2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
OTSAGABIA
2026rako zerga-tasak
Otsagabiko Udalak, 2025eko azaroaren 13an egindako bilkuran, onetsi zituen honako karga-tasa, tarifa, indize eta portzentaje hauek, aplika daitezen 2026ko ekitaldian zergen, tasen eta prezio publikoen gainean:
A) Zergak:
–Lurraren kontribuzioa: %0,26.
–Eraikuntzen, instalazioen eta obren gaineko zerga (EIOZ): %3,60.
–Hiri-lurren balio-gehikuntzaren gaineko zerga: Nafarroako Toki Ogasunei buruzko Foru Legearen 175. artikuluan ezarritako koefizienteak, balio-gehikuntzaren sortzealdi bakoitzerako, eta %13ko karga-tasa.
–Ekonomia-jardueren gaineko zerga (EJZ): 1,40 indizea aplikatuko zaie tarifei.
B) Tasak eta prezio publikoak:
–Ur-hornidura:
- Zerbitzua erabilgarri edukitzea eta horren mantentze-lanak: 15,00 euro.
- Kontsumoa: 0,70 euro metro kubiko bakoitzeko.
- Hargune berria: 180,00 euro hargune bakoitzeko.
–Estoldak: 11,00 euro.
–Okupatzea bide publikoko eta herri-lurretako lurgaina, lurzorua eta lurpea:
- Mahaiak eta terrazak: 2,50 euro/m² denboraldiko.
- Merkatu txikiak eta saltokiak:
- Saltokia, ibilgailuan:
- Ohikoek 40 euro urtean.
- Noizbehinkakoek 10 euro egun bakoitzeko.
- Saltokia: 10,50 euro eguneko.
- Herriko merkatu txikia: 100,00 euro, postuen multzoagatik.
- Feriako barrakak: 18,00 euro eguneko.
- Elektrizitate enpresak eta enpresa hornitzaileak: Toki Ogasunei buruzko Foru Legean ezarritako tarifak, eta kudeaketa, berriz, Nafarroako Udal eta Kontzejuen Federazioarekin hitzartua.
–Hilerriko ehorzketa, garbiketa eta mantentze-lanetarako zerbitzua: 45,00 euro.
–Udalaren gimnasioko instalazioak erabiltzea (16 urtetik gorakoendako):
- Hilabeteko kuota: 35,00 euro.
- Hiru hilabeteko kuota: 80,00 euro.
- Sei hilabeteko kuota: 140,00 euro.
- Urteko kuota: 190,00 euro.
- Asteburuko, Eguberrietako eta Aste Santuko kuota: 140,00 euro.
- Asteburuko kuota: 10,00 euro.
1. Erabilera anitzeko gela, Urrutia auzoko eraikineko 3. solairuan dagoena, 23-A zenbakia, ekitaldi-aretoa eta jarduera aretoa, Javi Eseverri gizarte eta kultur zentroan.
–Bilera informatiboak eta hitzaldiak oro har: 30,00 euro eguneko.
Egoitza soziala Nafarroako Ekialdeko Pirinioa eskualdean duten erakunde publikoak, enpresa publikoak eta elkarteak: salbuetsita.
–Jarduerak: Egoitza soziala Nafarroako Ekialdeko Pirinioa eskualdean duten erakunde publikoak eta irabazteko asmorik gabeko elkarteak (jarduera ez denean doakoa erabiltzaileentzat): 20 euro eguneko, baldin gela erabiltzen bada egunean 4 orduz baino gehiago, eta 10 euro eguneko, baldin erabiltzen bada egunean 4 orduz baino gutxiago.
Baldin jarduera Ibarreko bizilagunei irekia badago eta doan bada, ordaindu beharretik salbuetsiko da.
Jarduera partikularrek edo enpresek egiten badute eta Ibarreko bizilagunendako bada: 20 euro eguneko.
Enpresen edo irabazteko asmoa duten elkarteek antolatutako ekitaldiak, enpresa-bilkurak edo biltzarrak: 200 euro eguneko.
2. Koleto etxea erabiltzea ezkontza eta ekitaldietarako: 80,00 euro eguneko.
3. Udaletxea: 80,00 euro eguneko.
4. Udal pilotalekua: 25,00 euro eguneko, baldin jarduera kobratzen bazaie parte-hartzaileei eta/edo bertaratuei.
5. Altzariak erabiltzea:
–Agertokia: 200,00 euro eguneko, eta 500,00 euroko fidantza.
–Aulkiak: 1,00 euro eguneko.
–Mahaiak: 3,00 euro eguneko.
–Etxolak ("jaimak"): 5,00 euro eguneko.
4. Udalaren baimen berezia beharko da ikastetxe publikoko gimnasioa erabiltzeko.
5. Eskola-kanpainak (kirola, aisialdia eta denbora librea): 400,00 euro ordaindu beharko dira denboraldiko, jarduera egiteko beharrezkoak diren lokalak erabiltzeagatik.
6. Beste jarduera bat egiten bada, hemen jaso ez dena, Udalak erabakiko du zer tasa ordaindu behar den.
Hirigintzako tramitazioak:
1.–Udal aholkularitza, txosten teknikoak eta prentsan argitaratutako iragarkiak: kostuaren %40.
2.–Hirigintzari buruzko argibide eskaerak: kostuaren %100.
Onespen erabakiaren aurka, errekurtso hauetariko bat aurkez daiteke, hautara:
a) Berraztertzeko errekurtsoa, egintza eman duen organoari zuzendua, hilabeteko epean, iragarki hau Nafarroako Aldizkari Ofizialean argitaratu eta biharamunetik hasita.
b) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, iragarki hau Nafarroako Aldizkari Ofizialean argitaratzen denetik.
c) Administrazioarekiko auzi errekurtsoa, gaia dela-eta eskumena duen organoari zuzendua, bi hilabeteko epean, iragarki hau Nafarroako Aldizkari Ofizialean argitaratu eta biharamunetik hasita.
Argitara ematen da orok jakin dezan eta Nafarroako Toki Ogasunei buruzko martxoaren 10eko 2/1995 Foru Legean xedatutakoarekin bat.
Otsagabian, 2025eko azaroaren 14an.–Alkate udalburua, Carlos Gayarre Imizcoz.
Iragarkiaren kodea: L2515054
