2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BORTZIRIETAKO ZERBITZUEN MANKOMUNITATEA
Dirulaguntzak, 2026rako, honako hauentzat: gizarte arloko proiektuak eta jarduerak egiten dituzten irabazi-asmorik gabeko entitateak. Laburpena
DDBN kodea: 906350.
Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Horren testu osoa datu base nazionalean aurki daiteke (https://www.infosubvenciones.es/bdnstrans/GE/eu/convocatoria/906350).
Bortzirietako Zerbitzuen Mankomunitateko Batzar Orokorrak, 2026ko martxoaren 13an egindako bilkuran, Bortziriak inguruan gizarte-proiektuak eta -jarduerak garatzen dituzten irabazi-asmorik gabeko erakundeei 2026an dirulaguntzak emateko oinarriak onartzea erabaki zuen.
Lehenengoa.–Erakunde onuradunak.
Honako baldintza hauek dituzten erakundeek jasoko dute dirulaguntza:
–Irabazi-asmorik ez izatea.
–Bortzirietan prebentzio-jarduerak, gizarte-laguntza edo -laguntza, aisia eta denbora librea edo gizarteratzea garatzea.
–Nafarroako Gobernuaren Elkarteen Erregistroan behar bezala inskribatuta egotea. Baldintza hori betetzen ez badute, 10 eguneko epea izango dute erregistroa formalizatzeko.
–Ogasunean eta Gizarte Segurantzan zerga-betebeharrak egunean izatea.
–Bortzirietako Zerbitzuen Mankomunitatean eta hura osatzen duten bortz udalekin ordainketak egunean izatea.
Bigarrena.–Xedea.
Deialdi honen xedea da Bortzirietan esku hartzen duten eta gizarteratzea sustatzen duten irabazi-asmorik gabeko erakundeei dirulaguntzak emateko sistema ezartzea.
Dirulaguntzen helburua izango da herritarren gizarte-ongizatearen garapenean eragiten duten erakundeei laguntzea, bereziki gizarte-egoera ahulean dauden kolektiboentzat, premia bereziak dituztenentzat edo gizarteratzeko zailtasunak dituztenentzat, prebentzio-, laguntza-, aisia- eta denbora libreko eta gizarteratze-jardueren bidez.
Dirulaguntzaren azken helburua erakundeak finantzatzen laguntzea izango da, inoiz ez garatzen dituzten jarduera guztiak finantzatzea.
Hirugarrena.–Oinarri arautzaileak.
https://mbortziriak.sedipualba.es
Laugarrena.–Zenbatekoa.
Dirulaguntza hori Bortzirietako Zerbitzuen Mankomunitatearen 2026ko ekitaldiko gastu-aurrekontuko GZ 2311 4820001-Irabazi-asmorik gabeko elkart. Dirulag partidaren kontura finantzatuko da, 4.000,00 euroko zenbatekoarekin.
Bosgarrena.–Eskabideak aurkezteko epea.
Proiektuak behar bezala beteta aurkeztu beharko dira Bortzirietako Zerbitzuen Mankomunitatearen egoitza elektronikoan (https://mbortziriak.sedipualba.es), deialdia Nafarroako Aldizkari Ofizialean argitaratu eta hurrengo egunetik hilabeteko epean. Posta elektronikoz jasotako eskaerak ez dira onartuko.
Etxalarren, 2026ko maiatzaren 18an.–Mankomunitateko burua, Patxi Castillo Graciarena.
Iragarkiaren kodea: L2607253
