatu eta epeak ezartzea.

Gizonek zein emakumeek familiako bizitza eta lana hobeki uztartu ditzaten lortzea, sentsibilizazio kanpainak eginez eta legezko baimen eta eszedentzien berri zabalduz, etab.

Emakumezko langileen osasunari kalte egiten ahal dioten arriskuak atzeman eta zuzentzeko neurriak ezartzea, batez ere emakume haurdunentzat, eta jazarpen morala eta sexuala eragoztea.

D.–Enpresek eta langileen ordezkariek berdintasunerako planak prestatzeko dituzten eskumenak eta araubide iragankorra.

Enpresak egoeraren diagnostikoa egiteko eskumena izanen du. Diagnostiko horretan egiten diren agiriak langileen ordezkariei emanen zaizkie, txostenerako.

Egoeraren diagnostikoa egin ondoren, xedapen hauen eraginpeko enpresek (250 langile baino gehiago dituztenek) langileen ordezkariekin negoziatu beharko dute Berdintasun Plana. Negoziazioaren emaitza edozein dela ere, bai planaren edukia bai hartu beharreko neurriak beti egonen dira aurretik egindako diagnostikoaren mende.

Enpresan berdintasun plana ezarririk, langileen ordezkariei urtero emanen zaie haren bilakaeraren berri, eta haiek txostena egiten ahalko dute, egokitzat jotzen badute.

Enpresek hitzarmen kolektibo honen indarraldia agortu arteko epea izanen dute, artikulu honetan egoeraren diagnostikoei eta berdintasun planei buruz eranskin honetan xedatutakoa aplikatzeko.

HITZARMENAREN BATZORDE PARITARIOA

41. artikulua. Batzorde Paritarioa.

1. Hitzarmen honen Batzorde Paritarioa eratu da, erakunde sinatzaileek osatua. 2. atalean zehazten diren eginkizunak izanen ditu.

Batzorde Paritarioa hitzarmen honen funtzionamendu egokirako behar den guztietan bilduko da.

Bilkuraren deialdia idatziz egin beharko da, hiru egun baliodun lehenago, eta gai zerrenda izanen du nahitaez.

2. Honako hauek dira Batzorde Paritarioaren eginkizunak:

a) Hitzarmena betetzen dela zaintzea eta haren segimendua egitea.

b) Hitzarmen honen agindu guztiak aplikatzean eta interpretatzean sortzen diren gaiak ezagutzea eta ebaztea.

c) Aldeetako batek eskaturik, hitzarmena aplikatzearen ondorioz sor daitezkeen auzi edo arazo kolektiboetan bitarteko lana egitea eta/edo konponbidea bilatzen saiatzea, eta, aldeek eskatuz gero, arbitraje lana egitea.

d) Bide administratibora eta jurisdikzionalera jo aurretik, nahitaez, hitzarmen hau aplikatzean eta interpretatzean hitzarmen kolektiboen inguruan sortzen diren gatazken planteamenduetan aginpidea izatea, artikulu honen 3. atalean aurreikusi bezala.

e) Lan baldintzak ez aplikatzearen gainean enpresek eta langileen ordezkariek hasi dituzten prozedurak aztertu eta, hala badagokio, ebaztea, indarreko hitzarmen kolektiboaren 5. artikuluan ezarritakoaren arabera.

f) Hitzarmen honek eraginkortasun praktiko handiagoa izatea xede duen beste edozein eginkizun, edo testuan eta haren parte diren eranskinetan xedatutakotik eratortzen dena.

3. Hitzarmen hau sinatzen duten alderdiek nahiz aplikazio eremuko 1. artikulukoek konpromisoa hartzen dute Batzorde Paritarioari jakinarazteko haren interpretazio eta aplikazioaren ondorioz sor daitezkeen zalantza, eztabaida eta auzi kolektibo guztiak, betiere aurreko atalean ezarritakoaren arabera batzordearen eskumenekoak badira, haren bitartekaritzaren bidez arazoa konpon dadin edo, ezin bada, horren gaineko ebazpena edo txostena eman dezan.

4. Batzorde paritarioari planteatzen zaizkion bere eskumeneko gaiak idatziz aurkeztuko dira, behar adinako informazioarekin, arazoa behar bezala ezagutuz aztertu ahal izan dezan. Gutxienez, honako informazio hau jakinaraziko zaio, nahitaez:

a) Gaiaren azalpen labur eta zehatza.

b) Proposamen egilearen iritziz bere alde dituen arrazoi eta oinarriak.

c) Batzordeari egiten zaion proposamen edo eskakizun zehatza.

Kontsultaren idazkiarekin batera, arazoa hobeki ulertu eta konpontzeko beharrezkotzat jotzen diren agiri guztiak aurkeztuko dira.

5. Batzordeak informazio edo agiri gehiago eskatzen ahalko ditu aferaren gaineko informazio hobea edo osatuagoa lortzeko asmoz. Horretarako, proposatzaileari gehienez 5 egun balioduneko epea emanen zaio.

6. Batzorde Paritarioak, kontsultaren idazkia jaso ondoren edo, hala balegokio, beharrezko informazioa osatu ondoren, 15 laneguneko epea izanen du gehienez, akordioa erdietsiz gero, auzitan den gaia ebazteko, dagokion ebazpena emanez.

Adostasunik ezean, batzordeko kideek txosten bat eginen dute. Bertan, nork bere jarrera, eta, horrenbestez, desadostasuna argudiatzeko adierazi dituen kontsiderazioak bilduko dira.

Azkeneko kasu horretan, batzordeak hurrengo zenbakian zehazten den bezala jokatuko du.

Batzorde Paritarioak baliozko erabakiak hartu ahal izateko, batzorde hori osatzen duten alde bakoitzaren erdiek gehi batek eman beharko dute aldeko botoa. Ebazpena emateko epe hori agorturikoan batzordea bildu ez bada, Batzorde Paritarioaren esku hartzea burutu dela ulertuko da eta interesatuak bidezko iruditzen zaizkion ekintzak baliatzen ahalko ditu.

7. Batzorde paritarioak akordiorik lortzen ez badu aurreko 2. ataleko e) letran jasotzen diren gaietatik kanpo planteatzen zaion gairen bati buruz, eta, betiere, bere eskumeneko gai bat baldin bada, desadostasunak, kasua bada, lan gatazkak auzibidetik kanpo ebazteko sistemara eramanen dira, eta gatazkak konpontzeko sistema ez-judizialen mendean jarri, Langileen Estatutuaren 83. artikuluan aurreikusitako lanbide arteko akordioen bidez ezarri ziren horien mendean, hain zuzen.

