246. ALDIZKARIA - 2025eko abenduaren 11

2. NAFARROAKO TOKI ADMINISTRAZIOA

2.1. OPOSIZIOAK ETA LEHIAKETAK. LAN PUBLIKOAREN ESKAINTZA

ANTSOAIN

Deialdia, zerbitzu anitzetako enplegatuen hiru plaza lekualdatze-lehiaketaren bidez betetzeko

Tokiko Gobernu Batzarrak 2025eko azaroaren 21ean hartu erabaki baten bidez, deialdi bat onetsi da, Antsoaingo Udaleko zerbitzu anitzetako enplegatuen hiru plaza, funtzionarioen araubidekoak eta C mailakoak, lekualdatze-lehiaketaren bidez betetzeko.

Hautapen-prozesua honako hauetan xedatutakoari jarraikiz eginen da: Nafarroako Administrazio Publikoen Zerbitzuko Langileen Estatutuaren testu bategina, abuztuaren 30eko 251/1993 Legegintzako Foru Dekretuaren bidez onetsia, aipatu estatutua garatu eta gauzatzeko Sartzeko Erregelamendua, gainerako aplikazio arauak eta deialdi honen oinarriak.

Deialdi honen eta oinarrien aurka, interesdunek 11. oinarrian jasotzen diren errekurtsoak aurkezten ahalko dituzte.

Antsoainen, 2025eko azaroaren 21ean.–Alkatea, Marta Díez Napal.

OINARRIAK

1. oinarria.–Deialdiaren xedea eta arau orokorrak.

1.1. Deialdi honen xedea da lekualdatze-lehiaketa bidez betetzea hutsik dauden hiru plaza, Antsoaingo Udalaren zerbitzura aritzeko zerbitzu anitzetako enplegatuaren lanpostuan. Plazek 3006, 5006 eta 9003 zenbakiak dituzte plantilla organikoan, C mailakoak eta funtzionarioen araubidekoak dira, eta lanaldi osoan aritzekoak.

Nafarroako Administrazio Publikoetako lanpostuak betetzeko erregelamendua onesten duen azaroaren 6ko 215/1985 Foru Dekretuaren 26. artikuluaren arabera, lekualdatze-lehiaketetan eta kategoriaz igotzeko lehiaketetan, epaimahai kalifikatzaileak deialdia egin duen organoari aipatutako araudiaren 40. artikuluaren a) eta c) letretako lehenengo paragrafoan aipatzen den zerrenda helarazten dion egunean hutsik dauden lanpostuekin osatzen ahalko dira gero deialdiaren xede diren lanpostuak.

Era berean, lekualdatze-lehiaketetan, deialdiaren xede izanen dira, batetik, hasieran deialdian sartutako lanpostuak eta, hala badagokio, aurreko apartatuan aipatzen den kopurua handitzearen ondoriozkoak, eta, bestetik, lehiaketan beste lanpostu bat lortzen duten izangaiek hutsik uzten dituztenak.

1.2. Honako arau hauek beteko dira lekualdatze-lehiaketa honetan: abuztuaren 30eko 251/1993 Legegintzako Foru Dekretua, zeinaren bidez onesten baita Nafarroako Administrazio Publikoen zerbitzuko Langileen Estatutuaren testu bategina; azaroaren 6ko 215/1985 Foru Dekretua (foru lege horren bidez onetsi zen Nafarroako Administrazio Publikoetan sartzeko Erregelamendua); aplikatzekoak diren gainerako arauak, eta jarraian ematen diren oinarriak.

1.3. Deialdi honen bidez izendatutako izangaiek Antsoaingo Udaleko funtzionarioentzat ezarritako eginkizunak bete eta horien eskubide eta betebeharrak izanen dituzte.

2. oinarria.–Baldintzak.

2.1. Indarrean dagoen araudian xedatutakoaren arabera, deialdi honetan parte hartu ahal izateko bete behar dira honako baldintza hauek, eskabideak aurkezteko epearen azken egunean eta izendapenaren egunetik adjudikatutako lanpostuaz jabetu arte:

a) Antsoaingo Udaleko langile finkoa izatea (funtzionarioa edo lan-kontratudun finkoa), jardunean, zerbitzu berezietan edo eszedentzia berezian.

b) Plaza hutsak zer mailatakoak diren, maila horretakoa izatea eta, orobat, plaza horietan aritzeko eskatzen den lanbide kualifikazioa edukitzea eta gainerako baldintzak betetzea.

c) 9003 plazan aritzeko, euskarazko B2 mailaren titulua edo baliokidea edukitzea.

