Iragarkia

106. ALDIZKARIA - 2026ko ekainaren 2a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

102/2026 EBAZPENA, maiatzaren 19koa, Ekonomia Sozialeko eta Laneko zuzendari nagusiak emana, zeinaren bidez erabakitzen baita "Iturgintza, berokuntza, girotzea, suteen prebentzioa, gasa eta antzekoak" sektoreko hitzarmen kolektiboko soldatak berrikusteari buruzko akordioa erregistratzea, gordailutzea eta Nafarroako Aldizkari Ofizialean argitaratzea.

Aztertu da Nafarroako "Iturgintza, berokuntza, girotzea, suteen prebentzioa, gasa eta antzekoak" sektoreko hitzarmen kolektiboko soldatak 2026. urterako berrikusteari buruzko akordioa (hitzarmenaren kode zenbakia: 31003505011981), erregistro honetan 2026ko maiatzaren 19an sartu dena, enpresaren eta sindikatuen ordezkariek 2026ko apirilaren 23an sinatu ondoren.

Bat etorriz Langileen Estatutuaren Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen kolektiboak, lan akordio kolektiboak eta berdintasun planak erregistratu eta gordailutzeari buruzko maiatzaren 28ko 713/2010 Errege Dekretuan ezarritakoarekin.

Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz, eta kontuan hartuta zer xedatzen den Eskubide Sozialetako, Ekonomia Sozialeko eta Enpleguko Departamentuaren egitura organikoa ezartzen duen azaroaren 15eko 251/2023 Foru Dekretuan,

EBAZTEN DUT:

Lehenbizikoa.–Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzeko agintzea.

Bigarrena.–Nafarroako Aldizkari Ofizialean argitaratzeko agintzea, orok jakin dezan.

Hirugarrena.–Ebazpen hau eskatzaileari jakinaraztea, eta ohartaraztea ez duela administrazio bidea amaitzen eta haren aurka gora jotzeko errekurtsoa jartzen ahal dela Eskubide Sozialetako, Ekonomia Sozialeko eta Enpleguko kontseilariari zuzendua, hilabeteko epean, ebazpena jakinarazi eta hurrengo egunetik aurrera.

Iruñean, 2026ko maiatzaren 19an.–Ekonomia Sozialeko eta Laneko zuzendari nagusia, Iñaki Mendióroz Casallo.

Iruñean, 2026ko apirilaren 23an.

BILDU DA:

"Nafarroako enpresa instalatzaileak arlo hauetan: iturgintza, berokuntza, aire-girotzea, suteen prebentzioa, gasa eta antzekoak" sektorerako lan hitzarmen kolektiboaren batzorde paritarioa, ondotik adierazten diren pertsonak eta ordezkaritzak dituena:

Nafarroako iturgintzako, berokuntzako, aire-girotzeko, suteen prebentzioko, gaseko eta antzekoetako enpresaburuen elkartearen aldetik:

Javier Adiego Reta jauna.

Unión General de Trabajadores (UGT) sindikatua. Ordezkaria:

Demetrio Muñoz Ruíz jauna.

Comisiones Obreras (CC OO) sindikatua. Ordezkaria:

Eva Ciaurriz Noain andrea.

Langile Abertzaleen Batzordeak (LAB):

Iñaki Montes jauna.

ADIERAZTEN DUTE:

Jakinik, EINeko ziurtagiriaren bidez, 2025erako Estatuko Kontsumoko Prezioen Indizea %2,9an finkatu dela behin betiko, bidezkoa da soldatak berrikustea, "Nafarroako enpresa instalatzaileak arlo hauetan: iturgintza, berokuntza, aire-girotzea, suteen prebentzioa, gasa eta antzekoak" sektorerako lan hitzarmen kolektiboaren lehenengo xedapen gehigarrian ezarritakoa betetzeko.

Hori horrela, gaiari buruz eztabaidatu ondoren, batzordekideek, aho batez,

ERABAKITZEN DUTE:

Lehenbizikoa.–"Nafarroako enpresa instalatzaileak arlo hauetan: iturgintza, berokuntza, aire-girotzea, suteen prebentzioa, gasa eta antzekoak" sektorerako lan hitzarmen kolektiboaren lehenengo xedapen gehigarrian araututakoa aplikatuz, bidezkoa dela soldatak berrikustea artikulu horretan ezarritako gisan.

Bigarrena.–Igoera hau hitzartu da 2026. urterako:

"Estatuko 2025eko KPIaren igoera gehi %0,50 eginen da 2020ko abenduaren 31n indarrean zeuden soldata kontzeptu guztietan".

Era berean, administrazio-arloan zerbitzuak ematen dituzten langileen baldintza ekonomikoak indartzeko eta sektorean genero-arrakala murrizteko, erabaki da, 2026an, «Administrariak» apartatuan zerrendatutako hiru kategorien soldata-taulak 1.000 euroan handitzea.

Hirugarrena.–Soldaten berrikuspena aplikatuta, 2026ko behin betiko soldaten taula akta honen I. eranskinean ageri dena da.

Laugarrena.–Soldaten berrikuspenak 2026ko urtarrilaren 1etik aurrera izanen ditu ondorioak.

Bosgarrena.–Akordio hau Nafarroako Gobernuko Ekonomia Sozialeko eta Laneko Zuzendaritza Nagusira igorriko da, erregistratzeko eta ondoren Nafarroako Aldizkari Ofizialean argitaratzeko.

Eta, jasota geldi dadin, eta ados daudela erakusteko, bildutako guztiek akta hau sinatzen dute, adierazten den tokian eta egunean.

2026RAKO SOLDATA TAULAK

(2025-12-31ko soldatei %3,4ko igoera aplikatu ondoren atera dira).

Antzinatasuna.

Hitzarmen honen ondorioetarako, antzinatasunari fideltasun saria deituko zaio. Hirurtekoa betetzen den egunean sortuko da eta ondoko urteetan egun berean. Urtean behin ordainduko da, muga-egunaren ondoko hilabetearen barnean. Enpresako plantilla uzten bada, fideltasun-sariaren zenbatekoa hainbanatuko da, azken sortzapenetik lan egindako denboraren proportzioan.

Fideltasun-saria zenbatzeko, enpresan zenbat urtez lan egin den hartuko da kontuan. Urteak hirunaka kalkulatuko dira, eta hirurtekoen kopuruak ez du mugarik izanen.

Zenbatekoak hirurtekoen taulan ageri dira zehaztuta, jarraian, eta urteko zenbateko bera dute lanbide-kategoria guztientzat.

Borondatezko eszedentziek, ordaindu gabeko lizentziek edo antzeko arrazoiek fideltasun-sariaren urteko muga-eguna atzeratuko dute, egoera horiek dirauten denboran.

Hirurtekoen taula.

Iragarkiaren kodea: F2607473