8. Batzorde Paritarioaren helbidea Nafarroako Lan Auzitegiarena da (Iruñeko Kale Berria, 30-32).

FALTA ETA ZEHAPENEN ARAUBIDEA

42. artikulua. Falta motak.

Sektoreko enpresen zerbitzuko langileen faltak, garrantziaren arabera eta, hala gertatzen denean, berriro egin izanaren arabera, honela sailkatuko dira: arinak, astunak eta oso astunak, lan hitzarmen honen hurrengo artikuluetan xedatzen denarekin bat.

43. artikulua. Falta arinak.

Honako hauek dira falta arinak:

1. Lanera berandu iristea, batuketa eginik hilean hamabost minutu baino gehiago egiten badute.

2. Bidezko arrazoiak daudenean lanera ez agertzea baina dagokion baja ez hartzea behar den unean, hori egitea ezinezkoa izan dela frogatu ezean.

3. Lantokitik edo lanpostutik alde egitea, denbora laburrez bada ere, justifikatutako kausa edo arrazoirik gabe, betiere alde egite horrek kalterik ez dakarrenean enpresaren jarduerarako, edo lankideei kalte edo istripurik eragiten ez dienean; izan ere, horrelakoetan falta astuntzat edo oso astuntzat joko bailitzateke.

4. Egun batean lanera huts egitea behar den baimenik edo justifikatutako arrazoirik izan gabe.

5. Arreta gabezia txikiak enpresaren hornidurak edo materiala zaintzeko eginkizunean.

6. Enpresari ez jakinaraztea lan arloan eragina izan dezakeen edozein egoeraren aldaketa, adibidez ohiko bizilekua aldatzea.

7. Norberaren garbitasun eta txukuntasunik eza, enpresaren ekoizpen prozesuan edo irudian eragina izan dezakeenean.

8. Beste langileekin enpresaren esparruan eztabaidan aritzea, jendaurrean gertatu ez bada.

9. Lan arriskuen prebentziorako arauak ez betetzea, horrek langileari, lankideei edo hirugarrenei arriskurik ekartzen ez dienean.

10. Elikagaien segurtasunerako enpresan ezarri eta langileei jakinarazitako arauak eta protokoloak ez betetzea modu arinean, arlo horretan arrisku larria eragiten ez bada ere.

11. Jendeari arreta adeitasunez eta maratz ez ematea.

44. artikulua. Falta astunak.

Hauek dira falta astunak:

1. Lanera berandu iristea, batuketa eginik hilean hogeita hamar minutu baino gehiago egiten badu.

2. Behar den baimenik edo bidezko arrazoirik gabe lanera ez agertzea bi egunez sei hilabetean.

3. Lan arriskuen prebentzioari dagozkion aginduak ez betetzea edo arauak ez aintzat hartzea, horrek langileari, lankideei edo hirugarrenei arrisku handia ekartzen dielarik, eta enpresak segurtasunerako jartzen dituen baliabideak ez erabiltzea ere bai.

4. Nagusiek emandako lan arloko aginduren bat ez obeditzea, baldin eta agindua langilearentzat iraingarria ez bada edo langilearen edo beste batzuen bizitzarako edo osasunerako arriskugarria ez bada. Desobedientzia errepikatua bada, edo laneko diziplina nabarmen haustea badakar, edo enpresarentzat edo pertsonentzat kalterik sortzen badu, falta oso astuntzat har daiteke.

5. Beste langile baten laneratzea simulatzea, haren ordez sinatuz edo fitxatuz.

6. Beste langileekin eztabaidan aritzea, jendaurrean edo hotsa jendearengana iristeko moduan.

7. Elikagaien segurtasunaren inguruan enpresan ezarri diren arauak eta protokoloak ez betetzea, langileentzat horiei buruzko informazioa eta prestakuntza eman denean, eta enpresarentzat edo hirugarrenentzat arrisku larria ekartzen ahal dutenean.

8. Behar den baimena izan gabe, norberarentzako lanak egitea lanaldiaren barnean.

9. Enpresaren gauzak edo janzkiak norberarentzat erabiltzea edo enpresaren instalazioetatik edo esparrutik ateratzea baimenik gabe.

10. Axolagabekeria larria enpresaren hornigaiak edo materiala zaintzeko eginkizunean.

11. Hiru falta arin egitea, desberdinak izanagatik ere, hiruhileko batean, tartean enpresaren idatzizko zehapena izan denean.

45. artikulua. Falta oso astunak.

Falta oso astunak honako hauek dira:

1. Lanera bi egun baino gehiagoz huts egitea urte batean, justifikatutako arrazoirik izan gabe.

2. Aldi baterako ezintasunerako arrazoiak edo istripuak simulatzea.

3. Iruzurra, leialtasun eza edo konfiantza abusua, dela agindutako lanean edo kudeaketan, dela lan orduetan lankideekin edo beste edozein pertsonarekin izaten diren harremanetan; enpresaren baimen berariazkorik gabe merkataritza edo industria arloko negoziazioak egitea bere kontura edo beste norbaitentzat, eta enpresari bidegabeko lehia egitea bere jardueran.

4. Enpresari, beste lankideei edo beste edozein pertsonari ebastea, lapurtzea edo bidegabeko erabilera egitea, lantokian denean edo beste edozein lekutan, lanaldiak irauten duen bitartean.

5. Enpresako edo lantokiko materiala, lanabesak, makineria, instalazioak, eraikinak, aparatuak, tresnak, agiriak, liburuak edo ibilgailuak desagerrarazi, hondatu, suntsitu edo matxuratzea.

6. Lanaldian eta norberaren lanpostuan nabarmen mozkortuta edo drogatuta ibiltzea maiz. Horditurik edo estupefazienteak hartuta behin agertuz gero, falta larria izanen da.

7. Enpresaren korrespondentzia edo isilpeko dokumentuen sekretua haustea edo nahitaez isilpean eduki beharreko datuak enpresakoa ez den bati erakustea.

8. Hitzezko eta egitezko tratu txarrak ematea edo errespetu eta begirune falta astunak egitea nagusiei edo haien ahaideei, baita lankide eta menekoei ere.

9. Lankideekin liskarrak eta iskanbilak sortzea maiz.

10. Lan arriskuen prebentzioko arauak ez betetzea edo ez aintzat hartzea, horren ondorioz lan istripu larria gertatzen delarik edo lankideei, hirugarrenei edo enpresari kalte larriak ekartzen dizkielarik.