2.2. Plaza erreserbarik gabe borondatezko eszedentzian edo nahitaezko eszedentzian dauden funtzionarioek zilegi izanen dute lehiaketan parte hartzea, baldin eta deialdiak eskatzen dituen baldintzak betetzen badituzte; horrela, berriz sartuko dira jarduneko zerbitzuan eta plaza behin betiko adjudikatuko zaie.

2.3. Lehiaketa honetan parte hartzeak ez du inola ere ekarriko aldatzea parte hartu aurretik lehiakideek zuten araubide juridikoa.

3. oinarria.–Eskabideak eta horiek aurkezteko epea.

3.1. Hamar egun naturaleko epean aurkeztu beharko dira deialdian parte hartzeko eskabideak, deialdia Nafarroako Aldizkari Ofizialean argitaratu eta biharamunetik hasita. Eskaerak aurkezteko epea ezin izanen da luzatu.

Eskabideak aurkeztuko dira deialdi honen I. eranskineko ereduari jarraikiz.

3.2. Deialdian parte hartzeko eskabideak Antsoaingo Udalaren erregistro elektronikoan aurkeztu beharko dira, bat etorriz ezarrita dagoenarekin Administrazio Publikoen Administrazio Prozedura Erkideari buruzko urriaren 1eko 39/2015 Legearen 14.2.e artikuluan; hona hemen:

"2. Nolanahi ere, administrazio-prozedura baten edozein izapidetarako, administrazio publikoekin harremana bitarteko elektronikoen bidez izatera behartuak egonen dira honako subjektu hauek, gutxienez:

e) Administrazio publikoetako langileak, enplegatu publiko izateagatik haiekin egiten dituzten izapide eta jarduketetarako, administrazio bakoitzak erregelamendu bidez zehaztu bezala."

3.3. 9003 plazak euskarazko hizkuntza-eskakizuna dauka. Hortaz, plaza hori eskuratu nahi dutenek aurkeztu beharko dute plaza huts horretarako ezarrita dagoen maila frogatzeko titulu edo ziurtagirietako bat, Hizkuntzetarako Europako Erreferentzia Esparru Bateratuaren arabera (titulu edo ziurtagiri horiek Nafarroako Administrazio Publikoaren Institutuko zuzendari kudeatzaileak irailaren 13an emandako 210/2010 Ebazpenean zehaztu dira), edo ofizialki horien baliokidetzat hartzen den titulazioa.

4. oinarria.–Onartuen behin-behineko zerrenda eta erreklamazioak.

4.1. Eskabideak aurkezteko epea bukatutakoan, alkateak ebazpena emanen du, onartuen eta baztertuen behin-behineko zerrenda onesteko, eta aginduko du argitara dadila Antsoaingo Udalaren egoitza elektronikoan.

4.2. Behin-behineko zerrenda egoitza elektronikoan argitaratu eta biharamunetik hasita, izangai baztertuek bost egun balioduneko epea izanen dute erreklamazioak aurkezteko eta, akatsik egin badute, haiek zuzentzeko.

4.3. Ezarritako epean eskaerarik aurkeztu ezean, alkateak ebazpena emanen du lehiaketa bete gabe gelditu dela deklaratzeko. Ebazpen hori Nafarroako Aldizkari Ofizialean argitaratu beharko da.

4.4. Izangai bazterturik ez bada, onartuen behin betiko zerrenda zuzenean onetsiko da, eta Antsoaingo Udalaren egoitza elektronikoan argitaratuko da.

4.5. Erreklamazioak egiteko epea bukatu eta horiek ebatzirik, alkateak onartuen behin betiko zerrenda onetsiko du, eta aginduko du argitara dadila Antsoaingo Udalaren egoitza elektronikoan.

5. oinarria.–Kalifikazio-epaimahaia.

5.1. Lehiaketa kalifikatuko duen epaimahaiak honako kide hauek izanen ditu:

–Epaimahaiburua: Marta Díez Napal, Antsoaingo Udaleko alkatea.

Ordezkoa: Jon Garai Vales, Antsoaingo Udaleko zinegotzia.

–Epaimahaikide idazkaria: M.ª Pilar Montañés Alsasua, Antsoaingo Udaleko gordailuzaina.

