Iragarkia

233. ALDIZKARIA - 2025eko azaroaren 20a

1. NAFARROAKO FORU KOMUNITATEA

1.7. BESTELAKOAK

88/2025 EBAZPENA, urriaren 29koa, Enpresen Sustapenerako eta Azpiegituretako zuzendari nagusiak emana, zeinaren bidez aurretiazko administrazio-baimena eta eraikitzeko administrazio-baimena eman eta proiektuaren onura publikoa zehazki deklaratzen baita energia elektrikoa garraiatzeko zirkuitu bikoitzeko 220 kV-eko "Muruarte-Estellerria" aireko linea aldatzeko, Untzue, Mendigorria, Villatuerta eta Oteitzako udal mugarteetan. Espedientearen kodea: SAT11265-2 (2).

Energia, Enpresa I+G+B eta Ekintzailetzako zuzendari nagusiaren martxoaren 19ko 27/2024 Ebazpenaren bidez (2024ko 68. Nafarroako Aldizkari Ofizialean argitaratu zen, apirilaren 4koan), aurretiazko administrazio-baimena eta eraikitzeko administrazio-baimena eman eta proiektuaren onura publikoa zehazki deklaratzen da zirkuitu bikoitzeko 220 kV-eko "Muruarte-Estellerria" aireko linea elektriko berrirako, zeina lehendik dagoen "Muruarte 220 kV" azpiestazioan hasi eta "Estellerria 220 kV" azpiestazio berrian bukatuko baita (espediente kodea: SAT11265).

Energia, Enpresa I+G+B eta Ekintzailetzako zuzendari nagusiaren ekainaren 16ko 72/2025 Ebazpenaren bidez (2025eko 137. Nafarroako Aldizkari Ofizialean argitaratu zen, uztailaren 10ekoan), Red Eléctrica de España SAUri aurretiazko administrazio-baimena eta eraikitzeko administrazio-baimena eman zitzaion eta proiektuaren onura publikoa zehazki deklaratu zen energia elektrikoa garraiatzeko zirkuitu bikoitzeko 220 kV-eko "Muruarte-Estellerria" aireko linea aldatzeko, Untzue, Mendigorria, Villatuerta eta Oteitzako udal mugarteetan (espedientearen kodea: SAT11265-2); horrekin batera, aurkeztutako gehigarria onetsi zen.

Akats bat atzeman denez proiektuak ukitutako ondasun eta eskubideen zerrendan, ekainaren 16ko 72/2025 Ebazpenaren bidez onetsitakoan, Red Eléctrica de España SAUk, 2025eko uztailaren 21ean, eskabidea aurkeztu zuen, zeinaren bidez berriz eskatu baitzuen aurretiazko administrazio-baimena eta eraikitzeko administrazio-baimena ematea eta proiektuaren onura publikoa zehazki deklaratzea energia elektrikoa garraiatzeko zirkuitu bikoitzeko 220 kV-eko "Muruarte-Estellerria" aireko linearako proiektuko gehigarria aldatzeko, tarte hauei dagokienez: T-8 eta T-12 artekoa, T-49 eta T-52 artekoa eta T-75 eta "Estellerria" azpiestazioaren artekoa.

Atzeman den akatsa da jendaurrean jarritako dokumentazioan jaso gabe zegoela proiektuko 2. lurzatia (Untzueko 1. poligonoa, 144. lurzatia).

Onetsitako proiektuko gehigarriaren aldaketak, orain eskatzen denak, ez dakar aldaketa funtsezkorik jatorrizkoaren aldean, linearen ezaugarri orokorrei dagokienez, eta ukitutako ondasun eta eskubideen zerrendari baino ez dio eragiten, proiektuaren 2. lurzatia gehituta.

Administrazio Publikoen Administrazio Prozedura Erkideari buruzko urriaren 1eko 39/2015 Legearen 109. artikuluan xedatutakoari jarraikiz, zuzenketa egin zen proiektuak ukitutako ondasun eta eskubideen zerrendan, 2025eko apirilaren 4an argitaratutakoan, iragarkia argitara emanez 2025eko 164. Nafarroako Aldizkari Ofizialean, abuztuaren 19koan, eta 2025eko abuztuaren 20ko Diario de Navarra egunkarian. Informazioaren berri eman zitzaion, halaber, Untzueko Udalari, jendaurrean jar zezan iraupen bereko epean.

Abenduaren 1eko 1955/2000 Errege Dekretuaren 127., 131. eta 146. artikuluetan xedatutakoa aplikatuz, kontsulta egin zitzaion udal horri berari.

Ez zen alegaziorik jaso, ezta udalaren txostenik ere.

Horregatik guztiagatik, aurkeztutako dokumentazioa aztertuta, eta Sektore Elektrikoari buruzko abenduaren 26ko 24/2013 Legean eta abenduaren 1eko 1955/2000 Errege Dekretuan xedatutakoa aintzat hartuta, Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalak ondorioztatzen du prozedura era egokian burutu dela, eta proposatzen du Red Eléctrica de España SAUri aurretiazko administrazio-baimena eta eraikitzeko administrazio-baimena ematea eta proiektuaren onura publikoa zehazki deklaratzea, instalazioan aipatutako aldaketa egiteko.

