1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
128/2025 FORU DEKRETUA, azaroaren 5ekoa, Juan Antonio Guajardo Remacha jauna Osasunbidea-Nafarroako Osasun Zerbitzuko zuzendari kudeatzaile izendatzen duena.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 51.2 artikuluak xedatzen du Nafarroako Gobernuak izendatuko eta kargutik kenduko dituela erakunde publikoetako zuzendari kudeatzaileak, foru dekretu bidez, erakundea atxikia duen departamentuko titularrak proposaturik.
Osasunbidea-Nafarroako Osasun Zerbitzuaren Estatutuak onetsi zituen irailaren 3ko 171/2005 Foru Dekretuaren 14.1 artikuluak ezartzen du Nafarroako Gobernuak libreki izendatuko eta kargutik kenduko duela Osasunbidea-Nafarroako Osasun Zerbitzuko zuzendari kudeatzailea, Osasun Departamentuko titularrak proposaturik.
Horrenbestez, Osasuneko kontseilariak proposaturik, eta Nafarroako Gobernuak bi mila eta hogeita bosteko azaroaren bostean egindako bilkuran harturiko erabakiarekin bat,
DEKRETATZEN DUT:
1. Juan Antonio Guajardo Remacha jauna izendatzea Osasunbidea-Nafarroako Osasun Zerbitzuko zuzendari kudeatzaile. Izendapenak 2025eko azaroaren 12tik aurrera izanen ditu ondorioak.
2. Foru dekretu hau Juan Antonio Guajardo Remacha jaunari jakinaraztea, eta igortzea Osasunbidea-Nafarroako Osasun Zerbitzura, Funtzio Publikoko Zuzendaritza Nagusira eta Osasun Departamentuko Idazkaritza Tekniko Nagusira, behar diren ondorioak izan ditzan.
3. Foru dekretu hau Nafarroako Aldizkari Ofizialean argitaratzea, orok jakin dezan.
Iruñean, 2025eko azaroaren 5ean. Nafarroako Gobernuko lehendakaria, María Chivite Navascués. Osasuneko kontseilaria, Fernando Domínguez Cunchillos.
Iragarkiaren kodea: F2514611
