2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
LAKUNTZA
Xehetasun-azterketa 2. poligonoko 946. eta 1231. lurzatietan. Hasierako onespena
Alkatetzaren maiatzaren 13ko 48/2026 Ebazpenaren bidez, hasiera batez onetsi da xehetasun-azterketa bat Lakuntzako 2. poligonoko 946. eta 1231. lurzatietan, Laura Luis Sotok sustatua; eta Izaskun Beunza Azazeta eta Emilio Barrero Hidalgo arkitektoek idatzia.
Lurraldearen Antolamenduari eta Hirigintzari buruzko Legearen testu bat egina onesten duen 1/2017 Legegintzako Foru Dekretuaren 74. artikuluan ezarritakoarekin bat, espedientea jendaurrean egonen da hogei egunean, iragarkia Nafarroako Aldizkari Ofizialean argitaratzen denetik hasita, azter dadin eta bidezko alegazioak aurkez daitezen. Jendaurreko epean inork ez badu alegaziorik aurkezten, agiria behin betiko onetsiko da, bidezko bada.
Lakuntzan, 2026ko maiatzaren 14an.–Alkatea, Oihane Uribeetxebarria Garmendia.
Iragarkiaren kodea: L2607039
