1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
5/2025 EBAZPENA, urtarrilaren 30ekoa, Nafar Lansare-Nafarroako Enplegu Zerbitzuko zuzendari kudeatzaileak emana, zeinaren bidez 2025erako gastua baimentzen baita Nafarroako Gobernuko Hezkuntza Departamentuak eman eta kudeatzen dituen enplegurako prestakuntza ekintzetan parte hartzen duten langabeentzako bekak eta laguntzak finantzatzeko. DDBN identifikazioa: 812422.
Otsailaren 7ko 13/2024 Foru Dekretuaren bidez onetsitako Nafar Lansare-Nafarroako Enplegu Zerbitzua erakunde autonomoaren Estatutuetan ezarritakoari jarraikiz, erakunde horren eginkizuna da Foru Komunitatearen Administrazioari esleitutako eskumenak baliatzea gizarte eragileekin adostutako enplegu politikak planifikatu, gauzatu eta kontrolatzeari dagokionez, arlo hauen gainean ezartzen diren zerbitzu eta programak modu koordinatuan kudeatuz: enpleguaren sustapena, lan merkatuan sartzeko aukera berdintasuna, lana aurkitzea, enplegurako bitartekaritza, orientazioa eta prestakuntza, eta Nafarroako enpleguaren egoeraren eta horren gaineko politiken analisia.
Lanbide Heziketa Antolatzeari eta Integratzeari buruzko martxoaren 31ko 3/2022 Lege Organikoak eta uztailaren 18ko 659/2023 Errege Dekretuak araututako lanbide ziurtagiria lortzeko prestakuntzetan parte hartzen duten langabeek martxoaren 28ko TMS/368/2019 Aginduan aurreikusitako beka eta laguntzak jasotzen ahalko dituzte. Agindu horrek uztailaren 3ko 694/2017 Errege Dekretua garatzen du, irailaren 9ko 30/2015 Legea garatzen duena.
Dirulaguntzei buruzko azaroaren 14ko 11/2005 Foru Legearen 30. artikuluak ezartzen duenez, dirulaguntzen deialdiek gastu baimena behar dute, Nafarroako Ogasun Publikoari buruzko abenduaren 26ko 8/1988 Foru Legearen 55. artikuluan ezarritakoari jarraikiz.
Azaldutakoarekin bat, eta azaroaren 6ko 13/2024 Foru Dekretuak onetsitako Nafar Lansare-Nafarroako Enplegu Zerbitzuaren Estatutuen 14. artikuluak ematen dizkidan eskudantziak erabiliz,
EBAZTEN DUT:
1. 500.000 euroko gastua baimentzea Nafarroako Gobernuko Hezkuntza Departamentuak antolatutako enplegurako prestakuntza ekintzetan parte hartzen duten langabeentzako bekak eta laguntzak finantzatzeko, 2025eko gastuen aurrekontuko "Hezkuntzako Konferentzia Sektoriala. Prestakuntza-ekintzetarako bekak" izeneko 950002 96200 4809 242100 partidaren kargura.
2. Ebazpen hau igortzea Lanbide Gaitasunak Garatzeko Zerbitzura eta Nafar Lansare-Nafarroako Enplegu Zerbitzuko Kontu-hartzailetza delegatura.
3. Ebazpen hau Nafarroako Aldizkari Ofizialean argitaratzea.
Iruñean, 2025eko urtarrilaren 30ean.–Nafar Lansare-Nafarroako Enplegu Zerbitzuko zuzendari kudeatzailea, Mirian Martón Pérez.
Iragarkiaren kodea: F2501533
