2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
EGUESIBAR
Deialdia, 2025ean kultura jarduerak egiten dituzten pertsona eta entitateendako dirulaguntzena. Laburpena
Dirulaguntzen Datu Base Nazionala (identifikazioa): 812045.
Argitara ematen da deialdiaren laburpena, bat etorriz Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluekin; haren testu osoa kontsulta daiteke Dirulaguntzen Datu Base Nazionalean (https://www.infosubvenciones.es/bdnstrans/GE/eu/convocatoria/812045).
–Helburua eta xedea.
Deialdi honen helburua da norgehiagoka araubide bat ezartzea dirulaguntzak emateko, 2024ko azaroaren 8tik 2025eko azaroaren 7ra bitarte Eguesibarren egiten diren kultur ekintza eta jarduerei laguntzeko.
–Eskatzaileen betebeharrak.
Diruz lagunduko dira irabazi-asmorik gabeko erakundeek eta elkarteek eta pertsona fisikoek (partikular gisa edo talde baten ordezkari gisa) sustatutako jarduerak, baldin eta ekintzak Eguesibarko udalerrian egiten badituzte (4.1 puntuan adierazitakoak izan ezik, horiek alorraren oniritzia izan beharko baitute) eta Eguesibarko Udalarekin sinatuta ez badute lankidetza-hitzarmenik, zerbitzu-kontrataziorik edo bertzelako kontratu edo konpromisorik finantzaketa eskaeraren xede den proiektuari dagokionez, eta Eguesibarko Udaleko bertze alorretako dirulaguntzarik ez badute jarduera bererako.
–Eskaerak aurkezteko epea.
Eskaerak aurkezteko epea hilabetekoa izanen da, deialdi hau Nafarroako Aldizkari Ofizialean argitaratu eta biharamunetik hasita.
Sarrigurenen (Eguesibar), 2025eko urtarrilaren 23an.–Alkatea, Xuriñe Peñas López.
Iragarkiaren kodea: L2501402