11. Nagusi batek langilearen legez onartutako eskubide bat urratzen duen egintza arbitrario bat egitea, horrek mendekoari kalte larria ekartzen dionean.

12. Elikagaien segurtasunaren inguruan enpresan ezarri diren arauak eta protokoloak ez betetzea, langileentzat horiei buruzko informazioa eta prestakuntza eman denean, horren ondorioz produkturen bat merkatutik erretiratu edo salmentarako, prozesatzeko edo erabilerarako errefusatu behar bada, osasun publikoa arriskuan jartzen bada, edo horren kausaz elikagaien segurtasun arloko administrazio zehapena ezarri bazaio enpresari.

13. Ohiko lan errendimendua nahita, behin eta berriz eta luzaroan gutxitzea, non ez den legeek onartutako eskubide bat erabiltzearen ondorioz.

14. Zuhurtziagabekeria edo axolagabekeria manaturiko lanean aritzean, edo egiteko moldeak istripu arriskua edo matxura arrisku larria dakarkielarik enpresaren instalazio edo makinei.

15. Jendearenganako begirune edo adeitasun falta nabarmena.

16. Norberaren garbitasun eta txukuntasun falta ohikoa eta jarraitua, ekoizpen prozesuan nahiz enpresaren irudian eragina izan dezakeenean.

17. Lan esparruan, intimitatearen eta duintasunaren begiruneari eraso larria egiten dion edozein portaera, izaera sexualeko irain hitzezko nahiz fisikoen bitartez egiten bada. Portaera hori hierarkia egoeraz baliatuz gauzatzen bada, inguruabar astungarria izanen da.

18. Lantokian, pertsona baten sexua dela-eta haren duintasuna gutxiesteko eta giro beldur eragilea, degradatzailea eta iraingarria sortzeko asmoz izaten diren jokaera guztiak.

19. Lantokian langile baten moralari edo psikologiari eraso egiteko helburu duten jokabide sistematiko guztiak, errepikatuak, maiz eta luzaro eginak, jokabide horren asmoa edo ondorioa haren lan baldintzak degradatzea bada, eta langilearen eskubideak edo duintasuna arriskuan jartzen badira, haren osasun fisikoa nahiz mentala hondatzen bada edo haren etorkizun profesionala baldintzatzen bada.

20. Lehenbiziko falta astuna egin ondoko sei hilabeteetan beste falta astun bat egitea, beste mota batekoa izanik ere.

46. artikulua. Zehapenak. Aplikazioa.

1. Enpresek, egindako faltaren astuntasuna eta inguruabarrak kontuan hartuta, zehapen hauek jartzen ahal dituzte:

1 Falta arinak:

i. Hitzezko kargu hartzea.

II. Idatzizko kargu hartzea.

iii. Gehienez 3 eguneko enplegu eta soldata gabe uztea.

2 Falta astunak:

iv. 3 egunetik 15 egunera bitarte enplegu eta soldatarik gabe uztea.

3 Falta oso astunak:

v. 16 egunetik 60 egunera bitarte enplegu eta soldatarik gabe uztea.

vi. Lan kontratua desegitea, faltari kalifikaziorik altuena ematen bazaio.

2. Hona zer hartuko den kontuan aitzineko 1. puntuko zehapenak aplikatzeko eta mailakatzeko:

a. Falta egin duenaren erantzukizuna handia ala txikia den.

b. Langilearen lanbide kategoria.

c. Egintza horrek gainerako langileengan eta enpresan duen eragina.

3. 3. Legezko ordezkari bati edo sindikatuetako ordezkari bati falta astunen edo oso astunen zehapena jarri aurretik, enpresak aldebiko espedientea irekiko dio. Horren barrenean entzunaldia emanen zaie interesdunari eta ordezkatzen duen taldeko gainerako kideei, horrelakorik baldin badago.

Arestian aipatu alde biko espedientea irekitzeko betebeharra ordezkaritza kargua utzi ondoko urtera arte luzatuko da.

4. Enpresak langile batzuei zehapena jarri nahi badie sindikatu bateko kideak direla jakinik, neurri hori ezarri aurretik, ordezkari sindikalei entzunaldia eman beharko die, halakorik bada.

47. artikulua. Falten preskripzioa.

Enpresaren zuzendaritzak zehatzeko duen ahalmenak hamar egunen buruan preskribatuko du falta arinetarako, hogei egunen buruan falta astunetarako, eta hirurogeiren buruan falta oso astunetarako, enpresak faltaren berri izaten duen egunetik aitzin, eta, nolanahi ere, falta egin eta sei hilabeteren buruan.

48. artikulua. Zehapenek dakartzaten beste ondorio batzuk.

Enpresek beren langileei falta astunengatik edo oso astunengatik ezartzen dizkieten zehapenen berri emanen dute, idatziz, haien lan espedienteetan, eta falta arinen errepikapenaren berri ere bai.

XEDAPEN GEHIGARRIAK

Lehen ohar gehigarria.

Hitzarmen honen eraginpeko enpresaren batek langile berriak kontratatu beharra baldin badu, arlo honetako langile langabetuek izanen dute lehentasuna; eta eskatutako kategorian merezimendu berak dituztenen artean, kategoria horretako langileen artean genero aldetik gutxiengoa direnek izanen dute lehentasuna.

Bigarren ohar gehigarria.

Hitzarmen honi lotzen zaizkion enpresei ohartarazten zaie urteko lan egutegia egin beharra dutela, legez.

Hirugarren ohar gehigarria.

Biltegiko langile espezializatuaren kategoriatik beherako lansari kategorietan dauden langile guztiak, enpresan urte batetik gorako antzinatasuna baldin badute, biltegiko langile espezializatuaren pareko soldata jasoko dute.

Xedapen honetan arautu dena ez zaie aplikatuko prestakuntzako edo praktikaldietako kontratuak dituzten langileei, horiek araubide berezia baitute.

Laugarren ohar gehigarria.

Harategiko edo arraindegiko laguntzaileek eta 2. mailako ofizialek gora egiteko bi urte eman beharko dute aurreko kategorian; horrela, laguntzaileak 2. mailako ofizial bihurtuko dira eta 2. mailako ofizialak 1. mailako ofizial.

Bosgarren ohar gehigarria.

Kutxazain laguntzailearen lanbide kategoria.

Definizioa: salmenten kobrantzak egiten dituen langilea da, eskura, eskudirutan edo kreditu txartelen bidez, eragiketak kutxa erregistratzailean markatuz, eta lanaldia bukatuta kutxako kontuak egokituz. Gainera, kutxan egotea beharrezkoa ez denean produktuak berrezartzen aritzen ahalko da.