Adierazitakoarekin eta espedientean jasotako agiriekin bat, eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabilita,

EBAZTEN DUT:

1. Red Eléctrica de España SAUri aurretiazko administrazio-baimena eta eraikitzeko administrazio-baimena ematea energia elektrikoa garraiatzeko zirkuitu bikoitzeko 220 kV-eko "Muruarte-Estellerria" aireko linea aldatzeko, T-8 eta T-12 arteko, T-49 eta T-52 arteko eta T-75 eta "Estellerria" azpiestazioaren arteko tarteetan, Untzue, Mendigorria, Villatuerta eta Oteitzako udal mugarteetan; orobat, aurkeztutako proiektuko gehigarria onestea eta hogeita hamasei hilabeteko epea ematea hura gauzatzeko.

2. Baimen hau emanda ere, eskatzaileak lortu beharko ditu instalazioa gauzatzeko beharrezkoak diren kontzesio, lizentzia eta baimen guztiak, publikoak nahiz pribatuak, bat etorrita aplikatzekoak diren beste xedapen batzuekin.

3. Instalazioak egin beharko dira aurkeztutako proiektuari jarraikiz, eta bat etorri beharko dute honako arau hauetan xedatutakoarekin: Goi-tentsioko instalazio elektrikoetako baldintza teknikoei eta segurtasun-bermeei buruzko erregelamendua eta haien jarraibide tekniko osagarriak (JTO-GTE 01-23) onesten dituen maiatzaren 9ko 337/2014 Errege Dekretua eta Goi-tentsioko linea elektrikoen baldintza teknikoei eta segurtasun-bermeei buruzko erregelamendua eta haien jarraibide tekniko osagarriak (JTO-GTL 01-09) onesten dituen otsailaren 15eko 223/2008 Errege Dekretua.

4. Behin proiektua gauzaturik, eskatzaileak eskatu beharko du zerbitzuan jartzearen akta. Eskaera horri obra-bukaerako ziurtagiria erantsi beharko zaio, teknikari fakultatibo eskudunak izenpetua, bai eta aplikatzekoa den araudiko gainerako dokumentazioa ere.

5. Instalazioaren onura publikoa zehazki deklaratzea, bat etorrita Sektore Elektrikoari buruzko abenduaren 26ko 24/2013 Legearen 54., 55. eta 56. artikuluetan, eta abenduaren 1eko 1955/2000 Errege Dekretuaren 148. eta 149. artikuluetan ezarritakoarekin; hori horrela, enpresa eskatzailea onuraduna izanen da desjabetze-espedientean. Ebazpen honen I. eranskinean ageri da ukitutako ondasun eta eskubideen zerrenda.

6. Ebazpen hau Industria Antolamenduaren, Azpiegitura Energetikoen eta Meatzeen Zerbitzura igortzea, behar diren ondorioak izan ditzan.

7. Ebazpen hau Nafarroako Aldizkari Ofizialean argitaratzea, orok jakin dezan.

8. Ebazpen hau jakinaraztea Red Eléctrica de España SAUri eta ukitutako ondasun eta eskubideen titularrei, eta ohartaraztea ezen ebazpen honek ez duela administrazio bidea amaitzen eta honen aurka gora jotzeko errekurtsoa jartzen ahal dela, Industriako eta Enpresen Trantsizio Ekologiko eta Digitalerako kontseilariari zuzendua, hilabeteko epean, ebazpen hau jakinarazi eta biharamunetik hasita. Errekurtsoan espediente kodea adierazi beharko da.

9. Ebazpen hau Untzueko Udalari jakinaraztea, eta ohartaraztea honen kontra administrazioarekiko auzi-errekurtsoa jartzen ahal dela, eskumena duen ordena jurisdikzionalari zuzendua, honako hau jakinarazi eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2025eko urriaren 29an.–Enpresen Sustapenerako eta Azpiegituretako zuzendari nagusia, Iñigo Arruti Torre.

I. ERANSKINA.–ENERGIA ELEKTRIKOA GARRAIATZEKO ZIRKUITU BIKOITZEKO 220 kV-EKO "MURUARTE-ESTELLERRIA" AIREKO LINEAREN PROIEKTUKO GEHIGARRIAREN ALDAKETAK T-8 ETA T-12 ARTEKO, T-49 ETA T-52 ARTEKO ETA T-75 ETA "ESTELLERRIA" AZPIESTAZIOAREN ARTEKO TARTEETAN UKITUTAKO ONDASUNEN ETA ESKUBIDEEN ZERRENDA, PROIEKTUAREN ONURA PUBLIKOA ZEHAZKI DEKLARATZEKO

Iragarkiaren kodea: F2514187