3. ESTATUKO ADMINISTRAZIOA
GOBERNUAREN ORDEZKARITZA
Iragarkia, Gobernuaren Nafarroako Ordezkaritzaren Industria eta Energia Arlo Funtzionalarena, zeinaren bidez jendaurrean jartzen baitira aurretiazko administrazio-baimenaren eskaera, eraikitzeko administrazio-baimenaren eskaera eta onura publikoa zehazki deklaratzekoa, "13,2 kV-eko goi tentsioko linearen saihesbiderako proiektua, A-68 autobiako Gallur-Mallén tartea eraikitzeko P09126 transformazio zentroa elikatzeko" izeneko espedientearenak. Proiektua Mallengo (Zaragoza) eta Cortesko (Nafarroa) udal mugarteetan gauzatzekoa da
Sektore Elektrikoari buruzko abenduaren 26ko 24/2013 Legean, Energia elektrikoa garraiatu, banatu eta merkaturatzeko jarduerak, haren hornidura eta haren instalazioetarako baimenen prozedurak arautzen dituen abenduaren 1eko 1955/2000 Errege Dekretuan eta Herri-lanen Emakidako Kontratua arautzen duen maiatzaren 23ko 13/2003 Legean ezarritako ondorioetarako, jendaurrean jartzen dira proiektu honetarako aurretiazko administrazio-baimenaren eskaera, eraikitzeko administrazio-baimenaren eskaera eta onura publikoa zehazki deklaratzekoa: "13,2 kV-eko goi tentsioko linearen saihesbiderako proiektua, A-68 autobiako Gallur-Mallén tartea eraikitzeko P09126 transformazio zentroa elikatzeko". Proiektuaren ezaugarri orokorrak honako hauek dira:
Eskatzailea: Gallur-Mallén ABEEa, (IFZa: U66904202). Jakinarazpenetarako helbidea: Juan Carlos I kalea 35, Mallén (Zaragoza). Telefonoa: 648470030. Helbide elektronikoa: rreviejo@fml.es.
Eskaeraren xedea: Aurretiazko administrazio-baimenaren eskaera eta eraikitzeko administrazio-baimenaren eskaera espediente honetarako: "13,2 kV-eko goi tentsioko linearen saihesbiderako proiektua, A-68 autobiako Gallur-Mallén tartea eraikitzeko P09126 transformazio zentroa elikatzeko".
Organo eskuduna: Trantsizio Ekologikorako eta Erronka Demografikorako Ministerioko Politika Energetikoaren eta Meategien Zuzendaritza Nagusia da aurretiazko administrazio-baimenaren eta proiektua eraikitzeko administrazio-baimenaren eskaera ebazteko eskumena duen organo substantiboa.
Tramitazio organoa: Gobernuaren Zaragozako Ordezkariordetzako Industria eta Energiaren Arlo Funtzionala (El Pilar plaza 13, 50071 Zaragoza), eta Gobernuaren Nafarroako Ordezkaritzako Industria eta Energiaren Arlo Funtzionala (Merindadeen plaza, z.g., 31071 Iruña).
Udal mugarteak: Mallén (Zaragoza) eta Cortes (Nafarroa).
Instalazioaren azalpen orokorra:
–Sistema: Trifasikoa.
–Maiztasuna: 50 Hz.
–Sarearen tentsio nominala: 13,2 kV.
–Sareko tentsio gorena: 17,5 kV.
–Diseinu-tentsioa: 20 kV.
–Tentsio gorena materialerako (Um): 24 kV.
–Jasandako tentsio nominala, tximista motako bulkadak: 125 kV.
–Jasandako iraupen laburreko tentsio nominala: 50 kV.
–Zirkuitu kop.: 1.
–Eroale kopurua fase bakoitzeko: 1.
–Eroale mota: 47-AL1/8ST1A (LA-56).
–Linearen luzera: 118m.
–Exekuzioan ukituko diren baoen luzera: 16 m / 97 m / 5 m.
–Euskarri motak: C seriea, UNE 207017 arauaren arabera.
–Zimenduak: Monoblokea.
–Proiektatutako euskarrien kopurua: 2.
–Desmuntatzea: HV motako hormigoizko euskarri bat eta 118 m-ko LA-56 eroalea.
–Kable konposatuaren (lurra-optikoa) mota: ez du.
–Lurreko kablearen mota: ez du.
–Isolamendu mota: CS70AB konposite motako lokailua.
–Lurrerako konexioa: Eraztuna + 4 pika eta espaloi ekipotentziala.
Aurrekontua, guztira: 12.347,53 euro.
Aldaketaren justifikazioa: Ebaztea 13,2 kV-eko goi-tentsioko aireko linearen saihesbidea, P09126 zenbakiko transformazio-zentroa elikatzekoa, eraikitzen ari den A-68 autobia berritik igarotzean.
Trantsizio Ekologikorako eta Erronka Demografikorako Ministerioko Energia Politikako eta Meatzeetako Zuzendaritza Nagusiaren eskumena da proiektu honen aurretiazko administrazio-baimena eta eraikitzeko administrazio-baimena onestea, eta biak jarri behar dira jendaurrean, batera izapidetzen baitira.
Eta hori guztia aditzera ematen da orok jakin dezan eta proiektua aztertu ahal izan dadin Gobernuaren Zaragozako Ordezkariordetzako Industria eta Energia Arlo Funtzionalean (Pilar plaza 13, Zaragoza), Gobernuaren Nafarroako Ordezkaritzako Industria eta Energia Arlo Funtzionalean (Merindadeen plaza z.g., 31071, Iruña) eta ukitutako udaletxeetan, edo esteka honetan:
https://mpt.gob.es/portal/delegaciones_gobierno/delegaciones/aragon/proyectos-ci/proyectos.html
Interesdunek bidezkotzat jotzen dituzten alegazioak aurkezten ahal dituzte, arlo horiei zuzenduak, bai haien erregistro orokorrean, bai Estatuko Administrazio Orokorraren Erregistro Elektronikoaren bidez (https://rec.redsara.es), bai Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazten diren moduetan, iragarki hau argitaratu eta biharamunetik hasita hogeita hamar egun balioduneko epean.
Iruñean, 2025eko apirilaren 14an.–Industria eta Energia Arloko zuzendaria, Ignacio Irujo Sanz.
Iragarkiaren kodea: E2505783