Garbiketako peoiaren kategoria.

Definizioa: enpresek zuzenean kontratatutako langileak dira, beren lantokietako garbitasunaz arduratzen direnak.

Erantsitako soldaten tauletan ezarri da kategoria horien soldata.

Seigarren ohar gehigarria.

Hitzarmen honen negoziazio mahaian esku hartu eta sinatu behar duten erakundeen ordezkaritza ziurtatzeko ondorioetarako, kontuan hartuko da hitzarmenean itundutako indarraldia agortu eta biharamunean alderdiek zuten ordezkaritza frogatua, eta ez hitzarmen berria negoziatzeko batzordea osatzen den egunean duten ordezkaritza.

Zazpigarren ohar gehigarria.

Hitzarmen hau sinatu duten alderdiek lanbide sailkapena lanbide taldeen bidez ezartzeko konpromisoa hartzen dute, hitzarmena indarrean den bitartean.

I. ERANSKINA.–SOLDATA TAULAK

2025

KATEGORIA

SOLDATA

OINARRIA

PLUSA

HITZARM.

DENERA

ANTZIN.

AP. ORDUEN BALIOA

ZUZENDARITZAKO LANGILEAK

ZUZENDARITZA EDO GERENTZIA

1945,70

109,89

2055,59

97,28

26,73

LANGILEEN ARDURADUNA

1719,10

97,16

1816,26

85,95

23,62

SALMENTA ARDURADUNA

1719,10

97,16

1816,26

85,95

23,62

EROSKETEN ARDURADUNA

1719,10

97,16

1816,26

85,95

23,62

BILTEGIKO ARDURADUNA

1719,10

97,16

1816,26

85,95

23,62

SUKURTSALEKO ARDURADUNA

1719,10

97,16

1816,26

85,95

23,62

ADMINISTRAZIOKO LANGILEAK

ADMINISTRAZIOKO ARDURADUNA

1719,10

97,16

1816,26

85,95

23,62

ADMINISTRAZIOKO OFIZIALA

1520,86

85,93

1606,79

76,04

20,90

ADMINISTRARI LAGUNTZAILEA

Urtebete enpresan

1407,52

79,51

1487,03

70,38

19,34

2. eta 3. urteak enpresan

1435,96

81,14

1517,10

71,80

19,73

3 urtetik gora enpresan

1478,41

83,51

1561,92

73,92

20,31

HARATEGIKO EDO ARRANDEGIKO LANGILEAK

HARAGIAREN EDO ARRANDEGIAREN ARDURADUNA

1719,10

97,16

1816,26

85,96

23,62

HARATEGIKO EDO ARRANDEGIKO 1. MAILAKO OFIZIALA

1520,86

85,93

1606,79

76,04

20,90

HARATEGIKO EDO ARRANDEGIKO 2. MAILAKO OFIZIALA

1435,96

81,14

1517,10

71,80

19,73

HARATEGIKO EDO ARRAINDEGIKO LAGUNTZAILEA

1379,39

77,86

1457,25

68,97

18,95

GAINERAKO LANGILEAK

TXANDAKO ARDURADUNA

1520,86

85,93

1606,79

76,04

20,90

GIDARIA, 1. MAILAKO GIDABAIMENA

1605,77

90,70

1696,47

80,29

22,06

GIDARIA, 2. MAILAKO GIDABAIMENA

1492,56

84,30

1576,86

74,63

20,51

SALTZAILE BIDAIARIA

1379,39

77,86

1457,25

68,97

18,95

BILTEGIKO LANGILE ESPEZIALIZATUA (biltegizaina)

1435,96

81,14

1517,10

71,80

19,73

KUTXAKO LAGUNTZAILEA

1379,39

77,86

1457,25

68,97

18,95

ESTUTXISTA EDO PAKETATZAILEA

1379,39

77,86

1457,25

68,97

18,95

BILTEGIKO LAGUNTZAILEA (biltegiko langilea)

1379,39

77,86

1457,25

68,97

18,95

GARBITZAILEAK

1379,39

77,86

1457,25

68,97

18,95

PRESTAKUNTZALDIKO LANGILEAK

1. URTEKO PRESTAKUNTZA

Lanbide taldeko soldataren %65

2. URTEKO PRESTAKUNTZA

Lanbide taldeko soldataren %75

HITZARMENEKO BESTE KONTZEPTU BATZUK:

SAN MIGEL EGUNA

68,83

SALTZAILE BIDAIARIENTZAKO KOMISIO BERMATUAK

59,38

IZOZKAILUETAKO PLUSA

3,12

JOAN-ETORRIETAKO GASTUAK

8,85

ORGA GIDARIAREN PLUSA

35

ASEGURUAK

27 a) art.

46505,76

27 b) art.

36211,49

27 c) art.

12601,86

2026ko taula

KATEGORIA

SOLDATA

OINARRIA

GAUEKO PLUSA

PLUSA

DENERA

ANTZIN.

A. ORDUEN BALIOA

ZUZENDARITZAKO LANGILEAK

ZUZENDARITZA EDO GERENTZIA

2015,74

113,85

2129,59

100,79

27,70

LANGILEEN ARDURADUNA

1780,98

100,65

1881,63

89,05

24,47

SALMENTA ARDURADUNA

1780,98

100,65

1881,63

89,05

24,47

EROSKETEN ARDURADUNA

1780,98

100,65

1881,63

89,05

24,47

BILTEGIKO ARDURADUNA

1780,98

100,65

1881,63

89,05

24,47

SUKURTSALEKO ARDURADUNA

1780,98

100,65

1881,63

89,05

24,47

ADMINISTRAZIOKO LANGILEAK

ADMINISTRAZIOKO ARDURADUNA

1780,98

100,65

1881,63

89,05

24,47

ADMINISTRAZIOKO OFIZIALA

1575,61

89,02

1664,63

78,78

21,65

ADMINISTRARI LAGUNTZAILEA

Urtebete enpresan

1458,20

82,38

1540,58

72,91

20,04

2. eta 3. urteak enpresan

1487,65

84,06

1571,71

74,38

20,44

3 urtetik gora enpresan

1531,63

86,52

1618,15

76,58

21,05

HARATEGIKO EDO ARRANDEGIKO LANGILEAK

HARAGIAREN EDO ARRANDEGIAREN ARDURADUNA

1780,98

100,65

1881,63

89,05

24,47

HARATEGIKO EDO ARRANDEGIKO 1. MAILAKO OFIZIALA

1575,61

89,02

1664,63

78,78

21,65

HARATEGIKO EDO ARRANDEGIKO 2. MAILAKO OFIZIALA

1487,65

84,06

1571,71

74,38

20,44

HARATEGIKO EDO ARRANDEGIKO LAGUNTZAILEA

1429,05

80,66

1509,71

71,45

19,63

GAINERAKO LANGILEAK

TXANDAKO ARDURADUNA

1575,61

89,02

1664,63

78,78

21,65

GIDARIA, 1. MAILAKO GIDABAIMENA

1663,58

93,97

1757,55

83,18

22,86

GIDARIA, 2. MAILAKO GIDABAIMENA

1546,29

87,34

1633,63

77,31

21,25

SALTZAILE BIDAIARIA

1429,05

80,66

1509,71

71,45

19,63

BILTEGIKO LANGILE ESPEZIALIZATUA (biltegizaina)