Ordezkoa: Ainara Armendariz Castién, Antsoaingo Udaleko idazkaria.

–Epaimahaikidea: Antsoaingo Udaleko langileen ordezkariek izendatzen dutena.

Ordezkoa: Antsoaingo Udaleko langileen ordezkariek izendatzen dutena.

5.2. Onartu eta baztertuen behin betiko zerrenda argitaratu eta ondoko bost egunean osatu beharko da epaimahaia.

5.3. Epaimahaia ezin izanen da eratu, ez eta jardun ere, kideen gehiengoa bertan ez bada.

5.4. Kalifikazio-epaimahaiko kideek parte hartzeari uko egin beharko diote, eta organo deitzaileari horren berri eman, baldin badaude urriaren 1eko 40/2015 Legean abstentziorako jasotzen diren egoeretako batean (Sektore Publikoaren Araubide Juridikoari buruzko Legea). Izangaiek, halaber, zilegi dute epaimahaikideak errekusatzea, egoera horietako bat gertatzen denean.

5.5. Epaimahaiak gehiengoz erabakiko ditu deialdiaren oinarriak aplikatzerakoan sortzen diren auzi guztiak.

6. oinarria.–Merezimenduen balorazioa.

6.1. Epaimahaiak izangaien merezimenduak baloratuko ditu, honako baremo honen arabera:

–Antzinatasuna deialdiaren xede den lanpostuan (zerbitzu anitzetako enplegatua, C maila), dagokion administrazioan, 1 puntu urteko: gehienez 40 puntu.

Urteen kopurua osoa ez bada, emanen da egindako zerbitzualdiari proportzioan dagokion puntuazioa.

Ez dira baloratuko deialdia argitaratu ondoren egindako zerbitzuak.

6.2. Epaimahaiak ezin izanen du inola ere kontuan hartu alegatu gabeko eta agiri bidez frogatu gabeko merezimendurik, eta ezin izanen du eman gehieneko puntuaziotik gorako puntuaziorik.

6.3. Lehiaketaldia baloratu ondoren, epaimahaiak Antsoaingo Udalaren egoitza elektronikoan paratuko ditu parte-hartzaileen puntuazioak, eta bost egun balioduneko epea emanen du, interesdunek alega dezaten beren eskubidearen arabera komeni zaiena, balorazio horri buruz.

6.4. Lehiaketan parte hartzen dutenen puntuazioan berdinketarik gertatuz gero, administrazio publikoetan zerbitzuak egiten antzinatasunik handiena dutenen alde ebatziko da. Oraindik ere berdinketa badago, kalifikazio-epaimahaiak zozketa bakar bat eginen du hura ebazteko.

7. oinarria.–Izangaien zerrenda, lortutako puntuazioaren arabera ordenatuta, eta plaza hutsak hautatzea.

7.1. Behin aurkeztutako erreklamazioak ebatzita, kalifikazio-epaimahaiak parte-hartzaile guztien behin betiko puntuazioak emanen ditu argitara Antsoaingo Udalaren egoitza elektronikoan, eta alkateari igorriko dio lehiakideen zerrenda, lortutako puntuazioaren arabera ordenaturik, espediente osoarekin batera, behar den ebazpena eman dezan hasieran deitutako plazen kopurua handitzeari dagokionez.

Aurreko izapidea eginda, parte-hartzaileen eskura jarriko da hautatzen ahal dituzten plazen zerrenda. Horretarako, egoitza elektronikoan argitaratuko da zerrenda, eta bost egun balioduneko epea ezarriko da interesa duten parte-hartzaileek beren eskaera egin dezaten telematikoki, erregistro elektronikoa baliatuta.

Organo deitzaileak puntuazio ordenari jarraikiz eginen du plazak hautatu eta adjudikatzeko egintza.

Hautaketaren emaitzari buruzko informazioa Antsoaingo Udalaren egoitza elektronikoan argitaratuko da.

7.2. Lekualdatze-lehiaketak ebatzita hutsik gelditzen diren lanpostuak funtzio publikoan sartzeko deialdietan sartuko dira.

8. oinarria.–Adjudikazioa eta jabetza hartzea.

Alkateak, ebazpen baten bidez, dagozkien lanpostuak adjudikatuko dizkie lehiakideei, eta aginduko du adjudikazio hori Nafarroako Aldizkari Ofizialean argitara dadila.

