2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
AZKOIEN
Jarduera-lizentziaren eskaera. Aldaketa. Ibilgailuen garbitokia
Aditzera ematen da ondotik zehazten den espedientea jendaurrean egonen dela Hirigintza Alorreko udal bulegoetan, hogei egun baliodunean, iragarki hau Nafarroako Aldizkari Ofizialean argitaratu eta biharamunetik hasita, epe horretan bidezko oharrak aurkez ditzaten jarduerak ukitutakoek. Hori dena, bete dadin martxoaren 30eko 26/2022 Foru Dekretuaren 62 artikuluan ezarritakoa (foru dekretu horren bidez onetsi zen abenduaren 16ko 17/2020 Foru Legea garatzeko Erregelamendua; 17/2020 Foru Legeak arautu zituen ingurumenean eragina duten jarduerak).
Espediente zenbakia: 450/2026.
Sustatzailea: Talleres Cleman SL.
Jarduera: ibilgailuen garbitoki baten jarduera sailkatuaren aldaketa ez-funtsezkoa.
Tokia: Industrialdearen ingurabidea 4 (2. poligonoko 356. lurzatia).
Azkoienen, 2026ko maiatzaren 8an.–Alkatea, Juan Carlos Castillo Ezpeleta.
Iragarkiaren kodea: L2606853