1487,65

84,06

1571,71

74,38

20,44

KUTXAKO LAGUNTZAILEA

1429,05

80,66

1509,71

71,45

19,63

ESTUTXISTA EDO PAKETATZAILEA

1429,05

80,66

1509,71

71,45

19,63

BILTEGIKO LAGUNTZAILEA (biltegiko langilea)

1429,05

80,66

1509,71

71,45

19,63

GARBITZAILEAK

1429,05

80,66

1509,71

71,45

19,63

PRESTAKUNTZALDIKO LANGILEAK

1. URTEKO PRESTAKUNTZA

Lanbide taldeko soldataren %65

2. URTEKO PRESTAKUNTZA

Lanbide taldeko soldataren %75

HITZARMENEKO BESTE KONTZEPTU BATZUK

SAN MIGEL EGUNA

71,30

SALTZAILE BIDAIARIENTZAKO KOMISIO BERMATUAK

61,52

IZOZKAILUETAKO PLUSA

3,23

JOAN-ETORRIETAKO GASTUAK

9,16

ORGA GIDARIAREN PLUSA

37,60

ASEGURUAK

27 a) art.

48179,97

27 b) art.

37515,10

27 c) art.

13055,53

II. ERANSKINA.–HITZARMENAREN BATZORDE PARITARIOARI
LAN BALDINTZAK EZ APLIKATZEA / DESADOSTASUN AKTA

Enpresaren datuak: ............................................................................................................................

Izena edo sozietatearen izena: ..........................................................................................................

IFK: ................................ Sozietatearen helbidea: .............................................................................

Herria: ................................................................................ Posta kodea: ..............................................

Aplikatu beharreko hitzarmen kolektiboa(k):

...........................................................................................................................................................

...................................... enpresak eta langileen ordezkariek jakinarazten dute akordiorik gabe bukatu dela lan baldintzak ez aplikatzearen gainean Langileen Estatutuaren 5. artikuluarekin bat planteatu den prozesua.

Akta hau igortzen zaio Batzorde Paritarioari, enpresak aplikazio ezaren inguruan egiten duen eskaerarekin batera eta beharrezko dokumentazioarekin batera. Halaber, langileen ordezkaritzak egin dituen alegazioak igortzen dira, aurkeztutako dokumentazioarekin batera.

Bi alderdiek, enpresak eta langileen ordezkaritzak, Batzorde Paritariora jo dute hark ebatz dezan planteatutako aplikazio ezari buruz, eta eskatzen dute, batzordeak akordiorik erdietsi ezean, Nafarroako Lan Auzitegiaren arbitraje loteslearen mende jartzea / ez jartzea (ezabatu bidezko ez dena).

……….…………(e)n, ……..(e)ko ……….………aren….(e)an

Sinatua Sinatua

Langileen ordezkaritza Enpresa

...................................... enpresak eta langileen ordezkariek jakinarazten dute akordiorik gabe bukatu dela lan baldintzak ez aplikatzearen gainean Langileen Estatutuaren 5. artikuluarekin bat planteatu den prozesua.

Akta hau igortzen zaio Batzorde Paritarioari, enpresak aplikazio ezaren inguruan egiten duen eskaerarekin batera eta beharrezko dokumentazioarekin batera. Halaber, langileen ordezkaritzak egin dituen alegazioak igortzen dira, aurkeztutako dokumentazioarekin batera.

Bi alderdiek, enpresak eta langileen ordezkaritzak, Batzorde Paritariora jo dute hark ebatzi dezan planteatutako aplikazio ezari buruz, eta eskatzen dute, Batzordeak akordiorik erdietsi ezean, Nafarroako Lan Auzitegiaren arbitraje loteslearen mende jartzea / ez jartzea (ezabatu bidezko ez dena).

……….…………(e)n, ……..(e)ko ……….………aren….(e)an

Sinatua Sinatua

Langileen ordezkaritza Enpresa

III. ERANSKINA.–LGTBI PERTSONEN BERDINTASUN ERAGINKORRA BERMATZEKO AURREIKUSITAKO NEURRIAK

Lehenengoa.–Berdintasunaren eta bereizkeriarik ezaren printzipioa.

Enpresak tratu berdintasuna eta sexu orientazioan edo identitatean, genero adierazpenean edo LGTBI kolektiboko langileen sexu ezaugarrietan oinarritutako diskriminaziorik eza zainduko ditu. Lan baldintza guztiak aukera berdintasunaren printzipioaren arabera aplikatuko dira.

Aniztasuna errespetatzen duen ingurune korporatiboa sustatuko da, sexu orientazioaren, genero identitatearen eta sexu ezaugarrien arloan aniztasuna berariaz aitortuko duena, eta diskriminazio jardunbide oro baztertuko duena.

Adierazpen instituzional bat eginen da, enpresak adierazitako arrazoiengatik diskriminazio jokabiderik ez onartzeko konpromiso irmoa duela adierazteko.

Arlo honetan hartutako konpromisoak enpresa laguntzaileetara eta hornitzaileetara hedatuko dira.

Bigarrena.–Enplegua lortzea.

Hautaketa eta kontratazio prozesuetan hautagai guztien aukera berdintasuna bermatuko da, inolako bereizketarik egin gabe haien sexu orientazio edo identitateagatik, genero adierazpen edo sexu ezaugarriengatik.

Horretarako, honako neurri hauek ezarri dira:

–Hautaketa eta kontratazio prozesuetan edozein elementu diskriminatzaile ezabatzea, eta arreta berezia eskaintzea trans pertsonei, kolektibo kaltebera diren aldetik. Hautaketak gaikuntzari eta lanpostura egokitzeari baino ez die erreparatuko.

–Lan eskaintzak hizkuntza inklusiboan idatziko dira, behar-beharrezkoak diren baldintzetara mugatuta.

