2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ZIZUR NAGUSIA
Deialdia, dirulaguntzak emateko, euskara-ikastaroak egiteko 2025-2026 ikasturtean. 2026ko maiatzaren 14ko 1155/2026 Alkatetzaren Ebazpenaren bidez onartua. Laburpena
DDBN kodea: 905678.
Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Horren testu osoa datu base nazionalean aurki daiteke (https://www.infosubvenciones.es/bdnstrans/GE/eu/convocatoria/905678).
Lehena.–Onuradunak.
Euskara-ikastaroetan parte hartu nahi duten udalerriko pertsonak. Horretarako, honako baldintza hauek bete beharko dituzte: 16 urtetik gorakoak izatea, Zizur Nagusian erroldatuta egotea, gutxienez urtebeteko antzinatasunarekin, laguntza eskatzen den egunetik zenbatzen hasita, eta laguntza eskatzen den ikastaroak irauten duen bitartean, eta eskoletara %80tik gorako asistentzia izatea.
Bigarrena.–Xedea.
Euskara sustatzeko jarduerak bultzatzea.
Hirugarrena. Oinarri arautzaileak.
Euskara-ikastaroak egiteko dirulaguntzen deialdi publikoa. 2025-2026 ikasturtea (2025eko irailetik 2026ko abuztura bitartean egindako ikastaroak).
Laugarrena.–Zenbatekoa.
3.500,00 euro.
Bosgarrena.–Eskabideak aurkezteko epea.
Deialdiaren iragarkia Nafarroako Aldizkari Ofizialean argitaratu eta biharamunean hasiko da, eta 2026ko irailaren 30ean amaituko da.
Zizur Nagusia, 2026ko maiatzaren 14an.–Alkatea, Jon Gondán Cabrera.
Iragarkiaren kodea: L2607118