Izangaiek adjudikazioari buruzko ebazpena jakinarazi eta hamar egun naturaleko epean jabetu beharko dute lanpostuaz, non eta organo deitzaileak, ebazpen horretan, ez duen data jakin bat ezartzen jabetza hartzeko.

Aipatu epean eta aski justifikaturiko ezinbesteko kasuetan salbu,ulertuko da jabetza hartzen ez duten izangaiek lehiaketaren jardunetatik sortutako eskubideei uko egiten dietela, eta hala izanik, aurreko oinarrian adierazi zerrendan hurrengoa den izangaiarekin beteko da plaza.

9. oinarria.–Datuen babesa.

Datuen tratamenduaren arduraduna: Antsoaingo Udala.

Datuak babesteko ordezkaria: ansoain@ansoain.es.

Helburua: enplegu deialdiak kudeatzea, botere publikoen jardunean.

Oinarri juridikoa: Datuak Babesteko Erregelamendu Orokorraren 6.1.e artikulua, tratamendua beharrezkoa da betetzeko eginkizun bat interes publikoaren aldekoa edo botere publikoak erabiliz.

251/1993 Legegintzako Foru Dekretua, abuztuaren 30ekoa, onesten duena Nafarroako Administrazio Publikoen zerbitzuko Langileen Estatutuaren testu bategina.

Datuak gordeko diren denbora: datuak edukiko dira aipatutako helburua betetzeko behar den denboran, eta gordeko dira Udalak haien tratamenduaren ondoriozko erantzukizuna izan dezakeen bitartean. Era berean, bete beharko dira apirilaren 4ko 12/2007 Foru Legean ezarritako kontserbazio arauak (Artxiboei eta Dokumentuei buruzko Foru Legea).

Datu-hartzaileak: datuak epaile eta auzitegiei laga dakizkieke, prozeduran interesa duten pertsonei, indarreko legedia betez, eta argitaratuko dira toki-erakundearen egoitza elektronikoan eta Nafarroako Aldizkari Ofizialean.

Eskubideak: interesdunek eskubidea dute datuak babestearen arloko eskubideak baliatzeko, erregistrora edo egoitza elektronikora joz.

Interesdunek, orobat, erreklamazioa jar dezakete Datuak Babesteko Espainiako Bulegoan.

10. oinarria.–Jarduketen publikotasuna.

Deusetan galarazi gabe Nafarroako Aldizkari Ofizialaren bidez modu ofizialean argitaratu beharreko izapideak, proben deialdiei eta kalifikazioei buruz epaimahaiak ematen dituen ebazpenen eta haren jarduketaren gaineko informazioa, bai eta interesdunentzat jakingarri den informazio orokor guztia ere, deialdiaren fitxan argitaratuko da, zeina eskuragarri baitago Antsoaingo Udalaren egoitza elektronikoan.

11. oinarria.–Errekurtsoak.

39/2015 Legearen 112. artikuluan aipatzen diren kalifikazio-epaimahaiaren egintzen aurka (Administrazio Publikoen Administrazio Prozedura Erkideari buruzko Legea), gora jotzeko errekurtsoa aurkezten ahal da, alkateari zuzendua, hilabeteko epean, errekurritutako egintza edo erabakia jakinarazten denetik hasita.

Deialdi honen oinarrien aurka edo aplikatzeko egintzen aurka, egintza horiek ez badira epaimahaiak eginak, errekurtso hauetako bat jar daiteke, hautara:

a) Berraztertzeko errekurtsoa, egintza egin duen organoari zuzendua, hilabeteko epean, errekurtsoaren xedeko egintza argitaratu edo jakinarazi eta biharamunetik hasita.

b) Administrazioarekiko auzi-errekurtsoa, zeina zuzendu beharko baitzaio Administrazioarekiko Auzien Jurisdikzioko organo eskudunari, jarraikiz uztailaren 13ko 29/1998 Legeari (lege horrek arautzen du administrazioarekiko auzien jurisdikzioa), bi hilabeteko epean, errekurritutako egintza jakinarazi edo argitaratu eta biharamunetik zenbatzen hasita.

c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, errekurtsoaren xedeko egintza jakinarazi edo argitaratu eta biharamunetik hasita.

I. ERANSKINA.–ESKABIDEA

https://www.navarra.es/appsext/DescargarFichero/default.aspx?CodigoCompleto=Portal@@@epub/BON/IMPRESOSG/005_Local_solicitud_proceso_selecc_E.pdf

Iragarkiaren kodea: L2515351