–Hautaketa prozesuen arduradunak prestatuko dira, generoarekin, orientazioarekin edo sexu identitatearekin lotutako joerak edo estereotipoak saihesteko. Elkarrizketak alderdi profesionaletan oinarrituko dira, gai pertsonalak edo familiarrak alde batera utzita.

–LGTBI pertsonen laneratzean espezializatutako erakundeekin lankidetzan aritzeko aukera izanen da.

Hirugarrena.–Lanbide sailkapena eta sustapena.

Enpresak aukera berdintasuna bermatuko du lanbide karreran eta sustapen prozesuetan, betiere irizpide objektiboetan oinarrituta.

Laugarrena.–Prestakuntza, sentsibilizazioa eta komunikazio inklusiboa.

Prestakuntzak zeharka txertatuko du LGTBI pertsonendako berdintasunaren eta diskriminaziorik ezaren printzipioa. Enpresa betebeharrek honako hauek hartuko dituzte barnean:

–Langile guztiendako prestakuntza ekintzak, agintariak eta zuzendariak barne, honako hauei buruzko edukiekin: sexu, familia eta genero aniztasuna, hizkuntza inklusiboaren erabilera eta sexu orientazio edo identitateagatiko jazarpen edo indarkeriaren, genero adierazpenaren edo sexu ezaugarrien aurreko protokoloak.

–Plan honetan jasotako neurriak langile guztien artean zabaltzea.

–Berariazko prestakuntza salaketa kanalak kudeatzen dituztenentzat.

–Diskriminaziorik gabeko inguruneei buruzko sentsibilizazio jarduerak, jazarpena prebenitzeko protokoloak eta berdintasunaren sustapena antolatzea.

–Enpresa komunikazioan hizkuntza inklusiboa eta ikus-entzunezko material inklusiboak erabiltzea.

–Trans pertsonen eta LGTBI kolektiboko pertsonen eskubideei buruzko otsailaren 28ko 4/2023 Legean aniztasunari buruz jasotako oinarrizko kontzeptuak zabaltzea.

Bosgarrena.–Laneko giro seguruak eta inklusiboak.

Enpresak jazarpenik edo indarkeriarik gabeko laneko inguruneak sustatuko ditu. Langileek uniformeen eta norbera babesteko ekipamenduen tailak genero presuntziorik gabe aukeratzea erraztuko da.

Lan giroari eta arrisku psikosozialei buruzko inkestetan sexu orientazioagatiko, genero identitateagatiko edo adierazpenagatiko jazarpen edo indarkeria egoerei eta sexu ezaugarriei buruzko gaiak sartzen ahalko dira.

Seigarrena.–Jazarpenari eta indarkeriari aurre egiteko protokoloa.

Enpresak jazarpenari aurre egiteko protokolo orokorra badu, eta protokolo horrek berariaz jasotzen baditu LGTBI pertsonendako neurriak, tresna hori aplikatuko da.

Halakorik ez badago, berrogeita hamar langile baino gehiago dituzten enpresek hitzarmenaren VII. eranskinean jasotako protokoloa aplikatu beharko dute. Langile gutxiago dituztenentzat, protokolo hori aukerakoa izanen da.

Enpresak protokolo honen edukiaren eta salaketa prozeduraren berri eman beharko die langile guztiei.

Zazpigarrena.–Baimenak eta laneko onurak.

Familia aniztasuna aitortu eta errespetatuko da, eta berdintasuna bermatuko da baimenetan, gizarte-onuretan eta legezko edo ohiko gainerako eskubideetan, sexu orientazioagatik edo sexu identitateagatik edo genero adierazpenagatik bereizketarik egin gabe.

Behar bezala inskribatutako ezkontzak eta izatezko bikoteak, ondorio guztietarako, parekatu eginen dira, familia ereduen aniztasuna aitortuz.

Zortzigarrena.–Diziplina araubidea.

Debekatuta dago langileen sexu askatasuna, sexu orientazioa edo identitatea edo genero adierazpena urratzen duen edozein jokabide.

Halakorik gertatuz gero, hitzarmen honetan ezarritako diziplina-araubidean aurreikusitakoa aplikatuko da.

Bederatzigarrena.–Konfidentzialtasuna.

Sexu orientazioari, identitateari edo genero adierazpenari buruzko datuak konfidentzialtasuna errespetatuz tratatuko dira, eta lege edo antolaketa helburuetarako ezinbestekoa denean soilik.

Tratamenduan parte hartzen duten pertsonek isiltasunaren eta konfidentzialtasunaren betebeharra hartuko dute beren gain.

III. ERANSKINA.–LGTBI pertsonen aurkako jazarpenari
eta indarkeriari aurre egiteko protokoloa

I.–Printzipioen adierazpena.

Espainiako Konstituzioak oinarrizko eskubide hauek aitortzen ditu: pertsonaren duintasuna, askatasuna (zentzu zabalenean hartuta), nortasunaren garapen askea, intimitatea, osotasun fisikoa eta morala, eta berdintasuna eta edozein baldintza edo inguruabar pertsonal edo sozialengatik diskriminazioa debekatzea. Balio horiek une oro zaindu eta errespetatu behar dira.

Eskubide horien bermeak hainbat mailatan jarduten du. Europa mailan, langileen babesa indartzen duten xedapenak daude, beren orientazio edo identitate sexualari lotutako diskriminazio egoeren aurrean. Hala, 2000/78/EE Zuzentarauak tratu berdintasuna ezartzen du enpleguan, eta berariaz jasotzen du sexu orientazioa diskriminaziorik ezaren arrazoien artean; 2006/54/EE Zuzentarauak tratu desberdinaren debekua indartzen du lan eremuan, eta 2004/38/EEE Zuzentarauak pertsonen zirkulazio askea finkatzen du diskriminaziorik ezaren printzipioaren pean.

Barne esparruan, Langileen Estatutuak zerbitzuak ematen dituztenen duintasunarekiko eta intimitatearekiko errespetua bermatzen du, bidezko tratua eta babesa ziurtatuz sexu-izaerako irainetatik eta arraza, jatorri etniko, erlijio edo sinesmenekin, desgaitasunarekin, adinarekin edo sexu orientazioarekin lotutako edozein jazarpen motatatik. Horrekin bat etorriz, urriaren 8ko 1026/2024 Errege Dekretuak, enpresa eremuan LGTBI pertsonen berdintasuna eta diskriminaziorik eza bermatzeko neurri guztiak garatzen dituenak, II. eranskinean xedatzen du jazarpenari aurre egiteko protokolo espezifiko bat ezartzeko betebeharra, eta betebehar hori dokumentu honen bidez betetzen da.

