103. ALDIZKARIA - 2026ko maiatzaren 28a

1. NAFARROAKO FORU KOMUNITATEA

1.7. BESTELAKOAK

JENDAURREKO INFORMAZIOAREN BIGARREN TRAMITEA. Murillo el Cuendeko udal-mugarteko "Rada 4" eguzki-instalazio fotovoltaikoaren (1 MW) proiektuaren onura publikoa zehazki deklaratzea. Espedientearen kodea: 5232-CE.

2025eko maiatzaren 20an, jarraian adierazten den espedientea jendaurrean jarri zen lehen aldiz (2025eko 98. Nafarroako Aldizkari Ofiziala, maiatzaren 20koa), Sektore Elektrikoari buruzko abenduaren 26ko 24/2013 Legearen 55. artikuluan eta 1955/2000 Errege Dekretuaren 144. artikuluan ezarritakoaren ondorioetarako (1955/2000 Errege Dekretua, abenduaren 1ekoa, argindarra garraiatu, banatu, merkaturatu eta hornitzeko jarduerak eta instalazioak baimentzeko prozedura arautzen dituena). Hona hemen:

–Deskribapena: "Rada 4" eguzki-instalazio fotovoltaikoa, 1 MW-ekoa eta Murillo el Cuendeko udal-mugartean kokatua.

–Xedea: jendaurrean jartzea agiri teknikoa eta ukitutako ondasun eta eskubideen zerrenda, onura publikoa zehazki deklaratzeko.

–Sustatzailea: Energías Renovables Arnetum SL.

–Organo eskuduna: Enpresen Sustapenerako eta Azpiegituretako Zuzendaritza Nagusia.

Ukitutako ondasun eta eskubideen zerrendan akatsak daudela oharturik, beharrezkoa da espedientea jendaurrean jartzea bigarren aldiz, argitaratutako informazioa zuzenduta eta osatuta.

Onura publikoaren deklarazioak berekin dakar, beti, ondasunak okupatu beharra edo ukitutako eskubideak eskuratu beharra, eta presako okupazioa ekarriko du, 1954ko abenduaren 16ko Nahitaezko Desjabetzeari buruzko Legearen 52. artikuluaren ondorioetarako. Enpresa eskatzailea onuradun bihurtuko da desjabetze-espedientean, lege horren 2.2 artikuluan ezarritakoari jarraikiz.

Dokumentazioa jendaurrean jarriko da Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, 31005 Iruña), kontsultak egin ahal izateko. Dokumentazioa esteka honetan ere aztertzen ahalko da:

https://gobiernoabierto.navarra.es/eu/gardentasuna/jendaurreko-informazioaren-tramitea/espediente-5232-ce-bigarren

Alegazioak, iradokizunak edo oharrak idatziz aurkeztu beharko dira 30 egun balioduneko epean, iragarki hau Nafarroako Aldizkari Ofizialean argitaratu eta biharamunetik aitzina, edozein erregistro-bulegotan, Nafarroako Gobernuaren erregistro orokor elektronikoan edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazitako beste edozein bide erabiliz. Behar bezala jaso daitezen, Azpiegitura Energetikoen Atalari zuzendu behar zaizkio (Industriako eta Enpresen Trantsizio Ekologiko eta Digitalerako Departamentuko Industria Antolamenduaren, Azpiegitura Energetikoen eta Meatzeen Zerbitzua), espediente-kodea adierazita.

Iruñean, 2026ko maiatzaren 11n.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.

"RADA 4" EGUZKI-INSTALAZIO FOTOVOLTAIKOAK UKITUTAKO ONDASUN ETA ESKUBIDEEN ZERRENDA, INSTALAZIOAREN ONURA PUBLIKOA ZEHAZKI DEKLARATU DADIN

Lurpeko linearen ukipenak

KATASTROKO DATUAK

TITULARRA

BEHIN BETIKO UKIPENAK

ALDI BATERAKO UKIPENAK

OHARRAK

Udalerria

Poligonoa

Lurzatia

Azpilurzatia

Lur mota / Laborea

Jabea

Kanalizazioaren luzera
(m)

Kanalizazioaren

zabalera
(m)

Kanalizazioaren azalera
(m²)

Aldi baterako
okupatuko
den azalera
(m²)

Murillo el Cuende

9

72

A

Lehorreko lurrak

José Javier De Silva Mendaro (%50)

Esteban Antonio Torres Silva (%16,66)

María Adriana Torres Silva (%16,66)

María Fernanda Torres Silva (%16,66)

120

1

120

120 x 15 = 1.800

160 mm-ko hodi baten kanalizazioa lurperatuko da, 1,5 m-ko sakoneran.

Obrak egiteko, 15 metro zabaletara, kanalizazioaren ardatzetik neurtuta; lanak egiteko epea: 30 egun.

Iragarkiaren kodea: F2606917