Horrekin, enpresak berariaz adierazten du sexu orientazio edo identitateagatik edo genero adierazpenagatik jazarpenezkoak diren diskriminazio ekintzak ez onartzeko konpromiso irmoa duela, eta debekatuta geratzen da mota horretako jokabide oro.

II.–Aplikazio-eremua.

a) Protokolo hau exijitzen ahalko da plantillan berrogeita hamar langile baino gehiago dituzten enpresetan, kontratu-loturaren izaera juridikoa edozein dela ere, betiere jarduera enpresaren antolamenduaren eta zuzendaritzaren pean egiten bada.

Atalase horretara iristen ez diren erakundeek ere beren borondatez aplikatzen ahalko dute, egoki iritziz gero.

b) Aurreko horretatik salbuetsita daude jada jazarpenari aurre egiteko protokolo orokorra duten enpresak, LGTBI pertsonak babesteko neurri espezifikoak jasotzen dituena, edo neurri horiek hartzeko egokitu dutenak, bai eta kolektibo horren aurkako jazarpenari eta indarkeriari aurrea hartzeko eta aurre egiteko protokolo espezifikoa dutenak ere.

c) Protokolo honetan eta aipatutako gainerako tresnetan aurreikusitakoa aplikatuko zaie, halaber, lanpostu baterako hautagaiei, aldi baterako laneko enpresetako langileei, hornitzaileei, bezeroei eta enpresaren eremuko bisitariei.

III.–Definizioak.

Trans pertsonen berdintasun erreal eta eraginkorrerako eta LGTBI pertsonen eskubideak bermatzeko otsailaren 28ko 4/2023 Legearen 3. artikuluaren arabera, honela ulertuko dira:

a) Zuzeneko diskriminazioa: pertsona edo talde batek beste pertsona batek baino tratu txarragoa jasotzen duen egoera, baldintza konparagarrietan, sexu orientazioagatik, sexu identitateagatik, genero adierazpenagatik edo sexu ezaugarriengatik. Era berean, zuzeneko bereizkeriatzat hartuko da desgaitasunen bat duten pertsonei arrazoizko egokitzapenak ukatzea; hau da, beren eskubideak baldintza berdinetan erabat egikaritzea ahalbidetzen duten ingurune fisikoaren, sozialaren edo jarrerazko ingurunearen egokitzapen beharrezko eta proportzionatuak.

b) Zeharkako diskriminazioa: itxuraz neutroa den xedapen, irizpide edo praktika batek pertsona batentzat edo batzuentzat desabantaila berezi bat eragiten duenean edo eragin dezakeenean, haren sexu orientazioa, sexu identitatea, genero adierazpena edo sexu ezaugarriak kontuan hartuta.

c) Diskriminazio anizkoitza eta intersekzionala:: bereizkeria anizkoitza egonen da pertsona bat 4/2023 Legean eta/edo tratu berdintasunerako eta diskriminaziorik ezerako uztailaren 12ko 15/2022 Lege integralean aurreikusitako bi arrazoik edo gehiagok aldi berean edo elkarren segidan eragiten diotenean. Bereizkeria intersekzionala egonen da kausa horietako bat baino gehiago gertatzen edo elkarreragiten direnean, diskriminazio modu espezifiko bat sortzen baita.

d) Diskriminaziozko jazarpena: arauan aurreikusitako diskriminazio arrazoiren batek eragindako jokabide oro, baldin eta jokabide horren helburua edo ondorioa bada pertsona edo kolektibo baten duintasunaren aurka egitea eta larderiazko ingurunea, etsaitasunezkoa, apalesgarria, umiliagarria edo iraingarria sortzea.

e) Asoziazioagatiko edo erroreagatiko diskriminazioa: lehenengoa gertatzen da pertsona edo talde bati tratu desberdina ematen zaionean diskriminazio arrazoiren batek eragiten dion beste pertsona batekin duen harremanagatik; eta bigarrena, diskriminazio tratua eragindako pertsonaren ezaugarriei buruzko iritzi okerraren ondorio denean.

f) Ekintza positiboko neurriak: izaera kolektibo edo sozialeko diskriminazio edo desabantaila egoerak prebenitzeko, ezabatzeko edo konpentsatzeko helburua duten tratu bereiziak. Neurri horiek aldi baterakoak, proportzionatuak eta arrazoizkoak izanen dira, lortu nahi diren helburuei dagokienez.

g) Intersexualitatea: ezaugarri biologiko, anatomiko edo kromosomikoekin jaiotako pertsonen egoera, sozialki gorputz maskulinoei edo femeninoei esleitutako parametroekin bat ez datozenak.

h) Sexu orientazioa: beste pertsona batzuekiko erakarpen fisikoa, sexuala edo afektiboa. Heterosexuala (sexu desberdineko pertsonekiko), homosexuala (sexu bereko pertsonekiko) edo bisexuala (bi sexuetako pertsonekiko, ez nahitaez aldi berean, ezta maila edo intentsitate berean ere) izan daiteke.

i) Sexu identitatea: sexuaren barneko bizipena eta bizipen pertsonala, pertsona bakoitzak hautematen eta definitzen duen bezala, jaiotzean esleitutakoarekin bat etorri ala ez.

j) Genero adierazpena: pertsona bakoitzak bere sexu identitatea kanporatzen edo adierazten duen modua.

k) Trans pertsona: identitate sexuala jaiotzean esleitu zitzaion sexuarekin bat ez datorrena.

l) LGTBI familia: gutxienez kideetako bat LGTBI kolektiboko pertsona bat da, eta kategoria horren barruan sartzen dira zaintzapean, tutoretzapean edo guraso ahalari atxikirik adingabea duten guraso bakarreko familiak, edo desgaitasunen bat duten adin nagusiko ondorengoak dituztenak.

m) LGTBIfobia: LGTBI pertsonen aurkako gutxiespen, gaitzespen, aurreiritzi, diskriminazio edo intolerantzia jarrera, jokaera edo adierazpen oro, kolektiboaren parte izateagatik soilik edo halakotzat hautemateagatik.

n) Homofobia: homosexualekiko arbuioa edo intolerantzia.

o) Bifobia: pertsona bisexualekiko arbuioa edo intolerantzia.

p) Transfobia: trans pertsonekiko arbuioa edo intolerantzia.

q) Diskriminatzeko agintzea edo hori eragitea: diskriminazioa da agindu, instrukzio edo zirikatze zuzen, zehatz eta eraginkor oro, beste pertsona batek bereizkeria egintza bat gauza dezan legean aitortutako edozein arrazoirengatik.

IV.–Prozeduraren printzipio gidariak eta bermeak.

Sexu orientazioagatiko, sexu identitateagatiko edo genero adierazpenagatiko jazarpen egoeretan jarduteko barne prozesuek printzipio hauek bete beharko dituzte:

–Bizkortasuna eta eraginkortasuna: salatutako gertaerak ahalik eta arinen ikertu eta ebatzi beharko dira, bidegabeko atzerapenak saihestuz eta prozeduraren fase bakoitzean aplika daitezkeen epeak errespetatuz.

–Duintasun eta intimitaterako errespetua: eragindako pertsonek, salatzaileek zein salatuek, bidezko tratua jasoko dute, eta une oro bermatuko dute haien duintasuna eta bizitza pribatua zaintzea.

–Konfidentzialtasuna: prozesuan parte hartzen duen pertsona oro behartuta dago zuhurtzia zorrotzenari eustera, aurkeztu diren, izapidetzen ari diren edo dagoeneko ebatzita dauden salaketei buruzko informazioa zabaldu edo transmititu gabe.

–Errepresalien aurreko babesa: biktimaren segurtasuna eta osasuna bermatzeko neurri nahikoak hartuko dira, salaketaren ondoriozko edozein kontrako erreakzio saihestuz eta egoerak ekar ditzakeen ondorio fisiko zein psikologikoak kontuan hartuz.

– Kontraesanerako eskubidea: inplikatutako alderdi guztiei entzuteko eta defendatzeko aukera bermatuko zaie, instrukzioaren inpartzialtasuna bermatuz.

–Lan baldintzak berrezartzea: jazarpenak biktimaren lan baldintzak aldatu baditu, enpresak aurreko egoerara itzuli beharko ditu, biktimak hala eskatzen badu.

–Errepresalien debekua: salaketak egiten dituztenen, lekuko gisa jarduten dutenen edo ikerketan laguntzen dutenen aurka errepresalia –mehatxuak edo errepresalia ahaleginak barne– dakarren edozein jokabide erabat deuseza izanen da.

–Protokoloaren hedapena: enpresak konpromisoa hartzen du langile guztiek protokolo honen berri izanen dutela ziurtatzeko, eta, horrela, protokolo hau errazago eskuratu eta ulertuko dutela bermatzeko.

Hori guztia ulertzen da alde batera utzi gabe otsailaren 20ko 2/2023 Legea, arau hausteei eta ustelkeriaren aurkako borrokari buruzko txostenak egiten dituzten pertsonen babesa arautzen duena, bakoitzaren eremu pertsonalean eta materialean.

V.–Prozeduraren epeak.

Enpresak bere denbora esparrua izan ezean, prozedurak ez dira hogeita hamar lanegunetik gorakoak izaten ahalko, eta behar bezala justifikatutako salbuespenezko kasuetan bakarrik luzatzen ahalko dira.

Izapideak egiten diren bitartean, alegazioak egiteko eta egoki iritzitako dokumentuak edo frogak aurkezteko behar besteko epea bermatuko zaio ukitutako pertsonari.

VI.–Jarduteko prozedura.

a) Hasiera: prozedura aktibatzen da ukitutako pertsonak edo hark baimentzen duenak aurkeztutako salaketaren bidez, ikerketarako izendatutako pertsonaren aurrean edo enpresak gaitutako salaketen barne kanalaren bidez. Salaketa ukitutako pertsonak zuzenean egiten ez badu, ezinbestekoa izanen da haren berariazko baimen informatua. Salatzaileak langileen legezko ordezkari baten laguntza eskatzen ahalko du deklarazioak irauten duen bitartean.

b) Instrukzio organoa: enpresak izendatutako pertsonak edo pertsonek eginen dute ikerketa. Jazarpenaren aurkako beste protokolo batzuez arduratzen den batzorderik edo arduradunik badago, hori ere bere gain hartzen ahalko du esandako eginkizuna. Ez dute esku hartzen ahalko ukitutako pertsonekin ahaidetasun harremana, hurreko adiskidetasuna, ageriko etsaitasuna edo zuzeneko edo zeharkako interesa dutenek.

c) Kautelazko neurriak: salaketa jaso ondoren, eta ahalik eta lasterren, protokoloa aplikatzea egokia den ebaluatuko da, eta, hala badagokio, biktima babesteko kautelazko edo prebentziozko neurriak hartuko dira. Biktimak erabaki beharko du espedientean beste langile batzuek edo langileen ordezkariek esku har dezaketen.

d) Bukaerako txostena: gehienez ere hogeita bat laneguneko epean, salbuespenezko kasuetan bakarrik luza daitekeena, txosten lotesle bat egin beharko da, eta honela burutzen ahalko da:

i) Jazarpen zantzuak egotea eta zehapen espedientea irekitzeko proposamena egitea; edo,

ii) Jazarpen zantzu nahikorik ez egotea.

Txostenak, gutxienez, honako hauek jasoko ditu: gertaeren deskribapena, erabilitako metodologia, proben balorazioa, lortutako emaitzak eta hartutako kautelazko edo prebentziozko neurriak.

VII.–Prozeduraren ebazpena.

Ikerketa txostenaren ondorioak eta proposatutako jarduketa neurriak kontuan hartuta emanen da ebazpena.

–Sexu orientazio edo identitateagatiko edo genero adierazpenagatiko jazarpena dagoela egiaztatzen bada, dagokion zehapen espedientea irekiko da, neurri zuzentzaileak aplikatuko dira eta, hala badagokio, biktima babesteko neurriak mantendu edo indartuko dira.

–Zantzu nahikorik ikusten ez bada, salaketa artxibatu eginen da.

VIII.–Informazioa.

Sexu orientazioari edo sexu identitateari edo genero adierazpenari lotutako jazarpenagatik aurkeztutako salaketak egonez gero, enpresak sei hilean behin jakinaraziko du, ondorio estatistiko hutsetarako eta, betiere, eragindako pertsonen konfidentzialtasuna arriskuan jartzen ez badu:

–Berdintasun planaren jarraipenerako barne organoari, baldin eta enpresan salaketen guztizko kopurua badago eta salaketa horietan jazarpen zantzurik antzeman bada;

–Lantokiko langileen legezko ordezkaritzari, aurreko baldintza berberetan, betiere eragindako pertsonak onartzen badu eta, gainera, eragindako pertsonen intimitatea eta konfidentzialtasuna gordetzen badira.

Iragarkiaren kodea: F2605838